علي الاكبر ع
.
بطل كله بساله علي ياهو بجماله
نزل بالطف يجوله
شمر ذوله اعله ذوله
.
علي الاكبر مثل حيدر نزل بيها و فناها
نزل صايم ذخر هاشم عيون الكل عماها
لزم سيفه الحرب كيفه ارض من دم رواها
السلم شارد خبر وارد الوسيعه و زلزلاها
توسط وسط الميدان
تخرس مايحجي انسان
اخذ كاس البطوله
شمر ذوله اعله ذوله
.
نزل غاضب نسل طالب العساكر رجفاها
علي الثاني هتف اني المعالي تصدراه
لبس درعه شهم طبعه وخيم زينب حماها
مثل جده الوفه بوعده وفه العمته ورباها
اهلأ يا عالي الشان
ابن القاده الفرسان
شحدهم ما دنوله
شمر ذوله اعله ذوله
.
يمن تسأل تريد الحل كلف مامش مثيله
علي مدرب علي مجرب عله الصعبه وثجيله
السأل عنه علي جنه نزل حامي دخيله
اعله ابن غانم لزم صارم و لزومن ينحنيله
الاكبر مو ياهو الجان
وينه الكال انه فلان
علي كدها الرجوله
شمر ذوله اعله ذوله
.
شمر هدمه اندعت امه جمر ينزل دمعها
اندعت يرجع تهل مدمع تناديله و سمعها
صكر يفتر على العسكر يطشرها وجمعها
اسد بالكر يروي البر علي الاكبر وجعها
يسطر جفه العدوان
و لازم بيده البرهان
علي اصل البطوله
شمر ذوله اعله ذوله
.
نضر عينه لبو سكينه برز وسط العساكر
حنه ضهره يحير امره بقه حسينه يكابر
الولد غالي شكثر غالي عمه حسين النواضر
قسم بالطف يصفهم صف ولا يشفي الخواطر
يطلب ماي وعطشان
ضل الوالد حيران
ابوه وامه اندعوله
شمر ذوله اعله ذوله
.
حسن صالح العيساوي

الخاطر الزهره  الضحت دم ابنها
الخاطر الزهره 
:::::-----::::::
الضحت بالعزيز الكمر عباس
هاي ام البنين ورفعت الراس
الضحت كل ولدها وتشهد اناس
وفاها بكل وفاء أبداً مينقاس
.
وشدت الحسره   ماتت منالمها
وشدت الحسره
:::::-----:::::
اصيله بت عرب كلكم تشهدون
وتستاهل عليها نعمي  لعيون
ماتت من المها فاطمه شلون
من راحو ولدها الكافل وعون
.
ماغمض ليله    جفنها على الكافل
ماغمض ليله
:::::-----:::::
بت احزام ماتت من الهموم
ما غمض جفنها وشافت اناوم
تعثر بالجدم لو رادت اتكوم
وفتها المنيه و ماتت اليوم
.
حيدر اعليها    محزن طول عمره 
حيدر اعليها
:::::-----:::::
عاشت مع الحيره عاشت اوهام
الطلعت روحها من كثر الالام
يا كسرت كلبها كسرت الجام
شكتب هل قضيه تحير الاقلام
.
كالو اعليها  ماتت من حزنها
كالو اعليها
:::::-----:::::
الوفت للزجيه وعلي الكرار
اسمع من كلامي اخذ الاخبار
جانت  بالفعل من ربت انصار
خدمة بيت حيدر بيت الاطهار
.
بالاصل هيه نجيبه من بواسل
بالاصل هيه
:::::-----:::::
حسن صالح العيساوي

اليوم هاشم حشمت انصارها
زلم صعبه الما تدور اكتارها
.
.
مثل هيج اصحاب نادر مايصح
لو تحطهم عاجرح طاب الجرح
ابد ما خانو العشره ولا ملح
صاحب الزين اليضم اسرارها
.
.
راس بالكوفه و طرفها بكربله
جيش ما يحصل ابد تعداد اله
كام ابن ظاهر ركض يستقبله
يموت كلمن يقترب من دارها
.
.
اليلتفت لصفاحه مو منهم ابد
زلم متهاب السيوف ولا عدد
هد حبيب وكال هل يوم الوعد
احنه شرايه الشدد نختارها
.
.
الزلم مـا تختار دنيا الاخره
المؤرخ خـل يحضر تفتره
شاهد التاريخ رايح عل جره
عوف ضاهرها واخذ جمارها
.
.
راح يطحنهم مثل طحن الرحه
مـن يفر الكوم فرت مسبحه
معلمين اعله الطلايب والنحه
احنه اهلها هاي الارض وحرارها
.
.
عفيه اصحاب اليضحون العمر
طاحو بروس الزلم ذيجه شمر
كلـه يا مولاي بس تامـر امـر
نذبح اجيوش الارض وشرارها
.
.
حسن صالح العيساوي

.

زينب بالمصايب عاشت بحيره
من عكب الكمر عباس ابو الغيره
.
:::::-----:::::
العاشت بالغرب وتموت ميسوره
من عدها العلم والشرف تستوره
مشت يا ناس درب الشام مجبوره
وياها الزمان اليوم اخـذ دوره
.
خلاها وكتها بديره ماترحم
ويه الهم . تتألم
زينب والمصايب عاشن وياها
خلاها . بجاها .
زمان الرحم بيها
ياذيها . مبجيها
.
:::::-----:::::
بت حيدر علي قالع حصن خيبر
مشت ميسوره درب الشام تتعثر
متن زينب يخو زينب تشوفه احمر
مـا تكدر تكوم الحره مـا تكدر
.
ياوسفه العشيره ما اجو ليها
ينعيها . واليها
اخوها القائد المهيوب خلاها
ماجاها . وشافاها
لـو بيده الامر جان ايتعناها
جاباها . من اعدها
.
:::::-----:::::
يحيدر شوف زينب شنهي حالتها
محتركه بلهيب الـنـار خيمتها
مشت زينب اسيره عكب هيبتها
الـدنيا ويـن زينب ويـن ودتـها
.
يم ضلام زينب ما تحضروها
تشوفوها . تحرسوها
الفقارك وينه وين صولاته
ساعاته . وفزعاته
ابن العاص كاعد يم كبر زينب
بس تنحب . تترقب
.
:::::-----:::::
يعباس انضر بعينك ضرح اختك
بين اجناب هذا اليوم رادتك
ماتفزع ترد العال بيها هيه رادتك
يا عباس هاي ام عون صاحتك
.
تريد العون منك مافزعت الها
يكافلها . استمع ونها
بقت بالغربه يا عباس واليها
احميها . رد ليها
تحشم وينك الكافل بعد روحي
كثر نوحي . يمذبوحي
.
:::::-----:::::
السفياني يحكم كام مـا تفزع
تريد الثار منهم لازم مـربع
كلبها امن المصايب كام يتوجع
ما تخضع لحكم الزور ما تخضع
.
هضيمه نوب عدوانك لوعوها
يبجوها . ويسلبوها
تعال ابلايه جفينك يبن حيدر
يليث البر . يالمشكر
جـا وين الكفاله افزع
تهل مدمع . فلاتكطع
.
:::::-----:::::
حسن صالح العيساوي

الطور بدوي
.
.
ريض بهونك يمن تحدي الضعن
شافن عيوني شكثر ضيم ومحن
.
.
ريض بهونك يحادي لو سريت
مرني بالكافل  اكلله  مشيت
وخلي  اكلله  عليش اتعطليت
ليش جفينك يخويه  اتكطعن
.
.
ريض بهونك تمرني اعله الكفيل
مرني للعباس ابو  درع الثجيل
ادري مايقبل على دمعي يسيل
خلي اودعنه ولم جسمه بجفن
.
.
ريض بهونك يحادي اعله الهزل
ناكه عرجه و خاف كفالي زعل
عفيه كلبه اشلون عباس احتمل
من خواته وي غرب لمن مشن
.
.
ريض بهونك  و نصي كلمتك
ولو سمع عباس يكطع  ركبتك
انته بايعها الشهامه و غيرتك
انته لو تعرفني ياهي وبت امن
.
.
ريض بهونك يحادي انطي صبر
ناكه عرجه وخاف بالممشه تعثر
ومن اطيحن اشتكي يم الكمر
انطي اسمك وانته دبرلك مفر
ادري تشرد ما اشوفك خاطبن
.
.
ريض بهونك  و راجع قصتي
عل شريعه  ودعت كل  اخوتي
ضلي ما ينشاف  شافو  دمعتي
عتبي موش اعليك اعتب عالزمن
.
.
حسن صالح العيساوي

قصيده على شكل رباط هوسه
.
.
ضهضب يا روح حسين عل عياله

.
.
كوم تصدر الجيش . اشلع جنحه والريش
من تصول عباس . ماضن واحد ايعيش
.
كوم وسابك الريح . طب الهم مصابيح
صحره تريدك الكاع . وجفوفك فلاليح
.
يروي الكاع العباس من دم خاله
.
.
كوم اطرك يشاهين . رفرف بل جناحين
شيخ ومن نسب شيخ . تربات الدواوين
.
طب للحومه خيال . وارعد مثل زلزال
كص شوارب الكوم . ابو فاضل يعيال
.
الشيخ وقائد عل جيش ذب عكاله
.
.
يحيد ومن اصل حيد . يمعروف ابن اجاويد
وصاحب كلمه وفاي . المـا يخلف مواعيد
.
كوم اكبال الحسين . شوارب غطها بالطين
سوهم مثل الاسروب . كوم اطرك يشاهين
.
تصعد خليها الخيل عل خياله
.
.
مثلك فارس منين . شجاع يكحل العين
ما صاير وله ايصير . كمر ومضوي صوبين
.
المهره تريد خيال . شجاع اليترس البال
ومـن يصعد عليها . يـرعـد مثل زلزال
.
المهره تريد الخياله راعي اخياله
.
.
يطشرها ويلم كام . يفصل بيها جن خام
رب الغيره عباس . يرافع بـالـوفه الـهام
.
صوتك مو مثل صوت . شهم ميهمك الموت
طب اعله البحر كوم . عودك تعب الحوت
.
احمي الخيمه امن الحوت والمحتاله
.
.
حسن صالح العيساوي

‏مقطع صوتي من حسن صالح العيساوي

عباس زينب مشت للشام ميسوره
.
.
مهضومه اختك مشت درب السبي يالكمر
بصوت الهضم حشمت وينك يراعي الامر
محتركه من الشمس لون العبايه سمر
رد الها يابن علي مهضومه بيد الكفر
ها يالكمر صاحتك
كوم الها و بغيرتك
ما تقبل امروتك
لو شاهديت الصوره
عباس زينب مشت للشام ميسوره
.
.
وامتون زينب زرك من الضرب ورمن
عيونها عل درب بغياب عينك ععمن
صوت العلاوي بهضم ياكافلي حشمن
احساب يوم السبي بيه شكثر حسبن
تحضر يبن حيدره
عيال النبي ميسره
زينب تضل حايره
من الزمان وجوره
عباس زينب مشت للشام ميسوره
.
.
ديوان لمن تطب والحال فوك الصعب
عكب الاهل والزلم زينب مشت وي غرب
بين عليها الهضم بين عليها التعب
كون انته مو عالرمح وياها طول الدرب
بصوت الهضم نادتك
راس برمح شافتك
لا يسره لا يمنتك
والمهامه مطبوره
عباس زينب مشت للشام ميسوره
.
.
تعبانه زينب صدك كافلها راس برمح
تنعه اخوها بدمع وحسين هم منذبح
ماغمضت ما هدت تبجي وتون لصبح
موش التعب والسفر ماذيها حيل الجرح
والعين تذرف دمع
بيها الكمر ماسمع
من عهد باب وضلع
بس بالنعي و طوره
عباس زينب مشت للشام ميسوره
.
.
عرجه الهزل يل كمر والعين دم اتهمل
مذبوح حتى الحلم مذبوح مو بس طفل
محد عليها نشد لا مـن اخو لا اهل
كلبج يزينب عجب هاي المصيبه احتمل
ما مات من الهضم
من شاهديتي الضلم
من مات راعي العلم
ومشيتي مجبوره
عباس زينب مشت للشام ميسوره
.
.
حسن صالح العيساوي

لحد اليوم خله شاره بالطف
كام ونتف بيده شارب الطف
ثبت بدر الهواشم شوره بالطف
وبعد يا شور يبقه الجيش اميه
.
.
حسن صالح العيساوي

.
https://www.tg-me.com/hsan12

زينب من مشت من دون واليها
عكب عباس صار الشمر حاديها
.
ريضلي اعلى هونك حادي الناكه
تره افراك العزيز يموت افراكه
لعد عباس اريد الروح مشتاكه
والنار  بدليلي  اصبحت حراكه
وراح  الراي  منها ويه  اهاليها
.
استجارت بالكمر عباس ابوالغيره
اكعد شوف زينب طاحت ابحيره
مشت اختك يخوها زينب ايسره
تدور  الحره  من ديره لعد  ديره
شال الجان هيبه وجان حاميها
.
و منهو الي عكب عيناك يرعاها
زينب لومشت ياهو المشه وياها
عمت من البجي يا ناس عيناها
حادي النوك جدها المصطفى طه
وامها  فاطمه من  كون  تدريها
.
ما بيهم امروه و غيره ما بيهم
يخجل كل فعل من ذكر طاريهم
عاميهم جهل و الطمع  عاميهم
هذوله بلا رحم معروف ماضيهم
حريم وناكه عرجه الكوطرت بيها
.
كلب زينب كسرته كسرت الجامه
على عباس اخوها وطبرت الهامه
هذاك  التهرب  القادات  كدامه
هوه وطاحت عالتربان العمامه
تكوم  الزينبك عباس و حميها
.
حسن صالح العيساوي

يا عباس هاي الخيل اجــت ردها
وصلت صوب خيمتنه وجزت حدها
.
.
حدها الخيل عبرت ياهو يحميني
وسط الجيش خــويه لا تخليني
ها عباس شو ساكت بعد عيني
جــر السيف و تلكه الي عانيني
ترضه ام عون بالديران وحدها
.
.
وحـدها تـضـل ام عـون محتاره
يا عباس كـــوم الها لـفـت غاره
اخوك حسين طب الجيش لدياره
سل السيف مــــا ضلت بعد جاره
و الغارات انته تشل مطاردها
.
.
مطاردها تشل عباس لو سليت
سيفك بالحرب معروف ما مليت
و ساكت ليش يا عباس ما رديت
بيك احزام ضهرحسين من شديت
الشده تريد راعيها الي رايدها
.
.
رايدها الشدد عباس حي عباس
حي الزود راعي السيف يا فراس
وحدك دوم يا عباس ما ينجاس
يمشيم الملاعب كوم يا نبراس
للاجــيال و التاريخ خـلــدها
.
.
التاريخ خلدها و يسولف بيك
وتموت الزلم عباس من طاريك
ما تلاج خويه ويا كفيلي ادريك
ما جازيدك يا عباس ما جازيك
انته الشيخ و القادات قائدها
.
.
قائدها تعرفك يــا جبير الشان
زينب راح من عكبك تطب ديوان
يوم الكون سيفك مايضل ضميان
درب الشام راح تــــروح وي فلان
ذاك الجان عمره لابد ابسدها
.
.
حسن صالح العيساوي

ابو ذيات
مريضه الكوم جانت طبها لحسين
وطهرها الارض لمن طبها  لحسين
الحره بزود صاحت طب هلاحسين
واسحك روسها العالة عليه
.........
الجواب من سيدالشهداءع
.
اطبن وحك عينج وانه الحسين
ودور قاده منهم وانه الحسين
 انه الطيب كله وانه الحسين
وانه راضع وفه من الزجيه
::::::----::::::
حسن صالح العيساوي

الانصار

باجر لو فزعنه نزلزل الكون
نكحلهن عيونج عمي يم عون
الكم خدم وانصار
فنه اليوصل الدار . احنه انصار الحسين
٠٠٠٠٠٠٠٠٠٠٠٠٠٠٠٠٠٠٠٠٠٠
باجر خل يشوف القاصي والداني
حسين دمي اليسري ابشرياني
باجر كل ارض ما تكفي ميداني
اخذي العهد مني و خادمج اني
عزيمه عدنه وصرار
فنه اليوصل الدار . احنه انصار الحسين
٠٠٠٠٠٠٠٠٠٠٠٠٠٠٠٠٠٠٠٠٠٠
عهد مني يزينب خلي اسمعنج
ام عون نموت بس مانبتعد عنج
ابشري بينه يا زينب اكللج
نعوفج هيج هذا يصير كل ضنج
لتسمعين الاخبار
فنه اليوصل الدار . احنه انصار الحسين
٠٠٠٠٠٠٠٠٠٠٠٠٠٠٠٠٠٠٠٠٠٠
نضحي بالنفوس نضحي بالغالي
احنه الما نهاب الموت منبالي
فده العينج يزينب روحي وعيالي
اسمعي خلي اكلج هذا مرسالي
بيها الكون يحتار
فنه اليوصل الدار . احنه انصار الحسين
٠٠٠٠٠٠٠٠٠٠٠٠٠٠٠٠٠٠٠٠٠٠
باجر راح زينب عينج الشاهد
لحد احر نفسنه بالدمه نعاهد
غير حسين ماعدنه ابد القائد
واحد زينب الله واحنه بي واحد
بيد الباري لقدار
فنه اليوصل الدار . احنه انصار الحسين
٠٠٠٠٠٠٠٠٠٠٠٠٠٠٠٠٠٠٠٠٠٠
المفروض احنه وكل اهالينه
مو بس العمر مولاتي ضحينه
اول بالشدد بالضيج تلكينه
كدها احنه يزينب زين تدرينه
الكم فدوه لعمار
فنه اليوصل الدار . احنه انصار الحسين
٠٠٠٠٠٠٠٠٠٠٠٠٠٠٠٠٠٠٠٠٠٠

كلمات: حسن صالح العيساوي

زينب من مشت من دون واليها
عكب عباس صار الشمر حاديها
.
ريضلي اعلى هونك حادي الناكه
تره افراك العزيز يموت افراكه
لعد عباس اريده الروح مشتاكه
والنار  بدليلي  اصبحت حراكه
وراح  الراي  منها ويه  اهاليها
.
استجارت بالكمر عباس ابوالغيره
اكعد شوف زينب طاحت ابحيره
مشت اختك يخوها زينب ايسره
تدور  الحره  من ديره لعد  ديره
شال الجان هيبه وجان حاميها
.
و منهو الي عكب عيناك يرعاها
زينب لومشت ياهو المشه وياها
عمت من البجي يا ناس عيناها
حادي النوك جدها المصطفى طه
وامها  فاطمه من  كون  تدريها
.
ما بيهم امروه و غيره ما بيهم
يخجل كل فعل من ذكر طاريهم
عاميهم جهل و الطمع  عاميهم
هذوله بلا رحم معروف ماضيهم
حريم وناكه عرجه الكوطرت بيها
.
كلب زينب كسرته كسرت الجامه
على عباس اخوها وطبرت الهامه
هذاك  التهرب  القادات  كدامه
هوه وطاحت عالتربان العمامه
تكوم  الزينبك عباس و حميها
.
حسن صالح العيساوي