استاذ والله التجربه عظيمه مثل ما انت عظيم ولا زلت عظيم وبسببك حبيت الإنكليزي وصار بالنسبه الي الماده المفضله وايضا بسبب صرت اعتبر الإنكليزي ماده تافه وجانت الاسئله تجنن باستثناء الاسقاطات +اخترصرها بقول شكرا من اعماق قلبي استاذ هارون العظيم

مو مهم التجرب والنتيجه بكد ما مهم انو نتشكرك عل هذا تعبك وسهرك وتحفيزك جان عندي يوم ونص وشايل هم دنيا كلها فوكاي رغم هذا كدرت اضمن درجه عاليه بسببك رغم جنت خايف حته ال ٥٠ ما اجيبها ماكول غير الله يوفقك ويسعدك بالدنيا والآخرة ويجعل عوضك اضعاف الي تعبته ويجعل قلبك ما تفارقه الراحه والسعادة 💛💛

يعني لوما انتَ ماادبرها

انتَ انسان محترم وراقي، شكرا على كل شيء قدمتة لطلابك شكرا على تعاملك وتعبك وحرصك المستمر، سهلت الإنكليزي الئ ابعد الحدود ولخصته بفتره الامتحان وتعرف تراعي وتمزج بين وقت الطالب والمادة شخص ذكي صراحتة، الله يوفقك في حياتك

الاسئله اليوم كلش حلوه متوسطة
وأنا درست عليك أستاذ المراجعة المركزه اعتمدت عليها وعلى الاشياء الي نشرتهم النه البارحة والحمد لله جاوبت
رغم هواي بنات اعتمدن على مرشحات واجلن بسب هذني المرشحات الأاني الحمدلله جاوبت بفضل الله وبفضل جهودك

الحمدلله والشكر بفظل الله وبفضلك استاذ اني سيطرت ع الانكليزي قبل لا امتحن ومن شفت الاسئله حسيت بثقه اكبر بالمراحعه ماقريت لا كتاب ولا ملزمه ولا شي بس فقك محاضرة ليله الامتحان مالتك .كفيت كل الكتاب بيه .الحمدلله . وطبعاً انته استاذ مختلف حرفياً عن البقيه واكثر شغله هاي الفترا انو انته ماترشح مثل بقيه واني اخذت بكلامك وماعتمدت على مرشحات مو بس بالانكليزي حته بقيه الامتحانات مو كل شخص يحجي كلام ويكون واثق من نفسه مثلك .ربي يحفضك👌🏻🤎

سهل امتحان الانكليزي جدا رحم الله والديك يعني الي قره عليك صراحه ياخذ٩٦ بسبب الاسقاطات بس اني لأن متميزين ف عندي معاني ومغلطت بيهم واول مره بحياتي امتحن انكليزي باسئله سهله جنت قبل اتمنى لوبس امتحن باسئله هيج والحمد الله سهله

اكثر شخص وكف ويانه بالايام الصعبه وماتركنه ولا لحظه وحده الله يوفقك بحياتك انشاءالله وينطيك الصحه والعافيه وانشاءالله نفرحك بنتائج مالتنه ونجازي تعبك وماقصرت ابد وتستاهل كل الخير والفرح + موو بس من ناحيه التدريس حتى نصائح وكلام حلو جنه نحتاج انسمعه والحمدالله رب العالمين عوضنه بيك ❤️✨

شرحك ألي يجنن أستاذي ♥️🩷 وأني كاعدة أحل القواعد أتذكر وأحلةة 👍🍯 وأدعيلك ب كل التوفيق بحياتك 💙🤍......

معدل كفيلك لعباس مقرر ا أجل قبل تجي الأمتحنات نوب كلت هارون نزل خلي ادرس عليه هيه 5ساعات درس ورحت وجاوبت 78 وانه كلشي ما دارس بأيام المراجعه

والله استاذ اني علمي
واعتمدت على مراجعتك الاخيرة (مراجعة ال 25)
اقسم بالله مراجعة راقية من استاذ راقي وللعلم اني معتمد عليك من السنة الي راحت وجنت اكتب وياك ورقة وقلم بس شاء الله ان اعيد السنة
وان شاء الله هاي السنة ضمنت النجاح والدرجة الزينة بسبب مراجعتك
احب اشكرك نيابة عن اخواني الطلاب على مجهودك الي جاي تبذله لخاطرنا وان شاء الله تلگاهن كدامك بميزان حسناتك
احب استاذ هارون الطيب 🤍

الحمدلله 🤍ومبدئيََا اشكرك على تعبك ويانه يعني ماادري كلشي اگوله قليل بحقك بس الله يوفقك ويحفظك ويحفظلك كل اللي تحبهم ويحققلك كلشي تريده ، چانت اسئلة العلمي نوعََا ما زينه ماحسيت بصعوبة بس اللي يريد مية أحس شويه صعبه عليه واني لازم اچفص مااگدر 😂😂 وحسبت درجتي بالثمانين والحمدلله راضية 💙

مبدئياً اني أجلتة
ولكن احب اشكرك جزيل الشكر
اسأل الله أن يوفقك ويجازيك كل خير ، حرفياً الحمد للّٰه على وجودك بهذا الإختصاص نعمة كبيرة مقدرة بالنسبة النة أن شاء الله وفي ميزان حسناتك على كل ثانيه اجتهدت بيه في سبيل تنفعنة ، إن شاءالله ربي يعوضك عن كل هذا الوقت بتحقيق أهدافك
رحمة الله على والديك...

انت عظيم والعظمة لله.
اني درست عليك بالستة الراحت دخلت وزاري وجنت ما فاتح الانكليزي وما اعرف عن، شنو يحجي تخيل يحجون بزيد طارق واني صافن لان ما اعرف شي اسمه زيد طارق لان مادة ما شايفه ودخلت، وزاري واجيت قريت عليك بس بليلة الامتحان وجبت 58 وهاي الدرجة مال واحد قرة المادة اول مرة بحياة وقبل الامتحان بس بكم ساعة ونجت دا تتخيل الاعجاز. فعدت سنة، بسبب المعدل
وهاي السنة قريت عليك من بداية السنة وحمدلله درجاتي كلها عالية بالانكليزي
وان شاءلله بالوزاري تجي درجتي الاستحقه وما يضيع تعبي وتعبك يارب
انصح الطلاب الضعيف بالانكليزي والقوي يعتمد على الله وعليك
شكرا استاذ هارون 🤍✨

طبعاً استاذ هارون من افضل واحسن المدرسين الي درست عليهم فعلاً يشرح بدقه واخلاص ومن اول شرح حفظت عليه ماكو هيج مدرس عملاق والله اسميك مهكر الانگليزي الًيَوُمًِ احل واني فرحانه لأنو كله ع شرحك حافظه وشكراً الك استاذ وشكراً لجهودك المبذوله وتعبك وماعفتنه ونسيتنه اسأل اللّـہ̣̥ ان يوفقك بكل حياتك ويرزقك من اوسع ابوابه🤍🌸

الحمدلله بفضلك جاوبت
بالتمهيدي جبت ٩١ عليك
واليوم صح يمكن اقل بس حمدلله جاوبت
لان مسويه دفاتر كاتبه بيها كل محاضراتك

استاذ اني العام جنت اعاني من الإنكليزي نصحوني بنات بيك وضليت اراقبك من الخامس من طلعت إعفاء عام درست عليك بالبداية وجبت درجات عالية بالمدرسة مالتي بعدين انقلت ولحسن حظي صرت طالبتك والف الحمدلله انت كلش بسطت المادة أكثر واكثر وصرت زينة بالانكليزي قبل ما ادرس عليك جنت اخاف من شي اسمه امتحان انكليزي وقبل لا امشي وياك شي والحمدلله البارحه ابد مخفت من الامتحان والله استاذ كلش كلش سهلة والفضل الك من بعد رب العالمين الحمدلله والشكر شكرا 🥹💫💫

نبمبررر وانننن الانقاذذذذ محاضره ليله لامتحانننن
والمراجعه السوبررر مانيههه عمي هسه شنكول وشكد ندعييي لكك عتعبككك عوگفتككك شكرا بكددد سكان العالم هنيال الدفعات الجايه. نتهت قصه السادس من صفحه النگليزي. بس ما تنتهي وياك باقين بالقناة نشوف استاذ هارون وهو يفلش الدنيه بدون تهويل وتعويل الله ينطيك بكد مانطيتنا واكثر 🥹

والله العظيم قريت عليك والحمد لله اجابتي زينه اشكرك من اعماق قلبي وحجيت لاصدقائي عنك بارك الله بيك وبجهودك💜

اجنن اجننن استاذ رحم الله والديك ان شاء الله يدخلون الجنه شرحك مال شرح حلقه قبل الامتحان اني ادبي اليوم اغلب الاسئله اجتِ منها والله استاذ فد فرحتتتت حيل والله صح العربي خذلني بس الانگليزي فرحني شكراً الك استاذ 😭😭😭😭😭😭😭😭😭😭😭💕