مثلما صارت حملة على دُخلاء الصيدلة
أتمنى تصير حملة على دخلاء التدريس.
لان "البعض" ما اكتفوا بالتدريس فقط، إنما بسرقة افكار ومصادرة جهود غيرهم من ذوي الاختصاص.

الفكر الأصلي لا يموت، حتى لو تُسرق الطرق

أني من النوع اللي يسهر، يخطط، يكتب، ويمسح، ويعيد،
لأن كل فكرة أنزلها، لازم تكون بيها “روح”، لازم الطالب من يسمعني يحسني دا أحچي وياه مو عليه.

بس اللي يوجّع مو التعب…
اللي يوجع ويؤلم لمن يجي مدرس، ياخذ الفكرة جاهزة، يزوّرها ويقدمها على أساس هي من عنده!

مو مرة… مرتين انسرقت منّي أفكار.
فكرة أولى تعبت عليها، وگضيت أيام أرتبها وأبنيها، وفكرة ثانية نزلتها بنص بيه حچّي وفلسفتي ولهجتي…
ويجي غيري ينزلها بالحرف تقريباً، ويكتب اسمه عليها!

تعرفون شنو؟
مو الغصة بالفكرة نفسها،
الغصة إنو غيرك يحصل تصفيق على شي انت بنيته بتعبك وضميرك.

أنا ما أشتغل حتى أزيد لايكات،
أنا أشتغل لأن أكو طالب يحلم، أكو واحد ضايع، وانا أريد أكون النور اللي يوصله.

أنا مو أستاذ أشرح وبس،
أنا واحد يعيش المادة، ينسجها من قلبه، ويقدمها بنَفَس فلسفي ولهجة قريبة للطالب.

فاللي يسرق فكرتي، يسمعني زين:
أخذت الشكل، بس ما تگدر تاخذ الروح.
قلّدت الحچّي، بس ما تگدر تعيشه.
جربت تسويها مثلي، بس حيطلع مجرد ظل، والظل دايمًا بارد… ما يدفّي.

أنا أكتب كل فكرة بيها وجع طالب، وابتسامة نجاح، وشخص يتنفس أمل.
شلون تسرق مني وانت ما مريت بطريق السهر، والقلق، والدعاء؟

أنا باقي، مو لأن أفكاري قوية،
بس لأن كل فكرة عندي بيها قصة، بيها دمعة، بيها تعب، وبيها طالب دعا من قلبه بعد ما فهم.

بالنهاية، احب أنصحكم
احترموا المهنة، احترموا تعب غيركم،
ولا تخافون من الإبداع…
خافوا من الوقت اللي الناس تكتشف بيه حقيقتكم.

🎀✨ جديد وحصري في مكتبة قلم وردي - Pink Pen! ✨🎀

💓📚 الملزمة:الانكليزي ٢٠٢٦
💓👨‍🏫 الأستاذ: –هارون احمد
💓🎒 المرحلة: –السادس الاعدادي

🚚 خدمة التوصيل متاحة لجميع المحافظات بسرعة وأمان! 🚀💖
⚠️ نوفر فقط النسخ الأصلية – لا نتعامل بغير ذلك! ✅📜

🎁 مفاجأة مميزة! مع كل طلب، هدية مجانية بانتظارك! 🎀💝

📩 للطلب والاستفسار:
🌸 التليغرام: @pinkpenn
🌸الهاتف:07714943251
🌸 الإنستغرام:pink.penn@

📚✨ قلم وردي – لأن التميز يبدأ من هنا! ✨📚

التربية: مطلع الأسبوع المقبل موعد توزيع نتائج السادس الإعدادي

رغم هاي جانت اصعب سنة بالنسبة الي، محد جان يعرف شگد عانيت بيها
بس والله الدرجات ترفع الرأس
واني دائما اگول
"خلي درجات الطلاب تسولف بمكانك"

شباب
بالنسبة للطلاب اللي ديسألون على دورة الدور الثاني؟

اولاً: الدورة مالتنا مو مراجعة فقط
الدروة شامله لكل حرف بالكتاب ومعا للـ١٠٠ ان شاء الله

ثانيا: المجموعة الأولى حنكمل اليونت الثاني

لذلك تقرر فتح مجموعة جديدة من الصفر ولحد نهاية الكتاب ويستمر التسجيل ٣ ايام.

الدورة تبلش يوم ٢٥ ان شاء الله

❕سعر الدورة : ٦٠ الف

🔸الحجز عن طريق المعرف :

@haroonEnglish

📝الملازم مجانية كاملة
📝امتحانات يومية وتراكمية
📝 خمس إنشاءات يتم شرحهم على طول فترة الدورة.
📝التركيز على الوزاري وغير الوزاري (كل كلمة بالكتاب تُشرح)


"لتضيع الفرصة وسجل حتى تضمن نجاحك بالإنكليزي" 🤍

الحمدلله استاذ 93 ، جنت اتمنى اجي ابشرك 100 جنت واعدتك الا 100 بس قدر الله والحمدلله على كل حال ، ربي يوفقك استاذ ويرحم والديك على كل الي دتقدمه في ميزان حسناتك ان شاء الله اتمنى تبقى محافظ على هاي الرصانة العلمية والهوية وتكون المحاضرة بشكل علمي بحت خالصه لله تعالى ومتحتوي على اغاني او انتروات صاخبة لحرمتها و متغرك المضاهر و الي ديحاولون يروجوله والانجرافات الي دتصير بالوسط التعليمي ، نستودعكم الله و دمتم بحفظ الرحمن من تألق الى تألق ان شاء الله 🤍.

اخذت ٩٤

هلو استاذ الحمد الله 101.5...
وما انسا فضلك ويانا ابد.

عبدالله محمد عيسى
94 بالإنكليزي
طالب يوتيوب❤️

مشكور أستاذ احد طلابك صارلي سنتين ودائما انصح بيك ❤️❤️❤️ قريت على المراجعة المركزة 🙂

٩٦ انكليزي استاذ
درست عليك يوتيوب رحم الله والديك

شكرا الك هواي الله يوفقك 🤍🤍🤍