مرحبا أستاذ شلونك ان شاء الله تكون بخير 🥹💓
أستاذ جان اليوم امتحنا احنا الأدبي انكليزي الحمد لله جاوبت هذا كله بفضلك وفضل رب العالمين وطول عمري مراح انسى هاي وكفتك ويانا ربي يخليك 🤍

تجربة ححلوة وممتعةة ++ أححب أشكرك أنتَ لأن بفضل الله ثم أنتَ اني عرفت شلون أقرأ الأنكليزي وخلصت منه الحمدلله والله صارلي سنتين بالسادس وحاير بالأنكليزي الحمدلله كدرت أختار الشيء الصح. + اني قريت عليك القواعد والأملاء وكلشي وماننسئ فضل السوبرمانية الملزمة الخرافية الي أختصرت هواي أشياء شكراً أستاذذذذذذ.
LOST OF LOVE.
Diya.

طبعا شكد شايف شرفاء مثلك ماشايف الله يحفظك ويطول بعمرك وينطيك الصحه والعافيه لو ماانت اني اليوم اصفر

استاذ والله بصراحة اني صار سنتين معتمد عليك والاعتماد ع الله لكن انت وسيلة .العام انت ناشر مراجعة مركزة جميع قواعد وجميع اسقاطات حته اذكر نشرتها بالانستا وصممت عليها مال بيش يبيعونها ازرب بالسوك😂😂😂 اعتذر عن هاي المفردة. بس هاي السنة مغير الوصف المهم
وذيج السنة اني اجلت اسلامية لان جان معدلي 69
وهاي السنة كل شخص اعرفه دزيتلك محاضراتك لان والله بس عليك افهم الانكليزي وحته اكو كلمات ماحفظتهن ورقة وقلم حفظتهن من طريقة حجيك الله يوفقك واحس هاي الكلمة قليلة بحقك الله يرزقك من اوسع ابوابه شكرا ع كلشي❤️

احلى تجربةة وختامها مسك ويا افضل استاذ ، طول السنه ما عانيت من الانجليزي والحمد لله اليوم جاوبت اليوم
شكراً الك هواييي هواييي ما قصرت ربي يحفظك ويوفقك وتكون بأعلى المراتب

استاذ والله ماشاء الله على شرحك حليت القواعد والادب والقطعه والاملاء بس الانشاء دك ناقصه وخليت واجلت وان شاء الله دور الثاني وياك

استاذ هارون يعني العلم يعني البطل يعني شكو كلمة قليلة بحقك شنو الانكليزي مسوي مثل قراءة مال اول ابتدائي بحيث ما مخليلة قيمة وعلي افضل مدرس شكد قارية ع مدرسين مثلك ما شفت أبد ابد والحمدلله امتحنت دور اول وان شاء الله ٩٠ ومو معناها ماكدر لل ١٠٠ بس اسقاطات غدرني والا انت ما قصرت أبد 🩵
شكرا من القلب الى القلب

استاذ صدقًا الله يوفقك دنيا واخره ، من بداية السنه للان اني ادرس عليك شكد جربت مدرسين انكليزي يفهمون ويوصلون المعلومه بطريقه بسيطه ملكيت غيرك انتَ استاذ شريف ماعرف شحجي قليل بحقك اثناء المحاضرات انتَ جنت تكول هذا مهم هذا يمكن يجي وهذا ميجي وفعلًا للدراس والحافظ كُلش زين وشايف المحاضرات حيفهم مقصدي على العموم الله يوفقك دنيا واخره ويحفضك للاجيال القادمه .

استاذ خالتي من دفعة ٢٤ بفضل الله وفضلك خذت ١٠٠ بالانكليزي وهسه هي طب واني خذيت ٩٧ وهماتين عليك بس عدت سنة وان شاءلله السنة هماتين درجة عالية
كل الشكر الك استاذنا المتألق دائما

استاذ الف رحمة على اهلك والله يوفقك بحياتك ويارب من نجاح لنجاح
يعني اني ما معتمده بس على مراجعتك مال ٢٠٢٣ وبكل الامتحانات اقرا عليها وكله نجاح
شكرًا شكرًا وشكو مثال شرحتة بلـ فديو اجه نصًا ♥️♥️♥️.

اني طالب خارجي مواليد ٩٧ تارك الدراسة من ٢٠١٣ نجحت من الخامس وبسبب التهجير بعد مادرست المهم .. اني كلش احب الأنگليزي وعندي معنى قوي واكدر اترجم واساسي بهالمادة كلش قوي بس رغم هذا درست وياك وحبيت المادة اكثر واعتمدت ع ملاحظاتك ومراجعاتك .. بالتمهيدي جبت بيها ٨٥ رغم انو مادرست الانكليزي بس قبل الأمتحانات بكم يوم وبالوزاري حسبت درجتي ع الأجوبة النموذجية ان شاء الله توصل ٨٨ .. الله يوفقك ويرحم والديك وينطيك لحتى يرضيك 🩷🩷

والله ما اكول غير عاشت ايدك استاذ والله يطول عمرك ويحفظلك عائلتك ويديمك الهم، والامتحان جيد اكو بعض الاخطاء لكن الجواب جَيد وخاصة الاملاءات الي ما چنت دايرتلهن بال ومن شرحتهن انتَ حسيت هم وانزاح

رحت واني دارسه عليك
كابلتك بهل يومين اكثر مما كابلت اهلي بحيث حته وجهك حفظته وشون مدرج لحيتك وشلبست بهل فديو وياهو يلوك الك اكثر
وعرفت محمد وكرار وعركاتك وياهم
وبنص الامتحان بملزمتك لكيت كاتب
ام مصطفى عندها سكر
وكاثرين عندها سل
وانت عندك ثنينهم🤣🤣

فحطت من الضحك

والحمد لله جاوبت وان شاء الله تجي درجه زينه
كلش شكراا ع تعبك ويانه ربي يجعلها بميزان حسناتك ويبارك بعمرك 🤍🤍

الله شاهد وبدون مجاملة افضل مدرس للغة الانگليزي استاذ هارون الله يوفقك و يجازيك خير

عدت سنه علمود المعدل ودرست عليك بل سنتين الي مرت وشرحك بالقواعد جان كلشش حلو ومبسط ذيج السنه جبت ٩٣ أن شاءالله هاي السنه متقل عل ٩٨

استاذ بفضل الله والبحث لكيت قناتك ودرست على مقاطعك قبل الأمتحانات وراجعت وياك على اليوتيوب والملزمه والأدب الحمدلله اليوم رحت جاوبت وضامنه درجه عاليه الحمدلله والشكر ، احب اشكرك على المراجعه المركزه والمقاطع والتذكيرات ، واني من اشد المعجبين بحضرتك كونك متمكن باللغة وتشرح بضمير وحلمي ادخل كليه التربيه الانكليزية واصير مدرسه متمكنه مثل حضرتك
سادس ادبي ✨

اني مستواي فوق المتوسط بالأنكليزي و عندي ترجمة بس مع ذلك جنت أقرا عليك لأن تبسط المنهج فوك ما هو بسيط..الرحلة جانت ممكن تنختم بـ١٠٠ بفضل رب العالمين و محاضراتك لكن للأسف خطأت بنقطة بالأدب مالت الرادار ديتيكتورز جوابها سهل لكن أستعجلت و هم نقطة السؤال المنقول بالقواعد حليتها صح و من كملت أجيت أراجع مسحتها و رجعت حليتها خطأ..مدري ليش هيج صار ماكدر أتخطى الشعور من يوم الأمتحان لسه..بس نصيحة لكل طالب سادس و خصوصًا الأغلبية عندهم ضعف بالأنكليزي لا تتعبون نفسكم و أنتوا تدورون مدرسين حرفيًا هارون الأفضل و الـدرجة الكاملة مضمونة وياه.

الحمدلله كدرت اجاوب كل القواعد بفضلك كلشششش اشكركك الله يوفقك يارب 💙💙💙

تجربة لا بأس بها جيدة من ناحية أنو آخر مرة امتحنت انگليزي سادس واشكرك من كل گلبي لانو من بعد الله وتعبي انقذتني مراجعتك وچانت كلش مفيدة وندمت أنو ما عرفتك من بداية السنة ودرست عليك، شكرًا إلك 🤍✨.

قسم بالله الكريم من اروع المدرسين بحيث توصل لفكره بدون هوسه
أشجعك
وربي يوفقك ويرفعك الى اعلى المراتب❤️