香港人Secrets

#投稿

其實講咩都唔重要，最重要嘅係單新聞遲咗四個鐘先出嚟

#講緊姜濤

800 views09:42

#投稿

問題係：
大家都唔知姜b背後究竟發生過啲乜嘢事
任何批評對佢都係涼薄同埋唔公平
～完～

（舉個例子，我唔希望係真：
娛樂圈性侵事件好常見，男男女女都有機會係受害人
請問風巴經歷過未？）

866 views12:24

Forwarded from 2025香港天氣及風暴追擊 (Since 2017)

#Admin專欄 #可以不愛可以受傷害先係男人 @windseasonbro

今日呢個話題，風巴預咗畀一眾姜糖圍攻，如果你唔想睇長文，簡而言之，我想同大家講作為一個男人，必須要有受傷害同埋不被愛嘅心理質素。

如果你想繼續睇呢篇admin專欄，風巴想同大家講我絕對唔係針對姜濤，只係覺得大部分姜糖嘅溺愛只會令姜濤不能成材。

事源係姜濤早兩日喺某碼頭睇日落時墮海，網民兩極討論，仇者認為一個公眾人物、青年偶像連自理能力都缺乏，喺一個設有1米圍欄嘅碼頭跌落海，實在幫唔落；親者認為網民對自已以外嘅任何人都harsh，呢啲刻薄嘅風氣要不得。

風巴對事唔對人，我認為作唔作為一個公眾人士都好，本身喺岸邊飲酒跌落海呢件事都係一種錯事，即係君子不立危牆之下，姜濤呢個跨欄墜海舉動，某程度上同危坐窗邊以致要人冒險救援無乜太大分別。

更何況佢作為一個年青人偶像，坦白講如果班後生跟佢危坐岸邊欄杆，跌落海出事，咁道德責任誰屬？

更甚者，有姜糖在網上高呼「可以不愛，但請不要傷害。」風巴衰啲講句，姜濤係流浪貓、狗嗎？

作為一個男人，應該要有被愛同不被愛嘅思想裝備，亦要有被傷害嘅勇氣，有無睇過一本書，叫被討厭嘅勇氣？

有無聽過一句說話，叫「曹操都有知心友，關羽都有對頭人？」如果你唔接受呢個世界唔係個個都欣賞你、愛你，你以為會一世都萬人擁戴，你根本就不值得被愛，因為你永遠只活在溫室嘅小花。

有無試過，以前細個有啲交心嘅朋友，你認為自己喺對方心目中同樣重要，但原來對方只係當你點頭之交？

有無試過，當你好愛你嘅情人，但原來你誤判你喺對方心裡面嘅份量，對方只係當你係朋友？

有無試過，以為你自己係一個做得唔錯嘅員工，但最後屈屈不得志，懷才不遇，無人賞識？

當以上事情發生時，請唔好自我防護機制mode on，唔好以為世界係圍住自己轉，無人愛自己，就自愛；有人傷害自己，就學習變得更堅強。

一句「可以不愛但請不要傷害」就完完全全定性咗自己偶像係極之脆弱，誠然強如哥哥張國榮都受到情緒病困擾，亦因為咁而自殺，離開咗我哋；近年香港亦有大量男女老幼跳樓燒炭自殺。然而我認為各位溫室農夫亦係促使現今社會心靈脆弱嘅禍根。

又有如一個孩童，你過份保護佢，生理上就係戴太耐口罩同消毒，當佢年紀稍大再第一次接觸就會適應唔到武肺病毒；心理上就係過份溺愛佢，令佢有公主病/王子病，適應唔到社會，不能同人正常相處......

呢個道理，引用落姜濤身上亦然，我認為各位對佢嘅寵愛只會扼殺佢嘅可能性。

古天樂入行前參與過一單打劫案，雖然佢只係睇水嗰一個，但當年都坐咗22個月監，當年女朋友重被好朋友撬牆腳，加上被傳媒爆料指責，換轉今日，就係社會性欺凌／傷害。

但佢坦然接受自己嘅過去，喺城市追擊被黃霑訪問時立心痛改前非，同佢演藝生涯初期代表作楊過一樣，都係有錯就改，就算被人underrate同埋傷害都欣然接受。

又有如龍珠Z嘅悟空，如果佢無受傷害，又點會愈戰愈強？（撒亞人受重創死唔去後會變得更強大）。

風巴都學習緊成為一個更強嘅人，我希望大家都係，我明白生活會有唔如意事，但生而為人，尤其係男人，應該要有不被愛、會受傷害嘅思想裝備，當你行過呢一步，以後無乜嘢會傷害到你。

而如果你哋當中有人有任何心事睇唔開，有乜都可以同風巴講。

請各位繼續跟隨暴風雨巴 @windseasonbro ，感謝各位由2016年至今都一直支持本頻道！

希望大家繼續支持暴風雨巴呢個TG Channel同 #Admin專欄，而如果你中意聽風巴 @Windseasonbro 鳩噏，請你Follow本Channel ❤️ @Windseasonhk ，並叫多兩個朋友玩TG Follow風巴，感謝=)

309 views15:04