#Самарқанд_вилояти

Вилоят "Матбуот уйи"да ахборот хизматлари ходимларининг иш самарадорлигини оширишга бағишланган семинар ўтказилди

https://www.tg-me.com/hudud_inform

❗️Самарқанд шаҳрида содир бўлган ёнғин бартараф этилди

Жорий йилнинг 14 март куни соат 22:50 да Самарқанд шаҳри Шоҳрух Мирзо кўчасида  жойлашган вилоят Мактабгача ва мактаб таълими бошқармаси тасарруфидаги кутубхонада ёнғин содир бўлганлиги тўғрисида вилоят ФВБ га хабар берилган.

Шунга кўра, 6 та ёнғин қутқарув экипажлари жалб қилиниб, воқеа  жойига  соат 22:57 да етиб бориб, соат 23:55 да ёнғин тўлиқ бартараф этилган.

Ёнғин натижасида бинонинг шифт ва том қисми қисман ёниб зарарланган.

Ушбу ёнғин кутубхонанинг маъмурий биносида содир бўлган ҳамда кутубхонадаги китобларга ҳеч қандай зарар етмаган.

Ҳодиса оқибатида жабрланган ва ҳалок бўлганлар йўқ.

Ҳозирда терговга қадар текшириш ишлари олиб борилиб, ёнғиннинг келиб чиқиш сабаби аниқланмоқда.

https://www.tg-me.com/hudud_inform

Иссиқлик энергияси билан таъминлаш соҳаси тубдан ислоҳ қилинади

“Уй-жой ҳамда бино-иншоотларни иссиқлик энергияси билан таъминлаш соҳасини тубдан ислоҳ қилиш ҳамда биноларнинг энергия самарадорлигини ошириш чора-тадбирлари тўғрисида”ги Президент қарори (ПҚ-100-сон, 11.03.20225 й.) қабул қилинди.

🔰Қарорга кўра,  уй-жой ва бино-иншоотларни иссиқлик энергияси билан барқарор таъминлаш ҳамда биноларнинг энергия самарадорлигини оширишнинг келгуси 5 йилдаги асосий йўналишлари этиб қуйидагилар белгиланди, жумладан:

🔹соҳада ягона давлат сиёсатини юритиш, илғор хорижий тажрибалар асосида стратегик таклифларни ишлаб чиқиш, иссиқлик таъминоти корхоналари фаолиятини бошқарувчи ва мувофиқлаштирувчи ташкилот ташкил этиш;

🔹марказлашган иссиқлик таъминотига уланмаган тўрт ва ундан юқори қаватли кўп квартирали уй-жойларнинг иситиш тизимида локал қозонхоналар қуриш ва бошқа муқобил технологияларни жорий этиш ҳисобига бир хонадоннинг газга бўлган талабини камида 20 фоизга камайтириш.

✅ Қуйидаги тадбирлар амалга оширилади, жумладан:

▪️марказлашган иссиқлик тизимларидаги эскирган 103 та қозонхона ва 1,6 минг километр иссиқлик тармоғи янгиланади;

▪️давлат-хусусий шериклик асосида 9 та, халқаро молия институтлари иштирокида 13 та шаҳар ва туманда модернизация лойиҳалари амалга оширилади;

▪️марказлашган иссиқлик таъминоти қамрови 37 фоиздан 58 фоизгача етказилади, тизимдаги йўқотишлар 38 фоиздан 20 фоизгача қисқартирилади.

https://www.tg-me.com/hudud_inform

Имом Мотуридий таваллуди кенг нишонланади

“Имом Мотуридий таваллудининг 1155 йиллигини
кенг нишонлаш тўғрисида”ги Президент қарори (102-сон, 14.03.2025 й.) қабул қилинди

⚡️Қарорга кўра, 2025 йилда Имом Мотуридий таваллудининг 1155 йиллиги кенг нишонланади.

🔍 Алломанинг ислом оламидаги обрў-эътибори ва нуфузига муносиб тарзда юқори савияда нишонлаш бўйича қуйидагиларни назарда тутадиган чора-тадбирлар дастури тасдиқланади, жумладан:

➖ 2025 йил апрель ойида Самарқанд шаҳрида “Мотуридийлик – бағрикенглик, мўътадиллик ва маърифат таълимоти” мавзусида халқаро илмий-амалий анжуман ўтказиш;

➖ хорижлик тадқиқотчилар ўртасида мотуридийлик таълимоти бўйича илмий танлов ўтказиш, ғолиблар иштирокида Ўзбекистонда маданий-маърифий учрашув ва семинар-тренинглар ташкил этиш;

➖ Имом Мотуридийнинг “Таъвилот ал-Қуръон” ва “Китоб ат-тавҳид” асарлари ва мотуридийлик таълимотига оид манбаларнинг ўзбек ва хорижий тиллардаги илмий-изоҳли академик таржималарини нашр этиш.

📝 “Мотуридийлик таълимоти ва ҳозирги замон” мавзусида республика илмий-амалий конференциясини ҳамда илмий мақолалар танлови ўтказилади.

✅ Ўзбекистон мусулмонлари идорасига имом-хатиблар ҳамда диний таълим муассасалари талабалари ўртасида “Мотуридийлик таълимоти билимдони” танловини ўтказиш ва ғолибларни муносиб тақдирлаш тавсия этилди.

https://www.tg-me.com/hudud_inform

Бугун ОКМК хомийлигида “Долзарб бир ойлик” доирасида Ўрта Чирчиқ тумани “Файзобод” МФЙ “Саховат”кўчасида асфальт ётқизиш ишлари бошлаб юборилди.

📌ОКМК томонидан мазкур кўчанинг 400 метри ҳамда маҳалланинг 1200 метр ички кўчалари асфальтланади.

https://www.tg-me.com/hudud_inform

Солиқ қўмитаси Ахборот хизмати TEMU маркетплейси юридик шахс — Ўзбекистон Республикаси резиденти сифатида рўйхатдан ўтгани ҳақида маълум қилди.

https://www.tg-me.com/hudud_inform

#Долзарб_бир_ойлик

“Долзарб бир ойлик” доирасида ОКМК раҳбарияти бириктирилган Тошкент вилояти Ўрта Чирчиқ туманида салмоқли ишлар амалга оширилмоқда.

Жумладан, ОКМК хомийлигида “Қайтмас” маҳалласи аҳолисини ичимлик суви билан таъминлаш мақсадида сув минорасини демонтаж ва монтаж ишлари бажарилмоқда.

Миноранинг пойдеворини бетонлаштириш учун арма каркаслар тўқилмоқда.
Бундан ташқари, ичимлик сувини узатиш учун диаметри 100 мм бўлган қувурлар ётқизилмоқда.
Шунингдек, сув минораси ёнига катта кучланишли трансформатор ўрнатилади.

Ушбу трансформаторга ток олиб келиш учун столбалар ўрнатиш ишлари бошланган.

“Файзиобод” маҳалласидаги 1200 метр ички йўлларига асфальт ётқизиш ишлари давом этмоқда.

Туман ҳокимлиги ҳамда ОКМК масъуллари “Уйғур” МФЙда аҳолининг томорқалардан қай тарзда фойдаланаётганликларини ўрганишди. Мутахассислар томонидан зарур тавсиялар берилди.

Бундан ташқари, “Янгийўл” МФЙда ариқ-зовурларнинг бетонлаштирилгандан кейинги ҳолати кўздан кечирилди.

https://www.tg-me.com/hudud_inform