- قصائد في رحاب الإمام محمد الجواد عليه السلام

*للجواد ع*

نلطم عالجواد وبالحزن نبدي
ونحيي الذكرى جينه نعزي المهدي
*****************
على باب المراد أنا أطلب امرادي
وحاجاتي ثقيلة وطايح بوادي
آياابن الرضا وريحانة الهادي
تسمع حاجتي من قلبي تنادي
جيت إلكم أجدد موثقي وعهدي
ونحيي الذكرى جينه نعزي المهدي
*****************

لبو جعفر عليل وجيت إله بمرضي
واعرفك باب لله تأمر وتقضي
أحس حبك يدق دقاته بنبضي
وعلى قطعت وتيني أنا إلك أمضي
بنين أموال لجلك سيدي أفدي
ونحيي الذكرى جينه نعزي المهدي
*****************

تقبل باامامي واقف ابابك
يقضاي الحوائج جيت طلابك
أشم نسمة ضريحك وامسح اترابك
سمك صابني ياريته ماصابك
وقبل چبدك يريته بچبدتي يسدي
ونحيي الذكرى جينه نعزي المهدي
*****************

ثلث تيام تتقلب على فراشك
وشوف العرش كله اتوضى وطافك
جبريل انتحب ظل يبچي من شافك
ورسول الله إجا ويم حضرتك وافك
من شفته صحت سموني ياجدي
ونحيي الذكرى جينه نعزي المهدي
****************

حضر يمك علي وآلام لوعاته
عاف النجف كله وعاف طبراته
والزهره البتوله اتشوف آهاته
مسحت بيدها ونشفت دمعاته
وبطور الحزين تنوح إله وتحدي
ونحيي الذكرى جينه نعزي المهدي
****************

قضى نحبه الإمام بين أجداده
وجتمعوا عليه أهله وأولاده
ابنه غسله وكفنه عالعاده
بس حسين ظل نايم بلا وساده
لا تغسيل لا تكفين إله يجدي
ونحيي الذكرى جينه نعزي المهدي
**************

ابو احمد الصالحي

*للجواد ع*

ودعنا الجواد… ...يم باب المراد
لو نفدي النحور نبقى إلكم نزور
يم باب المراد
----------------------

بالحزن صاح النجف والغاضريه
عالشباب إلي سقط بالكاظميه
نعلن افنون الحداد بهالرزيه
والحداد أصبح شعار الرافضيه
أعلنا الحداد… ...من باب الجواد
والمدمع يسيل آه للرحيل
يم باب المراد
---------------------

ياجواد اليمه إبن الميامين
شيعتك بترابك بدمهم مخضبين
مثل جدك ظل ثلاثه بغير تكفين
ثلث تيام إنت تتقلب بلا معين
ناديت الغريب… ...يحضر إله الحبيب
خل يطوي الفلا وين إبن الرضا
يم باب المراد
-----------------------

من وصل سبط الرضا وشاف العلامه
صاح يانبع المكارم والإمامه
اليوم ظلت بالحزن تبكي عمامه
راح ميزان الأبوه والشهامه
جيتك من بعيد… ...يابويه الشهيد
بالهم إعتنيت لكن اشلقيت؟
يم باب المراد
-------------------

غسليتك بيدي بويه وانت تدري
لكن ادموعي عالخدي بدت تجري
شفت ويه الماي چن حسين يسري
وزينب الحره تنادي خدري خدري
ظل دمعي يهل… ...بطلت الغسل
شديت الجروح شيصبر الروح؟
يم باب المراد
---------------------

شيعوا نعش الجواد بأجل هيبه
وبو اليمه حسين ظل جثه غريبه
مابقى واحد من العترة النجيبه
شافوا أنواع المحن وأعظم مصيبه
بنتك حيدره… ...تمشي ميسره
يالليل الظلام لاتروع الأيتام
يم باب المراد
---------------------
ابو احمد الصالحي

#الامل
#جديده
#الامام_الجواد_عليه_السلام


طاوعني الامل ابعدت كل خيبه عني
ابنك ياالرضا . لا ما يخيب ابد. ظني
جيت اخذ مراد. من باب الجواد
*******************
سامرني الحزن والحاجه اكلفت بالباري اعوذ
ما عندي امل جيت بلا عمل يم ابابك الوذ
اهاتي. ودمعاتي .يم بابك سئلنك ترد
حسراتي وناتي ..يالعطرك خجلت الورد
حكم الباري راد من باب الجواد
*************
ماتصعب ابد احجي بمعتقد. حاجات العباد
صفي اله القلب وابابه انتدب ياباب المراد
ميرجعك. يالوضعك. بذنوبك كاصدله بخجل
ايسمعك ..يالطبعك .. تريد الحاجه منه بعجل
حزن الكلب ساد. من باب الجواد

*******************
دماعتي انزلن.. بيك توسلن .ومرفوعات اديه
الحاجه مكلفه .. يبن المصطفى .لا تبخل عليه
اتوسل. وتذلل ..ابابك اسجدلك شكر
ماتقبل. شگدتزعل .لو حطيت بالي العذر

استقبلت الوفاد. من باب الجواد
***************
يا جرح العشگ. عد بابك ندگ طولت الغياب
جارعت الصبر. وحدك تنتظر .. يانبض الشباب
يسمونه. يتركونه وحده بلا ناصر يحتضر
يشوفونه. بعيونه .. صورة زينب ام الخدر

دم كربلا. عاد. .من باب الجواد
*************************
ما عنده ولي . ريتك ياعلي. تحضرله بعجل
ابنك وحده ... وجرحه مضهده دمعه دم نزل
يناديكم. يالبيكم .. تطوون الفلا ارض وسمه
واليكم .. متانيكم . خل تحضر وياكم فاطمه
يودع امه راد من باب الجواد
***********************
ابو احمد الصالحي
26. ذو القعده .1440هج

حميده علبوها طال الفراگ
صغيره ودللاها حگها تشتاگ

اجت ممشى للكوفه
تمنت بس تشوفه

طال الفراگ
*****
بويه طول الليل عيني ما غفت
انت شمعة دربي ياوسفه طفت
گومتي صعبه عليّ بعدك صفت
حتى تعرف بنتك بحبك وفت
يروحي و حبيبي وياهو الهاب
املنا بكل حياتي. والامل غاب
يكعبة حجي اطوفه
تمنت بس تشوفه
طال الفراگ
*
امشي وي عمي وجرح گلبي شيهيده
وجانت افكار التمر بيه عديده
عمي لمن اجا يسأل عن حميده
حطني بحضنه ومسح كل راسي بيده
يگلي يعمي. انا موجود
دمعتي عالخدي حفرت خدود
رجف كلبي بخوفه
تمنت بس تشوفه
طال الفراك
**********
كتله صح انت ابويه وعالراسي
بس يعمي بلا ابو هالزمن قاسي
عمي انا بذله شو گلي احساسي
هالعلامه. لليتم. معقوله ناسي
من تمرها. عالراسي. ايدك اتشير
يتيمه وابوها ماهو بخير
اظن غدرته الكوفه
تمنت بس تشوفه
طال الفراك
***********
صح خبر مفجع كسر گلبي بروعه
بس ردت اوصل وشمن ريح طوعه
من اجا الجيش وابويه اكمل ركوعه
قدمت للوالد بجفها دروعه
عالراسي ارد احطها ذيج الجفوف
يطوعه. بشجاعه خافت الخوف
بحزم شدت اجفوفه
تمنت بس تشوفه
طال الفراگ
*************
وصلت الكوفه لجن وصلت سبيه
مجتفه بحبل اليسر انا ورقيه
وبالخربه لن مره تسال عليه
وين بت مسلم حميده الهاشميه
يعمه انا طوعه وافتخر بيج
امانه ابلغج بيها اوصيج
الماتم لا تعوفه
تمنت بس تشوفه
طال الفراگ
-----------------------------------------------
سولفي يگلولي الكوفه جبيره
ابوي مسلم وحده يعمه حيره
لا تخافي عمتج طوعه نصيره
لو جنت زلم لذب ديره عالديره
شسوي وانا حرمه بين الرجال
وشوفن ابو طاهر خاض الانزال
اهلهل جرحه اروفه
تمنت بس تشوفه
طال الفراگ
***************
ابو احمد الصالحي

انتظار

خل تشهد انجوم السما

انتظار
مسلم بأسم حامي الحمه

اواقعه وشايل واقعه
والجيش انصت مسمعه
*************************
هالله هالله اشلون حمله من حمل
ذكر الكوفه بعلي بيوم الجمل
جل بريق بسيفه لو صال وزعل
تحس ظربته تصيح ياخير العمل

انتباه
هذا مو مسلم علي
انتباه
بسيفه يولينه ولي
خل ننهزم للمشرعه
والجيش انصت مسمعه
**************************
سيفه هلهله وغدا يهلهله جيش
صاح ياگوم الكفر تشردون ليش
انا بعد حسين ما يحلالي عيش
وانتو ليزيد النفس بعتوه بيش
ارتجال
خل يلاقيني العدوا
ارتجال
موت يم سيفي ابعدوا

الظربه ظربه قاطعه
الجيش انصت مسمعه
*****************************
حملة الكرار بيه تمثلت
والشمس من شفته منه اختفت
الجيش هابت صولته بسيفه رتوت
وطوعه صاحت ياعلينا وهلهلت

ناده الگوم
وجنه مجبل عالعرس
ناده الگوم
والله لخلسكم خلس

الشمس وجهه ساطعه
والجيش انصت مسمعه
************************
صال بيها والكفر يطلب عدد
وهو نادى بسيفه ياحيدر مدد
تحس رقاب الجيش تطاير بدد
هذا وعدي ياعلي اوفي الوعد
يارباه
هذا عهدي تقبله
يارباه
ريتني احضر كربلا
بيدي اجيب المشرعه
والجيش انصت مسمعه
**************************
تجمعت اربع فرق ترميه غدر
بالنبل بسهام بنار وحجر
للخيانه تجمعو جيش الكفر
ننهزم جدامه ويوگع بالحفر
اه اه
من وكع دمه ونزف
اه اه
بعين صد عالنجف
حيدر احضر مصرعه
والجيش انصت مسمعه
***************************
من حمائل سيفه ينقاد الفحل
ودمع من عينه على خده نزل
انت تبكي عادي لو مثلك حصل
مو لاجل نفسي لجن لجل الاهل
صاح حسين
نقضت الكوفة العهد
صاح حسين
وبايعت طاغي البلد
وبيها صار موادعه
والجيش انصت مسمعه
***********************
ابو احمد الصالحي

الامام الباقر ع

طفلٌ رأى.. في كربلا. . ذاك البلاء.. لمن سرى
لمن رأى سبط النبي فوق الثرى
نادى ودمع العين عالخد جرى
أين الدُجى في كربلا؟ صاح الملا في كربلا
*******************

إنت ياروح النبوه ومنبع العتره النجيبه
شاهدت مولاي عينك أبشع افنون المصيبه
جثة حسين على ذيك الغبره مطروحه وسليبه
وعمتك زينب خذوها عالهزل تمشي غريبه
عين رأت.. من شاهدت.. دمع غدت.. من دم بكت
من شاهدت ذاك الفعل بين الملا
نادى ودمع العين عالخد جرى
أين الهدى في كربلا؟ صاح الملا في كربلا
********************

كعبة الباري يباقر بالعلم تنشر صفاتك
إنت مدرسة الأئمه تميزت فترة حياتك
بالعلم صرت القياده وبفنونه تذوب ذاتك
والورع ميزه خذتها عابد لله بصلاتك
علم بحر.. شق وبقر.. فنون الخبر.. درسه انتصر
علم عبادة حيدر فرع التقى
نادى ودمع العين عالخد جرى
هذا التقى في كربلا صاح الملا في كربلا
★★★★★★★★★★★

إنت شاهدت المصيبه سيدي لمن سبوها
عمتك زينب سبيه وبالسياط يلوعوها
لو بقى طفل يضربه ولو سكت يشتم أبوها
مارعوا حرمة محمد والمبادئ ضيعوها
طفل بكى.. سوط علا.. جسم بقى .. فوق الثرى
لا تضربُ ثغرَ الحسينِ بالخنا
نادى ودمعُ العينِ عالخدِ جرى
نحي العصا في كربلا صاح َ الملا في كربلا
★★★★★★★★★★

وبعد موقف إنقلنه وعندك علم ودرايه
عمك ساقط العباس ويمه الجود والرايه
بعينك شاهدت زينب تلوج وتنتظر مايه
لمن آيست منه گصدت للمسنَّايه
شافت گمر.. يم النهر.. مگطع وذر.. ومنها إعتذر
صاحت وهز صوتُها عرش السما
نادى ودمع العين عالخد جرى
زينب هنا في كربلا صاح الملا في كربلا
★★★★★★★★★★★

هذي مدرسة الأخوه والشهامه بيها تسري
خويه من تروح عني يعني زينب راح خدري
إنت ياخويه كفلتني وگتلي عهدي وهذا صدري
لكن اعذرتك يخويه تحملت وبضيم صبري
صبر ياخي.. بلايه ولي.. أدري اليجي.. يسأل علي
أمشي وراسك سيدي فوق القنا
نادى ودمع العين عالخد جرى
آيه قرا في كربلا صاح الملا في كربلا
★★★★★★★★★★★
ابو احمد الصالحي

اللهم لبيك عند الحسين
ذنوبي ما بين اديك عند الحسين

يارب اشفعنه.. عرفنه بالجنه
عند الحسين
**************

الحضر بالكعبه الله شرفه
بيت بيه أملاك ربك تتحفه
هي نفس الساحه بيها وموقفه
تفوز لو عند الحسين بعرفه

اللهم أناجيك .. عند الحسين
يارب أفتخر بيك… عند الحسين
ربي اغفر النه.. عرفنه بالجنه
عند الحسين
***************

الحاج بين الصفا والمروه يطوف
بين الحسين وأخيه احنا زحوف
الأعمى في زمزم غسل وجه يشوف
زمزمي بالعلقمي وذيج الجفوف

بس طهّر النيه.. عند الحسين
كل حاجة مگضيه.. عند الحسين وحسين يجمعنه.. عرفنه بالجنه
عند الحسين
*************

هي دمعة حاج تنظر للسماء
وهي لوعة منفطر بساحة منى
أنا أحس كل الضجيج بكربلاء
المنى تل الزينبي ومنه النداء

يالزاير ادعيلي.. عند الحسين
والله انكسر حيلي .. عند الحسين
ودموعي تحرقنا .. وعرفنه بالجنه
عند الحسين
************

تدري حاج الله يطوف بيته الأكبر
ويدعوا للباري ودمعاته تفطر
وآنه أطوفن ساعه أمشي وساعه أعثر
بين أبو السجاد أطوفن والمشكر
من أوصل الحضره.. عند الحسين
أسمع نعي الزهره.. عند الحسين
تدعيلي بونه.. عرفنه بالجنه
عند الحسين
**************

المهد نفس المهد بس يفرق قليل
بين نبي اسماعيل وعبدالله القتيل
ذاك ﻷجل الماي نادى يالجليل
وهذا لجل الماي ظل دمه يسيل

جفينه مرتفعه.. عند الحسين
والباري يسمعه.. عند الحسين
وبدمه اتحنه.. عرفنه بالجنه
عند الحسين
*************

كلمات أبو أحمد الصالحي

*لعيد الغدير*

بلغ يارسول…… ...... بعلي فحل الفحول
أفراح أفراح من عيد الغدير تهل سمانه
كل يوم ينعاد وأملاك السما فرحت ويانه
*************
فرحانه السما والملك كبر
الله على الخلق هاليوم قرر
بلغ يارسول الله أمر
الخلافة ما تصح إلا لحيدر
محتاره العقول……....بعلي فحل الفحول
أمجاد أمجاد تكمل حكمته بحيدر لوانه
كل يوم تنعاد وأملاك السما فرحت ويانه
****************

نزل جبريل حامل هالعلامه
وعلى طه النبي بلغ سلامه
وقف رتل النبي ونادى عمامه
علي لازم ينصب بالإمامه
أمر بالنزول………. بعلي فحل الفحول
شال شال إيده وبلغ القول بأمانه
كل يوم تنعاد وأملاك السما فرحت ويانه
**************

رفع چف حيدره وسلمه الرايه
وبحيدر علي وصى وصايه
قامو إله الصحابه وبدرايه
بخٍ بخٍ حيدره يانعم الولايه
يازوج البتول……....بعلي فحل الفحول
مبروك مبروك ويشوف بوجهم هالخيانه
كل يوم ينعاد وأملاك السمه فرحت ويانه
*************

مثل ما بايعوا نقضوا البيعه
بس شيعة علي حيدر تطيعه
اليوم للمرتضى نجدد البيعه
نهجكم لو مذابح مانبيعه
وصانه الرسول….......بعلي فحل الفحول
قال قال كتاب الله هو ترجمانه
كل يوم ينعاد وأملاك السما فرحت ويانه
*****************

علي غلطان كلمن قال رابع
علي الأول علي الآخر علي القالع
علي الميزان بالحكم العدل قاطع
هم شفتوا علي بالمعركه راجع
من أمدح شگول؟..........بعلي فحل الفحول
نار نار سيفه ويشهدله ميدانه
كل يوم ينعاد وأملاك السما فرحت ويانه
**************

كلمات أبو أحمد الصالحي

قصايد محرم الحرام من يوم واحد الى يوم 15 👇👇👇👇👇👇

#جديدة_الحمد_لله
#ابو_احمد_الصالحي

الحمد لله والشكر بقيتني
خفت اموتن وانت مارويتني
يرتوي منك ضماي
من اشوفك انت جاي
خفت اموتن وانت مارويتني
######################
امنياتي وي المحب كلش بعيده
انت بيت احزاني وبيت القصيده
انت نبضات الكلب لحضه لو عفته صعب
احس كلبي يصيح كل نبضه اريده
منتظر يومك تجي ترويني
ودمي صدري لجل صدر حسيني
انت لعويناتي ماي.. من اشوفك انت جاي
خفت اموتن وانت مارويتني
#######################
روحي عاشت عالامل وعله الاماني
حتى لو بالكبر هم اكعد وتاني
منتظر جيت الحبيب والفرج هو الطبيب
انت اول عشك عندي بلايه ثاني
من ادك صدري احس يبجي العرش
حسين عشكي وبمحرم انتعش
بالنفس تمشي معاي. من اشوفك انت جاي
خاف اموتن وانت مارويتني
#######################
ايست منك كلت متعود اليه
خفت هذا اخر محرم مر عليه
ماشبع صدري لطم… خاف منك انفطم
انت نبضات الوريد التجري بيه
اذا موش بمجلسك تلكيني
ذله عمري وين ما توديني
لفكر عقلي انت راي. من اشوفك انت جاي
خفت اموتن وانت مارويتني
#######################
غبت عني سنه ومنتظرك تجي
جفت عيوني واريد اشبع بچي
كلبي قاسي ومايحن .. بمجلسك انعى واون
بلا محرم وين اكو ونه بشجي

ارأف بحالي وتعال اشكيك همي
عايش بالوعه اذا مو انت يمي
فقط منك ارتواي من اشوفك انت جاي
خفت اموتن وانت مارويتني
#######################
هلال حزني من اشوفك بالسمه
تطلع بهيئة خدر لابس دمه
عيونك جروح المله وعطر جسمك كربلا
تلوج من شوفة هلالك فاطمه
مختنگ دمعي بمحرم ينهمل
اه يلوعة علي وذبح الطفل
وزينب دور فياي… من اشوفك انت جاي
خاف اموتن وانت مارويتني
####################
ابو احمد الصالحي
7ذو القعده /1440

#جديده_جسام_عوف_العرس
#على_الطور_التراثي


جسام عوف العرس. عمك عمك بلا ناصر
بالشمس نادى الشمس ..خليني اذكرك بأمس
عمك عمك بلا ناصر

#####################
يوليدي تد. ري عيوني تربي الك
بالدنيا عكب حسين يبني شلك
عودك لعد هاليوم من املك
عندي وصيه وبالوفه حملك
مرسول عندي الك. كاتب كاتب بخط ايده
جسام عوف العرس. .. خليني اذكرك بامس
عمك عمك بلا ناصر
#####################
السيف بيمينك والحرب موزمه
خليني اشيل الراس عد فاطمه
مو حنه احني اجفوفي اصبغ دمه
وخليها عيني بالدمع ساجمه
يوليدي زفة شرف. باجر باجر تواعدني
وتخطلي اعظم درس. خليني اذكرك بأمس
عمك عمك بلا ناصر
#####################
من طلع جاسم جالقيامه اطلعت
وبالخيمه رمله فرعت واندعت
ولن صوت من حسين عمه اسمعت
انت الوديعه كله عينه ادمعت

جسام وشطلعك. انت انت وصية الحسن
كل هيئته مقتبس… . خليني اذكرك بأمس
عمك عمك بلا ناصر
####################
الحرب عيدي وانا كدها الحرب
خل الحسن ياحسين بيها يطب
عالميمنه وعالميسره وعالكلب
ممنوع منهو الكال ماي الشرب

جسام للمشرعه رايح رايح ولاكوني
والجيش يحجي همس. .. خليني اذكرك بأمس
عمك عمك بلا ناصر
###################
انا ابرزت يامي بشرف هلهلي
طر المعسكر وبفخر معتلي
والجيش گالت كله هذا علي
اركابهم اينعت كلها الي
ونعاله عاقه الشبل. يعدله يعدله ولا ملتفت
والجيش عنده فلس .. خليني اذكرك بأمس
عمك عمك بلا ناصر
######################
ابو احمد الصالحي
14 /ذو القعده /1440هج

#جديده
#ياجرح_الافراگ
#العليله


ياجرح الافراگ . للغالي مشتاگ
جم صوره ارسملك نذر
لو طيفك بليلي يمر
للغالي مشتاگ

##################
مايعرف الفرگه الا. عايش الليل بسهر
ودعت قران الله. وشمسه ونجومه وگمر
طولت ياليل حزني لحضتك عندي شهر
القهر مني شگد تعلم من كثر بيه القهر


ياحسرة الليل. دمعاتي ترتيل
وكل لحضه احسبها عمر
لو طيفك بليلي يمر
للغالي مشتاگ
######################
حسبت ترجعلي بويه. ودعيتك مو صدگ
ما توقعت اليحبني عني لحضه يفترگ
انت تعشگني اعرفك يالصرت كعبة عشگ
مو سهوله تعوف خلك گلبه بالهم يحترگ

معقوله يمشون… وبيه يگطعون
وشواگي يالغالي جمر
لو طيفك بليلي يمر
للغالي مشتاگ
######################
يالغبت عني دخيلك خذت من عندي النفس
تدري من سافرت لسه بحلمك گليبي نحبس
نومتي اكلي وشرابي ونبض شريني نعكس
شنو عطشانين احسكم ليش جا ريجي يبس
گلبي يحس بيك… عطشان يدريك

يابويه حيل انا اعتذر
لو طيفك بليلي يمر
للغالي مشتاگ
#######################
توسلت بغراب دهري. روح لديار الغرب
وصل الهم ذكرياتي . واخذ شريان الگلب
بوسلي بخدها رقيه. گبل لا تحجي وتطب
اختي مشتاگه لحجيها افراگها كلش صعب

ياگرة العين. عمرج گضه وين
وگليلي صرتي بيا كتر
لو طيفك بليلي يمر
للغالي مشتاگ
****
ياسهم جرحي شيحملك راس ابوي عالرمح
تنذبح يعني قبلتي البسمله وفرض الصبح
عالثرى مو دم تناثر ايه ايه التنذبح
و الكواكب يمه خمسه. وبالگمر اغمگ جرح
عمي العباس .. جثه بلا راس
والصبر يطلب ظل صبر
لوطيفك بليلي يمر
للغالي مشتاگ
***************
ابو احمد الصالحي
19/تموز/2019م

خدمت حسين اوفي الدين
فداني بدم نحر طفله
*************************
انصحك من تجي لحسين اخلص ويه محبوبك
خلك يوسف بسجنه وانظر حال يعقوبك
عوف القال عوف القيل بس لحسين محسوبك
باجر بالحشر يوگف وياخذ بيده مكتوبك
شفيع الناس. بقى بلا راس
وراسه عله الرمح يعله
فداني بدم نحر طفله
************************
تدري من تدك صدرك لجل حسين بالمجلس
باجر عالصراط اتجوز وابتعبه ابد ما تحس
اعرف جوهر احسينك مثل ماميزه فطرس
لا تگعد ابد مرتاح. وعله صدره الشمر يجلس
الامل منحور. …… بظهر عاشور
ويساره عله الهزل اهله
فداني بدم نحر طفله
*******************
الشعائر كعبة العشاگ تقدسها وتكرمها
ما يگدر الف شامت يمنعها ويحرمها
من دك راسي ويسل الدم لجل زينب جرى دمها
عله الناگه تون وتصيح بس الباري يعلمها

شكثر حساد. يحرم راد
الشعائر ابد مو سهله
فداني بدم نحر طفله
*****************
الما عايش محرم ليش يحجي وينتقص بيه
الما حس بلهيب النار ما يعرف المچويه
والعنده عرض معقوله. مايفهم المسبيه
حرمه ابين نص ديوان . بين اجلاف ال ميه
تطب ديوان. بلا وليان
ماصارت ابد قبله
فداني بدم نحر طفله
*************************
جسمه عله الارض مطروح. وراسه عالرمح عالي
هذا العشگ هذا حسين فقط هو السكن بالي
فداني بمنحره المگطوع. ودمه الينزف گبالي
اشك راسي وادگ صدري ودمعتي بعيني اتلالي
دموع العين. عله الوجنين
وبس بمجلسه تحله
فداني بدم نحر طفله
*********************
تمت
ابو احمد الصالحي
7ذو الحجه 1440هج

هاي الخدامه يالجنت تنتظر
كعبة صبر زينب وتطلب صبر
رايات الحزن رفرفت ..شمعه بمحرم ونطفت
ياعلي ياعلي
**********
من ادك ايدي عالصدري جن ادك بالجنه رايه شهالكرامه
الما خدم سبط الرساله ما فهم معنى النبوه بالخدامه
صفي نيتك للخدم . . وحمل بجفك علم
باجر بيوم الحشر . . الفوز بس للي الطم

اقرأ حزين وبالطم انتحب
وخلي اهاتك تطلع من الكلب
لحسين دمعتك صفت. شمعة بمحرم ونطفت
ياعلي. ياعلي
**************
من طلع قران ربك والهوادج سوره سوره
تمشي ترتيل
لكربلا ابدأ رحيله والگمر نور لدربهم. بظلمة الليل
من وصل لارض القدس .. كربلا افنون ودرس
سيوفهم لجل الخدر. بالخيم زينب شمس
اول شهيد الكوفه مسلم صمد
يحمل سفارة قلهو الله احد
نبض النفوس توقفت شمعه بمحرم ونطفت
ياعلي. ياعلي
**************
راية الطف بيد كافل نار كبره وما يجامل بگطعة الراس
المشرعة تترجه هدنه توقعت كرار نازل باسم عباس
علي الاكبر معتلي وجهة كالبدر الجلي اثنينهم طبوا سوه الگمر والاكبر علي
والشريعه هدنه تطلب اجل
هذا ملك الموت بالطف نزل
ايد الانصار اتكاتفت .. شمعه بمحرم ونطفت
ياعلي ياعلي
****************
تقاسموا واليد وحده وگفوا اباب المخيم
والقدر صار
حسين بس يتنوعلهم ذوله منهو بالمعاره
احنه الانصار
حاصروا عمر شمر. وطلعت انجوم الظهر
وفاضت المشرعه من دم والصبر يطلب صبر
والقياده ظلت ادور مفر
ويبست ارياگ الشريعه من النهر
والعدو بالحضه وخفت شمعه بمحرم ونطفت
ياعلي ياعلي
*************
انجوم وبهيئة ملائك سبعطعش دمعه اتبدت عله شريعه
هذا منحور بوريده وذاك مصيوب عالعينه
وجف گطيعه
بسهم عبد الله انفطم چفوف متگطعة وعلم
وجاسم بدمه تحنه. حسين نحره انصبغ دم
تفايضت روس الهواشم من دمه
واجت من ارض المدينه فاطمه
حواء لفاطمة اصطفت. شمعه بمحرم ونطفت
ياعلي ياعلي
****************
تمت
ابو احمد الصالحي
٥ ذو الحجة المحرم ١٤٤٠هج

#جديده
#هوس_العباس

هوس العباس من شال الوه
المشرعه ورجالها ماتن سوه
**********************
هوس العباس والطف انفتح
من دبج جيش الشمر كله انمسح
الصار جدام الگمر يعني انذبح
والشرد من لهبة اعيونه انچوه
المشرعه ورجالها ماتن سوه
*****************
من الشريعه هوسته لطرف الخيم
وزينب اتگله اعد يابو الشيم
ارد اشوف المشرعه تگلبها دم
والشمس منه استحت غاب الضوه
المشرعه ورجالها ماتن سوه
****************
من المخيم للنهر دمهم فرش
ويبست ارياگ الشريعه من العطش
فرهم بگد الايمه اربعطعش
وسيفه كل فره بالف راس ارتوه
المشرعه ورجالها ماتن سوه
*******************
عطوه ظل الموت يطلب مايجد
عجز عزرائيل بالطف شيعد
السيف مايبرد اذا بالدم يحد
شكثر مايگطع بشر اكثر قوه
المشرعه ورجالها ماتن سوه
*********************
وصل يم العلگمي وگله اعترف
الگمر انا شلون ضيعت العرف
الماي شاهد خزرته وظل يرتجف
يدري هو الماي لجروحه دوه
المشرعه ورجالها ماتن سوه
***********************
بيده شال الماي گله اسمعني زين
راح اجرك گوه لخيام الحسين
واخذ مني اجفوف اديه واخذ عين
والعمود براسي بالغفله هوه
المشرعه ورجالها ماتن سوه
***********************
ابو احمد الصالحي
11ذو الحجه1440هج

حطو حمايه عالشمر لازم
هذا محمد لو علي القادم
هذا النبي طه. بأوصافه يتباهه
هذا محمد لو علي القادم
***********
الشمر گومه للحرب صفها والاكبر بچفه گلب طفها
الرايه بعناق الكفر رفها وبيمينه شمس الباري يخطفها
گالو علي النازل لا هذا ابو فاضل
عباس اشجع كل بني هاشم
هذا محمد لو علي القادم
************
ما ميزوا والگوم ذلاها بس الجثث بالگاع خلاها
وراية شمر ليزيد وداها والمعركه بس دمه سواها

گالوا نزل حيدر. كلهم علي الاكبر
بيميني سيف المرتضئ الحاسم
هذا محمد لو علي القادم
********************
طب للحرب بركان وتفجر والجيش من صولة علي اطشر
جدي علي وانا علي الاكبر والمعركه يدخله بس قسور
حيدري وحسيني. فنه اليلاگيني
انا شبيه المصطفى الهاجم
هذا محمد لو علي القادم
*******************
ليلى بخيمها تشاهد لحاله. حيدر علي بحملاته وافعاله
نور الله كله بطلعت اهلاله بيوسف جماله واگف اكباله
دخلت لخيمتها. وذبت عبايتها
سمعت برزله بكر بن غانم
هذا محمد لو علي القادم
*******************
ياراد يوسف صاحت ترده عگب الولد ياكلبي شعنده
الجيش ملتم بس علي وحده سالم رجع دمعه عله خده
يرعد بنوماسه. بيده لبكر راسه
من كل عبأ ابنج رجع سالم
هذا محمد لو علي القادم
*************-*******
تمت ابو احمد الصالحي
13 ذو الحجه 1440

#جديده
#صلاة_الفرگه
#العليله

صلاة الفرگه صليت. نويتك ترد للبيت
گمت اركع وگولن يالرحت وين
ياكعبه لصلاتي بويه ياحسين
**

وضوئي جدديته بالدمع والك كل مغربيه انا ااستمع
من اكومن لازمه بيدي الظلع اطيحن بالهوه لو يندفع
اذا مرني هوه الهاب. انشده عن الاحباب
واگله يكتل افراگ العزيزين
ياكعبه لصلاتي بويه يحسين
************
عقدت النيه كبرت الصلاه عفت الكعبه درت الكربلا
يبويه ارجع قنوتي بالدعاء سجودي جان مأتم من عزاء
دعيت الله ويردون وشوفن نور العيون
اخاف من البواجي تنعمي العين
ياكعبه لصلاتي بويه ياحسين
****************
حبيبي من بعد حيلي انهدم وبكيت بلا نفس بس الالم
الزمت ابأيدي قرطاس وقلم رساله اكتب لعد راعي العلم
گلت ترجعلي بالحال انتظرتك والوعد طال
يعمي واعدتني ترد يومين
ياكعبه لصلاتي بويه يحسين
************
انتظرتك والامل بيه انذبح وبعدك ابد ما مرني الفرح
خيالي والهجر بيه سرح. حتى الهوه شگد كلبي جرح.
رجع من بعد الافراگ. اكيد لبنته مشتاگ
اه وكربلا طلعتلي منين
ياكعبه لصلاتي بويه يحسين
************************
بقيت انظر تردولي بعجل… عالله صار فكري وعالامل
زماني بهلي ماادري شعمل ولا طارش يخبرني شحصل
بگيت انظر للضعون. وكولن يمته يلفون
اعشكك واليحب ينتظرك اسنين
صرت كعبه لصلاتي بويه يحسين
**********************
تمت ابو احمد الصالحي

#جديده
#عباس_خيمتنه_بخطر


عباس. عباس. خيمتنا بخطر من اخته اعتذر . كاصد لنهر
عباس .عباس . ميخاف القدر . ميهمه البشر. كاصد لنهر
وين اشوفك مختلف
خاف كمرنا ينخسف
#####################
برز والرايه بيده. مثل عوده الصميده
اجا يقبل عضيده .. يكله الماي اريده
عطشان عطشان. عبد الله بخطر . جبده كالصخر. كاصد لنهر
بالحال. بالحال.. من الخيمه زئر ..وتعاله بفخر. كاصد لنهر

صال. ويمنته تختطف
خاف. كمرنا ينخسف
#####################
الصبر زلزل كيانه وگف غيره بمكانه
برز قائد لوانه وبدت ترجف سمانه
والناس والناس. تاهت بالمفر . حاصرها الكمر . كاصد لنهر
يدرون. يدرون .. سل سيفه بسقر . والموت انتظر. كاصد لنهر

ليش شجاها ترتجف
خاف كمرنا ينخسف
#####################
وگف يم الشريعه. ورمه جفوفه گطيعه
يكله دمي ابيعه ..للحسين ورضيعه
والماي والماي ذبه كلدرر . ضامي واعتذر. كاصد لنهر
بخيام. بخيام. عبد الله استعر .. وبعمه ابتشر… كاصد لنهر

ماي رماها وذبله جف
خاف گمرنا ينخسف
#####################
نزل شيخ المعاره رمه غاره عله غاره
بگه العسكر حياره علي هذا بفقاره
والموت والموت خطاله سطر حدي ويالگمر. كاصد لنهر
عزريل عزريل من شافه اصطبر . بعباس انجبر. كاصد لنهر

جيش بهزمته يعترف
خاف كمرنا ينخسف
#####################
رجع لخيم عياله برق وجه بجماله
غدر بالطف دناله گطع يمنه وشماله
والراس الراس من عنده انطبر .. ياوسفه انغدر .. كاصد لنهر
من طاح. من طاح .والدم نحدر. تفايض عالنحر. كاصد لنهر
ااخ كفيلي ياوسف
خاف كمرنا ينخسف
#####################
تمت ابو احمد الصالحي

موشح للمسير


حمل اضعون الهواشم لسفر
وزينب تنخت بعباس الگمر
****************
اليوم من ارض الوطن سار الضعن
والعلاوي ويه ابو اليمه اطلعن
للعليله بالدموع وتوادعن
وزينب بخيمتها ظلت تنتظر
-*****************
تنتظر كافلها ينشر رايته
بيدها عباس ايحط يمنته
ما تگوم الحره الا بصايته
هو كافله وهو حامي الخدر
*******************
حسين دز شبله يگوم عمته
مارضت زينب تگوم بأمرته
واحد واحد يروح وردته
الحره زينب تريد كافلها يحضر
*****************
صاح ابو السجاد عباس الابي
روح شوف مخدرة بنت النبي
انا بو افاضل دگومي بشاربي
الا اجيب الج فده لجدمج نهر
********************
طلعت وعباس يحدي بالعلم
هذي زينب طئطئت كل الزلم
بس ابو فاضل صدگ الها ولم
هو حاميه اذا صار الخطر
*************************
طلع هودجها ونوه يشد المسير
والاميره لازم تگوم بامير
زينها استبرق وسندس حرير
ورايته خيمه عالهودجها ستر
*******************
من الگمر خل نفتهم اعظم درس
رايته يحطها عالخيته من الشمس
الحشد عادو كرة اليوم بامس
ظربوا افعال الشرف للي غدر
********************
ابو احمد الصالحي

#ام_البنين_توصي_العباس
1440ه

يالگمر دگيت صدرك بالوعد
لا ترد وحسين ميت لا ترد
#####################
يمه لو رحت وي خوك لكربلا
انت درع الله وامين العايله
ترى زينب بنت علي مدلله
وباجر ظعون الفواطم من تشد
#####################
اسمع وافهم يثمرة روحي زين
انت اصلا من صرت لجل الحسين
عالشريعه انطي لزهره جفين
وفدوه عينك بالسهم خالتنمرد
#######################
المهم يرضى حسين عنا ويقبلك
ولا تقله يااخي لو يسئلك
انت غير حسين بالدنيا شلك
خل تگول الناس هذا افضل ولد
#####################
يمه عينك عالخدر زين انتبه
هاي زينب بت علي لا تشتبه
خلها عني تگول يانعم الربه
ربتك عباس تربات الاسد
######################
يمه تدري للخدر انت الكفيل
وهاي زينب بنت حامي الدخيل
لا تخلي الهودج من الهوه يميل
للكفاله دگلي صدرك مستعد
#####################
لو وصلت المشرعه وشلت العذب
لا تشربه قبل محبوب الگلب
الماي قبل حسين ممنوع الشرب
الجود بيدك شيله وللعايله رد
#####################
نعم يمه ان شاء الله اوفي وياج
وراح خل الناس كل تحجي برباج
دك ثلاث مرات صدره يمه هاج
وعدي هذا والنهر بيه شهد
###################
ابو احمد الصالحي