Telegram Web Link
ليلة الوداع
.
حسين والعباس اخيه كعدو ودار الحوار
خطو الخطه سويه شوف وسمع هل قرار
ذوله للخوه ملح
قط مثلهم مايصح
اولاد هاشم والنعم اولاد هاشم
.
+-----:::::-----+
.
اجتماع القاده كلهم صدرو خطة حرب
منظده ورسمو عليها يموت كلمن يقترب
رسمو الخطه سويه و الدروع اعله الكلب
باجر تغص الوسيعه كربله تشوف العجب
باجر يطيب الجرح
قط مثلهم مايصح
اولاد هاشم والنعم اولاد هاشم
.
+-----:::::-----+
.
اجتماع الجان مغلق حجو عن كلشي مهم
اصحابنه راح اتقدم و الكمر بيده العلم
اعترض كام ابن مظاهر ابو الاكبر مبتسم
كله يا عمي اعرفك دردم الحومه ردم
باجر اكظيهم ذبح
قط مثلهم مايصح
اولاد هاشم والنعم اولاد هاشم
.
+-----:::::-----+
.
هيه لو هيج الشجاعه لو ولا تحجي بعد
زلم عشاكت منايه مــا تهم كثرت وعدد
اصحاب كلمه اهل غيره بصمو بدهم عهد
مـا يجي واحد مثلهم مستحيل و للابد
وين ابو وجه السمح
قط مثلهم مايصح
اولاد هاشم والنعم اولاد هاشم
.
+-----:::::-----+
.
خطه بصرار وعقيده الراي واحد للحسين
حسين بس اشر اشاره نكلب اشمال بيمين
الراي كله راجع الكم و احنه بيكم نستعين
عهد منطين ابو الاكبر بالصعايب ما نلين
وين ابو كلب الوكح
قط مثلهم مايصح
اولاد هاشم والنعم اولاد هاشم
٠
+-----:::::-----+
.
هيه مو ياهو التجيبه تكول هم عندي ولد
الزلم مــو كلهم سويه بيهم اعليه تعتمد
بيهم تفشل فزعته يموت كون امن المهد
السبع والما دار وجهه اول الفزعه كعد
هذا واضح جن صبح
قط مثلهم مايصح
اولاد هاشم والنعم اولاد هاشم
.
+-----:::::-----+
.
حسن صالح العيساوي
لسان حال السيدة زينب عليها السلام

طور بدوي
.
.
ليلة اوداع الغوالي شثكلها
حدت الفرسان بيها اسيوفها
:::::-----:::::
تسمع الحره العقيله بدارها
اجتمعو اكبار الارض بشيوخها
جمعت القاده الاصيله امتاعها
الموقف يبين العبد من حرها
باجر تشوف النجوم بضهرها
:::::-----:::::
تشاهد الحره بحزن كفالها
جرد السيف وغضب صكارها
شـد الكحيله و لزم بعنانها
تيهت وين المفر من طبها
ابو فاضل بالمعاره شيخها
:::::-----:::::
جرد البتار و ادخل روضها
اجيوش بالحومه تتيه دربها
تشاهد الحره العقيله بعينها
طلعت بنص النهار انجومها
صال والعباس شل اطرادها
:::::-----:::::
حارت منين الشرك وشمالها
فارس الغارات اكسر عينها
صار تركب عل فوارس خيلها
اطلك السيف وتوسط نصها
طبها العباس اصبح شيخها
:::::-----:::::
يكبر الحره ابأخوها كدرها
يصير ضل من الشمس وفيايها
اشوارب المر بدربها يكصها
الاجلها يفني الحياة الاجلها
شيخها العباس شيخ اربابها
.
.
حسن صالح العيساوي
اليوم يا عباس زينب حايره
صارت اعليها الكبل ماصايره
ضلت اتكوم وتطيح
الك يا خوها تصيح
كوم لحسينك نريدك تناصره
.
**
.
ترضا يسبوها يسبع الكطره
هيه بعيال ويتامه مرمره
ضل وحيد حسين رادك تناصره
انته ما تكدر تكله المعذره
اشلون صارت ذبحته
من طحت حز ركبته
كلب زينب ضل جريح
الك يا خوها تصيح
ضهر الحسين بغيابك كاسره
.
*
.
ترضا زينب حايره بت البتول
شلون تقبل يا ابن فحل الفحول
ها يابو فاضل علينه وشتكول
كوم يله اعليهم تصول وتجول
ترضا عل هزل مشت
يابو فاضل حشمت
تهوه لو مربيها ريح
الك يا خوها تصيح
بيتي ياخويه يخوف ناضره
.
*
.
راس الحسين برمح بيد اللعين
اكبال سكنه وبت امير المؤمنين
زين ضل عدها صبراخت الحسين
شلون عاشت ماكضت من الونين
شلون ضل بيها صبر
وهيه عنوان الستر
ياهو عنها الهم يزيح
الك يا خوها تصيح
تكوم زينب مره زينب عاثره
.
*
.
شوف زينبكم اسيره مجتفه
وترضه ياعباس يا راعي الوفه
وهيه للعفه و عفيفه معفيفه
عنها من كال بلسانه اتشرفه
الكال عنها بكل فخر
هاي بت فارس مضر
هيه صح هيه الصحيح
الك يا خوها تصيح
الخيول صدر حسين تدبج غايره
.
*
.
زينب المجلس تروح امن الخيال
بيك مكفوله و تربت عل دلال
ما تطخ بت الفحل هذا محال
حته لو طبت تذل روس الرجال
الجيش كله بهيبته
بكلمه وحده ذلته
هاي اخت هذا الذبيح
الك يا خوها تصيح
تكول جنها اعله المصايب صابره
.
*
.
حسن صالح العيساوي
Forwarded from قناه الرادود حسين عدنان الكوبعي (حسين عدنان الگوبعي)
الشاعر حسن صالح العيساوي


بصوت حسين عدنان الگوبعي
Forwarded from قناه الرادود حسين عدنان الكوبعي (حسين عدنان الگوبعي)
الشاعر حسن صالح العيساوي


بصوت حسين عدنان الگوبعي
.
جسام شال الرايه . رايح يدك الثايه
بصيوان يتمنونه . للمعركه يزفونه
رايح يدك الثايه
+:::::-----:::::+
جسام ابني الغالي حنت جفوفه بدمه
من دمه صار اخضابه
ابدال الشمع يوليدي ماحاسب يذبحونك
حنت الجف ترابه
كون بدليلي اتصوب خاطر تعيش ايامك
ووليدي يشفه صوابه
راح العرس يالغالي واحلامي ماتت يبني
لمن يطول غيابه
.
راح الحنان امن ايدي
يا وحشتي اعله وليدي
عريس يتمنونه . للمعركه يزفونه
صوب الفرات ومايه . رايح يدك الثايه
+:::::-----:::::+
مذبوح شمعت بيتي ياهو الذي حز راسه
واحلامي ماتت يبني
اعليك شكثر مهضومه برباك رايح حيلي
يمه الوكت عذبني
الما فاركني عيونه يصعب عليه افراكه
يبني الدهر دولبني
انساك هاي ابعيده للموت ماكف نوحي
من الاموت احسبني
.
يوليدي كون بكبره
اشتم عطر من عطره
فدوه رحت لعيونه. . للمعركه يزفونه
غدر الزمان هوايه . رايح يدك الثايه
+:::::------:::::+
الغالي راح امن ايدي عميانه يمه عيوني
والحيل رايح مني
نوم العوافي جاسم خليني انه بضيمي
انته المهم متهني
ما شفت راحه بليلي والنوح عذب حالي
حسباتي مـا عافني
مر الصبر يالغالي وصعبه اليروح وليده
ودمعتي لي جوني
.
ليل الهجر عذبني
جسام وينك يبني
صعبه عليه بدونه . للمعركه يزفونه
انساك هاي احجايه . رايح يدك الثايه
+:::::-----:::::+
نـار الهجر لهابـه . والـكـلـب تسعر نـاره
وما تنكضي ساعاته
شنهي السبب عفتوني يوليدي وتعذبوني
وياك العمر محلاته
اخ شكثر ون كلبي يا يمه مـن عفتوني
بخدي الدمع مجراته
سنين السعد مرتاحه، هسه الدمع بعيوني
كلشي كليلي فاته
.
اخ شكثر بيه هموم
ماشافن عيوني النوم
الجان اول يحسبونه للمعركه يزفونه
بنارك انا مجوايه رايح يدك الثايه
+:::::-----:::::+
حسن صالح العيساوي
بليل الهجر ضاع العمر
وين الغوالي الجانو وياي
انـه عكبهم وين منواي . ليل الهجر
:::::-----:::::
راحو اعزازي بكربله وينه اليكحل الناظر
كلشي سهل من ينكسر اله يكسر الخاطر
اليل اخلصه بيا علي و اشلون بيه باجر
بليلي ما شفت الحلم العين دوم تناطر
هل العين
لحسين
والناس صوبين
ليل الحزن . عين وجفن
وينه اليجيب اخبار اليه
بلكي يخف الحزن بيه
عميانه من الدمع عيناي
انـه عكبهم وين منواي . ليل الهجر
::::::------::::::
وارد الموت الكل بشر بس هايه مامحسوبه
غدار يا ناس الزمن و اعلينه هم مكتوبه
لاله احنه مو مثل البعض الحزن فاتح بوبه
حسين جثه اعله الرمل وعياله المسلوبه
مسلوب
منهوب
جا بيش مطلوب
فركه المحب . تجوي الكلب
راح هلي والعين راحت
موس دموع ارموشي طاحت
وين اليساعدني اعله بلواي
انـه عكبهم وين منواي ليل الهجر
:::::-----:::::
ليل الوداع و غربتي و كلبي خلص بهمومه
غايب عله عيوني الكمر احلم كمت برسومه
و اليل مـابي كـل طعم لـو فاركنه نجومه
حسين طاح اعله الارض طاح وسليبه هدومه
سلبوه
نهبوه
يا ناس رحموه
وما حسبت . لمن رحت
شخلت بحالي الغاضريه
راحو اعزازي مــن اديه
انشد كمت بالرايح وجاي
انـه عكبهم وين منواي . ليل الهجر
:::::-----:::::
ياعيني طفي امن الدمع وستقبلي عاشورج
انتي البقيتي قائده و دور الكفاله دورج
الشور جان اعله الزلم اليوم زينب شورج
راح الضعن زينب بعد بس الدمع محصولج
ترضين
تمشين
والشام صوبين
روحت والله جبيره
تبقين يا زينب اميره
الشور بيدج بيدج الراي
انـه عكبهم وين منواي . ليل الهجر
:::::-----:::::
حسن صالح العيساوي
للحرب سموني
                         من اطب يدروني

من اطب الحومه اضجها انه عباس
اشمر العشره اعله عشره تشهد ناس
....._1_....
.....-----....
اشمر العشره اعله عشره انه سبع الكنطره
وتسحك الخيل باهلهه الزلم تصرخ حايره
الخيل ما دتندل دربهه و بالحماده  عاثره
حارت الخيل الاصيله الدوم جانت غايره
.
تيهت وين المفر
                        من دخل ليها الكمر
.
وانه ست اسنين عمري درعي والطاس
اشمر العشره اعله عشره و تشهد ناس
...._2_.....
.....-----.....
وانه من حامي الحميه دارس افنون المهام
دوم ما خذها الصداره الاول  و انه  الامام
غصت و سكته الحناجر منها ما يطلع كلام
اسحك الروس بجدامي وانه عباس الهمام
.
تيهت وين الدرب
                           ابو فاضل من يطب
.
راعي الغيره ابو فاضل صاحب الباس
اشمر العشره اعله عشره وتشهد ناس             
....._3_.....
.....-----......
انه  ابن حيدر عليا  عندي شمره  بالقتال
وما اهمن كل عددهم ابد  ميهمني محال
انه  تربات الصميده  وانه  سيدها الرجال
حيل عطشان الدماكم بالحرب اقره ارتجال
.
تيهت وين الاهل
                         نزل وياي الاجل
.
اشمر الخيل اعله اهلها واكطع الراس
اشمر العشره اعله عشره وتشهد ناس
......_4_.....
.....------.....
انه لجل حسين امامي راح اسوي المستحيل
اسأل الحومه و اهلها  العلكمي احسن دليل
لا تضل خياله  باجر  لا تضل  بالدنيه  خيل
وانه اخو  زينب الكدها من يسموني الكفيل
.
تيهت وين المهر
                       الكوم طب ليها ذعر
.
الطيبه و الهمه و شجاعه بيه تنقاس
اشمر العشره اعله عشره وتشهد ناس
......_5_.....
.....------.....
انه فارس بالفراسه انه عباس الكمر سموني
حسين امامي انطاني رخصه ماارد يدروني
ايموت كلمن صوبي يكرب من اشد ميموني
و اكسر الشكره ضهرها ومن اجني اجنوني
.
تيهت وين الوجه
                        صوب ياهو تتجه
.
اليندعي بقوه شجاعه بجدمي ينداس
اشمر العشره اعله عشره وتشهد ناس
.....___....
.....-----....

حسن صالح العيساوي
عبدالله يبني . عبدالله يبني
.
:::::-----:::::
.
ربيتك و جنت اعتقد برباك يكبر كدري
ماحسبت هذا الهجر يوليدي ماجنت ادري
حسبالي بيدك يل ولد بيدك تزتني الكبري
ضميتك بنص الكلب للشيب يبني و كبري
موتني فركاك . ماشوفن انساك
عبدالله يبني . عبدالله يبني
.
:::::-----:::::
.
وياك كون انه بلحد عبدالله شلي بعمري
شلي بحياتي يالولد الحصرات تجرح صدري
عميانه عيني بفركتك للموت ضلت تجري
اعليك محنيه الضهر ضليت حاير امري
يوليدي مذبوح . عايفني للنوح
عبدالله يبني . عبدالله يبني
.
:::::-----:::::
.
صوبني بوليدي الدهر كلش غميج صوابه
حسين جابه للخيم مغرك اوليدي اخضابه
احاه يا وجع الكلب و طلابته امـن طلابه
عميانه عيني ولا شفت تتوسدون ترابه
احاه والف اه . يوليدي ويلاه
عبدالله يبني . عبدالله يبني
.
:::::------:::::
.
باريتك بريع الـعمـر بس كـون تكبر يبني
دولاب عبدالله الوكت لمن رحت دولبني
يالغالي لا ماحسبت تالي المشيب تذبني
عبدالله جا ليش الدهر بنص الكلب صوبني
امسامر اليل . جان الوكت هيل
عبدالله يبني . عبدالله يبني
.
:::::-----:::::
.
ساهرت يوليدي شكثر برباك ضايع حيلي
ماشفت راحه بس تعب وياك اخلص ليلي
اكعد ييمه بخيمتي فدوه يغالي احجيلي
مـا ترجع ادريبك بعد منهو الي يباريلي
يوم الولد شال . شاغلي البال
عبدالله يبني . عبدالله يبني
.
:::::-----:::::
.
حسن صالح العيساوي
Forwarded from قناه الرادود حسين عدنان الكوبعي (حسين عدنان الگوبعي)
الشاعر حسن صالح العيساوي


بصوت حسين عدنان الگوبعي
علي يبني هله . يراعي المرجله
يراعي المرجله . يراعي المرجله

+:::::-----:::::+

مجرد ما لزم سيفه يردم
العسكر كام من خوفه يردم
وحتى الكاعد ابيته يردم
مثل شط الفرات وياري ميه

وصل دم للركب . اخو اخيته غضب
وهك بيهم كصب . كصبها كربله

+:::::-----:::::+

الاكبر من صعد مهره تلاوه
وي الموت ويرتل تلاوه
ابن غانم لمن شافه تلاوه
عوده وشاف بعيونه المنيه

بيسفه لو شطر ، مثل عمه الكمر
وهك بيهم شمر . حله الملعب حله

+:::::-----:::::+

تروج الكاع من يسحك عليها
اضن حيدر فزع ويه عليها
صاح حسين يالاكبر علي ها
على كيفك اردن حصه ليه

كضت كلها الزلم . والاكبر مبتسم
وهك بيهم ردم . الملعب بس اله

+:::::-----:::::+

العين بعين بالملكه تجدم
مراكبها المنيه خـل تجدم
هذاك اليوم مرتاحه تجدام
هاذي مستحيله ورد عليه

تنوح امن الجره . و تضل امرمره
وهك بيهم سره . معلم من هله

+:::::-----:::::+

امه طبت الخيمه دعتله
فارس هاشمي الغيره دعتله
فات اعله العسكر كام عتله
شارب قائد وذبه رميه

ابن غانم كلف . نعده بجم الف
خطف روحه خطف .عله العليه اعتله

+:::::-----:::::+

العسكر تاه والحومه شياها
مثل راعي يكط بيده شياها
شتتها الكلف صارت شياها
ماتدري الشمال بيا نويه

الدرب ضاع الدرب . عليهم من يطب
مجاري الدم تصب . الفرات بكامله

+:::::-----:::::+

حسن صالح العيساوي
https://www.tg-me.com/hsan12
‏مقطع صوتي من حسن صالح العيساوي
Forwarded from قناة الرادود ستار الصالحي (ستار الصالحي)
لا هليت لا هليت       يهلال الحزن ياريت
بيك اعيونه  الليله  
تضل المدمع اتسيله
اسود لبس حته البيت
------------1-----------
لا هليت يا عاشور بينه و لا يمر ليلك
كلبي شكد حمل لوعات منك من برد حيلك
مدري اشتكي منك ليك مدري اليوم اشكيلك
ليش و يانه يا عاشور احذرك منه يا ويلك
ارحم حالي يا عاشور
ماتدري بزماني ايدور
كلبي بيك ضل مكسور
وياك الوكت شد حيله
تضل المدمع  اتسيله
ريتك بينه ما مريت
----------2-----------
لا هليت يهلال الحزن بينه شلك باجر
رايح بيك اخوي حسين ضلعه يسحكه الحافر
باجر بت رسول الله منها ينكسر خاطر
وباجر عل هزل للشام بس نسوان ونسافر
السفر متعب بلايه اخوان
راح امشي بكلب حيران
وسفه برحمت  العدوان
الحمل ياهو اليتجيله
تضل المدمع اتسيله
بحركه بجي بدمع ضليت
---------3--------
وعلينه  بكتابه شكال  الله من ذكرنه بهاي
ليش العكس عيلتنه بحر وحسره شربت ماي
ما ندري الزمان ايدور تفتر عكس يا دنياي
تتفرج علينه الناس ياهو الراح اليبقى وياي
ارحم يا شهر بينه
ارحم حالت سكينه
زلمنه مـا ترد لينه
علينه غاير بخيله
تضل المدمع اتسيله
اعلينه شبيك ما حنيت
-----------4--------
هلالك من يهل عاشور  رايح ياخذ اعيالي
كلي شنهي حصلته باجر ينشده بالي
رايح تاخذ الوليان  تاخذ كل شخص غالي
شلون نعيش ياعاشور  عكب حسينه الوالي
باجر بالخيم نيران
كلب الحره ضل حيران
بدون حسين و الوليان
ويله اكليبي يا ويله
تضل المدمع اتسيله
بكلبي بس الم خليت
----------5----------
باجر ياصبح باجر حسيني اعله رمح راسه
ذاك الجان هيبتنه حسين الما يذل باسه
راحي ينكسر ضهره  حسين اخلاف عباسه
الرايه بجفه راح اطيح من ايطح عباسه
ضلمه اصبحت يادنياي
راحو مني كل ولياي
عكب حسين والوفاي
اخوي العرش يوحيله
تضل المدمع اتسيله
وحدي للسبي ومشيت
--------------------------
حسن صالح العيساوي
ها يحسين رايح وين انه اختك تحاجيني
تهد الحيل باجر خيل ياخويه نعمة عيني
.
:::::-----:::::
.
انـه ام عون ما مرتاح كلبي بالحزن ذايب
ضل وياي لا لتروح امشي اعليك ابو طالب
باجر خيل تسحك بيك احنه بيمن نحارب
شلون شلون راح تروح بدمك ياهو يطالب
ليل اوداع عمري ضاع خويه لا تخليني
.
:::::-----:::::
.
تقبل غيرتك يحسين اطلع باجر لوحدي
وانه ام الخدر زينب طه المصطفى جدي
زينبكم تبات بجول خيمه وحرس ماعندي
باجر لو رحت ياخوي دمعي يجرح بخدي
بيه شلون من تمشون راح الشمر يسبيني
.
:::::-----:::::
.
انـه اخلاف ابو السجاد كلبي بيش اجبرنه
تصبح عيشتي مره اعاشر نوح و الونه
باجر مـن اطب الشام ابو فاضل اريدنه
مـا بيه على افراكه و ماريد ابتعد عنه
درب الشام والضلام هم فركاك ياذيني
.
:::::-----:::::
.
شلون تروح من عيني صوركم ضاله بالي
الموت ارحملي من تروح ولا ضلن بلا والي
محد ياخذ مجانك مــن تروح يـل غالي
نفرض لـو رحت مني ياهو اليرحم بحالي
بس نسوان والرضعان هيه الي تواسيني
.
:::::----:::::
.
اموتن انه احسلي ولا ارغب العيشه بذل
ماتدري عجب يحسين ياخويه الهجر يكتل
عليه يصعب افراكك ماعندي كلب يحمل
راح النوح اجيمنه و عيني بس دمع تهمل
عليه يميل من يعيل وكتي ياهو يحميني
.
:::::-----:::::
.
حسن صالح العيساوي
‏مقطع صوتي من حسن صالح العيساوي
2025/10/22 20:02:47
Back to Top
HTML Embed Code: