ما زلت آمل أن ينتهي بك المطاف معي❤️.

اللهم شيء يغير كُلّ شيء❤️❤️🌻.

انا السمستر دا ما عاجبني والله.

الله يكضب الشينه. 🚶‍♂

عمق الصداقه متمثل في مقولة ابو بكر حين قال: شرب الرسول فإرتويت أنا
نجحت هي والفخر بحس بيو انا ♥️
عايز اقول ليك حوامه المكتبات ف نص الشمس وقعاد الشارع والمرمطه بتاعت المواصلات عشان نقرا م جابت عبث جابت برايز رغم إيماني المسبق بقدراتك وإمكانياتك 💙

‏كبرت وكبر معي يَقِِيني بأنك تستحقين الأفضل أينما ذهبت وأينما وُجدت 💙💙-
ماشاء الله دائما وابدا

مساء الخير؛
- بادر بالكلمة الحلوة للناس السودان دة براهو صعب م تبقى انت والسودان عليهم⛅💛✨.

‏كل ضحكة على وجهك كأنها على قلبي💎💛💛.

تدور النجوم والكواكب حول نفسهها وتدورِ أنتِ ﺣول قلبي 🧸💛".

‏واجعل يا ربُ حضوري كالغيمة، ساترة هادئة مظلة بلا صوت، أجيد الرحيل ببطئ والبقاء بكرمٍ، واجعلني يا ربُ طُمأنينة يلوذ إلي كل مستوحش، ويفزع إليّ كل محتاج، حتى أُداوي كل سقيمٍ في الظلمة ضلّ طريقه نحو ظِل السداد. 🌧️💙

#أمين_عبدالماجد

- عشقتُها حتى خشيتُ عشقَها
والعشق إن مَسَّ القلوبَ شَقَّها☁️✨.

ابتسمي ياجميلة الـمبسم فوجهك لم يخلق
للحزن❤️

قبل أيام لاقاني فيديو غريب جِدًّا..

بنت جات داخلة على دكتور، وأول ما قعدت والدكتور سلم عليها، قال ليها اتفضلي، مشكلتك شنو.. ؟
وبدأ الحوار التالي:

-أنا عايزة مساعدتك.

=طيب اتفضلي وريني مشكلتك وأنا ح أساعدك إن شاء الله..

-والله يا دكتور أنا عرسي الأسبوع الجاي..

=طيب دي حاجة كويسة أفتكر، مش مشكلة ولا إيه؟

-أيوه يا دكتور، بس للأسف خطيبي ما معاو حق الميكب والشبكة والدهب والأمور ديّ..

=طيب معليش يا ستي، بس أنا لسه ما عرفت أساعدك كيف؟

-طيب أنا عايزة أجيب أبوي وأجيك بكرة تفحص لي، بس عايزاك تقول لأبوي إنو عندي حساسية عالية من الميكب والدهب وأنواع مختلفة من المعادن لمن ألبسها بتأذيني، عشان أبوي ما يسأل عن الدهب والقروش وكدا من خطيبي.

=معليش بس أنا في مهنة ما أنفع أكذب فيها.

-والنبي يا دكتور دا حب عمري، أنا ما عندي حل غير كدا، ما بتهمني القروش ولا الدهب زي ما بهمني هو، هو بس، أنا نفسي نكون مع بعض في الحلال، يا ريت ما تكسفني يا دكتور، وح أكوم ممتن ليك مدى الحياة.

=طيب أوك، ح أعمل كدا جيبي أبوك بكرة وح اقنعهُ إن شاء الله.

اليوم البعده جابت أبوها وعملو الفحوصات وأول ما قعد مع أبوها قال ليو

-بنتك يا حاج ظهر عندها حساسية عالية من المعادن والميكب والحاجات دي، بس بتتعالج لكن محتاجة زمن.

= كيف الكلام دا، البنت ح تتزوج الأسبوع الجاي؟

-وين المشكلة تتزوج من غير دهب وميكاب.

= لا كيف ما يجوز كدا..
-إيه الما يجوز يا حاج معقول تأخر أو توقف زواج بنت عشان حِتة دهب، دا غير إنو ح تكون سهلت للراجل وكسبت ثقتهُ.

= والله صدقت، ربنا يسهل وعلى بركة الله.

وفعلًا تم العرس بدون تكاليف أو خسائر كتيرة..

المبهر في الموضوع إنو البنت دي عملت عملية خيالية، ما تتعمل في الأفلام (القصة حقيقة).

هي ببساطة كسرت حاجز المستحيلات، واتجاوزت أصعب الحاجات بسبب حبها..

ودي فعلًا بتوصل رسالة إنو البحبك ح يعرف يصل ليك كيف، ما دام إنتَ وهو متفقين مع بعض رغم أنف الظروف والمجتمع والعادات.

#أمين_عبدالماجد

‏التفاصيل البسيطة، والمشاعر العفوية في بدايات العلاقات الآيلة للدوام برهن التوقعات، أجمل من أن تحفظ في ذاكرة، يجدر بها حسب ظني أن توضع في متحف، أو مع مخلدات الأمثال، أو القصص الخرافية،على الأقل حتى تنجو من مفترسها الزهايمر..
‎#أمين_عبدالماجد

ماشة في الجامعة وفي جزء من الجانب الأيمن في ملابسها اتشرط وهي ما واعية بيه، فأول ما جات داخلة القاعة في بت انتبهت لي الموضوع.

فجأة كوركت ليها وبصوت لأنها كانت بعيدة منها ونبهتها إنو ملابسها اتمزقت، الناس كلها ركزت معاها، حتى الما كان جايب خبر، البت اتحرجت وسرعة سرعة قعدت جنب أقرب مكان ليها عشان تتجنب الحرج، لحدي ما لقت حل للمشكلة.

لمن سألت صحبتها لي عملتي كدا، قالت ليها مالي كتر خيري نصحتك بدل الناس الشافوك وما اتكلموا.

السيناريو بمثل ناس كتار بس بمواقف مختلفة.

صحبك النزل بوست وفيه غلط، بدل تقول ليه تمام وتشكرهُ على المحتوى جريت طلعت ليه الغلط الإملائي ومعاو نجمة.

زميلك في بيت العذابة، النسى ما دفع حق الإيجار، أول ما جاء خاشي قلت ليو شنو يا فضلت إنتَ م دفعت ومالك عامل رايح قِدام الباقين بدون م تعرف ظروفهُ، حتى لو كنت عايز تنبههُ.

-صحبتك الشعرها طالع برا وبتقعدي تنصحي فيها قدام باقي الشلة كل مرة لمن تلاقيها بحجة أنها لازم تتعدل.

أي نعم دا نُصح زي ما ظاهر، بس بالنسبة للطرف التاني توبيخ، مهما كنت بتحب زول ما تنصحهُ على الملأ عشان ح تكون صنعت منو مسخرة بس ما أكتر.

احتفظ بنصحك وخلي على إنفراد دائمًا، واتذكر إنو أي نصيحة ينفع تتقال بس ما أي وقت ينفع للنصيحة.

ولو كمان بتحب الشعر ح أديك أبيات لطيفة للإمام الشافعي رضي الله عنه تلخص كل دا وهي:

تَعَمَّدني بِنُصحِكَ في اِنفِرادي
وَجَنِّبني النَصيحَةَ في الجَماعَة

فَإِنَّ النُصحَ بَينَ الناسِ نَوعٌ
مِنَ التَوبيخِ لا أَرضى اِستِماعَه

وَإِن خالَفتَني وَعَصِيتَ قَولي
فَلا تَجزَع إِذا لَم تُعطَ طاعَة

يعني لو أديتك على رأسك بعد كلامك ما تلوم إلا نفسك.

#أمين_عبدالماجد

وبرغم سلاسة الأيام وسرعة سير دولاب زوال اللحظات التي تبلغ من الأهمية ثروتها، أجد نفسي متربعًا على هرم الوحدة المريح للحد البعيد، وعلى الرغم من حوجتي الماسة لتبادل الحوارت العاطفية المليئة بالمشاعر، والتمتع بلحظات الحب القصيرة بمسمى الغريزة، أجد نفسي أبتعد بطريقة مُهيبة من كل شئ حينما تُسوّلُ لي نفسي عدم شرعية احتضانها ضمن منظومة الوقت المناسب لدخول شريك حتمي في الوضع الحالي، فأغط في فكرة عميقة لاستيقظ منها ذابل الملامح، ضيق التفكير، ومُجهد المشاعر، على أمل أن أجد بعض الكوكايين المُخبى في أكواب الصداقة، أو الزمالة، وربما على صهوات الطريق، وعندها لا تدوم المشاعر أكثر من جلسة شاي أو سيجارة مبتورة، وأحيانًا بيت شعر، وحينها فقط أدركت أني كنت ذلك المدمن لمنشاطات المراهقة الفاتنة.

#أمين_عبدالماجد

قبل كم سنة لمن كنا في الأساس، كان عندنا قِطة (كديسة بالدارجي كدا) المهم الكديسة كبيرة في السن حتى أنها بقت ما بتشوف.

والأكل يا الله تأكل، وكان في نفس الوقت جيراننا عندهم كديسة والدة، وفجأة كدا ماتو صغار القطة بي امهم إلا واحد بس، وكانت صغيرة جِدًّا ياداب مفتحة عيونها.

فلمن عرفنا كدا قلنا على أساس كديستنا دي بقت كبيرة، نحن عايزين لينا واحدة صغيرة للبيت.

المهم جبناها وحاولنا نأكِلها، بس ما كانت بتأكل ولا بتشرب اللبن حتى، مع أننا حاولنا بالحقنة وبكل الطرق معاها بس للأسف ما نفع..

نحن احترنا وغلبنا النعملهُ، حتى أننا اتوقعنا أنها تموت في أي لحظة، بس سبحان الله في يوم صحينا الصباح لقينا الكديسة الصغيرة بترضع من الكديسة الكبيرة العمياء..

قادرين تتخيلوا؟
كديسة عمرها كبير، وصحتها هزيلة، وما والدة تدر لبن وترضّع الصغيرة دي!

ماف تفسير بالمنطق للحاجة دي، غير إنو ربنا سبحانهُ وتعالى قِدر لحق الكديسة الصغيرة دي وحفظها من الموت في آخر اللحظات..

وبطريقة أقرب للخيال، فيا سبحان الله..

وإن كانت القصة دي في عالم الحيوانات، ما البشر...
الدنيا دي وكل من فيها تحت رعاية الله سبحانهُ وتعالى، خوفنا من الموت، والعمل على الدنيا واجتهادنا دا كلو تحت رعاية ربنا.

ماف زول بموت ناقص يوم..

ماف زول ح يموت وعندهُ حتة رزق في الدنيا دي ما ح ياخدها..

وماف شئ في الدنيا ماش ساي، مهما حصل ليك إطمئن لإنو إنتَ ما تحت رعاية بشر إنتَ تحت رعاية ربنا سبحانهُ وتعالى فخليك مطمئن بس عشان السبب دا.

#أمين_عبدالماجد

عمرنا ما أذينا زول عشان غلط فينا وكنا مسامحين ومحتسبين لله بس..

- عمرنا ما سمعّنا زول كلمة شينة، بالرغم من السمعناه..

-وعمرنا ما شوهنا سمعة زول عمل فينا حاجة كعبة، بل كنا ساترنهم ومخلنهم لربنا..

-عمرنا ما صرينا وشنا لي زول حتى لو الدنيا كلها واقعة في رأسنا، مخلين بشاشتنا عنوانا مهما حصل..

الحاجة الشينة ما حقتنا ولا بنعملها، ما خوفًا من زول لكن بس اتربينا على كدا.

#أمين_عبدالماجد

الصباح وأنا طالع قعدت لي في قهوة كدا، وكالعادة مع المطرة البلد مليانة طين، وَالجزمة حقتي بقت زي لو الأرض واحد..

قعدت زهجان من الموضوع وأنضف فيها بالمنديل وأشتم تحت تحت كدا..

لحدي ما جاني ليك واحد من حبايبنا بتاعين الورنيش..

قال لي:
"يا أصلي جيبها نزبطها ليك"
وأنا ولا صدقت، قلت ليو هاك زبط الشغل تكون عزيتني..

المهم قعدت أتونس معاو قلت ليو والله المطر دا سمح بس الشوارع حقتنا بتخليك تزهج من الوضع..

قال لي لالا يا زول المطر دا عزة معاي..
لإنو كل م تجي مطرة والبلد تطمبج أنا حساباتي بتكون عزة، وبدخل قروش كويسة، فيا ريت الحال كلو خريف..

هنا أنا والله ضحكت وفي نفس الوقت قعدت أفكر تفكير بعيد شوي..

يعني هو لاقي رزقه على حوجتنا..

أيوه صح!

بس برضو لقيت إنو دي مسألة الأرزاق الكل مرة بقعد أفكر فيها..

يعني المهندس المدني بلقى قروش على حوجة واحد للبنيان..

والطبيب بلقى قروش على حوجة واحد للعلاج..

وبتاع الملابس بلقى رزقه على حوجة واحد للملابس..

وبتاع المواد الغذائية بلقى رزقه على حوجة غيره للغذاء..

والحكاية طويلة..

فكرة إنو ربنا سبحانه وتعالى خلق فينا الحوجة عشان نكون سبب في رزق زول بفضل ربنا، دا بيعني إنو ربنا لمن يخلق ليك الحوجة بديك معاها قُدرتها المالية أو الجسدية، عشان هي قبل ما تكون حقتك هي رزق لزول تاني في رحم الغيب، فما تخاف على رزقك نهاي..

في نص سرحتي دي الود الشفت زبط الجزمة وخلاها أنضف من ضميري ذاتو زي ما بقولوا..

فأخد حقهُ وزيادة، ما عشان أنا كريم بس عشان هو أجاد شغلهُ، فلمن يجيك زول محتاج لخدمة ح يدفع ليك فيها حاول قدّر حوجتهُ وأعملها ليو بإتقان، عشان رزقك دا نصيبك وح يصيبك إن كذبت أو غشيت فأفضل تآخدوا حلال طيب، وربنا ح يزيد ليك فيه لو أخلصت، إن كانت زيادة في البركة أو الكمية، فبالله عليكم أخلصوا للناس في قضاء حوجتهم.

والسلام..

#أمين_عبدالماجد