انـه شيعي وما ادنك راسي
بيه مخلوق الوفه من ساسي
.
:::::-----:::::
.
انـه مؤمن بالولايه و بعلي
مايهمني شما تكلم عاذلي
وانـه حر ومن دنالي يبتلي
بيه غيره و زود من عباسي
.
:::::-----:::::
.
ما يدنك راسي للسفياني
انه شيعي وزودي للسستاني
الصدر حبه يسري بشرياني
انـه ببطال الزلم مقياسي
.
.:::::-----:::::
.
وين اليكلك يجون الكربله
اهلا نكلهم هلا و ميت هلا
عدنه لوتدري الحرب يامسهله
بدمي حب ال النبي وانفاسي
.
:::::-----:::::
.
راح نهلس شارب البينه يعيل
الوكت خله وينه لو رايد يميل
ما ابيعن مذهبي بل مستحيل
بيك مـا فـكـر ولا بحساسي
.
:::::-----:::::
.
ننتظر فتوة مراجعنه و امر
راح نطلع للحدود امن الفجر
خاطر نطشر مجاميع الكفر
تنتظر ساعة صفر اجراسي
.
:::::-----:::::
.
حسن صالح العيساوي

يحيدر يا علي رد للمدينه
.
.
من الطف تجي تسوي العزيه
وجيب وياك بس بنته الزجيه
يحيدر كوم مـن الغاضريه
انصب فاتحه و عينك جريه
عينك بالدمع حمره
تواسي فاطمه الزهره
تنوح بحسره و بعبره
كلبك مـا نسى ساعه ونينه
.
::::::-----:::::
.
الخاتم للرساله غمض العين
عظم الله اجرج يـم الحسين
الكل تحزن وياج اليله صوبين
املاك السمه كلهم معزين
ام الحسن والدها
راح اليوم من عدها
دمعتها احفرت خدها
كلب ام الحسن الله يعينه
.
::::::-----:::::
.
الله ايعنكم حيدر بالمصاب
انته بهل الفجيعه كلبك نصاب
كلبك لوصخر هم يا علي ذاب
تنسى الطف علي لودفعت الباب
عظم اجرك الليله
دمعك من دم تسيله
كلبك خلص كل حيله
حسينك بالطفوف موذرينه
.
:::::-----:::::
.
محمد الله خصك بالرساله
خصك بشكثر جله جلاله
مصابك والعرش دمعه بجاله
الطير بغار ظمك مـا كفاله
عليك العين عميانه
بمصابك يمولانه
وكلها الدنيا حزنانه
ابن عمك علي عميانه عينه
.
:::::-----:::::
.
الله ايعين فاطم عل فجيعه
واسوها بدمع يله يشيعه
بعين ام الحسن وعشه الوسيعه
من حسين نذبح هوه ورضيعه
نيران الهجر تلهب
يوم الغربت زينب
يوم اعله الهزل تركب
من سار الشمر وي الضعينه
.
:::::-----:::::
.
حسن صالح العيساوي

اعظم الله اجورنا واجوركم
باستشهاد النبي الرحمه
صلى الله عليه واله وسلم
كلماتي
واداء خادم ال محمد الحبيب
ملا محمد ثامر البزوني

استشهد الامام الحسن العسكري ع
.
الحسن مضلوم واويلي
:::::-----:::::
عمت عيني يغالي حيلي هديته
على فراك وهجر لا وين تاليته
ويكلبي للدفن بجفاك وديته
تره فكدك هدم حيلي
.:::::-----:::::
الحسن مضلوم يا عالم مثل جده
صبري اعليك يصعب ينوصف حده
يغايب طال صبري شكثره يا بعده
ماغمض جفنها ولانمت ليلي

:::::-----:::::
وصبرنه اهوايه لاجن مانفع ذره
شكثر ون بدليلي صار والحسره
كلب مكسور تدري الكلب شيجبره
اشوفك كل وكت مولاي توحيلي
:::::-----:::::
ذبل عود العمر والحيل مترادي
عله امصاب الامام وخلفت الهادي
عله حزني بقيت ونفس محتادي
افزمن نومتي بهموم تحجيلي
:::::-----:::::
نعصر كلبي مثل عصرات ضلع امك
اسولف بالحلم لمن خلص نجمك
يوحيلي بحلات انوم اشوف اسمك
مصايب بس اغمض بدت توميلي
:::::-----:::::
الزمان شلون ضالم غيير الواني
اخذ من الغوالي الوحدي خلاني
ويا دمي التعيش بوسط شرياني
ياعيني بدمع لفراك دم سيلي
:::::-----:::::
حسن صالح العيساوي

طاح الحسن يا ناس مسموم
:::::----::::
نكضي عمرنه بس بجي ونوح
يبقى الكلب يا ناس مجروح
وحيدر علينه  دمعه مسفوح
املاك السمه حزنانه هل يوم
:::::------:::::
اهل العصابه وحقد معروف
والله حقدهم صار مكشوف
بعين البصيره كمنه انشوف
لمو حقدهم  صبو اسموم
:::::-----:::::
جبد الحسن متكطع اوصال
وحشه المضيف وحشه الدلال
اي  وحك  زينب  والاعيال
زايل حقدهم  ابد  ميدوم
:::::-----:::::
ريت الصميده حاضر  وياه
يشوف الجراله بوليت اعداه
ويلي  عليك  الحسن  ويلاه
كلمن  يحب يبجي  بدموم
:::::-----:::::
كسرت ضهر لو مات الاحنين
وشحال كلبك ها يالحسين
تنصب عزيه اعليك صوبين
كلها البشر جي مات مضلوم
::::::-----::::::
ضلمه الوسيعه اعليك مولاي
طالت الغيبه سيدي اهواي
والمنذبح  ما  شارب  الماي
والبل  معارك جان  جيدوم
::::::-----:::::
ضجت  ملائكة السمه بنوح
وحسين منه  طلعت  الروح
الون  اليونه  ما يون  دوح
مصاب الحسن مامثله لدوم
:::::-----::::::
حسن صالح العيساوي

ابو ذيات نعي بحق الامام الحسن عليه السلام
.

خجل كلمن نضر عينه مناراه
وراي العلم من عنده   مناراه
واله بسامره منصوبه مناراه
تلوح لليريد يزور هيه
.
.
اسهام اجفاك بل دلال صوبين
الحسن تنعاك كل ناس صوبين
عليك عيون داحي الباب صبن
دموم وتلطم الزهره الزجيه
.
.
شوكت تضهر تداعي بيوم ثاراك
بجينه شعجب مافد يوم ثاراك
تريد الكلب يصفه بيوم ثاريك
حتى للضهور تبان جيه
.
.
حسن صالح العيساوي

شفت بسهام صابو كلب ابونه
يزينب روحي للطف كـلبي ابونه
يوسفه الحيل عمه كل ببونه
حسين اعله الثره طايح رميه
.
.
تعالو يال هاشم رك بختكم
الحيل وعل هزيله رك بختكم
روك الشام يهلي رك بختكم
متى تفزعون يخواني اليه
.
.
حسن صالح العيساوي

الباب والبسمار هدن حيلها
زينب بدمعات يخلص ليلها
.
.
زينب وفضه بحزن نفس المصاب
ثنينهن كعدن سوه بعتبت الباب
يعاتبن و الباب ما يسمع عتاب
عفيه زينب كلبج شيحمل عذاب
معذبه من الزغر  ،  شافت نجوم الظهر
هاي زينب بالكتب ترتيلها
.
.
يا كلب زينب تعذب من زغر
من علي شال الزجيه للكبر
الباب ويلي الباب يا باب الغدر
جن ضلعها مو ضلع امها نكسر
صدت بعين الحسن  ،  اعيونها زينب عمن
دموعها من دم ويويلي تسيلها
.
.
صاحت الحره العقيله يا علي
بويه من بعد الزجيه ياهو الي
و باجر بدار الغريبه ابلا هلي
بس دمع من عينها الحره يهلي
دون امها تعذبت  ،  زينب الحره تعبت
زينب املاك السمه تبجيلها..
.
.
لحضه ما هود كلبها امن الونين
مره تنضر حيدر ومره الحسين
يعين كلبج زينب الرب الامين
بلحضه فاركها امل كل السنين
وينها وين المصاب  ،  حره ماتحمل عذاب
الزهره صار بليل بس تغسيلها
.
.
اخ يا ليل الوداع شكد صعب
يضل دمع العين بالفركه يصب
غصبأ اعليها الفراك يضل غصب
تبقى لعيون بجفاها بس تصب
اخ يفراك الاهل   ،   فاركت كل الامل
الفركه صعبه من عرف تحليلها
.
.
حسن صالح العيساوي

القصيده استشهاد الزهراء عليها السلام
الشاعر حسن العيساوي
الرادود السعودي ابوحسن العطيه