#زوجة_ثانية_بقلمي_سهى_وليد21
الحقيقة الوسخة دي ماف زول كان حا يكشفها غيرو لانو كلكم ما عندكم ضمير و انتي ي رشيدة بتتكلمي عن الاخلاق صح طيب و عملت اخوانك دي بسموها شنو انتو كلكم من يوم عرسي انا و محمد ما راضين و اساسا انا عملت غلط كبير اني تزوجت واحد اهلو من البداية ما عايزني
مبسوطين بي ريم و هدا وريتكم حقيقتها هي و اولادك ست نادية يلا بلي و اشربي مويتو
منذر: كذابة والله كذابة كله عشان زواجك حا ينتهي وحدة فاجرة زيك ما تتساهل تكون مرت اخوي ليلى: والله ما شفت احقر منك و بتحلف بالزور كمان شوفو انا ما بهمني دي الحقيقة و ابقو لملمو اوساخكم و اساس عيلتكم التافه دا نادية: محمد و منذر الكلام دا صحي منذر: امي دقيقة اشرح ليك و طاااااش لطشتو كف لمن اتكيفت نادية: وااااي ي وجعتي اخخخخ بس انتو ولادة الندم خجلانة لاني ما قدرت اربي ليه عملتو كدا و خربتو سمعة جدودنا و ابهاتنا لا حولا ولا قوة الا بالله حرقتو حشاي الله يحركم الله ينتقم منكم و تشوفو في صحتكم شاحدة ربي اولاد الحرام ما بعلمو عمايلكم دي
و ليلى الطول عمرنا ظالمنها طلعت احسن منكم منذر ليلى ما فاجرة
فاجرة انا امكم الشايفنها دي فاجرة لاني جبتا اولاد و طلعو اولاد شوراع و كذابين ما هي الفاجرة انا
مي: ماما اهدي عليك الله ما تعملي في نفسك كدا نادية: زحي من جنبي زحي يا ريتني متا قبل اسمع السمعتو كلكم ما نافعين بنات ننمامت تموتو في القطيعة و الاولاد واحد يغلج و التاني بدل يصلح الغلط او يتكلم يمشي يتستر لا حولا ولا قوة الابالله محمد: يا يمة انا نيتي كانت بيضة والله و حاولت اصلح الغلط و استر اخوي بس
رشيدة: و بس كمان و بس انا بعد الحصل دا ما بتشرف يكون عندي اخوان زيكم حسبي الله و نعم الوكيل فيكم ليلى: محمد ورقتي تصلني في بيت ابوي زي ما كلمتك
ريم: استني ي ليلى و جات علي بي كل قوة عين ريم: الغلط غلطي انتي ما مطرة تسبي ابو عيالك بي سببي ليلى: محمد ما بلزمني تاني و من البداية انتي ما عارفة منذر اخو محمد لمن غلطي معاو اكيد عارفة ابشري هدا خربتي اسرتين و دمرتيهم انتو التلاتة مجرمين في حقي و في حق الام المسكينة دي ريم: بس ي ليلى
قبل تتم كلامها لطشتها كفين قربت تقع
ليلى: و خلي في بالك لو حاولتي تتكلمي معاي تاني ما حا اديك كفوف بس لا انا حا امسح بيك الارض وحدة بلا كرامة رخصية الله ينتقم منك دنيا و اخرة
محمد: انا ما حا اطلقك...

#زوجة_ثانية_بقلمي_سهى_وليد22
محمد: ما حا اطلقك ولا تحلمي نادية: والله العظيم تطلقها و غصبا عنك ي كلب و لسه عندك خشم تتكلم محمد: دي مرتي يا امي كيف اطلقها ليلى: يمرمر رقبتك في النار و لو ما اتراجعت عن كلامك نتواجه في. المحكمة
نور: لا لا لا انا مستحيل اعيش وسط رجال زي ديل لا حولا ولا قوة الا بالله عمتي سامحيني بس ما بقدر اربي اولادي وسط اعمام ما عندهم احترام لا لي نفسهم ولا ليك انتي انا بكرة طالعة من البيت دا
طلعت و البيت كان قايم و قاعد حرفيا ارتحت لاني طلعت كل الجواي و محمد حا يطلقني بي كيفو او لا ركبت تكسي مشيت بيتنا رغد كانت في الروضة ابوي في الشغل و امي طلعت زيارة ماف زول في البيت دخلت غرفتي بلعت مسكن و نمت
منذر: انت واحد غبي مرتك جابت التسجيلات من وين محمد: ما عارف بس انت السبب. منذر: جاي تلومني بعد. الفاس وقع في الراس محمد: ماف شي بقا يهمني حا اطلق ريم و ليلى حا ابوس رجولها عشان تسامحني و امي ما ترضي عني بسهولة بس حا احاول و انت حريقة فيك و في ريم خربتو حياتي و سرقتو سلام الاسرة كلها منذر: حا اتزوج ريم و نمشي نعيش بيعد بس انت متاكد انك ما لمستها محمد: انا ما بعاين لي مرة غير ليلى و كلكم عارفين الكلام و ريم دي في يدا ما حصل سلمت عليها و في الغرفة انوم في الارض ولا انوم حدها ماف مرة مالية عيني غير ليلى منذر: ليلى ليلى ليلى و كانو حا تسامحك محمد: حا تسامحني ان شاءلله و انت اخو السواد و الرماد بعد عملتك دي ما ناوي تصلح شي واحد اناني
ايمان: لا حولا ولا قوة الا بالله دا كله حصل لطفك ي رب و مالك ما حكيتي لي ليلى: ما عايزة اشغل بالك بي مشاكل بيتي ايمان: حا تتطلقي من الكلب دا و ريم دي خليها علي ليلى: خلاص ي امي كل شي انتهى ماف داعي تعملي شي خلينا عايشين بي سلام انا اشتقت لي رغد ليه اتخارت كدا ايمان: جدها حا يجيبها و اصو ما بجو البيت دغري بلفو الحي كله و بمشو لي حبوبتك و دا غير بتك بقت تشرب حليب ليلى: اصلو ما قادرة اتخيل ايمان: والله جد جد اصبري خليها تجي بعدين تشبكني تيتة الحليب تيتة الحليب والله محلية لينا البيت و بتحب ابوك حب مبالغة قعدنا نتونس انا و امي ساعة كاملة لقيت مكالمات كتيرة من محمد حظرتو و قمت اشوف رغد و ابوي
اشرف: هلا وغلا بي ست البيت ليلى: شنو الشياكة و العمة حركات عجيبة شنو ي حاج السر شنو. اشرف: امك السر ايمان: اخجلو استحي ي راجل....

#زوجة_ثانية_بقلمي_سهى _وليد 23
لمياء: ي بت كلام امي دا صاح ليلى: دي الحقيقة والله لمياء: طلعت ما ساهلة ليلى: سيبينا من موضوع ريم انتي جاية متين لمياء: لو علي اسي انزل بس كمال لسه ما اجز كدي انا بتكلم معاو و بسالو اها انتي حا تعملي شنو ليلى: ما عارفة والله لمياء: حا تبعدي البت عن ابوها يعني ولا فهمك شنو ليلى: لمياء ارحميني انا ما صدقت ارتحت شوية الايام دي خلاص خليها علي الله و ما نفسي افكر في شي تاني خلاص كفاية ارهاق ذهني لمياء: اسفة بس خايفة علي البنوتة تقفد حنان ابوها عندك انا و كمال مثلا والله اوقات بنتشاكل لمن بجهز حاجاتي و بقول نازلة السودان تاني بفكر في اولادي و بستغفر ما بقدر احرم اولادي من حنان ابوهم وجودو جمب اولادي براو بالدنيا و هو متعلق بيهم لدرجة بعيدة لو ضربت واحد فيهم ما شفتي بجوط و يهرج كيف اسي بقينا انا و هو ضربة بي ضربة و نبذ بي نبذ زي الكديسة و الفار و في اخر المطاف بنتصالح ان شاءلله ربنا ما يحرمك من ابو رغد
تلفوني طفا شحن و كملت كلامي مع لمياء
بس كلامها اداني امل شوية في الحياة انو المشاكل جزء مننا ماف حياة بدون مشاكل ولا في بيت خالي من المشاكل
و انا كيف اقدر ابعد بنوتي الوحيدة عن ابوها و نسابتي مع انهم كعبين معي بس بحبو رغد شديد دخلت في حيرة اتصرف كيف و لا اعمل شنو عشان احافظ علي بيتي من الخراب
تميت 7 يوم في بيتنا و تلفوني محل جدعتو ما متذكرة و محمد لا رسل لي ورقتي ولا جاء اتصلت عليو من تلفون امي
محمد: الووو يمة كيفك ليلى: محمد ورقة طلاقي وين ما وصلتني محمد: الله علي الصوت اسمي حلوو كيف لما تنطقيو ماف اي ورقة بتصلك ليلى: شكلك حابب جرجرة المحاكم و الفضايح محمد: كل شي منك مقبول ي عسل و سوي الدايراو بس انا طلاق ما بطلق ليلى: طيب بتشوف والله تندم و تقول يا ريت طلقتك و ارتحت محمد: انتي شكلك ما مستوعبة بس شي واحد بخليني اطلق ام بتي مافي و دا اخر كلام تووووت قفل الخط في وشي
غاظني غيظ و شكلو مصر علي كلامي
ايمان: دي خالتك ولا منو ليلى: لا ما هي ي امي دا محمد ايمان: خبارو بتصل لي ود نادية ان شاءلله خير ليلى: و الخير يجي من وين رفض يطلقني اسي اسوي شنو ي امي ايمان: كم يوم و الزعل بروح و ترجعي بيتك ي بتي الطلاق دا زاتو انا ما دايرة ليكي ليلى: ما شفتي عمل فيني شنو يا امي ايمان: ماف زول ما بغلط رب العالمين بغفر الذنوب في حالة التوبة.....

#زوجة_ثانية _بقلمي _سهى _وليد 24
ايمان: رب العالمين بغفر الذنوب في حالة التوبة و الندم انا شايفة ود نادية متمسك بيك و ما عايز يخسرك ليلى: بس يا امي في رجال حسادة منهم ما بطلقو وليه بتقولي ليو ود نادية ايمان: مش هو ولدا عشان كدا ليلى: اسي انا اسوي شنو ايمان: امسكي صلاتك و استخيري ليك فترة ما شفتك ركعتي لي ربك
نادية: سوق بلوتك دي و اطلع من البيت ما دايرة اشوف وشك منذر: انا ما حا اطلع الا بي رضاك ي امي رشيدة: و بعد عمايلك الوسخة دي لسه بتجادل منذر: قفلي خشمك دا ما اقوم عليك مي: بس ي امي الحق كله علي ريم هي السبب
مصطفى: انهو الفوضة دي منذر غلط غلطة ما بتتصلح الا بالزواج جهز حالك عقدك الجمعة الجاية و من اليوم ما ليك علاقة بالشغل امشي فتش ليك شغل تاني المال البتهدرو ساي و رامي في اي حتة دي اعرف انو جا بي تعب و شقى و عشان تعرف قيمتو عافر براك و ما ليك قعاد في البيت هنا اطلع فتش شقة او اي خرابة اجراها و اشتغل عشان تاني لو فكرت ساي تتصعلق بي قرشك حا تتذكر جبتو كيف
مي: وليه العقاب دا مصطفى: لما الرجال اتكلمو ما اسمع صوت مرة اتلمي احسن ليك
و بالنسبة لي نور الحمدلله ما بطلع اسرار البيت بس زوجها يرجع من السفر حا ترجع
اها عندك اعتراض منذر: ما عندي بس اعفي عني ي امي نادية: زح من جمبي بلا ياخدك
رشيدة: وليلى نادية: ما بدخل في حياتها هي و محمد ياخدو قرارهم بي نفسهم
ايمان: هاك التلفون ي بت ليلى: منو في الخط ايمان: ود نادية ليلى: انت ما عندك شغلة ولا شنو ما تتصل لي محمد: و حاظراني من كل الاتجهات ليه و تلفونك قافل كم يوم مالك ليلى: ما دخلك داير شنو اسي محمد: دايرك انتي ليلى: ماف ليك و ما تتصل في تلفون امي تاني محمد: رغد وين اديني اتكلم معاها ليلى: هي زعلانة منك محمد: هي ولا امها ليلى: الاتنين محمد: كويس بترضو مع الوقت اهاااا ما قلتي حا تجرجريني و تمسحي بي كرامتي الارض في المحاكم ليلى: اصبر 🤌 بس اسي ما فاضية ليك محمد: حني الله يرضى عليك
توووت قفلت في وشو الخط
طلعت الجيران للقهوة اصلا ماف موضوع و رغد من جمب ابوي ما بتزح
ريم: منذر انت جادي منذر: اي بكره طالعين من هنا بس اشوف لي شغل و في شقة اجرتها من امس دا المفتاح و الوكيشين في تلفونك اصلي هناك اقعدي لي الجمعة الجاية عشان العقد ريم: و انت حا تمشي وين منذر: حا اقعد مع صحبي لحدي اعقد علي حتى نعيش سوا ريم: و مالك اتغيرتا كدا

#زوجة_ثانية_بقلمي_سهى_وليد25
ريم: ليه اتغيرت كدا منذر: اتغيرت عشان اصلح غلطي و علي الاقل امي تعفي لي
ريم رحلت الشقة و كانت اقل من عادية
و منذر رحل مع صحبو و بفتش علي شغل حسب كلام الاخ الكبير
ايمان: دا شنو ي بت خاتة هدومك في الشنطة ماشة وين ليلى: مسافرة يا امي ايمان: و البخليك تسافري منو هيي ي بت خطي عقلك في راسك و حسي بالمسؤلية تجاه نفسك و بتك ليلى: انا تعبت من الدراما دي ماشة لي لمياء اجازة و اساسا رغد اجزت برضو حا نمشي ي امي
ايمان: يا اشرف تعال اسمع كلام بتك اشرف
اشرف: مالكم اصواتكم طالعة ايمان: ليلى قالت مسافرة لي لمياء اشرف: و حبل راجلك الفي رقبتك دا برضو ماشة. بيو ليلى: خلاص بقا ما بهمني انا ماشة يا ابوي ما تبقو علي انتو و الدنيا اشرف: مافي اي سفر و دا كلام نهاي و اسي بتصل لي محمد يا حليتو مشكلتكم يا اطلقتو و بس
طلعو خلوني في الغرفة و بقيت محتارة اعمل شنو اتصلت علي محمد.
محمد: و اخيرا حنيتي ليلى: ليه بتعمل فيني كدا انا اذيتك بشنو محمد: ليه بتبكي ي عمري ليلى: عمرك ان شاءلله يخلص اسي اذيتك بشنو انا عشان تبقى علي انت و اهلك وصحبتي كلكم اذيتوني و طلعتو شركم فيني لو فيك خير ي محمد طلقني و خليني اعرف اعيش محمد: الطلاق ببسطك و بتكوني فرحانة ليلى: ما ليك دخل بي فرحي ولا غيرو انت طلقني بس
اي صح قلتا حا اشحطك في المحاكم بس كمان انا هندي بت و بخاف علي سمعتي عشان بتي لما تكبر ما تلاقي ماضي وسخ و لا تلاقي شر المجتمع لحدي اسي المشكله دي طفيناها بيناتنا لا انا حا اتكلم فيها ولا اهلي محمد: ليلى مهما تقولي و تفعلي و تتركي انا ما بطلقك ولا تعشمي ماف طلاق ما عشان اي شي بس انتي ام بتي و قبل تكوني ام رغد كنتي حبيبتي و صديقتي و زوجتي سندي في الدنيا دي
نفسي نرجع و نعيش افضل من اول جهزي نفسك انا بعدين جاي اسوقك و بعد ينقفل علينا باب واحد بعداك انتقمي مني زي ما عايزة المهم تكوني في بيتك لانو ما ليو طعم بدونك انتي و رغد و اديك فكرة عشان عزة نفسك و كرامتك قولي رجعت ليو عشان بتي و حا اصبر عشانها بس تمام
ليلى: حسبي الله ونعم الوكيل فيك و انا ما راجعة معاك اي مكان

اليوم ان شاءلله حا اخلص الرواية كلها
لانو بقيت ملتزمة بي حاجات تانية و ما بقلى وقت انشر
دمتم بخير

#زوجة_ثانية_بقلمي_سهى_وليد26
نور: تتوقع ليلى حا ترجع احمد: ما معروف نور: المهم انا ما حبيت تصرف اخوك مصطفى احمد: هو صارم و كدا احسن انا زاتي لو كنت موجود وقت المشكلة صدقيني حا احرق منذر و هو عايش بس عارفة اسي ما زعلان منو لانو صاح غلطو و عقد علي ريم و دا المهم و الاهم كمان امي رضت عنو دايرين شنو اكتر نحمد الله انو الكلام ما طلع برا و الا كان سمعتنا حا تكون في الاراضي نور: الحمدلله و الشكر لله
ريم: الوو منذر وين انت ليك كم يوم ما جيت منذر: ريم اديني شوية وقت انا لسه ما اتجاوزت الموضوع دا ريم: انت الحامل ولا انا
دا كلو وقع فوق راسي انا و عارف انا غلطانة اني حبيتك و وثقت فيك. منذر: قولي العايزاه بس انا و انتي بيناتنا الطفل الفي بطنك دا و بس ما حا اقدر اتقبلك كزوجة ماف عشيقة بتبقى زوجة و ست بيت للاسف ريم: يعني بعد ما سلمتك نفسي تعمل كدا و تكسر ثقتي فيك منذر: اذا انتي كسرتي ثقة صحبتك و ما راعيتي ليها جاية تلوميني انا و علي شنو انا ما حصل وعدتك بي شي ماف راجل بقيم وحدة سلمتو نفسها لي اسباب كتيرة بنعرفها نحن الرجال و زواجنا دا حدو ولادتك بس و قفل الخط في وشها
لحظتها اتذكرتك عي عملت شنو في ليلى و جاها بدل الصاع صاعين كما تدين تدان
محمد: يا عمي انا ما عارف ابدا من وين بس قبل كل شي انا بعتذر عن كل شي حصل مني انا متاسف جدا اشرف: دايرك تعرف حاجة واحدة بس من غير موافقة ليلى انا ما بخليك تسوقها من بيتي و اتعلم تشارك مشاكلك مع زوجتك لانو هي شريكتك انت قللت من قيمتها بالتصرف دا محمد: عارف ي عمي انا اتصرفت بتهور و اسي ندمان اشد الندم
رغد: بابا جا بابا جا بابا جا محمد: ههههههه تعالي ي قلب ابوك وريني اسي عايزة تقعدي ما جدو اشرف ولا حا تمشي معاي رغد: ماشة مع باابي
ايمان: اهلين فيك اخبارك ان شاءلله طيب محمد: بخير الحمدلله وين ليلى ايمان: مشت الجيران من الصباح اسي بتجي

#زوجة_ثانية_بقلمي_سهى_وليد27
ايمان: اسي بتجي محمد: بتعذر ي امي استببت لي ليلى وليكم بي هم كبير اعفي لي والله خجلان و ندمان شديد سامحوني ايمان: لله و الرسول الحمدلله علي كل حال ربنا يصلح حالك انت و ليلى و تستقرو مع بعض محمد: اميين
ليلى جات داخلة و ما انتبهت لي محمد
ليلى: يا امي تعالي اسمعي الشمار انتي جارتك دي جنت ولا شنو هههههه قالت ي نحجر ليها رغد لي عصومي اب راس مربع يا تخطفها اتخيلي والله لا عرفت اضحك ولا ابكي
محمد بقا يضحك و ليلى يداب شافتو و انحرجت منو
ليلى: الجابك شنو اشرف: عيب ي ليلى دا زوجك ليلى: ما زوجي ولا شي طلقت نفسي منو و من شرو
ايمان: كدي قوم معاي يا اشرف خليهم يحلو مشاكلهم دي
و قامو فضلت ليلى واقفة و محمد قاعد و بعاين ليها شديد
ليلى: خير بتعاين مالك بلا ياخدك محمد: والله ما عارف بس طولت ما شفتك و اشتقت ليك
بلسان محمد
لما شفتها جات داخلة و بتضحك عيوني دمعو نا عارف دا حب ولا شوق بتتكلم و تضحك في نفس الوقت انا بحبها و ما بقدر اخسرا هي ملكي و لازم ترجع لي بقت حلوة دايما كانت مختلفة و فريدة حاجة نادرة ما عند اي زول عندي انا و بس لكن فرطت فيها
ليلى: انت جاي هنا عشان تسرح بي خيالك ولا شنو محمد: خيالي انتي ليلى الله يرضى عليك ارجعي معاي كفاية عقاب انا ما قادر بدونك البيت خالي من الحياة لا قادر انوم ولا قادر اركز في شغلي طول الوقت في بالي خيالك في البيت كله في المطبخ و الحديقة و غرفة رغد و ذكرياتنا يخ انا بتفرج في البوم العرس و شريط الحمل محتفظ بيو لحدي اسي كا اول ذكرة لي رغد و فترة حملك يخ ماف شي بروح عن بالي ارجعي ي عمري و موافق علي شي بتقولي و حا انفذ اي شي بتطلبي بس ارجعي
محمد عيونو دمعت دنقر راسو عشان يخبي دموعو
ليلى لسه واقفة و بتبكي قام علي حيلو و حضنها و بقو يبكو مع بعض ليلى انتبهت للوضع و زحت مني بعيد
ليلى: عايزني انسى كل شي حصل بالبساطة دي محمد: انتي لو اتذكرتي الحاجات الحلوة بينا اكيد حا تنسي اي شي بس انتي مصرة ما تنسي و حقك تزعلي و تعملي اي شي بس انا ما عندي طاقة تتحمل خسارتك انا حا انتظرك برا اذا جيتي بوعدك انو ما يحصل الا الانتي عايزاه و اذا ما جيتي حا اتفهم انك ما عايزاني تاني و حا اطلقك فكري و قرري اديتك ساعة تاخدي قرارك و ايا كان حا اتقبلو فالنهاية ما بقدر اجبرك علي شي و طلع
بقيت قاعدة بفكر و ما قادرة اقرر من جهة بحبو و من جهة

#زوجة_ثانية_بقلمي_سهى_وليد28
من جهة بحبو و من جهة العملو فيني هو ريم
ما حاجة ساهلة عشان اقدر اتخطاها و لسه في رغد كيف تكمل حياتها بدون ابوها و اذا اطلقت هل حا اقدر اواجه المجتمع المريض دا مرة مطلقة و شغالة و رغد حا تكون بينا من بيوت ابوها لي بيتي لي متين كدا ختيت عقلي في راسي كويس و قررت ارجع بس
مشيت لملمت حاجاتي و دموعي ما وقفت ابدا
لقيت امي بطبطب علي
ايمان: اي قرار صعب دايما بكون صح مهما كان انتي قوية و ربنا حا بجبر و يطيب خاطرك لو ما اسي بعدين حضنتها غلاوة الام و الاب شي انا بعرفو كويس انا من نفسي كدا ما بقدر بدون ابوي لمن رغد
طلعو لي حاجاتي برا محمد شالهم و ختاهم في الضهرية و كان مبسوط شديد
ودعت اهلي شلت رغد و ركبت العربيه اتحركنا طول الطريق بتونس ما رغد انا خشمي ما فتحتو وصلنا اول ما دخلت لقيت ديكور البيت كله غير الزمان غير كل شي حتى الاساس و غرفة ريم قفلها تماما حتى المطبخ غيرو بقيت لافة في البيت و ما مصدقة قدر يعمل كل دا و هو معلقة ما بعرف يشريهاا
و جاب مربية لي رغد رحبت بينا و شالت رغد علي غرفتها
محمد: عارفك مستغربة بس بي قدر الامكان بحاول انسيك العشتيو و غيرت البيت عشان ما تحسي انك لسه عايشة في الماضي المر ليلى: عملت كل دا براك؟.. محمد: الصراحة لا نور و رشيدة و مي ساعدوني ليلى: قلتا لي منو رشيدة و مي؟... محمد: اي طبعا هم منتظرين رجعتك اكتر مني امشي ارتاحي شوية اانا طالع المكتب عندي شغل يلا سلام
طلع و انا لسه مستغربة البيت و مي و رشيدة اكتر ناس كرهوني بقو يحبوني
دخلت الغرفة و لقيتها كلها غير مختلفة تماما فتحت الدولاب لقيتو كله ملابس جديدة و اكار ماركات بحبها دا غير الاحذية انبسطتا صراحة
نمت و ما حسيت علي شي
صحيت بعد المغرب طلعتا لقيت رغد في الحديقة مع المربية كانت بتدرسها دخلت عشان اعمل حاجة للغداء لقيت في اكل جاهز
ختيت اكلت رجعت الغرفة استحميت صليت المغرب
محمد جاء محمد: امسيتي ليلى: تمام و انت محمد: بخير عجبتك الملابس ليلى: اي شديد حلوة شكرا ليك محمد: ليه الرسميات دي في مرة بتشكر زوجها دي كلها حاجات بسيطة انتي تستاهلي اكتر و اكتر و موضوع المربية دا عارفك عايزة تتكلمي فيو انا جبتها عشان تساعدك في رغد هي زولة شاطرة في شغلها و مخلصه واذا ما عايزاها ممكن تتكلمي عادي ليلى: لا خليها باين عليها طيبة و غرفة ريم محمد: قفلتها و لو علي احرقها زاتو

#زوجة_ثانية_بقلمي_سهى_وليد_29
لو علي احرقها زاتو لما تشوفي نفسك خلاص نسيتي الفات كله ممكن تفتحيها براك ليلى: انا لو ما قررت انسى الفات ما بتلقاني هنا محمد: و انا مبسوط لانك رجعتي
تاني يوم من الصباح اخوات محمد جو و حتى عمتي نادية جات جهزو معاي الفطرو و ونسة و ضحك اتغيرو خالص و حسو بالذنب عشان ظلموني و انا فورا سامحتهم لاني خلاص اقتنعت انو ما اي مشكلة لازم يكون في طلاق و تنتهي بي طلاق خصوصا اذا في عيال في النص
ريم بعد تضع منذر حا يطلقها
زعلت عليها بس تاني راجعت نفسي عشان ما تكرر غلطها تاني
اتكلمت مع منذر عشان ما يطلقها لانو مهما كان هم الاتنين غلطو سوا و اذا في عقاب يتعاقبو مع بعض و الا حا يكون ظلم بعد كم يوم رد علي و وافق. انو ما يطلقها
حياتي رجعت استقرت و حتى احسن من اول
لفيت رسالة من ريم محتواها اعفي لي انا ماشة علي ولادة علي الاقل ما عايزة اقابلك مخصم يوم القيامة و سامحيني اكيد ما حا تقدري بس والله راجلك اي مرة تتمنى عارفة رغم اني كنت متاحة ليو يقدر يعمل العايزو بس عيونو كلها حب و شوق ليكي لحدي الان بكون ما عارف ملامحي لانو ما مركز معاي اصلا و فترة سافرنا صديقني كنا مستاجرين غرفتين منفصلين و لمن رجعنا بيتك كان بنوم في البلكونة او الكنبة اعفي لي ي ليلى عسى و لعل ربنا يغفر لي ذنوبي
نهاي ما حسيت انها ريم المتسلطة الجات و خربت حياتي بالعكس حسيتها مرة عاجزة و مهزومة في كل معارك الحياة
رسلت ليها لله و الرسول
كملت حياتي مع اسرتي الصغيرة
مرت تلاتة سنة و رغد كبرت و دخلت المدرسة
و جبت ولد اسمو رامي و تاني حامل
محمد ما عندو شي اغلى مني و من اولادو
ريم ولدت جابت بت و رجعت في اول اسبوع بعدها سافرو هي ومنذر
مي و رشيدة اتزوجو و انا رحلت بيت الاسرة عشان عمتي نادية عاشين انا و نور و عمتي سمنة علي عسل و اهلي كل اسبوع بمشي ليهم
عشنا في ستر والحمدلله
و يا جماعة ما كعب الزول البغلط كعب البغلط و بكابر في الغلط
اي زول بستاهل فرصة ثانية بس الاهم تعرف متين تدي فرص و متين تقطع الوصل و اي شي
مجمتعنا صعب و ما برحم لا برحم مطلقة ولا برحم بت ولا مرة و لا طالبة ولا موظفة و لا ولا ولا... الخ المتخصر ما برحم
عيشو حبو ادو فرص للبستاهل ولي الما بستاهل لانو الحياة قصيرة و الدايراك بتغير عشانك و بعمل الممكن و المستحيل عشانك
ما بقول ليكم اختارو صح لانو كل شي قسم

النهاية



دمتم بخير

روايه #اللعبه حصريا علي قناتنا بالواتس

https://whatsapp.com/channel/0029Vah1XZH7NoZxhwyOzo3Y

✳️حصريا علي قناتنا


https://www.tg-me.com/+PdDUb53M8atAPyR1


🧩ويمكنكم متابعتها أيضا عبر حسابنا على الفيسبوك

https://www.facebook.com/share/1fLLR6LsgW/