مـولاي أرزقني دمـع
يبچيك يـوم العاشـر
ورزقني أجزع بالطم
ما اخجل من الحاضر
ما أنتبه بيك انشغل
لـو ألـف عيـن تـناظر
ارزقني بمصابك جرح
ينزف وجع ميكابـر
أرزقني اموت ابمجلسك
صحوة الحر بالاخر
عيشني لحظه ابمذبحك ؟
وشويه من الحافر ؟

يا رحمة الله يا أبا عبد الله :

#أم_علي_الشمري

شسولف وأنا ابابك مختصركلشي 🤍🥺

لو قرآن لو باسم علاج للراحة النفسيه

يالمعلّمني مِنْ تقسى الحياة أنخاك
إذا حسّيت أجتني مِنْ الوكت عيلة..

#ياعَلِي

على أعناد كل حاقد
علي خليفة او قائد


اللهم ثبتنا على ولاية أمير المؤمنين علي ع

ابوذية

" مولاتي السيدة زينب ع "

بعد عينك تركت الماي والــــزاد
شنو عمري بغيابك گصر والزاد
حسين اوياك كلشي الخدر والزود
راح ابساعة الرحت من أديه

#أم_علي_الشمري

يقال إن طائر البومة عندما يقترب شهر محرم الحرام لا تهنئ في مأكل او مشرب 💔😥
حزنًا على سيد الشهداء

قصيدة البومة؟
كتبت على أثر هذا المقطع 👆
.
.
أشفتي ابعينچ او ظليتي مهمـومه
مـن يـوم الطفوف اولسه مكتومه
****
لا مثـل الطيــور اقـرانچ اطيـرين
وليل الله اليمرلچ كاعده او تبچين
اشافت عينچ او ما صرتي ترتاحين
احچيلي عليچ السِلبو اهدومه ؟
أشفتي ابعينچ او ظليتي مهمومه
****
شفتي حسين من ظل وحده اومحتار
وسط الجيش واعليه العدو جرار
لو شفتي العقيله اتعاينه امن أمتار؟
ياهو الخله حالچ هيج مهضومه
أشفتي ابعينچ او ظليتي مهمومه
****
شفتي الحره من رگضت تدور حسين
لــو يــم الـكفـلها أدور الچــفيــن
عن يا حال ننشد صرتي أتنظريــن
من يا سبب وجهچ محزنه أرسومه
أشفتي أبعينچ او ظليتي مهمومه
****
شفتي العسكر اعله الخيم لمن دار
لو شفتي اليتامه الفزعت من النار
مذعـوره اوتصيح الغـوث يا كـرار
من ياهم دليلچ گولي ما لومه ؟
أشفتي ابعينچ او ظليتي مهمومه
****
شفتي الحره من گيدوها بالأصفاد
لو أبنه العـليل المـال حيـله او باد
لــو بنــتــه رٌقـيـه التنشد السجاد
عن والدها وين الطالت اعلومه ؟
اشفتي أبعينچ او ظليتي مهمومه
****
حچيناها الصور كلها اللي منقوله
ما شككنه بيها او گـلنـه معقوله ؟
بس صورة جنابچ ليش معلوله
من يا أثر گلبچ ما شفه أورومـه
اشفتي ابعينج او ظليتي مهمومه
****
أكيد احسين من أنذبح من ظهره ؟
ومن داسته الخيل اوهشمت صدره
شفتي أرضاض لحمه ابحافر العشره
ما لومچ لون للساعة مصدومه
اشفتي ابعينچ او ظليتي مهمومه
****

#أم_علي_الشمري

#اللهم_عجل_لوليك_الفرج

أبوذية لسان حال مولاتي زينب ع

ريت الموت راح الگلب ماطر
ولا أسـمع شمـر عباس ماطـر ؟
اخوج اعله النهر غرگان ماطر
دماه او راسه وجفوفه سويه

#أم_علي_الشمري

بسيطة لمولاتي العلية ع
.
.
واحسينا واحسينا
واحسينا واحسينا
****
گـوه أضم ابدمعتي
او مـا أبـيــن لوعتي
الغربة أهلي اوغربتي
أكتم الآ واحسينا واحسينا

****
الغالي ودعني او طلع
گلبي من صدري انشلع
ما إلــي أنـدار او رجـع
او گلي ويـا واحسينا واحسينا
****
خاطري اهواي انكسر
من مشه احسين اوسدر
ردته اللي ايدير النـظــر
مره والله واحسينا واحسينا
****
طفله خـلاني ابحزن
لازمــه البـاب او اون
إله أشـتــاگ او أحـن
گلبي يهوا واحسينا واحسينا
****
مـات حلمي الما بده
ويه ظعني اهلي الحده
البيه ما يدري أسده
الياذي فرگا. واحسينا واحسينا
****

#أم_علي_الشمري

ينقل إن بعد مدفن عبد الله الرضيع ع أتى شمر اللعين وأخرج الطفل من مدفنه ونحر رأسه المبارك ورفعوه على الرمح

أبوذية عن لسان حال مولاتي الرباب ع

ريت بنحري خنجر شمر من جاه
دره من يا عشيره او اصل من جاه
عني وين باچر يفر منجاه
الحرگ گلبي او گلب عمته السبيه

#أم_علي_الشمري

ينقل المؤرخون إن السيدة زينب ع لم تعرف الحسين ع من شدت الضرب إلا من خلال عطره

تَيّهـت تعرف احسين دلاها ريحه
عطرك أنا اشتميت گامت تصيحه

#دارمي #أم_علي_الشمري

لمولاي عبد الله الرضيع

مو مال ابرمح ينشال ليش أگبالي يتعله
أبني ترف مال احضان مو عالرمح يتخله

#دارمي #أم_علي_الشمري