ولمو هاشم ضعنهم والعليله تولمت
ترد لدار وحيده تبقى لا ما حسبت
••••••••••••••••••••••••••••••••••••••
ترد لدار وتودع دارها البي ذكريات
حسبت بالبال هيج وحالها حال البنات
كون ماتبقى تريد وحيده وتصارع مامات
ركضت بلهفه عله ابوها بالحسين وجلبت
••••••••••••••••••••••••••••••••••••••
خذني بويه وياك وحدي لا تخليني أرتجيك
ليش ماتثبت بكاعك لو شفتني من أجيك
عيونك أتشردها عني لون صرت بين اديك
ونتظر منك تكلي امشي بويه ومن حجت
••••••••••••••••••••••••••••••••••••••
أنتظر منك تكلي وعينك أتصد عالضعن
تعد بيهن وحده وحده بالبنات ألي مشن
أنه ماحاسب أحسابي بويه من الكملن
هاك عينك صد عليه أنه أستاهل مشت
••••••••••••••••••••••••••••••••••••••
تبتعد عني ولحكك طولي رايدتك تشوف
كامله مكمله بنيتك جاهزه الكل الضروف
رحلتك جنها طويله بويه مو مالت تعوف
وانه بنتك مو عليله من مشيتو تعلعلت
••••••••••••••••••••••••••••••••••••••
حين سار الضعن راحت روحي وتهدم الحيل
غصن ذابل يل عفتني والهوى بيه يميل
الدار وحشه بويه عكبك بيها ومجلجل الليل
ولو نهار اليلفي بتك كول بالباب اكعدت
••••••••••••••••••••••••••••••••••••••
خبر منتظره اتاني وحالي كون تشوفة
بيكم أرسم على الكاع الريح كون اتعوفة
تمسح وترسملي عمي مكطعات جفوفة
وانت مذبوح وسبيه عمتي والكل نسبت
••••••••••••••••••••••••••••••••••••••
#محمد_هادي_المشرفاوي

اليوم مسلم هد عليهاا الكوفه
خله ذرعان الزلم مجتوفه

@@@
الخيل والعل خيل شردت ماتصول
لمن شافو مسلم بنصهم يجول
بيده شمرها الخيول على الخيول
وخله بگلوب العساجر خوفه

@@@
صال بيهاا وصاح ياخير العمل
وحيد راواهاا العجايب من حمل
وجنه حيدر من برز يوم الجمل
وبعد مسلم ضربته معروفه

@@@
فات بيهاا المعركه حر وياحيد
نسل هاشم بالوغى بيهم يصيد
بيده لاواهاا الركب مثل الحديد
وسيفه عزبها الركاب ضيوفه

@@@
صال بيها لصولته تشهد عداه
كر عليها اطشرت جنهم شياه
وكسر سيفه والدرع يامن لگاه
وشردت ازلام العرب ملهوفه

@@@
كر عليها ويسطر بيسره ويمين
وحيل شد المعركه ورجعت سنين
رجعت لذاك الحرب يوم حنين
وبيده گاع الموزمه مخسوفه

@@@
نزل بيها وزلزل وغيضه صعد
وحيل طوفان الحرب شد ورعد
وجره سيفه بالحرب مسلم بعد
وخله عورات الزلم مكشوفه


#سيد_همام_الظاهري

اليوم عباس البطل طباها
وبيده خيل علـزلم ذباها

@@@@@
الخيل غارت حگها لوعباس صال
گلب صف الگوم يمنه على شمال
لون طخ رجله بحرب زلزل جبال
هلا بشيخ الوغى ياحياها

@@@@@
زينب اباب المخيم لي تصيح
عفيه اخوي الضيغم يسابج الريح
اللاگه اخوي الهاشمي بخزره يطيح
الحرب كلما بردت وشداها

@@@@@
وحيل شد عليهم بن الطالبين
شبه حيدر صولته ابدر وحنين
حسين كله خويه ياگرة العين
لمن تدخل للزلم شكَ فاها

@@@@@
غتاض كافل زينب ولف اللثام
وركب خيله وحيل جر بيده اللجام
ودخل ليها الگوم هذا بن الأجام
وسيفه براگب العده لاگاها

@@@@@
صال حيل عليهم وبيده اللوه
يفني گاعد الملحمه بيهم نوه
عباس وياها الزلم حيل ودوه
يصعب تشم الهوه خلاها

@@@@@
هد اخو زينب وطب للواقعه
وخله نص الحرب يم المشرعه
صاح صوت العدو نزلت فاجعه
نزل خيال الزلم ودواها


#سيد_همام_الظاهري

علي الأكبر نزل بيها الحومه
شردت ازلام العرب مهزومه 

@@@
كب عويل المعركه خيل وزلم
صاحو انهو المعركه نفضها سلم
  علي من الله بعد عده علم
وخيم أعداء السبط مهجومه

@@@
صال بيها للحرب كر ويجول
الشافه من بعيد خاف ومايصول
حيد ذبحها الزلم فوكَ الخيول
بسيفك اركاب العده مفصومه

@@@
علي خيال المنايه لو يطب
علي يفنيها لون يدخل حرب
علي زلمه يلوگله طك الركب 
من ايده شردها الزلم مالومه

@@@
علي لو صال وحمل خافت عداه
ذبح بكر وما رجف منه وخطاه
طشر أعداءه مثل طش الشياه
ياهو كَابل لأكبر بحد يومه

@@@
علي لأكبر بالحرب غيضه صعد
نزل بيها وزلزل وشد ورعد
كَلب طوفان الوغى لأكبر بعد
وشردت الخيل وزلم مهمومه
@@@
علي خيال المنايه لو دخل
علي عمه نعرف سكَاي وفحل
علي لاكَه بكر والطف بي سحل
جن محمد بالخُلق ورسومه


#سيد_همام_الظاهري

شد رأيتك يلحجاج اذن وهز ازلامها

@@@@@
اذن ابوق الحرب وابدي النزال
خلي جون اويه عابس بالقتال
دخلو ولاگو انس جرد السيف
گال الاوي الموت واحميهاا العيال

دخلو ليوث الحرب ... ناس كلفه من تطب

ولمن شدو ع الوغى صاح الحسين
شد رايتك يلحجاج اذن وهز ازلامها

@@@@@
غتاض شيخ المعركه هذا حبيب
وصولته ماتخطي بيهم من يصيب
زلام طلابت الحك شيب وشباب
اسلم وشوذب دخل ويا شبيب

حزو ركاب العده ... جثث روس امدده

وزينب اباب المخيم صاحت
شد رايتك يلحجاج اذن وهز ازلامها

@@@@@
كب عويل المعركه حيل وثغب
ودخل راعي الموزمه ليهم وهب
دخل نافع والحرب رادت تميل
وشد عليها جابر حيل وغضب

دخل بيها الحر بعد ... زلزل وشد ورعد

حسين كيف صاح ذوله انصاري
شد رايتك يلحجاج أذن وهز ازلامها

@@@@@
شد عليها مسلم الحومه دوت
وجرد سيفه سالم الگاع انهوت
غار كافل زينب و جر اللثام
بصولت العباس گاع الله انطوت

صاح عباس بصوت ... الزلمه بيكم خيفوت

الحرب كلما بردت وصاح الكفيل
شد رايتك يلحجاج اذن وهز ازلامها

@@@@@
دخل بيها وزلزل الحومه برير
وطگو الضهر بضهر بشر زهير
بملگه سيف وعمرو أهتزت الگاع
وبصولتك يالأكبر اعدائك تحير

هد عليها ابن السبط ... سيفه برگبهم يخط

نحنُ وبيت الله اولى بالنبي
شد رايتك يلحجاج اذن وهز ازلامها
@@@@@

صعد غيض الكافل ولم الزلم
گال جردو سيوفكم عده علم
حرب ماتنفض ابد هدنه وشروط
والله حلمه الشمر أيضفها سلم

صالو وطلبو ثار ... زلم ولد الكرار

أل هاشم بالوغى عدهم أساس
شد رايتك يلحجاج أذن وهز ازلامها

@@@@@

عرس على المعركه ابن الكريم
ولزم سيفه والدرع حيد وحليم
كله عمي خل اروحن للقتال
زغير عمره وبالحرب يكبر عضيم

نزل قاسم وي عون .. زلم منهم يبجون

تلاگو بوسط الحرب يتبسمون
شد رايتك يلحجاج أذن وهز ازلامها

#سيد_همام_الظاهري

يا ابا الفضل __ يا ابا الفضل
@@@@@@@@@@@@@@@@@@@
طبها ابو الغيرة وخزرها الكاع مالت بالزلم
رفرف البيرغ كمرها وضل يطشرها ويلم
هذه شارب علي وزودة مضهضب وماينكحم
الخيل تردم ب الخيل _ طبها دواس الليل
@@@@@@@@@@@@@@@@@@@
زلم كلفة من تشوفة ركاض كدامة تفر
غيم عليها ولواها دخيل ابو عيون الحمر
عكر الخيل التكبلة حتار من شافة الشمر
مدلهم وجنه الحوت __ الماشرد يعني يموت
@@@@@@@@@@@@@@@@@@@
طبها المبجي الرجال تكول ليث القصورة
هذه خيال الكحيلة وهذه سبع الكنطرة
هذه ابو فاضل نزلها جيوش ضلت حايرة
حتارت وطبها الخوف ____ ضاكت وشح الشوف
@@@@@@@@@@@@@@@@@@@
دمدم وعت الكتايب جرها بذيال النهر
صارمة يلوح بيمينة اليوم اراويكم سقر
ها انه العباس نازل والغضب بية ستعر
ضهضب عليها ودوة ____ ختنكت وضاك الهوه
@@@@@@@@@@@@@@@@@@@
شد عليها وكابلاها زلام خافت خزرتة
انه المربيني حيدر يعني كافل عيلتة
شيخي صكار الحرايب كلها تعرف ضربتة
الجيش يدخل بنذار ____ لو رعد ذو الفقار
@@@@@@@@@@@@@@@@@@@

#الخادم
#علي_چاسب_الموسوي

لسان حال الامام الحسين (علية السلام) وهوه يخاطب ابا الفضل العباس (علية السلام )

عباس ماردت الماي ردتك تردلي سالم
ماحسبت يابو الجود ع النهر تبقه نايم
ليمت ترد وتلكاك ___ واتفيه بفياي لواك
@@@@@@@@@@@@@@@@@
خلافك علي دار الوكت والشيب غيم ب الراس
وعلية دارت دنيتي وبخيولهم كمت انداس
جا مو كلت ما نفترك وين الوعد ياعباس
وانه ادري بيك توذرت مابيك موضع ينباس
خلافك وحيد الصيوان
وبالخيم كلهن نسوان
ليمت ترد واتلكاك ........ واتفيه بفياي لواك
@@@@@@@@@@@@@@@@@@
عباس محتاجك سند وتسد يخوية بمكفاي
يهواي اريدنك نفس خلافك علي شح هواي
حيلي نهدم يابو الفضل وعلية ضاكت دنياي
ردت اروي روحي بشوفتك ماردت ارويها بماي
بجفاك ماضلت عين
يابعد شيبات حسين
ليمت ترد واتلكاك ........ واتفيه بفياي لواك
@@@@@@@@@@@@@@
عباس ابشرك من طحت وي طيحت راح الشوف
ملت ولفيتك منحني اركض يخويه وملهوف
حيلي نهدم من عاينت لاعين بيك ولا جفوف
ورماح وسيوف الزلم عله ضلوعك تلف وتطوف
ملهوف اجيت بلا راي
ع نهر مذبوح عضاي
ليمت ترد واتلكاك ........ وتفيه بفياي لواك
@@@@@@@@@@@@@@@
مابية واوصل للخيم لاحيل ضل ولا عين
متعيني ياتعب العمر غفله وخذك مني البين
يلكتلي ما اعوفك ابد شو هسه ضل وحده حسين
والمثلك بهذه الوكت عباس اجيبنه منين
ياحيف اطك راح براح
لابجي يردك لصياح
ليمت ترد واتلكاك ....... واتفيه بفياي لواك
@@@@@@@@@@@@@@@
عايفني ومخاوي النهر يابعد حيلي ومتني
نايم بحر ذيج الشمس خوية ومتية حضني
ضهري نكسر من غيبتك ضليت بعدك محني
والسمة نطبكت ع الارض من كد حنيني اوني
يل رحت عني بلا حساب
كل عشك بعدك جذاب
ليمت ترد واتلكاك ...... واتفية بفياي لواك
@@@@@@@@@@@@@@@@@

#الخادم
#علي_چاسب_الموسوي

عباس النزل لو علي الطباها
@@@@@@@@@@@@@@@@@@@@
صفرت ونطوت من نزل خالسها
وضاك الهوه وضكت ونخمد حسها
رعد والخيل رجبها بفوارسها
وسبعين الف كر الغنم كراها
@@@@@@@@@@@@@@@@@
دارت والخيول ترادمت حدرة
وصف ضل يطك صف وختنكت الوعرة
صاح ويمنه كامت تردم بيسرة
زلزل كاعها ونكس رواياها
@@@@@@@@@@@@@@@
دك صدره وجهبها وضهضب عليها
صرخ والزلم ركضت عكس رجليها
كام يرجب المهره عله راعيها
سبع وحلوك ذيج الزلم شكاها
@@@@@@@@@@@@@@@@
نشمي ومايهم لو مو تهد سبعين
طشر روسها وفرسانها بصوبين
سف سفاها والله وكفو بضهر حسين
حارت والتجهبه يضيع منواها
@@@@@@@@@@@@@@
ضكت حدره وحيود طبكت بحيود
يستنكيها قاده وما يطك جنود
ركضو جن اجاهم يومها الموعود
زلزلها اخو النشميه وتولاها
@@@@@@@@@@@@@@

#الخادم
#علي_چاسب_الموسوي

رفرف بيرغه العباس وهتزت عواليها
شد ونجفت حدره الكاع ونخسفت بهاليها
@@@@@@@@@@@@@@@
فرع واليجهبة يموت والكاع نجفت حدرة
شد والخيل طكها بخيل وتراب عتله الغبرة
صال وهوس عله الكوم والزركه كلبت حمرة
جرد صارمه وشجعان ضاعت عن تواليها
@@@@@@@@@@@@@@@
زمجر وارتعد والجيش شافه وتاهت صفوفة
ضكت فرد ضكه وكام يصفر كلمن يشوفة
ركضو مادرو لاوين حد ما وصلو الكوفة
شايل قارعه بجفه كتايبهم وهك بيها
@@@@@@@@@@@@@@
دارت والجهبهم حيد شد وحمرت عيونة
دخن ورتعد وختاض وضاك الدرع بمتونة
طبها وزوم طك بزوم والعسكر شبح لونة
فرت ما توجد وين ركضت عكس رجليها
@@@@@@@@@@@@@@@
صال وخيل داست خيل عثرها بجماجمها
سبعين الف راس براس طكها وطفحت بسمها
ركضت ماتوجد وين ركضت سابحه بدمها
وخيره كومهم من صال ذبت هدم العليها
@@@@@@@@@@@@@@@
ضاكت والصفوف الغوث صاحت من وصل حدها
كامت ناس تردم ناس تاه الدرب من عدها
غيم واغضب وصوبين بضهور الشكر شدها
سجرها ورعد والكاع زلزلها برواسيها
@@@@@@@@@@@@@@@@@

#الخادم
#علي_چاسب_الموسوي

اليوم مسلم زمجر وكص نابها
وشرد كدامه كهلها وشابها
#######################
هلهلت طوعه ودوه وصار النزال
وكامت من خيولها تطيح الرجال
تكول مو مسلم علي البلكوفه صال
تراكضت ونزعت حته اثيابها
######################
طبها فراس الوغئ وحامي الدخيل
وكام يستنكي الزلم وين الثكيل
مالت أ وياها مال شما تميل
وسلمت للعمه قالع بابها
#######################
وجر بيها ومالت كباله الصفوف
ضهضب ودك بجماجمها السيوف
وحده يحوم وعلي دارت الوف
بنارها وتطلب بثار اصلابها
#####################
عت زلمها وغيم وطبها الجبير
وشال سيفه وكامت ركبهم تطير
دمدمت وعله الجحافل ضل يدير
وفرت من ايده ولحكها وجابها
######################
ضاعت وتاه الدرب والشرده وين
ركضت وبيها عتله صياح اونين
هذه عمه اليدعئ حبل الله المتين
وشيخه عراف العرب وانسابها
#######################

#الخادم

#علي_جاسب_الموسوي

حي الله مسلم شيخها وراعيها

@@@@@@@@@@@@@@@@

خيال نزل ونچفت حدره البيده
فارس يعد يوم الحرب چن عيده
ضيك هواها وصارمه يهل بيده
تربات ابو حسين ونعم يكضيها

@@@@@@@@@@@@@@@@

هد والكتايب تيهت منواها
ذيج الجحافل والزلم لاواها
زمجر والصفوف بعزم هداها
صاح وخزرها ودوه وحول بيها

@@@@@@@@@@@@@@@@

ماينكدر لو صال ياهو يكدره
ضرغام يلاگي الموزمه ب حر صدره
چن عمه حيدر ب الحرايب ذكره
خالس عربها ورومها وداحيها

@@@@@@@@@@@@@@@@

دارت رحاها وغار زود الساده
ماهمه جيش ولا تهمه اعداده
من هاشم وهاشم تطك بس قاده
وشوارب الماتنكدر لاويها

@@@@@@@@@@@@@@@@

داراها ونداست الكوفه بحيله
ضهضب واليچهبه الكلف ياويله
ذبت هدمها الزلم لبست شيله
طود وعليهم رايته معليها

@@@@@@@@@@@@@@@@

#الخادم
#علي_چاسب_الموسوي

هتزت الحومه ودوت ب اركانها
ونزل دواس الوغئ وفرسانها

#######################

ريح وسموم ودوي وشد الطراد
ومر عله العسكر المر ب قوم عاد
چن علي بيوم الجمل وارض السواد
زجر بيها وكص ركب شجعانها

#######################

صف ردم صف وعله بطفها الغبار
وتاه ع الفرسان ليل من النهار
چن منادي بنصهم يصيح الفرار
حتارو وضاك الهوه ب ميدانها

#######################

غضب فراس الزلم واعلنها موت
ناخت وخيم عله الحومه السكوت
تزلزلت كربلا وماضل بيها صوت
وفرع وضهضب كمر عدنانها

#######################

وجر بيها ومالت وطكاها حيل
وطوه السبعين الف ب جفوفه الكفيل
غيم وذرها وطبك خيل عله خيل
وكطع دابر رومها وعربانها

#######################

زوم طك زوم وچهبها وبيها صاح
زلزلاها ولوه عله ركبها الصفاح
اليوم اشبع اجيوشها اركاض وطياح
القاده والمو قاده اكص السانها

#######################

#الخادم
#علي_چاسب_الموسوي

ضاك الدرع بمتونه وتعناها
طبها وگلب يمنتها عله يسراها

@@@@@@@@@@@@@@@@

طبها وزوم طك زوم أوجر بيها
تاهت حدره ونخسفت ب اهاليها
زمجر ورتعد وختنك واديها
كص اركابها وشجعان بچاها

@@@@@@@@@@@@@@@@

بجفوفه لواها وطش كتايبها
ضاكت ولتوت وختاض راهبها
سباع اللاكته زين شواربها
وتريس عليها ونگس ألواها

@@@@@@@@@@@@@@@@

راس براس طكها وعجت اترابه
وغار الحار دمه ويوجع صوابه
نط عرج الهواشم عدهم طلابه
وعزرائيل حار بعدد موتاها

@@@@@@@@@@@@@@@@

لا فرسان ضلت لا بقت قاده
فتح الله العظيم اليوم ميعاده
حد سابع سمه رف بيرغ الساده
وخشوم الزلم بجدامه داساها

@@@@@@@@@@@@@@@@

شل احوالها وركضها كدامه
وطكاها الجحافل هامه وي هامه
لاطوس البقت ع الروس ل عمامه
هد اصفوفها وكر غنم كراها

@@@@@@@@@@@@@@@@

#الخادم
#علي_چاسب_الموسوي

حي الله شيخ الزلم __ عباس والله ونعم

@@@@@@@@@@@@@@@@

لو نزل محد كدر يتلاوه وي صارمه
غيم ورف شاربه والحومه شبعت دمه
لايمنه ضلت بعد لايسره لا ضل كلب
صفين عادت والأركاب وصلت للسمه
مايطي عطوه ولا تفض بربكها يلوي صفاح
مافاد ابد لو مو يرفعون الصحف ب رماح

@@@@@@@@@@@@@@@@

دارت رحاها ودوه وشلاها شل الزلم
شاهين حول عليها وكله زود وعزم
من هاشم وهاشم اسياد العرب والوغئ
شيخه علي الخله ب ابطال الحرايب ثلم
طبها ودوت وتراكضت طكاها ناس بناس
نار ودوه ضاك الهوه وانكطعت الانفاس

@@@@@@@@@@@@@@@@

بركان ثار وطفح غيم اسود وزلزله
والمال بچفوفه ابن حيدر علي عدله
هدم صفوف وكتايب من خزرته أشردت
ضاك الدرع وارتعد وتمايلت كربله
ضيغم كلف ماينوصف بچفوفه جيش نباد
رجفه ودوي وصايح قوي يشبه ثمود وعاد

@@@@@@@@@@@@@@@@

عباس ياهيبه الله وسر علي وطلبته
ترجف اسباع العرب لو رفرفت رايته
شتت جموع الفرات وع الشوارب سحك
مو ماي روس وجماجم حمل ب جربته
بزود وفخر وال ع النهر طكاها خيل بخيل
چن حيدره ب القسوره راواها مر و اويل

@@@@@@@@@@@@@@@@

ضيك لثامه وطفح بعيونه غيض وجمر
نط عرجه والاكته تولاها عت و صطر
تاهت الشرده وكطع بالحومه حته الهوه
ذكرهم ب حيدر وسيفه وضربته ا بدر
صارت حدر جدمه الزلم ماضل عليهم راي
شد ورعد وعليها هد حي الله شيخ الماي

@@@@@@@@@@@@@@@@

#الخادم_علي_جاسب_الموسوي


هاي القصيده الي يحتاج طورها
هنا ( @eyd44t ) وانه خادم

            ليله بأثر ليله  ... أتنطر مراسيله
               وهلبت يعود ... هلبت يعود
__
من مشى الحادي بضعنكم عيني تربي عل ضعن
محير بأمري ألحكنكم لو أرد للدار اون
العنده محنه على الحايط ينتجي يسولف محن
من دخلت الدار اشوف أعليه حيطان أنتجن
كالن افراكك صعب ... تجوه صرتلهن غصب
                   بالهدم تبجيله

هم مريضه وهم عليله وحملي أعليه ثجيل
وذكر اللحظه الي بيها من نويت أعله الرحيل
وياك كتلك بويه اخذني عيالك اخدم والعليل
هم مريض ومني اصعب حالته البي مو قليل
توسلت بيك شكثر ... بويه اخذني شتنتضر
                ودموعي ترتيله

أون ترضاها يبويه وبجي انه الوحدي
دموعي خاطر مكسرتلك كتلك اتحمل سبي
خذني بس وياك أخذني محضره كلشي الروحتي
وبالمرض لا ما يهمك عني تلهي معصبي
حالي ما حال البنات ... لا تخلني بلا حمات
                   وعبد الله اناغيله

منين ماجيلك تردني وتركتني بلايه راي
وحدي بالدار ويعكبك عيشه هم تسمه هاي
بيه ضاكت الوسيعه دنيا هم عكست وياي
والدرب ملته عيني وشوفي رفعه مل سماي
ما أضن طارش يجي ... بعود صبري انتجي
                 ويحمولي ال لثجيله

مناطره ومحتاره بمري الدار اطلع منها اطب
ومني الحيطان صفحه ماخذه وشلعت كلب
هناك صوب الدار اسمع ضعن والموقف صعب
وسمع ونين وبواجي عليه ذوله مو غرب
عمتي هاي وسكنه هاي  ... اجن صوبي بلايه راي
                   بلايه ولي العيله

#محمد_هادي_المشرفاوي

#نزال

ولمو هاشم ضعنهم والعليله تولمت
ترد لدار وحيده تبقى لا ما حسبت
••••••••••••••••••••••••••••••••••••••
ترد لدار وتودع دارها البي ذكريات
حسبت بالبال هيج وحالها حال البنات
كون ماتبقى تريد وحيده وتصارع مامات
ركضت بلهفه عله ابوها بالحسين وجلبت
••••••••••••••••••••••••••••••••••••••
خذني بويه وياك وحدي لا تخليني أرتجيك
ليش ماتثبت بكاعك لو شفتني من أجيك
عيونك أتشردها عني لون صرت بين اديك
ونتظر منك تكلي امشي بويه ومن حجت
••••••••••••••••••••••••••••••••••••••
أنتظر منك تكلي وعينك أتصد عالضعن
تعد بيهن وحده وحده بالبنات ألي مشن
أنه ماحاسب أحسابي بويه من الكملن
هاك عينك صد عليه أنه أستاهل مشت
••••••••••••••••••••••••••••••••••••••
تبتعد عني ولحكك طولي رايدتك تشوف
كامله مكمله بنيتك جاهزه الكل الضروف
رحلتك جنها طويله بويه مو مالت تعوف
وانه بنتك مو عليله من مشيتو تعلعلت
••••••••••••••••••••••••••••••••••••••
حين سار الضعن راحت روحي وتهدم الحيل
غصن ذابل يل عفتني والهوى بيه يميل
الدار وحشه بويه عكبك بيها ومجلجل الليل
ولو نهار اليلفي بتك كول بالباب اكعدت
••••••••••••••••••••••••••••••••••••••
خبر منتظره اتاني وحالي كون تشوفة
بيكم أرسم على الكاع الريح كون اتعوفة
تمسح وترسملي عمي مكطعات جفوفة
وانت مذبوح وسبيه عمتي والكل نسبت
••••••••••••••••••••••••••••••••••••••
#محمد_هادي_المشرفاوي

عتها عباس الثكيل ابن الثكيل
نجفت حدره وروسهم ردتها خيل
_
نجفت حدره ومالت وعجت تراب
علي جن بكربله ملاكيله باب
نفس رادت ياعلي بيوم العذاب
ضاكت وشح النفس نجمه اسهيل
___
انحور مكبل ويه سيفه المايلين
رعد وشتد واليهوسله الحسين
غاص بيهم سالم الترمشله عين
طوله وي الكاع ممتد دنيه ليل
___
الشام هزها وصولته البيهم فخر
علن حربه اعليهم وساعت صفر
عت نسلهم داسه وتوالت كبر
فزع ميتهم عله اصوات ادخيل
___
الحال يرثاله الخلك متحاوطين
اشلون منهم يفك ياخه وسالمين
خزر نهر العلكمي وداراله عين
يحل دورك وانه عباس الكحيل
___
الموت داير حوله وبروس العباد
بات واليركض يحسبوله الجهاد
ياحصن خيبر يصفين الشداد
دموم تنزف كربله ورب الجليل
___
#محمد_هادي_المشرفاوي

حساب يحسب للمعسكر الله لا كالاها
بدون ما يحسب كفيلي شالها وطكاها
@@@@@@@@@@@@@@@
من طلعنا من المدينه ع الطك ناوي الكمر
حاره شكد يا جهنم لاجن العباس أحر
ليها متحزم وناوي على الكر ولا يفر
ولون يحسب مايخلي ذره مايدناها
@@@@@@@@@@@@@@@
اخذ من حسين أذنه وكاله ياسيدي
عدي واهس للمكاون ارد كيد المعتدي
هاي عود ازلام ضدك أله اللبسهم عبي
وخل يكولون ابوفاضل هوه بس سواها
@@@@@@@@@@@@@@@
حسين كله الزود فارض ألك وفهم مطلبك
ودري خويه عل معسكر تكدر انته الوحدك
لجن يمك ألي مطلب ودري اكسر خاطرك
من المعسكر ألك حصه وألي لاتنساها
@@@@@@@@@@@@@@@
موش جنك زاودتني سيدي ولله الأمر
حصتك بالحفظ يمي رياجها تلكاها مر
راح اتعبهم اركاض وغايتي تعبك يضر
عليه مو بالهون تعبك سيدي ألكاها
@@@@@@@@@@@@@@@
تشجل ولفلف الصايه وجر بيها المايلين
باهته وحد ليها يوضع لابد أبن ام البنين
ترجف تبريدت حدره الزلم ذيج وراكعين
العمر رد القاده مامش روس من رداها
@@@@@@@@@@@@@@@
#محمد_هادي_المشرفاوي

خويه راح امشي يسيره وطال بعيوني الدرب
عنك انويت الرحيل وصار الملاكه صعب
_
انه زينب ياكفيلي كوم عاين للحرم
رحمه ماعدهم اعداكم نار شبت بالخيم
جلبت نار بعبينه كوم رد عنه الزلم
ندري بجفوفك كطيعه ونابت بعينك سهم
شلون نيران بخيمنه عداك ترضاهه تشب
_
ماكلتلك خويه بينه اسوت ازلام بخيول
داست بصدر الحسين وضلت علينه تجول
انتخي بيكم بقيت وحايره اعليكم شكول
كوم رد الخيل خويه ياابن فحل الفحول
محيره ترضاهه خويه ودمعت عيوني تصب
_
كوم انهض يبوفاضل نومتك موعالنهر
شهم ندريبك يكافل مانضنك تعتذر
كون ماعدك جفوف جفوف ذني والنضر
خذهن اوافزع يخويه وزيح عنه كل خطر
اسد جنك يبو فاضل بالمعارك من تطب
_
خويه متحمل فراكك يبو فاضل يالكفيل
راح اودعك خويه وانه من عله ضهر الهزيل
عله نومتكم يخوتي دمعت عيوني تسيل
ونتم ابهل وضع وانه حملي اعليه الثجيل
ولو افاركم يخوتي يسأل يضل الكلب
_
يخوتي نومه بقيتوا  موسدين عله الثره
مودعين باالله اكلكم راح اروح ميسره
بنوك هزله رجبونه وحنه عيلت حيدره
وصعب درب اليسر وانه بالعيال محيره
وماكفاهم بس سبينه بسوط جابونه ضرب
_
#محمد_هادي_المشرفاوي

يامولانا ...حسين ابن علي

بدمك ضحيت ابروحك
تنزف لليوم اجروحك
ابكل امجان طعناتهم والسحك بضلوعك
تناشغ روحك ...صريع ودامي
تصد لعيالك ...خفت ياضامي

عيالك تريد تحميها
وينك تصيح واليها
كونك عدل وتشوفها اعيالك اشبيها
بعدكم حارت ... ركض تاليها
دوت خيماتك ... ألحكو عليها

طفال ونسه بحاجتكم
منكم يردون فزعتكم
لا تبقون عل غبره ما لاكت نومتكم
ولو لو واحد ... سمعهم ينهض
خسرتو اهوايه ... فزعته تعوض

موش انتم جبتوها
كل ادرب تحموها
صار العكس بعيالك لعداكم عفتوها
طغت عدوانكم ... اديهم طالت
اذنها ابنيتك ... دمه هل سالت

عكب الدلال بجوها
وعله الجمر مشوها
بنوك الهزل صعدوهن وبسياطهم ضربوها
خذوهن وسفه ... عليكم عبرآ
ويصيحآ كلهآ ... يلاهي صبرآ

#محمد_هادي_المشرفاوي