بوسلي روحك يمين الله عليك

يا حبيب لو چنت انت زعلان
چا زعلت على الهوى لو زعلاك ..

- صاحب الضويري

مره فاركتك دقايق وامن اجيت
كتلك شعطلك كل هاي السنين

ل زيد السومري

احب ذاك ارتباكك من الاكيك عكس ذيج الوكاحه البرسايل

عينه بصف اذانه الطير خلك طير..

تجآوزتك وكملت ..
مُجبر جنت مو بطل !!
ليش آستلذ بـ النصر وآدري آنه مو نشمي ؟
غصباً عليه عشت .. من آنت مو يمي ،
كلت آعله هجرك حلو ..
وكآلولي عفيه وكفو ،
بس النتيجه شنو ؟
كدآم نآسي صدك آني ربحت الحرب ،
بس خسرت حلمي ..

ضَلام انتَ بحياتي وضُلمك هواي
واضوگك مُر، واگولن لاطعم هَيل
وأعرفك خاين،وادريك بَذات
وتريد وياك أخلصها بتواسيّل
ولك أعرفك قبلي عاشگ،وأعرف الـ بيك
وضمَيت الأسرار بوحشة الليل
كُل هذا وبقيت مصبر الروح
حِلم وابقي على حيلچ قوي الحيل
اني الدللتك وبوكت عوز
وتگُلهم عليه مشوفك الويل؟
اني اكفر بالكرامه ،الـ طخت الراس
واكفر بالعشگ واهل المَراسيل .

ل جبار رشيد

فرغ صبر العتاب
وطكنه عروكه
وبعد مااجامل المفتوك
اگله يخيط افتوكه
عليمن شعري شاب
وروحي محروكه
عليمن عمري بلعشرين
بس ضحكاتي مبيوكه
كافي كليبي هاي الناس
كلمن ينعرف سوكه

ل كرار اللامي

صرفنة سنين حـبنة
وخلصن بـ تبذير
وعلى يوم النشوفك باچر
نچدي

ل جبار رشيد

انه الجارحينه فلان وفلان
هاذ المثل اخوي وذاك صاحب



ل زيد السومري

شنهو الضال عامر بيها ما خربان
حتى اسكت واجامل خاف لا تخرب

ل ناظم الحاشي

مرات احس روحي انطفت
من تشتعل حنيتي
واشتاگ ودموعي مطر
ومناشغ ودخان تارس ريتي

ل كاظم شاكر

اگلهن راح خلي انسجله غياب
اقنع الروح شيقنع النواظر؟
اذا لساعّه وجهك حاضن العين
وشيشلعك نظر بالعين صاير
اسّوي الصفنه صف واطبگ الباب
واسجلك غايب بدرس المشاعر
ومن تخلص صفنتي وأفتح الباب
عله عتبة صفنتي الگاك حاضر
موسهله عليّ واتعلم بساع
وعله افراگك أصير بساع شاطر
جرح بس شمعزتك بين الجروح
خاطر لاتذل ظلّيت اكابر
گمت كل يوم اگولن باجر انساك
ويجي باجر واگولن لا گلت باجر
ل جبار رشيد

سواد الليل يبقه وتطفه الألوان
وأعيد بذكرياتك والمشاهد

ل الكاطع

حته احساسي متعرفه ويحيرك چان
انه اخر ايام وياك مو بارد چنت تعبان


ل سجاد صباح

وحرك دم وتعب واهات ودموع
وسلب راحه وسهر والنوم مسلوب
وكل موعد فرح وعياد
ويا وشوف الكون من يروح مكلوب
كل هذا وتكول عوف ونساه
لا ايوب انا ولا يعكوب

ل سمير صبيح

يرد بيه الوداد
بچلمه اشلونك
يمفحط
الفكر والبال خيعونك

ل فاطمة الجياشي

هالگد ما احبك خلص حتى الشوگ
ماحبك گمت من كثر ما احبك

ل جبار رشيد