والله استاذ چنت لازم خصوصي من رجعت من عربي اجيت اراجع انگليزي اشوف كلشي مااتذكر فرحت استنسخت مراجعه مركزه مالتك وگعدت أقره محاضرات مراجعه كامله يمكن ١٦ مقطع بيوم ونص
الحمدلله عندي اغلاط وانشاء اشويه نسيت منه متوقع تجي ٨٠

الحمدلله سهله بفضل الله وفضلك كل ماحل كلمه اذكرك استاذ 🤲🏻🥹🤍شكرا

الحمدلله حلوه الاسئلة والقواعد اتذكر شرحك واجاوب❤️

افضل مدرس للتاريخ
استاذ ترا المفروض ينطونك الكره الذهبيه على هذا الشرح .

الحمدلله استاذ اني اعتمدت ع اامراجعة مالتك والحمدلله جاوبت رغم انوا التوصيلات شوية اول ماشفتهم ستصعبتهم بس تذكرت الحمدلله ومشيت ع طريقتك شكراً استاذ ماننسى فضلك ربي يحفظك 🌸🌸🙂

فضل الله والفضل الك ومراجعة مالت قريت عليها الف حمدلله هنيالنا بيك أثناء الامتحان والله العظيم ندعيتلك جد شكرآ استاذ وشكرا على كل شي وارجو تسامحنا لان تعبناك ويانه ان شاء الله بميزان حسناتك 🎗✌️🩵

استاذ طبعا ولله ولله ولله لو تدري شكد عانيت ولو تدري شكد ردت اجال ولو تدري خليت شهر للانكليزي ولو تدري مشلوع كلبي ونصحوني بيك كبل جبت ملزمتك وبلشت وطولت ٨ ايام لو ١٠ ب انكليزي وخلصته ولله امتحن واحل وادعيلك ومن كل وكلبي ومبتسم وفرحان الله يوفقك فدوه اروحلك ياطيب

طبعاً استاذ اني مأجلة وان شاءلله دور ثاني وياك 100
صديقتي العام دفعه24 جابت92 وبس على الله وشرحك 🤍🦋

استاذ بعيدآ عن المادة وتدريس لان الله شاهد على تعبك ويانه ووگفتك وي الگل مافرقت بين يوتيوب وطالب خاص عندك ولامنعت محاضراتك ولاملازمك و لا المراجعاتك گلشي وفرت وگل احنا نعرف انوا الي تقدمه لوجه الله ماداعي تحجيلنا او شي بس الشي الي لفت انتباهي بشدة والله قبل شوية گعدت احجي ويا اهلي وعن السادس ونقهروا لان اجلت احياء💔
بس انتبهت انو السادس وطلاب السادس صرنا تجارة بين المادة وبين مشاهدات اليوتيوب محد صار ينطي شي لوجه الله عدا قلة قليلة ليش هيج والله وباالله اني من الناس اگو استاذة بدون ذگر اسماء اقسم بالله ادز فد سؤال معين حتى يجاوبون علية او جدول للمادة او شي ادز سؤال بمسج وامسج ثاني
(شكراً جزيلا استاذة 🤍) اقسم بالله تجاهل مسج سؤال وتحول هاي الجملة بالقناة وتگللهم ذولة دفعه قديمه طب ودا يشكروني ع تعبي وياهم🥲
وهوااي امور بس انت الحجيت بيهااا وگل گلامك صحيح والي يعرفك من قبل يعرف شنو اقصد ياريت گل الاساتذة بحرصك وياريت عدنا منك للرياضيات والاحياء وكيمياء وفيزياء وعربي ياريت والله مايبقى احد يعاني من سادس😔💔🤍

شكراً جزيلا الك استاذ ربي يوفقك ويسعدك ويفرح قلبك بحق محمد وآل محمد 😔🤍🦋

استاذ اني طالبك من العام

العام جبت ٨٤ الحمدلله بس للاسف عدت وهاي السنه ان شاء الله ماتنزل عن ال٩٠ وهم اعتمدت عليك اعتماد كلي شكرا الك كلش الله يوفقك استاذي الغالي بحياتي مارح انساك وانسه شرحك الاسطوري🤍♥️🫶🏻

استااذ شنو انت ما شاء الله يعني بفضل الله ثم بفضلك اني السنة الراحت مافاتحة كتاب ابدد وقبل الامتحان بثلاث ايام هيج فتحت المنهج على المراجعة المركزة فقط وجبت ٩٢ وهاي السنة هم ان شاء الله فوك ال ٩٠ الحمدلله والشكر والك فضل علينا ما ننساه ربي يوفقك وييسرلك مثل ما سهلتلنا المنهج وشرحته بطريقة جدا حلوة🤍

نُعلن لكم عن استمرار التسجيل في الدورة الإلكترونية المصمّمة خصيصاً لطلاب السادس الإعدادي 2026 – مادة اللغة الإنجليزية.

دورة ليست كغيرها، لأنك لن تكون فيها مجرد متلقٍ…
بل ستكون جزءاً من تجربة، تُبنى على الفهم، وتُقاس بالتأثير.

ماذا ينتظرك في هذه الدورة؟
• شرح منهجي مبسّط يصل إليك دون أن يُفقدك عمق المادة.
• خطة شاملة تبدأ من الأساس وتصل بك إلى أعلى مستوى من الجاهزية للامتحان الوزاري.
• ملازم خاصة مصممة بعناية، توازي الكتاب وتتفوق عليه من حيث التبسيط والتنظيم.
• تواصل مباشر، دعم مستمر، وأسئلة تفاعلية تغنيك عن كل مصادر التشتت.
• والأهم… روح تعليمية تختلف عن أي شيء عرفته سابقاً.

لمن هذه الدورة؟
لكل طالب يشعر أنه يستحق الأفضل، ويبحث عن دليل حقيقي في طريقه نحو الامتياز.

عدد المقاعد محدود، وذلك لضمان الجودة والتركيز والمتابعة الفردية.
احجز مقعدك الآن، وابدأ الخطوة الأولى في رحلتك نحو التفوق.

للاستفسار اكثر عن الدورة
واتساب على الرقم : 07760361117

اما ان تأتي اسئلة الرياضيات سهلة او يحترق العالم.

انتو بكيفكم بعد

يتصارعون مع أحلامهم
يتصارعون مع واقعهم
يتصارعون مع هذه الأيام العصيبة
التي يريدون منها ان تنتهي، لكنها لا تنتهي.!

والله ياخويه مادري شحجي
هاي الطلاب اللي تفقد عقلها بسبب السادس .
الطلاب اللي تفكر بالإنتحار بسبب الامتحانات
الطالب اللي لازم الكتاب والف سؤال بباله.
الطلاب اللي كاتلهم القلق والقنوط

ليش؟ جديات ليش؟
هالكد انتو شايفين مستقبلكم واني مشايفه!.
هالكد عدكم البصيرة اللي تخليكم مؤمنين حياتكم حتصير سيئة؟
زين :
مستقبلك ينتهي هنا؟ لا
تموت إذا مجاوبت؟ لا
قصرت انت؟ لا
الله مشايف تعبك؟ لا
أهدافك يحددها السادس بس؟ لا

ياخي والله ما راح تصير رجل خارق ولا انتِ امرأة خارقة ولا حتحكمون الأرض وره السادس

هو احنا البشر شنريد؟
نعيش ونمشي بطريقة بسيطة. نجاح بسيط، هدف بسيط والباقي يجي شويه شويه
حيكبر الهدف بمرور الوقت يصير لك مصدر رزق وحياة تعيشها.

خليها على الله وسهلها عليك يا حبيبي
ولا تنسى, حياتك الجايه اهم .

أتخيل انت تنتحر او تفقد عقلك بسبب السادس وبعدك ما شارب چاي وي البيت

عاجز عن التعبير.

يگلي استاذ شنو رأيك بالاسئلة مال الرياضيات

شبيك خويه هو اني غير عبالي ديموڤر مؤلف كتاب فن اللامبايلات.

اقرا من فضلك.

روح جيب شخص ما
كله "أريدك تقطع مسافة ١٠٠ متر بعشرين ثانية".
صعبه؟ لا
مبدئيا ومنطقيا هذا الشخص حيوصل النهاية قبل المده المحددة ويربح الرهان.

بس نفس هذا الشخص
جيبه كله "اريدك تقطع مسافة ١٠٠ متر بعشرين ثانية بس إذا خسرت الرهان، راح اقتلك".!
تتوقعون راح يگدر يكمل للنهاية؟ اكيد لا، نص الطريق يوگف
ليش؟ لان ترك السباق وبلش يفكر بالطريقة اللي راح يموت بيها.

هذا اللي حرفيا ديصير حالياً مع طالب السادس الإعدادي

يا سادةَ يا كِرامُ
الكثير من الضغط، التهويل، البهرجة، الدراما، الوزارة، الأهل، المدرسين، المدارس، المعاهد، الإعلام، الإعلانات، المستقبل ووووووو.

وبالمحصلة النهائية؟ تأجيل، بكاء ، فقدان للشغف والطاقات، أحلام تُذبح في كل عام، جيل بعد جيل يُحرق ويُصلب بالسادس.

شنو اللي ديصير!!!
هل السادس بهذه الأهمية؟
سنة حياة وموت؟
منو المسؤول؟!
وليش الوزارة ساكته وماخذه دور المتفرج؟
معقولة موضوع التأجيل طبيعي!!!؟
شوكت راح يتغير الوضع!؟

بئساً بالامتحانات والاسئلة والدفاتر.
بئساً بالمناهج والدروس والدورات؛ بئساً چبيرة بحجم الوجع.
وقيء چبير على السادس واللي خله السادس بُعبع.

تحياتي

هنا راح نسولف بعفوية مطلقة.
هنا راح نخلي حد لوضاعة وصعوبة السادس
هنا راح أدرسك، أوجهك، أضحكك وارتب لك افكارك.
هنا راح تعيش تجربة خالية من الزيّف والتعقيد.
هذا حيكون المكان الصح لقراءة افكاري وأفكارك معاً.

اهلاً بكم في عالم الـسوبـرمان♥️