⚠️Қонунчиликка кўра, ўзганинг мулкини қасддан нобуд қилиш ёки унга зарар етказиш анча миқдорни ташкил этса:

🔸БҲМнинг 50 бараваридан 75 бараваригача (18 млн 750 минг сўмдан 28 млн 125 минг сўмгача) миқдорда жарима;

🔸300 соатгача мажбурий жамоат ишлари ёхуд 2 йилгача ахлоқ тузатиш ишлари билан жазоланиши белгиланган.

📝Агар ўша ҳаракатлар кўп миқдорда зарар етказган ҳолда содир этилган бўлса, 3 йилгача озодликдан маҳрум қилиш билан жазоланиш мумкин.

✔️Аммо, етказилган моддий зарар 3 карра миқдорида қопланса, озодликни чеклаш ва озодликдан маҳрум қилиш тариқасидаги жазо қўлланилмайди.

https://www.tg-me.com/hudud_inform

Тошкент шаҳрининг Яшнобод туманида океанариум қурилади. Чирчиқ дарёси бўйида 20 гектарда мўлжалланган ушбу океанариум сайёҳларни жалб этадиган яна бир маскан бўлади. Ёнида савдо-меҳмонхона мажмуаси ҳам қурилиб, уларда жами 1,6 мингта иш ўрни очилади.

Шунингдек, Яккасарой туманида турар-жой ва ишбилармонлик маскани барпо этиш мўлжалланган. Унда кўп қаватли уйлар, боғча ва мактаблар, спорт ва соғломлаштириш масканлари, меҳмонхона ва савдо офислари бўлиши кўзда тутилган.

https://www.tg-me.com/hudud_inform

Бўстонлиқ туманига олиб борувчи йўл велоспорт мусобақаси ўтказилиши муносабати билан жорий йилнинг 15-16 апрель кунлари маълум муддатга ёпилади.

https://www.tg-me.com/hudud_inform

Шавкат Мирзиёев бугун Андижон вилоятига ташриф буюради.

Ташриф давомида янги корхоналар фаолияти, саноат, энергетика, шаҳарсозлик ва бошқа соҳаларда амалга оширилаётган ишлар билан танишиш, жойлардаги қурилиш ва бунёдкорликни кўздан кечириш режалаштирилган.

Шунингдек, давлат раҳбари ҳудудни комплекс ривожлантириш бўйича устувор вазифалар юзасидан йиғилиш ўтказади.

https://www.tg-me.com/hudud_inform

Рақобат қўмитаси ижтимоий тармоқлардаги букмекерлик хизматларини реклама қилаётган шахсларни аниқлаш ҳамда уларга нисбатан тегишли чоралар кўриш юзасидан Киберхавфсизлик марказига маълумот киритади.

https://www.tg-me.com/hudud_inform

#Наманган_вилояти

🌷 Уйчида баҳор нафаси: Лолақизғалдоқлар дашти

Наманган вилояти Уйчи тумани, Янгиҳаёт маҳалласидаги қир-адирликлар баҳорда ҳақиқий гўзаллик манзилига айланади. Уч гектардан зиёд майдонни қоплаган лолақизғалдоқлар ҳудудни ранг-баранг қилиб, табиат бағрида ҳордиқ чиқариш учун ажойиб масканга айланган.

Бу табиий манзара нафақат ҳузур, балки ички туризм учун ҳам улкан салоҳиятга эга. Ҳар йили бу ерга нафақат маҳаллий фуқаролар, балки қўшни вилоятлар ва Қирғизистондан ҳам меҳмонлар ташриф буюришади.

https://www.tg-me.com/hudud_inform

#Бухоро_вилояти

Бухоро ихтисослаштирилган «Жайрон» питомниги

Бу ерда нафақат жайронлар, балки пржевалский отлари, йўрға тувалоқлар, туркман қулонлари, Бухоро тоғ қўйлари ва ҳатто, Бухоро буғуси каби йўқолиб кетиш хавфи остида бўлган жониворлар бор. Улар ярим эркин шароитда боқилади, кўпайтирилади ва сўнгра очиқ табиатга қўйиб юборилади ҳамда ҳайвонот боғларига берилади.

Ташриф буюрувчиларга ҳайвонлар ҳаёти билан яқиндан танишиш, табиий муҳитда кузатув олиб бориш ва 20 кишилик меҳмонхонада тунаш имкони яратилган.

У Бухоро шаҳридан 42 км узоқликда Бухоро туманида жойлашган. Кириш 18 750 сўмдан, талабалар ва ўқувчиларга 50 фоиз чегирма берилади.

Локация

https://www.tg-me.com/hudud_inform

2025 йилда Андижонда 5,7 млрд долларлик 166 та инвестиция лойиҳаси амалга оширилади. Бу орқали 31 мингта иш ўрни очилади. 31 турдаги янги маҳсулот олиш йўлга қўйилиб, 1,5 млрд долларлик экспорт имконияти яратилади. Корхоналарни барқарор энергия билан таъминлаш учун 65 мегаватт янги қувватлар барпо этилади.

Бу ишларни давом эттириб, йил якунига қадар умумий 305 минг нафар аҳолини даромадли иш билан таъминлаш мақсад қилинган.

https://www.tg-me.com/hudud_inform

#Наманган_вилояти

Гуллар ҳам Наманганда фестивалга тайёргарлик кўряпти, десак, ишонасизми?!

Бу йил 64-маротаба! Чирой, шодлик ва гулдек хотиралар билан тўла кунлар кутяпти!

https://www.tg-me.com/hudud_inform