بهذا اليوم ، التاسع من اكتوبر اجه هارون للدنيا، هذا اليوم چان شاهد على ولادة إنسان مرّ بكلشي، فشل بكل قوته ، انكسر بكل الأشكال الممكنه ، أتذكر جيدا متت هواي بس رجعت اقوى ، اهدى، بوعي اكبر.
ومثل ما كال ألبرت كامو
"وسط الشتاء ، اكتشفت ان بداخلي صيفاً لا يُهزم"
ورجع نيتشه يگول
"ما يقتلني يجعلني اقوى"

قبل چنت أركض ورا كل شي أريده، وهسه أتعلمت أخلي الأشياء تجيني بهدوء، لأن كلشي مكتوب يوصل، بس يوصل بوقته.

صرت أعرف إن مو كل خسارة وجع، مرات الخسارة هي الباب اللي الله يفتحه بيه درب جديد، حتى يطلعك من المكان اللي ما تكبر بيه.
وسقراط جان يقول: “الحياة غير المفحوصة لا تستحق أن تُعاش.”
وأني فحصت حياتي، حرفياً، بكل تفاصيلها، بكل صدماتها، بكل الناس اللي إجت وراحت

ديستويفسكي يگول : “الإنسان أحياناً يحب عذابه، لأنه يصنع منه عمق.”
وأني يمكن أحب وجعي، لأن هو اللي خلاني أفهم أكثر، واتعلم بشكل أعمق، وأصير أثبت.

فاليوم ما أحتفل بعمر، أحتفل ببقاء.
أحتفل بإنسان بعده يعرف يضحك رغم الجرح الچبير، ويحچي رغم الانكسار ، ويحب رغم الخوف.
كل سنة وأنا أتغيّر، بس مو حتى أكون أفضل من غيري…
أتغيّر حتى أكون أقرب لنفسي الحقيقية.

مقدمة المنهج الجديد _ دفعة 2026

https://youtu.be/zQJxdiVOQs4?si=meMP8wHn2db117ll

شباب عيوني اللي ديسأل عن الملزمة
مال المنهج الجديد ، قريبا تتوفر ان شاء الله

زين استاذ اني مشتري القديمة شسوي؟
حبيبي ما يحتاج تشتري الجديدة
اني وقتها راح انزل لكم الإضافات مال المنهج القديم pdf وتكدر ايضاً أتابع ويايه على اليوتيوب بدون ما تشتري الملزمة الجديدة❤️

يعني استاذ اكدر اسوي وياك دفتر إذا ما اريد اشتري الملزمة؟

اي تگدر مليون بالميه لان الشرح شامل ماراح تشوف نقص ولو حرف واحد🤍

انكليزي السادس اعدادي منهج جديد يونت اول _ المقدمة
https://youtu.be/TQFPF8EfjDw

تم اضافة محاضرات الموضوع القواعدي الثاني

https://youtube.com/playlist?list=PLFYYtyi0VXB9fSeNrNVDoed4Qyy2NzK2P&si=mzAMmI1YKvsZ8pI7