سـودت صحيفة اعمـالي
ووكلـت الامــر الى حيــدر
هو كهفي من نوب الدنيا
وشفيـعي في يوم المحشر


هالبيتين حرز 🥲

الله عليك يا سيد رضا ورحمك الله وجزاك خير الدنيا والآخرة

إذا قصـدته الحسيـن "ع"
قـل له
قدمت وعفوك عن مقدمي حسيرا أسيرا كسيرا ظمي قدمت لأ حرم في رحبتيك سلام لمثواكَ من محرم

#ياحــسين ❤️
..

ولمّا رأيتُ الجهلَ في الناس فاشيا

تجاهلتُ حتى قيل أني جاهلُ

فَوا عجبا كم يدّعي الفضلَ ناقـصُ

ووا أسفا كم يُظهر النقصَ فاضلُ


— أبو العلاء المعري

ابوذيات للإمام الجواد ع

يجـدي السمني من بيتي وناراه
مثل جبـدك غـده جبـدي ونـاراه
نحل عودي وذبل وجهي وناراه

طفى اومامش ضوه اينور البرية

غــده السـم بـدليلي مـا يــتاني
ردت شـربه الجبدتي ماي اتاني
ثلـث تـيام وحـدي مـيـت آنــي

شــبه حالك يـجد بالـغـاضريــة

#أم_علي_الشمري

يوم أمس في خدمة زوار سيدي ومولاي أبي عبد الحسين ع

..

أبوذية لأنيس النفوس علي بن ابي طالب ع


قسـم كلمـن يحـب حيـدر وزاره
العلـيـه أذنـوب مـا تبـقـى وزاره
دخيــل النصــبـه الـبـاري وزاره

غدت دعواه كل صبح اومسـية

#أم_علي_الشمري

السلامُ على عطشانٍ بكتهُ السماوتُ والأرض 💔

إلهــي مـا أقربــك منـي ومـا أبعـدني عنـك

من دعاء الإمام الحسين" ع "

طاهـر مولده كلمن يواليه
بس أبن الحرام اللي يعاديه
——————————
محمَّـد گال هالچلمه الجليه
تخص حُبك يحمّاي الحميه
اليحبك يا علي روحه طريـه
اليبغصك خل يشوف امه و أبيه
طه المُصطفه بصوته يناديـه
بس أبن الحرام اللي يعاديه
———————————-١
يالثوبـك گصير ابلا خفايه
عند الشيعة و السنّة الروايه
دين الله تره مو بس لحايه
ما تدخل الجنّة بلا ولايه
حيدر بالبشر محّد يدانيـه
بس أبن الحرام اللي يعاديه
———————————٢
علامَـك هالحقد گلـي علامك
مرام أبليس اشوفنّه مرامك
صلاتك ما تفيد ولا صيامـك
اذا مو حيدره يصبح إمامك
مفتاح الجنـان بجفّـه ندريـه
بس ابن الحرام اللي يعاديه
——————————-٣
يالسوده جـبهتَك كافي تجهل
توب لربك الباري و تأمـل
ميهم يا رجس تقبل مَتقبـل
رغماً عالثـلاثه علـي الأول
كل هذا الوفاء وما نوافيـه
بس ابن الحرام اللي يعاديه
——————————٤
ديني حيدري و دينـك يزيدي
لأسلافك ابد ما امَـد ايـدي
مكتوبة العبارة بنص وريـدي
علي عالي إعله كل عالي نشيدي
عالي المرتضى و ربنه اليَعلّيـه
بس ابن الحرام اللي يعاديه
——————————٥

مُرتجى الإزيرجاوي / بغداد
١٥ ذو الحُجَّة ١٤٤٤ هــ

١٨ ولاية الحق


علي فعلة سبق طيبة
علي مـن الله تنصيبه

منـو مثـلة علي ويـنـه
اليحفظ منهجة ودينه
إذا بـوصـافـه دلـيــنـه
أقبله مـن وسط عينه

أشوفه من إلي أجيبه
علي مـن الله تنصيبه

علي مـا يــشـبــهَ أحـد
علي بـس بعلي أجسد
علي الكلشي إله يشهد
أذكــرك خـاف تــتـردد

تلازم شخصك الريـبه
علي مـن الله تنصيبـه

علي متـفــرد بـخـلـقــه
علي مـن البياض أنـقى
علي من النسيم أرقـى
علي مــا خلـق يتـرقى

علي ما تلگه بي عيبه
علي مـن الله تنصيبه

علي الحبَّـه فلا يخسر
يعيش ابجاها ما يعثر
علي بــالآخــره المعبـر
شفيعك هــو بالمحشر

باچــر تنظـره بــهيـبه
علي مـن الله تنصيبه

علي الـعـاداه يتـحـسر
علي المصاحبه الأشتر
علي سيف الله التصدر
كبـر عـالفـقـره مايكـبر

غني بس مفتقر جيبه
علي مـن الله تنصيبه

رفع چفه النبي وناده
علي من بعدي ياساده
الحجـة هــوه وولاده
العاده يعني الي عاده

اليبغض حيدر أمصيبه
علي مـن الله تنصيبـه

لو رايـد دلـيــل أكبــر
أخذ او هاك بعد أكثر
آيات ابــعلي وســـور
نزلت بــالك او حــذر

حتى ابفـكرك أتغيــبه
علي مـن الله تنصيبه


#أم_علي_الشمري

عيدكم مبارك ثبتكم الله على ولاية أبي الحسن علي ع

كتبت اليوم 5 /7 /يوليو 2023 مـ
١٦ ذو الحجة ١٤٤٤ هـ

أبوذيات لعيد الغدير

بأمـر الله النـبي تـوجـه وجـاهم
ينصـب حيدره اعليـهـم وجـاهم
أفزعت من سمعو بأمره وجاهـم
خسف كــل الـوجــوه الناصبيـه


خسف وجه الذي يبغض وجهكم
بعد مــا طــه بچـفـوفـه وجهـكم
يبـيّـن منــزلة فضـلك وجــهـكم
تنـاثر شــر حـقــد ذيــچ البغيــة

أسمـه مــن أسم باريـنــه عليــنا
بـغدير الخــم رفــع شانـه عليـنا
بوقــت ما نصــبة البــاري علينا
نرفــع شــان اليحبّـه بهـالمسـية


#ام_علي_الشمري

جديد اليوم أهدعش محرم الحرام


گلبي اليتركك يحسين شيطفي جمرته
يبن أُمي يا نـور العيـن شيطفي جمرته
لا خويه أنته .... ولا الكلفته
گلبي اليتركك يحسين شيطفي جمرته


ودعتـك ورحت بـدرب مـا معـروف
ريــتك عـدل ولحالتي خويه تشوف
لمـن عليّ دوّه العـدو شـفت الخوف
لو يمي ماظـن يالأخو الحالي تعوف

أشگُـف بيديـة مـن اعداي
سوط الشمر مرني اهواي

تآلم ضربته

اوعينك عندي ...ورم خدي
گلبي اليتركك يحسين شيطفي جمرته

أخذوني من عندك غصب يالعطشان
مـو زيـنـب اللي أتعوفك عله التربان
مارحـت خـويه وبـيه روح اوألــوان
هيكل مشيت اويه النسه والرضعان

اي والعفتها ابــلا روح
هاي انه أخت المذبوح

مذبوحه سكته

عفتك تدري .... كاسر ظهري
گلبي اليتركك يحسين شيطفي جمرته

ماظل كفـيل ولا حـمة بس أطفال
أبنك يـبو اليمه ضعف عـند الحال
نـسوه اوبقينه ابلا حميه اوكفال
وتقوت اعلينه الشبه موش أرجال

شتتحمل أختك يحسين
لا بــالعــرف لا بالــديــن

هذا اللي شفته

الذبحوا نحرك .... شتظن بعدك
گلبي اليتركك يحسين شيطفي جمرته


بعدك يخويـه تــدري وأشحـل بيه
لمـن دخلـت المجلس أبنــي ميــه
مچـتوفة دخـولنـي او حبل بيديه
من كل جهه أعيون الشماته اعليه

متوجهه أسهـام العــين
ترميني مــن الصـوبيـن

منظر كرهته

اوهم سبوني ..... من طبوني
گلبي اليتركك يحسين شيطفي جمرته

الجنت ابزمنكـم ما إلي ظل ينشاف
ويايه أخـوتي منـهـو يتجـرا إخـاف
هسّــه علـيّ تـتـفــرج النــاس آلآف
لاغيره عدها ولا أصل كلها أجحاف

متعوانه اويه الشيطان
مات الضمـيـر الإنـسان

بالطف تركته

الما رحموني .... او لا قدروني
گلبي اليتركك يحسين شيطفي جمرته


#ام_علي_الشمري

جديدة لهلال محرم 💔


نورك دضمّه اوضيّـع حــروفه
يهلال بــالك زيـنـب أتشــوفه


اطوي دروبك عن سمه زينب
عوف العقيله وجـرح المسلب
لا تــرجـع إلـها ابنــارك تلهــب
لا تذكر الما ناســيه اطـفـوفه
نـورك دضمّه اوضـيّع حـروفه

يـهلال بـدرك لـو لـفـه اعليـها
تذكـرها بحسين او غـوالـيـها
اوحـبل السبي الآثاره بيديها
ويـوم السبـوها الكُفر للكوفة
نـورك دضمّـه اوضيّع حروفة


هـون عليهـا الشافـتــه الـحـره
مو سنه عدت چن أمس نحره
عالترب يجري اوداسته العشره
العافته لــو بيــديهـا متـعـوفه
نـورك دضـمّه اوضـيّع حـروفه


مابعد أخوها غمص جف العين
لاراحه شافت بعد عين حسين
هيجي ابگلبها خله فعله البين
موتها حسره الشوفة أطيــوفه
نورك دضمّــه اوضــيّع حـروفه


ماحملت أفراگ الأخو اوبُعده
فـوگ السنه مــا طالت الـمُده
ماتـت وراه العـطّـشوا چـبـده
مو جـرح بيها ويسهل تـروفه
نورك دضمّـه اوضيّع حـروفـه

#أم_علي_الشمري