وين راعي الغيره
والفركته اجبيره  ، الغالي عباس
.
.
اهلي شنهي اخباركم
صفت وحشه دياركم
الجانت  بخطاركم   .  ياحلات الديره
اليوم وحشه وخاليه
الكبل  بيهم  عاليه
تمشي وسفه الغاليه . مجتفه واسيره
راح اعيش بحيره
والفركته اجبيره  .  الغالي عباس
.
.
ودعت  كل  غالي
حزني ضل  يبرالي
اشلون خويه بحالي   .  ما تنام عيوني
اطفالكم ميسوره
اعيالكم مذعوره
خويه شوف الصوره  .  بالحبل اذوني
من نعوف الديره
والفركته اجبيره   .  الغالي عباس
.
.
حسين راح امن ايدي
و راح مني اعضيدي
ابقى ليش اوحيدي  .  بالغرب مجبوره
بيش المك مكدر
الخيل فوكك تفتر
خيل اميه وعسكر  .  فرن المعمروه
الما يصح تفسيره
والفركته اجبيره    .  الغالي عباس
.
.
عمت عيني القاسم
عل ترب ضل  نايم
عبدالله يا هل العالم   .  مادريت شحاله
لا معين  و ناصر
مـن اروحن باجر
حسين حدر الحافر  . سلبوها عياله.
وهم خذوها ايسيره
والفركته اجبيره    .  الغالي عباس
.
.
الحيره حيرت زينب
عـل هزل من تركب
بس تنوح و تنحب  .  هيه زينب هايه
و العقيله  شحالها
تمشي  وي  كتالها
مـن عكب  كافلها  .  ماتطيح الرايه
وما تموت الغيره
والفركته اجبيره   .  الغالي عباس
.
.
الله كـون بعونها
الغرب مي عرفونها
جـانـو  اليحمونها  .  زلم كدها وزايد
الحط ستر عل خيمه
هسه ضل  بالهيمه
هوه راعي الشيمه   .  ابو فاضل قائد
هوه مامن غيره
والفركته اجبيره  .  الغالي عباس
.
.
حسن صالح العيساوي

البرعم الموفق امجد لؤي السعدي

الرادود الحسيني سيد سجاد الموسوي

الرادود الحسيني كاظم ماضي العايدي

الرادود الحسيني حيدر السعدي

الامام زين العابدين عليه السلام
.
.
بالطف احسن اهواي  ،  ميت كون عالماي
تمنيت المنيه  ،  بيوم الغاضريه
.
.
صح الراح مني بعد شيرجعه
هذاك اليوم ضاكت بيه الوسعه
وي حسين ابوي الما نشف دمعه
تشيط الروح مني توصل السبعه
عمر خلصته الام   ،  جفني ماهده ونام
الله يدري بيه  ،  بيوم الغاضريه
.
.
بـالـدنيه يعالم جـا بعد شلي
بفراك العزيز و صحبتي وخلي
الموت امن الحياة هواي احسلي
انا املاك السماء بـدموم يبجلي
دنيه خلصت هموم  ،  اذا كل لحظه ملجوم
من انضر رقيه  ،  بيوم الغاضريه
.
.
مصايب كربله ما رحمن ابحالي
اخـذن جـم عزيز العل كلب  غالي
عكبهم بس حـزن والـنـوح يصفالي
ابد ما ساعه يصفه امن الحزن بالي
مصايب شافت العين ، لمن الطاح الحسين
يمه يالزجيه. ، بيوم الغاضريه
.
.
شفت زينب لمن عالناكه ركبوها
وشفتها من سرو بيها ويشتموها
بكلام المو عذب عمتي يسمعوها
اذا طفله بجت بالسوط ضربوها
كلبي شكد حمل ضيم  ،  همي يعادل الغيم
ضيم المر عليه.  ، بيوم الغاضريه
.
.
زين وقاومت ما خمدت انفاسي
من شفت الرمح من شال عباسي
هذي قصتي الراحو اعـز ناسي
انه السجاد شامخ مايطخ راسي
من راحت اسيره   ،  على الناكه الاميره
اخذوها سبيه   ،  بيوم الغاضريه
.
.
حسن صالح العيساوي
.

السلاسل بيده حد العضم وصلن
الجروح اصيام صامن بيه وصلن
هذني اخفاف عـل سجاد وصلن
الثجيله من خذو عمته سبيه
.
.
.
حسن صالح العيساوي

يحسين لازم نوصل الدارك
من كل ارض رددو انصارك
.
.
من كل ارض مولاي عانينك
ماعدنه غيرك لا وحك عينك
من الطفوله و احنه هاوينك
يحسين احنه مثل سبعينك
انصار كـــل الاجو زوارك
.
.
يحسين لازم نمشي مشايه
يحسين لازم نـرفع الرايه
يحسين خدامك تره اهوايه
يحسين اجينه اليوم نعايه
مولاي كل الشيعه خطارك
.
.
نحمد الباري صاحب النعمه
اجمل هديه انطانه ابو اليمه
ابريت الخادم يـمـر نسمه
حسين كلولي شحلات اسمه
يالما تجي ويانه شعذارك
.
.
لازم نواسي ام الحسن لازم
هذا مشينه الجيت القائم
ياخذ طريقك جم ذكي وفاهم
عازم اجيلك هل سنه عازم
صوب المنيه بدربك معارك
.
.
الله يحبنه بحبك امشينه
وبكل زياره حسين لبينه
حسين لسمك نفدي اهالينه
الحد المنيه و انته والينه
بهاي المسيره خلي نتشارك
.
.
حسن صالح العيساوي

من البحر عنايه
لازم نجي مشايه
.
.
عاهدنه والله الشاهد
لازم نـجـيـك نـعـاهـد
مـا عدنه غيرك واحد
تحدي المسيره وقائد
.
انته الضعن حدايه
لازم نجي مشايه
.
.
اشكد اتعب وما وافي
يحسين احس موكافي
خيرك مغطي اجتافي
يحسين اجيلك حافي
.
انته الامل و الغايه
لازم نجي مشايه
.
.
جيتك اريـد امرادي
مـنـك يروح الهادي
اهـلي فـده وولادي
بسمك نضـل انادي
.
انطي عهد واحجايه
لازم نجي مشايه
.
.
عدنه الورث ممشانه
المهدي يمشي ويانه
وحيدر علي اتلكانه
الخدام الك عطشانه
.
بدربك نشيل الرايه
لازم نجي مشايه
.
.
انته النفس البلريه
خيرك اهواي اعليه
و عيني عليك اربيه
كل يوم اجيلك جيه
.
من الله موش اسوايه
لازم نجي مشايه
.
.
حسن صالح العيساوي

عكيلي. للمشاي
*
يحسين اتلكه المشايه
*
يحسين اتلكاهم ملكه
بيهم شوك وبيهم حركه
طالت يا مولاي الفركه
بدروبك شالوها الرايه
*
بدربك رايات السوده
للمهدي المشايه جنوده
الشيعه اعليهم محسوده
وابدربك نبقى الوفايه
*
طلعت من كل بيت الغيمه
متعنين الراعي الشيمه
جفك لمهم مثل الخيمه
من كل العالن عنايه
*
ذوله المشايه اهل الغيره
من كل بيت ومن ديره
زينب مـا تبقين ابحيره
نعوفج زينب هاي احجايه
*
لا منعوفج لا و الكافل
شايل رايه مصحف شايل
ماتمشين و دمعج سايل
احنى وياكم مـا من غايه
*
عاهدناج الكطع المنحر
شنهي الموت اكبال الكوثر
محد يا زينب يتعذر
انصير وياكم تجايه
*
حسن صالح العيساوي