بالحقد مطبور هامك انته ناوي اعله الرحيل
كلي ياهو ايضل اليه والدرب كلش طويل
اخلاف عينك لومشيت
ردت حل وما لكيت
يا عزيزي وماي عيني  تقبل ادموعي تسيل
:::::-----:::::
اكبال عيني راح ابويه كمت احس راح الدلال
مثل  دمعي لو بجيته  يرجع العيني  محال
باجر اخلافك يحيدر مجتفه و فوك الجمال
ليش ناوي اتشيل بويه وحتمن اتشد الرحال
صبن ادموعي وبجيت
ردت حل وما لكيت
الله ياخذ عمري ريته كونه يقبل  بالبديل
:::::-----:::::
يصعب افراك الغوالي والله لو طال البعد
مااشوف ابقى اعله حالي وانته رايح ماترد
ياتجوتي وذخر عمري سيف باشط بيك اهد
يذبل العود ابغيابك  مات بغصانه الورد
مثل شمعه ونطفيت
ردت حل وما لكيت
يا فقير واغنه تاجر ما الك واحد بديل
:::::-----:::::
بس هموم وضيم اشوفن والحزن والهم صفه
من تروح  وياك روحن نضر عيني و نطفه
حلف اعليه الوساده جفني لو  لحظه غفه
اه يا ليلي بغيابك صعبه  ساعات  الجفه
بيه يا ريتك دريت
ردت حل وما لكيت
خل اسولف عن غيابك خلي انطيك الدليل
:::::-----:::::
ابقى عطشانه اعله شوفك مثل ورده بلايه ماي
يا ضمد روحي وسندها الحيل تعبان ابرباي
غيمه بس تمطر عليه اهموم دنيه  امشتهاي
تيهت ماشوف تربي كمت امشي ابلايه راي
بدمع والهم لو غفيت
ردت حل وما لكيت
ويانه محتاره اليتامه ماكو من دونك كفيل
:::::-----:::::
اه يا ليل التجافي الدنيه  ماترحم غريب
يستجير بليله وحده  كلمن مفارك حبيب
مالي كل فرحه بحياتي الله شاهد والرقيب
استغيث ومامش احد يسمع اهاتي ويجيب
الربي امري سلميت
ردت حل وما لكيت
احمد الله اعلى الجرالي هوه بالحاله معيل
:::::-----:::::
حسن صالح العيساوي

ابو ذيات الى سيدي ومولاي امير المؤمنين علي ع
.
وضوح الشمس يامولاي وضحيت
دفعت  هواي للمختار  وضحيت
ليلك خلصيته و نمت وضحيت
ابفراشه  نمت  نومه هنيه
*
عيوني نوم احرمنه علي جان
امير الحاضر وماضي علي جان
الفات بزوده ما مره علي جن
وتضل اجيال تحجيها القضيه
*
جدار الكعبه طريته علي طار
نومي بطبرت الهامه علي طار
محامي الدينك وصار علي طار
وحميته يا علي من كل اذيه
*
بجدار الكعبه يا بوحسين فطريت
مسكت الصوم بس شلون فطريت
يبن ملجم بسيفك ليش فطريت
الهامه و يتمت  كل البريه
*

حسن صالح العيساوي

*

https://www.tg-me.com/hsan12

يا علي اليوم الوسيعه والسمه
نورهه مطفي عليك و مضلمه
.
يا علي يا علي يا علي
ياعلي اعليك الوسيعه اضلمت
والسماء انوارها الليله انطفت
اعليك كلها الدنيه يا حيدر بجت
الك ياحيدر علي حامي الحمه
.
يا علي يا علي يا علي
الحقوق اخلاف عينك راحت
واليتامه اعليك حيدر ناحت
صاحت بصوت الثكاله صاحت
اعليك تجري عيونهم حيدر دمه
.
يا علي يا علي يا علي
مايجي مثلك علي بهاي الرجال
لا ولا واحد يشبهك لا محال
انته حماي الحمه العنك يقال
اخلافك الفقره يحيدر صايمه
.
يا علي يا علي يا علي
الليله خلونه سوه نجري الدمع
الليله كل شيعي يحيدر منفجع
اعليك نقسم ياعلي بكسر الضلع
نضره منك يا علي ومن فاطمه
.
يا علي يا علي يا علي
منهو ردتله الشمس غيرك علي
علي الكل للدنيه ماريدج ولي
ابو حسين بحضرته الهم ينجلي
ياهو غيره بالصعيبه نحشمه
.
.
حسن صالح العيساوي

من يجي المهدي يشيدها القبور
لا  تضن ينسى على مد العصور
اي وحك دم الحسين
من نجيلك  وافدين
ما نعوفك والزمن مهما يدور
**
من يجي المهدي يطالب بالضلع وي البقيع
ثار باب وقتل امام الطفل عبدالله الرضيع
باجر البسمار حاضر قطره من دم ما تضيع
باجر نشوف المناره واحنه سد الها المنيع
برغم انف الحاقدين
من نجيلك وافدين
ويانه يحضر كل موالي والغيور
**
يلي تسأل عل مناير يلي تسأل عل صحن
هذا گبر ام البنين و هذا گبرك ام حسن
ابو صالح من يجيهن يلوي بجفوفه الزمن
نجي بعناد النواصب و الاجدام اتسابگن
واحنه اصل الثارين
من نجيلك وافدين
نسجل اروع ملحمه بين السطور
**
منتضر يومك يمهدي يمته اشوفن طلعتك
شكثر نصبرلك يغايب حيل طالت غيبتك
تدري حيره ومأسي شوكت تذكر شيعتك
تبني بيدك گبر امك حتى تنشف دمعتك
يمها تحيي الاربعين
من نجيلك وافدين
احنه نفديلك يغايب هل نحور
**
بالبقيع اكبور عده ينبنن رغم العداء
تعله بذن الله قببهم تضوي جنها كربلاء
ترتفع باجر نشوف وتوصل الحد السماء
انتم الباب الجبيره  رحمة الله و الرجاء
مايهم جور السنين
من نجيلك  وافدين
شفنه اشكال الضلم وجماله جور
**
للبقيع اكبور عده ينبنن بامر الرحيم
هذا ردنه يصير باجر انته تشهد ياعظيم
احنه مرينه تجارب والجرح بينه مقيم
شفنه اشكال المصايب دنيه راوتنه الجحيم
حيل تعبنه الونين
من نجيلك وافدين
ندري كله الصوج بينه والقصور
**
حسن صالح العيساوي

وين ماروح اسمع الكم فاجعه
وين ماروح قصة اكبور اربعه
اسمع اصريخ وسبي
قصص بيت ال النبي . وين ماروح
.
.
ماكو غيرك انته ماكو تاخذ الثار بيمينك
الك ننطر يبو صالح الحك النه انته وينك
الكبور و هدموهن ماكفه ذبحت حسينك
كل ليالي الجمعه بيهن يبو صالح ناطرينك
.
بدمع مسفوح ونقره يالمهدي الدعاء
بدمع مسفوح الفرج من رب السماء
المهدي احلفك بالعبي
قصص بيت ال النبي . وين ماروح
.
.
شفنه اشكال المصايب مابقه شي بعمرنه
احنه مو ايوب احنه خلص يالمهدي صبرنه
اكبور اهلك هدموهن مته تضهر يا ذخرنه
جرد البتار و طلع نشف بجفك دمعنه
.
كون موجود مابقبنه الهسه سكته
كون موجود الحاكم بجفه دفنته
بثار بيت الطالبي
قصص بيت ال النبي . وين ماروح
.
.
البقيع تريد نهضه تريد كلامه وصف قتال
الشمر يحكم يمهدي على عرشه لا يزال
حيل اذونه النواصب كام تحكمنه الجهال
هيه وحده الامل بيها نهضتك وينك تعال
.
حكم سفيان والبشر خرسه السان
حكم سفيان اشوكت نسعلك اذان
انته تسمع مطلبي
قصص بيت ال النبي . وين ماروح
.
.
ذبل عود الجان يزهي عمري كوطر للكبر
و انه مو ايوب حتى امتلك هلكد صبر
احنه كل يوم اليجينه نكول باجر بالفجر
واحنه نفس الحال نفسه كلي مولانه العذر
.
ليش مهدوم فاطمه الزهره كبرها
ليش مهدوم بس لبو صالح نضرها
يعيل بيها الناصبي
قصص بيت ال النبي . وين ماروح
.
.
العتب نعرف يغثك ندري بهمومك ثجيله
ندري ضيم شكثر شايل اهموم كلبك مو قليله
العذر منك يمهدي ماكو غيرك نشتكيله
غير وجهك يابو صالح تدري ما عدنه وسيله
.
الثار مطلوب مايضيع ولا يحروح
الثار مطلوب بيدك تشافي الجروح
تعلي راية مذهبي
قصص بيت ال النبي . وين ماروح


الشاعر حسن صالح العيساوي

علم الله رفيع الشان الصادق ماخلف وعده
الطيب من نسل طيبين معروف النبي جده
.
عظم اجر ابو الزهراء بالصادق بهل لليله
مجلس سوه هذا اليوم وام حسين تنعيله
العالم ناح لمصابه املاك الكون تبجيله
علم الفلك و القران المحد عرف تحليله
امام ومن نسل طيبين مات ودمعته بخده
.
على امصابه علي الكرار محزن ليله ونهاره
يبجيله بدمع فاكد و عينه ادموم تجاره
تبجي وياه كلها اليوم كل اصحابه وانصاره
زينب بت علي يا ناس هذا اليوم محتاره
يجي كل موالي اعليه وكلمن حبه ويوده
.
الله يساعد الكرار على الصادق على فراكه
يوميه فجيعه تصيره الروح شكثر مشتاكه
احاه يا فركت الغالي و نار الشوك حراكه
لو مثل البعض يا ناس جاساوه الجبل راكه
محد يشبه ال البيت الصادق محد بكده
.
هايه قدرت الجبار وكلمن ساعته ويومه
ولو صلت الدنيا اعليه تون بروح مالومه
اليهل ادموم دمع العين منكم محد يلومه
باجر الحشر موجود يحضر يشفع الكومه
ياخذ بيده و يجازيه ويحميه بضغط لحده
.
بالمجلس يفوز الراح يفوز اليلطم بصدره
يلكه حاضره الزهراء وتبجي وياكم بعبره
هاي النعمه بس الكم خصها الباري بقدره
اليشكر صاحب النعمه تزيد اعليه بل مره
تزيد النعمه يوم بيوم كونك تكثر بحمده
.
.
حسن صالح العيساوي

.

اليله جبريل النصب هذا عزاء
اعليك فاطم تبجي واملاك السماء
•
اليله ابو اتراب الينوح و فاطمه
اليله  حزنانه  ملاكت السمه
تنوح الك ياسيدي بحسره ودمه
اي وحك جدك هذاك وصارمه
نحضر امصابك رغم كل ماجراء
•
تحضر امصابك لون مهما جره
تواسي البضعه البتول الطاهره
مانعوفك وحك نحره وخنصره
شلون باجر عل صرط و نعبره
غير بيكم وانتم ابواب الرجاء
•
انتم ابواب الرجاء عند الجليل
ما نعوفك ابد والله مستحيل
عالعهد مولاي وكتي شما يميل
يروح جيل يعاهدك من بعده جيل
و عاهدت للموت بيت الانبياء
•
عاهدت للموت ما كف الدمع
هذاحزني وحك فاطم والضلع
وانه بمصابك انوح و منفجع
شكد قرينه شكد دعينه مانفع
شكثر بندبه قرينه هل دعاء
•
يادعاء الندبه ماضل كالصبر
والله اذانه البعد يل منتضر
صار انه متانيك كالهذا العمر
من اسر نخلص يسلمنه الاسر
شفنه اشكال الضلم ويه الاذاء
*
حسن صالح العيساوي

الدنيا من عندج يزينب مدري شنهي رايده
وين مـا رحتي مصيبه وياج جن متواعده
:::::-----:::::
عمت عيني اعليج زينب ماهدالج ساعه بال
مـا كدر شاعر يوصف حالج ايفوق الخيال
من عكب ذيج العشيره من عكب ذاك الدلال
كون ابو فاضل يشوفج و انتي مجتوفه بحبال
جان رديتي الاميره و فوك عرشج كاعده
:::::-----:::::
لـو صبر ايوب عندج جان لحضه مـا كفاج
انـتي دستـور المصايب حيريتي الـي قراج
ضيعيتي بيوم واحد اهل بيتج وي حماج
عكب ذلك العز وخوتج شامت اليمشي وراج
خلصيتي العمر بالهم مـا لكيتي الفايده
:::::-----:::::
الله عونج كون زينب كلبج اشلون احتمل
زينب انتي شكد عضيمه همج ابكبر الجبل
مـا شكيتي الحال مـره مؤمنه بهذا الاجل
اقل تقدير اعله زينب مضرب انتي الكل مثل
صابره انتي اعله هضمج و المصايب زايده
:::::-----:::::
صاح حاديكم يزينب و المحامل و المسير
جاهزات وكومي اركبي هايه لتهز الضمير
ناس مـا بيهم محنه المـا يرحمون الزغير
راح اخت الكمر باجر بالغرب رايح تحير
بالغرب لمن مسيتي كلبج الله يساعده
:::::-----:::::
بين دمعات الهضيمه بين لوعات السنين
عكب اخوتج والعشيره اليوم ماعندج معين
وين جان الحال زينب انتي هسه اصبحتي وين
جان ابو فاضل يحرسج والهواشم حاظرين
من ثكل ضيم المصايب هسه زينب راكده
:::::-----:::::
حسن صالح العيساوي

الشاعر الطيب المبدع

حسن العيساوي

بصوت خادمكم ستار الصالحي

الخادم بالخدمة بتشر
اول يوم امن الشهر . خدام خدام
:::::-----:::::
لو هل محرم علينه . تحزن كلها المدينه
الخادم خلصهن سنينه . بحركه ينزل تمعته
منانه ويبدي التنافس .تهتم عشاك المجلس
بصحاب حسين المدرس . وين التعرك كصته
واحد عينه اعله واحد . هاي الخدمه بتزايد
بعينك شوف المشاهد . ونعمين امن الربته
عاشور دك باب الديره
وحسين ربانه خيره . خدام خدام
:::::-----:::::
الخيال بأحلى صوره . تكمل راح بحضوره
حـب الناس الغيوره . الما يصح مثله عشك
همنه الاول واخيره . نكمل هاي المسيره
رحمت ربنه الجبيره ، هاي النعمه الصدك
غيرك محد هوينه . يا قبطان السفينه
لمن عاشورك يجينه . منك فلا نفترك
وياك مامن كل غايه
يحسين علكنه الرايه . خدام خدام
:::::-----:::::
يرويها العالم روايه . س احنه من البدايه
الـه بحبك لا نهايه ، الاخر انفاس العمر
لمن تحجيلي بضميرك .خليني اليوم استشيرك
دليني باجر مصيرك . لا تشتبه يا بشر
شنهي سويته بحياتك . بيمن دليني بنجاتك
احسن منك من صلاتك . يكفينه هذا الشهر
حسين هوه مصلاتي
بالموت يحضر دفناتي . خدام . خدام

:::::-----:::::
سلطان الخادم اكيده . يوصل كلشي اليريده
الخادم ولد الصميده . هذا امن اسياد العرب
العايش هاي المصيبه . يقرا بحركه الحبيبه
يذكر دمعات الغريبه . ما يرجعله اي طلب
حب حسين القضيه . بدمعات نواسي الزجيه
من نحضر راح العزيه . حسين اليوزع رتب
للموت ماعوف حسيني
عل باب حاضر تلكيني . خدام خدام
:::::-----:::::
عشاكك احنه و هوينه . بيدك سكان السفيه
ذره الدمك ما وفينه . خدام احنه الحضرتك
اسمع من خادم فطرته . ما يوكف جاري دمعته
مخلص بيمانه وكلمته .مضحي بروحه الخدمتك
بالعالم مامن مثيله . حبك يل غالي وسيله
تاج اعله الراس وتشيله . هاي الناس الحبتك
بالكون حبك مابيعه
مولاي سلطان الشيعه . خدام خدام
:::::-----:::::
حسن صالح العيساوي

مرد الروس الطاهره
.
.
ردينه يحسين بس راسك اشلون
عـل رمح شالوه عميانه لعيون

اكعد يحسين وحاجيني
رايك جا وين تخليني . ردينه يحسين
:::::-----:::::
يبو الاكبر يماي عيوني يالوالي
اخبرك لـو يخويه تعرف بحالي
ما يخفيك سر الشافته عيوني
هذاك اليوم لي هسه يتراولي
.
عل هزل ياخوي تركب خواتك
عكبك شفت ضيم وعزت حياتك
انه الدمعات تواسيني
رايك جا وين تخليني . ردينه يحسين
:::::-----:::::
راسك بالرمح شالو عدوانك
لمن حشمت ياهو الذي عانك
عادات اليموت اهله يدفنونه
ياهو الجان ذاك اليوم دفانك
.
كلبي امن الفراك ذايب يغالي
ما رحمن الحال خويه الليالي
اكعد ياخويه وضي عيني
رايك جـا وين تخليني . ردينه يحسين
:::::-----:::::
زماني بلا اهل لا خيمه خلاني
خلاني وحيده وحايره اذهاني
اخذ كل العشره فرهد اخواني
اخذني وين وكتي وين وداني
.
حيرني يحسين وكتي وزماني
ياخويه عل عين طكني وعماني
ياهو من الغربه يحاميني
رايك جا وين تخليني . ردينه يحسين
:::::-----:::::
شلون الحال كلي ياضوه عيوني
ويه اعدي خويه الما يرحموني
وحك عباس حملي هدل متوني
وين الجان من الناس يحموني
.
شو هسه بس راس ينضر عليه
هاي انه بجفاك وحدي وسبيه
نيران الفركه تجويني
رايك جا وين تخليني . ردينه يحسين
:::::-----:::::
مرد الروس صار اليوم جتالي
جم غالي افكدت عيناي جم غالي
ميته من زمان الراح احسلي
صار الموت من دنياي اشوالي
.
ميته ولا شوف صورت كفيلي
كل نضره يحسين تاخذلي حيلي
جمرات الشوك اتجويني
رايك جا وين تخليني ردينه يحسين
:::::-----:::::
حسن صالح العيساوي

شجاعة الامام العباس ع


سل سيفه العنيد وكام لاكاها
الشمال اعله اليمين بنظره ذباها
+-----:::::-----+
مـا تندل دربها منين حيرها
ابو الغيره الجماجم كام كسرها
يصعب جان ذاك اليوم منظرها
مــا تندل دربها وين خلاها
+-----:::::-----+
طر الروس طرت مرحب بسيفك
نسمع صوت هاذي كربله بكيفك
تلكه الموت عينك ماترد ظيفك
حارت وين يل عباس منواها
+-----:::::-----+
يله يابو فاضل شد عليها وشد
عن خيمت عضيدك خويه لاتبعد
سيفك بالركب عباس كوم ابرد
وي شط الفرات الجاري ادماها
+-----:::::-----+
تفرح بالمكابل فرحت معيدين
شراح يصير ونطاك الامر لحسين
من ياخذ اذن عباس بالصوبين
زينب ما تشوف الهضم عيناها
+-----:::::-----+
شد حيلك ورد الجيش يمشكر
تخلي الكابلك عباس يتحير
راويهم هذاك اليوم موت احمر
مـا تعرف وجها وين مكفاها
+-----:::::-----+
تبدي بالنزال و مـا كلت كافي
ياطيب المرضع من اصل صافي
بختك زينب العباس تستافي
تريدك تبقى يا عباس وياها
+-----::::::-----+
تطرب عالصعايب من زغر سنك
تتونس على الصعبه ولا جنك
تكلب كربله بهل يوم اردنك
عطشت كربله وبالسيف رواها
+-----:::::-----+
كوم اطحن زلمهم طحنت الرحه
وفر بيهم يكافل فرت السبحه
اليكرب من خيمنه بيدك تذبحه
عملت عربله العباس سواها
+-----:::::-----+
حسن صالح العيساوي