مثل حيرتي حسين وياك من حار
اضمك من عطش من خيل من حار
حشمتك لچن من گمت من حار
شبت وشتبهت النسوان بيه
...
يعلويات اعذرني ورمشي
شيب حاجبي العاشر ورمشي
تعالن شوفن بمتني ورم شي
إذا لاحه الهوه تشب نار بيه
...
ويلاه يازينب 😭

الشاعر علي محسن الزيادي

لمولاتي السيدة العليلة

إذا مو علي عاد الطفل "خله
يبويه ايسد علي وحشات"خله
وحگ طولك عليه الهضم خل آه
بگلبي أو علتي زادت عليه


#ام_علي_الشمري

باجر بالخيول اضلوعه تتكسر
ولحمه مثل علف الطير يتنثر
باجر ياصور تتحمل اخت حسين
والما شافته باجر اشوف أكثر
وحيد احسين اخوها اوعينها اعله حسين
ساعة اشوفه ساعة ايضيع بالعسكر
باجر مو ذبح يخلص اودفنه ابساع
باجر وين ما يسبوها لا يفتر
راس اعزيزها وكدامها ايمثلون
طبع البي محنه ايموت من يقهر


#ام_علي_الشمري

أبوذيات لأم البنين عليها السلام

خبر اتنطر او داري ولا طب
عليه علتي صعبت ولا طب
يداوي الفاگد أحبابه ولا طب
دليله ابدنيته او ردت زهيه

...
بأمر مولاي اظلن مالي حيله
خبر جاني وفجعني مالي حيله
إبن حذلم يگلي مال حيله
أبو اليمه اعله أخو قبل المنيه

#ام_علي_الشمري

المولاي مسلم ابن عقيل عليه السلام
.
.
مسلم حاله حال أصحابك أتمنه
إذا يتگنطر أجفوفك يحظننه
...
سفيرك يا أبو السجاد بالكوفه
انغدر والوحده اوياريتك تشوفه
وحگ الصطفاك الحيره متعوفه
عليك الحسره صار ايجرها والونه
مسلم حاله حال أصحابك أتمنه
....
دمع عينه اعله خده فسر اشرايد
يگول ارجع اميري وللوطن عاود
هاي الناس متريدك أنا الشاهد
بانت عالحقيقة اوحشدت ضدنه
مسلم حاله حال أصحابك أتمنه
....
يبعد اهلي درد وحفظ هلك واهلي
فدوه الروح الك رد يابعد كلي
إذا مو إلك روحي ارخصها جا شلي
أنا اوجودي إلك والدم أرخصنه
مسلم حاله حال أصحابك أتمنه
....
تره أشباه الزلم مو زلم كتبتلك
أحلفك لا تجي واقسم ابخت اهلك
الألف جانو ورايه اختفو أرسلك
بس حرمه بألف رجال چن منه
مسلم حاله حال أصحابك أتمنه
....

طوعه الأسم صرت ابابها واكف
ردت اميه اشرب مو قصد خايف
فت العطش گلبي او ماصرت شايف
كريمة او ظيفتني ابچلمة الرزنه
مسلم حاله حال أصحابك أتمنه
....

#ام_علي_الشمري