نهج البلاغة

إفتــح كتـــاب البـــاري خَلّه ابيمناك
ونهــج البلاغه خــل يكــون بيسراك

يحـــوي معــــارف نـــــور ربانيّـــــه
يحـــوي خطــب للمرتضى قدسيـــه
يحـــوي قِيـَــم أخـــلاق إنســانيــــه
بحــر العلـــوم ومـــن علومـــه رَوّاك

دستــور من بعــد الكتـــاب المنـــزل
منهـــاج حيـــدر مــن حروفــه ننهل
محــروس مــن الزور مـــا يتبـــــدل
نهــج البلاغــه نضيــع صــدگ لولاك

أعظــم تــراث امـن الامام المعصوم
نهــج الحيــاة ومــن امامك مختوم
طالــع حروفــه وإلتـزمهــــا للـــدوم
يترجــم هويّــة علــي حيدر مـولاك

نهــج البلاغــه يـــا ربيــــع الأذهــان
يحــوي معانــي كـل حقوق الانسان
كنــز الفصاحــه خَطّه داحي البيبان
إتبــع حديثــه مـــا تِضَيّـــع مسـراك

دستــور خـــل تلتزمـــه كــل الآبـاء
تحفـــظ مضامينـه وشروحه الابناء
حيــدر كلامـــه بلســم يداوي الداء
والمرتضــى تـتـبع مسيــره وصــاك

مـــرآة للقــــــــرآن نهــــج الكـــــرار
كنــز العقيـــده اينَــوِر النــه الافكار
يحوي وصايا وقصص حماي الجار
يــا أيهــا الانســـــان حيــدر نــاداك

نــاداك حيــــدر تِـتِّـبــع هـالمنـهـــاج
وضحلك ابمنهاجه كلشي التحتــاج
نهـــج البلاغـــه صــــار للعالـم تــاج
فـــوگ الامـــم حيدر إمامــك علاك

عمار الراشدي

كلمات #أم_علي_الشمري
الرادود ملا عماد الكربلائي

نَحنُ عُبّـاد الحِجـارةِ والقُـبور


تعـال أقنـع اگليـبي ما يـوصـله
ولا يـدخل حـضـرته ولا يقـبله
رهن لنطيك نوگ محملة شتريد
ذهـب مرجــان لؤلؤ إلك كــله
شرط يقتع گلبي ايعوف الحجار ؟
ولا يــوصـل أعتـابة ولا يــدله
وريد أقتنع هاجس حبه بالروح
وبطل أگصد حديد ؟ ودمعي أهله
وريح ذاك حيلي الكضه مشــاي
او بعد ما مش درب أتعب وكمله
يله أقنعني ميت صارله أسنين
بشر عادي مـثل كلي اللي قبله
قسم لمنع أجدامي المرقده أتروح
ومنع الروح عن حاجة التسأله
وتــرك بعـد ما أقـره الـروايات
ولا عن جاه أدور وأعرف أصله
المهم أنحبه سكته وكلش اهواي؟
لخاطر ما نخلي اعلينه زله ؟
گلي أمنين أذكرك وأبتدي وياك
منو ابيت الله أبوه نــولد ضلــة
منو الما منفتحله باب لا حيــط
أنفشگله وصار هذا الكون لجله
گلتو اعلينه نعبد حجر وگبــور
ونشــرك بـالإلـه وننـسه عـدله
وكلش فرق بين التعبد أصنام ؟
وبين أتحب حجر ربك يجــله
بس كلمة أذكرك هذا الحسين
مو ميت شهيد وننسه فضله ؟


#أم_علي_الشمري

#اللهم_عجل_لوليك_الفرج_والنصر

من تعلق بالحسين تعلق برب الحسين ع

#أم_علي_الشمري

الما يحط أيده ابيمينك
فكر ما عنده اوقرار
ياللي شمس الله اليميـنك
ردّت أتصلي النهار
أنته مو أي شخص عادي
وأملكت يمنه اويسار
وإلك من الله بكعبته
مولدك مو صدفة صار
علي قبل الكون هذا
وقبل كل مجرة الأقدار
وقبل خلق آدم او حوه
وقبل مـا ليل ونـهـار
بالعرش كـوّن جمــالك
وبـيميـنك ذو الفـقار
سيفك أول شخص بيدك
بايعـك حار اعلـه حار
( لا فتى إلا أنته عندي )
هتــف بمـر الله الشعار
الباري من خلاك حُجّـة
مـو إله أزيــد أفتـخـار
أنته هــارون النـبــيــّك
مــو فصيـح تصير غــار
رادك الله وعـنده غـاية
أعـظـم مـن المستشهـار
الما عرف قيمت وجودك
كـــل وجــوده مُستعــار
الكون والبيه إلك صرح
بسّمـك أنــدار الـمــدار
الما يــواليك ابــزمــانه
إيموت خسران الــديـار
المــاله حيدر مــاله تـالي
حُبّه جَنّه او بغـضـه نار

#أم_علي_الشمري

#اللهم_عجل_لوليك_الفرج_والنصر

أبوذية #أم_علي_الشمري

ولادة كريم أهل البيت ع


الحسن بعد المرتضى صيته الكرم
الما يرد عاني گاصد حضرته
گلت لا حضره اومزار أنگصده كيف
گلي يم حسين تلگه رويحته
گتله هاي شلون مو دفنه البقيع
الحسن شيجيبه او بعيد بغربته
گلي ما سامع لبو القاسم حديث
اوشنو قصده ابهالحديث او غايته
گتله لا شيگـول مـولانا الرسـول
خلي نسمع مـا يـدور ابحكمته
گلي نفس المرتضى نفس النبي
اوصل المعنى الحقيقي الشوفته
قصده من أتـزور حماي الدخـيل
تلگه ابو الزهراء جليس ابروضته
يعني من تدخل تسلم على الإمام
أول اعله النبي تبدي او سيرته
لأن روح المصطفى ويه الحبيب
يم علي الكرار أخوه او هيبته
هيج قصده ايوضحلنه ابهالديل
الحسن ويه حسين نفسه او فكرته
أشما بعد جسم الحسن لا ما يغيب
من تزور حسين أقره ازيارته
الحسن يم حسين يسمع لليجيه
او يعرف من الجاي شنهو او طلبته
وقبل لتمد چفك وتطلب تريد
وقبل ما ترفع أديك الدعوته
يرد چفّك فايض الفايض عطاء
ابلايه منَّه يقضي للكل حاجته

يا كريم آل محمد

✍️ #أم_علي_الشمري

الوجه الله أريد أركع وصلي
#وعلى_حب_الحسن أهدي وصلي
حبل ممدود بالرحمة وصلي
إمامي او شافعي ابن الزجية

صلوات

بقلمي مبارك لكم الولادة

علي وشعندي غيرك والله مالي
شعز اعليك ولدي ولا مالي
الي حگ من أمدحك وإلا مالي

الي حگ المدح إي ليش طبعًا
حروف أسمك بلب أحشاي طبعًا
كل مؤمن الجنة عدن طبعًا

طريقك يا إمام الأنس وجن
لعد خصمك سواجر صقر وجن
نعم عقلي التسودك بيك وجن

مهو أختل ابغرامك وأنتَ خلاي
حبيب الروح أنتَ وأنتَ خلاي
أبو النخوه ونخيتك ونتَ خلاي

ضميرك والگلب والعين والروح
يجنة عدن والريحان والروح
اوسر العرش والأملاك والروح

بلة جسمي بغرامك من غديرك
بظمة ومحتاج رشفة من غديرك
صور لناس أعرض من غديرك

صور بيها المحب طالب وداعا
براءة تحمل وتحمل وداعا
يوم اللي النبي بخطبة وداعا

جمع كل گومه وصحبة ولمهم
أجه التبليغ من ربّه ولمهم
نبينه ما عذل گومة ولمهم

بشاره عنده من ربنا وخطبه
قلم ما حمل هادينة وخطبه
كلامة حاشة بي زلة وخطبه

نزل محكم كلام الله نصبه
ونصيب الناس كلمن أخذ نصبه
منبر من شدوج الأبل نصبه

وصعد بالخطبة سيد الرسل مولاه
وكلامة للإله إيعود مولاه
ألا من كُنّتُ يا هالناس مولاه

فهذا المرتضى مولاه حيّدر
حيَّ دور الشرع بالعلم حيّدر
حيّ منّبع الآمن بيه حيّدر

نفرض من العرش حُبّه علينه
اعله كل الناس بوجوده علينه
ياربّ وآلي من وآلَ علينه

وأنصر ناصره او حقق وعادي
وحفظ من أجه بلهفة وعادي
وخذل من خذل حيدر وعادي

عدوه من جميع الأنس والجان
يا بارئ نسوم الغدن والجان
اليحب حيدر يرزقه الحور والجان

دعاء الكُلّ مُحّب يُدعوا نبينه
علينه الدهر لو طبگن نبينه
ميهمهه الأمر لازم نبيّنه

اليحب النبي وآله فوگ راسي
وتظل خوتنه مثل الجبل راسي
وفُلُكّنَه بساحة التوحيد راسي

وتظل يا علي أنتَ قدوه لآنه
ليواليكم يحيدر قد ولآنه
الزمان أشلون وليَّه قد ولآنه

علي وبالشدد غيرك من نجانه
نناجي الباري بسمك من نجانه
أجانه النور صحنه من نجانه

من عرش الله نورك يا علينه
أشنجعّله نور ربنا يا علينه
علي وأش اعله منك يا علينه
منك أعله بس ربنا ونبيَّه

( على حب أمير المؤمنين علي ع )

آنه تعبت من نقلتها كتابة كيف أديبنا كتبها😊

لأديبنا الألمعي جابر الكاظمي

نقلت أبيات من شعرك ........وكتبيت
وخذاني بيت من عدهن ......وكتبيت
(علي وغيرك أنـا شعندي )....وكتبيت

أنا بلياك أضيع ابلا هوية

#أم_علي_الشمري

كتبتهن بعد ما نقلت القصيدة #الجابرية

رضيت بعيشة الغربه وعذاب الروح
وما دنست نفسي وبعت وجداني
علمني الحسين العزه للأحرار
ما انسه الحسين شلون ينساني؟

كلماته بيها اخلاص طالعه من كل گلبه
الأديبنا 👆💔

جابر الكاظمي

أشوفك ملك بس بداخلك فقره
صمّتك والعيون العايش تفسره
متبين عبوس اوظاهرك مرتاح
وأنتَ ابداخلك مُستوطنه الجمره

( إلهي يجعلك من الوجهاء بالحسين ع )

بقلمي لأستاذي جابر

ليالي أستشهاد الإمام علي ع
*
*
رسم رب العرش موضع مزارك
مزارك
جعل هود النبي و صالح جوارك
جوارك

القلم ظل ينعه و اللوح
ضيجعك آدم و نوح
جعل هود النبي و صالح جوارك
جوارك


وعد موتك تقرر...قدر هذا و تقدّر...يحيدر و آنا جبريل...اجيت الدفنك أحضر
شفت هالليلة منظر...أحس قلبي تفطر...دموع أيتامك اتسيل...صحت الله أكبر
انهضم حالي و تأثر...جبل صبري تنثر...القلب جم نايبة ايشيل...
عله امصابك يحيدر

ينبيان الصبر طايح جدارك...جدارك
يحيدر موحشة اخلافك ديارك...ديارك

أصيح و قلبي مجروح...
ضيجعك آدم و نوح

جعل هود النبي و صالح جوارك...جوارك


إجيت و صوتي ينعه...احضرت نعشك أشيعه...سمعت بدارك انياح...الجبل يذبل يصدعه
الحسن ينحب أسمعه...دمع يتجاره نبعه...افتحت جنحي و بالجناح...امسحتهن دمعة دمعه

يتيم و هذا وضعه...المصاب بجبده يرعه...الغصص و اهموم الجراح...جرعهن جرعه جرعه

يحيدر شبلك ايتابع مسارك...مسارك

يصيح اعلينه صار أظلم نهارك...نهارك

شهيد القبرك اتروح...ضيجعك آدم و نوح

جعل هود النبي و صالح جوارك...جوارك

 

حزن قلبي ارتضيته...خبر موتك نعيته...أصيح بذمة البين...علي حانت منيته

ظهر وني و خفيته...غمرته و ما بديته...أدور وين الحسين...بكتر نعشك لقيته

بمرار الهم إجيته...أواسيه برزيته...يحيدر مدمع العين...لبو الأكبر جريته

لشبلك يا علي واسع مدارك...مدارك  

يمثل حلمك و هيبة وقارك...وقارك

عدن من قبرك اتفوح...ضيجعك آدم و نوح

جعل هود النبي و صالح جوارك...جوارك


أمر هذا و تحتم...يخضب شيبك الدم...تصلي اعليك الأملاك...عليك الباري سلّم

حزن و العالم أظلم...رسول الله تألم...يصيح بقبرك اوياك...جسد نوح اويه آدم

تنوح الليلة مريم...قلب سارة تخذم...ابحزنها الزهرة تنعاك...ديجة بلوعة الهم

وفيت المصحف الخالق ذمارك...ذمارك  

تنوح الغاشية و عمَّ و تبارك...تبارك

سبأ و القارعة اتنوح...ضيجعك آدم و نوح

جعل هود النبي و صالح جوارك...جوارك

 

خزانة ربنه صدرك...رفع بارينه ذكرك...جبل و اتحيطه جهال...انجهل يا وسفه قدرك

يعظم بارينه أجرك...ارخصت للباري عمرك...صبح مضرب للأمثال...يحيدر هذا صبرك

زرع بالحكمه جذرك...أبد ما يخفه بدرك...تظل تبعث للأجيال...حكم من هذا قبرك

شهيد و ثبتت بالدم قرارك...قرارك

علم يا با الحسن أصبح منارك...منارك

معالم مجدك اتلوح...ضيجعك آدم و نوح

جعل هود النبي و صالح جوارك...جوارك

( للأديب الألمعي جابر الكاظمي )


#جابر_الكاظمي
#باسم_الكربلائي
#النقل_خادمة_الحوراء_زينب_ع
#اللهم_عجل_لوليك_الفرج_والنصر

على حب أمير المؤمنين علي "ع "