❗️ “Ўзбекистон миллий электр тармоқлари” АЖ филиалларининг Telegram каналлари ишга туширилди

Истеъмолчилар билан ахборот алмашинувини яхшилаш ва жамоатчилик билан ишлаш самарадорлигини ошириш мақсадида “ЎзМЭТ” АЖ тасарруфидаги Қорақалпоғистон Республикаси, Тошкент шаҳри ва вилоятлардаги 14 та магистрал электр тармоқлари филиалларининг Телеграм каналлари ишга туширилди.

“Ўзбекистон миллий электр тармоқлари” АЖ Ахборот хизматининг хабарига кўра, эндиликда фойдаланувчилар юқори кучланишли подстанция ва линиялардаги таъмирлаш, қурилиш, инвестиция лойиҳалари, авария ва режали ўчиришлар ҳақида тезкор маълумотларни ушбу каналлар орқали олишлари мумкин.

https://www.tg-me.com/hudud_inform

CNN: Ўзбекистон — барча билан дўст, барча томондан сармоя излайдиган давлат

CNN телеканалининг таниқли мухбири ва халқаро таҳлилчи Ричард Квестнинг таъкидлашича, геосиёсий ўйиннинг қоқ марказида жойлашган Ўзбекистон — барча билан дўстона муносабат ўрнатишга интилаётган давлат сифатида дунё сиёсий саҳнасида мувозанатни ушлашга ҳаракат қилмоқда.

https://www.tg-me.com/hudud_inform

Бугун президент Шавкат Мирзиёев Қашқадарё вилоятига ташриф буюради.

Ташриф давомида саноат, тиббиёт, туризм, энергетика каби кўплаб соҳалардаги корхоналар фаолияти ва маҳаллалардаги бунёдкорлик ишларини кўздан кечириш режалаштирилган. Шунингдек, вилоятни ижтимоий-иқтисодий ривожлантиришнинг келгуси вазифалари юзасидан йиғилиш ўтказилиши кўзда тутилган.

https://www.tg-me.com/hudud_inform

Президент топшириғига биноан, Қўшработ туманидаги ўқувчилар учун 17 та янги мактаб-автобуси тақдим этилди. Ушбу ажойиб совға тумандаги 20 та олис мактабда таҳсил олаётган 750 нафардан зиёд ўқувчига хавфсиз ва қулай тарзда ўз синфхоналарига етиб бориш имконини беради.

Бу ҳақда президент ёрдамчиси Саида Мирзиёева маълум қилди.

https://www.tg-me.com/hudud_inform

МИБ мансабдори пора билан қўлга тушди

Фарғона вилоятидаги туманлардан бирининг Мажбурий ижро бюроси бошлиғи ўз хизмат ваколатидан фойдаланган ҳолда, бўйсунувидаги давлат ижрочиси иш юритувида бўлган фуқаролик ишлари бўйича суднинг ижро варақаси бўйича жавобгарларни ушбу тумандаги хонадондан мажбурий тартибда кўчириш юзасидан ижро ҳаракатларини якунлаб бериш эвазига 2 минг доллар талаб қилади.

Жорий йилнинг 3 июнь куни у талаб қилинган пул маблағидан 1200 долларини пора сифатида олади.

Давлат хавфсизлик хизмати ва Бош прокуратура ҳузуридаги Департамент ҳамкорлигида ўтказилган тезкор тадбирда, у қолган 800 долларни олган вақтида ашёвий далиллар билан ушланди.

Мазкур ҳолат юзасидан МИБ мансабдор ходимига нисбатан Жиноят Кодексининг 210-моддаси 2-қисми “в” банди билан жиноят иши қўзғатилиб, қамоқ эҳтиёт чораси қўлланилди.

https://www.tg-me.com/hudud_inform

Қонунчиликка кўра, концерт-томоша тадбирларида фонограммадан фойдаланилганда ушбу тадбир рекламасида фонограммадан фойдаланиш даражаси тўғрисидаги ахборот келтирилиши керак.

✔️ Шунингдек, тадбири ташкилотчилари томоша бошланишидан олдин фонограммадан фойдаланилиш даражаси тўғрисидаги ахборотни ўз ичига олган аудиохабар тарқатилишини таъминлайди.

https://www.tg-me.com/hudud_inform

Ижтимоий тармоқлар ва “Телеграм” мессенжеридаги каналларда Ўзбекистон Республикаси фуқароларини Россия Федерацияси армияси сафида хизмат қилишга чорловчи, сунъий интеллект ёрдамида яратилган видеоматериаллар тарқатилмоқда. Мазкур хабарлар ҳақиқатга мос келмайди.

‼️ Эслатиб ўтамиз, аҳоли ўртасида ёлғон ахборот тарқатганлик учун жавобгарлик мавжуд.

https://www.tg-me.com/hudud_inform

Конституцияга кўра, ҳар ким дам олиш ҳуқуқига эга.

✔️Ёлланиб ишловчиларга дам олиш ҳуқуқи иш вақтининг давомийлигини, дам олиш ва ишланмайдиган байрам кунларини, ҳақ тўланадиган ҳар йилги меҳнат таътилини белгилаш орқали таъминланади.

https://www.tg-me.com/hudud_inform

Президент фармони билан Президент Администрацияси тузилмасига ўзгартиришлар киритилди. Президент Администрацияси раҳбари лавозими ташкил қилинди.

Ўзбекистон Республикаси Президентининг фармони билан Саида Шавкатовна Мирзиёева Ўзбекистон Республикаси Президенти Администрацияси раҳбари лавозимига тайинланди.

https://www.tg-me.com/hudud_inform

🛑🚧 Яшнобод тумани ҳудудидан ўтувчи Тошкент ҳалқа автомобиль йўлининг 42,5-47 км қисмида таъмирлаш ишлари бошланмоқда.

Шу муносабат билан, 2025 йил 25 июнь соат 24:00 дан 4 июлга қадар Оҳангарон шоҳ кўчасининг Паркент - Махтумқули-Темур Малик кўчаси айланма ҳаракатидан ТҲАЙ - Оҳангарон кўчалари кесишмасигача бўлган қисмида транспорт воситалари ҳаракати вақтинча чекланади.

Ҳайдовчиларга (харитада кўрсатилган) муқобил йўналишлар – ТҲАЙ, Бектемир шоҳ, Фарғона йўли, Махтумқули ва Янги Ўзбекистон кўчаларидан фойдаланишни тавсия этамиз.


https://www.tg-me.com/hudud_inform