قصيدة رئيسيه... علي الاكبر عليه السلام

طاح الاكبر يگلبي و زادت اجروحك
طاح الاكبر يگلبي والتوت روحك
وما ترتاح ابد... فاگدلك ولد.... يا گلبي
.....
اسولف ويه گلبي.. ودمع بعيوني يربي.. يچويني يچويني
أگله العازه عازه... المحاميل الجنازه... تصب عيني تصب عيني
يگلبي وچلمة البويه.. احن من عدها ما تلگة
لوتني من الاكبر طاح.. وبعد يا جدم الي يلحگة

صاح بويه سمعته وفتت اضلوعي
صاح بويه سمعته وسالت ادموعي
شتتنطر بعد.. فاگدلك ولد... يا گلبي
.......
گبل لا ودعاني... همس ليه ابأذاني... العطش ضكني العطش ضكني
ردت من ريجي يروي.. وعرف بإلساني يچوي.. وبچه ابني وبچه ابني
يحاچيني او احس روحه.. تكف الدمعة ما تگدر
يگلي بويه عميه العين.. شكثر بيك العطش أثر

عميه عيني يگلي وانعمت عيني
عميه عيني يگلي وزيد اونيني
والموقف أشد.. فاگدلك ولد.. يا گلبي
......
يگلبي بس تصور.. چبير اولادي الاكبر... غفل رايح غفل رايح
أنادي وما سمعني... و هدم حيلي وفجعني.. جسد طايح جسد طايح
ركضت وهيه ركضت شيب... اشيلن روحي بالگوه
لگيته اموسد التربان... يگلبي هوه مو هوه

ابني الاكبر اعرفه چن جبل واگف
مو على تراب واشوفه من الدمه ناشف
مو هذا الوعد... فاگدلك ولد... ياگلبي
......
علي من گد جماله... چنت اتبع خياله.. واحرسنه واحرسنه
ثمر گلبي الاشمه... صدك بيدي المه... واحضننه واحضننه
عاشت صورته بعيني.. الملامح ما تفاركني
يالاكبر گتله يا روحي.. صدك للموت سابگني

شرد اجاوب يگلبي لليسألوني
غفله رايح دلالي وفارگ عيوني
من شر الحسد.. فاگدلك ولد... يگلبي
.......
علي يالاسمه نخوه... وجماله من النبوه.. قبس ينبع قبس ينبع
أنه ربيته بيدي.. يخليني وَحَيَدي... ولا يرجع ولا يرجع
عجيب الصار بيه اشلون... أنه بيا حال اوصفنه
زرع گلبي كبر بيدي.. وسيوف الشر يحصدنه

جرحه بالروح يگلبي وشيبت روحي
يعني واجروح الاكبر كلهن جروحي
وما الهن ضمد... فاگدلك ولد.. يا گلبي
........
خادم علي الاكبر
حسام ناجي الحلي

#شور_كعده

لسان حال السيدة زبنب تخاطب الحسين (ع)

احس بروحي ماضل حيل واتعنيتك بلهفة
ونمت وياك طول بطول بلكي بجسمك اتشفة
كوم الحك ولتنة الخيل حرمة بنص زلم وسفة
حرمه ملاجية السبعين مهي عند العرب كلفة
وحيدة خلافك ضعوني .... اناشغ يل تسمعوني
حيهم وين اهل عدنان .... اصياط مهدلة متوني
@@@@@@@@@@@@@@@@
وادور بجثث يحسين ماميز عرف غربة
حدب ضهري من فركاك وهموم الوكت صعبة
براسي الشيب مثل الغيم صب السحب جن صبة
التحيطة النار من كل صوب شلون يوجد بدربة
وعلينة دارت السبعين .... حيهم ما بقه النة معين
ناديتك بعالي الصوت .... عدل لو مو عدل يحسين
@@@@@@@@@@@@@@@@
انادي وما سمعت نداي نايم يا ستر خدرك
ومن كد السحك يحسين كلبك طلع من ضهرك
وسهم الفاطر الدلال متوجد وسط صدرك
شيب حتة رمشي بيوم رد يصهل علي مهرك
عمت عيني نذبح خدري .... وحدب عضم البضهري
يحسين وردها تصير ..... يم كبرك واحط كبري
@@@@@@@@@@@@@@@@
وعمت عيني عليك الناس جيمة تشم بجيمة
مجفي عله الرمل يحسين وبناتك طرن الهيمة
كوم ورد عبي النسوان يعز اختك يبو الشيمة
الدرب يحسين وبلياك عسه الله كون ميديمة
يعزي ومعصبي وشوفي .... يبعد اعيوني وطيوفي
اكلك لو اضم عليك ..... يخويه حتركت جفوفي
@@@@@@@@@@@@@@@@@
الدرب طول يشوف العين وبان التعب برسومي
فوك الحرك والنيران عله طولي صايرة دمومي
ومن كد الضرب يحسين عله متني لازكة هدومي
وعلي تمنيت كون يصير كبل يومك يخي يومي
عله هزل فاجدات الراي ... خويه شلون ترضه بهاي
بلا محمل تراها النوك .... ونمشي بشمس مو بفياي
@@@@@@@@@@@@@@@@@@

#الخادم

#علي_جاسب_الموسوي

قمر ليلئ ( علي الاكبر )

طبها الاكبر وختنك واديها
علي صاحو هذه لو داحيها
@@@@@@@@@@@@@@@
غيم وطرها ودوت واعلنها موت
اختاض وتخيم عله الحومه السكوت
تخورست شجعانها وماضلها صوت
ندارت وحول صكرها عليها
@@@@@@@@@@@@@@@
غار وارعبها وسحكها وطكها حيل
تمايلت حدره وطبك خيل عله خيل
جفلت وصاح وكلب حمرتها ليل
هتزت وركضت عكس رجليها
@@@@@@@@@@@@@@@@
لاكته الخيل وهوت وعليها مال
وطر كتايبها ورعبها وبيها صال
ك الغنم خلاها شجعان الرجال
وضيعت سافلها من عاليها
@@@@@@@@@@@@@@@
شح هواها ودخنت والطبها حيد
تراجفت ونعاد خيبر من جديد
كردساها ولوه عله ركبها الحديد
وسلمت ل ابن الهلا وراعيها
@@@@@@@@@@@@@@@@ن
زلزلاها وطبك يسرتها ب يمين
ابتسم ومن الخيمه هوسله الحسين
هلا بخيال الوغئ ودرع المتين
الشايخ عله الزلم ومبجيها
@@@@@@@@@@@@@@@@

#الخادم

#علي_جاسب_الموسوي

موكب عزاء مسلم
~.~.~.~.~.~.
لخادم الحسين (ع)
حسام الناصري
للــكــــــوفة جـيـنه الـيـوم كـلـنه نـواســيـك
مـوكـب عَـزَه و زنـجـيـل دمـعـه يـنـاديــك
مُـــسـلِــم .. مُــسـلِــم آ يـا غـريـب وحـسـرتـه اعـلـيـك
* * ***
يومك فلا ننساه ماننسه المصاب
ونواسي بيك حسين ونواسي الاصحاب
عزمك عزم عباس لو داحي الباب
لاجن طبع الاحقاد تغدر بالاطياب
مُـــسـلِــم .. مُــسـلِــم آ يـا غـريـب وحـسـرتـه اعـلـيـك
* * ***
ما تكفي ليك آهات ما تكفي الدموع
حكَـ نلطم بزنجيل حكَـ نكسر ضلوع
نتعنه الك زوار و ارواحنه شموع
انقدم الكَلب محزون بمصابه مفجوع
مُـــسـلِــم .. مُــسـلِــم آ يـا غـريـب وحـسـرتـه اعـلـيـك
* * ***

نتذكّرك ظليت تترابه عينك
وحدك غريب الدار مستوحدينك
تـتـشابه الحالات انته وحسينك
لا ناصر ولا معين محد يعينك
مُـــسـلِــم .. مُــسـلِــم آ يـا غـريـب وحـسـرتـه اعـلـيـك
* * ***
جينه نعزي اليوم طوعه بهالمجان
نسئلها شنهو الصار يم بابج و كان
جم فارس اللي طاح جم قائد انهان
و جم جرح ينزف بيك و تلاكَي عدوان
مُـــسـلِــم .. مُــسـلِــم آ يـا غـريـب وحـسـرتـه اعـلـيـك
* * ***
ما همتك عدوان ما همك البين
لاجن بكَه مجروح كَلبك على حسين
لامن يصل مرسال ولا شافته العين
وانته بقصر ظلاَم مجتوف الايدين
مُـــسـلِــم .. مُــسـلِــم آ يـا غـريـب وحـسـرتـه اعـلـيـك
* * ***
نواسي حميده اعليك ندميلك امتون
راحت سبي للشام ويضربها ملعون
تتحسر لملكَاك تتهامل عيون
و ماشافت ويالروس راسك يرفعون
مُـــسـلِــم .. مُــسـلِــم آ يـا غـريـب وحـسـرتـه اعـلـيـك
* * ***
ونسألكم الدعاء

ما ننسه أبد مصابك
~.~.~.~.~.~.~.~.
لخادم أهل البيت(ع)
حسـام الناصري
يا مسلم وداعة علي ما ننسه أبد مصابك
بالكوفة والغربة ألم يلجم جرح عذابك
غالي وتظل حبيب ... نـتـذكّـرك غـريب
ما ننسه أبد مصابك
* * ***
جلمة الغربة مدامع تجري عينك
و انته وحدك خان بيك اللّي يعينك
ارجال ماعدهم رجولة محاوطينك
وما تهمّك نفسك يهمّك احسينك
تبعثله بدموع الحزن من دم يصب مسيلك
يحسين أخبرك لا تجي لا تــنغـدر دخيلك
وبالدم تظل خضيب ... نـتـذكّـرك غـريب
* * ***
اجنود و اسيوف وكتايب بيك حارت
وانته بس دعوات طوعة وياك صارت
نزلت تطوفك ملايك ليك زارت
والمنية منين ما تـنـدار دارت
اسيوف ومنايه ترتعد من هـيـبـتـك تراها
جنّـك علي بخيبر وكَف باب الشرك دحاها
و بوكَـفـتـك عجيب ... نـتـذكّـرك غـريب
* * ***
يا سفير العصمة والحكَـ والحميّه
يالفديت حسين كَبل الغاضريه
كَبل عابس جنت ضاحك للمنيّه
بس حميدة ظلت تواسي رقيّه
للطف رحت أول شهيد الفاجعة الأليمة
وظلت حميدة تنتظر لمن صفت يتيمة
و لاحت عله المشيب ... نـتـذكّـرك غـريب
* * ***
مرمي اوما طحت من قصر الإماره
وعندك أعله من القصر صارت مناره
يالرحت ما راح زودك و انتصاره
والخليفة راح بس ما راح عاره
راح الخليفة والقصر ما ينذكر اسمهم
وانته البكّيت بكل فخر مكَصد بشر تهمهم
و لليسألك مجيب ... نـتـذكّـرك غـريب
* * ***
جان ظامي وسيفك بدمهم ترَوّه
شبه حيدر عمك العاداك يهوه
انته ليك الجنة دار وخير مأوه
و همّه الهم صارت النيران مثوه
ثارك يجيه المنتظر وي نحر ابن عمك
و تتروّه من عمك علي وفاطم تصير أمّك
ومن النبي قريب ... نـتـذكّـرك غـريب
* * ***
ونسألكم الدعاء

مسلم بن عقيل (ع)
دلـيلـك بالظـمه يسـعـر ويلهاب ( يلتهب )
وســلام تودّي لحسينك ويلهاب ( وي الهاب الهوه )
غدر بيك النكر شخصك ويلهاب (حتى اليهابك )
وبكَيت وحيد يــــــا مسلم رميّـه
ــــــــــــــــــــــــــــــــــــــــــــــــ
يبس منّ العطش جبدك وكَلباك ( قلبك )
ويسيل ويه الدمه حيلك وكَلباك ( قل بيك)
الرماك من القصر ويله وكَلباك ( طيّحك )
بجهنم ينرمي وخصمه الزجيّـه
ـــــــــــــــــــــــــــــــــــــــــــ
حميدة بنت مسلم
يــمسلم رايــــده أشكـيـلـك عله الحال ( حالي )
حِـرِت يــابــويه باصرني عله الحال ( الحل ؟ )
عله الهاظمني شرْدَ ادعي عله الحال ( الحائل والمانع )
بـيـنـي وبـيـنـك وأمـشي ســــبـــــيّـه
ـــــــــــــــــــــــــــــــــــــــ
لخادم اهل البيت(ع)
حسام الناصري

سيفه جهنّم
~.~.~.~.~.~.
لخادم أهل البيت (ع)
حســـام النـــاصري
مـــوت بالـكـوفة ونِـزَل ... سـيـفـه جَـهَـنّـم
ايكَلّه هم بعدك تريد ؟! ... وجاوبه هل من مَزيد ؟!
ســيــفــه جــهــنّــم
* * ***
مسلم بساحة إباءه رافضي وعازم نصُر
صارت بإيده المنايه جنّه حل يوم الحشُر
يخطف الأبصار شوفه وحاشه ولّـتله الدبُر
ترتجف كل روح يمّه من الجسم حتماً تفُر
والجسم سوّا وصَل ... تتفايض بدَم
يذبح ويهـدي لـيـزيد ... وجاوبه هل من مَزيد ؟!
ســيــفــه جـهنّـم
* * ***
حاصر الكوفة وزلمها بين سيفه وخزرته
خوفه كَبل الشوف يسطر خوف كلها هابته

سيفه يشبه سيف عمّه ومايـثـنّي بضربته
اليسرة تشمر عن يمينه وتِرِد تشمر يمنته
بعينه لو لاح الزعل ... بس الله يعلَم
من الزعل يلوي الحديد ... وجاوبه هل من مَزيد ؟!
ســيــفــه جــهــنّــم
* * ***
اتشاكَفت ضرباته بيهم غطَت عيون الشمس
تـيّـه الـيـنهـزم مـنّـه لـنّـه يرجع بالـعـكـس
أسرع من البرق لو هد محّد بـجَـيْـتَـه يحِس
اسـتـاد وايعـلّم دروسه ودرس أصعب من درس
والضرُب درسه السهل ... لطلّابه علّم
والطبُر درسه الـجـديـد ... وجاوبه هل من مَزيد ؟!
سـيـفه جـهـنّــم
* * ***
اتوالت اعليه الكتايب وحده بس ما ينولي
حتّه اليلاكّيه بظهره يشوف وجهه ويبتلي
ناس كَالت هذا حمزة ونار سيفه يصطلي
وناس كَالت حمزة ميّت هذا ابن عمّه علي
والله لو حيدر عِدَل ؟! ... ياهو اللّي يسلَم
مو حرب جن عنده عيد ... وجاوبه هل من مَزيد ؟!
ســيـفــه جـهـنّــم
* * ***
والحشد صولات مسلم رايد بداعش تِـرِد
وهلهلت بالساحة طوعه والله حيّالله الحشد
عفيه برجال الحميّه بغيرة الله من تِهـِد
والله كفّيتو ووفيتو وغير دمكم ما يسِد
والله واحدكم بطل ... بزوده تِحَزّم
وبالعزم مسلم يـشـيـد ... وجاوبه هل من مَزيد ؟!
سـيـفـه جهنّم
* * ***
مرجعـيّـتـكـم رشـيـده وتنبض بغيرة ووفه
والوطن ممنون منها بهاذي الفتوة اكتفه
قـدّم رجال ومواقف للــنصر كالــعاصفه
مــايـهــابون المنايه والشهادة أحله صفه
عالخصم بيهم حِمَل ... عالحكَـ تقـدّم
منتصر رد لو شهيد ... وجاوبه هل من مَزيد ؟!
ســيــفــه جـهــنّــم
* * ***

سلام السفارة
~.~.~.~.~.~.
لخادم الحسين (ع)
حســام الناصري
بــدمـوعي .. بــجـروحي .. سـلامـاً يـــا حـسـيــــن
* * ***
سلام من الجروح من المواجع عله ابن العم اودّيـه بمدامع
انا مسلم سفيرك و آنه طايع غدرني وخان بيّه اللي يبايع
بغربتي .. بوحدتي .. سـلامـاً يـــا حـسـيــــن
* * ***
غريب الكوفة ما بين العساكر بس دموع طوعه وسيفي ناصر
أشوفك بالكضلب مو بالنواظر و أكَـلّـك لا تجي للكوفة باجر
دعائي .. رجائي .. سـلامـاً يـــا حـسـيــــن
* * ***
دخيلك يابو الاكبر لا تجيها تره الكوفه بحقد متوضيه اديها
رسـالـتـهم إلـك دمّي العـلـيها بـقـه فـكـر السـقـيـفة يدور بيها
و فؤادي .. ينادي .. سـلامـاً يـــا حـسـيــــن
* * ***
أودّيلك سلامي وشايل إيدي كَبل لا ياخذ السيف بوريدي
أقدّم ليك نحري وهذا عيدي الخلافة والقصر كلهم عبيدي
بحياتي .. بمماتي .. سـلامـاً يـــا حـسـيــــن
* * ***
سلاماً من على قصر الإماره سلام اعله الامامة من السفاره
أسـلّـِم اعليك و أقره بالزياره و إلك اهدي نحر نال انتصاره
سلامي .. لإمامي .. سـلامـاً يـــا حـسـيــــن
* * ***
إلـك بـدموعي أبعـثـلـك وصيّه حميد ه وياك خـتـواسي رقيّــه
يتيمات و سبيّـه تـكَـض سبيّـه اذا عنهن رحت بالغاضريّـه
ينوحن .. يصيحن .. سـلامـاً يـــا حـسـيــــن
* * ***
ونسألكم الدعاء

جـنّـه العباس
~.~.~.~.~.~.
لخادم اهل البيت (ع)
حسام الناصري
مسلم جـنّـه العباس .. بالكوفه
* * ***
ودّع طوعه و كف دموعه من كف الليل
كَـالت جلمه مسلم يُـمّه ينطيك الحيل
لنّه محاصَر شاف العسكر فرسان وخيل
ما رف كَلبه و طب لحربه وصاحو ياويل
ومنّه اختـنكَـت الانفاس .. بالكوفه
* * ***
بس سل سيفه كَام بـكيفه يلـكَـط الكبار
زوده و باسه من عباسه بو راس الحار
منّ النظره منّ الخزره عينه اتوِج نار
هذا يجرحه ذاك يذبحه صارو طشّـار
إيثار و زود وباس ... بالكوفه
* * ***
بزوده وعزمه وهاي الهـمّه فـرّق الصفوف
يقاتل وحده ومحّد ردّه ظيغم معـروف
تارس عينه حُبّ احسينه والسيف يشوف
راخص روحه و دم جروحه لموته ملهوف
وبالغدره عنده احساس ... بالكوفه
* * ***
قائد روحه وي جروحه يزيد الايمان
ينكط غيرة خلّهبحيره كلّ الفرسان
طـكَـ جفوفه سـوّن خوفه بـكَـلب الشجعان
عباس و هَـد عالداس الحد سوّه الماكان
ظل يركَع راس براس ... بالكوفه
* * ***
صامد باقي جـنّه الساقي بس ظامي الروح
اتحاوط منهم غدروه كلهم كثرت الجروح
بس تـعَّـبهم ظل راعبهم وبسيفه يلوح
اليـدنه يمّه ينزف دمّه وينـعد مذبوح
واحد واحد ينداس .. بالكوفه
* * ***
جروحه تنزف شاف الموقف بس سيفه وياه
بهاي الحاله صار اكَباله احسين الودّاه
الكوفه تغدُر يحسين اصبُر بدمعه ناداه
كـبل الموته صاح بصوته إنّــــــــــــا لله
غدرت كل هاي الناس .. بالكوفه
* * ***

سيفه جهنّم
~.~.~.~.~.~.
لخادم أهل البيت (ع)
حســـام النـــاصري
مـــوت بالـكـوفة ونِـزَل ... سـيـفـه جَـهَـنّـم
ايكَلّه هم بعدك تريد ؟! ... وجاوبه هل من مَزيد ؟!
ســيــفــه جــهــنّــم
* * ***
مسلم بساحة إباءه رافضي وعازم نصُر
صارت بإيده المنايه جنّه حل يوم الحشُر
يخطف الأبصار شوفه وحاشه ولّـتله الدبُر
ترتجف كل روح يمّه من الجسم حتماً تفُر
والجسم سوّا وصَل ... تتفايض بدَم
يذبح ويهـدي لـيـزيد ... وجاوبه هل من مَزيد ؟!
ســيــفــه جـهنّـم
* * ***
حاصر الكوفة وزلمها بين سيفه وخزرته
خوفه كَبل الشوف يسطر خوف كلها هابته

سيفه يشبه سيف عمّه ومايـثـنّي بضربته
اليسرة تشمر عن يمينه وتِرِد تشمر يمنته
بعينه لو لاح الزعل ... بس الله يعلَم
من الزعل يلوي الحديد ... وجاوبه هل من مَزيد ؟!
ســيــفــه جــهــنّــم
* * ***
اتشاكَفت ضرباته بيهم غطَت عيون الشمس
تـيّـه الـيـنهـزم مـنّـه لـنّـه يرجع بالـعـكـس
أسرع من البرق لو هد محّد بـجَـيْـتَـه يحِس
اسـتـاد وايعـلّم دروسه ودرس أصعب من درس
والضرُب درسه السهل ... لطلّابه علّم
والطبُر درسه الـجـديـد ... وجاوبه هل من مَزيد ؟!
سـيـفه جـهـنّــم
* * ***
اتوالت اعليه الكتايب وحده بس ما ينولي
حتّه اليلاكّيه بظهره يشوف وجهه ويبتلي
ناس كَالت هذا حمزة ونار سيفه يصطلي
وناس كَالت حمزة ميّت هذا ابن عمّه علي
والله لو حيدر عِدَل ؟! ... ياهو اللّي يسلَم
مو حرب جن عنده عيد ... وجاوبه هل من مَزيد ؟!
ســيـفــه جـهـنّــم
* * ***
والحشد صولات مسلم رايد بداعش تِـرِد
وهلهلت بالساحة طوعه والله حيّالله الحشد
عفيه برجال الحميّه بغيرة الله من تِهـِد
والله كفّيتو ووفيتو وغير دمكم ما يسِد
والله واحدكم بطل ... بزوده تِحَزّم
وبالعزم مسلم يـشـيـد ... وجاوبه هل من مَزيد ؟!
سـيـفـه جهنّم
* * ***
مرجعـيّـتـكـم رشـيـده وتنبض بغيرة ووفه
والوطن ممنون منها بهاذي الفتوة اكتفه
قـدّم رجال ومواقف للــنصر كالــعاصفه
مــايـهــابون المنايه والشهادة أحله صفه
عالخصم بيهم حِمَل ... عالحكَـ تقـدّم
منتصر رد لو شهيد ... وجاوبه هل من مَزيد ؟!
ســيــفــه جـهــنّــم
* * ***

بوذيه/مسلم
ــــــــــــــــــ
نحسباك
زمان الشـوم من مَـرّك نَـحِـسْـبـاك .. ( من النحاسة والشؤم)
وحـيـد وما إلـك صاحب نِـحِـسْـباك .. ( احساسنا بك )
مـثـل عـبـاس يـا مـسـلـم نِـحْـسْـباك .. ( نحسبك كالعباس )
وفـيـت بـمـهـجـتـك لإبـن الـزجـيّــه
** **
قراباك
سـفـيـر و نـاظـر حـسـيـنـك قـرابـاك .. ( قر ناظره بك)
و غـريـب ومـا بـكَـه نـاصر قـرابـاك .. ( قريب منك)
الـشــــــافـك بالأجـل حَـتـماً قـرابـاك .. ( يقرأ بك )
وفـاء ومـرجـلـه وغـيـرة وحـمـــــــيّه
** **
ونسألكم الدعاء
للخادم حسام الناصري

آ يـا مـسـلـم
~.~.~.~.~.~.
لخادم أهل البيت (ع)
حســام الناصري
آه إعـلـيـك آ يـا مـسـلـم
* * ***
من كل كَـلب يـنـبض ألم لحـسـيـنه تـسمع إلـك يا بو حميـده اونـيـنه
بـيـنك تظل وصلة عشكَـ ما بـيـنه وكـلما يمر اسمك تهـامل عـيـنه
وعايـش بـيـك آ يـا مـسـلـم
* * ***
اليـكَـصد مزار الانـبـيا بالـكـوفه يـشاهد مـنارة و كَـبّـتـك معـروفه
بـس يـنـلجـم جـرحه بـدلـيـله يـشـوفه من يذكر اش سوّه الغدر وسيوفه
ويـنـزف لـيـك آ يـا مـسـلـم
* * ***
يـشوفـك غـريب اليكَـصدك بدموعه ما عندك أصحاب البكَت مشروعه
لا سيف ينصر لا رمح و دروعه جان السـنـد بس الدمع من طوعه
و اتـحـيـيـك آ يـا مـسـلـم
* * ***
ما هـمّـتـك نفـسك ولا كل ناسك لحسين كل هـمّك بـقه و أنـفـاسك
(يا نفْسُ هوني) هم كَلت بحساسك وبموقفك خاويت اظن عبّاسك
ويـخـاويـك آ يـا مـسـلـم
* * ***
راح الخـلـيـفة والقصر وجـنوده بس وكَـفـتـك ظلت الك مشهـوده
هالكَـبّـة والحـضرة بـفخر موجوده وسفرة عـطـيـتـك بالكرم ممدوده
من يـمـحـيـيـك آ يـا مـسـلـم
* * ***
نكَصد إلك يا سيدي وفّـايه نحـيي مراسـيم العَـزَه بـقـرايـه
بجف حاجة نلطم عالصدر والغايه للمنتظر ندعي يجي الرايه
و يـنـاديـك آ يـا مـسـلـم
* * ***
ونسألكم الدعاء

العباس وزينب (ع)
~.~.~.~.~.~.
إخــــــوج وكــــــافـلـج آنـه وعـيـناج .. ( أعينج )
ولـو المـصاب هَــدْ حـيـلـج وعيناج .. ( عنّاج وأتعبج )
يـزيـنـب كـفـكـفي دمـوعـج وعيناج .. (عيونج )
دمـعـتـج غـالـيـة وتـصـعـب عـلـــــيّـه
* * ***
عَـزم حـيـدر يـزيـنـب راسـبــيّـه .. ( راسي أي ثابت بيّه )
ولا شـامـت لَـخَـيْـتـي راسـبــيّـه .. ( رآها ويشوفها )
لـجـن تـنـدار طــبـرة راسـبــيّـه .. ( راسه بيّه )
وكَـبـل راسي تـطـيـح جـفـوف اديّـه
* * ***
ونسالكم الدعاء
حسام الناصري

للعباس
يمن أسرج محاملنه وشدهن ( جهزها )
مصابك أكلف جروحي وأشدهن (اكثر الم )
يريت أكَعد على جروحك وأشدهن (اضمدهن )
وتظل روحي إلك تنزف دميّه
* * ***
العطش جاتل اسكينه مارِدلها ( مردها )
وعدها بماي عمها مارَدلها (ما رجع )
تظل عطشانه بعده ماردلها ( ما راد )
عله الماي ولكَه هناك المنيّه
* * ***

نعي للعباس(ع)
* * ***
بين زينب والعباس (عليهما السلام)
~~~
يبو فاضل اجيتك أسحكَـ بجمري
وأشيلن فوكَـ متني همّي وقهري
أدوّر وين جسمك خويه ماأدري
كَالوْ عالشريعة ياستر خدري
* * ***
هواك من البُعُد يلغالي أشتمّه
اريد لجسمك اوصل وأشتكي يمّه
ولو أدري الجراح البيك ملتمّه
المثلك ياشهم مايترك اخيمّه
* * ***
إجاني الليل وآنه اختك غريبه
وإجيتك اسحك ارمال المصيبه
ودليلي المابطل لجلك نحيبه
خلص مني الصبر ومنين اجيبه
* * ***

زينب والعباس
~.~.~.~.~.~.
يخويه الشوكَـ بيدي كَام يحدي
وإجيت امشي بظلام الليل وحدي
جم عباس غيرك خويه عندي
ولا تنهض تشوف اشبيّه يسدي
إعتـنيتك يالجفيل بهالمسيه
غريبه بلا ولي يابو الحميّه
بكَيت أصفكَـ براحي شلون بيّه
وأخوتي مذبحّه فوكَـ الوطيّه
* * ***

زلزال كربلاء
* * ***
لخادم أهل البيت (ع)
حسام الناصري
عباس راعي المرجله عباس زلزل كربله
* * ***
كَالو العبـــــــــاس نازل للقتــــال
جنّه بركان انفجر بالغيرة سال
ورجفت من الصوت أشباه الرجال
ماجت الطف وإعتلت غبرة نزال
والناس فرّت بالفلَه عباس زلزل كربله
* * ***
نازل اعله المشرعة وبيده اللواء
صاح أنا العباس ساقي كربلاء
آنه ابن حامي الحمه وغيرة سماء
اليوم أخلي اتسيل أنهار الدماء
ينجاس حدّي مشكله عباس زلزل كربله
* * ***
كَبله كَدّامه اجت عجّة تراب
جنّه من رب السمه نازل عذاب
حتّه ملْك الموت تيّه بالحساب
صار سيفه الخيط ويسبّح ركَاب
جم راس سيفه يفصله عباس زلزل كربله
* * ***
تخطف الابصار نظراته سهام
واليخزره ايطيح من طوله وينام
عالكتايب من فزع صب انتقام
اليوم يوم المقتله وماكو سلام
وأنفاس مخنوكَه إله عباس زلزل كربله
* * ***

جدّل الفرسان والجانت حيود
حيّر العدوان من طب للحشود
ناس صاحت ياعجب حيدر يعود
وناس كَالت حمزة صياد الأسود
الارجاس كلها مجدّله عباس زلزل كربله
* * ***
سكته كلها كربله والدنيه خوف
وسيفه بس هوّه بكَه بين السيوف
زاح عنّ المشرعة كلّ الالوف
وحتّه ماي العلكمي عاف الجروف
حراس ماظلّت إله عباس زلزل كربله
* * ***
من نزل للماي شالاه باليمين
بس ذكر ذاك الوكت جبد الحسين
اتذكّر اسكينه ورقيّه بالونين
وشاف صورة زينب وكَلّتله وين
وإحساس ظل يتخيّله عباس زلزل كربله
* * ***
ايفكّر بعيله الجواها الانتظار
وعطش كَلبه وغيرته البراسه نار
راد يرجع كَطعو ايمينه ويسار
وحرمله صابه بسهم وبعينه صار
والراس هم خسفو إله عباس زلزل كربله
* * ***
ونسألكم الدعاء

وينك ياكَمر
* * ***
لخادم العباس (ع)
حسام الناصري

خويه ياعبــاس ... وينك يا كَمر
* * ***
خويه إجاني الليل وانته الما إجيت
ياعمود البيت ماظل عندي بيت
وحدي خويه بلا حِمَه وبالهَمْ بكَيت
ومن لهب الخيـــام دلاّلي استعر
خويه ياعبــاس ... وينك يا كَمر
* * ***
خويه ليل فراكَك بلايه ضِوه
الدنيه بعدك موحشه وضاكَت هِـوه
ظامي كَلبي بغير شوفك ما رِوه
ويبـكَه إلك عطشان ... لو يشرب نهر
خويه ياعبــاس ... وينك يا كَمر
* * ***
خويه عفت أيتام بالبر هايِـمَه
والدموع دموم عالخد نايِـمَه
والجبود مفطّرات من الظمه
لحالة الايـتـــام ... موجبدي انفطر
خويه ياعبــاس ... وينك يا كَمر
* * ***
خويه ما أدري رقيّة بيا كتر
وبغيابك خولة تلطم عالصدر
خويه وسكينه لرجعتك تنتظر
ما إجاها الماي ... من حـال القدر
خويه ياعبــاس ... وينك يا كَمر
* * ***
شلون أرجع كَلّي وشلون من أرد
وتنشد سكينه وتعاتب بالنشِد
يرضه عمّي من دلالي أنفكَد
والدلال يروح ... والعز والفخر
خويه ياعبــاس ... وينك يا كَمر
* * ***

يحدي بيّه كَلبي صوب المشرعه
وما ردت أطلع وأشوف الفاجعه
هنانه رايه هنا جفوف مكَطّعه
وعالترايب جود ... بس مايه أثر
خويه ياعبــاس ... وينك يا كَمر
* * ***
ياجرح الاحساس ينزف مستحه
خويه أشوف الخوّة يمك طايحه
لاتعذّب روحك آنه مسامحه
يا ملاذ الروح ... يانور البصر
خويه ياعبــاس ... وينك يا كَمر
* * ***
ونسالكم الدعاء

وين عباس
~.~.~.~.~.~.
لخادم أهل البيت (ع)
حســام الناصري

يا نهر كَلبي تفطّر ... ويــن عــبّــاس
والظمه بحشاي يسعر ... ويــن عــبّــاس
ما رِدِتْ مايك إلي ... أروي بس بكافلي
ويــن عــبّــاس
* * ***
كَصدَتْ لصوب الشريعة زينب وتسحكَـ جمُر
رايحة لعباس أخوهه إتودّعه وداع الــعــمُــر
تشتم بعطر الكفالة يفوح من ريح اليمُر
والكَلب ينشدهه وينه اتكَـلّـه ياكَلبي صبُر
يا كَلب هونك عليّه ... إصبُر وياي
والله هدّتني المنيّه ... إصبُر وياي
صاحت بدمع ايهلي ... أروي بس بكافلي
ويــن عــبّــاس
* * ***
اتكَـرّبت بت الوديعه وجنها تمشي للأجل
شافت الشاطي ايتموّج يجري مايه بلا خجل
اتكَـلّه يالعطّـشِت زينب بينها وبينك زعل
آنه ماجيت أرْدَ أعتبك جيت أشوف اللي كِـفَل
أدري من أعتب عتابي ... يصدع الروح
وآنه بس همّي وعذابي ... يصدع الروح
وآنه زينب بت علي .. أروي بس بكافلي
ويــن عــبّــاس
* * ***
ما إجيت أطلب لذيذك ما رِدِت منك شرُب
آنه بس شوفة كفيلي تروي عيني اللي تصُب
وينه دلّيني اعله جسمه بفكَده تيّهت الدرُب
وروحي مفجوعة بغيابه ويشكي افراكَه الكَلُب
ياكَمر يضويلي بعده ... بليل المصاب
والنجم عالضيم أشَـهْدَه ... بليل المصاب
وصوتي بالهَمْ يعتلي ... أروي بس بكافلي
ويــن عــبّــاس
* * ***

أرد أشوفن وين مرمي طاح ياشاطي الألم
شلون بيدي الجود أسلمه وبيده جودي ما سِلَم
والعلم آنه بيمينه ما أظن طاح العلم
وآنه صورة بعينه ظلّت شلون تنصاب بسهم
كل سهامه صابن إخته ... وصوّبنّي
و كل جرح ويّــا نزفته .. وصوّبنّي
وروحي ظلّت تشكلي ... أروي بس بكافلي
ويــن عــبّــاس
* * ***
طوّلت يمّك كلامي انته منهو وآنه مَـنْ
انته خزي وعار جرفك وآنه بت جنّة عدن
أوكَف كَبالك بطولي يا حسافه اعله الزمن
كون تنطم من أجيلك ومن عسه عيونك عمن
ليش كَطراتك عصنّي ... يا نهر كَول
وين جفّين الكفلني ... يا نهر كَول
من بعدهن أنولي ... أروي بس بكافلي
ويــن عــبّــاس
* * ***
ونسألكم الدعاء

رخصة العباس
~.~.~.~.~.~.~.
لخادم أهل البيت(ع)
حســام الناصري
حسين ورخص عبّـاسه والغيرة نار براسه
* * ***
راح وتِـرجّـه حـسـيـنـه والـمـسـتـحـه بـنص عينه
أرْد أروي خويه اسكينه كَـالـتْـلي مـايـك ويـنــه
وإتنومس بنوماسه والغيرة نار براسه
* * ***
طَـــبْ للــشـريـعـة بــزوده وشـمّـر ابـهـمّــة زنــــوده
شــاف الـحــرس مـوجـوده وإلـهُــم يـراوي جـــــــوده
يحركَـ كَلب حرّاسه والغيرة نار براسه
* * ***
يـذبــح ذبِـح بـالــنـظــــرة وطـاحـوْ ألِــف من خـزرة
والـجـيــش حــار بـأمـره جَــن سـيـف كَـام يـشـطـره
وعين العدل مقياسه والغيرة نار براسه
* * ***
جَــر سـيـفـه وإتـــولاّهُـم فَـنْ الـضـرب راواهُـــــم
روس وجِـثـث خــلاّهُــــم تـسـبـح بـفـيـض دمـــاهـم
والموت تارس كاسه والغيرة نار براسه
* * ***
وكـلـمـا تِـقَــدّم خـطـوة ويـزيـد حـيـل وقـــــوّة
أنـفـاســه كـلـها مـروّة احـسـيـن زيـنـب خـوّة
ويـسـبّـح بـأنـفـاســه والغيرة نار براسه
* * ***
صرخـة رقـيّـة إبّــالـه نــار الـعـطـش جـتّـالـه
واسـكـيـنـه تـمـشي خياله وعبدالله يـبـجي اكَـبـالـــه
والعطش ذبّـل يـاسـه والغيرة نار براسه
* * ***
شــال الـفـرات بـغَـرفـة جـن كَـاص مـنـحـر جُـرفه
بـس مـا تـرس كـل جـفّـه وللـجــود هَـمْ مـا كـفّـــــه
وإلسانه أبد ما جاسه والغيرة نار براسه
* * ***
بالـمــاي شـاف الـصـورة جـن زيـنـب ومــأســـورة
ولــــو مـــا تــذكّــر دوره جـا ســاخـت الـمـعـمـورة
وكَام انـتـفـض بإحـساسه والغيرة نار براسه
* * ***