✈️Олмалиқ кон-металлургия комбинатида Ўзбекистон кончилик ва металлургия саноати ходимлари куни катта тантаналар билан нишонланди.

✅Сана муносабати билан халқ сайли ташкил этилди.

https://www.tg-me.com/hudud_inform

Интернет ва ижтимоий тармоқларнинг ўзбек сегментида ноқонуний фаолият билан боғлиқ ҳолатлар ортиб бормоқда. Жумладан, қурол-яроғ, гиёҳвандлик воситалари ва психотроп моддаларнинг ноқонуний савдоси, терроризм ва экстремизм, шафқатсизлик, зўравонлик. порнография, фирибгарлик ва дезинформацияни тарқатиш ҳолатлари тобора кўпайяпти.

Сўнгги пайтларда онлайн платформалар орасида фактларни текширишдан воз кечиш, модерацияни фойдаланувчиларга топшириш тенденцияси кузатиляпти. Бу эса Ўзбекистон Республикаси қонунчилик талабларига мос келмайди.

🖋Буларнинг барчаси онлайн платформалар ва веб-сайтлар фаолиятини тартибга солувчи норматив-ҳуқуқий базани мустаҳкамлаш, интернет маконидаги хавфсизликни таъминлаш, тизимли чора-тадбирларни кучайтириш заруратини кўрсатмоқда.

❓ Сиз-чи? Бу муаммоли вазият ҳақида қандай фикрдасиз.

https://www.tg-me.com/hudud_inform

✅ “Онлайн-платформа ва веб-сайтлар фойдаланувчиларининг ҳуқуқларини ҳимоя қилиш тўғрисида”ги қонун лойиҳаси муҳокамаси давом этмоқда!

🖋 Агарда Сиз –

🔘аниқ тоифаланган 12 та ноқонуний контентдан ҳимояланишни;

🔘ёлғон ахборот тарқатилишини олдини олишни;

🔘шахсий маълумотларингиз муҳофазаланишини;

🔘ижтимоий тармоқларда блогер ёки инфлюенсер сифатида хавфсиз фаолият юритишни;

🔘Интернет орқали даромад олишни;

🔘болаларни зарарли ахборотдан сақлашни истасангиз, бефарқ бўлманг! Қонун лойиҳаси муҳокамасида фаол иштирок этинг!

📌 Эслатиб ўтамиз, қонун лойиҳаси муҳокамаси жорий йил 27 майга қадар давом этади.

https://www.tg-me.com/hudud_inform

💬 Саида Мирзиёева, Ўзбекистон Президенти ёрдамчиси

“EXPO-2025” доирасида Япония, Франция, Венгрия ва “Blue Ocean Dome” павильонларини катта қизиқиш билан томоша қилдим. Уларда экодизайн, архитектура ва илмий инновациялар соҳасидаги илғор ютуқлар намойиш этилган.

Япон ҳамкорларимизга самимий меҳмондўстлик ва аъло даражадаги ташкилотчилик учун чин дилдан миннатдорлик билдираман! Маданият ва санъатни ривожлантириш жамғармаси, дипломатик ваколатхонамиз ва ушбу тадбирнинг муваффақиятига ҳисса қўшган барча иштирокчиларга алоҳида раҳмат!

https://www.tg-me.com/hudud_inform

↖️ "Дешон қалъа" халққа қайтарилмоқда

✅ Ўзбекистон қадим тарихдан гувоҳлик берувчи ноёб обидаларга бой. Хоразм вилоятидаги "Ичан" ва "Дешон" қалъалар ана шундай масканлардан ҳисобланади.

✅ Бугунги кунда Экология, атроф-муҳитни муҳофаза қилиш ва иқлим ўзгариши вазирлиги томонидан “Дешон қалъа”ни ҳам айнан "Ичан қалъа"га ўхшаш сайёҳлик обектига айлантириш, хусусан, харобага айланган деворни қайта тиклаб, яшил майдонларга тўла маскан сифатида аҳолига қайтариш мақсад қилинган.

https://www.tg-me.com/hudud_inform

✅ Жиноий жавобгарликка тортилган отанинг алимент бўйича 100 млн сўмдан ортиқ қарзи жамғарма ҳисобидан қопланди - Омбудсман

Олий Мажлиснинг Инсон ҳуқуқлари бўйича вакили (Омбудсман)га мурожаат қилган Фарғона вилоятилик фуқаро ўзининг собиқ турмуш ўртоғи томонидан узоқ йиллар давомида алимент тўламасдан келинаётганини билдирган. Алимент тўловчига нисбатан икки маротаба маъмурий ва бир маротаба жиноий жавобгарлик чоралари қўлланилган бўлса-да, алимент мажбуриятлари бажарилмаган.

Мурожаат Омбудсман назоратига олиниб, қарздорнинг жиноий жавобгарликка тортилганлигини ҳисобга олиб, алимент қарздорлигини Алимент тўловлари жамғармаси ҳисобидан ундириб бериш масаласини кўриб чиқиш бўйича Бош прокуратура ҳузуридаги МИБга мурожаат қилинди.

https://www.tg-me.com/hudud_inform

🕋Рухсатномасиз ҳаж амалларини бажаришга ҳаракат қилиш тегишли тартибда жавобгарликка тортилади.

💰Ноқонуний йўллар билан ҳаж амалларини бажариш 20 мингдан 100 минг саудия риёлигача молиявий жарималар қўлланишига сабаб бўлади.

⚠️ Шунингдек, фуқарони Саудиядан депортация қилиш ҳамда кейинги 10 йил давомида Подшоҳликка кириши тақиқланганлар рўйхатига киритилиши белгиланган.

🎥 Батафсил видеода


https://www.tg-me.com/hudud_inform

✅ ОКМК биринчи кузатув аудитидан муваффақиятли ўтди

🟣Жорий йилнинг 15-18 апрель кунлари "Олмалиқ кон-металлургия комбинати" АЖ жорий этилган сифат менежменти тизимининг ISO 9001:2015 халқаро стандартига мувофиқлигини яна бир бор тасдиқлади ва 2024 йилда олинган сертификатнинг биринчи кузатув аудитидан муваффақиятли ўтди. Текширув Германиянинг TÜV Thüringen e.V. мустақил сертификатлаштириш органи аудиторлари томонидан амалга оширилди.

🟣ISO 9001:2015 - халқаро стандарт бўлиб, сифатни бошқариш жараёнларини тизимлаштириш ва ишлаб чиқариш барқарорлигини таъминлашга қаратилган. Мамлакатнинг йирик саноат корхоналаридан бири бўлган "Олмалиқ КМК" АЖ учун ушбу стандартга риоя қилиш стратегик аҳамиятга эга. У ҳамкорлар томонидан ишончни мустаҳкамлашга, экспорт имкониятларини кенгайтиришга ва халқаро бозорларда рақобатбардошликни оширишга хизмат қилади.

🟣Жараёнларни доимий равишда такомиллаштириш, истеъмолчилар талабларига риоя қилиш, ички назорат тизимининг самарали ишлашига алоҳида эътибор қаратилди. Текширув натижалари сифат менежменти тизимининг юқори даражадаги етуклигини ва халқаро талабларга мувофиқлигини тасдиқлади. Корхона жамоасининг профессионаллиги сабабли ушбу натижага эришилди. Биринчи кузатув аудитининг муваффақиятли якунланиши ОКМКнинг барқарор ривожланиш, энг яхши бошқарув амалиётларини жорий этиш ва доимий такомиллаштириш йўлидан бораётганини тасдиқлайди.

https://www.tg-me.com/hudud_inform

❓Кимлар қачон ва қандай қон таҳлиллари топшириши керак?

🌡 Қон – инсон организмидаги энг муҳим суюқ тўқима бўлиб, унинг асосий қисмини кичик қон таначалари ташкил этади.

🤧 Айнан ушбу элементларнинг сони, шакли ва функциясига кўра, танадаги турли яллиғланишлар, анемия, онкологик касалликлар, иммун тизими ва тромбоз каби патологик ўзгаришлар ҳақида барвақт маълумот олиш мумкин.

💬 — Қон таҳлиллари топшириш – ҳар бир инсон учун ўз саломатлигини баҳолаш ва назорат қилишда муҳим жараён ҳисобланади, — дейди Тошкент шаҳар тиббий маслаҳат диагностика маркази директори, тиббиёт фанлари доктори, профессор Орифжон Арипов.

🔎 — Жумладан, бундай текширув усуллари юқумли ва сурункали касалликлар, инфекциялар (масалан, вируслар ёки бактериялар), диабет, гепатит ҳамда ОИВ каби хавфли хасталикларни эрта босқичда аниқлаш имконини беради.

🩺 Буйрак, жигар, юрак ва қалқонсимон без каби аъзолар фаолиятини текшириш, темир, B12, D каби витамин ҳамда бошқа муҳим моддалар миқдорини билиш ҳам айнан ушбу таҳлиллар ёрдамида қулай амалга оширилади. Қолаверса, бундай текширувлар орқали қон босими, қанд миқдори ва холестеринни назорат қилиш, юрак-қон томир касалликлари хавфини эрта аниқлаш ҳамда уларнинг олдини олиш мумкин.

💊 Шунингдек, лаборатор қон таҳлиллари дори воситалари самарадорлигини баҳолаш ва уларнинг организмга таъсирини кузатишда ҳам жуда муҳим.

👩‍⚕️ Шу боис шифокор кўрсатмаси билан бирламчи тиббиёт муассасалари орқали қон таҳлиллари топшириш зарур. Бунда Соғлиқни сақлаш вазирлигининг даволаш протоколлари асосидаги лаборатор текширувлар тавсия этилади.

📌 Жумладан:

🔢Соғлом инсонлар (профилактика мақсадида):

✅ Йилда 1 марта қуйидаги асосий қон текширувларидан ўтиши керак:

➡️ умумий қон таҳлили (УҚТ – умумий қон таҳлили);
➡️ қон биохимияси (жигар, буйрак, қанд, холестерин ва ҳ.к.);
➡️ қонда қанд миқдори (глюкоза);
➡️ холестерин ва липид профили;
➡️ қонда темир миқдори ва гемоглобин;
➡️ Д ва B12 витамини (агар симптомлар бўлса).

🔢Сурункали касаллиги бор инсонлар (масалан, диабет, гипертония, юрак хасталиклари):

✅ Йилда 2 – 4 марта ёки шифокор тавсиясига кўра, қон таҳлиллари топшириши лозим.

🔢Ҳомиладор аёллар:

🤰Ҳомиладорлик даврида таҳлиллар шифокор тавсияси билан ҳар 3 ойда камида 1 марта, баъзан ҳар ойда топширилади.

🔢Ёши катта инсонлар (50 ёшдан юқори):

✅ Йилда 1–2 марта тўлиқ лаборатор текширувлардан ўтиши керак. Сабаби инсоннинг ёши улғайгани сари хавф омиллари ҳам ортиб боради.

🔢Алоҳида симптомлар пайдо бўлса:

✅ Қуйидаги ҳолатларда дарҳол қон таҳлиллари топшириш тавсия этилади:

➡️ чарчоқ, кўнгил айниши, тўсатдан озиб кетиш;
➡️ тери оқариши ёки сарғайиши;
➡️ иштаҳа йўқолиши;
➡️ ҳарорат кўтарилиши;
➡️ нотекис юрак уриши ёки нафас қисиши.

https://www.tg-me.com/hudud_inform