كوم يا تاريخ سجل هالخبر

علي من تساجل وعمه الكمر

احد من سيوفهم كالو صور

وبينهم جان العلم مهوالها

__________________

هوسو بسيوفهم وسط الحرب

تنعصر بيناتهم نسمه التطب

وخلو الثلثين مجفي اعله كلب

وطبكو الجيش الوجي ويذيالها

__________________

دك علي ظهره لعد ظهر الكفل

بحيث حته الهوا بهالسنده انعدل

وماسلم من سيفهم حته الختل

حاوطوها اليمنه ويه اشمالها

___________________

صاح الاكبر يابو فاضل بالنزال

منك وتنتهي يا عمي الرجال

من تذبح اعداك كل ذبحك حلال

على القبله روسهم تجبالها

_________________

تبسم العباس من عاين اله

وكله يبن الفاتحه والبسمله

الهوسه بالرباط تحله ابكربله

ونته رباط الكصيده وفالها

_________________

امجد الجيلاوي

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ

من الولد حرموني وكامت تهل عيوني
بيه النار وكلبي احتار
يوليدي يوليدي اشلون اتحمل فركاك
********
كل ام يبني تتمنه ولد عدها
يجازيها الربه وبالدنيه يسعدها
جنت فرحانه بيك وعيني ما سدها
وعليك الوادم امن اتغيب انشدها

يايمه عاين حالي عكبك ضعت يالغالي
وحشه الدار وكلبي احتار
يوليدي يوليدي اشلون اتحمل فركاك
*********
ما اكدر صحت عالفركه ما اكدر
ونارك يبني ضلت بالكلب تسعر
عكبك شيبت يوليدي يالاكبر
ومن نوحي الصخر يايمه يتفطر

افراكك حناها اضلوعي يايمه شوف دموعي
صار الصار وكلبي احتار
يوليدي يوليدي اشلون اتحمل فركاك
***********



مابيه هظم وجروح تدريني
اشبع شوف منك يبني خليني
حسبه تجيبني وحسبه توديني
ويلاكبر صورتك ما فاركت عيني

يالرايد اتودعني راح القدر يفجعني
اجروحي اكبار وكلبي احتار
يوليدي يوليدي اشلون اتحمل فركاك
***************
عطشان ويبس من الضمه كلبك
اتلوج اعله التراب ومحد ايشربك
نايم بالسموم وسهمك بكلبك
ذباحك ييمه بيمن ايطلبك

متنحي يبني بدمك وحسين ينحب يمك
وليه اندار وكلبي احتار
يوليدي يوليدي اشلون اتحمل فركاك
*************







يلاكبر يا حلم عمري وسهر ليلي
ليش اتروح يوليدي وتهد حيلي
عكب عينك بعد ياهو اليتجيلي
يدنيه وياج انه اسويت كليلي

مني خذيتي اوليدي وضليت اصفج بيدي
وماكو اخبار وكلبي احتار
يوليدي يوليدي اشلون اتحمل فركاك
***********
يبني الما امخلفه اوليد تتمنه
تشوفه بكل صباح وما تمل منه
رايح يبني منك اكطع الضنه
وطولك ذاك ما رايح اشوفنه

لا تمشي وتخليني كوم اكعد وحاجيني
دمك حار وكلبي احتار
يوليدي يوليدي اشلون اتحمل فركاك
**************
تمت
تحسين الخفاجي


▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://www.tg-me.com/joinchat-Dw92Dj9pmspR5uHfACGjlA

▪️كروب الالحان رقم 2
https://www.tg-me.com/joinchat-Dw92DkJZ4tvb4YIzJWBWrg

سرج مهره وكام يقره الفاتحه
وشاف ديره من العساكر طايحه

وين المفر وين. شافتكم العين

***********

سرج مهره عله الحومه وبده يحسب مناحر
حلف اله يسويها جماعيه المقابر
يلم بيها ويطشرها وزعل من العساكر
زلم شردت زلم عثرت زلم مكسوره خاطر

خله من الخوف نصهم نايحه
وشاف ديره من العساكر طايحه

وين المفر وين. شافتكم العين

***********

لون يغفه الاسد فرصه يحسبون لغيابه
وابوفاضل طلع لمن سمع طاري الذيابه
علي براسه وعلي بسيفه وعلي حاسب حسابه
يرد بيهم مثل ما رد علي ذيج الصحابه

حلوك عدهم بسوالف فالحه
وشاف ديره من العساكر طايحه

وين المفر وين. شافتكم العين

***********

وكف عاين اخذ فكره متى يخنك هواهم
يأشر بيده عليمنى عله اليسرى لكاهم
شمر خطوة جدم واحد وهمه نطوا كفاهم
ابوفاضل يحب ملگه ابد ميحب جفاهم

ملاگه سيفه وي الرگاب المالحه
وشاف ديره من العساكر طايحه

وين المفر وين. شافتكم العين

***********

وصل يم النهر دنك واخذ ماي برهاته
عله كيفه مله الجربه گمر جنه شحلاته
النهر ماله ابوفاضل حلاله وهم فراته
منو يمنعه لون راد النهر كله الخواته

الجربه كلساعه لخيامه رايحه
وشاف ديره من العساكر طايحه

وين المفر وين. شافتكم العين

***********

الشمر حاير لون شافه منو يخلص رگبته
ابوفاضل مثل سيفه ذبح تذبح غزرته
الشمر وينه يجي لجيشه لان رادو فزعته
طلع شارد گبل جيشه الشمر هوه ومهرته

راد عطوه من الگمر ويصالحه
وشاف ديره من العساكر طايحه

وين المفر وين. شافتكم العين

***********

ولا جنه بحرب داخل ترس وجه ابتسامه
رزن طبعه وعله اجتافه بنت عشها الحمامه
شديد وشده ابوفاضل لجن ما شد لثامه
الحمدلله ولا خله ترد رگبه بسلامه

دوم ضربت ابوفاضل راحجه
وشاف ديره من العساكر طايحه

وين المفر وين. شافتكم العين


علي حسين المياحي

اخوي لكيته اعله النهر متبدي كل عطره
اخوي الما عنده اخو بيمن يشد ظهره


****************

الماعنده اخو مبين تره يتلفت وظهره خلي
ميأمن بمكفاه بعد خاف اعله غفله ينولي
مبين علي فاكد اخو كسر الظهر ما ينجلي
علسيف اتجه كمت مو ذاكه حيلي الاولي


اموت. كلما اني اصدله اوكع بعثره
اخوي. الما عنده اخو بيمن يشد ظهره

****************

من شفته طايح عالنهر. كلت الكمر لا ما سلم
ذاك الوجه صاير جرح وعيونه تنزف كلهه دم
هوه يفز واني افز. كلما اكض بيدي السهم
كلما اجر بيدي السهم. اسمع صريخ من الخيم


اخاف. اني من احضنه يلجم نحره
اخوي. الما عنده اخو بيمن يشد ظهره

****************

الشمس والحر والعطش بينن عله وجه التعب
مو ذاكه لونه الاولي صاير مثل لون الذهب
ولساني جمره من الضمه. مايكدر يسولف عتب
واعذرني خويه لن شفت. عالرايه من دمه كتب

قريت اعذرني يخويه جفوفي منبتره
اخوي. الما عنده اخو بيمن يشد ظهره

****************

افرشت جوا صايتي ودنكت بسته بمنحره
كمت وعله وجهي طحت خدوده شفتهه معفره
الحاجب عله عيونه نزل والهامه كلهه مطبره
وهنا شفت شيب ودمه وهنا ضلوع امطشره

شلم الشكبره كمرنه صاير ازغره
اخوي. الما عنده اخو بيمن يشد ظهره

****************

رديت شايب للخيم خليت عمري اعله النهر
تلكتني زينب بالدمع شافت اديه اعله الظهر
كتلهه جايب دم الج بردني بقه من الكمر
ايسي يزيب ما يرد عباس لميته وذر

يعود. ايسي يالوديعه اعظامه متكسره
اخوي. الما عنده اخو بيمن يشد ظهره

****************

من هجمت خيول العده كصدت الي مستعجله
زينب من الخيمه طلعت رادت تلم العايله
صاحت يبوفاضل عدل لحك تره حسين انوله
يحتار المن يلتفت. وبعيونه ضاكت كربله

تصيح. الحك خويه داست خيلهم صدره
اخوي. الما عنده اخو بيمن يشد ظهره

اسألك الدعاء
علي حسين المياحي

العشگ مابي سكوت
والسكت گلبة يموت
راح اكلك بعله صوت . ياحبيبي

يحسين اعشگك وسولف وشوگي يزداد بنحيبي
من يسألوني تحب من.؟ لحسين اكلهم حبيبي
الناس خلهه بعيده. وبس انته اريدك قريبي
فديوم اذا انسه اسمك. مو طاهر انه حليبي

عايش ابجالك امير
بخيرك انه اشكد جبير
حبي الاول والاخير. ياحبيبي

________________

متعوف كلمن يريدك والما يريدك تريده
وشفت اليخدمك يبونه. بالخير متروسه ايده
منطيني جاه ومحبه. وايام خدمه جديده
ومحتار شنطي لجمالك. يل ماتلمك قصيدة

شما قست بيه الحياة
الكه بعيونك نجاة
ادكلي هاك الامنيات. ياحبيبي

________________

عطشان انه وخيالي. وشلال ابيض لكيتك
صيتي اعله كدي واعرفه. يحسين كبرني صيتك
مبخوت كايدني بختك. وجلمة بخت من حجيتك
مديت ايدك اليه. وگلبك اخذني واجيتك

انته بس انته القريب
الناس اقربهم غريب
يلفارك بس نحيب. ياحبيبي

________________

طاريك ماي اعله ريجي. يبرد احساسي ولهفتي
يحسين بيك اني سارح. كاعد ابالي وصفنتي
ياصديق الما جفاني. صاير احزام الكسرتي
ما بيها طعن وخيانه. وياك حلوه عشرتي

انه كدامك خجول
تنطي انته شما اكول
طيبك محير العقول. ياحبيبي

________________

الخدمه مهره اصيله. وبيدك لزمته رسنها
تمشيها انته عله كيفك. خيال انته الحزنها
رادو اضيع دربها وعبرت مصاعب زمنها
يلكوك حارس عليها. كلما تغمض جفنها


اليمس الخدمه مس
صدرك بدوس الفرس
ويضيع بالريه النفس. ياحبيبي


علي حسين المياحي

ممكن يرجع طير لعشه من يودعه
بس موادع ابني الاكبر ما بي رجعه

بين كلشي من عيونه. نظرات افراك

***********************

من عيونه كلشي تفهمت وانكسر حيلي وكلبي
مدري الكبر بين علي لو من تعب كمت احبي
تعبانه جبت انه العمر. وشلون انطي تعبي
كبل السبي اني اعرفت فراك الابن هم يسبي

لوما شوفه كل صبحيه ما عيش اكدر
كل مصباح براسي وجفي يحبني الاكبر

لا ما حبهه العيشه بدونه. نظرات فراك

***********************

اكره شكو فكرة سفر. وما حب ابد طاريه
الياخذ من عيوني علي. ما عنده كل حنيه
الشمر ما عنده گلب. ما رحم كلش بيه
الطف كضاني من القهر ودموعي ما مكضيه

الطف ياخذ من عيوني غالي بغالي
انه شبيدي غير الدمعه والجف خالي

راح ابني ومتغير لونه. نظرات افراك

***********************

اتمنيت اموت ولا يجي. ميت اشوف الغالي
من سرج مهره للحرب. خوفي سرج بخيالي
بين الخيول ازاحمن جم حسبه داست بالي
شمتوقع يردلي علي يردلي المهر بس خالي

بين الخيل وزحمت بالي ضاع من ايدي
روحي تفرفح ياهو يجيبه لحضني اوليدي

الرايح الهم ميردونه. نظرات فراك

***********************

كاتب عله جبيني الوكت مكسوره اعيش ابدونه
العيوني صارتله مهد حسره اشوف عيونه
ليش الالوليله عمر ما ادري هسه شلونه
ابني انه مو للتعب والوادم يتعبونه


محد يعرف ابني الاكبر واحد يكدر
الاكثر مني يعرف روحه بس الاكبر

بس ما ادري هسه شلونه نظرات افراك

***********************

احسين اجاني لخيمتي بجفوفه لازم ظهره
كلي اجه ابنج علي واني كمت مبتشره
كمت وعله وجهي طحت لمن شفت دم نحره
ضلوعه شفت متشابكه والخيل ساحك صدره

ما ميزته هواي تغير من ارسومه
بس عرفته من شتميته عطر هدومه

الكبرته لشيبي يموتونه نظرات افراك

***********************

من اكعدت يمه شيبت كلساعه افتح عينه
بلكت يشوف امه ويفز ظليت احب جفينه
العمرك بعد يمه وكت ما واصل لعشرينه
عاوني خليني ارد ابجيتك افرح اسكينه

ما تتحمل اختك سكنه حيل اتحبك
صاحت گلبي من الخياله داست گلبك

لجموا گلبك بس لجمونه. نظرات فراك

اسألكم الدعاء
علي حسين المياحي

بين جروحي ظلت حايره روحي
من يا جرح اتطلع ترفض اجروحي
بيه ما ظلت مسافه ابلايه طبره

************************

انه حسين. شوف العين
مو كل الوصلكم هذه بالمقتل
كدما صار. بيه الصار
فديوم ابشر والله ما يحصل
عشره خيول. ما معقول
من ادوس اعله صدري شلون يتحمل
ما ظل حيل. داست حيل
من كثر الحوافر صدري اتهدل


ما راحت الخيل امن اجت سحكتني
من صوب اعله صوب انوب جرتني
جسمي يطشر مثل سبحة الزهره

************************

جروحي هواي. وابلا ماي
مثل طير انكسر جنحه بوسط صحره
عاري ظال. علرمال
تجويني شمس وتكلب ابحسره
مني السيف. ياخذ حيف
كل طعنه اعله طعنه وطبره علطبره
لا ما اشوف. معمي الشوف
من الحر طفت بعيوني جن جمره

من كد الحراره خشب لساني
واني من الحوافر صرت مو اني
ما رحم بيه ولا سلاب مره

************************

جم سلاب. خنجر جاب
سلبوني لحد ما عاري خلوني
فوك الكاع. خنصر ضاع
كطعو خنصر ايدي ومنه سلبوني
صحت ال اه. والويلاه
بخنجر من كفاي انوب ذبحوني
موتي هان. والعدوان
عله كاع الشريعه اعضاء وذروني

طحن الرحه بيه. ينطحن عظمي
تالي بالحصيره. لملمو جسمي
شيبقه بيه ثلث تيام اعله صحره

************************

تهيج الروح. بيه جروح.
الجرح ما يلجم احد غير راعيه
حسبو حساب. مو بكتاب
بس بصدري ذني الف وسبعميه
حيلي باد. ما ينعاد
من كد الضرب روحي اني مكضيه
رمحي لاح. راسي طاح
من كثر الدمه شيباتي مدميه

ما همتني روحي وشجره ابحالي
من الشمر همي يروح لطفالي
ويحرك الخيمه اعله زينب الحره

************************

كلبي ايحوم. بيه هموم
من خوفي اعله زينب كصرت ايامي
شكد بالهيم. شبعت ضيم
زينب من على التل هيجت الامي
راح الزين مات الحسين
نعيهه من اسمعه اتكزبر اسهامي
يابس ريج. دمعي يهيج
ما ظل عظم صاحي مكسره عظامي

زينب من عله تل خويه من صاحت
من كد الهضيمه عثرت وطاحت
ولتصدلهه تره العيون عثره

************************

تطفي نار. شبت نار
محتركه اديها بحرك المخيم
العله تزيد. ايد ابيد
مربوطه بحبل وبحركه تتألم
كلبي ناح. دمها ساح
من دمها العبايه كله صارت دم
بهذه الحال. شدهت بال
متنها زينب من السوط ما يسلم


مو سهله اعله زينب سال مدمعها
وبرمحه حسافه الشمر يدفعها
وتمشي مكيوده اسيره والله حسره




علي حسين المياحي

عمرك عمر گطرة نده. ووجهك وجه گمره
تارس عيوني بهيبتك. منك ردت نظره

بعيوني مكفاك. من رحت لهناااك

منك ردت نظره

**********

عاينيتك
ماباوعتلي من رحت. يحفظك علي بظهرك صحت
فدوه. ييمه لو متت.
عاينيتك

شوباش اطشن بلوجه. لو سالم اتعود
وفراش عرسك يلولد بلخميه ممدود
يارايحه. اوصل الك. يا راده. اردود
وحشه من اطبن خيمتي ومابيها موجود

جاوبلي طاريك طحت. وعثرت اجدامي
كالولي بيك استشهدت. ورجفت اعضامي

ردت اوصلك كون.
منك ردت نظره

*************

ها ييمه

حاجيني ياوجه الصبح. ابروحك اشسوه الجرح
ماضن بعد ملكه يصح
هاييمه

الام اذا تفكد ولد تحضن تصاويره
وبعيونهه يضيج الخلگ وتزغر الديره
لا بيه اشوفك لا اجي محتاره هلحيره
والتايه وماله عرف تخلص تدابيره



لرسومك ايحن الگمر. يمه يضي عيني
ابوحدي شلي بهلعمر. خل تخلص سنيني
بسمك صحت حييل
منك ردت نظره

*********

من مشينه

بلكوه اجر روحي لان. ضيعتك وضاع الوطن
ودموعي بيك اتحزمن

من مشينه


اخذوني يبني بلغصب من ذيج الولايه
وعنك بعيده انه صرت يابيرغ الرايه
انت الحنين الما شفت من عندك احجايه
وماشوفن بوجهك وجه يلجنك امرايه


زغير بعدك يلولد. عمر الورد عمرك
عطشانه مو للماي انه. عطشانه اشم نحرك

تاخذني بحماك. منك ردت نظره

*******

حنه ودموع

حنيت بيبان. الخيم. وجاسم ابني ماسلم
حاطه الله اوي السهم

حنه ودمووع

كطعو فرحتي بلسهم كطعت نحر هاشم
والوادم تكلي بحزن يعين الله ام جاسم
يجزي التعب من ردته بس مايرد سالم
لميدانه لمن من برز للعرك عازم


جاسم اخذ سيف الحسن. شايل كرم بيده
وفدوه لعيون الحسين. ايقدم اوريده
يوليدي حنيت. منك ردت نظره

**********


ماشفتني

بجفوفي الوميلك انه. وفركاك احسنه سنه
يكتل وداع الضنه

ماشفتني

ماجانت ابالي تمر ايام من دونك
وانه العشت عمري لان متونسه بعيونك
لو دورت كل الارض ماكو اليشبهونك
يايمه مشتاكه الك ولجمت شلونك


هسه انه شلي بهل عمر. المابيه عطر منك
عيوني عساهن بلعمه. جي ما يشوفنك
تجرحني الايام. منك ردت نظره.
منك ردت نظره


(محمد الشمري)

يوم الأنصار ثكيل


مثل طلعت فجر طلعو - حفات ابكربله رگضو
تلگاهم يمحلاهم عرش بالقيس اجه وياهم
-------------------------------
اذن بسوح القتال عابس بهيئة بلال
وياك يحسين العرش صلو جماعه
جالس يصلي حبيب من الكبر بعيونه شيب
قل هو الله احد سمعن وطاعه
انس وبعمره الجبير گبالكم يصبح زغير
زلم منهم ونعم كلهم شجاعه

تشوف الحر الك سلم - مجيئه اشبه ابزمزم
يحبونك وحق الونك ولافد الحضه تنساهم
------------------------------------
صاحو أمرنه شتريد ألك خدام وعبيد
يبن حيدر عرش بالقيس عتنالك
مالك الأشترنصير تارك أمواله زهير
عاف كلشي يملك وخادم اجالك
نقره بعيونك دعاء ياوريث الأنبياء
ماكو بالدنيه بشر يشبه جمالك

حبيب ينادي ابونه - اليخدمك يدخل الجنه
يضحولك ينادولك ينجمه تلالي بسماهم
-----------------------------------
مثل اباذر الوفاء جون صار ابكربلاء
وصار مسلم مثل عمار ابنه ياسر
وين ابوگلب الحنين كلها صاحت ياحسين
ننذبح باجر صدگ شيجيب باجر
حسين يامولانه صيح ننصلب مثل المسيح
احنه سبعين ونعادلك عساكر

وهب ماخذكلام أمه - قبل دمك وگع دمه
ترك عرسه فرح هسه زلم ضحولك ادماهم
-----------------------------------
صاحو بنص النزال يا أبن حيدر محال
ينسحك صدرك قبل سحگت جثثنه
لوتصيح بعالي صوت والله الف موته نموت
مانعوفك سيدي وأنته اتعرفنه
خل يگطعون الوريد نحبك ونرفض يزيد
جن محمد هسه بحضانه شبكنه

برير اتعنه گدامك - هنيئن بايس اجادمك
مجانينك وحق عينك محمد غيره غذاهم
-------------------------------------
بيهم شنحجي ونگول حبهم هواي الرسول
رگضو عله الموت وصوات المنيه
كلها صاحت يا أمير يا أبو گلب الجبير
نموت كلنه وماتروح اختك سبيه
يبن حيدر مستحيل كلشي النسوي قليل
شلون باجر نوكف اكبال الزجيه

وحق الرافع السبعه - الك نوگع الف وگعه
ولا نندم ولا نهتم علي من قبره حياهم
-----------------------------------
همه موسبعين اكيد شيعتك تحيه وتزيد
كل سنه وكل عام نزداد ابمحبتك
كلها تطلع من قبور لوقرب وقت الضهور
توگع الدنيه قبل وگعت دمعتك
سيدي الموعد قريب عابس نصير وحبيب
ويانه اصحاب الكهف دوم بأمرتك

نناطر يضهر القائم - يشيل الحازم الصارم
يمهدينه يوالينه ولا يمحونه ذكراهم

ابوفايز الرافضي

ميمر كربلائي نزله
---
سماعيل خلف سماعيل يحسين اجو للمذبح
---------------------------------
اصحابك الكلهم وفه ورفعت شان
بس اشر وتلكاهم الكل قربان
هنيالك العندك مثلهم صحبان
سماعيل خلف سماعيل يحسين اجو للمذبح
---------------------------------
عابس عقل حين الصبح مجنونك
شنهي الي شافه سيدي بعيونك
الله خلق جنت عدن من الونك
شافاك وحدك يحسين نضراتك اشكد تجرح
--------------------------------
يابن علي ونعم من اصحباك
هنياله واحدهم يبوس اترابك
الله وخلقهم بالجنان احبابك
من دونهم يامولاي باب الوفه مايفتح
-------------------------------
يالرايد تصاحب بشر صاحب زين
التماشي بذات الي يملك وجهين
اتمعن وباوع الصحبان احسين
مابيهم اليغدر لا بس الشرف بي ينضح
----------------------------------
من عدهم اخذ الموعضه والعبره
مابيهم اليطعن صديقه ابضهره
الله رضه عنهم وترضه الزهره
من دونهم ياهل ناس معنه الوفه مايصلح
-----------------------------------
صحبانه ذوله وغيرهم ماعنده
وين الشهم صاحب اجايه الوحده
ماخذلو ابن الزهره وكت الشده
وين اليطيح اعله الكاع مايحزن وبل يفرح

ابوفايز الرافضي

ابوذيات. زينب تنعى الحسين ع

سهم گلبه وسط گلبي يطب ريت
خـتنگت ولا هوه عگبه يطب ريت
بوجـه حـسين شمسويه يطـبـرات
كـسرتي اعـظام وجـه ابن الزچـيه..

شفـت المـاچـنت فـديـوم خـيلاه
حيـل حسين طاح بطـيح خي لاه
بـصدره هواي گام اتدوس خـيلاه
وشفت جـسمه تطـشر عـالـوطيه..


لأبالفضل العباس..

خبر موتك وصلني وصار علماي
عگبك ياهو خويه يشيل علماي
نايم لا تـضــل عـباس عـالماي
بعـد سـاعـه تـدوس الخـيل بيه..



موتـك خله گـلبي بجـرح يدماي
هدم حيلي وشلـّل صابالي يدماي
طحـت بيدك عـلم عباس (يد ماي)
العـلم والمــاي مـارجـعـن الــيـه..


عـن حـسين چـانت ويـن هـاشم
الحـافر يـوم صـدر هـواي هـَشم
خواته شلون طبن سوگ هالشام
شكـثر بحـجار طگـوهـا رقـيـه..


الشاعر عقيل الحسناوي..

الزهراء عند جثمان الحسين ع

ييمه اشگد تعب گلبي بترباك
اشو نايم يبعد امك بترباك
شكثر سيف الشمر گلي بترباك
اشو صاير وصل فوگ الوطيه..

زينب والحسين ع

يضل ابروحي هالموقف يحزها
الخيمنه النار ابن جوشن يحزها
رگبتك خويه من شفته يحزها
من مگفاك ماتت روحي بيه..

زينب وابا الفضل ع

الوكت بالهم عگب عينه يركباي
الشمر يرضاهه عالناگه يركباي
شمالچ متي شيليني يركباي
اريد اوصله اشوفه احبال اديه..
الشاعر عقيل الحسناوي ..

موشح نزله
ماركد گلبي عله حب حسيني
حسين ايماني وبقائي وديني
ه ه ه ه

حسين نبض الگلب نسمات الهوه
حسين كل العافيه وكل الدوه
الدنيه ظلمه ويلمشبعهه ضوه
تايه آنه وانت التدليني
ه ه ه ه

حسين من الفظ الاسمك استچن
ولهلي واولادي واخوتي شگد احن
واذكر الشالوني فوگ عله االمتن
وعله البر بيهم گمت تهديني
ه ه ه ه

حسين اخلاق التطيب كل نفس
ويربح هواي الفهم يمه االدرس
انه انسانيتي كلهه وياه احس
مودموع انطيله انطي عيني
ه ه ه ه

حسين آية قل هوالله والفتح
وهاي ماتحتاج تحليل وشرح
والله ياناس ابو لليمه بس ربح
ولون انسا هوه ماناسيني
ه ه ه ه

الناس كل الناس تحسدني عليه
ويوصل الجنه الذي مچلب بديه
ولو چنت انوي ازوره واعتنيه
گبل مااوصله هوه يجيني
ه ه ه ه

آنه لو ابچيله واذكر كربلاء
گبلي تبچي اهل الارض واهل السماء
هواي ياذيني سبي ذيچ النساء
والذي ياذي النبي ياذيني
ه ه ه ه

آنه لو احضر هنانه بمجلسه
حته أخذ درس من هلمدرسه
وجرح زينب بالگلب اتحسسه
تصيح ياخويه المن مخليني
ه ه ه ه

گوم شوف الخيل حرگت للخيم
وفرت الاطفال خويه والحرم
وعالنهر طايح چفيلي والعلم
وبعد دهري شرايد يراويني
ه ه ه ه

اه يايوم الطفوف بكربله
اه يمصاب الحسين وكل هله
گلبي من مصيبتك لا ماخله
والك خادم ابقه كل اسنيني
ه ه ه ه

ريتني چنت انه يمكم ياحسين
ريت گطعو منحري وذني الادين
وين ياخذني الحزن ماادري وين
المهم يمك سيدي تلگيني
ه ه ه ه

انه اتمنه اموت بتربتك
حته يمك ابقه اعيش مصيبتك
وباچر التشفعلي هاي امحبتك
وادري من كل نايبه تحميني



ابو احمد الهنداوي

ندبة للمهدي عج
ه ه ه ه ه ه ه

طالت ليالي الحزن وانتضر بالدمعه
وخلصت سنيني صبر احترك جلشمعه
شوكت الفرج شوكت الفرج
ـــــــــــــــــــــــــــــــــــــــــــــــــــــــــــــــــــــــــــ
احترك وانه ثلج كلبي ويوج بالنار
وكلسا اموتن وارد وما عدي استقرار
عين الشماته تحز بكليبي جن منشار
اتنطر الجيتك وصوابي كلش حار

وياك يبن الحسن ياذيني طاري الزمن
وملهوف يم شوفتك وايامي جنهن كضن

عمري بحرج شوكت الفرج


(2)

بيني وبينك درب يصعب عله الماشيه
بس البكلبه كسر للغايب يتانيه
دربك صعب سيدي وانته بالم تمشيه
ولا من مناصر بكه والوحشه تكتل بيه



يا هل ترى سيدي اين استقرت بنا
وتنادي انته العجل وكاتلنه حب الانا
جرحك غمج شوكت الفرج



(3)


بكلبك هموم شكثر يالمهدي ما تنمسح
ويعينك الله تضل من جرح تمشي الجرح
احبابك تكتلو المسموم والمنذبح
واكبر جرح المك البلطف بكه منطرح


سهم الطفل صوبك والسبي شكد عذبك
وعمتك زينب بكت عالناكه وتعاتبك
صوتي خرج شوكت الفرج



(4)


بالطف شفت رايتك عالشاطي من تنجفي
وعين المر بالدمه اوحده بسهم تنطفي
ليله تون العلي والام كلبهه وفي
ورمله بعمرهه تلم ومايلتم المنجفي


وانته احترت يا درب تكصد اله وتتجه
للراح لو للبكه تلطم كمت عالوجه
بكلبك وهج شوكت الفرج



(5)




شكد صعبه يبن الحسن العمتك متكيده
وتبجي بنات النبي وعدوانك معيده
المجلس اميه تطب وتربيهه ذيج العده
ويزيد وبعصته يضرب ابثغر النده

ويوم الخرابه متت للنامت عله الطشت
العمتك رقيه اشكلت وياهه جنك طحت
كلبك صفج يمته الفرج
****
من خيمه تمشي لعد خيمه وجمر بالدرب
وكلما تصد الطفل كلبك كرب ينكرب
السم التجرعه عسل بالطف لون ينشرب
والموت تدري سهل لوجان وسط الحرب
يلمهدي عمرك وكف وجم بحر بيدك نشف
لاليل لا من فجر والبعد نايه عزف
الموعد عتج شوكت الفرج

ابو احمد الهنداوي

نزله

المستهل

الحمد لله والشكر الله كاتبلي اجر
يم أبو اليمه يم ابو اليمه
ه ه ه ه ه

شلون نعمه البيهه اني شلون نعمه
حاضر آنه اليوم مجلس لبو اليمه
والله ياناس المجالس هذي رحمه
وفرق بين الدنيه نور ودنيه ضلمه

وكل ذنوبي تنغفر الله كاتبلي اجر
يم أبو اليمه يم ابو اليمه
ه ه ه ه ه

الحمد لله والشكر نيتي سليمه
الامر آل البيت آنه اليوم اقيمه
حسين ضحه بروحه وأولاده وحريمه
مشن للشام اشكبر هاي الظليمه

ولو لطمت انه الصدر الله كاتبلي اجر
يم أبو اليمه يم ابو اليمه
ه ه ه ه ه

آنه بثياب الحزن لحسين رايح
ابمجلسه ماعدي غايه ولا مصالح
آنه للماعرفه احضر بالفواتح
كون لحسين الجسد مايظل ناصح

كون صدري ينكسر الله كاتبلي اجر
يم أبو اليمه يم ابو اليمه
ه ه ه ه ه

احنه لو احضر المجلس هالمسيه
ادري بالزهراء حضرت هالعزيه
الله لاينطيني اذا انسه الرقيه
وانسه زينب بت علي اخذوهه سبيه

وعلي السجاد بيسر الله كاتبلي اجر
يم أبو اليمه يم ابو اليمه
ه ه ه ه ه

مجلس حسين الحشد ضد النواصب
وجيش للمهدي يصيرن هالمواكب
ياالهي عجل الطلعة الغايب
اليجلي كل الظلم والهم والمصايب

والعداله تنتصر الله كاتبلي اجر
يم أبو اليمه يم ابو اليمه

ابو احمد الهنداوي

الخدمه الحسينيه
المستهل

ياخادم حسين انتبه عالمنبر عيونك
انت الأمير ابكل وكت خلهم يشوفونك
رب السمه علاك خدمة حسين انطاك
خلهم يشوفونك
ه ه ه ه ه
١
يامن عله الخدمة نويت ومعتني لجلهه
الله اليعينك عالخدامه وثوبهه وثكلهه
انظر على مد البصر وتمعن ابسجلهه
جم عالم وعالم اتمنه يصير من اهلهه

هالمرتبه اشكد ساميه وياشرف هالخدمه
بحسين أبو اليمه الشهيد ارتبطت اباسمه

يعني الحسين وياك رب السمه العلاك
خلهم يشوفونك
ه ه ه ه ه
٢
خدمة حسين التزكيه والتضحيه الچبيره
اليتصده للخدمه وجب ابيض يظل ضميره
الينحسب عالمنبر يظل مرتبط بي مصيره
لازم يعاين ملبسه ويعاين المسيره

موسهله انت تنحسب خادم الاهل البيت
باجر بيوم المحشر يشوفونك اشسويت

لاتخسر ابملكاك رب السمه العلاك
خلهم يشوفونك
ه ه ه ه ه
٣
ذمه الخدامه اواجب الهلذمه نرعاهه
هاذي الدماء الطاهره الشيدت معناهه
خادم حسين ابكل وكت محد وصل جاهه
وشجم ملك وشجم امير اللي تمناهه

لازم تضحي وتنكر الذاتك وتتحمل
وبسيرة حسين الشريفه هوايه تتامل

لاتغتر بدنياك رب السمه علاك
ه ه ه ه ه
٤
حط كربله اكبالك وعيش الدنيه جن عاشور
وخلي المسيره الاربعينيه الك دستور
وجم قدوه عدنه ابهلخدامه وقافله من نور
حمزه الزغير والرميثي اوطن والمنظور

وعدنه النويني جاسم ويه الكاظمي و باسم
الخدام چن سبحة ورد خادم وره خادم
تحسدهم الأملاك رب السمه علاك
خلهم يشوفونك
ه ه ه ه ه
٥
خدام الحسين الزجيه اللي تجازيهه
واسمك امسجل في سجلهه هناكه تلگيهه
اشكد صعبه لوخدمتك هاذي تروح تاليهه
امضيعهه بعمالك وراحت وين تلكيهه

وخادم حسين المخلص الزهراء التحضره
وفوك السراط المستقيم اتگوده وتعبره

وتگله ياحياك رب السمه العلاك
ه ه ه ه ه
٦
انت بسفينة ابو اليمه وكون تحفضهه
وركضة حسين ابكربله للمجد اركضهه
وكل مصلحه بالخدمه تخدش كون ترفضهه
وباجر حسين هناكه هوه اللي يعوضهه

الخادم اليوفي المنبر المنبر يجيه يمه
ويوفقه. بهذا الدرب ويكبر الاسمه

المنبر اذا يهواك رب السمه علاك

ابو احمد الهنداوي