عجز عزرائيل من كد ماحسب
وابو فاضل بعده يكتل ماتعب
@@@@@@@@@@@@
عجز ملك الموت من كد الحساب
بس ابن حيدر يكطع بل ركاب
الجيش حسباله برز داحي الباب
وهوه هذا الكافل بساعة غضب
@@@@@@@@@@@@
محد يصد يمه في ارض النزال
كال ماريدن نسه رايد رجال
والي مايكدر فلا يدخل قتال
هاي عركه وبيها بس كطع الركب
@@@@@@@@@@@@
والي يكرب خلي يحسبها عدل
الكافل الي يصد يمه ينكتل
راسه عن الجسد لحضه وينفصل
هذا ابنك ياعرلي يموت غصب
@@@@@@@@@@@
شلون بيها الجيش مائلها مفر
الكافل بوسط الحرب صار القدر
ظل يصول وخلفه مهدي المنتظر
ياخذ دروس ابو صالح بل حرب
@@@@@@@@@@@@
صوله العباس صوله زلمه حوك
يصوب العسكر بسيفه وضل يروك
هاي تربيه علي وتربيه اخوك
ولد حيدر ترهب وماتنرهب
@@@@@@@@@@@@
#خادمكم_باقر_الشغانبي

كلها احتارت وراس اليطك بل راس
من شافو عليهم مجبل العباس
#############
اجبل بيده سيفه وصاح ياحيدر
انه العباس والله بكيفي واتبختر
خلي اليكرب الخيمتنه يتحدر
انه الحارس عليها واكطع الانفاس
#############
يازلمه الوكف كدامه مايحتار
دخل للخومه بس بهيئة الكرار
يحجي بقول ابوه وبيده ذو الفقار
سيفه يلوج ضل بروس هاي الناس
################
كلها اتطايرت من شافت خياله
عباس الشهم منهو الي يدناله
حلف بل حره اخلي الكاع زلزاله
وكل واحد يصد كباله ضل ينداس
###############
ماخاف ولا فكر يجيه الخوف
مثل الصوت مر وماتهمه سيوف
كال اليوم اموتكم وانه اسمي احتوف
وانه الكافل وسموني ابو النوماس
###############
صفاها الكمر وارتاحت الحره
ترك بكلوبهم خوفه وبجي وحسره
وماضل نسل الهم حته لو كطره
عباس الكلف بلغيره ماينقاس
################
#خادمكم_باقر_الشغانبي

هذا النهر كله كبالك وشيله
يابو الفضل بس خل نرد للعيله
__________________
صاحو جيش اميه للكمر عباس
اخذ الماي بس لا تكطعلنه الراس
نترجاك بس خل نأخذ الانفاس
ودمع العين كلنه كبالك نهيله
___________________
بيمن نقسم عليك وتخلينه
نحلفك بلعقيله ودمعه سكينه
نبجي تعوفنه وانضر بواجينه
غلطه نواجهك يمعدل الميله
__________________
رد الكمر لا وصاح ياحيدر
انه ابن الذي فاتح حصن خيبر
طب عليهم وجن ساعه المحشر
قائدهم بقه يدور عبي وشيله
___________________
لا متساوم انه وزينب الحره
لخلي الروس من اجسادكم تبره
لكلبها كلاب وفاطمه الزهره
جيش الكفر يخلص قبل هل ليله
__________________
خل الكل توصي مابقه هوايه
بس تطلبني زينب اكصد المايه
والكدامي يعرض هذا مو رايه
وانه بصوت اصيح الوكف ياويله
________________
خادمكم باقر رشيد الشغانبي

الاخوه خدام الحسين اذا امكن تلحنون هذي القصائد وتبعثون بها لي
@qadkr
خادمكم باقر رشيد الشغانبي

ملائكة الله كلها تصيح يازينب حذر
بعد ساعه ويطيح الكافل بصف النهر
شدي حيلج مو كفيلج بس شماته
يزينب يزينب
--------------------------------------------
الملك من فوك ناداني يبو اليمه تحذرها من الانذال
عكب عباس كافلها تره العدوان تجتفها غدا بحبال
تلمهن وحده يم وحده سوه الكومه وسوه الكعده الكفيل وشال
يزينب عينج عليهن رقيه وسكنه كضيهن عن الخيال
الملك كل ساعه كلي غدا زينب تصلي
جلوس بلاي كافل يزينب
اذا تسجد دمع هل وعله العباس تسئل
عكب عيناك شندل يزينب
يزينب باجر وحيده ودرب كله خطر
ملائكة الله كلها تصيح يازينب حذر
-----------------------------------------------
يزينب فكي عيونج تره الشمات يسبونج بعد عباس
جبل صيري يصد الريح عن الاطفال خاف اتطيح ولتكم ناس
تعرفين الجبل طبعه فله يدنك بل يرفعه يظل الراس
بكلامج هزي قائدهم صيري انتي علي يمهم وفضحي ارجاس
اعرفج انتي زينب تخوفين الهوه الهب
بمشيتج حيدر وطب يزينب
جبل والريح شتهز اذا يوصلج ينز
وكلامج كله ينجز يزينب
اخت عباس كدها ومايغيرها الدهر
ملائكة الله كلها تصيح يازينب حذر
---------------------------------------------
تره العدوان ماترحم جبير زغير مايسلم تطكم حيل
متون هواي تتشكك بعد عباس من الطك بظلام اليل
عله التربان ظل واكع وسهم بل عين ظل لامع تسحكه الخيل
بهذيج الحاله شو يبجي على زينب غدا تمشي وطريق طويل
يجيج شلون يكدر يكوم ويوكع اظطر
بعد عباس تنجر يزينب
اهو المفروض يمج ويموت الي يسبج
ويحطه بكلبه خدرج يزينب
لجن مو بيده يازينب حصل بيد القدر
ملائكة الله كلها تصيح يازينب حذر
------------------------------------------
يخويه بداعة الخوه تشوفي الكافر شسوه وغمضي العين
يطك الخيل وتعنت على جسم الكمر صعدت وكطيع ايدين
ولا ظل بيه عظم سالم يشيل الرايه والصارم ويعين حسين
شسولفلج يبت حيدر الصدر شو كله متكسر اشبعي ونين
اروح اغمظله عينه ولاتحجي السكينه
اهي تزيد بجينه يزينب
اذا شافته ترجع اخبرج يمه توكع
وعليها عيوني تدمع يزينب
توني عله الكفيل وحالج يبجي الصخر
ملائكة الله كلها تصيح يازينب حذر
---------------------------------------
شكلج وسمج الثاني ادك عل راس خلاني يخويه شلون
الاسم هذا يبجي امنه لحد ماتغرك الجنه ويطفي عيون
علي لو يسمع بأسمج يموت من البجي لحزنج ويبجي الكون
ومحمد ماصبر يبجي سبيه من بعد كلشي شعجب يمعون
يزينب هذا اسمج عليه ظل يبجي جدج
وبوج وحته امج يزينب
الاسم بل خارجيه حزينه يل سبيه
شكولا عل منيه يزينب
شحلات الكافل ويه اخته اذا يمها حظر
ملائكة الله كلها تصيح يازينب حذر
------------------------------------------
الملك كلالي وصيها عكب عباس واليها الوضع مرتاب
تكض رقيه تحميها الشمر رايد تراجيها الكفيل وغاب
عبايتها تحضرها تلوذ العيله بكترها تصير سراب
واذا بين عليها الليل تغطي العيله عن الخيل وتراب الهاب
وضع كلش صعب حيل وحيده وماهو الكفيل
يقينا زينب تعيل يزينب
تنادي يابو الغيره اميره وصارت يسيره
اخبرك مائلي عشيره يزينب
وتكظي كل دربها تصيح عباس الكمر
ملائكة الله كلها تصيح يازينب حذر
------------------------------------
طريق بعيد يازينب كفيلج واكع مخظب وتمنه يكوم
احترك بل غيره ابو فاظل يشوف بيدج سلاسل وتحيطج كوم
تمنه الصار ماصاير سويه الكعده اهو حاظر وسويه النوم
اذا موجود اهو خيمه واذا ماهوه لا هيمه وكلب مالوم
يزينب ماكو كافل الصبح فوك المحامل
عكب ايده السلاسل يزينب
عكب حلو السوالف تباوعلج طوايف
وتكعدين بصرايف يزينب
تمنه الكافل يحظرج لجن شو ماكدر
ملائكة الله كلها تصيح يازينب حذر
-----------------------------------------
#خادمكم_باقر_الشغانبي

‏مقطع صوتي من باقر رشيد

احبتي جميعاً هذا لحن القصيده واذا احد تمكن من اخراج لحن اخر يبعثه لي
@qadkr
خادمكم باقر رشيد الشغانبي

لسان حال الامام الحسين (علية السلام) وهوه يخاطب ابا الفضل العباس (علية السلام )

عباس ماردت الماي ردتك تردلي سالم
ماحسبت يابو الجود ع النهر تبقه نايم
ليمت ترد وتلكاك _ واتفيه بفياي لواك
@@@@@@@@@@@@@@@@@
خلافك علي دار الوكت والشيب غيم ب الراس
وعلية دارت دنيتي وبخيولهم كمت انداس
جا مو كلت ما نفترك وين الوعد ياعباس
وانه ادري بيك توذرت مابيك موضع ينباس
خلافك وحيد الصيوان
وبالخيم كلهن نسوان
ليمت ترد واتلكاك ........ واتفيه بفياي لواك
@@@@@@@@@@@@@@@@@@
عباس محتاجك سند وتسد يخوية بمكفاي
يهواي اريدنك نفس خلافك علي شح هواي
حيلي نهدم يابو الفضل وعلية ضاكت دنياي
ردت اروي روحي بشوفتك ماردت ارويها بماي
بجفاك ماضلت عين
يابعد شيبات حسين
ليمت ترد واتلكاك ........ واتفيه بفياي لواك
@@@@@@@@@@@@@@
عباس ابشرك من طحت وي طيحت راح الشوف
ملت ولفيتك منحني اركض يخويه وملهوف
حيلي نهدم من عاينت لاعين بيك ولا جفوف
ورماح وسيوف الزلم عله ضلوعك تلف وتطوف
ملهوف اجيت بلا راي
ع نهر مذبوح عضاي
ليمت ترد واتلكاك ........ وتفيه بفياي لواك
@@@@@@@@@@@@@@@
مابية واوصل للخيم لاحيل ضل ولا عين
متعيني ياتعب العمر غفله وخذك مني البين
يلكتلي ما اعوفك ابد شو هسه ضل وحده حسين
والمثلك بهذه الوكت عباس اجيبنه منين
ياحيف اطك راح براح
لابجي يردك لصياح
ليمت ترد واتلكاك ....... واتفيه بفياي لواك
@@@@@@@@@@@@@@@
عايفني ومخاوي النهر يابعد حيلي ومتني
نايم بحر ذيج الشمس خوية ومتية حضني
ضهري نكسر من غيبتك ضليت بعدك محني
والسمة نطبكت ع الارض من كد حنيني اوني
يل رحت عني بلا حساب
كل عشك بعدك جذاب
ليمت ترد واتلكاك ...... واتفية بفياي لواك
@@@@@@@@@@@@@@@@@

خادمكم _ علي الموسوي
@ahh1999

محضرتلك ثياب وحنه وبخور
وماترهم ابدله بجفن وبكافور
يايمه ضل هل ليله
ودمع الفرح خنهيله
وماترهم ابدله بجفن وبكافور
________
يمه حضرت الصواني وكل ثيابك والمه
من كبل ايام يمه كل عمامك عازمه
وكل نساء الديره اجني ساعه تحضر فاطمه
وافتخر انه بوحيدي من الفرح مانايمه
وكل الي نعزهم حضرو اليوم
وادعي الله بصلاتي الجمعه ختدوم
والزاد ساعه نشيله
دمع الفرح خنهيله
وماترهم ابدله بجفن وبكافور
_________________
يمه لاكتلك البسه تروح لو غطاها دم
لو شفتها انه عله طولك ناكعه يموتني هم
حن عليه وابقه يمي وخل اشمك يمه شم
لو رحت عني ييمه راح اموت من الندم
ساعه نزفك عله سكينه فرحان
مو حلوه اشوفك يبني عطشان
عرسك صعب تأجيله
دمع الفرح خنهيله
وماترهم ابدله بجفن وبكافور
________________
هيه ساعه وكلشي يخلص اخ شيخلصه الوكت
انتضر زفتك ياابني واحمد الله مامتت
حلوه بزرك حولي داير وافرح انه وهلهلت
يمه شكرا راح اكلك لان حبوبه صرت
ياريت الحلم مو حلم واقع
وحُب اولادك ومن الكلب نابع
واليحتر نهفيله
دمع الفرح خنهيله
وماترهم ابدله بجفن وبكافور
_________________
يمه جهزنه العروس وانتضر منك حضور
ولمت كلشي تريده ومن تجي اشعل بخور
والفرح عايفها كلها بغرفتك كاعد يدور
سكينه هاي اليله صامت بيدك اخذلها الفطور
بنت حسين اريدك حطها بلعين
وتحبها مثل ماتحب الحسين
ابوها معدل الميله
ودمع الفرح خنهيله
وماترهم ابدله بجفن وبكافور
_________________
يمه ياطولي وعباتي ماخذت منك جواب
جنك عله الحرب ناوي حالك وحال الشباب
اي ييمه زحمه افرح وكل ربعنه عله التراب
انه رايح للحقيقه ومااباوع للسراب
خليني اودعج يمه يلروح
ساعه وبيد عمي وانه مذبوح
وعمي من يتجيله
ودمع الفرح خنهيله
وماترهم ابدله بجفن وبكافور
________________

خادمكم باقر رشيد الشغانبي

ياحرامات راحت مني جنه
زفت الموت راح انزف ابنه
لون الورد فدوه يروح اللونك
يغيب الكمر لو شاف سحر عيونك
زفت الموت راح انزف ابنه
##############################
يايمه كصدتني المحن صرت انه مدري بيا زمن بغيابك
حالي مثل حال المهد من يبقه خالي بلا ولد بمصابك
ساعه ويكف عرك النبض حضني تبديه عل ارض بحسابك
كل لحضه انه اشتاك الك رد انته يل تسوه الفلك لحبابك
والنضر راح يمه ما بقالي
وجسمي نحلان بين جن خيالي
ارجع الي ضعت انه يمه بدونك
يغيب الكمر لو شاف سحر عيونك
زفت الموت راح انزف ابنه
##############################
يوليدي صدك من رحت يمكن الف موته متت مو وحده
اندب يسبع الكنطره بل كومه مكدر حايره وبل كعده
من بعدك يهزني الهوه لو شفتك يردلي الكوه يلورده
من اشم عطرك انه احس شمحلاته يدخلني النفس وآنه اهده
جسمك شلون داست فوكه الخيول
زاد المصاب راسك شفته مفصول
ضهري انكسر من العسكر الي جونك
يغيب الكمر لو شاف سحر عيونك
زفت الموت راح انزف ابنه
##############################
صفيها نيتك يمه رد واتلكه وجهك بل ورد والحنه
انه امك وحن الكلب خلصني من دمعي اليصب والونه
ربك وضعلي منزله خلاني جنة عايله اي جنه
جا عايف الجنه شعجب تحاجيني وتكلي السبب اتمنه
رايح هناك شنهي بالك تشوف
تنضر املاك لوجعفر بلا جفوف
وتنقل خبر للكافل يهنونك
يغيب الكمر لو شاف سحر عيونك
زفت الموت راح انزف ابنه
##############################
يمه شكثر كلبي نعصر بين على خدي نهر من الدمعه
بكل مغربيه انه الم عواد البخور وبيها اشم والشمعه
لمن اوجن شمعتك وبصفها احطن صورتك بكل جمعه
وبدي بصلاتي الواجبه وارفع اديه وطالبه بكل ركعه
ياالاهي الهمني الصبر زين
اصبر شلون فكد ابني والحسين
يبني وعلي ودي اعرف انته شلونك
يغيب الكمر لو شاف سحر عيونك
زفت الموت راح انزف ابنه
##############################
يبن الحسن ردتك ذخر بس هسه داساك المهر وي عمك
اه يبني ياكل العشك هسه المهر يسحك سحك ابجسمك
الطبره يمه من شفت عل خيل جم ركضه اركضت لتلجمك
ومصابك يبجي السمه سابح تشوفك فاطمه من دمك
ارفع الراس بيك وليدي جسام
روحك فديت من اجل البل خيام
لحضه وملائكه الله يمه يجونك
يغيب الكمر لو شاف سحر عيونك
زفت الموت راح انزف ابنه
##############################
رحت وتركت امك تون وعليها يفتر الحزن وي عمتك
وليله ورباب تكفلن يستر كل بنيه بضعن
لا تهتك
ورقيه راحت للبو وتكله طكاني العدو مو بتك
وسكينه راحت للكمر من ادموعها تغسل النحر ياريتك
يابو فاضل اسمع زينب تصيح
راحت احذاه بس تكوم وتطيح
بهذا الوكت تمنيت منك عونك
يغيب الكمر لو شاف سحر عيونك
زفت الموت راح انزف ابنه
##############################
#خادمكم_باقر_الشغانبي

قصائد سيدي ومولاي الامام القاسم بن الحسن عليه السلام
اذا احد لحن القصائد اتمنئ ان يبعث لي


@qadkr

قصيده اليله التاسعه من شهر محرم الحرام ليله الامام علي الاكبر روح الحسين عليه السلام

ياليله الله يعينج بهل اليله
وبنج يطيح منين مااشيله
_______________
ياليله ابنجج حالته بياحاله
سحكت عليه الخيل والخياله
وعن الشمس ياهو الذي فياله
ياليله هاي اليله انتِ عليله
_________________
ابنج حلو كلش يليله مرتب
بس هسه متغير وثوبه مسلب
ومن الكلاب ابنج يليله مترب
وي النسه كومي يليله انعيله
________________
جم سهم نابت بيه ماينعدن
وذاك الوجه ياهضمه شفته مطين
كل المصايب ليش يمي التمن
شفته انه هيج بضهري صارت ميله
________________
للخيمه اجيبه شلون محتار بهاي
كل ماشيله يطيع عبالك ماي
يمه كعدت وكمت ازيد مبجاي
واهمسله ابيك ياهو الي تجيله
________________
يوليدي يل تشبه ابوك وجدك
رايد اسئلك عن نقص من جسمك
يوليدي كلي وين رايح جلدك
بس لا بقه مجلب برجل الخيله
________________
يوليدي كوم يباوعون العدوان
ماي بجربتي وانت جنك عطشان
كوم الخيام احسلك امن التربان
تراب الارض ع الراس راح انهيله
_________________

خادمكم باقر رشيد الشغانبي

قصيده ليلة العاشر من شهر محرم الحرام ليلة مولاي الامام الحسين عليه السلام

خل اودعج قبل لتودعيني
بوجهي لا تبجين وتبجيني
________________
يختي زينب خل اودعج قبل ليطر الصبح
بست راسج بوسي راسي قبل ليبوسه الرمح
يختي مو هين اعوفج لجن صاحاني الذبح
هذا طولي وبعد ماتلكيني
بوجهي لا تبجين لتبجيني
====================
ينتي يا امي وابوي وانتي اخوي وكل اهل
ارد اوصيج بوصيه راسي لو شفتيه حَمل
لا يهزج حجي الشامت اوكفي شلون الجبل
انه طحت وحته اوكف ديني
بوجهي لا تبجين لتبجيني
=======================
يختي باجر اخ باجر وانه وحدي بلا معين
لو شخص ضاكت عليه ويبقه يصرخ ياحسين
وانه اندبن يخيتي وكل الص٩لبه مجتلين
ماكو غير الله يخيتي يعيني
بوجهي لا تبجين لتبجيني
======================
يالعقيه وهاي صعبه لو طحت من المهر
وعله خيامج نار وجت دايره عليج الكفر
وانه احاول انهض وكل مااحاول ارجع وانهطر
الموقف الماردت اشوفه بعيني
بوجهي لا تبجين لتبجيني
======================
يختي اوصيج بعيالي لو يجلجل هلضلام
وانتم عله الكاع كعده ومابقت ليكم خيام
خويه ماقاصد ائلمج من اكلج هل كلام
من الصبح زينب تره مسلبيني
بوجهي لا تبجين لتبجيني
=====================

خادمكم باقر رشيد الشغانبي

مو شهره السعاده ولا عناوين
ولا صاحب قصور ولا ملايين
السعيد الترضه عنه أم الحسين

خلي ايكون عدنه ادراك من نقره
لنقيس السعاده ابجاه وبشهره
عدنه اشگد بشر بالساحه متصدره
هبا منثور اذا ماراضيه الزهره
ماتنفع تجاره ولا هويه
اذا مابيهه نظره امن الزچيه
شيفيد الحديث ابلا مضامين
السعيد الترضه عنه أم الحسين

يالتسأل اشلون الزهره نرضيهه
شكو شي چان مو للباري ياذيهه
هيه اتحب عمل باخلاص ندريهه
كون اوياهه نيتنه نصفيهه
خل يتواضع اليمشي اويه ربعه
واليتواضع الزهره ترفعه
ينطينه درس هذا الأمر زين
السعيد الترضه عنه أم الحسين...

الخادم دوم بين الناس متواضع
ومن يسمع مذمه چنه ماسامع
تلگه المخلص ابكل مرحله قانع
مايهتم إذا أول وذا تاسع
عنده مو مهم ايكون رابح
أهم شي بالخدامه ايكون ناجح
والناجح يگر ابخدمته العين
السعيد الترضه عنه أم الحسين..

الله انطاك نعمه وعينك اعليهه
والزهره التوفق من تعب ليهه
چلمة آني وآني باله يحچيهه
الخدمه مدرسه وكلنه خدم بيهه
هاي الخدمه يحتاجلهه توفيق
وعند ام الحسن موجود توثيق
واسرار العمل نفهمهه بعدين
السعيد الترضه عنه ام الحسين

ياناس المجالس والذكر رحمه
مثل هالنعمه أبدا ماتصح نعمه
ندعي الله ابرسوله وكوثر العصمه
وجاه حسين لا يحرمنه هالخدمه
يرب ابفاطمه اتقبل عملنه
ويه حسين لتفرق شملنه
واحفظ هالمجالس والمعزين
السعيد الترضه عنه ام الحسين

سيد علي الموسوي

‏مقطع صوتي من سيد علي الموسوي

خدم يافاطمه واتحزمينه احزام
وياكم عهدنه ابكل سنه وكل عام
هالخدمه شرفنه وبيهه نرفع هام
(خدام حسين اتأمرينه)

اي والله يزهره وكون نوفي الدين
تره كل احنه للعباس ممنونين
نظحي ارواحنه وهم نبقه مطلوبين
(مانوفي الضحاهه اچفوفه)

مو موكب اجينه عن شكل هيئات
يالزهره اعتلت من الخدم صرخات
عجل ياالهي الصاحب الثارات
(خدام حسين وخدامه)

سجلينه يزهره الليله سجلينه
والخدمة حسينچ دوم وفقينه
دنيه او اخره بحماچ تدرينه
(مولاتي وغيرچ ماعدنه)

سيد علي الموسوي

شدو احزام يحباب الزچيه
لحياء الليالي الفاطميه

شدو احزام لم حسين ياخدام
مجلس فاطمه رايدله شد احزام
واللطام خله ايحشم اللطام
للزهراء وسعوهه العزيه

للكسرو ضلعهه وتجري مدمعهه
وسعهه العزيه الليله وسعهه
باللطميه أوجع وايدك ارفعهه
خلي ايشوفك المهدي المسيه

عزاء أم الإمام الروحه مختنگه
عله باب الوديعه اشلون محترگه
دگ صدرك يغاتي والطم ابحرگه
واسي المصطفى وحامي الحميه

واسي الهادي والكرار والعتره
تجذب حسره كون وحسره من حسره
صدگ مالت مناحه امصيبة الزهره
مصيبتهه بدايه الكل رزيه

شنسولف مصيبة فاطمه عنهه
بوابة مصايب تنفتح منهه
اشگد اجروح بس مازيدت ونهه
غير اجروح يوم الغاضريه

طف الغاضريه اهموم فوگ اهموم
ياجرح السبي الما ينسي فد يوم
نبقه انصيح آ يحسين يامضلوم
وانقيم العزه الحد المنيه

سيد علي الموسوي

يلومون يلومون...يعله ندائي
بالعيون بالعيون...صورة ولائي

آني والعشگ...لاما نفترگ
موعشرة وهم...عشرتنه صدگ
عابس بالهوه...وگلبي محترگ
صايرلي العزه...وي نبضي يدگ
يجرحون يجرحون...وارفع لوائي
بالعيون بالعيون...صورة ولائي

امن احزاني الفرح...فاتاني وجزه
واهس ماإلي...بس ابهل عزه
إجروحي بالگلب...هل متمركزه
بفنون اللطم...أملك جائزه
ميدرون ميدرون...روحي ابعزائي
بالعيون بالعيون...صورة ولائي

خدام العلي...آنه وكل هلي
وابيا فاطمه...صوتي يعتلي
عالدنيه افتخر...ابعشگي الأولي
وبهل تعزيه....أقهر عاذلي
عشگ جون عشگ جون...أقره ابرثائي
بالعيون بالعيون...صورة ولائي

من نار الخيم...دلالي انچوه
والهذا السبب...من ألطم دوه
صدري يختنگ...والمجلس هوه
يرويني عشگ...شيال اللوه
بالجنون بالجنون...صار اكتفائي
بالعيون بالعيون...صورة ولائي

بجواء العزه...هايم من زغر
والطاري السبي...أجزع من يمر
لطمي ودمعتي...بيهن أفتخر
ولحسين او هله...ثوبت العمر
يأمرون يأمرون....أهل الكسائي
بالعيون بالعيون...صورة ولائي

سيد علي الموسوي