عن أبي رمحة الحضرمي عن جعفر بن محمد عليه السلام قال إذا كان يوم القيامة نادى مناد من بطنان العرش
أين الرجبيون؟ فيقوم أناس يضئ وجوههم لأهل الجمع، على رؤوسهم تيجان الملك

- وذكر ثوابا جزيلا إلى أن قال
هذا لمن صام من رجب شيئا ولو يوما من أوله أو وسطه أو آخره

اللهم صل على محمد وآل محمد وعجل فرجهم

لمولاتي زينب "ع "
.
.
بعيده او حيده اوحزينه بغربتي
يحيدر يبويه وجر ابحسرتي
بس الصدى ابداري منعوها زواري
يحيدر يبويه
****
أنا زينب والك مرسالي ابعثنه
بدمع عيني اويه ريح الهاب ادزنه
اگلك بي يبويه الغربه مو جنه
أريد اهناك يمكم يهل المحنه

الجوارك اخذني العدو همه ذلي
يهددني كل يوم أهدمچ يگلي

هاك اسمع اخباري منعوها زواري
يحيدر يبويه
****
رغم غربة اوبعيده الوادم تسرني
ولجل شوفي تجي والداري تگصدني
من اشوفنهم عليّ يزال كل حزني
وكف دمعي المدامعهم واكف وني

واسمع شنو ايگولو واقضي حوائجهم
والهم ارد الدين وانطي الذي همهم

والكمل أسراري منعوها زواري
يحيدر يبوية
****
بعد ماكفه عني منعوا احبابي
او ذيج المغربيه البيها سد بابي
الي ايهدد عدوي ابهدمة اعتابي
وانا الحالي ولا اكو اليدرك امصابي

او يخفف عليه الهضم والمصايب
لونك يبويه تجي اويه الحبايب

تهودلي ناري منعوها زواري
يحيدر يبويه
****
وحگ اللي عليّ وصيته وتكفل
لون تدري عليّ وشيجري ما تقبل
يوميه الحرم من دمعي يتبلل
لأن فارغ ضريحي وعيني تتأمل

تعاود تجيني الوجوه التحبني
تره اليلفي هسه القصد بس يغثني

لونك مداري منعوها زواري
يحيدر يبويه
****
يبعد الروح والضي اللي وسط العين
تمنت روح زينب يم اخوها احسين
مابين التحب واللي نطه الجفين
مو بالشام مدفنها الشعبها البين

الهضم ما يمسني لون دفني يمهم
تراهم اندري حنينه ذممهم

اعليّه الهضم جاري منعوها زواري
يحيدر يبويه
****

#ام_علي_الشمري

هذي القصيدة كتبت على لحن قصيدة ( بعد هالمسية وداع ومنية ) للحاج باسم الكربلائي

13 رجب /1446 هـ
14/1/2025مـ

الهي بزينب 🙏

النصف من رجب الدعاء فيه مستجاب والخطيئة فيه عظيمة

حاولوا تجنبون حتى تحافظون على اجر هذا اليوم وثوابة

اذكروني في دعواتكم 🙏🤍

صباح حزين على آل بيت النبي " ص " لفقد مولاتي زينب ع 💔😥

يا دمعة الدُعاء يا روح المُناجاة
يا تاليَ القُرآن يا عطر التلاوات

بك أستغيث .. يا إمام الزمان ..

لشهادة مولاي موسى بن جعفر "ع "
.
.
واسوا ابو محمد رضا الفگد الحبيب
موسى ابـن جعفر گضه نحبه غريب

وإماما واسجين وإماما واسجين

****
بسجن اظلم خلصت روحه اوألم
ابن جعفر بالسجـن موتـه انـرسم
سابـع أهل البيت ظل نـوره نعدم
العلته ماصـح لها طـبه او طبيب

وإماما واسجين وإماما واسجين
****
ترك جـرح اجبير بگلوب التحب
اسد بغداد الگـضه عمـره ابغـرب
الفگده عين الرضا ومعصومة تصب
اوكل محب دمعة لبو طلبه سجيب

وإماما واسجين وإماما واسجين
****
قاضي الحاجات مسموم انجتل
بعيد عن اوطانه واحبابه ارتحل
رحل گلبه محسر الشـوف الاهل
واظلمت ابغداد والعالم كئيــب

وإماما واسجين وإماما واسجين
****
نار فگده حرگت اگليب اولده
شيطفي نار الرضا الفاگد والده
انهدم حيله والعــوالــم شاهده
او شحت اعله العترة انوار المجيب

وإماما واسجين وإماما واسجين
****
هالزمان اجروحه ماظن تندمل
خله بس اعيون بالعبره تهل
نشر ثوب احزانه ببيوت الرسل
الفگد ابو براهيم مدمعهم صبيب

وإماما واسجين وإماما واسجين

****

#ام_علي_الشمري

كتبت اليوم 18 رجب / 1446 هـ
19/1/2025مـ
اللهم تقبل منا هذا القليل بحق باب الحوائج موسى بن جعفر ع

(القصيدة على لحن اشعدها زينب عودت لحسينها لملا باسم الكربلائي )
...

لشهادة مولانا الإمام الكاظم "ع "
.
.
مات الإمام المسجون ابو الرضا والينه
موسى ابن جعفر هاليوم فوگ الجسر رامينه

****
وين الاهل وين الناس ما سمعت ابخباره
سابع اليمه مسموم تشهد بقت اثاره
وين الرضا عنه ابعيد ياخذ لبوه ابثاره
ويطَفي جمره وجمرات آل النبي هادينه
****
وين اللي ينعى او يبچيه ويون ونين الناگه
مكسور گلبه او مقهور يتأسف اعله افراگه
عالعمره خلص مسجون روحه الهله مشتاگه
يستاهل انوح اعليه لبظلمه گضه اسنينه
****
مات ابأمر من هارون والسندي سم دلاله
ونمرد جبده ابهاليوم والسم لعب بحواله
وامنيته بس لهله ايشوف قبل القضاء واجاله
اويرحل اوگلبه مسرور بشوفة هله اوگر عينه
****
فوگ الجره ولي صار بعده بسلاسل گيده
ناحل العود من الضيم واثاره لسه ابيده
ياهو الوطن جده ايروح ويخبّر اهله بعيده
ويگلهم بلوعه شلون موسى كضاها اونينه
****
بدره انطفه ويلي او غاب عن السمه اوعن داره
الــزاهـد العابـد ليش غيّـب عـدوه انـواره
ابن الرشيد الملعون مسمومه حتى افكاره
مجرم يگول التأريخ حتى بمظاهر دينه
****
#ام_علي_الشمري

أعظم الله لنا ولكم الأجر والثواب

كتبت اليوم 18 رجب /1446/ هـ
19/1/2025/مـ

محب عايش عله الله او عله هالذكره
تمر كدام عيني او خاطري تكسره

وفقني للعودة مولاي الغريب 🤲🤍

كلشي بيد الله البدينه بس اصابع

بس خل يبعد ظعن الوالد
عاده براحة ايموت الواحد
،،،عذاب ،،،

28 رجب لم يخرج ظعن الحسين بل خرجت روح العليلة ع 💔😢