🖋 "Онлайн платформа ва веб-сайтлар фойдаланувчиларининг ҳуқуқларини ҳимоя қилиш тўғрисида"ги қонун лойиҳасида қуйидаги асосий принциплар ўз ифодасини топган:

✅қонунийлик – онлайн муҳитдаги барча фаолият қонун доирасида амалга оширилади;

✅фойдаланувчилар ҳуқуқларининг устуворлиги – фойдаланувчиларнинг маълумот олиш, фикр билдириш ва хавфсиз интернетдан фойдаланиш ҳуқуқлари таъминланади;

✅цензурага йўл қўйилмаслиги – қонун билан тақиқланмаган контентга нисбатан эркинлик кафолатланади;

✅шаффофлик ва хавфсизлик – ноқонуний контентнинг тарқалишига қарши курашилади ва шахсий маълумотларнинг хавфсизлиги таъминланади.

🔍Қонун лойиҳасида блогерларга мажбурият сифатида кўрсатилган бажарилиши қийин бўлган нормалар қайта кўриб чиқилмоқда.

🔍Хавфсиз ва зарарсиз онлайн муҳитни таъминлаш мақсадида инфлюенсерларнинг жамоатчилик олдидаги мақоми аниқ белгиланмоқда.

🔍Янги жавобгарлик чоралари, жарималар белгиланиши кўзда тутилмаган, юқоридаги мажбуриятларни бажармаган тақдирда уларга нисбатан ҳуқуқий чоралар сифатида молиявий санкциялар ёки бошқа жазо турлари кўзда тутилмаган.

https://www.tg-me.com/hudud_inform

🇺🇿 Ўзбекистонда Интернет билан боғлиқ ахборот алмашинуви

✔️ жаҳон стандартларига мос келиши;

✔️ Интернетдан фойдаланиш бўйича инсон ҳуқуқлари таъминланиши

✔️ахборот ва ахборотлаштириш соҳасига оид қонунчилик талабларига амал қилиниши зарур.

📌 Қонун лойиҳаси билан Интернет, хусусан, ижтимоий тармоқлардаги муҳит хавфсизлигини ва фойдаланувчилар ҳуқуқларини таъминлаш бўйича ижтимоий муносабатларни тартибга солишни либераллаштириш назарда тутилган.

https://www.tg-me.com/hudud_inform

🎧 ДХХ Call-маркази ишга тушди

ДХХ ваколатларига киритилган масалалар юзасидан жисмоний ва юридик шахсларнинг мурожаатларини тезкор равишда қабул қилиш мақсадида Call-марказ (1520 қисқа рақами) фаолият юрита бошлади.

Хусусан, қуйидаги масалалар юзасидан мурожаатлар қабул қилинади:

⚫️ Ўзбекистон Республикасининг конституциявий тузуми, суверенитети ва ҳудудий яхлитлигига бўлган тажовузлар ҳақида;

⚫️ Давлат чегарасини қўриқланиши ва ҳимоя қилинишига бўладиган таҳдидлар;

⚫️ Қуролли Кучлар ва мудофаа-саноат мажмуасида давлат хавфсизлигига бўладиган таҳдидлар;

⚫️ терроризм, экстремизм, уюшган жиноий гуруҳларга оид;

⚫️ қурол-яроғ, гиёҳвандлик воситалари ва психотроп моддаларнинг ноқонуний айланмасига доир жиноятлар ҳақида;

⚫️ давлат манфаатларига таҳдид солувчи коррупция ва иқтисодий жиноятлар юзасидан;

⚫️ миллий, этник ва диний адоватни тарғиб этиш;

⚫️ давлат манфаатлари ва хавфсизлигига таҳдид солувчи ҳуқуқбузарликларнинг содир этилишига доир бошқа ахборотлар.

✅ Мурожаат қилган фуқароларнинг шахси сир сақланиши кафолатланади.

https://www.tg-me.com/hudud_inform