❗️ "Тоза қўллар" дастурини амалга ошириш чора-тадбирлари белгиланди

“Соғлиқни сақлаш ва таълим ташкилотларида ичимлик суви ҳамда санитария-гигиена инфратузилмасини кенгайтиришга қаратилган "Тоза кўллар" дастурини амалга ошириш чора-тадбирлари тўғрисида” ги Ҳукумат қарори (297-сон, 06.05.2025 й.) қабул қилинди.

🔰 Қарорга кўра, "Тоза қўллар" дастури доирасида соғлиқни сақлаш ва таълим ташкилотларида:

🔹 санитария-гигиена воситалари билан етарли миқдорда таъминланади;

🔹 ичимлик суви таъминоти ва санитария-гигиена объектлари (ҳожатхона) инфратузилмаси яхшиланади, улар бинонинг ички қисмида жойлаштирилади;

🔹 аҳоли, жумладан, болалар ўртасида шахсий гигиена одатларини шакллантириш ва унга риоя қилиш бўйича тарғибот ишлари амалга оширилади.

✔️ Давлат сармояларини бошқариш геопортали маълумотларидан фойдаланган ҳолда умумий ўрта таълим ташкилотларининг санитария-гигиена инфратузилмаларини яхшилаш бўйича манзилли дастур шакллантирилади.

❇️ Шунингдек, умумий ўрта таълим ташкилотларини халқаро тажриба асосида сув таъминоти, санитария ва гигиенанинг "Уч юлдузли ёндашув" методикаси асосида баҳолаш тизими йўлга қўйилади.

📌 Маълумот учун: Президент Фармонига мувофиқ, 2025 йил 1 майдан барча соғлиқни сақлаш ва таълим ташкилотларида «Тоза қўллар» дастури амалга оширилиши белгиланган.

https://www.tg-me.com/hudud_inform

Ўзбекистон Республикаси Президентининг фармони билан Адхам Юсупович Худойқулов Ўзбекистон Республикаси Президенти Администрацияси ҳузуридаги Таълим сифатини таъминлаш миллий агентлиги директори лавозимига тайинланди.

https://www.tg-me.com/hudud_inform

Шавкат Мирзиёев Владимир Путиннинг таклифига биноан 8-9 май кунлари амалий ташриф билан Москва шаҳрида бўлади.

Ташриф дастурига мувофиқ, президент Иккинчи жаҳон урушидаги Ғалабанинг 80 йиллигига бағишланган тантанали тадбирларда иштирок этади ҳамда қатор икки томонлама учрашувлар ўтказади.

https://www.tg-me.com/hudud_inform

Олмалиқда янги олтин саралаш фабрикаси қурилмоқда

Ўзбекистонда қимматбаҳо металлар ишлаб чиқариш ҳажмини ошириш ҳамда табиий бойликлардан самарали фойдаланиш мақсадида кенг кўламли саноат лойиҳалари амалга оширилмоқда.

Шу каби муҳим лойиҳалардан бири Олмалиқ кон-металлургия комбинатининг “Ковулди олтин саралаш фабрикаси қурилиши” лойиҳаси ҳисобланади.

Ушбу фабрика “Ковулди” ва “Қуйи-Кенжасой” конларидан қазиб олинадиган маъданларни қайта ишлашга мўлжалланган бўлиб, йилига 200 минг тонна хомашёдан қимматбаҳо металларни ажратиб олади.

Фабриканинг қурилиш ишлари жорий йилнинг февраль ойида бошланган бўлиб, 2025 йил 4 чорагида фойдаланишга топширилиши режалаштирилган. Комбинатнинг Капитал қурилиш бошқармаси қурилиш ишларини назорат қилиш бўйича етакчи муҳандиси Дилором Пардаеванинг маълум қилишича, қурилиш ишларини “Олмалиқметаллургқурилиш” трести амалга оширмоқда.

Лойиҳа доирасида ер майдонини тайёрлаш, маъмурий-маиший биноларнинг пойдеворини қуриш ва ишлаб чиқариш биноси учун 54 та темир-бетон колонна ҳамда 530 та тўсиқ ўрнатиш ишлари бажарилди.
Фабрика қурилишининг иккинчи босқичида технологик ускуналар - тегирмонлар, гидроциклонлар ва классификаторлар ўрнатилади.

Ускуналар Марказий таъмирлаш-механика заводи томонидан маҳаллийлаштириш дастури асосида тайёрланмоқда. Шу кунгача 2 та тегирмон, 2 та гидроциклон ва бошқа эҳтиёт қисмлар тайёрланди.
Эътиборли жиҳати шундаки, мазкур фабрика тўлиқ ОКМКнинг ўз кучи ва мутахассислари томонидан барпо этилмоқда. Қурилишда фойдаланилаётган темир-бетон конструкциялар ҳам комбинатнинг “Олмалиқметаллургқурилиш” трестида ишлаб чиқарилмоқда.

Фабрика ишга туширилгач, қўшимча 151 та янги иш ўрни яратилади. Комбинатнинг Ангрен ва Чодакдаги фабрикаларидан кейинги учинчи олтин саралаш фабрикаси пайдо бўлади.

https://www.tg-me.com/hudud_inform

❗️Хотира ва қадрлаш куни муносабати билан неча кун дам оламиз?

🔰 Хотира ва қадрлаш куни муносабати билан қуйидаги кунлар дам олинади:

🔹9 май (жума) – Хотира ва қадрлаш куни – барча учун дам олиш куни;

🔹10 май (шанба) – 5 кунлик иш ҳафтасидаги ходимлар учун дам олиш куни, 6 кунлик иш ҳафтасида ишлайдиган ходимлар учун иш куни;

🔹11 май (якшанба) – дам олиш куни.

https://www.tg-me.com/hudud_inform

✅ Қонунчиликка кўра, ишланмайдиган байрам кунлари арафасида ҳар кунлик ишнинг (сменанинг) давомийлиги барча ходимлар учун камида бир соатга қисқартирилади.

➡️ Агар ишни қисқартириш имкони бўлмаса (масалан, узлуксиз ишлайдиган ташкилотларда ва айрим турдаги ишларда) ортиқча ишлаганлик учун ходимга қўшимча дам олиш вақти берилади ёки ўша вақт учун 2 ҳисса ҳақ тўланади.

https://www.tg-me.com/hudud_inform