Ўзбекистон ва Исроил ўртасида авиақатновлар тўхтатилди

Тел-Авив халқаро аэропортида ҳаво ҳудудидан фойдаланиш бўйича жорий этилган чекловлар сабабли, Uzbekistan Airways 2025 йил 16 июндан 30 июнгача Тошкент – Тел-Авив – Тошкент йўналишидаги рейсларни вақтинча тўхтатишга мажбур бўлди.

Бекор қилинган рейслар йўловчилари авиабилетлар бўйича мажбурий қайтариб олиш ёки кейинги саналарга бепул қайта бронь қилиш учун мурожаат қилишлари мумкин.

https://www.tg-me.com/hudud_inform

Бироздан сўнг Президент Шавкат Мирзиёев раислигида амалга оширилаётган ислоҳотлар натижадорлиги, ҳудудларда ишларнинг бориши, аҳолини ўйлантираётган масалаларга ечим топиш юзасидан видеоселектор йиғилиши бошланади.

https://www.tg-me.com/hudud_inform

"Ўзи билиб жойини бўшатиб қўйсин"

Суюлтирилган газ етказишда 60-70 кунлаб узилиш кузатилмоқда. Айниқса, Андижон ва Сурхондарёда мурожаатларнинг 70 фоизи шу масала билан боғлиқ.

— Иссиқ кунларда газда шунча муаммо бўлса, қишда одамлар қозонини нимада қайнатади? Раҳбарларга сўнгги огоҳлантириш: бу масалага икки ҳафтада ечим топсин, бўлмаса ўзи билиб жойини бўшатиб қўйсин, — деди президент.

https://www.tg-me.com/hudud_inform

Гўшт, сут, парранда гўшти ва тухум нархи кескин ошмаслиги, корхоналар “соя”дан чиқиб ишлаши учун ҚҚСнинг ярмини кэшбек қилиб қайтариш тартиби ўтган ҳафта тасдиқланган эди.

Мутасаддилар кэшбекни бир кунга бўлса ҳам кечиктирмаслик зарурлиги ҳақида огоҳлантирилди.

— Ҳокимларни ҳам огоҳлантираман, ушбу янги механизм асосида гўшт, сут, парранда гўшти ва тухум нархи барқарор бўлиши шарт. Буни эплай олмаганлари ишдан кетади, — деди президент.

https://www.tg-me.com/hudud_inform

❗️ Президент Администрациясининг Назорат инспекциясини бугуннинг ўзида тугатишга қарор қилинди.

Шу боис ижро интизомини мустаҳкамлаш, аҳоли муаммолари билан ишлаш бўйича мутлақо янги тизим яратилиши белгиланди.

Бундан буён ижро интизомига Ҳисоб палатаси масъул бўлади, унинг ваколатлари кенгайтирилади.

Эндиликда Ҳисоб палатаси қарорлар билан берилган маблағларни фақатгина тўғри сарфланишини эмас, балки нима самара берганини, аҳоли бундан қанчалик рози бўлганини ҳам ўрганади.

Палата раиси ҳар бир қарор ижроси натижадорлигини таҳлил қилиб, заиф нуқталар, “аравасини тортмаётган” раҳбарлар ва ишламаётган тизимлар бўйича ўз таклифини ҳар ойда Президентга киритади.

https://www.tg-me.com/hudud_inform

Тошкентдаги “Халқ назорати” электрон порталини бутун республикада ишга туширилади.

Ушбу портал орқали аҳоли қурилиш, ободонлаштириш ва инфратузилма муаммоларини суратга олиб ва аниқ манзилини кўрсатган ҳолда мобил илова орқали юборади.

Масаланинг ечими ҳам фотосурат билан тасдиқланади. Уларнинг қанчалик тез ва сифатли ҳал этилишига қараб, ҳокимлар фаолияти кунлик баҳолаб борилади.

Бу тизим мурожаатларнинг ягона платформаси бўлади ва унга барча вазирлик, идора, ҳокимликлар уланади.

https://www.tg-me.com/hudud_inform

Ташқи ишлар вазирлиги:

16 июнь ҳолатига кўра, 30 дан ортиқ Ўзбекистон фуқароси Эрон ҳудудидан Туркманистон ва Озарбайжон орқали муваффақиятли эвакуация қилиниб, мамлакатимизга етказилди.

Мазкур жараёнда яқиндан кўмак берган Туркманистон, Озарбайжон ва Эронлик ҳамкасбларимизга чуқур миннатдорлик билдирамиз.

Фуқароларимизнинг хавфсизлигини таъминлаш мақсадида барча зарур чоралар кўрилмоқда. Эрон ва Исроилдаги элчихоналаримиз 24/7 режимида фаолият юритмоқда.

Айни пайтда ушбу давлатларда бўлиб турган фуқароларимизга хавфсиз жойларда бўлиш, расмий ахборотларни доимий равишда кузатиб бориш ва элчихоналаримиз билан алоқада бўлиш тавсия этилади.

Эрондаги Элчихонамиз алоқа маълумотлари:
Телефон: +98 (21) 22299780, 22832025
Электрон почта: [email protected]

Исроилдаги Элчихонамиз алоқа маълумотлари:
Телефон: +972 (3) 672-2466, 672-2371, 758-5075, 758-5076
Шошилинч хабарлар учун: +972 (54) 485-1397
Электрон почта: [email protected]

https://www.tg-me.com/hudud_inform

Шавкат Мирзиёев ва Си Цзиньпиннинг музокаралари якунида Ўзбекистоннинг ЖСТга аъзо бўлиши бўйича икки томонлама музокаралар якунлангани тўғрисида баённома имзолангани эълон қилинди.

https://www.tg-me.com/hudud_inform

Сузиш ҳавзалари ва дам олиш зоналарида фуқаролар хавфсизлигига қаратилган чора-тадбирлар кучайтирилди

Тошкент вилояти Фавқулодда вазиятлар бошқармаси

https://www.tg-me.com/hudud_inform

18 июндан бошлаб "Фарғона" чегара божхона пости ҳамда Шоҳимардон қишлоғига ўтишдаги "Оқ қия" божхона пункти ва "Сўх" чегара божхона постининг "Чашма" божхона пункти сутка давомида узлуксиз 24 соатлик иш режимига ўтади.

https://www.tg-me.com/hudud_inform

❗️ “Ўзбекистон миллий электр тармоқлари” АЖ филиалларининг Telegram каналлари ишга туширилди

Истеъмолчилар билан ахборот алмашинувини яхшилаш ва жамоатчилик билан ишлаш самарадорлигини ошириш мақсадида “ЎзМЭТ” АЖ тасарруфидаги Қорақалпоғистон Республикаси, Тошкент шаҳри ва вилоятлардаги 14 та магистрал электр тармоқлари филиалларининг Телеграм каналлари ишга туширилди.

“Ўзбекистон миллий электр тармоқлари” АЖ Ахборот хизматининг хабарига кўра, эндиликда фойдаланувчилар юқори кучланишли подстанция ва линиялардаги таъмирлаш, қурилиш, инвестиция лойиҳалари, авария ва режали ўчиришлар ҳақида тезкор маълумотларни ушбу каналлар орқали олишлари мумкин.

https://www.tg-me.com/hudud_inform

Соат 21:00 да Тошкент шаҳридаги «Сокин» подстанциясида носозлик юзага келган.

Бунинг натижасида Юнусобод, Мирзо Улуғбек ва Олмазор туманларининг айрим ҳудудларида электр таъминотида узилиш кузатилмоқда. Бу ҳақда Энергетика вазирлиги ахборот хизмати маълум қилди.

Ҳозирги вақтда ушбу носозликни бартараф этиш ишлари олиб борилмоқда.

Келтирилган ноқулайликлар учун истеъмолчилардан узр сўраймиз, дейилади хабарда.

https://www.tg-me.com/hudud_inform

CNN: Ўзбекистон — барча билан дўст, барча томондан сармоя излайдиган давлат

CNN телеканалининг таниқли мухбири ва халқаро таҳлилчи Ричард Квестнинг таъкидлашича, геосиёсий ўйиннинг қоқ марказида жойлашган Ўзбекистон — барча билан дўстона муносабат ўрнатишга интилаётган давлат сифатида дунё сиёсий саҳнасида мувозанатни ушлашга ҳаракат қилмоқда.

https://www.tg-me.com/hudud_inform

Бугун президент Шавкат Мирзиёев Қашқадарё вилоятига ташриф буюради.

Ташриф давомида саноат, тиббиёт, туризм, энергетика каби кўплаб соҳалардаги корхоналар фаолияти ва маҳаллалардаги бунёдкорлик ишларини кўздан кечириш режалаштирилган. Шунингдек, вилоятни ижтимоий-иқтисодий ривожлантиришнинг келгуси вазифалари юзасидан йиғилиш ўтказилиши кўзда тутилган.

https://www.tg-me.com/hudud_inform

Президент топшириғига биноан, Қўшработ туманидаги ўқувчилар учун 17 та янги мактаб-автобуси тақдим этилди. Ушбу ажойиб совға тумандаги 20 та олис мактабда таҳсил олаётган 750 нафардан зиёд ўқувчига хавфсиз ва қулай тарзда ўз синфхоналарига етиб бориш имконини беради.

Бу ҳақда президент ёрдамчиси Саида Мирзиёева маълум қилди.

https://www.tg-me.com/hudud_inform