"إسمعني زين…
الدنيا ما تنقاس بعدد الأيام، تنقاس بالمواقف والتجارب اللي تعلّمنا بيها.
يگولون: الي يطيح سبع مرات، يگوم ثامن مرة، لأن القوة مو معناها ماكو عثرة، القوة أنو تظل تكوم بكل مرة أقوى.

الحياة مرات تجبرنا نسكت، وناس تفكر السكوت ضعف… بس بالحقيقة هو حكمة.
لأن الي يسكت بوقته، يحچي الف كلمة بوقتها الصح.

مو كل درب مفروش ورد، ولا كل مطر خير، بس كل تعب وراه راحة.
حتى الذهب، ما يلمع إلا من يحترگ بالنار.
وأنت هم، حتى تصير نسختك الأقوى، لازم تتحمل ضغط، وتتحمل انتظار، وتتحمل أهل، عيون، ناس، أصدقاء ما تفهمك.

الدنيا تعلمنا: الي يصبر على الجمر، ياكل عنب بآخر الموسم.
والي يزرع بدمعة، يحصد بضحكة.

فـ لا تگول “اني ساكت، ما دا أسوي شي”،
باجر، من تطلع خطوتك، راح تذكر هالحچي وتگول:
الحمد لله، كلشي إجا بوقته، وكل صبر خلاني أكبر".

هو يلم ✨
ربع و الف ، شكد صارن؟ الف وربع
وبعد ربع ؟ الف ونص
وبعد خمسمية؟ ، ألفين.
انطاك تلتالاف ، خمسه

هاهيه طلع النجاح.