محرم الحرام  ١٤٤٦ هجري
استهلالية ٢
مقدمة عزاء (خادم حسيني )

لآخر سنيني ..........خادم حسيني
###############################
ابقه افتخر طول العمر خادم لبو اليمة
سلطان انه بين البشر سواني بالخدمة
نعمة وعلي توجب شكر للباري عل النعمة
لآخر نفس دمع الجفن عل سلبوا هدمة
يانور عيني ........خادم حسيني
$$$$$$$$$$$$$$$$$$$$$$$$$$$$$$$$$$
عبدك كصد يابو النعم ياحلمي وضنوني
جيت ارتجي يبن الولي اقبلني يعيوني
وبخدمتك مجنون انه وبحبك جنوني
يافرحتي ويادمعتي وبكبري خي عوني
غيرة جبيني .........خادم حسيني
###############################
يبن النبي بيوم الحشر ماعندي بس انته
يإول نهر ظامي وسف مثل خشب شفته 
صيت العرب بيك احتمه والباقي ظل سكته
اليوم وغدا حبك وعد والزهرة ما عفته
جلمة بيقيني ........خادم حسيني
###############################
هويتك انه ياسيدي من مهدي عل فطرة
شعري حبر مايوصفك وصفي إبحر قطرة
عشتك جرح بس ياجرح حبيته والزهرة
ويابو علي شفتك رسم بس منكطع نحره
دمعي وونيني.........خادم حسيني
@@@@@@@@@@@@@@@@@@@@@
انته صرت حب وحرب ياسيد جروحي
وبفطرتي إهوك انه وتميل إلك روحي
كلشي نذر لمصيبتك ياسلوتي ونوحي
لوحة عشك كلبي كتب عبدك انه بلوحي
شوكي وحنيني.........خادم حسيني
###############################
يونس ندب يابو علي بصيتك انه داخل
غيرك منو بيه احتمي ياسيدي قابل
لعينك عفى رب العلى وخيره عليه نازل
انه اختصر عمري إلك وجفوف ابو فاضل
ابقة إعله ديني ......... خادم حسيني


حسين مجيد العميدي

محرم الحرام  ١٤٤٦ هجري
استهلالية ٣
كعدية( غيرك ميهمنه )


كل عام بدربك ماشين .......... عاهدنه بدمنه
خدامك اشهد يحسين ..........  غيرك ميهمنه
أنموت بحبك تدرينه
كل واحد عابس بينه ......... غيرك ميهمنه
###############################
يا بو الاحرار اشهدلنه ......... غير دربك ما عرفنه 
نبقى بالخدمة الشريفة ........ وبس رضاك يظل هدفنه
على حبك ما نجامل ........... يا ذخرنه ويا شرفنه
يا رحمة الله الواسعة
يالطفك  اعظم جامعة
يحسين انته  المنفعة
وما نقيمك لو وصفنه
خل تحجي اشمتريد اعداك  .... مانسمع منهم               والزمره اللي تتحداك ...........   واجب نلعنهم
ابحبك احنه اتعلينه
كل واحد عابس بينه ..........غيرك ميهمنه
###############################
حسين يا اعظم رسالة ........ ويا اصل سر الخليقة
لو لا فضلك عالبرية .......... شفنه كل باطل حقيقة
حرفوا الإسلام لاجن ........... دمك الوضح طريقة
ياثورة ضد فكر الجهل
يالبيك دين الله اكتمل
غير انته بن خير العمل
ونورك يشعشع بريقه
يحسين تشرفنه هواي ........ خدامك نفخر
يا شيخ وبيدك كل راي ....... نرخصلك منحر
من  اولنه ال تالينه
كل واحد عابس بينه ...... غيرك ميهمنه
###############################
شما تمر بينه مصايب ....... يبن حلال المشاكل
ما تهمنه احفاد امية ......... نبقى عل خدمة نقاتل
لو يكتلونه إعله حبك ....... يا امام الحب نواصل

يحسين يشهد كل زمن
انواع شفنه من المحن
يذبحونه بس صحنه لجن
عدنه غيره من ابو فاضل
من كلب الخادم هالصوت ..... عون وتجية
هيهات نعوفك للموت ....... يبن الزجية
خدامك ونجنينه
كل واحد عابس بينه ......... غيرك ميهمنه
###############################
راية من جيل إلى أخر ........ واحد يسلمه واحد
ما تطيح بأذن الله .............. يا حسين الزمن شاهد
شيعتك مولاي نوفي ........ ومايهمنه حجي الحاقد
ربعك يغالي ونفتخر
من زينبك عدنه صبر
لو الف حجاج وشمر
يبقى صوتك بينه خالد
تشهد ايام التسعين ....... يانور اعيوني
منعونه نزورك يحسين .....اهل الزيتوني
جمرة ومحد يطفينه
كل واحد عابس بينه ....... غيرك ميهمنه
###############################
كلمن انجن بمحبتك ........ عاقل انحسبه بجنونه
محتسب واصل مراحل ..... مستعد ينطي عيونه
عن عقيدة وعن دراية ......... حسين ما نسوه بدونه
بكلوبنه حبه انغرس
يصعد وينزل بالنفس
ياريته يقبلنه حرس
ونصبح بمنزلة جونه
اكبر رفعة إبين الناس ........لو يقبل بينه
نفخر من جود العباس ....... غيرة تروينه
واحدنه يرخص عينه
كل واحد عابس بينه ........ غيرك ميهمنه
###############################
شيعتك يبن الزجية .......... عل عهد وياك جينه
ياحبيب الله نواسي ......... الزهرة والهادي وعلينه
ريت مو جسمك جسمنه ...... ياحسين مكطعينه
ياسدي فدوه العمر
لجروحك الألف وكسر
يبقى دمعنه إعله الصدر
البال حوافر ساحكينه وما سلم يا ناس نحره


حسين مجيد العميدي

محرم الحرام  ١٤٤٦ هجري
استهلالية ٤
ثكيل (سيد نعمتي المذبوح)

على جرحك يبو جرحي
                           اوكف سيدي مجروح
اسولفلك عشك كلبي
                           يسيد نعمتي المذبوح
يمعشوك النوارس ....... مجنونك ك عابس
يسيد نعمتي المذبوح
###############################
كل ليلة على جرفك اكعد واكتب البيه
قصة عاشك ومعشوك يالتارستي حنيه
احبك حب فلا ينقاس والزهرة يبو رقيه
ياضامي .......رويت الدنيا كلها بماي
من عندك ....... تاخذ كل شمس لفياي
بجروحك ...... عاشت روحي يا مولاي
يبعد اعيوني وإحلامي
                 إحبك يا ابو العترة    
وياك ابقى كل لحظه
                على الحلوة على المرة
منك درسي دارس ........ مجنونك ك عابس
يسيد نعمتي المذبوح
#############################@
يبو اليمة درس حبك درست وانه في مهدي
على فطرة ربيت اعليك يلحبك ورث جدي
بس انته الكلب يهواك غيرك سيدي شعندي
يغالي ........ ماكو غيرك بكلبي
يكمرة ....... الماعافت ابد دربي
اعوفك ...... محال ابقى على حبي
ما ساوم على دربك
                     لحد كطع النفس تدري
يلمغليني من عطفك
                         ما يغلة إلك عمري
في حبك انافس ........ مجنونك ك عابس
يسيد نعمتي المذبوح
###############################
ي اكبر نعمة للوادم يانجمة بظلام الليل
ما شافوا حنان الله وداسوها بحوافر خيل 
يم عطرك يخر ساجد كل عنبر يأعذب هيل
بس انته ...... تحلالك دموع العين
يا واحد ...... ماتلكه بصفاته اثنين
مو حكي ........ اذا الله يحب حسين
يلوموني وفلا اسمع
                    حجيهم ما إله معنى
بلا عيونه يضيع الكون
                     ما ريد اني كل جنه
في قلبي هواجس.........مجنونك ك عابس
يسيد نعمتي المذبوح
###############################
شرايان الكلب تصرخ يبو سكينة وحك دمك
اضيع وانته بعيونك تردني بعطفك وحلمك
يأقرب من وريدي انته خليني فقط يمك
ماريدن ....... اعوفك لحظة شنهو اليوم
يروحي ....... بس يمك اريدن دوم
يا محله ....... علاقة خادم ومخدوم
علاقة حب يسيد الحب 
                     يا غيمة عشك يا نور
تمطر غيمتك إحساس
                     خضرت بالكلب عاشور
خادم وابقى فارس ...... مجنونك ك عابس
يسيد نعمتي المذبوح
###############################
جذرك بالعرك نابت يا اصل الضايع با اصله
عمري الماخلص وياك يم غيرك خلص ذله
ابجيلك لحد ما موت دمعي بس إلك يحله
بس نظره .......  يسحر اعيوني تحيني
وبكيفك .......... شتحب انته خليني
امنيتي ........ فدوة الزينب اسبيني
وارزقني الادب وياك 
                    ولا تشغلني ويه غيرك
يالتارسهن ايديه
                   من إفضالك وخيرك
يلمسويلي واهس ...... مجنونك ك عابس
يسيد نعمتي المذبوح



حسين مجيد العميدي

محرم الحرام  ١٤٤٦ هجري
استهلالية ٥
شور ( ياحبيبي ياحسين )

كسير ........واكف ابابك يبو الخير الوفير
حسير ........على كل لحظة بدونك يا مجير
فقير .......... لجن عشت بحبك بهيئة امير
من صغر
عايش إعل الله وعليك
لا تهدهن عني اديك
بالذنب
ضايع وانته الدليل
غيرك شعندي سبيل
يا دليل الحائرين ......... ياحبيبي ياحسين
###############################
ذنوب ........ لو فرض حبك صبح مثل الذنوب
اتوب ......... لا وحك زينب فلا منه اتوب
اذوب ........ يا حبيب الله بعيونك اذوب
بلا عشك
كلبي يا كلبي يموت
يحله جلمة بنص سكوت
عل دمع
روحي من تعشك تنوح
سيد الحب والجروح
يا مراد العاشقين  ......... ياحبيبي ياحسين
#####@#@######################
حسين ........ بالضمير يعيش اسمك ياحسين
حنين .......... ماكو مثلك لاشبيه ولاقرين
انين ........... بس إلك ياسيدي يحله الأنين
صرختي
بكل عزه يبن البتول
ياورد لاحه الذبول

وتنشدك
دمعتي حسرة وذهول
صدرك تدوسه الخيول؟ !
وانته حبل الله المتين ......ياحبيبي ياحسين
###############################
حمام ...... روحي يمك رفرفت مثل الحمام
كلام ........ خورس لساني جمالك والغرام
حرام ....... انه ماميت لجل عينك حرام
باللطم
ريت يبو الغيرة اموت
ونعشي يم كبرك يفوت
ومجلسك
فاتحة لعبدك يصير
حلم خادم يا امير
يا حبيب العالمين .........ياحبيبي ياحسين
###############################
اضيع ......... بلا رحمتك اقسم بدم الرضيع
شفيع ......... منهو غيرك سيدي لعبدك شفيع
اطيع........... طاعة عمية وينكلب حالي ربيع
خيمتك
ملجأ العاصي الغريب
ياخضيب ويا تريب
وتربتك
بيه سر من السماء
وبيه ايات الشفاء 
بيك للباري استعين........... ياحبيبي ياحسين


حسين مجيد العميدي

محرم الحرام  ١٤٤٦ هجري
استهلالية ٦
نزلة( اعز من روحي )

غالي ........ غالي واعز من روحي
غالي ........ وبس انته تسوه جروحي
###############################
حسين يا اجمل بشر بالكوكب
غير بابك ما ادك و أجهب
انته غالي وكلشي إلك مايغله
عن خدمتك سيدي ما اتعب
عيني ....... لحسين محلا نوحي
غالي ........ وبس انته تسوه جروحي
###############################
عن عقيدة هالعبارة احجيها
بالدمه ولله الخدامه اشريها
يا كياني ويسر دمعة عيني
بكلبي عابس غيرته مخليها
روحي .......... سر العشك بيه بوحي
غالي ............. وبس انته تسوه جروحي
###############################
كل حياتي لا إمل لا اهجع
قافل بحبك ابد ما اقنع
لو يكطوني وحك شيباتك
يبو اليمه على دربك ارجع
عاشك .......... مكتوب ليه بلوحي
غالي ........... وبس انته تسوه جروحي
###############################
مسودن وغيرك بشر ميهمني
اليوم تملكني وغدا تملكني
عبد عندك وانته تبقى بكيفك
حشه عبدك كاصدك تطردني
ريتي .......... بعطر المواجع فوحي
غالي ....... وبس انته تسوه جروحي
###############################
بالمجالس من صغر تربيتي
والحسينية احس جن بيتي
وليه بين الناس قدر وقيمه
خادم حسين شكبر تسميتي
نورك ........ احلى  كمر جن يوحي
غالي ......... بس انته تسوه جروحي

حسين مجيد العميدي

محرم الحرام  ١٤٤٦ هجري
استهلالية ٧
عكيلي( هلال محرم )

هل إعلينه هلال محرم
لحسين اخدم كوم تحزم
###############################
يل رايد من ربك رحمه
خذه حجاية حجاية زلمة
لحسين اخدم شد الهمه
جنه الخدمة وبيه تنعم
###############################
ارفع ايدك وادعي بربك
حسين الغالي بعطفه ينظرك
اخدم وخلص يرفع قدرك
بشدتك يحضر افضل مَكرم
##############################
من اسلافك خذها العبره
وويه حسينك خلك عشره
كلشي انطانه اعياله ونحره
واجري الدمعة بكبرك تغنم
$$$$$$$$$$$$$$$$$$$$$$$$$$$$$$$$$$
ارخص حيلك لحسين اتعب
جلمة خادم افصل مكسب
شيخ حسين وليه تتنسب
خلي دموعك علخد من دم
###############################
عابس خله بكلبك ونجن
عيونك كلهن لحسين اعمن
وخلي جروحك دوم يسعرن
وحجي الوادم ليه لا تهتم
###############################
موسى وعيسى ونوح وادم
ويوسف رادوا من الله المغنم
ناجوا ربهم نعيش محرم
ولأجل حسينك ميك يحرم
###############################
خلي إلسانك بأسمه يردد
وعن فاتحته دومك انشد
افضل قربة وربك تعبد
يرضى الباري بكبرك تسلم



حسين مجيد العميدي

محرم الحرام  ١٤٤٦ هجري
استهلالية ٨
شور او مقدمة ( جرح الخواطر )

اه واويلاه يازينب.......اه واويلاه يازينب .
@@@@@@@@@@@@@@@@@@@

اه من كلب المحب تنزف مشاعر
بكثر مادمعج جره بجرح الخواطر
ساعد الله كليبج شيحمل مصايب
حسينج مدمه وصدر بيه الحوافر
جثه سليبة ......ولله مصيبة
فوك الوطية....... مرمي غريبة
اه واويلاه يازينب..........اه واويلاه يازينب
@@@@@@@@@@@@@@@@@@@@@
وحدج بديرة غرب شفتي العجايب
وتكسر الخاطر كسر جلمة حبايب
لاإخو يوكف سند ولله عجيبة
بس جثث فوك الثره بحر الترايب
دنيا مواجع ....... تخل المسامع
جرحت اذانج .......ودم المدامع
اه واويلاه يازينب ...........اه واويلاه يازينب
@@@@@@@@@@@@@@@@@@@@@
كسرت الفاكد صور لو مرت العين
شحالج مضيعه وطن مامثله تلكين
راح الحسين شبعد ظل بحياتج
غير الحبال وسبي وطر الدواوين
شيب دليلج........رايح خليلج
دمعج برالج ........شيخلصه ليلج
اه واويلاه يازينب
##############################
تمشي محنية ظهر  حانيه الونين
وإلمن إبين الغرب عينج تشبحين
طاح ابو فاضل بعد جا يا هو الكفيل
وراحت احلام العمر من طاح الحسين
زينب سبية ........ شتحمل اذيه
تنشد يخوتي ......لحكوا عليه
اه واويلاه يازينب
@@@@@@@@@@@@@@@@@@@@@
اه تنزف ويه ظعن ماعنده وليان
كلبج شيحمل قهر يا إم الأحزان
ويه كل نظرة حقد تتطافر اسهام
شبت بكلب المحب بلحسره نيران
خدر الرسالة ........ بلاية كفالة
اليفكد اخواته .......كسرة بخياله
اه واويلاه يازينب


حسين مجيد العميدي

محرم الحرام  ١٤٤٦ هجري
استهلالية ٩
مقدمة ( اعترف مذنب )


وكفت ابابك وأشعر ....... عبدك سيدي مقصر
يااباعبدالله حسين
###############################
اجيتك سيدي ودموعي بعيوني
احبك والكلب يشهدلي بجنوني
اذا مني دنت ساعاتي خي عوني
احلفك بالحسن متخيب إضنوني
بظلع الزهرة والسطرة ........عبدك سيدي تحضرة
يا ابا عبد الله حسين
###############################
يبو روحي العقل مايبقه بالحضرة
اسافر على جرح واتذكر العشرة
وافز من يقضتي بدموعي الحمرة
واهشم هالصدر عل منكسر ضهره
امشي اتعثر بجرحي ........ريته مايطر صبحي
يا ابا عبد الله حسين
###############################
بدرب مابيه ضوه تاخذني افكاري
وارد نادم إلك واحجي بندم ناري
انه المذنب كصد لاتفضح إسراري
ستر انته الفلك بس ياوسف عاري
لخيرك اشكرك رايد ........عايش سيدي وزايد
ياابا عبدلله حسين
#############@@###############
انه الجريح بلا سند يالاسمك المرهم
يسر الله الظهر شمعة بطريق اظلم
انه الذليل بخدمتك يالغالي تكرم
احس رب العلى خالقني  لمحرم
خادم جلمة مو سهلة .......وياك التعب يحله
يا ابا عبد الله حسين
$$$$$$$$$$$$$$$$$$$$$$$$$$$$$$$$$$
انه الاعمى كصد يم بابك اتوسل
عبد عندك طلب يالغالي بس اقبل
اشم من كربله انفاسك وإعدل
مثل نسمة فجر يالنسمتك اجمل
يابو إحساسي بس طلبة ......عبدك حسسه تحبه
يا ابا عبد الله حسين
###############################
انه وليلي سهر واشكيلك اهاتي
يبو إحساس العذب يا إحله جلماتي
اسولفلك جرح تارسلي لهاتي
انه عشت الدهر ذنبي معناتي
شحجي سيدي واعرف ........ خادم عندك اتشرف
يا ابا عبد الله حسين


حسين مجيد العميدي

محرم الحرام  ١٤٤٦ هجري
استهلالية ١٠
شور او مقدمة عزاء ( حناني الابوي )

خُطَ عهدِ في جبيني
منذُ أن افتحتُ عيني
اني خادم .... يبن فاطم
فاض يا مولا الحنينِ


بالمهد عايش حنانك يا حناني الابوي
عشك هاي الدنيا يابس بس عشك عينك روي
اعطش وانظر ضريحك عن مسافة ارتوي
يا حبيب الله ورحمته ويا ضميري العلوي
حسينا واحسيناه حسينا واحسيناه
###############################
هاك قلبي يبن حيدر
هاك عمري وتخير
فيك مغرم ..... يا غطمطم
ضامياً جْئتُ ي كوثر


يا إبو رقية قليلة سيد الحب والحرب
انته اكبر من خيالي وتعرف انته بالكلب
على كيفك يا بو روحي اختارلي بكيفك درب
لو تغربني إكلك عسل وياك الغرب
حسينا واحسيناه حسينا واحسيناه
$$$$$$$$$$$$$$$$$$$$$$$$$$$$$$$$$$
نعمة الباري  يقينا
قد تجلت في حسينا
بها أنعم ...... بها إكرم
بالدموع الشُكرِ دينا


احلى ما في الدنيا دمعة لغربتك يابو علي
شما اخدمك ما اوافي قطرة من فضلك إلي
خل يكتلوني إعله حبك ما تهز شعرة وعلي
كلشي غالي إلك يرخص انته تسوه كل هلي
حسينا واحسيناه حسينا واحسيناه
###############################
في متهات المشاعر
جولةُ في الحُبِ سائر
يا دليلي ...... يا كفيلي
عاش فكري فيك حائر


ضايع وعطفك اخذني من أديه لمجلسك
لو تضيك الوسعة بيه يا بو جرحي اتنفسك
وياي كل لحظه اشوفك يا حبيبي اتحسسك
من اروحن اني فدوة لشذرة كون بمحبسك
حسينا واحسيناه حسينا واحسيناه
###############################
الماسُ انته والبريقي
يا حبيبي ورفيقي
يا كياني ....... يا اماني
يا مليكي ويا عشيقي


عمري يم غيرك مذله ويمك احلى من السعد
سيدي ماعندي غيرك يا تجوتي والسند
يا انيس ماله مؤنس انه بحماتك مدد
ياحسين ارجوا الشفاعة بالحشر يوم الوعد
حسينا واحسيناه حسينا واحسيناه



حسين مجيد العميدي

محرم الحرام  ١٤٤٦ هجري
استهلالية ١١
مقدمة عزاء ( عايش غرامك )


عايش غرامك ....... ذبت بهيامك ...... ياحسين
ماعندي غيرك ....... غركني خيرك ......ياحسين
##############################
لا عذب الله امي صحت     من حُبه إلك ماتنلام
من صغري ورضعتك جرح  وترعرعت بين اخيام
احلى شعور  بخدمتك        تقبلني ويه الخدام
من فدوة اروح لخنصرك     يبن الزجية المقدام

كاسيني عطفك ........يامحله لطفك ...... ياحسين
ماعندي غيرك .......... غركني خيرك .......ياحسين
###############################
عشتك عطر بين الورد   ياياسمين العشاك
لو فاركت كبرك شبر    والزهرة كلش اشتاك
يلرحمة الله تربتك      مايحمل كليبي فراك
انه بهيامك والحسن     يحسين مطوك اطواك

يعذيبي اشمه ........ بس عندي جلمة......ياحسين
ماعندي غيرك ......... غركني خيرك ......ياحسين
###############################
بين الصور أجمل رسم   يالوحة الله ابدع بيك
يالقدمت كلشي بقدر      تْوَصل رسالة باريك
يارحمة الله شكد سمح    بلساني محلا طاريك
غير انته ابن حيدر علي   هالكون خرزة ابيديك

باب الله بابك ........ جنة ترابك .......ياحسين
ماعندي غيرك  ........غركني خيرك..... ياحسين
###############################
احسبني اعمى إعله الدرب ........ دليني نورك يانور
يالاقرب من امي احس ......... ماكو بحنانك منحور 
يالجننتني برحمتك ............ كل عمري يمك عاشور 
يابو علي اهواك انه .......... وكلبي اليحبك مشكور

بكل شدة إليه .........عون وتجية ...........ياحسين ماعندي غيرك ............ غركني خيرك...........ياحسين
$$$$$$$$$$$$$$$$$$$$$$$$$$$#$#$#$$
الف الحمد لله وشكر ......... حاسبني خادم يحسين
ياكوكب الما له وصف ........ يالماتحدك كل عين 
يلسرك من الله لغز  .........  ياجذبية الكونين
يأول نهر ذل العطش  ......... يالثبتت ركن الدين

يانور اعيوني .........  يلبيك جنوني  .......ياحسين
ماعندي غيرك ........ غركني خيرك  ........ ياحسين



حسين مجيد العميدي

محرم الحرام  ١٤٤٦ هجري
ليلة مولاتي فاطمة العليلة
رئيسي ( عذبني الحنين )


أشكيلك  وانوح
بعدك بس جروح
بوية لا تروح ...........عذبني الحنين
$$$$$$$$$$$$$$$$$$$$$$$$$$$$$$$$$$
مشتاكه يابوية الك ........ وبكلبي غصة عاشر
جم دوب انطر جيتك ...... كل ساعه اكولن باجر
جا ما تجيني شظل بعد ........ يالغيبتك جن حافر
يحسين ما ظلي أمل ........ وعيوني لسه تناطر

طفلة وما اعيش
ما ترجعلي ليش
اعوضك انه بيش ....... عذبني الحنين
###############################
ياخميتي مرني بحلم ........ يلرحمة الله اعيونك 
طبع الهجر مثل السهم ........ عليه برحيلك هونك
خذني اروح ويه اخوتي ............ ما اكدر انه بدونك
لا مو عليلة و علتي ............ من ما رحت بظعونك

يلشوفك هناء
عمري بانقضاء
عشت بنص بلاء ............ عذبني الحنين
###############################
فراك الابو طيحت وطن ......... وبلوعته مسبية
يا بو علي شحمل قهر ........... وبحسرة مجوية
تدري وغلاتك بالكلب ...........زغيرونه لا مابية
يا كسرتك ماتنوصف ............ مثل السلب ترجية

جن طير الحمام
يوجعني الهيام
من جرحي سلام.......... عذبني الحنين

$$$$$$$$$$$$$$$$$$$$$$$$$$$$$$$$$$
ويه الهوه احجي وادز ......... متلهفه انه لملكاكم
بدمع الجفن اكتب عتب ....... وادري العتب اذاكم
كل ليلة روحي تندبك .............جا ماخذتني وياكم
يابوية امشي لكربله ........... ما ظن بعد إلكاكم

ما ظنك تعود
بس ادعي تعود
و ألامي تهود .......... عذبني الحنين
###############################
نورك امس مثل الهوى ......... يالغالي تارس بيتي
وانه بحلم يعكوب إلك ......... هدمك اشم امنيتي
ترجع إلي قوتي وارد .......... مو للهجر تاليتي
طولي ذبل مثل الورد  .........  يالشوفتك  عافيتي

يانور العيون
ما ظلالي عون
جا هلبت تجون ............ عذبني الحنين


حسين مجيد العميدي

محرم الحرام  ١٤٤٦ هجري
ليلة مولاتي فاطمة العليلة
مقدمة او رئيسي ( مثل الورد )


ما اكدر عل بُعد
البيهم روحي ترد
ذبلوا مثل الورد ......ذبلوا مثل الورد
#######################
يا ظيم الهجر ما خله بعيوني
كل لحظة اغص واصفر غده لوني
شصبر ياصبر وين اليصبروني
اهل الحب مشوا للفركة عافوني

نار توج بالكلب
واتنطر عالدرب
هالبت واحد يرد .......ذبلوا مثل الورد
########################
عاد بهل سفر بس ذكرة خلولي
هالبت لو خبر منهم يردولي
لو ايس واظل عالدمعة كلولي 
عليلتكم انه يابس غصن طولي
يعافيتي شبقه
وحسراتي مُحرقة
نار توج بالجبد........ ذبلوا مثل الورد
#########################
كل مغرب انه بكليبي جم شهكه
وعيني إعله الدرب اتنطر الملكه
جن نار الخيم بعيوني هالفركة
كل هذا الهوه وبانفاسي مختنكه
مايرحمني الدهر
خلاني ويه الصور
بكليبي جن رَعِدْ  ......ذبلوا مثل الورد

#######################
عشرة ويه الإلم صارتلي كل ليلة
اشعل بالشمع واكعد انه احجيلة
ما ظل ياشمع بفراك الاهل حيلة
جا منهو البقة على غربة اشكيلة
عشت بغربة وطن
وشوغاتي ماهدن
بس نظرة واسترد ....... ذبلوا مثل الورد
#####################
غربة بلا إهل يا إهل الوفة شظلي
طفلة وبالهظم متغيرة كلي
اخذ حيلي البعد لو ميته احسلي
عيشه بلا سند بالعيشه جا شلي
لا عون ولاسند
حتى ال بالمهد
بيت الرحمه ومجد .......ذبلوا مثل الورد


حسين مجيد العميدي

محرم الحرام  ١٤٤٦ هجري
ليلة مولاتي فاطمة العليلة
موشح او نزلة


بوية لهفانه اشوفك واسترد
قوتي وعافيتي من بعد البُعد
###############################
بوية ارجع انه بنتك يلحنين
لو اخذني وياك عذبني الونين
مستعد النوك اصعد ياحسين
علة وداعك غدت نار بجبد
@@@@@@@@@@@@@@@@@@@@@
بوية بفراك عشت عمري غرب
نار واسهام المصايب بالكلب
وانه موش عليله ودموعي تصب
توسلت يابوية بالزهرة ترد
#########@@@@@@@@@#########
اه يلغالي وغلاتك والنظر
شابت اجفوني تراه من السهر
بوية ما حان وترد من السفر
بلا غصن ياناس ميعيش الورد
###########@#####@@@#########
من رحت للموت وكليبي عرف
ماترد ليه يبو اليمه وسف
انه يابوية بدونك جن سعف
جن فرحتي بشوفتك عتقت عبد
@@@@@@@@@@@@@@@@@@@@@
رسمت الأحزان يابوية صور
وبانت إعله رسومي اهات الكِبَرْ
دمعي بفراك على وجهي نهر
وكلبي بغيابك يغالي منمرد
###############################
تدري يالغالي الابو خيمة وطن
والبنت لو لاه تلفيها المحن
انطر الملكاك وعيوني إنعمن
ومايهمني وياك لاحر وبرد
###############################
ريت لو وياك إمشي لكربله
واركب اعله النوك ويه العايله
ولا يبوية جفاك روحي معلعله
عني يابو  الروح لا لا تبتعد


حسين مجيد العميدي

محرم الحرام  ١٤٤٦ هجري
ليلة ام الوفاء ام البنين عليها السلام
مقدمة عزاء او رئيسي ( شكراً يا وفية )



شكراً جزيلاً يا وفية.........اتشكرج بسم الزجية
يم البنين الطاهرة ........ لتوصل وفائج يامرة
اتشكرج بسم الزجية
###############################
أشكرج ياشكر احتار انه بشكري
مَثل صرتي إلي يا قوتي وصبري
ي إول مرة ابو إم وسند ظهري
لوفتلي بالولد منذور إلج عمري

ام المحنه شكد حنينه ........ جابت وفي رخصلي عينه
امي الحنونه الصابرة .......لتوصل وفائج يامره
اتشكرج بسم الزجية
###############################
عفية وعالمة ومضرب مثل علمج 
على حسين السبط يا حرة كل همج
تواسين بذبح نحرج صفه حلمج
وفية الاقصى حد فدوه إله دمج

إحتار الوصف بيمن يوصفج.........ام الوفه كله تعرفج
قطعة ثمينة ونادره ........لتوصل وفائج يامره
اتشكرج بسم الزجية
###############################
اجه الناعي نعه وبجروحج يصلي
على حسين اشجره ياناعي سولفلي
اذا بعده عدل جا وينه بس كلي
اذا مات الوطن بس موتي ارحملي

موقف بطولة بي كتبتي ......... عن دينج انتي ما غفلتي
صرتي مثال إبهل جره .........لتوصل وفائج يامره
اتشكرج بسم الزجية
###############################
منو مثلج مره شحجي انه اخجل
عظيمة بكل صفة وللهِ ما إنزل
التخلف بس زلم لظعوني تتكفل
بإ سمه ام الوفه تصحيله ما تقبل

اني إجيت وخادمه إلكم ........يهل الرسالة خيري منكم
حكمة إلهي الظاهرة ..........لتوصل وفائج يامره اتشكرج بسم الزجية
###############################
طبيبة ولل علل موصوفة دكتورة
اسمه لو يمر يم ديرة مهجورة
تصلي إعله الوفه وترتل بسورة 
غيورة و إنجبت للوادم إسطورة

راعي الشهامه والبطولة ........ عباسي يا محلاه طوله
نسخه طبق من حيدره ..........لتوصل وفائج يامره
اتشكرج بسم الزجية ###############################
عزيزة وللابد صيتج يظل عالي
كلابية ونعم يالجنج خيالي
يا نسمة من الوفه متخلده ابالي
كواكب اربعة ضحيتي للغالي

رضعوا إبائج يا ابية ..........خيمة وغطه صاروا عليه
وبفضلج الله بس دره ..........لتوصل وفائج يامره اتشكرج بسم الزجية



حسين مجيد العميدي

محرم الحرام  ١٤٤٦ هجري
ليلة ام الوفاء ام البنين عليها السلام
رئيسي ( ياساعي )


يا ساعي اجروحي وياك .... سولف لحسين
كله أتموت بفركاك .........ياضي العين
ياخيمة العشت بفيه ........يمته ترد سالم ليه
ياساعي اجروحي وياك ........سولف لحسين
###############################
يساعي هل خبر نقله لبو رقية
عشت دنيه جرح واتنطر لجيه
يرد سالم إلي لو جثه مدميه
على ايامي عفى وبدونه مسبيه


كل ليلة اكعد بحلام  ......... يرجع لو لا
بدمع الثكلى واحتام ..........يكسر فركاه
يا محله الحب طاريه.........يمته ترد سالم ليه
ياساعي إجروحي وياك ........سولف لحسين
###############################
حسرتي من رحل ذاب بحزن جبدي
مثل غصن الورد ذابل صبح وردي 
لبو ليمة نشد يا ساعي بس عندي
اخافن قصروا ويه السبط ولدي


ريت شكد عندي إولاد ........تجاية وعون
بس الله بحكمه الراد ......... وادعي يوافون
هالنار الشبت بيه ..........يمته ترد سالم ليه
ياساعي إجروحي وياك ........سولف لحسين
###############################
يساعي لسيدي عن ام ابو قابل
ابو الغيرة وفه لضعن النبي كافل
وفه لم الحزن بجفوفه ابو فاضل؟
إسأله وانتظر منك خبر عاجل


وجهي ابيض يم حسين ........ لو موتي يحين
فدوه العينه العينين .......... مو جف جفيفين
يافرحة كل مسبية ..........يمته ترد سالم ليه
ياساعي إجروحي وياك ..........سولف لحسين
###############################
على فركه انه ما أصبر وشكدر
بلا عطره كضه ما ينشري العنبر
يساعي إعله الجرح سولفه والمظهر
كسر كلبي بشرط من شوفته اتجبر


كل آلامي بملكاه ............ انساه ارتاح
يرجع واني اتلكاه ......... ماتبقى جراح
جن يعكوب ومعمية ...........يمته ترد سالم ليه
ياساعي إجروحي وياك ..........سولف لحسين
###############################
يساعي ما بقى بغيابة إلي حيلة
مثل أمه جنت يشكيلي واشكيله
تجوتي والظهر ما يقبل بميلة
على صْوَرَ صفت تاليه كل ليلة


بلمحة رمشي الوياه ............كظيت إعوام
راح وماخذني وياه ............ وانطر إحلام
ياحزني ويا تاليه.........يمته ترد سالم ليه
ياساعي إجروحي وياك...........سولف لحسين
###############################
إخيرا بس طلب ياساعي أله انقله
عل امك يالولد فركاك مو سهله
على إرسومي الحزن للبسمه ماخله
غريبة واشتكي وبحوالي سولفله


بلكت يرجعلي حسين.......... إدعي ورجواي
واكحل من طوله العين ........  وارويه بماي
إحلى إيامي بماضيه ...........يمته ترد سالم ليه
ياساعي إجروحي وياك............ سولف لحسين


حسين مجيد العميدي

محرم الحرام  ١٤٤٦ هجري
ليلة ام الوفاء ام البنين عليها السلام
رئيسي ( ارجع يحسين )


راحت عافيتي وياك
يا يمه شلون انساك
يا ضي العين ...... ارجع يحسين
يا يمه شلون انساك
##############################
كل لحظة احترك ودموعي تبرالي
مذموم الصبر لو فاركت غالي
شحالي بفركتك بس باوع شحالي
جتالي البُعد يايمه جتالي

ما ينظم دمع العين
رد سالم يمه حسين
يا تعب اسنين ........ ارجع يحسين
يايمه شلون انساك
##############################
جرح روحي ييمه بغيبتك يسعر
غريبة بلا عيونك على هجر شكدر
مواقف كربله بكل ليلة اتذكر
عاري وبالشمس اتخيل المنظر

وتطحن في صدرك خيل
ودمك عل غبرة يسيل
جرحك ميلين ........ ارجع يحسين
يايمه شلون انساك
###############################
عشت مثل الخيم بالشوغة محتركة
بحنانك بالبشر يا يمه ما إلكه
خبر موتك انه لساعه ما صدكه
صدك صارت صدك تاليه هل فركة

يا مهجة حيدر ليش
بدونك امك متعيش
اصرخ كل حين ........ ارجع يحسين
يايمه شلون انساك
###############################
يبو إحساس الترف يغاية آمالي
غيابك جن سهم صوبني يالوالي
ولا لحظة ابد ما فراكت بالي
مكانك يالولد معقولة ظل خالي

بكليبي تشب حسرات
الغالي ما صدك مات
ظكت المُرين ........ ارجع يحسين
يايمه شلون انساك
###############################
يبعد امك انه ذاب بحزن جبدي
ومثل غصن الورد ذابل صبح وردي
اخافن قصروا انه اعتذر ولدي
رضاتك بس فقط تسوه الولد عندي

يوليدي شلون تروح
وكلب امك كله جروح
رايح جا وين ....... ارجع يحسين
يايمه شلون انساك


حسين مجيد العميدي

محرم الحرام  ١٤٤٦ هجري
ليلة ام الوفاء ام البنين عليها السلام
أهوازي


واويلاه واويلاه


يحسين شتظن انساك    يل ماخذه عافيتي
من بعد الدلال وياك      يخنكني الهوه بريتي
يعكال البخت والطيب  تعال وشوف تاليتي
مابين الهجر والنوح      عمري يالولد حسرة

واويلاه ..... واويلاه
#########################
احبك يابعد روحي   وروحي إعليك محتركه
يلتسوه المواجع ذيج   يلمتعبني بالفركه
بكل ليلة يزيد الشوك  وخبر موتك فلا صدكه
واكولن بلكت بهاليوم   يمرني وتبرد الجمرة

واويلاه ...... واويلاه
$$$$$$$$$$$$$$$$$$$$$$$$$$
بصوتي وحسرتي يالراد يونس من بطن هالحوت
سالم رد ابو اليمه     تره الفركه كأن تابوت
وادري بالقدر مكتوب   وماكو مهرب من الموت
لاجن ادعي يالله      ولله بحالتي ادره

واويلاه ...... واويلاه
######################
ولدي الاربعة يرحون  فدوة لدمعة عيونك
بس انته المهم يحسين وكلشي مو مهم دونك
ياحيف بحوافر خيل  جا هيجي يجازونك
يالتارس اعيون الناس  ونكروا سيدي قدره

واويلاه ...... واويلاه
########################
مو كدرك على التربان  وبحر الشمس مطروح
ولاراسك يشيله أسنان   يقرأن الوفه المذبوح
مواقف كربله يحسين   كل مغرب تجوي الروح
رحمه الله عد عميان    وجثته إعله الثره مطشره

واويلاه ...... واويلاه
##########################
ماسالم ظلع بحسين  من كثر الجروح البيه
ياجرح الذي يشده      وياجرح الذي يخليه
ياريت انذبح بس كون   مااسمع رمح سابيه
ولا اسمع ينادي الغوث   ولا ناصر يجي ينصره

واويلاه ...... واويلاه


حسين مجيد العميدي

منهاج محرم الحرام ١٤٤٦ هجري
ليلة مسلم بن عقيل عليه السلام
(الهجران ) رئيسي

بين ادموع الحب والكتمان
يا مسلم  كافي من الهجران
بنتك حميدة ...... عاشت وحيدة
كافي من الهجران
#####################
بوية يا شلعان كلبي
يا غريب تشوف غُربي
فركتك مو حيل تسبي
ولله محتاجتك قربي .... بسمه إعله وجهي
بس صور بالعين ......بالعين
متت واني بانتظارك
يا عزيز الروح ........ والروح
صحرى  بوية بلا خضارك
صحرى ايامي تشوف ضماي
عطشانه واريدك طاست ماي
بنت الصميدة ....... عاشت وحيدة
كافي من الهجران
########################
طفلة بدموعي اندبك
هيجي ولله مجازة حبك
وادري بعتابي يتعبك
بإمري وامرك يدري ربك ..... يارحمة الله
الفاتحة كل حين .... كل حين
اقره يابوية إعله روحي
فركتك نيران ........ نيران
جن ملح يلجم جروحي
لو راح من ايدك والد مات
تموت بجم شوغة وبالحسرات
نار بجريدة ......... عاشت وحيدة
كافي من الهجران
########################
بكل حنيني وشغف ملكه
أشهك إعله الغالي شهكه
مثل مسلم صعب إلكه
ضاك صدري شلون فركة ...... ارحمني بوية
لا تظن انساك....... انساك.
وين  مثلك حتى انسه
بس حبيبي حسين .... حسين
مثل حضنك اني احسه
حاسبني سكينه بكل احساب
بس جرحي احسه وياه طاب
لا مو بعيدة ....... عاشت وحيدة
كافي من الهجران
####################
مو بعيدة الدهر قاسي
عاشه وياي المأسي
جان يمسحلي إعله راسي
مو يتيمة ابين ناسي ....... حسسني بنته
شاركني كل جروح .. وجروح
عاف بيه شكثر حسرة
من سافر اللحظات..... لحظات
جنها حنظل صدك مره
بكل لحظة الجان بنص العين
وراح وخلاني بهجره حسين
ذيج السعيدة ...... عاشت وحيدة
كافي من الهجران
#######################
عتابي بوية اخذ حيلك
اخر حجاية دخيلك
وين انته حتى اجيلك
وماي اوزع في سبيلك ..... ياضامي أحبك
لو بس تمر لو طيف .... لو طيف
بالبراري والخرايب
يانسمة برد بالصيف ........ بالصيف
تشوف حالي ويه المصايب
من الاسوء للاسواء صار حال
اتنطر من عيونك لو مرسال
ملكاك اريده ....... عاشت وحيدة
كافي من الهجران


حسين مجيد العميدي

منهاج محرم الحرام ١٤٤٦ هجري
ليلة الانصار عليهم السلام
(صرخة وفة )



صرخة وفة ........ من الكلب ..........نوفي الوعد
بالدم إلك  .......... نكتب عهد  .......... عون وسند
#############################
هاي صرخه تعيش بينه بالظماير
عن خيامك ياسترنه نصير ساتر
مو نحر واحد إلك نرخص مناحر
غايه عدنه ما ترض صدرك حوافر

ميمس ضرر ...... دام النفس ......... بينه ابد
بالدم إلك ......... نكتب عهد ........ عون وسند
###############################
على دربك على حبك يبو اليمه
نموت نحيه مايهمنه هذي كلمه
قربة يغالي الترابك كلنه نِظْمه
نعمة الله حسين انته اغله نعمه

من النحر ......... صوت اعتله ........ ربنه شهد
بالدم إلك ......... نكتب عهد .......... عون وسند
###############################
مانعوفك على الحلوة وعلى المرة
ياحنان الله ورحمته البيك سره 
الله خالقنه اعلمودك يبو العترة
وزرع بينه بذر حبك على الفطرة

يا مفخره ......منك فقط .......وحدك مدد
بالدم إلك ......... نكتب عهد ......عون وسند
###############################
يافخرنه إلك يرخص كلشي فدوه
ماله قيمه العشك دونك ماله جدوه
انته ابونه يا امام الحب يقدوه
بلايه عطفك ياحبيب الله منسوه

جلمة زلم .......... يبن النبي ........ من المهد
بالدم إلك ..........نكتب عهد .......عون وسند
$$$$$$$$###################
موش صدفة حبنه مصداق الطهارة
إلك بكلوب اليخدمونك حرارة
انته حبنه الاول الضاعت أسراره
كلشي من دونك يو النعمة مرارة

لجرحك نظل ...... في كل وكت .... كلنه ضُمد
بالدم إلك................نكتب عهد........... عون وسند

حسين مجيد العميدي

منهاج محرم الحرام ١٤٤٦ هجري
ليلة الانصار عليهم السلام
(احنه انصارك )


احنه انصارك احنه انصارك
يا بو اليمه ...... احنه انصارك
عهد للموت ....... يظل هالصوت
خدامك يحسين .......خدامك يحسين 
###############################
يبو اليمه قسم خطينه بدمانه
يثورة اعله الظلم كل لحظه ويانه
على دربك نظل والدنيا خلصانه
جنودك كل وكت  بالخدمة تلكانه

اقبل بينه ..........اقبل بينه
يا بو اليمه ...... اقبل بينه
قسم بدماك ....... نموت وياك
خدامك يحسين .........خدامك يحسين
########@@@@@@@@@@@@@@@@
هويناك بصغر يا ملجأ وقدوة
نحبك سيدي يا جنة المئوة
يتاريخ العرب يا مصدر القوة
يبن حيدر علي للنفسي ماتهوة

صرخة عاشك ........صرخة عاشك
يابو اليمة ........ صرخة عاشك
وعد مولاي ....... نظل عل راي
خدامك يحسين .......خدامك يحسين
###############################
يمصداق العلم ياجوهر العترة
يمفخرة الزلم يا خارق القدرة
صوت من الكلب خدامك تجهره
تمشي ويه النفس يحسين بالمجره

نهواك احنه ....... نهواك احنه
يابو اليمه  .......... نهواك احنه
على دربك ....... بدرس حبك 
خدامك يحسين ...... خدامك يحسين
###############################
وخلقنه للحسين انصار بالخدمة
يريت تصيح خدامك يبو اليمه
احسبنه خدم يل خدمتك نعمه
الماشافك كنز يا بو علي اعمه

كنز الباري ........كنز الباري
يبو اليمه......... كنز الباري
بخدمتك من ...... علينه وحن
خدامك يحسين ..........خدامك يحسين
###############################
الى آخر نفس نبقى على دربك
يحسين وعلي منساوم بحبك
خمينه البشر ماكو مثلك كلبك
حنين ويحلاته التعب لو تعبك

نتعب لأجلك ........ نتعب لأجلك
يابو اليمه ........نتعب لأجلك
التعب مولاي........حلاته بهاي
خدامك يحسين ..... خدامك يحسين


حسين مجيد العميدي