...
ماف اسوء من انو اكتر زول بتحبو يكرهك ماف شعور اقسى من انك تدمر نفسك في عين البتحبو بنفسك ماف اسوء من انك تخذل زول سلمك نفسو وقال ليها سيري ايتها النفس المطمئنة 💔ماف اسوء من انك تحطم ثقه زول كلمك انو فقد ثقتو في الجميع ماف اسوء من انك تبقى الخوف لزول اعتبرك الامان 💔ماف اسوء مني ماف أبداً ياريتك تعرفي كل شي ياريتك تفهمي عملت كل دا ليه يا ريتك يا ساجده ياريت لساني ينطق ابرر ليك بشنو؟! هل في تبرير؟! مهما قلت مهما فعلت انا غلطان م بنكر بس هقول ليك شنو؟! هتفهميني؟! هتعذريني وانا م عاذر نفسي؟! انا م عارف ليه الدنيا بتختبرني كده معارف ليه دايماً بكون الطرف الخسران بس دي اكبر خسارة انتي اكبر خسارة هاخسرها في يوم 💔
...
يا ساجده اسمعيني قولي اي شي ا

نا ندل حقير واطي باطل بس م تسيبي يدي م تسيبيني 💔والله معايز اخسرك
م عايز تخسرني؟!!!! رباااااه انت عارف نفسك حقير صح معايز تخسرني لا انت خسرتني وانتهيت يا احمد انا خسرت نفسي م انت بس الخسرتني ياخ انت فيك ذرة انسانيه؟! انا م ماليه عينك؟! ياخ ماشي عني م مليتها طيب كنت تعمل حساب لي الفي بطني 💔 يا حسرتي يا احمد يا حسرتي فيك بكرهك ياخ بكرهك
بس انا بحبك يا ساجده ورب العرش العظيم بحبك بتحبني؟! وريني بأي منطق بتقول كده بأي منطق وريني ليهو بس
بمنطق اني عملت كده عشان اختي يا ساجده عشان اختي عشان دمها وشرفها م هانو علي يا ساجده م هانو علي دا شرف يا ساجده شرفها وسمعتها اتشوهو وادنسو باي وش هقابلها في الاخره؟! انتي فاكره هنتي علي لا أبداً بس انا كنت بموت الف ميته في اي نفس بتنفسو والباطل العمل في اختي م اتحاسب واتحاسبت هي بي شي م عملتو فاكراني فرحان بالعملتو لا أبداً وانا م خنتك م خنتك أبداً لاني م طلقتها اصلاً م طلقتها انا م بالعقليه ولا الوساخه دي يا ساجده هتفهميني؟! هتعذريني؟! هتقولي يااااه يا احمد كنت تكلمني هسندك هتختي يدك في يدي؟! انتي فاكره هاين علي امي المرضت بسبب الحصل لي اختي فاكره العشتو هين؟! بتكرهيني؟! اكرهيني م هو منو الحباني في يوم منو؟! منو الاتمسك بي وخطى معاي في كل خطاي؟! منو القال ياااه احمد دا شايل في قلبو كتير خليني اشيل معاو؟! منو العارف الفيني منو الحاسي بتأنيب ضميري منو الحاسي بوجعي؟! اكرهيني م هقول ليك م تكرهيني لا اكرهيني بس م تسيبيني انتي املي انتي اخر واحده اقدر ابعد عنها عرفتي لي بقول ليك غصب
لا م غصب يا احمد في الف والف طريقه غيرها
لا ماف يا ساجده ماف وريني طريقه واحده واسي انا اعملها
...
شفتي م تتكلمي عن حاجه انتي م عشتيها فاكراهو ساهل علي اقرب منها؟! بس لازم يا ساجده لازم معندي طريقه غيرها عشان اصل لي اخوها
بس يا احمد انت كسرتني
انا كسرت نفسي قبلك يا ساجده بس م كان عندي الشجاعه اواجهك واحكي ليك م كنتي هترضي ساجده انتي وعدتيني انك م تتغيري معاي مهما حصل
بس الحصل م هين يا احمد م هين
يا ساجده عارف والله عارف بس انا بحبك
البحب م بيخذل
طيب م تخذليني
بس انت خذلتني
عشان كده انتي م تكوني زيي وم تخذليني واوعدك هاصلح كل شي وارجع ثقتك فيني وانسيك الحصل
تنسيني؟! تنسيني انك خنتني وكذبت علي واستغبيتني وعليها دسيت عني كل دا وجاي تقول لي انسيك ل..
انا مشتاق ليك مشتاق ليك شديد يا ساجده م عارف مرو علي 3 اسابيع كيف بدونك وبدون م اتكلم مع ولدي ولدي انت كويس؟! نزل لي بطني وختى اضانو فيها وبقى يتكلم معاها😭😂😭💔
والله مشتاقين... ايي والله 💔.... معليش يا ولدي م كلو من امك النكديه دي من قبيل م عايزاني اسلم عليك وبتتبكى فيني ...انت برضو زعلان؟! ... وكمان جعان؟! .. لا حولاااا دا كلو وانا قاعد.... اي ما دي امك العواليق دي خلاص م تزعل اسي اظبط ليك احلا مكرونه اسبكيتي وفطاير تستاهل بطنك يا وحش 😂😂.... اوبااااا قالت ليك كده؟! اسي اعاقبها ليك 😏
تعالي هنا يا بت كيف تقولي ليهو انا م بحبو😒 بتخربي البيني وبين ولدي ليه 😒
احمد زح مني
انا م جنبك انا جنب ولدي لو سمحتي🙂👌
احممممد
عيونو 🙈
زح يا احمد فكني ياااخ
افكك؟! هه حبيبي انا مشتاق ليك وعايز اتسدى حق الفات من عمري وانتي بتقولي لي زح؟! وبعدين انتي منو معليش م بعرفك؟! اطلعي ايتها الروح الشريره 😒🔪
احممممممد 😑
عيون احمد قلب احمد فشفاش احمد كبدة احمد بيرقر احمد سجوق احمد 🙁
يود انت جعان 😂😂👊
بيني وبينك ميييت جوع فشنو خلينا ناكل وبعداك نتفاهم 😗
م ع.. قاطعني
ماف زول بياخد رايك اصلاً انا طلبت اكل وهتكرم واسخنو عشان سواد عيونكم عيونك بنيه هي مش يلا م مشكله اتغاضي يا بتي م تركزي المهم انا جعان يلا خمسايه اسخنو واجيبو طيري غسلي وشك السمح دا يا مرتي 😗👊

مشيت نزلت تحت سخنت الاكل
...
انا عارف العملتو م شويه وعارف انها لسه زعلانه مني وعارف اني م استاهلها بس انا محتاج ليها محتاج لحضنها اكتر من ما هي محتاجاني بس عارف انو دا م وقتو م وقتو عشان احكي ليها كل شي كامل هي حالياً محتاجه اهتمامي اكتر من ما انا محتاج اهتمامها عارف انها هتعمل البيدها عشان م تحسسني اني محتاج سند غيرها وهتقيف معاي وهتهمل نفسها والفي بطنها بسببي عشان
كده م ينفع احكي ليها كل شي 💔
...
شلت الاكل ووديتو ليها فوق كنت عارف انها عنيده وم هتاكل ولازم اساسيها ولازم اعاملها زي م بعامل حنين ساجده كانت لي بتي اكتر من ما هي مرتي كنت بحس انو علاقتنا اكبر من علاقة راجل ومرتو كانت حاجه كده م مفهومه بس م بقدر اعيش بدونها وم بسمي الايام الفاتت دي ايام لانو الزمن كان بوقف اول م توقف ضحكتها فمابين ضحكتها الأولى والتانيه الف دهر استعيد بها شبابي ✨
انا م عايزه يا احمد
عاني انتي زعلانه مني دا شي بينا الاكل م ليهو دخل فيهو يلا افتحي خشمك دا همممم
احمد بطل ياخ
ابطل شنو 😏
احممممممد 😑
احينا هو انا اسمي سمح كده ولا عندك انتي بس بكون سمح😐
نينينيني 😑
نيني في عينك يلا افتحي خشمك دا يا سجم
سجم براك
طيب اي انا سجم يلا افتحي 😂😂
يا احمد
احكي
ممكن اطلب منك طلب
من متين بتستاذني عشان تتطلبي مني شي انتي عيانه يا بت😐
احمد انا جاده يعني م هترفض أبداً ابيداً؟!
ايوننن م هرفض أبداً ابيداً ءامري يستي😂😂
ممكن تطلع ابوك من السجن عشان خاطري؟!
اقفلي الموضوع دا احسن يا ساجده
لكن يا احم..
ساجده م عايز نقاش في الموضوع دا خلاص قلت ليك
....
*على من اكذب انا اليوم مشتاق كما بالامس مشتاق ظننت بالبعد ابعدك فوجدت البعد اقربك وابعدني💔 فعودي اليوم غداً لمثواك واسكني قلبي وعودي لمُحيّ الحب ادثريني بهِ...ظللتي الثرى و الثريا فكيف ابعدك؟! فانا المشتاق فلا تنسي ولا تجفي وعودي لذكر الحسن بيديك فلا تبكي ولا تشقي فانا اليوم اسندك ... 🌸...*
--------------------------------------
---------------------
*☆يتبــــــــــــــــــــــــــــــــــــــــــــع☆☆*
**

*#احمدنا_الملتحي《36》*❤️

*By:Sajda_Ahmed*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
انتي لو م عايزاني اقعد معاك كلميني بس م تقعدي تعيدي وتكرري نفس الكلام ياخ دي شنو العيشه البتقرف دي
العيشه معاي انا بتقرف يا احمد؟!
اي بقت تقرف يا ساجده انتي ليك اسبوعين اذا نطقتي بحرف معاي بكون عن نفس الموضوع وانا كلمتك انو محسوم بالنسبة لي
قلت لي بتقرف يالله نظام الشفتو داك م كان بقرف والعملتو داك م كان بقرف
تاني يا ساجده تاني؟!
اي تاني وتالت ورابع يا احمد ليه هو يالفي بالك يا لا؟! وزي م انت بتقرف انا كمان بقرف م قادره انسى م قادره
اسي انتي بتخلطي المواضيع ببعض ليه
انا م خلطت مواضيع يا احمد انت وانا عارفين انو الحاجتين من نفس الموضوع ودا كلو ع بعضو موضوع واحد
عايني لما تنوي تقفلي السيره دي ابقي مسكلي لي عشان ارجع
ترجع؟،!!!! ليه انت ماشي وين؟!
ماشي من هنا بطني طمت يا ساجده
طيب يا احمد ماشي
انا الماشي يستي طلع وقفل الباب وراهو شلت اقرب توب لبستو ومشيت لحقتو كان بمشي يقعد عن ست شاي في بداية الشارع قعد براهو جريت كرسي وقعدت قصادو عاين لي بستغراب
الجابك هنا شنو
نفس الجابك
قومي ارجعي البيت
لا م راجعه رجلي ع رجلك
احييييين يا ساجده م ناقصك
ااا اسي بقيت م ناقصني
م قصدي كده يا ساجده بس
بس شنو يا احمد دا ابوك انت م ربنا عشان تحاكمو مهما عمل في النهايه ابوك كان ضربت راسك بالسماء ورجعت هيفضل ابوك في النهاية هو بشر يعني بغلط
غلطو كلف حياة انسان بريء وكلفنا كلنا حياتنا م حياتها هي وبس بالاضافه لاني حاكمتو بالقانون وكنت قادر اعمل اكتر من كده بس مسكت نفسي
طيب وبعد سجنتو حصل شنو؟!
م عارف بس
لا لازم تعرف لازم يا احمد هل حق اختك هيرجع روحها هترجع؟!
ساجده انتي بتتكلمي عن قاااتل عايز يلحقنا كلنا لحنين لا دا كان هيلحق امي ليها دا ما انسان دا بقى مريض
قاتل بدون عمد مافي زول بيقتل بتو وبيفضل عايش احنا اتخطينا زمن الجاهليه وبعدين صدقني هيكون ندمان ولو م ندمان م كان هيبقى سكرجي عشان ينسى في النهاية احنا تحت مسمى بشر يعني م ملائكة وبنغلط سواء الغلط كبير او صغير وبعدين انت ليه نسيت كل حسناته ومسكت في السيئه دي والمريض محتاج يتعالج مش يتخى في ركن ونقول لحد م المرض يروح براهو
ركزت فيها لانها م بتغتفر يا ساجده
كل شي بيغتفر بس برحمة ربنا فسيب كل عبد لربو بيعرف يحاسبو
ساجده انتي مقتنعه بالبتقولي فيهو دا؟!
صراحه صراحه لا😂🙊شوف يا احمد انا البعرفو انو مهما حصل اهلنا هيفضلو اهلنا شئنا ام ابينا فعشان خاطري طلعو كفايه جدا سنه و9 شهور كفايه وامك صحتها تعبانه تخيل انها بتقول دا اخر طلب عندها احمد خلاص عشان خاطري طلعو ارحمو من في الأرض يرحمكم من في السماء
طيب قومي
وينن؟!
انتي قومي بس
طيب
...
م كنت مقتنع بي ولا حرف من القالتو دا بس عشان اقنعها انو كلامها كلو غلط في غلط كان لازم اطلع ابوي ولو لفتره قصيره ويا ريتني م طلعتو ياريتني م عالجت الغلط بغلط💔💔
بعد اسبوعين بالضبط من طلوعو كنت قاعد مع ماذن عند ست شاي وبقول لي انو عايز يخطي خطوه جاده في موضوعو وكده فااا اثناء م بنتكلم وتين اتصلت بي وعرفت انو الجاي منهم م خير خالص ولا في نيتهم خير خلصت المكالمه وكان قلبي واجعني ع ساجده وحاسي انو في شي م هناي
يا ماذن
ااام
هي ليه بتشبه حنين كده انا م عارف اقول شنو بس ادق ادق تفاصيلها حنين ساعات بحسها حنين 💔
منو هي
ساجده يا ماذن ساجده 💔
طيب دي حاجه كويسه ولا كعبه؟!
مدي المشكله يا ماذن اني م عارف انا م عايز اقرب ليها وم قادر ابعد عنها وفي نفس الوقت حاسي انو لازم ابعد عنها
ليه
خايف تختفي زي اي شي يا ماذن زي حنين زي وتين زي بتي خايف تتاذى زي امي انا انسان مؤذي يا ماذن مؤذي وخايف ابعد واتلاشى انت عارف انا عايش عشانها والله بدونها بموت بس كمان قربها مني هيذيها
بس الكلام دا فات وقتو يا احمد
ليه يا ماذن
لانك اتزوجتها وخلاص وم ينفع تنسحب وتكسرها يا احمد
اااه يا ماذن انا م عارف هيحصل لي شنو لو حصل ليها شي💔
يا احمد م هيحصل ليها شي انت م مقصر معاها خاتيها في عينك قبل قلبك
انا لازم اسيبها يا ماذن

دي ساجده يا احمد انت مستوعب البتقول فيهو دا جنيت انت؟!
مهو عشان انا مستوعب وواعي لازم اعمل كده اي هعمل كده وكفايه اعلقها بي لي هنا انا مهقدر اتغير عارف نفسي وم هقدر احميها ولا ضامن ليها سعادتها معاي لازم ابعد لازم
احمد يا احمد ماشي وين.. يا احمد
...
في اخر 4 ايام في ارقام غريبه بقت بتتصل لي طوالي خصوصاً لما احمد يكون ماف وبترسل رسايل تهديد كل م ابلكهم بتتصل ارقام جديده فلما فاض بي رديت
الو منو معاي
وأخيراً رديتي؟!
عايز شنو
عايز اشوفك
بس انا م عايزه لو سمحت تاني م تتصل لي
لو م جيتي اسي هنشر الصور
صور شنو
متأكده عايزه تشوفيها؟!
جرب اتصل تاني وهندمك
انا الهندمك اذا م جيتي اسي واعتبري زواجك انتهى والصور هتنتشر بالاكاونت حقك وصدقيني ماف زول هيسندك ساعتها وكلهم هيشوفوك واحده حقيره م اكتر وعموماً هرسل ليك جزء من الصور وابقي قرري بعدها هتجي ولا لأ
اسوء السوء تتخت بين خيارين م ليهم تالت الخيارين بكون يا جهنم يا سعير اختلاف مسميات لنفس النهايه والمصير او لنفس الشي بالضبط دا الانا كنت فيهو انا كنت مخيره بين نارين كنت بليون في الميه م هوافق اني الاقي البني ادم دا بغض النظر عن هو منو كان دا قراري بس بعد م شفت الصور بقى بليونين في الميه لازم الاقيهو يمكن انا م كنت مخيره بس كنت مغصبوه واي انسان سليم كان هيعمل كده خصوصاً انو الصور صور لحنين مع واحد م ظاهر وشو في اوضاع م هناي وكان في فديو كمان 💔 حسيت راسي لافي وبطني طمت ورجليني ماشايلاني دا وانا م لاقيت حنين واتعرفت عليها بس احمد من حبو ليها خلاني احبها احبها؟! لا اعشقها عديل بقيت احس اني بعرفها وكاني عشت معاها الما خلاني افكر مره واتنين وتلاته احساس احمد لما يشوف الصور دي كفايه جداً انو شايل ذنب كل الحصل براهو وشايف انو الغلط غلطو رجع الرقم اتصل بي تاني اترددت ارد بس هو فصل ورسل اذا م رديتي هقول ليك مبروك ع الطلاق معاك عشر ثواني تردي
خفت ورجعت اتصلت عليهو انا علطول ويمكن دا اكبر غلط علمتو خليتو يعرف انو دي نقطة ضعفي م كنت قادره احسب كل خطوه بعملها اول م رد قعد يضحك
انزلي لي جنب الدكان
لا طبعاً احمد هيجي
لا لا لا اوففففف هتخليني اعصب كده احمد دا تنسيهو خالص يقلبي سامعه المهم معاك 5 دقايق تنزلي لي وياريت شعرك يكون مفكوك والبسي توب خفيف
انت منو وعايز تصل لشنو
نا نا نا بقت 4 دقايق انت عارفه انا ممكن اعمل شنو صح فا متخليني اعيد واكرر يخ وياريت تتعتطري بعطر قويي عشان انا هنايي...
فصلت في وشو وفكيت شعري واتعطرت وشلت شبشبي في يدي اتصلت لي احمد مره واتنين وتلاته م رد قلت احسن يكون بعيد قلبي م كان مطمن نهائي لاقتني خالتو امل في الصاله قالت لي ماشه وين قلت ليها ماشه اجيب رصيد قالت لي طيب م تكلمي احمد يحول ليك عشان م يجي يعمل ليك قصه في طلعتك للبقاله دي عارفهو دمو حامي وم هيعجبو يا بتي قلت ليها اتصلت ليهو كتير بس م برد وبعدين مف زول هيوريهو همشي سريع واجي قالت لي غايتو مخير الله يا بتي امشي سريع وتعالي لبست التوب جنب الباب وطلعت ياريتني م طلعت 💔
مشيت بقيت اتلفت م شايفه زول فتحت تلفوني اشوف البني ادم دا وين بعد شويه سمعت صوت بعيد بقول مشتاقه لي شوفتي للدرجه دي انا زاتي مشتاق لشوفتك يا بيبي
كان بتكلم بصوت كده يطمم البطن كان واحد طول في عرض جسمو رياضي ملثم وشو بي شال فم شفت وشو قرب مني وختا يدو في وشي وبقى بحرك اصبعو في وشي
ايوه كده م تعصبيني خلينا حلوين يحلوه انتي
ياريت تلتزم حدودك وزح مني
اهااا هعتصبيني انتي م بتحددي لي حدودي وين سامعه ورمى التوب من راسي وبقى بمشي يدو في شعري
هو الواحد عشان يصل ليك الا يستعمل الاسلوب دا يعني😏
ممكن افهم انت عايز شنو
عايزك انتي يجميل وبعدين في زول وراك انو ملامحك وانتي خايفه ومعصبه حلوه شديد اوففف انا حاسد احمد وكرهي ليهو زاد يعني هو واحد عندو شي بالجمال دا يمشي يفتش برا 😔ويعاين لي امثال وتين 😶💔جاحد للنعم طول عمرو بس م مشكلة انا هقدر النعم
دي 😔
قلت ليهو بضيق لاني حسيت نفسي مخنوقه وقرفانه شديد ممكن تختصر عايز شنو
ختا يدو في رقبتي وبدا يقرب اكتر وهمس لي عايزك انتيي ي قلب 😔
ساااجده؟!!!!
اح.. م. د؟!
.....
*انا اليوم اعاتبني واشكوني لسيدتي واعفوها عن مجاورتي وارجو الحسن لي اعيونها فكل الحسن اخاذ الا حسن اعيونها يُعيِني ويرميني بيديها كسهم اصاب الطير بجنحيه فما مات ولا نال من الحياة انصبه فدمتي الخير وارجو الصفح عن محاكمتي فانا اليوم اقتلني فأعفيني يا سيدتي ... 🌸✨*
....
--------------------------------------
---------------------
*☆يتبــــــــــــــــــــــــــــــــــــــــــــع☆☆*
**

*#احمدنا_الملتحي《37》*❤️

*By:Sajda_Ahmed*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
ساجده المطلعك برا شنو؟!!!
كنت عايزه اجيب رصيد
رصيد؟!
مسك يدي بكل قوتو وجراني وراهو لحد م وصلنا فوق دخلني وقفل الباب وقرب مني ومسك وشي بيدو وبقى بعاين جوا عيوني والشرار بطاير من عيونو
احمد في شنو انت متغير الفتره دي معرفت انا الحامل ولا انت في شنو يولدي مالك 😹😹احمد فكني يخ وجعتني احمد جاده انا يخ زح مني احمممد
رصيد؟!! ايي واضح انو رصيد بس من نوع تاني ، دا منو الكنتي معاهو دا يا ساجده برضو من جيرانكم؟! لا واضح عندهم معامله خاصه ناس جيرانكم ديل طيبب م تعامليني بيها انا برضو ليه عامله لي انك الشريف الرضي ، انا باطل؟! طيب انتي شنو ردي عليي انتي شنو؟! يخ ع الاقل سوي كده بعيد من بيتي انا بكرهك يا ساجده بكرهك معايز اشوفك وبمجرد م تولدي الفي بطنك دا لا بعرفك لا بتعرفيني وانتي طالق احنا م هننفع لبعض م هننفع ليه يا ساجده ليه انا عملت ليك شنو انا اقسم حبيتك من كل قلبي ليه عملتي كدا ليه هنت عليك؟! طييبب لو انا هين و بالنسبة ليك ولا شي ؛ هان عليك الفي بطنك دا ولدي.. ولدنا يا ساجده مش دا المفترض هنربيهو سوا؟! ليه؟! من متين وانتي بتقابلي الاشكال دي؟! م حاسه بالقرف من نفسك؟! هه هتقرفي ليه وانتي متعوده بتحبي تتعاملي كده؟! طيب كلمني انا كنت هعمل ليك كده بس بتعملي كده ليه ناقصة شنو قصرت في حقك انا ؛ ناقصك شنو بس وريني وتين يا ساجده وتين؟! هي التنبهني ليك؟! مره واتنين وتلاته؟! كفايه انو وتين... عارفه انا .. انا وصل بي وين؟! انا حالياً شاكي الفي بطنك دا زاتو يكون ولدي ، م ولدي صح؟! انطقي ساكته ليه؟! م ولدي صح؟!
وتين؟! وتين شنو؟!
هه خليتي كل شي ومسكتي في وتين؟! اي وتين يا ساجده وتين الهجرتني بس م خانتني زيك ي... وتين الهي اسي حامل مني ودا الانا عارفو اكتر من ما عارف اذا الفي بطنك مني ولامن واحد تاني ع قدر م كنت بحبك انا بكرهك بكرهك من كل قلبي بكرهك
اسكت اسكت يا احمد اسكت ولا حرف معايزه اسمع منك ولا كلمه
معايزه تسمعي حقيقتك؟!
حقيقتي؟! اي صح هي حقيقتي فعلاً انا ليه بنكر؟! والفي بطني م ولدك وانا خاينه دا العايز تسمعو؟!
رفع يدو اداني كف واخد نفس ودموعو نزلت وفي ثانيه ملامحه اتغيرت فمسكني من يدي وبقى جاريني بكل قوتو وتوبي واقع وكل شويه بعترني فتح باب الشارع ولزاني برا وقال لي بنبره شبه منعدمه
تاني م تعتبي البيت دا انتي والفي بطنك متوا بالنسبة لي... انا.. ربنا يسامحك على العملتيهو.💔
دخل وقفل الباب بكل قوتو وقفت ع حيلي صلحت التوب بقيت م عارفه همشي وين بس هو انا رخيصة للدرجه دي؟! قدر شنو احنا بنتخت في مواقف بتظهر لينا ضعفنا معقول احمد شايفني رخيصه لدرجة اني احمل من غيرو؟! هو كيف كيف بس قدر يفكر كده؟! انا غلطانه؟! هل انا غلطانه عشان كنت عايزه احميهم من الفضيحه الكانت هتحصل في كل الأحوال احمد م كان هيتمسك بي لو رفضت او وافقت في الحالتين انا م كنت مخيره انا كنت مسيره وفي الحالتين هخسرو وهظهر في عينو واحده... م هزعل منو ولا هعاتبو معاهو حق هو م غلط هو شافني مع.. بس هو داك كان منو؟!وتين؟! وتين الخططت لي كل دا بس منو خاتي يدو مع وتين؟!وهيستفيد شنو؟! واذا كان مجرد زول دفعت ليهو ليه كان ملثم؟! ليه كان مغير صوتو؟! كأنو معايزني اعرفو هل عشان انا بعرفو مثلاً؟! طيب انا ليه حاسه اني بعرفو؟! لا لا لا دا شنو التخلف دا م اعتقد بس شكلو م غريب خالص حاسه انو معرفتي بيهو قويه شديد ؛ بس يمكن دا وهم مني بس ؛ لانو م كان واضح شكلو كان واقف في الضلام ؛ بس قصدو شنو بي هيحسد احمد اكتر يعني هو بعرف احمد طيب البينهم شنو؟! وليه قال لي يمشي لي امثال وتين مالا وتين؟! انا م قادره افهم .. بس احمد؟! احمد خلاص؟! تاني م هيكون في احمد ياربي انا عملت شنو؟! عملت شنو في الدنيا دي؟! يمكن ربنا م كاتب لي استمر معاهو انا راضيه من الليله ماف احمد خلاص انتهينا

...
كل البحصل لي خير صاح؟! وين الخير في بعدها؟! ساجده؟!يارب ليه بتختبرني فيها والله انا م قادر انا عاجز قدام ابسط تفاصيلها ؛ يارببب 💔
اخر حاجه كانت في بالي اتخت في موقف زي دا خصوصاً معاها انا قلت بكرها؟! بس هل فعلاً انا بكرها؟! بس هي ليه عملت كده ليه؟! دا يعني كل الصور الكانت بترسلها لي وتين صح بس وتين؟! وتين جابت الصور من وين وهي كانت معاي؟! بس دا م بيمحي الشفتو حتى لو كانت الصور كذب الشفتو كانت ساجده بين يدين واحد تاني ومقرب منها بطريقة تقرف

وهي م بعدت م اعترضت كانت موافقه وراضيه انا بكرهاا بكرهاا ولدي و هي؟! م هشوفهم؟! طيب منو تاني هيصحني اخر الليل عشان نفسو في اندومي؟! منو هيرقد في يدي ويهبش لحيتي وانا بغني ليهو عشان ينوم؟! انا ليه حبيتها؟! حبيتها؟! لا انا ادمنتها💔

في ثانيه اتهدم كل شي 💔راسي وجعني من التفكير وجعني ااااخ يا رببب دخلت الحمام استحما يمكن انضف عيوني من الشفتو وانا في الحمام سمعت صوت امي صرخت وبعدها اصوات جوطه في غرفتي وباب الحمام بدق بطريقه هستيريه فتحتو وانا مخلوع لقيت امي يدينها ملاينه دم بتقول لي ساجده.. احمد ساجده ابوك تحت بتتكلم وانفاسها بتتصادم ودموعها ماليه وشها
...
م جا في بالي الا اني امشي لميار واحكي ليها اتصلت عليها م ردت اتصلت ع ايمن من الجرس الاول رد
اووو الام المستقبلية الباعتنا
ايمن ممكن تجيني
وين انتي واحمد وين مالك الحاصل شنو وصوتك مالو
ايمن هتجي ولا اركب اي مصيبة زمان؟!
انتي وين؟!
انا جنب بيت احمد
ساجده قلقتيني عليك حاصل شي بينك وبين احمد؟!
ايمن هتجي؟!
طيب مسافه الطريق واكون عندك
انا هقيف ليك بالشارع الورا البقاله
خلاص تمام م تفصلي لحد م اصل
نزلت التلفون من اضاني ؛ كان في زقاق مضلم همشي بيهو عشان اصل للشارع التاني بقيت ماشه خطوه خطوه ورجليني م شايليني وكلمات احمد بتتعاد وتتكرر في راسي في صوت بعيد بنادي فيني يا بتي يا بت يا ام توب انتي اقيفي
اتلفت لي ورا كان راجل شكلو في نهاية ال40 او بدايه 50 م كان عجوز ملامحه باهته و ضعيف وفيهو شبه من زول بس منو؟! انا مركزه في ملامحه باحاول استجمع الشبه طعني بسكينه في بطني وهمس في اضاني بكلام في نص كلامو قال احمد وجرا بعدها م بتذكر حصل شنو
...
نزلت تحت بسرعة البرق حاسي اني كنت بطير م بمشي؛ شفت عربيه ايمن اتحركت رجعت خميت مفتاح ركبت عربيتي وحصلتو م عارف كنت لابس شنو ولا سايق كيف اصلاً ولا عارف لاحق شنو بس من ما امي جمعت ساجده وابوي و في نفس الجمله معناها حصل ليها شي حتى الدم الفي يديها كان اكبر دليل ايمن وقف عربيتو عند باب المستشفى ونزل ينادي يجيبو سرير نزلت شلتها وجريت بيها عند الطوارئ وبكورك بهستيريه م شفتها حاصل ليها شنو ولا الدم طالع من وين كل الشفتو دم مغطي كل شي وحاجه دافيه سايله بين يديني وبتنقط دخلوها وابو يدخلوني معاها و طلعوني برا جا دكتور اتكلم مع ايمن ايمن بقى بتصارع معاي عشان اطلع وطلعني برا المستشفى بعد عذاب ركبني في عربيتو وامن علي الابوب ونزل اتكلم في تلفونو ومشى بقاله جاب مويه وجا ركب ورجع امن العربيه كان بهدي فيني وكل م اشوف الدم الفي يدينو وجلابيتو بتوتر زياده وبكورك اكتر فتح قزازة المويه وكشحها في وشي وبقى بكورك فيني
انت مجنون مجنون انت؟! يعني بي كواريك دي هتعمل شنو هتنقذها انت لو خايف عليها وبتحبها بتخليها تنزل انصاص الليالي ليه وم هي براها لا في بطنها ولدك اسي لو عاشت هي الفي بطنها م هيعيش جاي اسي وتكورك في الخلق؟! انت العملت فيها كدا ولو ساجده والفي بطنها حصل ليهم شي انت السبب ومافي سبب غيرك قبل م تكورك في الدكاتره البعملو في واجبهم وتحاسبهم حاسب نفسك انت لانك انت الاهملت واجبك جاي تعاقب الخلق ع غلطك؟! اياً كانت المشكلة البينكم م في سبب يسمح ليك تخليها تنزل براها زي م سلموك ليها سالمه مسلَمه ترجعها سالمه مسلَمه لبيتهم لانها امانه في يدك بس عمرك م هتتحمل مسؤولية دايماً بتغلط وتجي تحاسب الناس ع غلطك متين هتبقى راجل متين؟!
يمكن كلام ايمن كان جارح بس كلامو صح مهما كانت المشكلة حتى لو كانت خيانه امها امنتني عليها ووعدت اخوها احفظها بس انا عملت شنو؟! دا كان هيكون نفس كلام ايمن لو عرف العملتو؟! والشفتها بتعملو؟! حتى لو كان غير كلامو ؛ الاتقال حالياً صح بنسبة بليون في الميه وانا غلطان 💔
...
اكبر غلط الحاجات البنسويها واحنا في لحظة انفعال لانو دايماً هنندم عليها سواء الانفعال فرح ولا غضب ولا اي نوع من الانفعالات لانو في اللحظه ديك العقل م بكون واعي غير بنسبة 0.1% قبل م تعملو شي فكرو فيهو مره واتنين وعشره عشان م تندمو وتقولو ياريت م عملنا
...
عما السكوت مني ومن ايمن يمكن م كان في شي يتقال او ابلغ شي ممكن يتقال هو الولاشي الحاصل اسي دا قطع سكوتنا تلفون ايمن الاتصل
الو اي معاك وين انت يا ماذن
...
اااا وصلتا؟!
...
طيب خش احنا في الباركن ولا اقول ليك دقيقه اطلع ليك انا
نزل وانا لسه سارح في تفاصيل اليوم دا قبل 4 ساعات كنا زي السمنه ع العسل وكانت بتحلق لي في دقني وانا بغني ليها وبنتهبل واسي هي بين الموت والحياه وانا في الحالتين حياتها ولا موتها هكون ميت 💔
رجع ايمن ومعاهو ماذن وشايلين كيس في يدهم

ساقوني مشينا الحمامات طلع لي فنيله وبنطلون دخلت لبستهم وغسلت وشي ويديني واتوضيت اديتهم الترينق الكنت لابسو ومشيت المسجد بتاع المستشفى وبقيت ادعي معارف مرا كم وانا ع نفس سجدتي دي وبدعي
؛ حسيت بحركة جنبي سلمت فكان ماذن بقول لي انو العمليه خلصت وماشين الدفن البقيه في حياتك ؛ دفن منو ساجده ماتت؟! بقيت بصرخ كيف يعني دفن انت بتعلب هي اسي كانت كويس م ممكن تموت لا م ممكن زح يا ماذن ايمن م تمسكني فكوني ياجماعه مرتي م ممكن تموت م ممكن اسي كانت كويسه ماذن انا م قلت ليك هيعملو ليها حاجه بس م كانت الحاجه انها تموت تموت كيف لا وخلتني لي منو
يا احمد استهدى بالله احمد استغفر دا شنو البتعمل فيهو دا
اهدأ كيف وانت بتقول لي هندفنها ندفنها كيف يعني ماذن مرتي يا ماذن مرتييي يا رب والله م بقدر يا ربب انت عارف مالي بعدها والله م بتحمل اكتر كفايه كده اكبر من طاقتي يا ايمننن قول لي القالو ماذن غلط
يا احمد استهدى بالله ساجده م ماتت مات الجنين
بقيت م عارف اضحك ولا ابكي لحظتها بس حاسي اتكبت فيني موية تلج حاسي راسي تقيل اتسندت ع ايمن وماذن لحد م وصلوني غرفتها بس م خلوني ادخل لقيت امي وخالتو ايمان وعاصم والناس كلها متلمه فوق م كنت قادر اقيف قدامهم ولا اجي جنب زول فيهم ماذن وايمن سندوني ع الحيطه ومشو يكملو الإجراءات قعدت في الارض وسندت راسي ع رجليني ودموعي سايله وببتسابق حسيت بزول بحضني عليو رفعت راسي لقيتها خالتو ايمان بتبكي وبطبطب علي وبتقول لي الحمدلله يولدي الحمد لله كلو حصل بمشيئة الله استغفر يولدي انت مؤمن الحمد لله لااا اله الا الله لاا اله الا الله يولدي قول لا اله الا الله قول وبكت في كتفي بقينا بنبكي الاتنين اي بنبكي بصوت عديل كنت بحاول ادس وشي في حضنها بس كان بظهر اكتر بحس بالذنب اكتر انا السبب انا💔
بعدها جا عاصم وشايل حاجه ملفوفه بقماش ابيض شايلها وببكي وبردد لا اله الا الله وصلني ومداها لي وياريتني م شلتو كان ولدي💔 الكان باقي ليهو اقل من شهرين ويجي في الدنيا كان كامل حتى شعرو نابت كان نسخه منها ...
بعد الدفن جيت دخلت الغرفه الفيها ساجده دا المكان الوحيد الكنت هقدر ابعد في عن اي زول دا المكان الوحيد الهكون قادر احس بشويه راحه فيهو رقدت في صدرها وبقيت ببكي...
يمكن كانت اكبر صدمه لي في حياتي اشوف ساجده في المنظر داك برغم انو وتين كلمتني وورتني صور بس كنت بقول بتحاول توقع بينا بغض النظر كان حقيقه ولا لعبه من وتين م في شي يبرر لساجده العملتو انا بكرها بس في نفس اللحظه م قادر افارقها هيكون احساسها شنو لما تعرف انو الفي بطنها مات بسبب الطعنه الجات في بطنها ساجده محتاجاني بس انام قادر كل م اشوفها بتزكر المنظر الشفتو ولما اتمعن تفاصيلها بتخيل ردت فعلها بعد تصحى وتعرف💔 ياريتني مت ولا عرفتك كدا يا ريتني مت ولا ربنا اختبرني فيك انا اسف لاني م كنت قدر كلمتي اسف لانك هنا بسببي اسف لاني دخلتك حياتي وختيتك في كل دا اسف لاني حبيتك اسف💔
حسيت بحركتها قمت منها ومسكت يدها فتحت وبقت تبكي هي بتبكي وانا ببكي سالتني بصوت مخنوق ولدي وين يا احمد
حسيت لحظه لساني اتشل م قادر انطق ولا اقول شي هقول ليها شنو مات قتلو ابوي؟! مات بسببي عشان طردتك وخليتك تنزلي براك في الوقت داك ؟! م كان هيحصل الحصل لو م نزلتك انا 💔
عادت السؤال بنبره احد من الأولى الشبه معدومه كررت السؤال مره واتنين وميه لحد م جاوبت ع نفسها بيأس مات صح قول لي انو مات هزيت ليها راسي صرخت صرخه وبكت بهستيريه بعدها اتماسكت ورفعت راسها بس رجعها الالم وقالت لي وين هو اسي عايزه اشوفو يا احمد عايزه اشوف ولدي💔 قلت ليها دفنهو قالت لي بنبره مكسروه انا م شفتو والله م شفتو كيف تدفنوهو يا احمد كيففف واااااايييييييي يا امي وااااييي احمد انا م شفتو والله م شفتو ولدي الكنا هندخلو مدارس انجليزيه وهنخليهو يقرأ في بِرطانيا طب ؛ مات يا احمد مااات 💔جات ممرضه ادتها مهدئ بقت ماسكه في يدي وبتتنهد زي الشافعه وبتردد مات مات ولدي لحد م نامت وهي بتتنهد
الموقف دا هز جواي كل شي م كنت قادر اعمل شي عرف معنى العجز لمره تانيه في حياتي بس المره دي كان اقوى ؛ م هو الموت كدا ودي الدنيا اهديها كيف وانا م قادر اهدي روحي م اعتقد في اختبارات اصعب من الموت احنا في لحظتها بنكون اضعف م يكون خصوصاً لو كان زول قريب وبعني لينا كتير انا من الموقف دا حسمت كل شي وقررت اني هرجعها البيت وانسى كل الحصل يمكن عشان اقتل احساسي بالذنب ويمكن عشان انا محتاج ليها وهي محتاجه لي ودا قرار كان محسوم بالنسبة لي
عدت تلاته اسابيع وخلالهم علاقتي بساجده م كانت بتزيد عن السلام وردو برغم انها بتنوم في حضني وبتبكي كل يوم فيهو وبتخليني اقرأ ليها قران عشان تهدأ بس دا كان بتنسي بمجرد طلوع الشمس اليوم البعدو و بتبقى تتجنبني جاء يوم تخريجها من المستشفى وانا في بالي افاتحها بس هي م مدياني وش وحتى بليل ابت تخليني ارقد جنبها ونادت امها ونامت في حضنها وانا بعاين ليهم

لحد الصباح م جايني نوم وبفكر في طريقه اسوقها معاي البيت ساقتها امها الحمام لبستها وجاتني قالت لي ساجده قالت عايزه تمشي معانا حاولت معاها رفضت بس خليها لحد م تهدأ وهترجع ليك براها الفتره دي نفسيتها تعبانه م هقدر اجبرها على حاجه انا فمعليش السموحه يولدي اعذرها اول جنا ليها وربنا يعوضها 💔
مرو تلاته شهور وساجده شبه قطعت علاقتها بي وكل م امشي ناوي ارجعها بتتعذر عذر جديد لحد م فاض بي ومشيت وانا ناوي الليله يا معاي يا معاهم دايماً
--------------------------------------
---------------------
*☆يتبــــــــــــــــــــــــــــــــــــــــــــع☆☆*
**

*#احمدنا_الملتحي《38》*❤️

*By:Sajda_Ahmed*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
انا بكذب ليه هي م هتكون معاهم م على كيفها اصلاً م من حقها تتخير اصلاً ؛ مشيت وانا محدد انو هي هترجع غصباً عنها عشاني عشان هي مرتي وحقتي م من حقها تبعد ولا ثانيه عني حتى لو بقت تكرهني م بهمني انا بحبها اي بحبها وبعشقها وغصباً عنها هترجع رضت ولا ابت ؛ انا بقيت متعصب لي كل شي بخصها م بقدر انوم الا وانا حاضن مخدتها البكون غالباً ملبسها قطعه من ملابسها او لافيها بتوبها وبعطرها بي عطرها واتخيل انو دي هي حتى اقدر انوم كم ساعه لحد م يجي الصباح واتزكر تفاصيلها في كل ركن من أركان الغرفه ؛ انا في الفتره بتاعت ال 4 شهور دي بقيت مجنون تماماً جنني بعدها ؛ حتى وصل بي الحال اني اخطط اخطفها كم مره وبصل لحد المكان الممكن اخطفها فيهو وبتراجع في اخر ثانيه ؛ انا عارف لو مشيت لعاصم ولا خالتو ايمان كلمتهم انو عايزها ترجع بيتي خلاص م هيرفضو وهيغصبوها بس انا كنت عايزها هي الترجع بي ارادتها بدون م تنغصب يمكن كنت واهم نفسي بانها هترجع براها بس كنت هصغر في عينها اذا عملت كدا وغصبتها هي بتحبني ومشتاقه لي ونفسها ترجع بس بتكابر انا عارف ودا كلو وهي م جايبه لي خبر اتملكتني برغم كل العملتو كل م احس اني تعبت من تمسكي بيها بتذكر يوم وفاة الجنين والحاله الدخلت فيها دا غير انها جمدت السنه عشان نفسيتها وحالتها الصحيه م كانت مساعده فا دا خلا شلتها يتخرجو وهي لا وبتذكر انو كل دا م كان هيحصل ليها لو م انا دخلت حياتها هي عانت بسببي م هسيبها ؛ وصلت بيتهم سلمت ع خالتو ايمان واتونست معاها وكالعاده ساجده بتحبس نفسها في غرفتها لما اجي بيتهم كانت بتتجنبني حتى انها لما بتكون اولاين ارسل ليها م بترد و لا حتى بتدخل تشوف الرساله ولما ترفع حاله واتاكد التلفون في يدها بتصل ليها م بترد ولا بتفصل في وشي بتخليني اتصل لحد م ازهج وترجع تدخل وتغيظني اكتر بانها ترفع حاله تانيه و م بتكلف نفسها تعبرني حتى ؛ حتى انها غيرت البرو الكان مصمم عشانا احنا وبس وعملتو صوره ليها مع واحد بس وشو م ظاهر فكافيه لي هنا هترجع لي ومعاي غصباً عنها
خالتو ايمان لو سمحتي انا عايز اتكلم مع ساجده
اجي يولدي دي مرتك انت هتستأني عشان تتكلم معاها دا كلام لكن؟!
م قصدي كده بس لو ممكن تمشي قدامي تكلميها
دخلت وانا واقف جنب الباب قالت ليها يا ساجده احمد دا عايز يتكلم معاك
اوففف قولي ليهو نايمه ورجعت مسكت التلفون لمكالمتها قلت ليها هي م هتقولي انتي نايمه ولا هتكذب جاي اتكلم معاك انا م اكلك وقبلت ع خالتو ايمان قلت ليها شكراً وطلعت قفلت الباب وراها جيت وقفت قدام ساجده
قلت ليها ممكن نتكلم اكتفت بي انها تعاين لي ورجعت لمكالمتها
طيب عاين يا وائل دقيقتين وارجع ليك لالا مف شي م يستاهل تجي دا طليقي طيب وانت كمان خل.. قلعت التلفون من يدها وقلت ليهو انا م طليقها انا راجلها وم اشوفك بتتكلم مع مرتي تاني وشغل عنتره دا اعملو مع واحده تانيه غيرها ورميت التلفون في الحيطه وقبلت عليها كانت كومه من التلج في شكل انسان ولا حتى ملامح وشها اتغيرت اكتفت بي انها تطقطق في لبنتها وعينها جوه عيني ؛ الانا شايفها حالياً دي م ساجده دي كائن اختلف بنسبة 180 درجه بقى بارد لابعد الحدود
جهزي نفسك عشان احنا ماشين
اسمها انت ماشي انا خطوه معاك مهعتب وياريت تتفضل تطلع برا ااا صح نقطه اخيره ياريت ورقه طلاقي الرسميه تصلني في اقرب وقت عايزه اشوف حياتي انا 🙂
خلي في بالك انو مف ليك حياة مع راجل تاني غيري ؛ وطلاق انا م مطلق لو ضربتي راسك بالسماء ؛ وهخليك معلقه كده يا انا يا لا فاهمه ونشوف اخرة عنادك دا يساجده وختي في بالك طلاق م بطلق والبتطوليهو اعمليهو واخرتك ترجعي لي وعيونك بتبكي دم وهشوفي الايام بينا وزفت وائل دا م اشوفك ولا اسمع بالغلط انك بتكلميهو عشان الهيحصل م خير خليك عارفه وانا لو عايز ارجعك برجعك غصباً عليك بس طالما هو تحدي بنشوف يا ساجده بنشوف قلت كلماتي دي وطلعت م شايف قدامي بكل نفس بتتكلم مع واحد تاني؟! وكمان بتقول ليهو انا طليقها بكل بساطه م كانو كان بينا شي؟!شي؟! لا احنا كان بينا كل شي 💔 بس انا ليه ساعي وراها وهي لا؟!

...
بقولو في حاجات اذا انكسرت م بتتصلح بس دايماً كان قادر يصلحني الا المره دي اتفقت مع المقوله لانو هو الكسرني ، انا م نسيتو عشان اتذكرو بس بالنسبه لي احمد حاجه حلوه م هقدر اتعايش معاها بختصار علاقتنا هتكون زي السكر لواحد مصاب بالسكري اسماءنا مترابطين حتى لو بعدنا بس قربنا هيكون سبب موت واحد فينا ؛ انا م بنكر في لحظات كتير بضعف وبقرب امشي ليهو واترمي في حضنو واقول ليهو اني مشتاقه ليك شديد بس بتذكر تفاصيل اليوم البشع انا حرمت علي شارع بيتهم من اليوم داك رجعه للشارع داك م هرجع وعليها وتين حامل وهتقدر تعوض احمد وتنسيهو وجودي معاهو اصلاً هو بحبها م نساها زي م بقول يمكن ربنا كاتب ليهم هم يرجعو يكملو قصتهم وكاتب قصتي مع احمد تنتهي ؛ وربنا يسامحها ع العملتو فيني 💔 اخر حاجه كنت بتمناها علاقتي مع احمد تصل لهنا او تنتهي بطريقه زي دي بس كل البيكتبو ربنا لحكمه 💙
...
مرو شهرين وانا سايب ساجده على هواها بس في المقابل انا اتغيرت تماماً بقيت عصبي ومزاجي معكر 24 وعليها مشتاق ليها شديد بس هي ما حاسه بي في حين انو هي الخاينه هي الاقترفت الذنب بس انا الشايل الحساب انا البتحاسب ببعدها مش دا الانا كنت عايز اعملو طيب ليه انا اسي بعاند ليه م قادر اشيلها من بالي برغم انو لحد الان معرفتي بيها م اتخطت ال3 سنين
خلال السنه دي ايمن وميار اطلقو بسبب مشاكل بينهم وقدر م حاولنا نصلح بينهم كان في رفض من الطرفين ايمن صاحبي من واحنا عمر 4 سنين م هيرضى يغير رايو وحتى ميار عنيده وعلى ما يبدو قصتهم كدا انتهت ومف رجعه 💔
مرت علي شهور بحاول انسى ساجده بقيت بتعاطى بتاع بنات وشويه وكنت هبقى بشرب بس دا كلو م كان بنسيني ليها بالعكس دا كان بزيد في تعلقي بيها انا اتعذبت عذاب م يعلم بيهو الا الله عرفت بنات اشكال والوان بس دا كلو م كان بغير الزرعتو جواي حتى امي قاطعتني بسبب البعملو ماذن وايمن حاولو معاي كتير يزحوني عن الطريق دا بس م كان في زول قادر حتى وتين بعد م رجعت ليها بقيت م متحملها وكل يوم بضربها لحد م اجهضت الفي بطنها واتطلقت مني ومعرفت ليها اثر بس قبل داك صارحتني بالحقيقه وانو كل الصور الكانت بترسلها عن ساجده مفبركة بس م حكت لي عن الشفتو وخلتني معلق بين داك كان حقيقه ولا كذب💔 حتى اليوم الرجعتها فيهو بيتي وانا وهي مشوهين من الضرب كان كذبه وكانت متقفه مع رجال يضربوها ويضربوني عشان تقول انو دا اخوها عمل فيها كدا عشان رجعت لي بتي انا فانا ارجعها بيتي وتخرب علاقتي مع ساجده وانا الغبي كنت بحقق ليها مختطاطها وانا مغمض حرفياً احترت في نفسي انا كيف حبيت البني ادمه دي؟! وهي عملت كل دا عشان شنو ومشكلتهم معانا شنو اصلاً؟! وليه بخربو في حياتنا عشان شنو هيستفيدو شنو؟!
دا كلو انا كنت غرقان فيهو براي وساجده م عارفه عني خبر بعد فتره قررت اختفي من حياتهم كلهم وفعلاً مشيت سافرت قطر وبقيت من سفرياتي لي بيتي ونسواني والقرف البعمل فيهو دا كلهم كانوا بحاولو يوصلو لي امي وخالتو ايمان وايمن وماذن حتى وتين جربت تتصل بي كذا مره وكلهم حاولو بس هي لا عمرها م حاولت بس انا حاولت اتصل بيها بس م كانت بترد لحد م يأست وبقيت م بتصل خالص وكم مره بقرب احذف صورها ومحادثاتها والفديوهات بتاعتها بس بتراجع بعجز م بقدر وفي يوم كنت بقلب في صورها اتصلت علي بقيت بتأكد مره واتنين وتلاته من الرقم لحد م فصل وقلت اكيد ضاربه غلط بس رجعت اتصلت تاني رميت التلفون مشيت غسلت وشي وعملت كبايه قهوه معارف ليه اتصرفت كدا وم رديت عليها يمكن عشان انتظرتها لحد م فاض بي او يمكن كنت فاكر نفسي بحلم زي كل مره بس مع ذلك فضلت تتصل كتير مره واتنين وتلاته لحد م رديت ولسه م كنت مصدق لحد م سمعت صوتها وم كان طبيعي كانت بتبكي انا لسه بميز حالتها من صوتها هي من العبره م كانت قادره تتكلم بس لفظت كم كلمه فيها امي والمستشفى وعمليه وفصلت وانا عقلي اتفصل اتصلت ليها كتير بس م ردت ؛ عملت كم تلفون وطلع في طياره بعد نص ساعه كبيت فيني مويه عشان اوعى نزلت تحت وقفت تكسي ومشيت المطار ونسيت تلفوني في الفندق بس م رجعت ليهو وصلت السودان وجريت ركبت تكسي م كنت عارف هم في ياتو مستشفى شلت من بتاع التكسي تلفونو وقدر م حاولت اتذكر رقم ماذن ايمن عاصم ولا اي زول م اتزكرتو جاء في بالي رقم كتبتو طلع ميسف عند الراجل ومكتوب عليهو بتي م اشتغلت بالموضوع شديد مسحتو وكتبتو كم مره بس كانو هو زاتو اتصلت مره واتنين وتلاته م رد المشكله اني م كنت قادر اعرف دا رقم منو بالضبط والمشكله الاكبر م عارف همشي وين قلت امشي بيت ناس ساجده يمكن امها ولا عاصم هناك بس البيت كان فاضي لفيت ع بيت ناس ماذن وايمن وكل البعرفهم واخر خيار فضل لي بيتنا وياريتني م مشيتو لقيت كمية عربات واقفه قدام بيتنا وفي اصوات عاليه طالعه من بيتنا دخلت ومن الباب ببكو فيني واحد ورا التاني واول م لمحوني الصريخ زاد انا م كنت مستوعب شي ديل ببكو في شنو لحد م وصلت ولمحت خالتو ايمان وساجده واقعين في الارض

وببكو بصوت شبه منعدم وقدامهم حاجه ملفوفه بقماش ابيض كانت جنازه 💔 اخر م كنت هقدر اتحملو وفاة امي واحنا علاقتنا مقطوعه وم راضيه عني ساجده اول م لمحتني جات بكت في حضني وقالت امي وصتها بي انها توصل لي انها راضيه عني وعافية لي وكان نفسها تودعني انا كنت في حالة اللا وعي واوعى ع شنو امي الماتت؟! هو انا لسه م اتجاوزت ولدي واختي اتجاوز وفاة امي امي سندي؟! امي الاخر حاجه فضلت لي من عيلتي؟! يعني بقيت يتم ام وابو؟! يارب ليه لييههه انا عصيتك بشنو لما اشوف دا كلو يارب انا م عندي طاقه والله تعببتتت دي اميييي امييي يالله امييييي والله م لي بعدها ياربببب ليه عاقبتني فيها لييهه؟! هقول يمنو بعدها دا والحاله انها كانت الحاجه الوحيده المصبراني ع القرف الانا فيهو يا رب انا ليه اتكتب لي

الوجع في كل دنيتي ليه م قادر اعيش بدون وجعع؟! انا مبقدر م لي القدره ديي اميييييي اااااخ يا امييييي ليه فاتتني انا م شفتها م راضيتها م شبعت منها ولا ودعتها انا معارف بقيت في حالتي دي كم ساعه عاجز اعمل اي شي اي زول بجي يصبرني بحتار فيني حتى انا محتار في روحي م قادر انطق ولا اقوم ولا اعمل اي شي وساجده مغطيه وشها ودافناهو في صردي وبتبكي وانا م قادر م قادر اعمل شنو انا لسه م مستوعب وحاسي اسي هتنزل من السلم وتقول لينا بطلو عواره انتظرت ساعه ساعتين م جات 💔لحد م قالو خلاص عايزين يصلو عليها دا كلو وانا م قربت ليها ولا هبشتها ولا مصدق اصلاً ما هو م ممكن امي لا م ممكن تسيبني وراها هتخليني لي منو وهي عارفه م في واحده قادره تتحملني غيرها ماف واحده حبتني زيها امي عندي منو بعدها ولا زول هي الوحيده الواقفه جنبي دايماً كيف يعني تمشي واحنا م اترضينا لسه م اخدت رضاها والله م شفتها انا لي سنه م شفتها ولا سمعت صوتها كيف تمشي وليه تمشي انا لما اترفعت الجنازه من قدامي لسه م قادر افهم الحاصل قمت زحيت ساجده مني ولحقتهم م عارف بعمل في شنو ماذن وايمن سندوني وصلوني المسجد صلينا عليها وشلنا الجنازه دفناها وانا واقف بعاين ليهم بعملو في شنو وبدفنو في منو وببكو ليه ام في البيت مش؟! دا مقلب عشان ارجع ووابطل البعمل فيهو دا؟! طيب انا بطلت اسي والله بطلت يلا كفايه هظار امي وين مشيت لماذن وبسألو امي وين يا ماذن؟! انا مش وصيتك عليها؟! وامنتك عليها وريني هي وين عليك الله اتكلم مشيت لايمن ايمن قول لي ماذن يتكلم امي وين مشيت نطيت في ماذن وبقيت بضرب فيهو وهو مسلم نفسو لي ودموعو سايله حجزوني منو ؛ الناس اتلمت فيني و بقت بتشيل معاي الفاتحه وانا بعاين ليهم ديل مالم؟! زحو مني انتو بتشيلو معاي الفاتحة ليه امي قاعد فوق مش يا ساجده قولي ليهم امي فووق رجعت دخلت غرفة امي وياريتني م دخلت انا ساعتها فقدت اخر امل لي انها هترجع لقيت توبها في المصلايه فتشت البيت كلو بس م كان في اثر واخر امل كان لي في غرفتها قعدت ورفعت توبها ختيتو في وشي وشميت ريحتها وصرخت صرخه اتيقنت فيها اني خلاص فقدتها بعدها بكيت بكيت بصوتت زي الشافع بقيت بناديها يمكن تسمعني وتجي تسكتني وتلمني في حضنها انا كل مره بتخت في موقف بحس انو اصعب من القبلو وبقرب اشكك في ايمانيتي بس دا كان الاصعب دا كان الصدمه الورتني اني م شفت شي في حياتي كلها اصعب منو م كنت متمني حاجه غير تجي بس والله اعمل اي شي بس خلوها تجي بكيت بكل الحيل الفيني ؛ نفسي اموت والحقها لييه بحصل لي كدا؟! ليييه تاني م هشوفها💔امييي 💔
مرت فتره البكى كاسوء فتره في حياتي مف شي بساوي الام مهما حصل ولا في شي بعوضنا عنها وخسارتهم خسارتنا احنا قبلهم ؛ اي انسان انا عرفتو في حياتي شفتو في الفتره دي بواسي فيني حتى ساجده الكنت بتمناها منى بقت معاي 24 ساعه بس بعد شنو؟! بعد م خسرت كل شي بسببها؟! خسرت امي رضاها ورضى ربنا؟! امي نفسي الطالع والداخل فارقتني 💔عدا شهر وم هقول اني رجعت عادي لا أبداً انا في اسوء حالاتي وعمري م هرجع عادي؛ قررت ارجع قطر وتاني م في شي يرجعني السودان معندي فيهو زول عشان ارجع وفعلاً كان في رحله بكره انا الكبتن فيها جهزت شنطتي ونقلت كل الاملاك لاسمي وعملت كل شي الا اني اطلق ساجده م قادر ولا هقدر سافرت وانا منهار تماماً وهناك بديت اصلح نفسي واحده واحده خليت البنات والتعاطي ورجعت لربنا يمكن ع الاقل اموت وانا علاقتي مع ربنا كويسه انا شبه بقيت ميت اصلاً بصحى باكل واشرب وامشي سفارتي ودا الشي الساعدني اني م ابي استقر في المكان اكتر من 3 ايام م كان عندي اصحاب قطعت علاقاتي بالكل بقيت عايش وانا بعيد في ماضيني سطر بعد سطر وبقيف في نقطه وفاة امي الما بعدها كلام 💔
في يوم وانا قاعد ماسك تلفوني جاني اتصال من رقم من السودان كرر اتصالو كم مره لما رديت كانت صاحبة ساجده كان اسمها فاطمه تقريباً بس بتتصل ليه اول م رديت لقيت نفسي بسأل من ساجده بلهفه اذا حصل ليها

اول صوت سمعتو ضحكتها الواحده وهي بتقول لي انو هي كويسه اكذب انا الضحكه دي هي الاكدت لي انو انا لسه عايش م بتذكر اخر مره ابتسمت متين بس اسي ابتسمت وحسيت قلبي هو الابتسم و ضرباتو بتتسابق قالت لي انت كيفك
_"اعتقد اني م تمام م تمام خالص يا ساجده مرت سنتين وانا م قادر اتجاوز شي لا وفاة امي ولا انتي ولا شي انا عاجز قدامكم ضعيف عايز ابكي في حضنك عايز اقول ليك اني تعبان تعبان شديد ومشتاق ليك مشتاق ليك شديد هل انا انسان سيئ للدرجه دي؟! انا ليه م مكتوب لي غير الوجع ساجده انا بحبك ومشتاق ليك شديد غصب عني م قادر امي يا ساجده امي مش انت قلتي هتسنديني وتقويني وينك انا ضعيف اسي ضعيف شديد محتاجك انتي سامعاني انا محتاجك💔"
انا تمام الحمدلله وبقينا بنتطمن ع بعض لحد ما قاطعتنا اصوات شلتها وهم بسكتونا مسكت التلفون ميار وقالت لي انو هم اتصلو عشان يعزموني لعرس فاطمه وممنوع ارفض بعد الحاح ساجده شالت التلفون منهم وشكلها اتحركت قالت لي يا احمد انا م هقول ليك تنسى وتتجاوز الحصل ليك بس دا م سبب يخليك تقطع علاقاتك بكل الناس في النهايه الموت قدرنا كلنا واسالني انا ؛ انا ضقت موت ولدي عارف ماف اصعب من موت الولد للام احمد عارفه كلامي م هيواسيك بس خليك عارف انو كلهم جنبك وانا جنبك وبجد اشتقت ليك وفصلت التلفون م هتكلم عن اثر اخر كلمات فيني بس الكلمات دي صحت فيني حاجات كتييره قتلتها 💔م حاولت اتصل بيها تاني بس خايف ارجع ويحصل شي جديد 💔
...
انا م بنكر اني اشتقت لي احمد بس معارفه ليه صارحتو بس انا اشتقت ليهو شديد صوتو الفيهو تعب وبحه وهو بتكلم براحه خليتني م اضبط نفسي 💔 بس كدا انا هرجعو بعد م هو قرر يبعد انا م ينفع ارجع ليهو ولا هرجع ليهو كفايه الحصل لينا بس دا م بمنع اني اكون جنبو واسندو صح؟!

...
*ماذا اقول وقد باعد بيننا م كنا بالامس يقّربنا؟! اما هنتي كما في عينك اراني؟! فلا تعفي ولا تنسي ولا ماعاد يجمعنا سوى ذكرى ولكن هيهات ان تنسي سخونة م كان في البرد يدفينا انا الذكرى انا العقبى فسيري اينما شئتي فغداً نلقى اليوم بالامس يجمعنا فهل انساك وهل تنسي وهل ننسى ؟! بكم حرف تعافييتي الن تبكي؟! فما هنتي ولن تهني وانتي في فؤاد يدي شمس تهوى احراقي فكم اهواك وكم انوي لقياك فمتى موعد الصدفه؟!... 🌸...*
--------------------------------------
---------------------
*☆يتبــــــــــــــــــــــــــــــــــــــــــــع☆☆*
**

*#احمدنا_الملتحي《39》*❤️
*#الاخيـــــــــــــــــــــــــــــرة*

*By:Sajda_Ahmed*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏
ساجده انا ميار ايمن ماذن كل الجماعة الطيبين اشكلنا اعمارنا اولادنا حياتنا بيتنا الشوارع الناس كل شي اتغير حتى دندناتها القديمه اتغيرت ملامح وشها وهي في بداية الخمسيانات بقت مختلفه عن ملامح العشرينيه البديت اتعلم معاها كيف احب ،ضفيرتينها الاتحولو من لون الفحم الاسود للون الرماد الباهت بس الحب عمرو م قل بالعكس كل م اخدت منو زاد ، وزي ما الزمن لعب لعبتو فينا زي ما الحب لعب العابو فينا برضو
...
*=لقد كانت خريفا ممطراً بارجاء صدري الظمئ💙*
...
*_هتعمل شنو لو رديتك مره واتنين ومليون ؟*
*=هرجع احاول للمره الواحد ومليون تاني 🙂💜*
..
رجعت ورجعت معاي الذكريات العمرها م فارقتني صدري اتغمت حسيت بضيقة نفس، جواي وساويس بتقول لي ارجع لمكان م جيت عشان م ترجع تاني مكسور كفايه الفيك للان بس طالما م عملت الجيت عشانو م راجع وقفت عربيه وصفت ليهو اول مكان عايز ازورو وصلت لقبر امي وقعت جنبو وبكيت.. بكيت بوجع وشوق واسف بكيت زي طفل ضايع في وسط زحمه من الخلق وعمرو م عرف يرجع لي اهلو ولا في زول حاول يساعدو عشان يرجع،بعد م خلصت قريت كم ايه و قمت من قبرها وودعتها ومشيت دخلت اقرب مسجد صليت ركعتين ادعي ربنا يوفقني في الجيت عشانو بعدها مشيت لمازن الاستقبلني كاني ولدو وقعد خاميني في حضنو مره يبكي فيني شويه ومره يضحك شويه ومره يديني بنج ومره يطبطب علي اللهم بعيداً عن درامات اخونا الجاف عاطفياً دا وعن الناس البتعاين لينا زي المجانين دخلت استحميت ونمت وطبعاً عشان اخونا العزابي البخيل دا تلاجتو فاضيه طلعنا ناكل برا البيت و اتصلنا ع البنات واتفقنا ع انهم يساعدوني ارجعها حتى دكتور اياد العريس م قصر كل شي كان جاهز المكان الديكور التخطيط كل شي بس كانت المشكلة كلها في انو نجيب ساجده كيف زي م انا عايزها ؟ وزي م بقولو ادي الخبز لخبازو ادينا المهمه دي لخالتو ايموو الله يطول بعمرها كفت ووفت💙💋
في مسا اليوم البعدو جهزنا كل صغيره وكبيره واي زول قعد في مكانو الا انا قلبي قبل عيوني منتظر يشوفها ، لمن خلاص عرفنا وصلت اطفت الاضاءه لحظه م جات داخله بالتوب الكحلي اللبستو يوم عرسنا واشتغلت غنية "فين لياليك عمال بناديك " مع البوم صورها العندي كلها وصور عرسنا وهبلنا وكل لحظه عشناها سوا في حياتنا وانتهت في اول صوره ليها عندي لمن كانت بتعمل في كيكه ...
*من جانب ساجده*
م كنت فاهمه في شنو جابوني عشان حفلة حنه اجي القى صوري ؟! مع غنية بحبها شديد بعد م خلصت الصور رجعت لاول صوره اتعرضت كنت فيها بنفس توبي وبضحك مع شافعه واتثبتت ع البروجكت واترفعت الاضاءه بنسبة بسيطه واتسلطت على زول قاعد في كرسي وشايل جيتارو وبدا يغني" مدريت وش صار فيني يوم عني غاب صوتك رحت اضم لك ترا صوره عندي وش اسوي مالي حيله غير بروازك اشيله واشكي همي واشتكي له شوف جرحي لايفوتك ..."
مهتكلم عن احساسي وانا بشوف الصور او وانا بسمع في صوتو الحزين البحتو زادت عن اخر مره غنى لي فيها اوملامحو الباهته وشعرو البقى كثيف ولحيتو المامرتبه والجلابيه الكحليه وكل شي فيهو كيف اسرني ورجعني لنقطة الصفر
بعد خلص اترفعت الاضاءه والناس القاعدين في المدرجات كلهم بقشقشو في دموعهم "واي يا يمه اللهم احمداً زيو😹😭💔"
فك المايك وخت الجيتار في الكرسي وبدا يتكلم وهو جاي علي فقال _حاجات كتير كانت بتقول وصلنا لي النهايه لكن لسه يمكن في سطور كانت م اكتملت في حروف كانت محتاجه تتنقط وتتخت في السطور منها اني هفضل احبك مهما عملتي ومهما كان البينا من بعد عشان البحب عمرو م بيكره يا ساجده جملة يداب قدرت افهمها م ممكن يقل حب البني ادم او يذبل عمرو م بنتهي او يفنى الحب دا الشي الوحيد المهما سلت منو زاد يمكن قبل م انتي تتصلي كنت فاكر نفسي اتجاوزتك واتجاوزت كل البينا وخلاص نويت ننفصل بس بكلمتين منك لقيت نفسي لسه... لسه الجواي ليك زي م هو ويمكن كمان زاد الشوق ضعف اضعاف مشاعري ليك ،قبل كنت محتاج كلمه بس منك هتنسيني كل شي اكذب واقول م كل يوم بسهر لحد الصبح ع امل يمكن تبرري او تعتذري او حتى تقولي يلا نرجع من غير م توضحي لي مالك او حصل شنو او حتى تتصلي وتفضلي ساكته كل يوم كنت بسال صورك يمكن ع الاقل تجاوبني هي او تواسيني ابتسماتها وكلماتك الم اتنست فيها المحفوره جوه قلبي الاتكسر يمكن قسيت وقسى عليك الزمن متين مرا الوقت دا كلو؟ متين بس لحقت

الايام تغير ملامحك تغير ابتسامتك وطريقة لفتك للتوب يمكن غلطت كتير شديد في حقك بس غلطي في حق نفسي اكبر صدقيني
قعد ع ركبتو وطلع خاتم وقال
_ ساجده تقبلي ترجعي لي؟
ساعتها حسيت اتكبت فيني موية تلج لساني اتشل مازن قال ليهو السكوت علامة الرضا يا باشاااووو.💃💃
احمد قام وحضني عليو منهم البقى يصفر والبقى يصفق والبكورك والبزغرتو ديل براهم كمان
...
كنت ميت من الفرحه حاسس شويه وكنت هطير لحد م فكت يديني منها وقالت لي
= احمد معليش بس م بقدر ارجع ليك
حسيت الدنيا اسودت في عيوني سمعي اتشل حواسي اتلجنت الابتسامه الفي وشي اتسرقت قلبي الكان هيطير من الفرح بقى مشقق حته حته قالت جملتها دي واتحركت
...
لما قربت من الباب رجع يعزف وغنى" راحت ولا علمتني حتى ولا كلمتني بيدين اهالي العذاب وللسهر سلمتني يعني نست من اكون وكيف حالي بيكون عشان بس تعرفون قد اي هي ظالمتني راحت وانا اسال وراها ودمع عيووني يطل معقول للحد هذا انا فراقي سهل ؟م تدري اني ابيها قلبي اتعود عليها ؟"
طلعت وخلت اخر خيط بيني وبينها يتقطع اتوقعتها ترجع بس م رجعت في الطلع وراها وفي القعد يواسيني وفي النهاية كلهم مشو وفضلت انا منتظرها ساعه ساعتين اربعه لحد م جات الساعه الساعه 7 الكنت مخطط نسافر فيها وبرضو م جات ساعتها عرفت انها اصلا مهتجي مشيت بيت مازن واخدت دش ولميت شنطتي وريحت كم ساعه وصحيت مع اذان الجمعه شلت شنطتي ومشيت..
...
بدون م احس بقيت بفتش عليهو بين المعازيم من الصباح لحد م جا زمن العقد وهو م جا قلبي وجعني شديد عليهو لقيت نفسي عايزه اطلع يمكن المحو ويطمن قلبي ميار لمحتني وانا واقفه ع الطرف سالتني اذا طالعه قلت اي فطلعت معاي من جوطة العرس الكانت حاصله في البيت و بقيت بتلفت يمين في شمال لحد م قالت لي م تتعبي اسي هيكون في المطار اتمشينا لحد م قعدنا قي حجر قصاد البحر فضلنا ساكتين لحد م قالت
-لسه م اتجاوزتيه صح ؟
=ولا هعرف اتجاوزو جواي حاجات مربوطه بيهو انتي فاهماني؟
-اكتر من ما انتي زاتك فاهمه
= بتحبيهو؟
-عارفه يا ساجده في ناس بتعرف تخلينا نطلعها من كل شي فينا بتصرفاتها وفي ناس مهما عملو مبنقدر نطلعهم من قلوبنا عشان دا مكانهم حتى لو كرهناهم هنفضل بنحبهم سالتيني اذا لسه بحبو ؟ هو انا متين بطلت احبو ؟
=طيب م نفسك ترجعو ؟
-م كل شي بجي في نفسنا مفترض يتعمل الانا ضقتو من ايمن يخليني اتمنى الموت ولا ارجع اعيش معاهو تحت سقف واحد مرات كتير يا ساجده كنت بحسدك ع نعمة احمد البحبك بس ساعتها كان بجيني صوت ايمن وهو بقول لي دا مش الحب الاخترتيهو يلا اتحملي ، ايمن اختلف تماماً من بعد حفلة زواجنا بعد اتقفل علينا باب واحد يوم عن يوم كان ماشي زايد في تصرفاتهو و عصبيتو وكوريكو في اقل حاجة ،كنت بقول معليش عشان لسه يدابنا في بداية طريقنا ومضغوط وهيرجع ايمن البعرفو فماف داعي للمشاكل معارفه اذا كان هو اصلاً كدا ولا بجد اختلف في الحالتين كنت بقول بتصلح بس حاشا وكلا ايمن بدا يمد يدو علي لمن النقاش والكواريك بدت تكتر فالبدايه كان الموضوع بكون في غرفتنا وم كتير مره مرتين فكنت بمشيها وبقول بيتعدل بس بعدين بقى عادي يضربني كل يوم وفي اقل شي وقدام الشغاله وبديها قروش عشان م تكلم امي او اي زول لحد م بقت بتهددو فقام رجعها بلدها وتاني م شفتها ،كنت مفتكره انو هو بحبني بس طلع بنتقم مني ع حاجه قديمه خالص وافتكرتها اتنست بس لا دا كان طول الفتره ديك بخطط يندمني بابشع طرق وم قصر من الناحية دي كفى ووفى انا كنت بصبح وبمسي بضرب باشكال وانواع مختلفه كان بيتفنن في عذابي وعشان م اتواصل مع زول او احكي البعملو فيني كان بشيل تلفوني معاهو لشغلو ومبخليني اتكلم مع زول الا جنبو حتى اخواني حذف ارقامهم من تلفوني بعد ما خلاني اخرب علاقتي بيهم بحجة انو بغير علي كان بشك فيني شديد وبيجي يفتش تلفوني دايماً وبيحبسني في غرفة فوق اما تكون بادره شديد او نار الله الموقده ومرات بيربطني عديل لحد م يجي من الشغل حتى يفكني حتى الاكل والشراب يا معاهو يا لا ، حتى وانا باكل م كان بيرحمني من الضرب كان لما يشوفني ببكي عشان تعبت من العيشه معاهو بكسر فتايل الريحه مليانه ويخليني امشي عليها حفيانه ويقول لي مش عايز تبكي يلا ابكي فلما ابكي بخت لي في جروحي الجاريه دم ليمون بملح ويضغط عليها ويقول لي م تبكي مرت ايمن م بتبكي مرتي انا م بتبكي كان مريض يا ساجده مريض تخيلي بعدين بطلع لي القزاز ويشيلني اغير ملابسي ويشيلني للعربيه يشتري لي اسوره او سلسل دهب ويقول لي اسف ويحسسني بالامان وارجع أنا الغبيه اسامحو وانوم في حضنو عشان بحبو بس هو عمرو م حباني يا ساجده كان بحدد لي زيارتي لي اهلي بمواعيد ورجلي ع رجلو الالم دا كلو م كان بساوي المي لما اجهضت بسببو عارفه اجهضت كيف؟ لمن حملت خفت اكلمو قبل م يثبت قلت اكلمو بعد يظهر شديد عشان يمكن يتحسن وكنت بتواصل مع الدكتوره بدون ميعرف لحد م يوم جا بدري شلت تلفوني ومشيت المطبخ اعمل ليهو شي ياكلو فاتصلت عليها م ردت مشيت ختيت

التلفون جنبو ومشيت جاني وع وشو ابتسامه افتقدتها وقال لي ميار حبيبي انا هبقى ابو؟! ومسكني من شعري اداني كف وعدلني بالتاني وقعد يضحك بهستيريا قال دا ولدي صح ؟ طيب ليه م. كلمتيني مش الفي بطنك دا ولدي ؟ ولا هو مااا ورماني في الارض وبقى يضربني برجلينو في بطني دا م ولدي صح دا م ولدي لحد م نزفت
كفايه يا ميار كفايه
عارفه يا ساجده الغلط م غلط ايمن براهو الغلط بدا مني ، انا علمتو انو مهما عمل فيني هسامحو عشان بحبو وهرجع اقيف معاهو في كل صغيره وكبيره انا الهونت نفسي ليهو فهنت م هانكر انو ايمن كان بعيشني ايام حلوه خالص بس في المقابل كان بيدفعني تمنها في ايام تانيه دم عارفه يا ساجده الدنيا دي بائسه جداً يا م تديك العايزو يا تديك العايزو وتبقيك تتمنى انها ياريت م ادتك ليهو نادر يا ساجده نحب البحبنا فمدام ربنا اداك فرصه حاولي م تضيعيها وتضيعي نفسك كفاية تعذبيهو وتعذبي نفسك وقفت عربيه وصفت ليهو يوصلني المطار وقالت لي بايات وع وشها ابتسامه باهته اول م اتحركنا بتاع العربيه مد لي باقة مويه شربت منها شويه وشلت مناديل نضفت بيها وشي وعدلتو رجعت اتصلت على ميار وسألتها اقول ليهو شنو
بتاع العربيه وقف ع جنب ورد علي بصوت م غريب علي وقال صدقيني م هتحتاجي تقولي شي وقبل علي اي ياهو نفس الزول الملثم اللاقيتو جنب الباب زمان وكان بهددني فك التلثيمه دقيقه دقيقه ايمن؟! وانا لسه بحاول استوعب نعست شديد ونمت م صحيت الا وانا مربطه في كرسي قاعد فوق في تله تحتها البحر والكرسي ع طرفها وجنبي طوالي ايمن م غيرو ، اسئله كتير في بالي اترجمت في _انت؟!
ضحك ضحكه طويله= اي انا يا ساجده عارفه ليه؟! عشان كل شي انا قلبي فيه اتسلب مني بطريقة او بتانيه بسبب احمد ، حب طفولتي البعدت عنها عشان هو زي اخوي الصغير وكان بحبها ولمن حاولت ابعدو عنها بعد زواجهم بعد عرفت انها كل همها تساعد اخوها ياخدو حق امهم من عيلة احمد كلها افتكرني بعمل كدا عشان حنين اختو الحبيتها ورفضني وخطبها لي اخو مرتو الاصلاً م حباها زيي ولا شافها حتى وكل همو يشوهه سمعتها ؛ حتى بعد حصل الحصل لمن طلبت منو استرها افتكرني بعمل كدا شماته فيهو م اكتفى بي كدا بس حتى انتي انا حبيتك بس انتي عمرك م حسيتي رفضتيني وقبلتيهو هو؟ليه الفي احمد شنو وأنا م فيني؟العندو شنو وانا م عندي ؟بحبك اكتر مني؟بعرفك اكتر مني؟ هاك شوفي صورك العندي م هو بس البصور حتى انا حبيت التصوير من شفتك انا عندي ليك صور حتى انتي م عندك
جا قعد عند رجليني وسالني بصوت طفولي وعيونو مليانه دموع
_بتحبيهو؟
...
بتحيبهو صح ؟!طيب وانا ؟! انا منو يحبني منو
=ميار بتحبك
_بس ميار عمرها م هتبقى انتي عمرها مهتبقى...💔وقف ع حيلو وفكاني وقومني ومسك راسي باسو واخد نفس طويل ومسح دموعي ودموعو وقال بصوت اقرب للهمس ربنا يسعدك يا زرقاوتي 💙 ارح راجلك منتظرك وابتسم ابتسامه حزينه ووصلني لحد المطار
=ايمن!
_نعم
=لي عملت كدا في ميار؟
_معارف
= صدقني هي بتحبك
_ ربنا يسعدها وتلقى اليسعدها ويعوضها يلا انزلي عشان باقي دقيقتين
=طيب ممكن اخر سؤال حق ام وتين شنو ورثها الحرموها منو عشان هربت زمان واتزوجت العايزاهو
_ هتعمل شنو في حياتك
=هفتش عن شبيهتك وأكمل حياتي معاها في الريف ويلا انزلي قبل م اغير رايي واكمل خياتي معاك انتي
_ هترميني في اقرب مكب نفاية صدقني
=مف شك طبعاً "مش يمكن قلبي يكون هو المكب؟"
...
*ولقد خلقت القلوب الطيبه لتلتقي 💙*
...
نزلت وجريت بفتش عليهو لمحتو قاعد وع وشو ابتسامه انتصار وهو بعاين لي وقفت قدامو وقلت ليهو بكرهك
= ممشكله انا بحبك 💋💙
_ انا بكرهك برضو
=مف زول غالطك ارح عشان الطياره م تفوتنا
_لا دقيقه قبل نمشي لازم تعرف اني طول ليل امبارح وأنا بفكر فيك نفسي كان ارجع ليك لحظتها بس حاجات كتير كانت بتقول لا اهمها اني م بت احمد مدير الشركات ولا بت ايمان انا بت السكرجي العرس الخدامه عُرفي ولما عرف بحملها طفش وم رجع سال عنها ولا عن بتو الا بعد كبرت هل كان هيفضل تمسكك بي زي م هو لو عرفت ؟ هل هترجع تتعامل معاي زي زمان بعد م تعرف اني م عندي حتى اخو اتسند عليهو انا تعبت يا احمد والله تعبت انا انسانه كعبه للدرجه دي؟! انا م خنتك يا احمد ولا كنت بت شوارع انا امي معارفه اذا ينفع اقول عنها امي ولا لا بس الربتني دي ربتني احسن تربيه انا كل العملتو كان عشان..
=هششش متكملي ولا تبرري يا ساجده عارف والله عارف انك م خنتيني وبحبك يستي حتى لو خايناني بحبك بتفهميها دي ولا اترجمها ليك ؟وقلتها مره واقولها تاني انا ابوك واخوك وولدة وامك وقبيلتك كلها وانتي بيتي فاهمه يعني شنو بيتي يعني المكان الاذا ضاقت علي الدنيا وسع كانو باضعاف الدنيا يعني اذا خفت هو البيحميني ويحسسني بالامان يعني لو اتقفلت كل الابواب هيفضل بابو فاتح لي فيلا كفايه بكى قشقشي دموعك دي عشان شكلك بقى مسيح شديد زي الداقنك ضربتو في كتفو

= خلااص بدينا؟!
_لسه هو انت شفت حاجه
=الله يعيني
_ارجع؟
=علي بالطلاق مف رجعه الا رجلي ع رجلك
انتهينا كدا؟!
حاشا وكلا عدينا اظبط شهرين ورجعنا واحنا طالعين من المطار احمد قال ليهم دقيقه رباط جزمتي اتفكى وقعد ع ركبتو وقبل علي وقال
= تقبلي تكوني مرتي وام اولادي للابد ؟!
_ ابداً 🙆
= ع كيفك هو؟!خموها يلا
من المطار خموني الكوفير وكان اظبط يوم في حياتنا وأخيراً عرسنا زي اي اتنين طبيعيين مش طبيعيين حرفياً لانو العملناهو م كان عمايل بشر طبيعيين اصلاً بعد خلصنا رقيصنا وقعدنا للجرتك وجا وقت رش اللبن خلتني اشرب كبايتي عشان لو رشيتها حلفت م تدخلني البيت سليم لاااا وبعد خلصتها قالت بصوت طفولي
_ احمد
=اها
_احساسك شنو وانت هتبقى ابو بعد 7 شهور
الجمله دي خلتني اقبل عليها كلي وجسمي مكهرب قامت الخسيسه الحيوانه كشحت فيني الكبايه كلها 😒
...
*بعد مرور سنين*
بقى عندنا ليلى ولؤي التوأم واخوهم الكبير قيس وامهم بقت دكتوره مفاضيه لينا زاتو وقاعدين مشردين م سألا عننا اخس بس🙂💔
اما ايمن فاستقر برا خلاص وبقى مشهور جداً في مجالو ولسه باير اما فاطمه واياد جابو شجن ومصطفى "توفي الصغنن 💙💋"في الطريق وماذن ومنار عرسو واستقرو في تركيا ومنار كل يوم فاتحه ليهو راسو بمفراكه كرعلي😹😭😹💔اما ميار فلمن قلت لقد خلقت القلوب الطيبة لتلتقي م كان من عدم اتزوجت صهيب الكانت بتكرهو وعايشين احلى حياه مع بعض وجايبين سجو في الطريق قلت ليهم م يسموها عليها بس مف زول شغال بي اصلا حقي مهضوم انا😑وتنو اخر عنقود الشله عقدت وعرسها بعد أسبوعين وطبعاً ميزو ومنن ووعد الكلهم عرسو وساجده مرتي طبعاً معسكرين في بيت العرس من اسي وخالننا مشردين البركه في ميار مرت السرور بتعمل اكل لي راجلها وبدينا معاهو مش زي ناس كدا تلفون م بتتصل اخسس بس 😒💔
ارجع واقول
*_قالو القدر اخاد بس طالما جابك حلال عليهو الدنيا والفيها وبيك هناي وليك هناي وساعة شقاي هلجأ ليك واقول سندي و جزا صبري وهفخر بيك بس شنوو... خليك معاي🖤🌸*
=ساجده
_ايونن
=بقى السؤال المهم ليه بتقولي لي احمدنا ؟
_عشان انت احمدنا بجد وبسيعني💙
...

*النهــــــــــــــــــــــــــــــــــــــــــــــــاية*
حبوا ياجماعه اتمسكو سامحو وحبوا هقولها تاني وتالت والخلاصه مف خلاصه دمتم سالميين 💋💙
*#Sajda_Ahmed💙🌸*
**