منهاج محرم ١٤٤٤هجرية
الليلة الثانية
رئيسية


مأسي كربلاء......... بجت الأرض وسمه
ماسي كربلاء......... سبت زينب فاطمه
اهشمت لحسين الضلع
علمصاب أجري الدمع
انه المهدي انه المهدي
###########################
اول مآسي كربله لحسين ماسالم ضلع
مطشره اوصاله الثره وجسمه متغير وضع
مثل شمعه ضاويه وهسه مْن خمد الشمع
وأنه وي حزني أظل اذكر واهمل الدمع
أهلُها الدموع........ علحصل بإرض الطفوف
أهلها الدموع....... لكطعت جثته السيوف
الجسمه مايرهم جمع
علمصاب أجري الدمع
إنه المهدي انه المهدي
&&&&&&&&&&&&&&&&&&&&&&&&&&&
ثاني مآسي كربله الخلت بكلبي إثر
عمي نايم علترب جفوفه طاحن علنهر
خيمه تحمي للحرم الأمر الناهي الكمر
تالي مابين الغرب يتسيد عليهن شمر
تعالى هل بُكاء........ والسبب حرمه بغرب
تعالى هل بكاء......... ماأكف دمعي يصب
السوط غيرهن وضع
علمصاب أجري الدمع
انه المهدي انه المهدي
$$$&$$$$$$$$$$$&$$$&$&$&$&$&$
ثالث مآسي كربله أخذت ليله رِبَ
تبني جانت بالحلم تالي سافر بالهَبَ
ليله من حزن لحزن كالجمر متلهبَ
الموت لو يصبح رجل أوكف انه عاتبَ
عِتاب الفاقدين........ للموت مايرهم العتاب
عتاب الفاقدين........ والد فاكدله شاب
شاب و بعمر الشمع
علمصاب أجري الدمع
انه المهدي انه المهدي
===============================
رابع مآسي كربله الهدت بحيلي ركن
أطفال تتباجه وحرم الظاهر عليهن حزن
طفل إصغير عمر يبجي عطشان ويون
وأنه كل أنَْ اموت وكلبي للمي مايحن
والعينُ تربي........ بالقهر نهر الفرات
والعين تربي........وعندي وياه ذكريات
عطابه كلبي ومنصدع
علمصاب أجري الدمع
انه المهدي انه المهدي
&&&&&&&&&&&&&&&&&&&&&&&&&&&
خامس مآسي كربله بجت الأرض وسمه
الدنيا متغيرت وضع الغيث ينزل مندمه
بيه نيران وسبي لمخدرة حامي الحمه
مو فقط هذا الحصل شتمو امي فاطمه
اضجو بالأنين.........إعله عمتي بالسبي
اضجو بالأنين.........انسبت ستر النبي
تولاني دهري بالصفع
علمصاب أجري الدمع
انه المهدي انه المهدي
&&&&&&&&&&&&&&&&&&&&&&&&&&&
هواي مآسي بكربله والحملهن جن جبل
ساعد الله عمتي تيههوه من حصل
شافت إخوته جثث ومات من عده الأمل
مصايب ابكلبي سرت والدمع مني نهمل
تباكتُ السماء........تبجي بصوت حزين
تباكتُ السماء........ وتهتف بثار الحسين
تبچي والصوت انسمع
علمصاب أجري الدمع
انه المهدي انه المهدي

حسين العميدي الحلي

منهاج محرم ١٤٤٤هجرية
للخدام
نزلة موشح على الطريقة النجفية


صوت يبقى بهل شعائر معتلي
احنه أنصار الزجيه والولي
ذبنه وسط الموت مانترك عل
مانعوف آل نبي وشما جره
🌹🌹🌹🌹🌹🌹🌹🌹🌹🌹🌹🌹🌹
عهد ويانه يِضل اومايزول
واليعادي المصطفى شنهي اليكول
للأبد حبنه بقه الـ آل الرسول
مانعوف حسين وارث حيدره
🌸🌸🌸🌸🌸🌸🌸🌸🌸🌸🌸🌸🌸
نطالب بثار الزچيه شما حصل
مانزل عن هل طريق أو لو طول
والله لو نتگطع بحبهم وصل
وثار ابو السجاد ضل إعله الثره
🌹🌹🌹🌹🌹🌹🌹🌹🌹🌹🌹🌹🌹
والله ياهل الناس من يخدم ظفر
عالسراط أيدوس للجنه عبر
اخدم ابنيه تره باچر سفر
الخادم الجنه تره بدمه شره
الخادم بخدمته للجنه شره
💮💮💮💮💮💮💮💮💮💮💮💮💮
شلون نترك واحد بعطفه انعرف
يتلتل علينه بعطف سيل وذرف
خدمة حسين النه هذا اعظم شرف
ويعرف بهل نيه سبع الكنطره

🌹🌹🌹🌹🌹🌹🌹🌹🌹🌹🌹🌹🌹
منهو يوكف بالشدايد والمحن
غير أهل بيت الرساله بكل زمن
اذرف الدمعات ووكف بالصحن
قاضي الحاجات مولاي ودره
كل طلب ابن النبي مياخره
🌼🌼🌼🌼🌼🌼🌼🌼🌼🌼🌼🌼🌼
كاتب إلهم بالدمه والله عهد
مو فقط هذا الكلام إلنه بعد
يبقه ذكر حسين خالد للابد
شلون نترك الّي كطعو منحره

حسين العميدي الحلي

منهاج محرم ١٤٤٤هجرية
الليلة الثانية
نزلة

نصيحة الى نفسي اولا واخوتي الخدام

يوم لاينفع مال ولا بنون الا من اتى بقلب سليم والقلب السليم هو حب محمد وال محمد

(وصية )

صوت من كلبي إعتله ........  للخدمة إتعب
هل وسام اعظم شرف ........ خادم لزينب
ياخادم......ياخادم
###############################
ولله يامحله الخدامه كل تعب مابيه
وخلي ميزانك يقينك بالنحور افديه
محد يفيدك يخادم خلي حيلك ليه
تره إموالك ماتفيدك هالخدامه اشريه
اخلص واضمن إلك ........ للجنه مفتاح
بغربتك يوم الإجل ........ صدكني ترتاح
ياخادم .....ياخادم
@@@@@@@@@@@@@@@@@@@@@
يوسف اتمنه يحَصل هالشرف من ربه
يدعي الله كل مسيه دلني يارب دربه
دنيا ما بيه خدامه حرمة وبنص غربه
وانته وبكيفك يخادم مثل ومي وتشربه
يوسف محزم طلب ........من لله طلبه
ولله هالخدمه أبو ........وغلاته آحبه
ياخادم .....ياخادم
@@@@@@@@@@@@@@@@@@@@@
جون اسود من خدمهم صار ابيض لونه
عابس بحبهم تجن وشحلاة اجنونه
عن دراية وعن رواية مو حجي مسنونه
الخدامه نور ساطع مانعيش ابدونه 
يروي مولاي يكول ........ بدموعك اخدم
محد يفيدك يصاح ..........ولذنبك اهدم
ياخادم..... ياخادم
###############################
الخدامه حوت يونس ينجه بيه الصادق
الله خالقنه لأجله ومحله خلق الخالق
الخدامة ثوب ابيض يرتديها الحاذق
خلي كل همك خدمتك ولايسبقك سابق
يونس بوسط البحر .......... ناصب مأاتم
أتمنه لو ل آل نبي ...........يصيحوله خادم
ياخادم......ياخادم
###############################
كل خدامه تنعي ذله وخذه منه العبره
جان اسمي ماله قيمه وشاني جان شصغره
بس خدمة ال الرسالة صار حظي شكبره
اسمي صار اكبر يعالم خادم إعله الفطره
وتاج تلبس بالحشر .........تاج الخدامه
وعلى منبر من ذهب .......يوم القيامه
ياخادم ......ياخادم
###############################
فاطمه بيوم القيامه تشفع لكل خادم
تعرف كلوب اليحبه والبجه وال لاطم
مايهمهه شلون تخدم ولله لإخلص سالم
الزينب ودمعك يسيل فرحة تفرح فاطم
فاطمة بيوم السراط ........ تتشفع إلنه
وبيده دخل الخدم .......... وتضمنله جنه
ياخادم ......ياخادم

حسين العميدي الحلي

منهاج محرم ١٤٤٤هجرية
الليلة الثانية
للخدم رئيسية
(كلمتين)

ياكياني وكل وجودي عمري انذره لخدمتك
فدوه اروحلك يغالي  هواي كلش نعمتك
سمعوا ياخلك هاي الكلمتين 
احبك يشهد الله ياضوه العين
فدوه اروحلك يغالي /٢
&&&&&&&&&&&&&&&&&&&&&&&&&&&
الله لايعذبه امي .........صرت وبحبك عشت
تارس اجتافي بنعمتك..... ترضى عني بس ردت
من مهد...... حتى اللحد..... يبقى لساني يرددك
جنه عِلك.......كلبي إلك...... مشمور كلبي بحضرتك
يارايتك....... تسوه الفلك.....اي شدني بيه بخدمتك
آدم بحبلك تمسك  وصار من أولو العزم
وأحنه يحسين بخدمتك  وداعتك صرنَ زلم
نموت نعيش خدامك يلحسين
احبك يشهد الله ياضوه العين
فدوه اروحلك يغالي /٢
&&&&&&&&&&&&&&&&&&&&&$@@@&
اي احبك يشهد الله........ اتحسسك نسمة بربيع
يوسف بزاويره يبجي..... علكضه بالطف صريع
يهمل دمع..صوتَ نسمع.......يحسين ويه الله شلك
يركض وكع........ كلبه نشلع......ويركض بروحه إلك
طال النظر....جدمه عثر...... و ليه صدت نظرتك
اي جنج فطرس شفيته يوم فاطم ولدتك
َإعتنت ليك الملائك رحمة الله شافتك
حسين وشوسع كلبك علمحبين
احبك يشهد الله ياضوه العين
فدوه اروحلك يغالي /٢
$$$$$$$$$$$$$$$$$$$$$$$$$$$$$$
أيوب من علته تشافه...... إبير عطفك يلحبيب
شفت بترابك عجايب.....كلشي مو منك عجيب
شفت القصص.... يمك تقص.... مكرمم وعنده شلل
تشافه المرض...بصحنك ركض..بجسمه طابت كل علل
كلبي لكهل...... بيك نذهل......عقلي تجنن بلحصل
خلني عابس بالخدامه كلبي اربطه بمجلسك
كرب من عندي مصابك  وفقني اصيراً عابسك
اي وخميت البشر مامنك اثنين
احبك يشهد الله ياضوه العين
فدوه اروحلك يغالي /٢
$$$$$$$$$$$$$$$$$$$$$$$$$$$$$$
امي رضعتني مصابك......أي وصار براسي حظ
ريت وبجسمي الحوافر...... هيج هيج ترضه رض
خادم شرف/وانته الشرف/وريت خادم للخدم
ياموطني.....ليك اعتني...... انه من دونك عدم
مثل العثك.....ريت احترك.....ويه حركات الخيم
جروحي شده ويه ضعنكم وريت اعيش بعالمك
خلني اشيل اجروح كلبك من اطب لمأتمك
من اطب لمجلسك اتحسسك وين
احبك يشهد الله ياضوه العين
فدوه اروحلك يغالي /٢
&&&&&&&&$$$$$$$$&&&$$$$&$$$$$
تريد من الله نجاتك........ حسين مركب للنجاة
ولله لولاه خدمته.............ماكو طعم لهل حياة
سر الحيا...... معنى الآبا......يحساسك يعطش نهر
واضح إلي........يابو علي........ اللزم ابدربك ظفر
روحي نذر.....لااغله البشر...من رسمك يغار الكمر
ياعشيرة البيه نلتم اتوزع الحظ والبخت
عيني ماتبجي لمصابك كونه اعيوني عمت
نميز هل بشر عن الشياطين
احبك يشهد الله ياضوه العين
فدوه اروحلك يغالي / ٢
$$$$$$$$$$$$$$$$$$$$$$$$$$$$$$
خدمتك عصاة موسى....... ادلي الأعوج علطريق
ذايب بشاطي الخدامه....... جن حبل ينقذ غريق
شهر الحزن...بدمع الجفن......للناحت إعليه السمه
تبچي دمه....... ومتألمه...... نشرت قميصه فاطمه
مششكك غده..... بفعل العده..... ملطخه اثيابه دمه
إعجني ويه نار المخيم حتى روحي تحترك
ريت يحسين الحوافر تسحك اضلوعي سحك
احبك ثم احبك ذني الاثنين
احبك يشهد الله ياضوه العين
فدوه اروحلك يغالي ٢

حسين العميدي الحلي

منهاج محرم ١٤٤٤هجرية
الليلة الاولى
رئيسية

عدنه خدام جانوا ويانه يخدمون وشادين حزمهم والسنة فقدناهم بالعزاء فكأني بإحد الخدام ينعى اخاه الخادم
يقول :-


البارحة جنه سوه ولمتنه جانت حلوه
الموت فاركنه وسف وشنصبر إعله البلوه
بكد عزه شيخ العشيرة
خلة الخادم جبيرة
راح اخونه
@@@@@@@@@@@@@@@@@@@@@
البارحة جنه نسولف سالفة جرح ودوه
نجتمع ننصب عزية تفاركينه جن هوه
اه ياموت النحب مثل السهم
صاب دلالي وترس عيني وهم
كسر إخْواطْرنه جن كسرت قلم
ناصب بكلبه العزه والخدمة جانت همه
طَيحَتَه مثل الوطن ولمن يكع شيكومه
مو فرد راحتلي ديرة
خلة الخادم جبيرة
راح اخونه
@@@@@@@@@@@@@@@@@@@@@
من يمر طاري المخيم يلطم بحركة الصدر
يذكر الجانت أميرة وحيل غيره اليسر
من سمع بحسين حزوله النحر
ظامي علتربان وب حر الظهر
نزفت ادموعه مشاعر كل قهر
يبجي بأخلاص وصدق وبكل بياض النية
صوته يصدح بالعزه واويلي علمسبية
ميت العنبر عبيرة
خلة الخادم جبيرة
راح اخونه
$$$$$$$$$$$$$$$$$$$$$$$$$$$$$$$$$$
فاركينه اغله النحبهم بالكلب حسرة وإلم
راح اخونه كله طيبه طيحته مثل العلم
يدعي الله أعله الخدامه بالثبوت
جانت امنيته بهظمته من يموت
وبمجالس شور تابوته يفوت
من يمر طاري السبي تخنكه حيل الحسرة
من مجلس لمجلس يطب امنيته هاي بعمرة
عَلْي لموه بحصيرة
خلة الخادم جبيرة
راح اخونه
@@@@@@@@@@@@@@@@@@@@@
جانت احلامه يواسي الزهره روحه ومنحره
تحققت هاي امنياته بموته جبرت خاطره
وبهذيج الظلمة ياربي دعه
بطور حمزة ومن قراله الفاجعه
اني غير حسين كال بمصرعه
تقبل الله من دعاه وحسين اجاه الكبره
انفتحت ابواب الأرض بكل كتر بالحفره
من رحل ماكو نظيرة
خلة الخادم جبيرة
راح أخونه
@@@@@@@@@@@@@@@@@@@@@
اليخدم الزهره بعقيدة عن دراية وعن فهم
يوكف حسين بجراحه يحقق أحلامه بعزم
جانت أحلامه الشفاعة بالحشر
وعالسراط أيدوس للجنه يعبر
ينور إعليه الظلامه الب الكبر
ولفي أخلص ياخدم وبالكبر حصل رفعه
هنياله صدره باللطم أزرك أعله البضعه
اه يادنيا شصغيرة
خلة الخادم جبيرة
راح اخونه
@@@@@@@@@@@@@@@@@@@@@
كل عزه اليلة نعاله بصوت جاسم من صدح
راح ياوسفه أخونه بكل محب خله جرح
محزم أحزام الخدم طول السنين
رايد من الباري بس ذني الثنين
يخدم المنحور ويعفر الجبين
راح اخونه يابشر لون النوارس كلبه
قربان يالزهرة إلج والفركه تكتل عكبه
نبجي بدموع الاسيرة
خلة الخادم جبيرة
راح اخونه

حسين العميدي الحلي

منهاج محرم ١٤٤٤هجرية
الليلة الثالثة
رئيسية لمولاتي العليله عليها السلام


مشتاكه وعيوني انطفن......بوية بوية
لهفانه إروح ويَ الظعن ....بوية بوية
بوية لاتتركني وحدي
عِلتي لو رحتوا تبدي
لهفانه إروح وي الظعن ......بوية بوية
###############################
انه العليله بحسرتي ..........كظيت ليلي بونتي
يخنكني لو مر الهوه
لوعة بفوادي تستعر ..........شيباتي بينن من صغر
بالفركه دلالي انجوه
يابويه ريت ويه الخدر ........ويجوي رجليه الجمر
اي وانه وياهن سوه
وبعلتي إركض إلك .......... بدموعي إجيت اتوسلك
تجرحني جلمة نينوه
ويه الهوه أرسل عتب ........بوية بوية
شو عايف ابنيتك عجب .........بوية بوية
انه وحدي ومنهو عندي
علتي لو رحتوا تبدي
لهفانه إروح وي الظعن .......بوية بوية
@@@@@@@@@@@@@@@@@@@@@
رسايل حزن يا بوعلي........إصغيره بالهم تبتلي
تقبل يبوبه ياكفو
وخْذني بويه العالمك .........وعتابي إدري يإلمك
وإرد استميحك بالعفو
ويه الظعن ريت نسبي .........هجرك يغالي جن نبي
مشتاكه لحضانك دفو
إتوجه بويه بدمعتي ......... تكسر خواطر ونتي
مثل رحل من ايده اخو
اركض إلك مثا الفكد.......بوية بوية
يعكوب لو لاكه الولد.......بوية بوية
حزني ميوصفنه سردي
علتي لو رحتوا تبدي
لهفانه إروح وي الظعن.......بوية بوية
###############################
معاتب أكظيه الصور ........وطولي ياويلي انكسر
شيكظي ليل بلا دمع
ظلمة روازين الهجر .......... جن تأخذ اسنين العمر
ماسلمت مني ظلع
وحسرة تاخذني أسر ......... اتمرني واشتملك عطر
يحركني جن خيط الشمع
الدنيا لا خل وإهل ............جن ريح ويهز الجبل
جن عمري ورده وتنكطع
سابيني دهري بلا سبب .......بوية بوية
باكّك من أيدي ذهب .........بوية بوية
ذوبت يابويه جبدي
علتي لو رحتوا تبدي
لهفانه إروح وي الظعن........بوية بوية
###############################
بلهفتي جيت ارتجي ......... وإحزاني تاكل مهجتي
وياك اخذني لكربله
عالنوك اركب لو هزل ......... موش العليله انه أظل
ارد انسبي وي العايله
بس هاي بوية ماردت...........نحرك اشوف من طحت
وتبقى روحي معلعله
ولا اردشوفنه الكفل.........من طفوا اعيونه بنبل
كليبي ورده شتحمله
اتحمل آهات العطش........بوية بوية
ولا غربة شالولي نعش ......بوية بوية
منهو يحفر ليه لحدي 
علتي لو رحتوا تبدي
لهفانه إروح وي الظعن.....بوية بوية
@@@@@@@@@@@@@@@@@@@@@
ازحف اجيت إعله الظعن ........لتعيفني بهذا الوطن
وظلمة داري بلا ضوه
يوميه اكعد انتظر .........هالبت يجي منك خبر
وجدمي يمشي بلاقوه
وصله وصله تنكطع..........بجسمي ماتلكه ظلع
لعلتي شيرهم دوه
الخله مو شغلة غرب..........بلايه أهلك هم غرب
حسي لو مرك روه
جن عيشت اصحاب الكهف.........بوية بوية
اتنطر الملكه بشغف ..........بوية بوية
موتي يدنه وياك ودي
علتي لو رحتوا تبدي
لهفانه إروح وي الظعن.........بوية بوية
@@@@@@@@@@@@@@@@@@@@@
يابوية ياريت الإجل.............يدنالي ماظلي إمل
ولاتسمع اذاني الجرح
ولاطبت السوك وحجر..........ولا انته مكسور الظهر
ولاراسك يشيله رمح
لا شام إسمع لا شتم ..........ولا اسمع بحرك الخيم
ولا غالي علغبره نذبح
ولا اسمع بصرخة طفل ........وحسين مو جنه قبل
بحر الشموس ومنطرح
لو تاخذني وياك بغرب ......بوية بوية
لو موتي يدنالي قرب ........بوية بوية
جبدي مثل نار يغدي
عِلتي لو رحتوا تبدي
لهفانه إروح وي الظعن.......بوية بوية

حسين العميدي الحلي

منهاج محرم ١٤٤٤هجرية
الليلة الثالثة
موشح


بوية لهفانه اشوفك واسترد
قوتي وعافيتي من بعد البُعد
###############################
بوية ارجع انه بنتك يلحنين
لو اخذني وياك عذبني الونين
مستعد النوك اصعد ياحسين
علة وداعك غدت نار بجبد
@@@@@@@@@@@@@@@@@@@@@
بوية بفراك عشت عمري غرب
نار واسهام المصايب بالكلب
وانه موش عليله ودموعي تصب
توسلت يابوية بالزهرة ترد
#########@@@@@@@@@#########
اه يلغالي وغلاتك والنظر
شابت اجفوني تراه من السهر
بوية ما حان وترد من السفر
بلا غصن ياناس ميعيش الورد
###########@#####@@@#########
من رحت للموت وكليبي عرف
ماترد ليه يبو اليمه وسف
انه يابوية بدونك جن سعف
جن فرحتي بشوفتك عتقت عبد
@@@@@@@@@@@@@@@@@@@@@
رسمت الأحزان يابوية صور
وبانت إعله رسومي اهات الكِبَرْ
شحالي بفراك تره اكليبي انفطر
كليبي بغيابك يغالي منمرد
###############################
تدري يالغالي الابو خيمة وطن
والبنت لو لاه تلفيها المحن
انطر الملكاك وعيوني إعمن
ومايهمني وياك لاحر وبرد
###############################
ريت لو وياك إمشي لكربله
واركب اعله النوك ويه العايله
ولا يبوية جفاك روحي معلعله
عني يابو  الروح لا لا تبتعد

حسين العميدي الحلي

منهاج محرم ١٤٤٤هجرية
الليلة الرابعة
رئيسية

زينب عليها السلام تكلم ام البنين عليها السلام عندما سألتها عن حال الحسين يوم كربلاء فعندما سمعت أم البنين عليها السلام بما جرى قالت .....
حبيبي راح ....... وانترس كلبي جرح
حبيبي راح .......وغير أرسومه الرمح
مصدر إشعاع الضوه
أتنفس بنحره الهوه
وغير أرسومه الرمح
@@@@@@@@@@@@@@@@@@@@@
وجه احلى من الكمر
ذبل إجفونه القهر
مصيبة مااعظم جرت
بچت إعيون الدهر
بعشرة إخيول إنسحك صدر المحنه
وغيرت إرسومه الشمس مو ذاك جنه
بحسرة الفاكد ولد كل ليلي ونه
بين الخيول......وعينه تربي إعله الخيم
بين الخيول......ونظرت الشامت سهم
وينه لجروحه دوه
إتنفس بنحره الهوه
وغير أرسومه الرمح
@@@@@@@@@@@@@@@@@@@@@
احچي بجرحه الصعب 
يمشي يوكع ينكلب
رايح من ايده اخوه
وشلّع إنياط الكلب
يوم راح آله إخوه كض الخواصر
أو فركت الخوه آشد من الحوافر
وعيوني تربي إعله الإحب صورة بمكابر
كسرت حبيب..........وبين إهلال الظلع
كسرت حبيب..........إتوچه بآهات ودمع
روحي وماكو سوه
أتنفس بنحره الهوه
وغير أرسومه الرمح
@@@@@@@@@@@@@@@@@@@@@
تنفس انفاسه الزمن
لفركته  دلال انچفن
واتضح ليه الإمر
لون كلبه كل چفن
ذبلت إعيونه قهر من شاف إخيته
تحشم وماكو إخو وتمشي ميته
وهو رأسه إعله الرمح فزت حميته
بدمع العيون.......وجه إعلينه النظر
بدمع العيون......وشابت اجفونه سهر
بدمعة إفراك إنجوه
أتنفس بنحره الهوه
وغير إرسومه الرمح
@@@@@@@@@@@@@@@@@@@@@
بجمرة الفاكد ولد
حسرتي ليوم لوعد
لاتظن يطفي الجمر
وحزني ماظنه شهد
دمعي نازل علجفن وبكلبي اناغيه
فاتحه بوسط الكلب والناعي يبجيه
وسفه راسك طر غرب والحادي سابيه
وشنهي الإكول ......... كَبْرّ بنحره النبل
وشنهي الإكول ......... والظعن صعدوا هزل
قل جمالَ قل هو
أتنفس بنحره الهوه
وغير إرسومه الرمح
###############################
بحسرة إفراك الاخو
بجمرة إعيوني الدفو
نزفت ادموعي حزن
جنه راحالي أبو
فراكه أمضى من السهم بكليبي يسعر
ريت لو موتي كرب من عندي إكثر
ولاإجاني اليوم بيه راح ابو الأكبر
يادهري ليش ........ماخذ إعزاز الكلب
يادهري ليش ........بلايه إحبابي صعب
اه منج نينوه
أتنفس بنحره الهوه

حسين العميدي الحلي

منهاج محرم ١٤٤٤هجرية
الليلة الرابعة
رئيسية

عندما جال البال إلى عالم الخيال كأني بمولاتي زينب عليها السلام تحاور حوار شكر لأم البنين عليها السلام على موقف أولادها الاربعة في كربلاء فتقول:-
شكرا جزيلا يم البنين
مأجوره إيابت الميامين
للخوة صاروا نبراس
اضرب مثل بالعباس
مأجوره إيابت الميامين
###############################
شكرا جزيلا والنعم للخوه راحوا قربان
لحسين نذروه العمر عبد الله صار البرهان
بريعان عمره يابشر ترتجف منه الشجعان
ماكو بيكم رجال
من برز ليهم كال
ذاك علي الخير ذو الفعالِ
انا بن ذي النجدة والأفضالِ
في كل يوم ظاهر الأهوالِ
سيف رسول الله ذو النكالِ
موقف بطولة اثبت بزود
عن المراجل كربله شهود
أخوتي يارفعة رأس
اضرب مثل بالعباس
مأجوره إيابت الميامين
@@@@@@@@@@@@@@@@@@@@##
ثاني مثل اضرب ألج للغيرة صاروا عنوان
اي جعفر بموقف ثبت مايهم عمر الإنسان
من صال بيهم واذكروا صولت علي بالميدان
جايكم سيف الموت
أرتجل بيهم وبصوت
ابن علي الخير ذي النوالِ
اني أنا جعفر ذو المعالي
حسبي بعمي شرفا وخالي
ولاأخافُ الموتَ لاأبالي
بعمر الترافة تموت الورود
بس جعفرج ظل ذكره موجود
راح العطر ويه الياس
أضرب مثل بالعباس
مأجوره إيابت الميامين
###############################
ثالث مثل اضرب ألج حامي الخدر والصيوان
أعني في قولي الشهم وأقصد بقولي عثمان
عفر بدمه هاالأرض خضر ورد عل اللتربان
بسيف ماهم وأرماح
برز ليهم جن صاح
اني انا عثمان ذو المفاخر
وسيد الكبار والأصاغر
هذا حسين خيرة الأخيار
بعد الرسول والوصي الناصر
من صال بيهم فعله عنوان
شكرا جزيلا يم الإحسان
موقفج خالد نوماس
اضرب مثل بالعباس
مأجوره إيابت الميامين
##############################
رابع مثل أضرب إلج موقف عطش يم عباس
لسانه خَشَبْ يم نهر ونزلت ادموعه بإحساس
اتذكر حسين وشِمَر الماي بيده إعليه داس 
أئتز للجيش وصال
بصولته تخاف جبال
يا نفس من بعد الحسين هوني
وبعده لا كنت أن تكوني
وتشربين بارد المعين
ولا فعال صادق اليقين
موقف رجولة عالنهر طاح
بدونه الفواطم ماكو اروح
ماكو فعل بيه ينقاس
أضرب مثل بالعباس
مأجوره إيابت الميامين
@@@@@@@@@@@@@@@@@@@@@
أخر مثل أضرب ألج وأرد أشكرج كلش حيل
كطعوا جفوف المرجلة وحسين بخلافه يميل
بيوم طاحالي ال الكمر بينه مشوا فوك هزيل
الجربه تارسه بماي
وكل سهم ليّه جاي
اني انا العباس اغدوا بالسقا
حتى أوارى في المصاليت لقا
ولا أخاف الشر يوم الملتقى
نفسي لسبط المصطفى الطهر وقا
ساقي العطاشى بيوم الطفوف
المثل كال اتعيش وتشوف
عشت وشفت ياهلناس
أضرب مثل بالعباس
مأجوره إيابت الميامين

حسين العميدي الحلي

منهاج محرم ١٤٤٤هجرية
الليلة الخامسة
(محطات العمر) رئيسية

محطات العمر تكظي بحزن بوية يغالي
بعد شيظل صبر وانه بعمر طولك حلالي
محتاجتك مثل الماي
يلشوفتك عندي هواي
وانه بعمر طولك حلالي
@@@@@@@@@@@@@@@@@@@@@
بوية مسلم انه بنتك ونتخي ترجع إلي
ارجع ارجع دهري غربة وبالهموم انه ابتلي
انته روحي وكلشي عندي بالنفس دونك شلي
يافرحتي وسر إماني
دهري بعدك دولباني
تدري حالي من عفتني
امشي واحسب ميته اني
مثل روج البحر دهري مشه وانه شبدية
وانه بسدك أكف مثل الجبل يابو الحمية
دار الزمن يادنياي
يل شوفتك عندي هواي
وانه بعمر طولك حلالي
###############################
دنيا غابة ياملاذي وفركتك كسرت ظهر
عيني تربي كل مسية هالبت ويرجع خبر
بوية بوية ياسلوتي شنسه انسه من الذكر
بوية مسلم ما تردلي
عيني بعدك ولله تهلي
يارسومك وشغلاتك
شوفتك كل همي تجلي
انه وياك ارسمت حلم العمر يابو المحنه
دصد عينك إلي ياشمعتي لاتمشي عنه
جم لوعة ظلت بجلاي
يلشوفتك عندي هواي
وانه بعمر طولك حلالي
###############################
عندي طلبة ولاتردني بجاه هادينه النبي
ارد أشبكك وارد أشمك وما اشم نار العبي
اشتكيلك عيني شافت هاشمية تنسبي
صعبه ولله وياحسافه
ينسيي ضعن الترافة
امشي اسمع بوية فاطم
تنشتم وبكل صلافة
يبوية والكلف خدر النبي بذيج الخرايب
وحبيبك بالشمس ذاك الظهر حدر الترايب
حسرة وإلم يامولاي
يلشوفتك عندي هواي
وانه بعمر طولك حلالي
###############################
دمعي نازل كلبي ذايب من شفت ذاك الجرح
ياحسرتي بعيني صورة كمرة واحلى من الصبح
بوية ولله حسين شفته راسه من فوك الرمح
و دمه يتكاطر نظرته
موتي من ساعته ردته
ولله منظر بوية يجرح
جثة وبلا نحره شفته
يبوية شدتي بعدك تره هدتلي حيلي
انه وليلي عتب كل مايمر منه يويلي
هلي الدمع ياعيناي
يلشوفتك عندي هواي
وانه بعمر طولك حلالي
###############################
كطره كطره عمري يوكع من على شاطي الحزن
وانه طفلة يابو روحي وعيشتي بدمع الجفن
هالبت الله بحلمي اشوفك واكحل عيوني واحن
عندي لهفة تهد رواسي
لجيتك يا تاج راسي
سلمت امري شبدية
ولله يعرف شوكي قاسي
ياشوك النظر تدري الزمن بوية هجرني
ويا وسفه بغرب امشي بيسر يبرالي وني
علة وسرت نص عضاي
يلشوفتك عندي هواي
وانه بعمر طولك حلالي
###############################
حجاية وحدة وهايه توجع شبيدي يابوية لجن
تدري زينب ياوسافة شخله بيه هالزمن
حتى إخوها ما عرفها تغيرت من المحن
علعلتها صعدت النوك
وياهضيمة تحجي الإحلوك
ومن إميرة  ليا أسيرة
ومن خِدره لطبت السوك
وششكيلك بعد هذا السده فكدك كتلني
يا فرحة طفل ضيع وطن بحذاك اخذني
وبروحتك ضاع الرأي
يلشوفتك عندي هواي
وانه بعمر طولك حلالي

حسين العميدي الحلي

منهاج محرم ١٤٤٤هجرية
هلالية
(وصية ) عكيلي

هل إعلينه هلال محرم
لحسين اخدم كوم تحزم
###############################
يل رايد من ربك رحمه
خذه حجاية حجاية زلمة
لحسين اخدم شد الهمه
جنه الخدمة وبيه تنعم
###############################
ارفع ايدك وادعي برك
حسين الغالي بعطفه ينظرك
اخدم وخلص يرفع قدرك
بشدتك يحضر افضل مَكرم
##############################
من اسلافك خذه العبره
وويه حسينك خلك عشره
كلشي انطانه اعياله ونحره
واجري الدمعة بكبرك تغنم
$$$$$$$$$$$$$$$$$$$$$$$$$$$$$$$$$$
ارخص حيلك لحسين اتعب
جلمة خادم افصل مكسب
شيخ حسين وليه تتنسب
خلي دموعك علخد من دم
###############################
عابس خله بكلبك ونجن
عيونك كلهن لحسين اعمن
وخلي جروحك دوم يسعرن
وحجي الوادم ليه لا تهتم
###############################
موسى وعيسى ونوح وادم
ويوسف رادوا من الله المغنم
ناجوا ربهم نعيش محرم
ولأجل حسينك ميك يحرم
###############################
خلي إلسانك بأسمه يردد
وعن فاتحته دومك انشد
افضل قربة وربك تعبد
يرضى الباري بكبرك تسلم



حسين العميدي الحلي

منهاج محرم ١٤٤٤هجرية
الليلة السابعة
مقدمة عزاء


تقول السيدة زينب عليها السلام في وصف الإمام العباس عليه السلام من المهد إلى اللحد وموقفه في كربلاء وعبادته لله و....... يكفي فقط هو العباس عليه السلام.
حرت اوصفنه الكمر........... بجوده يتروه النهر
خَيَرَه كفاني وغمر...........(مااعيش ابدونه/2)
###########################
انته يااول نجم مايطلع بليل
انته ياشمة هوه ياريحة الهيل
انته يلمرقد عشك بس داسته الخيل
بفراكك اعيوني طفت وميت الحيل
بحسرتي اكظي العمر.......... دمعاتي نزلن كالجمر
ليلي يصعب لو يمر......... (مااعيش ابدونه /2)
###########################
انته يااول نهر ومعطش الماي
الذكره البالي عجيبه تحير الرأي
من تسامرنه سوه وتسولف وياي
كلت عذريني تراني مقصر هواي
خويه حاشاك القصور.......... نلتقي بيوم النشور
الشوفته روحي تفور.......... (مااعيش ابدونه /2)
###########################
انته يااول جرف متهزه موجه
انته يحجاية بخت مخرس العوجه
حرت شكتبك وصف يالماتوصفه اهزوجه
انته ابو فاضل بعد متهمه روجه
انته ابو الفضل واباء.........للوفه يضحي الدماء
فرقتنه كربلاء........... (مااعيش ابدونه /2)
###########################
انته ياأوفه البشر ياكمرة الكوم
ردت ارسمنك عِلْم ماتكفي الرسوم
انته بن خير الوره المحير العلوم
من رحت مني تره رافكت الهموم
بهمي وعيوني تفوح..........كبرت هواي الجروح
وأنه أظل اذكر ونوح.......... (ماأعيش ابدونه/2 )
###########################
انته ياأكرم رجل بالكرم معروف
معزب الظيف اليجي ديوانه موصوف
يذبح النفس وهواه الخاطر ضيوف
انطه لحسيني تره عينه والجفوف 
حارت بوصفه العقول.......... هذا ابن فحل الفحول
وأنه من بعده اكول............. (مااعيش ابدونه/2)
&&&&&&&&&&&&&&&&&&&&&&&&&&&
انته ياشرف نسب يانسل الايمان
انته بن فارس مضر وابن اعبد انسان (المقصود علي ابن أبي طالب عليه السلام)
ذلّل الباري إلك كل هاي الأكوان
اسأل الله بغيبتك يالهمني سلوان
راحت ايام الدلال.......... همي متشيله الجبال
بموتته ضهري هلال........(مااعيش ابدونه/2)


حسين العميدي الحلي

منهاج محرم ١٤٤٤هجرية
الليلة السابعة
موشح

كاني بمولاتي فخر المخدرات تخاطب أبا الفضل والاباء سيدي ومولاي الإمام العباس عليه السلام فتقول بفخر:-
انه اخت عباس راعي المرجله
الضحه بالجفين لأجل العايله
###########################
هذا راعي الجود راعي المفخره
هذا راعي الشيم سبع الكنطره
ولله وراث كل شجاعة حيدره
ارتعدت العدوان منه ابكربله
###########################
مثل ابو الحملات رفت رأيته
شتت الاشرار كله بحملته
هيبته الكرار صارت هيبته
زود ابو الحسنين هو حامله
###########################
شرد سولف عن وفه راعي وفه
بين العباس جوده بموقفه 
ضحه جفينه بعزم وبمعرفه
وحصل من بارينه أشرف منزله
###########################
انه اخت عباس مكطوع الجفوف
يفترس هذا البطل وسطه إلوف
من يطب ميدان ميهاب السيوف
وذو الفقار إبيده جنه شايله
###########################
مادخل عقلي تره لحظه افترك
والف ياحيف وتفاركنه صدك
وأنه ويذكراي كل يوم احترك 
وتصبح الصدمه قويه معلعله
###########################
نزلت إدموعه تراه من المحن
بآخر الأنفاس عينه إعل الضعن
ريت لو عاود بعد بيه الزمن
جا شفت عدوانه مرمين الفله
###########################
هذا اخر موقف وانهي بإلم
عن كرم عباس محتار القلم
كطعو جفينه ونصاب بسهم
وأنه بعدك يامصاب اتحمله

حسين العميدي الحلي

منهاج محرم ١٤٤٤هجرية
الليلة السابعة
بندرية

سيدتي ومولاتي زينب الكبرى عليها السلام توصف ماذا حدث في كربلاء عندما نزل العباس عليه السلام إلى الميدان
!!!!!!!!!

ياعِجيد الكوم عم الساده
بسيفهُ البتار ذل القاده
حَيو عباس حَيو عباس
###########################
أَشرقَ النورُ علينا الزاهر بطول السنين
طالع بهيبة وبساله وسيفهُ الحبلُ المتين
قد مَلَكْ ولله الشجاعة من أمير المؤمنين
راضع الغيره ومراجل من ثدي أم البنين
وين فارسكم يزامط راده
مايهاب الموت عنده عاده
حيو عباس حيو عباس
#$$$$$$$$$$$$$$$$$$$$$$$$$$$$$
حامل بعينه الاخوه وعينه مصيوبه بسهم
يملك النخوه وشهامه مو حجي لسان وهم
عن ابو فاضل وباءه عاجز بوصفه القلم
خايفه القاده بصولته الطايح ابئيده انكطم
خايفه القاده بصولته الطاح بيده ماسلم
يااساس الدين يبو المفخره
بكل حميه وزود سبع الكنطره
حيو عباس حيو عباس
&&&&&$&&$&&$&$&&&&&&&&&&&&&
اردسولف عن اخيٍِ وارد اغيض الناصبي
انطه جفينه ابساله تسمه ابو فاضل أبي
عن يقن وعن درايه بصدره يلزمه العبي
يدافع لآخر حياته حتى مانمشي بسبي
يخلبص الأكوان سهله المسئله
ياجبير أفعال تشهد كربله
حيو عباس حيو عباس
&&&$&$&$&$&$&$&$&$&$$$&$&$&$
أشرقت لدينِ شمساً واضحه وضوح السماء
إطلكت ام المحنه وأنجبت اقدس ضياء
حامل بجفه المكارم وكل صفات الأنبياء
مفصله إعليه المراجل يبقى رمزاً للإباء
ياابو النوماس تنكط مرجله
ياكفيل اضعون حامي العايله
حيو عباس حيو عباس
###########################
ياهله بسبع حرايب ياهله بفخر العرب
تسجد الأكوان لأجله من تشب نار الحرب
تسري بدماه الشهامه وينحني عنده الصعب
انده باسمك يغالي يطمن مني الكلب
من يمرني الضيج انده كافلي
يافخر عدنان ياغيرة علي
حيو عباس حيو عباس
@@@@@@@@@@@@@@@@@@@من خطف لون الفرات وساجد الأجله النهر
ميت بشوفَ خياله من سمع بسم الكمر
راكعاً لأجله الضياء وكل رجساً بيه طهر
مايلوحه بالمعارك يسجد الله شكر
هيبة الأكوان صارت هيبتك
تشهد فرسان كله بغيرتك
حيو عباس حيو عباس

حسين العميدي الحلي

منهاج محرم ١٤٤٤هجرية
الليلة السابعة
رئيسية لو نزال

ياشيخ الزلم......... مولاي ونعم
يابو فاضل يابو فاضل
$$$$$$$$$$$$$$$$$$$$$$$$$$$$$$
موت.......... احمر
وارث........ حيدر
بكل صفاتك بكل صفاتك
ياهله بغريته اهلنه وياهله بشيخ السلف
ينكط احرواه ومراجل سيد الغيره نعرف
ضحه بجفوفه بساله للصعب اسمه نوصف
ياهله بسبع الحَرِيبَ اليشرد من ايده شرف
تتباجه شكو........ وتصيح العفو
يابو فاضل يابو فاضل
&&&&&&&&&&&&&&&&&&&&&&&&&&&
أجمل........ منظر
هيبة........... وقسور
ياحلاتك ياحلاتك
هايمه بحبك تراني وسفه ياخويه انولي
انته يارمز البطولة همي بأسمك ينجلي
وارث إصفاته الشجاعه بالحرب جنك علي
الكمر راكع ركوعا كال من فيضه  انملي
منك يرتوي.........من نورك ضوي
يابو فاضل يابو فاضل
$$$$$$$$$$$$$$$$$$$$$$$$$$$$
مضيفك......... عامر
نورك........ زاهر
ياعيوني ياعيوني
يا هله  بعزي ودلالي مضيفك بناره عمر
ياهله بخدري وعزوتي مجتف تجيبه النهر
بخوته اتباهه اني لو يمر طاري الكمر
منو مالكه صفاتك لحيدره طبق الصور
مثلك ماحصل....... كافل يابطل
يابو فاضل يابو فاضل
&&&&&&&&&&&&&&&&&&&&&&&&&&&
اسمك.......... رحمه
ذكرك.......... نعمه
ياكمرنه ياكمرنه
ياهله بكافل حرمنه موت احمر بالحرب
رفرف وارتفع جوده وياهله بعز العرب
لو يطب ميدان زامط وين لخيمنه كرب
ينكط مروه وشهامه مثله ماتلكه صعب
جن حيدر علي......... عشكنه الأزلي
يأبو فاضل يأبو فاضل
&&&&&&&&&&&&&&&&&&&&&$$$$$$$
الله......... اليعلم
جودك........ زمزم
ابو فاضل ابو فاضل
قل هو العباس جوده لم تجد مثله أبد
مثل حيدر بالمراجل لم يلد مثله بعد
سيفه زلزال المعارك لفاطمه منطي وعد
ولله يايمه وغلاتج ابقه للخوه سند
لعهوده وفي..........بالغيرة صفي
يأبو فاضل يأبو فاضل
$$$$$$$$$$$$$$$$$$$$$$$$$$$$$$
ساسِ.........الشيمه
فياي...........وخيمه
يافخرنه يافخرنه
انا أنزلنا ابو فاضل بالوفه صوت اعتله
ثاكل اجيوش النواصب اية صارت كربله
بجفه مخلوقه المكارم جنه سورة زلزله
تسمت باسمه الشهامه اسمه حامي العايله
اية المشرعه........ ضلت واضحه
يابو فاضل يابو فاضل

حسين العميدي الحلي

منهاج محرم ١٤٤٤هجرية
الليلة الثامنة
(ارحم حالي) رئيسية


يمه الاكبر .......مرني بنظره من اعيونك
ريتك تحضر ......تباوع حالي يمه بدونك
يمه الغالي........ارحم حالي
بنظره من عيونك
###############################
انه امك يالولد وبعيني جم حسرة
ولهساع اصورك عيشتني بالمرة
يبو إحساس الترف يلفايح بعطره
ترد ليه بعد لو انسه كل ذكره
ما تجيني.......تكلي يمه .........وحتى يرتاح الكلب
عكبك انه.............بالمكابر ........ ابقه اشمشم بالترب
واشتكيلك......كل عذابي........ واشكي لوعات الغرب
كل حسراتي .........صرت اتنطر يمه طيوفك
ويا دمعاتي..........بالخد تجري تريد تشوفك
امجانك خالي ..........ارحم حالي
بنظره من اعيونك
###############################
متى يرد الشمل والدمعة حراكه
صبر ماظل إلي يادنيا بفراكه 
وحك حيدر علي مشتاكه مشتاكه
وهيجي الله بحلم يايمه نتلاكه
يافرحتي .......وسر دمعتي .......بعدك انه ويه الدمع
يا جمالك ........يا حنانك ........من النبي نورك يشع 
شو دكلي ........ماعرفتك...........الخيل غيرتلك وضع
يبني يبني .......شاطي افراكك هد متوني
هايج حزني ........جمرة وتسعر جا خيعوني
ياأمالي ...........ارحم حالي
بنظرة من اعيونك
#################$#$$$$$$$$$$$$$
وحكك يولدي تمنيت انه إعمه
ولا شوف الإبن عالغبرة ومدمه
ظكت مر الهجر جا مرني لو نسمه
وحزن عيني بديك تشيله يايمه
كلبي يلهج.............كل مسية..........فرحة ليه شوفتك
يبني ليه ............هالمنية .........ومو وكته موتتك
لسه تسعر.............جنه جمره..........من تمرني صورتك
جَنهَ الحافر.........دايس صدري يمه وليدي
جفني يساهر..............انه بحزني صاير عيدي
مهدي خالي .........ارحم حالي
بنظرة من اعيونك
###############################
شغلاتك يالولد لا ترحل بسرعة
واليودع ظنه الله إعرف بوضعة
وعلى طور الدمع يستانس بدمعة
وتحاجي بالكبر صوتي انه تسمعة
ذخري ردتك .........تالي عمري............موش ادفننك انه
هيه هايه...........مجازه تعبي ........ماشفت بعدك هنه
كبرتني .........هالمصايب ..........جن تسعمية سنة
لموتي أتْحَضر...........يمه وداعك ماخذ حيلي
شلون تصبر ...........بايد حيلي وطايل ليلي
دمعي يلالي ..........ارحم حالي
بنظره من اعيونك
###############################
ييمه واشتكي من كسري شيجبره
وانه ويه السهر صارالي جن عشره
والاصعب يالولد يمتعب الشكره
صدك شبه النبي عشرة على صدره
إعوجية ............بلاية رحمه........تدبج بذاك الصدر
وانه اشوفك...........بلايه نحرك.........وشبعد ظلي صبر
ورده ترفه ..........ارد اشمك ........موش انزلك بالكبر
يامذبوحي........... طولك ذاك ذابل لونك ؟
لجمة روحي...........هسه بكبرك كلي شلونك!
يا منوالي ..........ارحم حالي
بنظره من اعيونك
###############################
رسالة وبالعتب اكتبه يوليدي
صدك صارت فرض إفراكك بجيدي
ييمه وشبعد ظللالي وشبيدي
وانه ادعي بالمسه يجروحي لتهيدي
ياشمعتي...........مو وكته..........بروحتك جدمي ثكل
ولله صعبة..........واشتكيلك........السبي وبيه شحصل
من شفتكم ........عل وطية..........ريت لو موتي وصل
غربة الديرة...........بذيج الصحره ونار العاشر
منظر حيرة...........عيني تشوفك عين تساهر
ضايع بالي ...........ارحم حالي
بنظره من اعيونك

حسين العميدي الحلي

منهاج محرم ١٤٤٤هجرية
الليلة التاسعة
رئيسية

قاسم يبني ............ خرزة محبس جيش بسيفك
قاسم يبني ............ ضهضب ليهم واخذ بحيفك
وصيتي لعمك...............ارخص دمك
ضهضب ليهم واخذ بحيفك
###############################
اكصد إله يمه واخذ رخصة منه تقاتل
شد العزم وانه اندعي ولالا يهمك عاذل
بهدم الحسن كوم انتهض وبصيته كون تنازل
يحفظك إلي جدك علي وحيلك يشده الكافل
فرحة عمري .........طب الحومة وارفع راسي
فرحة عمري ........ كلك غيرة يانوماسي
ولا ليهمك ..........ارخص دمك
ضهضب ليهم واخذ بحيفك
###############################
يبني العهد توفي الوعد للغالي ارخص نحرك
وكفت عبد يمه تكف وتكله سمعا أمرك
تكله العمر فدوه إلك ولعمك افدي بعمرك
لاجن صعب فكد عليّ والله يجبر كسرك 
بعدك يمه .......خضر جرحك نار بكلبي
بعدك يمه .......امشي وانه متيهه بدربي
فَرِح إمك ............ارخص دمك
ضهضب ليهم واخذ بحيفك
###############################
كوم اعتلي فوك المهر واحنيه يبني المهرة
وخل صولتك جنك علي وتعبه حيل الشكرة
بالموزمة بهيبة نبي ارضي إلي إبن الزهرة
مضرب مثل خل غيرتك يبني دنيتك سفرة
اخطب كلهم ...........انه القاسم سمعوا حجاية
اخطب كلهم ...........رجعت خيبر بس علثاية
هب بعزمك .........وارخص دمك
ضهضب ليهم واخذ بحيفك
##############################
بصوت الفخر خل خطبتك يبن الحسن ياهيبة
ولله الارض جوه الجدم زلزلها حقك جيبة
يشهد إلك من ضربتك الجيش كله بريبه
ادري كفو انته ونعم حياك يبن النيبة
يشهد عزمك ........ذلهَ الكالت ارجع يبني
يشهد عزمك ........صحت بصوتك حيدر جني
وادري يألمك ........ارخص دمك
ضهصب ليهم واخذ بحيفك
###############################
جان الحلم بيدك انه ريت اندفن يايمه
بس الزمن طبعه الغدر ولا مارحمني بحكمه
يموت الورد حكمة وجرت وخلاني اعيش بهمه
يبني إلي بطيفي تمر وحاجيني يمه كلمه
زهرة روحي .........كوم ومرني وريح عيني
زهرة روحي ......... بعدك صارت ظلمة سنيني
واعرف حلمك ..........ارخص دمك
ضهضب ليهم واخذ بحيفك
####@#########################
اخر طلب عندي إلك ردلي خبر بهدومك
راح النظر بس فرحتي من ترخص انته دمومك
بالحومه خليه الزلم تشهد إلك بعلومك
لعمك ترد يمه بدمه كل همك ومهمومك
هاي وصيتي............يبني الغالي وانته معرف 
هاي وصيتي............ خل صمصامك يشهد بالطف 
وخليه همك .........ارخص دمك
ضهضب ليهم واخذ بحيفك

حسين العميدي الحلي

منهاج محرم ١٤٤٤هجرية
الليلة التاسعة
عكيلي

يوليدي ويا نور اعيوني
من اتروح تذبل اجفوني
###############################
امصابك يالقاسم جارحني
يغلاتك يبني ليش تعذبني
جم حسرة بحسرة تمرمرني
بغيابك باهت كل لوني
###############################
يافرحة عمري وضحكاتي
بعدك هاجت كل لوعاتي
وعرسك صاير كل حسراتي
بعدك خابت يمه ضنوني
$$$$$$$$$$$$$$$$$$$$$$$$$$$$$$$$$$
يالحزنك صاير موضوعي
وانه امك بعدك بدموعي 
جن نار وشبت بظلوعي
جم مرة صحتك خيعوني
###############################
فكدك يبني باك إحلامي
هيج حزني ونار إلامي
مكطع شفتك ولله وظامي
ومن طولك يبني يحرموني
#######$#######################
حيلي بايد يمه وطايح
وتعب ربايه مني رايح
مصابك يبني كليبي جارح
واخلافك رسومك يسبوني
###############################
بذيج الغربة ردتك شمعه
موش بنار تلاكي الدمعه
والفاكد ابنه جا شيقنعه
ريت بحذوك ويدفنوني
###############################
عندي حجاية تردلي يمه
يالقاسم جاوبني بجلمة
شاده بالي غيابك همه
وخلافك ثكلى يسموني

حسين العميدي الحلي

منهاج محرم ١٤٤٤هجرية
الليلة الثانية
رئيسية
بين الحاضر والماضي

كأني بالخدام يحشم واحد الاخر على الخدمة في شهر محرم الحرام لمواساة فاطمة عليه السلام لانها ام المصاب الأول

كل الأرض تبجي دم الدمع سال
شهر الجرح قادم بجروحه الثكال
ياخادم تحزم .......قد جاء محرم
بجروحه الثكال
###############################
اول مراسيم الحزن
وفاطمة بدمع الجفن
تنشر قميص حسين متلطخ دمه
وتنصب عزاء تنوح كل من في السمه

والقاري اسمع يقره
اه يمصاب الزهره
وتكله يامله إعد الله يوفق الشاعر

صوت البواجي عالي
وجن مله حمزه يلالي
ومَهْدَكْ إهزنه عبد يقراه تكسر خاطر
(إهز مهدك يعبد الله )
ام الولد طلبت تالي الربه جروح 
وتكابلت تنحب ويفاطمة تنوح
يادنيا شبدينه ..........محرم هل علينه
بجروحه الثكال
###############################
ثاني مراسيم الدمع
وفاطمة بكسر الظلع
تكصد لبو السجاد كل ماتم إله
وتلطم على الخدين لأجل العايله

بطور العراقي المقتل
يذوب الصخر لو رتل
إتكله ياخادم إلي إقره مصاب القاسم

يمصيبة هاي الدارت
اعله ام الولد هم جارت

وتنادي سيد ونتك هيجت جروحي جاسم

(اطالبك سهر ليلي والمنازع ذاك
واطلبك بالبن من درتي الغذاك
نسيت رباك ياجاسم نسيت رباك
وهو رباك يمدلل اتعبله )

ظلت تون رمله ياجرح المصاب
وتواسي بالزهرة الطاحت وره الباب
ياوادم جرحهن ............غير من وضعهن
بجروحه الثكال
##@###@#@#@#@##$###$#$#$#$#$@
ثالث مراسيم الشهر
يعطش وفه مي النهر
بيوم الكمر عباس تتنكس عكل
وبي ينفتح ميدان والبيرغ يطل

والشاعر اسمع هوس
كباله الشجاعة تخرس
رباطه جان إعله الزلم كدامه ماصح زلمة

والمله صوته يصدح
وبطور الشجاعة يشرح
كيف انخلق راعي الوفه إلم ترى شهل جلمة
(إلم ترى ......كيف ابدع ربك في العباس
إلم ترى..........اوفى واشجع واحلى من كل الناس
الله من سواه ....كلشي صاح لله......وحده ماثناه
ابا الفضل )

صوت الكمر ناده بكل رقة وحساس 
كسرت ظهر صعبة واويلي عباس
يهلال المصايب .........راسي وكلبي شايب
بجروحه الثكال
###############################
رابع مراسيم الحزن
كل مغرب وليلى تون
وصوت والنين بطور ياسين وطن
يمه الولد ياناس مو ليه الجفن

ليلى اسمعته تنحب
وتكابلت وي زينب
واعله الدمع يمه انه وردتك ذخر يلغالي

وباسم ونينه يفطر
بشاطي المصايب يبحر
ألطم يوادم وبجي وونتي صفت تبرالي
(قلب مجروح خليته إعله ادية
وصحت رحماك يارب البرية
إلك دعوة غريبة ........علي سالم تجيبة
قلب مجروح )
ام الولد رادت يدفنه ترتاح
وتالي الرِبَ باكه ياوسفه ذباح
يافرحة التمرنه ............رافكنه حزنه
بجروحه الثكال
###############################
خامس مراسيم الحزن
من فاطمة تشوف الإبن
عالغبرة ظل ياناس لا غسل وجفن
وبصدره عشرة خيول ياوسفة نطحن

يوليدي ايا مصيبة
وزينب تراه غريبة
طور النواعي اسمع تره جن مله ثائر يقرة

بطور النجف يخادم
كلتله اقره فاطم
عبد الرضا اقره إلي زينب غريبة الحرة
(زينب ياغريبة ...........الله شمصيبة
وجهج يازينب وين
مذبوح اخوج حسين
والجثه سليبة)
يازينب الغيرة شبيدج تكدرين
عالغبرة خوانج وسفه صريعين
وحسيني جبيرة ..........شالوه بحصيرة
بجروحه الثكال

حسين العميدي الحلي

ابوذيات
###########################
جرح طفلك يجدي لسه بيه
وعينه اذرفت تدمع لسبيه
العقيله روحي احسه ليس بيه
تهيم إلهم حزن بلغاضريه

عشعش بكلبي الحزن وعاشريته
والكفلني بحال هظمي  وعاش ريته
يشوف لجره بْسَبْيِ     وعاشر يته
ولاشوفن ينذبح ابن الزجيه

بعيني الطف نظرته يمه ريته (يمه شفته)
الگلب لمصاب اخوتي يمريته (جمريته)
وعدل عباس كونه يمي ريته
چا محد چتف بحبال اديه

لو اكظي العمر ابجي والآمال
رابط باحبهم سنيني والآمال
بيوم الابن ماينفع والآمال
بس حب ال نبي ينفع إليه

كلبي جن غصن ذابل وردله
وبدرب الخطأ رايح وردله
ملك الموت يسألني وأردله
انه غير حسين ماعندي تجيه