جـنّـه العباس
~.~.~.~.~.~.
لخادم اهل البيت (ع)
حسام الناصري
مسلم جـنّـه العباس .. بالكوفه
* * ***
ودّع طوعه و كف دموعه من كف الليل
كَـالت جلمه مسلم يُـمّه ينطيك الحيل
لنّه محاصَر شاف العسكر فرسان وخيل
ما رف كَلبه و طب لحربه وصاحو ياويل
ومنّه اختـنكَـت الانفاس .. بالكوفه
* * ***
بس سل سيفه كَام بـكيفه يلـكَـط الكبار
زوده و باسه من عباسه بو راس الحار
منّ النظره منّ الخزره عينه اتوِج نار
هذا يجرحه ذاك يذبحه صارو طشّـار
إيثار و زود وباس ... بالكوفه
* * ***
بزوده وعزمه وهاي الهـمّه فـرّق الصفوف
يقاتل وحده ومحّد ردّه ظيغم معـروف
تارس عينه حُبّ احسينه والسيف يشوف
راخص روحه و دم جروحه لموته ملهوف
وبالغدره عنده احساس ... بالكوفه
* * ***
قائد روحه وي جروحه يزيد الايمان
ينكط غيرة خلّهبحيره كلّ الفرسان
طـكَـ جفوفه سـوّن خوفه بـكَـلب الشجعان
عباس و هَـد عالداس الحد سوّه الماكان
ظل يركَع راس براس ... بالكوفه
* * ***
صامد باقي جـنّه الساقي بس ظامي الروح
اتحاوط منهم غدروه كلهم كثرت الجروح
بس تـعَّـبهم ظل راعبهم وبسيفه يلوح
اليـدنه يمّه ينزف دمّه وينـعد مذبوح
واحد واحد ينداس .. بالكوفه
* * ***
جروحه تنزف شاف الموقف بس سيفه وياه
بهاي الحاله صار اكَباله احسين الودّاه
الكوفه تغدُر يحسين اصبُر بدمعه ناداه
كـبل الموته صاح بصوته إنّــــــــــــا لله
غدرت كل هاي الناس .. بالكوفه
* * ***

سيفه جهنّم
~.~.~.~.~.~.
لخادم أهل البيت (ع)
حســـام النـــاصري
مـــوت بالـكـوفة ونِـزَل ... سـيـفـه جَـهَـنّـم
ايكَلّه هم بعدك تريد ؟! ... وجاوبه هل من مَزيد ؟!
ســيــفــه جــهــنّــم
* * ***
مسلم بساحة إباءه رافضي وعازم نصُر
صارت بإيده المنايه جنّه حل يوم الحشُر
يخطف الأبصار شوفه وحاشه ولّـتله الدبُر
ترتجف كل روح يمّه من الجسم حتماً تفُر
والجسم سوّا وصَل ... تتفايض بدَم
يذبح ويهـدي لـيـزيد ... وجاوبه هل من مَزيد ؟!
ســيــفــه جـهنّـم
* * ***
حاصر الكوفة وزلمها بين سيفه وخزرته
خوفه كَبل الشوف يسطر خوف كلها هابته

سيفه يشبه سيف عمّه ومايـثـنّي بضربته
اليسرة تشمر عن يمينه وتِرِد تشمر يمنته
بعينه لو لاح الزعل ... بس الله يعلَم
من الزعل يلوي الحديد ... وجاوبه هل من مَزيد ؟!
ســيــفــه جــهــنّــم
* * ***
اتشاكَفت ضرباته بيهم غطَت عيون الشمس
تـيّـه الـيـنهـزم مـنّـه لـنّـه يرجع بالـعـكـس
أسرع من البرق لو هد محّد بـجَـيْـتَـه يحِس
اسـتـاد وايعـلّم دروسه ودرس أصعب من درس
والضرُب درسه السهل ... لطلّابه علّم
والطبُر درسه الـجـديـد ... وجاوبه هل من مَزيد ؟!
سـيـفه جـهـنّــم
* * ***
اتوالت اعليه الكتايب وحده بس ما ينولي
حتّه اليلاكّيه بظهره يشوف وجهه ويبتلي
ناس كَالت هذا حمزة ونار سيفه يصطلي
وناس كَالت حمزة ميّت هذا ابن عمّه علي
والله لو حيدر عِدَل ؟! ... ياهو اللّي يسلَم
مو حرب جن عنده عيد ... وجاوبه هل من مَزيد ؟!
ســيـفــه جـهـنّــم
* * ***
والحشد صولات مسلم رايد بداعش تِـرِد
وهلهلت بالساحة طوعه والله حيّالله الحشد
عفيه برجال الحميّه بغيرة الله من تِهـِد
والله كفّيتو ووفيتو وغير دمكم ما يسِد
والله واحدكم بطل ... بزوده تِحَزّم
وبالعزم مسلم يـشـيـد ... وجاوبه هل من مَزيد ؟!
سـيـفـه جهنّم
* * ***
مرجعـيّـتـكـم رشـيـده وتنبض بغيرة ووفه
والوطن ممنون منها بهاذي الفتوة اكتفه
قـدّم رجال ومواقف للــنصر كالــعاصفه
مــايـهــابون المنايه والشهادة أحله صفه
عالخصم بيهم حِمَل ... عالحكَـ تقـدّم
منتصر رد لو شهيد ... وجاوبه هل من مَزيد ؟!
ســيــفــه جـهــنّــم
* * ***

بوذيه/مسلم
ــــــــــــــــــ
نحسباك
زمان الشـوم من مَـرّك نَـحِـسْـبـاك .. ( من النحاسة والشؤم)
وحـيـد وما إلـك صاحب نِـحِـسْـباك .. ( احساسنا بك )
مـثـل عـبـاس يـا مـسـلـم نِـحْـسْـباك .. ( نحسبك كالعباس )
وفـيـت بـمـهـجـتـك لإبـن الـزجـيّــه
** **
قراباك
سـفـيـر و نـاظـر حـسـيـنـك قـرابـاك .. ( قر ناظره بك)
و غـريـب ومـا بـكَـه نـاصر قـرابـاك .. ( قريب منك)
الـشــــــافـك بالأجـل حَـتـماً قـرابـاك .. ( يقرأ بك )
وفـاء ومـرجـلـه وغـيـرة وحـمـــــــيّه
** **
ونسألكم الدعاء
للخادم حسام الناصري

آ يـا مـسـلـم
~.~.~.~.~.~.
لخادم أهل البيت (ع)
حســام الناصري
آه إعـلـيـك آ يـا مـسـلـم
* * ***
من كل كَـلب يـنـبض ألم لحـسـيـنه تـسمع إلـك يا بو حميـده اونـيـنه
بـيـنك تظل وصلة عشكَـ ما بـيـنه وكـلما يمر اسمك تهـامل عـيـنه
وعايـش بـيـك آ يـا مـسـلـم
* * ***
اليـكَـصد مزار الانـبـيا بالـكـوفه يـشاهد مـنارة و كَـبّـتـك معـروفه
بـس يـنـلجـم جـرحه بـدلـيـله يـشـوفه من يذكر اش سوّه الغدر وسيوفه
ويـنـزف لـيـك آ يـا مـسـلـم
* * ***
يـشوفـك غـريب اليكَـصدك بدموعه ما عندك أصحاب البكَت مشروعه
لا سيف ينصر لا رمح و دروعه جان السـنـد بس الدمع من طوعه
و اتـحـيـيـك آ يـا مـسـلـم
* * ***
ما هـمّـتـك نفـسك ولا كل ناسك لحسين كل هـمّك بـقه و أنـفـاسك
(يا نفْسُ هوني) هم كَلت بحساسك وبموقفك خاويت اظن عبّاسك
ويـخـاويـك آ يـا مـسـلـم
* * ***
راح الخـلـيـفة والقصر وجـنوده بس وكَـفـتـك ظلت الك مشهـوده
هالكَـبّـة والحـضرة بـفخر موجوده وسفرة عـطـيـتـك بالكرم ممدوده
من يـمـحـيـيـك آ يـا مـسـلـم
* * ***
نكَصد إلك يا سيدي وفّـايه نحـيي مراسـيم العَـزَه بـقـرايـه
بجف حاجة نلطم عالصدر والغايه للمنتظر ندعي يجي الرايه
و يـنـاديـك آ يـا مـسـلـم
* * ***
ونسألكم الدعاء

العباس وزينب (ع)
~.~.~.~.~.~.
إخــــــوج وكــــــافـلـج آنـه وعـيـناج .. ( أعينج )
ولـو المـصاب هَــدْ حـيـلـج وعيناج .. ( عنّاج وأتعبج )
يـزيـنـب كـفـكـفي دمـوعـج وعيناج .. (عيونج )
دمـعـتـج غـالـيـة وتـصـعـب عـلـــــيّـه
* * ***
عَـزم حـيـدر يـزيـنـب راسـبــيّـه .. ( راسي أي ثابت بيّه )
ولا شـامـت لَـخَـيْـتـي راسـبــيّـه .. ( رآها ويشوفها )
لـجـن تـنـدار طــبـرة راسـبــيّـه .. ( راسه بيّه )
وكَـبـل راسي تـطـيـح جـفـوف اديّـه
* * ***
ونسالكم الدعاء
حسام الناصري

للعباس
يمن أسرج محاملنه وشدهن ( جهزها )
مصابك أكلف جروحي وأشدهن (اكثر الم )
يريت أكَعد على جروحك وأشدهن (اضمدهن )
وتظل روحي إلك تنزف دميّه
* * ***
العطش جاتل اسكينه مارِدلها ( مردها )
وعدها بماي عمها مارَدلها (ما رجع )
تظل عطشانه بعده ماردلها ( ما راد )
عله الماي ولكَه هناك المنيّه
* * ***

نعي للعباس(ع)
* * ***
بين زينب والعباس (عليهما السلام)
~~~
يبو فاضل اجيتك أسحكَـ بجمري
وأشيلن فوكَـ متني همّي وقهري
أدوّر وين جسمك خويه ماأدري
كَالوْ عالشريعة ياستر خدري
* * ***
هواك من البُعُد يلغالي أشتمّه
اريد لجسمك اوصل وأشتكي يمّه
ولو أدري الجراح البيك ملتمّه
المثلك ياشهم مايترك اخيمّه
* * ***
إجاني الليل وآنه اختك غريبه
وإجيتك اسحك ارمال المصيبه
ودليلي المابطل لجلك نحيبه
خلص مني الصبر ومنين اجيبه
* * ***

زينب والعباس
~.~.~.~.~.~.
يخويه الشوكَـ بيدي كَام يحدي
وإجيت امشي بظلام الليل وحدي
جم عباس غيرك خويه عندي
ولا تنهض تشوف اشبيّه يسدي
إعتـنيتك يالجفيل بهالمسيه
غريبه بلا ولي يابو الحميّه
بكَيت أصفكَـ براحي شلون بيّه
وأخوتي مذبحّه فوكَـ الوطيّه
* * ***

زلزال كربلاء
* * ***
لخادم أهل البيت (ع)
حسام الناصري
عباس راعي المرجله عباس زلزل كربله
* * ***
كَالو العبـــــــــاس نازل للقتــــال
جنّه بركان انفجر بالغيرة سال
ورجفت من الصوت أشباه الرجال
ماجت الطف وإعتلت غبرة نزال
والناس فرّت بالفلَه عباس زلزل كربله
* * ***
نازل اعله المشرعة وبيده اللواء
صاح أنا العباس ساقي كربلاء
آنه ابن حامي الحمه وغيرة سماء
اليوم أخلي اتسيل أنهار الدماء
ينجاس حدّي مشكله عباس زلزل كربله
* * ***
كَبله كَدّامه اجت عجّة تراب
جنّه من رب السمه نازل عذاب
حتّه ملْك الموت تيّه بالحساب
صار سيفه الخيط ويسبّح ركَاب
جم راس سيفه يفصله عباس زلزل كربله
* * ***
تخطف الابصار نظراته سهام
واليخزره ايطيح من طوله وينام
عالكتايب من فزع صب انتقام
اليوم يوم المقتله وماكو سلام
وأنفاس مخنوكَه إله عباس زلزل كربله
* * ***

جدّل الفرسان والجانت حيود
حيّر العدوان من طب للحشود
ناس صاحت ياعجب حيدر يعود
وناس كَالت حمزة صياد الأسود
الارجاس كلها مجدّله عباس زلزل كربله
* * ***
سكته كلها كربله والدنيه خوف
وسيفه بس هوّه بكَه بين السيوف
زاح عنّ المشرعة كلّ الالوف
وحتّه ماي العلكمي عاف الجروف
حراس ماظلّت إله عباس زلزل كربله
* * ***
من نزل للماي شالاه باليمين
بس ذكر ذاك الوكت جبد الحسين
اتذكّر اسكينه ورقيّه بالونين
وشاف صورة زينب وكَلّتله وين
وإحساس ظل يتخيّله عباس زلزل كربله
* * ***
ايفكّر بعيله الجواها الانتظار
وعطش كَلبه وغيرته البراسه نار
راد يرجع كَطعو ايمينه ويسار
وحرمله صابه بسهم وبعينه صار
والراس هم خسفو إله عباس زلزل كربله
* * ***
ونسألكم الدعاء

وينك ياكَمر
* * ***
لخادم العباس (ع)
حسام الناصري

خويه ياعبــاس ... وينك يا كَمر
* * ***
خويه إجاني الليل وانته الما إجيت
ياعمود البيت ماظل عندي بيت
وحدي خويه بلا حِمَه وبالهَمْ بكَيت
ومن لهب الخيـــام دلاّلي استعر
خويه ياعبــاس ... وينك يا كَمر
* * ***
خويه ليل فراكَك بلايه ضِوه
الدنيه بعدك موحشه وضاكَت هِـوه
ظامي كَلبي بغير شوفك ما رِوه
ويبـكَه إلك عطشان ... لو يشرب نهر
خويه ياعبــاس ... وينك يا كَمر
* * ***
خويه عفت أيتام بالبر هايِـمَه
والدموع دموم عالخد نايِـمَه
والجبود مفطّرات من الظمه
لحالة الايـتـــام ... موجبدي انفطر
خويه ياعبــاس ... وينك يا كَمر
* * ***
خويه ما أدري رقيّة بيا كتر
وبغيابك خولة تلطم عالصدر
خويه وسكينه لرجعتك تنتظر
ما إجاها الماي ... من حـال القدر
خويه ياعبــاس ... وينك يا كَمر
* * ***
شلون أرجع كَلّي وشلون من أرد
وتنشد سكينه وتعاتب بالنشِد
يرضه عمّي من دلالي أنفكَد
والدلال يروح ... والعز والفخر
خويه ياعبــاس ... وينك يا كَمر
* * ***

يحدي بيّه كَلبي صوب المشرعه
وما ردت أطلع وأشوف الفاجعه
هنانه رايه هنا جفوف مكَطّعه
وعالترايب جود ... بس مايه أثر
خويه ياعبــاس ... وينك يا كَمر
* * ***
ياجرح الاحساس ينزف مستحه
خويه أشوف الخوّة يمك طايحه
لاتعذّب روحك آنه مسامحه
يا ملاذ الروح ... يانور البصر
خويه ياعبــاس ... وينك يا كَمر
* * ***
ونسالكم الدعاء

وين عباس
~.~.~.~.~.~.
لخادم أهل البيت (ع)
حســام الناصري

يا نهر كَلبي تفطّر ... ويــن عــبّــاس
والظمه بحشاي يسعر ... ويــن عــبّــاس
ما رِدِتْ مايك إلي ... أروي بس بكافلي
ويــن عــبّــاس
* * ***
كَصدَتْ لصوب الشريعة زينب وتسحكَـ جمُر
رايحة لعباس أخوهه إتودّعه وداع الــعــمُــر
تشتم بعطر الكفالة يفوح من ريح اليمُر
والكَلب ينشدهه وينه اتكَـلّـه ياكَلبي صبُر
يا كَلب هونك عليّه ... إصبُر وياي
والله هدّتني المنيّه ... إصبُر وياي
صاحت بدمع ايهلي ... أروي بس بكافلي
ويــن عــبّــاس
* * ***
اتكَـرّبت بت الوديعه وجنها تمشي للأجل
شافت الشاطي ايتموّج يجري مايه بلا خجل
اتكَـلّه يالعطّـشِت زينب بينها وبينك زعل
آنه ماجيت أرْدَ أعتبك جيت أشوف اللي كِـفَل
أدري من أعتب عتابي ... يصدع الروح
وآنه بس همّي وعذابي ... يصدع الروح
وآنه زينب بت علي .. أروي بس بكافلي
ويــن عــبّــاس
* * ***
ما إجيت أطلب لذيذك ما رِدِت منك شرُب
آنه بس شوفة كفيلي تروي عيني اللي تصُب
وينه دلّيني اعله جسمه بفكَده تيّهت الدرُب
وروحي مفجوعة بغيابه ويشكي افراكَه الكَلُب
ياكَمر يضويلي بعده ... بليل المصاب
والنجم عالضيم أشَـهْدَه ... بليل المصاب
وصوتي بالهَمْ يعتلي ... أروي بس بكافلي
ويــن عــبّــاس
* * ***

أرد أشوفن وين مرمي طاح ياشاطي الألم
شلون بيدي الجود أسلمه وبيده جودي ما سِلَم
والعلم آنه بيمينه ما أظن طاح العلم
وآنه صورة بعينه ظلّت شلون تنصاب بسهم
كل سهامه صابن إخته ... وصوّبنّي
و كل جرح ويّــا نزفته .. وصوّبنّي
وروحي ظلّت تشكلي ... أروي بس بكافلي
ويــن عــبّــاس
* * ***
طوّلت يمّك كلامي انته منهو وآنه مَـنْ
انته خزي وعار جرفك وآنه بت جنّة عدن
أوكَف كَبالك بطولي يا حسافه اعله الزمن
كون تنطم من أجيلك ومن عسه عيونك عمن
ليش كَطراتك عصنّي ... يا نهر كَول
وين جفّين الكفلني ... يا نهر كَول
من بعدهن أنولي ... أروي بس بكافلي
ويــن عــبّــاس
* * ***
ونسألكم الدعاء

رخصة العباس
~.~.~.~.~.~.~.
لخادم أهل البيت(ع)
حســام الناصري
حسين ورخص عبّـاسه والغيرة نار براسه
* * ***
راح وتِـرجّـه حـسـيـنـه والـمـسـتـحـه بـنص عينه
أرْد أروي خويه اسكينه كَـالـتْـلي مـايـك ويـنــه
وإتنومس بنوماسه والغيرة نار براسه
* * ***
طَـــبْ للــشـريـعـة بــزوده وشـمّـر ابـهـمّــة زنــــوده
شــاف الـحــرس مـوجـوده وإلـهُــم يـراوي جـــــــوده
يحركَـ كَلب حرّاسه والغيرة نار براسه
* * ***
يـذبــح ذبِـح بـالــنـظــــرة وطـاحـوْ ألِــف من خـزرة
والـجـيــش حــار بـأمـره جَــن سـيـف كَـام يـشـطـره
وعين العدل مقياسه والغيرة نار براسه
* * ***
جَــر سـيـفـه وإتـــولاّهُـم فَـنْ الـضـرب راواهُـــــم
روس وجِـثـث خــلاّهُــــم تـسـبـح بـفـيـض دمـــاهـم
والموت تارس كاسه والغيرة نار براسه
* * ***
وكـلـمـا تِـقَــدّم خـطـوة ويـزيـد حـيـل وقـــــوّة
أنـفـاســه كـلـها مـروّة احـسـيـن زيـنـب خـوّة
ويـسـبّـح بـأنـفـاســه والغيرة نار براسه
* * ***
صرخـة رقـيّـة إبّــالـه نــار الـعـطـش جـتّـالـه
واسـكـيـنـه تـمـشي خياله وعبدالله يـبـجي اكَـبـالـــه
والعطش ذبّـل يـاسـه والغيرة نار براسه
* * ***
شــال الـفـرات بـغَـرفـة جـن كَـاص مـنـحـر جُـرفه
بـس مـا تـرس كـل جـفّـه وللـجــود هَـمْ مـا كـفّـــــه
وإلسانه أبد ما جاسه والغيرة نار براسه
* * ***
بالـمــاي شـاف الـصـورة جـن زيـنـب ومــأســـورة
ولــــو مـــا تــذكّــر دوره جـا ســاخـت الـمـعـمـورة
وكَام انـتـفـض بإحـساسه والغيرة نار براسه
* * ***

هوني هوني
~.~.~.~.~.~.
لخادم أهل البيت (ع)
حســـام الناصري

هوني يانفسي صبُر ... طفّي النار بجمُر
احسين هذا وبعده لا كنتي وتكونين
وهذا دين الباري ظامي بكَلب الحسين
هــونــي هــونــي
* * ***
يــا نَــفـِس هالماي طوعي وبيدي أمره
وأكَدر أطفــيج بـقـلـيـلة وإنتي جمره
بس شكَـِـلّ لحسين لو دلاّلي يروه
وأدري برمح العطش نابت بصدره
شلون بالماي أرتوي ... وهوّه كَلبه ينجوي
حتّه لــو مــاي الــزلالــة لا تـشـربـين
وهذا دين الباري ظامي بكَلب الحسين
هــونــي هــونــي
* * ***
لا تضوكَي الماي يا نفسي وتِـرَيْـضي
خلّي الزهرة الزجيّه عنّي ترضي
بالـتـحـمُّـلْ والصبُر كَـومي وتوضّي
وإنتي تدرين السكَــايــة اليوم فرضي
هواي الحسين إنتظَـر ... وآنه أحجي ويالنهَــر
وأدري بكَلبه يسـبّح ياكَمر وين
وهذا دين الباري ظامي بكَلب الحسين
هــونــي هــونــي
* * ***

أدري ملهوفة وتحـسّـي الماي برده
وآنه أكَـول حسين هسّه شلون جبده
شـلون حال أطـفـالـه مـلـتــمّــه وتنشده
خاف عـمنه مـا يجي وايــوفّـي وعـده
وأدري بجمْـر العـطـش ... بالخِـيَـم ياروحي طَـشْ
العطش نار ونار فكَدي وتـشُـب نارين
وهذا دين الباري ظامي بكَلب الحسين
هــونــي هــونــي
* * ***

يللّه كَومي وياي يا نفسي الأبيّـه
إشْـوَصّـتِـج أمّ البنين بيا وصيّـه
أدري بعيون الخِـيَـم تشبح عليّـه
وطالت الغيبة على خولة ورقيّه
وأدري زينب ترتجي ... خاف راح وما يجي
مـا نســاني والـوصيّة من أمّ الـبْـنـيـن
وهذا دين الباري ظامي بكَلب الحسين
هــونــي هــونــي
* * ***
آ ينفسي بكلشي هاي الساعة جودي
وودّي لــسكينه العـزيزة هذا جــودي
ولا تـعــودي للـمُـخَـيّـم لا تـعـــودي
إلاّ ويّــاج الفــرات وكل وعــــودي
أستحي أرجع للخِـيَم ... وأسمع آهات الألم
ويبكَه سيف اللوم يذبح بيّه كل حين
وهذا دين الباري ظامي بكَلب الحسين
* * ***


مــا أريد الـيـرضع ايـشــوف الـمـنــايه
أدري كل نبضة كَـلب تصرخ ظـمايه
كــون لخيامي يِـصَـل هالـجــود مايه
حـتّـه لــو مني تطيح جـفـــوفي هايه
حته لو أزحف زحف ... والدِمَـه مني يجف
خاف أشيل بعيني ماي وتنرمي العين
وهذا دين الباري ظامي بكَلب الحسين
هــونــي هــونــي
* * ***
ونسالكم الدعاء

النار حركَت روحي
~.~.~.~.~.~.~.
لخادم أهل البيت(ع)
حسام الناصري
النار حركَت روحي كَبل اخيامي
وصوت دمعي يصيح كَبل آلامي
دمعي غالي وتدري بي ... وإنـتـه كـافـل زيـنـبي
* * ***
الـنـــار تلهب وآنه أدوّر عالضِوَه
بالكَلب شَـوفي وأحس كَلبي انجوه
روحي مخنوكَه وتريد اتـشـم هِـوَه
وهـيّـه والـدخـان إجَـو يـمّـك سِـوَه
شـلـــــــــون خـويه الغـيـرة تـرضه بـهــــايه
أمـشي والـدخـــــــان يـمـشي ويــــــــــــــايه
يـمـشي ويّـاي أجـنـبي ... وإنـتـه كـافـل زيـنـبي
* * ***
وداعتك أمشي وعلى وجهي طِـحِت
اخيامي صاحت نار وآنه ماصِحِـت
كلمة وحدة ومن كَلتها اشكَد نِـحِـت
يابو فاضل وين عن إختك رِحِـت
جــــــــــــــان كَـلـبـك يـعـلَـم بـنـبـضـــاتي
شـلــــــــــــون هـسّـه مـا سِـمَـع حـسـراتي
وما تِـكَـلّي اتـكَـرّبي ... وإنـتـه كـافـل زيـنـبي
* * ***
اسنيني كلها انته الكَمر وآنه السِـمَـه
ودنـيـتي من اتـغـيب تـبـقه مُـظـلِـمَه
فـاركَـتـني وكَـلـبي خـلّـيـته بــظِـمَـه
الخوّة مجروحة وبقت تـنـزف دِمَـه
شلون أشـوفك عالـنهر يالـغالي شلون أظـلّ بـغـربـتي بلا والي
وانته للخــوّة نبي ... وإنـتـه كـافـل زيـنـبي
* * ***
تدري جم سوط الإجاني من عَـفِـن
واللّي ما تـكَـدر أصير إلها مَـتِـن
آه لـــــو تـسـمـع رقـيّـة مـن تِـوِن
كَـاعـدة يـم سـكـنـة بـتـراب الحـزن
ترضه بمتون السِـمَـه يضربوها والغـريبة بلا ولي يعـذبوها
ارماد خيمتهن عبي ... وإنـتـه كـافـل زيـنـبي
* * ***
خويه وين انـبـات حركَوها الخِـيَـم
لـيـل وخـيـول وجـرح فـركَـة وألَـم
مـا نِـأمّـن لا كـفـيــــــــل ولا عَـلَـم
و بس دموع أيتام بأحضان الحَـرَم
دمـعـة تـجـري اتـــــــــــــــــواسي دمْـع اعـيـوني
ودمـعـة تـجـري اتــــــــــــــــــواسي دمّ امـتــــوني
والصبر بس مـطـلـبي ... وإنـتـه كـافـل زيـنـبي
* * ***
إعـذرني خويه راح أعـوفـك يا سَـمِـح
خـاف أظـل يـمّـك وأزيـدنّــك جــرِح
مـنـك آخـذ حـيل وأحـرس للـصبـِح
وأدري باجر شـوفـك اعـلـيّه يِـشِـح
خويه باجر حتّه إديّه امكَـيّده شلون أسـلِّـم لا يـشوفوني العِـدَه
تدري باجر أنسبي ... وإنـتـه كـافـل زيـنـبي
* * ***

مسلم من يون حن والدليل احتام

سلم عالحسين *وعكله بالطف هام*

///////////


حلم عالميسره يحرس خيم زينب

وخله الميمنه العباس من يكرب

وشافتهم ام عون وبعد ماتنحب

ومتبسم ابوجها وعالجمر متنام*

//////////

مسلم كَلبه جمره وعالخيم محروك

وزينب حافيه اتخيليها فوك النوك

ابلا والي العقيله إويُفروها إبسوك

*وتنده ياهلي ترضوها اني انضام*

/////////

مسلم صار باله يم ابو اليمه

عنده امنيه يحب نحره ويشمه

يعلم بالحسين امخضب بدمه

مسلوب وخضيب اتحاوطه الظلام**

////////////

مسلم راد مي ونده جمره چلاي…

بقه عطشان وِيْشابِه حبيبه بهاي

مسلم دمه نكط خلط ويه الماي

وكظه *عطشان والصوب دليله الشام*

/////////////

اتوجه للطفوف وزار ابو السجاد

وغير زيارته مسلم ابد ماراد

اندفع بيد اثمه وبامر ابن زياد

من فوك القصر من *زمره موش اسلام*



نسالكم الدعاء
خادم الحسين

احمد الطيب الحلي

الخميس / 13/6/2024

مسلم شيعي مابدله… ثابت بالهويه

هواي اتمر الافكار ..اتبع ابو الاحرار

ثابت بالهويه

/////////////

كتب دم حسين منهج ورفع بالطف اله رايه..

ترجم القرآن  دمه وفسره النه آيه آيه

شاف دين الله يبوكه المنحرف والعنده غايه

ثار أو أَبد مايلتقي ..منهج الحق وي الشقي

بالأُمه رايد يرتقي… .حسين يركبها المنايه

بين الذله والسله ..واختار المنيه

ثَبَّت دينه من ثار ..اتبع ابو الاحرار

ثابت بالهويه

////////////////

احنه من حسين اخذنه الباطل إنوَضْح إنحرافه

من تمر فكره خبيثه بحجج حريه وثقافه

كون نعرف شنهو تعني كتاب بيَّن من غلافه

المثليه صار الها علم… كل مجتمع بيها انهدم

إتهدم المباديء والقيم… وبَعَد الله ماتِخافه

هو إلما يِخاف الله… يضر باي قضيه

بس الواعي يختار ..اتبع ابو الاحرار

ثابت بالهويه

//////////////

يمر كل يوم وتجينه منل غرب فكره جديده

كون نفهم مانقلد شنو من عدنه اليريده

والغرض منها خبيث لو قضيتهم مفيده

ابالك احسبها وشضفت… كلها شفتها وعرفت..

زلمه تحمر ماشفت… وكبل شو يلوي الحديده

چَفه خشن زلمتنه… يسوه الاجنبيه

يركب موج الاخطار… .اتبع ابو الاحرار

ثابت بالهويه

///////////////

ولان عدنه نهج ثابت ولعلي عدنه ولايه

وبَهَل بيته النبي وصه وبكتاب الله الوصايه

حركوا القرآن لكن إلهدف نعرف والنوايه

يجهلون كل المجتمع… والبعض ابفخهم وكع

بس يسمع حسين ورجع….. وصوت ابو اليمه الهدايه

يهدمون السنه كلها… وتبني الغاضريه

والطف عالمي صار ..اتبع ابو الاحرار

ثابت بالهويه

////////////////

الحمد لله عدنه مرجع والوطن لمه بعباته

وانه اكلهم حكمة الاب بالنجف هذه صفاته

وعله كد ماهمه ابونه ليله بالهم من يباته

كون العراق يضل ابي… وميحكمه واحد اجنبي

يدعي يلاهي مطلبي… ويفدي إلِعِراق بحياته

والسيد رفع ايده ..وانهى الطائفيه

وِطَفَه السيد النار ..اتبع ابو الاحرار

ثابت بالهويه

//////////////

مدرسه المجلس وحوزه وعبر ناخذ من نقيمه

حسين فوك الرمل نايم وزينب الفرت بهيمة

بدمه دين الله تِخَلَد وضلت الفطره السليمه

وكمل درب جده ورسم

منهج عدل رافع علم

طاح ولجل دينه سلم

وبسهم دلاله انجسم

وقدم رضيعه للسهم

وزينب تصيحه ونهظم

كلها مال الدين يختي وكون اكصله مني خنصر




نسالكم الدعاء

احمد الطيب الحلي

بدمع العين… زار حسين… 

صله ركعتين وزار

والكربله يهديها.. ..


//////////////

فوك القصر هلهوله اجت من طوعه..

مسلم تطوع وانطه دم من طوعه..

حسين الامير وماخرج من طوعه..

مسلم حلف… نال الشرف..

مسلم عبد عد حسين… تِسوه الارض والبيها….

////////////////

مسلم توضه بالدمع من عينه ..

وزار ونده وسفه السبط منعينه ..

يعطش لجن عن الشرب منعينه ..

باخر نفس… .صدره انترس ..

هم وقهر عالمذبوح… والنايحه ايعليها..

//////////////

لزينب بقت من الحبل وصله الها..

وكَل للهوه هذا الدمع وصله الها..

ام الحزن وادري الحزن وصله الها ..

ضلع انكسر… راس انطبر..

وجبد وذبيح وعطشان… وفكد الكمر ياذيها..

///////////

مسلم عله متونه حمل يهدلها…

وروحه لاهل بيت النبي يهدلها….

صرفن ثيابه ومن يطب يهدلها ..

وحزامه ظب… للحومه طب..

حته اليشوفه امن ابعيد…

بالساحه ميضل بيها..

//////////////

إعله حسين مسلم ضل اله بس الهم..

وكال  العمر حزن وقهر بس الهم…

لاجن نزل فرد وفرد بسلهم…

ويحسب ركب… وشكد طبك..

وبظربته ايحز اركاب… لا ابد ميثنيها..

///////////

ثوب الغدر بالكوفه بس لاكلهم…

بوجه الكفر مسلم وكف لا كلهم…

مسلم لون وجه ابوجه لاكه الهم ..

بوجه الكفر… واكف مصر..

الرايه الاخذها امن حسين… يرفعها ويعليها

////////////

دمعه لجل روحه ابد ميهمله..

بوجدانه ابو اليمه نبض ميهمله..

دون ابو اليمه من يمر ميهمله..

بس حسين ..وسط العين ..

ياخذ تحيه لحسين … ويكوم وياديها…

/////////////


نسالكم الدعاء
احمد الطيب الحلي

٤محرم ١٤٤٣
الجمعه 13… 8… 2021

الكوت

حبلَك يَمُسلم وصل… الچف زينب الحره ..

وبالسوك مِن تِنْسِحِل… يِچْتِفها نفس الحبل ..

الچف زينب الحره

/////////////

إتوجهت للطف يمسلم من عله قصر الاماره ..

والوضوء ابدمع عينك وتقره لحسين الزياره ..

تبدي منك قصة الطف والكلب ماتطفي ناره ..

بيك الالم ماينوصف… اتخيلت زينب تنچتف ..

وراية اخوها ماترف… والحرم يمشن يساره ..

مسلم اتمنه يِضَل… ويحرس خيم زينب..

وبالكوفه ما تِنچِل ..يِچتفها نفس الحبل ..

الچف زينب الحره

////////////

بعد ما صلت وراك الكوفه كلها وي الفصايل ..

وكالوا إقْدِم ياسفير حسين ابآلاف الرسايل ..

تِحل اهلا يبو طاهر وألف سهلا وانت نازل ..

اتبدلت كل هاي الهله… وضليت وحدك بالفله .

بالغربه مسلم ياهو اله… زينب ابلايه ابو فاضل ..

إبّالك اجت بت علي… اتذكرت غربتها ..

وتصيح يابو الفضل… يچتفها نفس الحبل

الچف زينب الحره

/////////////

رغم ماضل وحده مسلم مايهمه يضل وحده ..

باله يم حسين رايح وشدته مامنها شده ..

عله وجها حسين مرمي وعالتراب يصير خده ..

وتراب صار وي النفس… والنفس دخان انترس .

محروكه خيمة ابلا حرس… والشمر ياهو اليرده ..

بالسوط صار الشمر… يظرب متن زينب

وتصيح كونك عدل… يچتفها نفس الحبل

الچف زينب الحره

///////////

ياسفير حسين مسلم باب للطف انت صاير ..

ابغربتك من تضل هايم ابلا اهل وبلايه ناصر ..

اتسجلت اول غريب وانته اول شخص حاير ..

متغرب ابلايه اهل ..وبالكوفه يلفيك الاجل ..

واهل الخيانه والجهل ..دارت اعليك الدواير ..

صلت وراك الآلاف… لن اصبحت وحدك

مو وحدك التنخذل… يچتفها نفس الحبل

الچف زينب الحره

/////////////


مسلم باخر حياته وكربله صارت بعيده ..

وصفحة الغدر وخيانه مستمره ومو جديده ..

مِن يِوَصِل لبو اليمه ومسلم يخط دم وريده ..

مكتوب بيه كل الجره… بالسوك جثته اموذره

لمسلم الكوفه تِغْدِرَه… ومنظره بالطف تعيده

ولحسين بالطف الخيل ..تسحك عله صدره

والسحكه ماتنحمل… يِچتِفها نفس الحبل

الچف زينب الحره ..

/////////////

راد ماي وضامي مسلم لچن ضل مثل ابو اليمه ..

ماشرب والماي بيده يترس الماعون دمه ..

حَمِد لله كال مسلم وشاف طايح لحم فمه

ضل وحده مابين الغرب ..

چا وينهم اهل الكتب ..

اعلنوا بالكوفه الحرب..

محروم من ماي العذب ..

نار العطش تچوي الكلب ..

ماطفت جمرتها وتشب

والماي بيده بس يذب ..

من عله قصر الاماره مسلم يودع حياته ..




نسالكم الدعاء

الاقل

احمد الطيب الحلي

السبت ٢٤..٦..٢٠٢٣
٥ ذو الحجه ١٤٤٤

امنياتك بيها ادري. .
 
تحظر وتحميلي خدري. ...

آ  يمسلم كون حاظر. ...

ما يدوس حسين حافر. ...

    آ  يمسلم. ....آ يمسلم.....
///////////

اليمسي بالغربه وحيد ابلا اهل . ....

وصفنه بالباب اولا واحد سأل
..
جمر جوه ضلوعه كل ليله اشتعل..

ينتظر من اهله طارش ما وصل

   مثلك انه هم وحيده. ...

    وعل ثره ولد الصميده. ..
.
وابقه للخوان اناطر. ....

ما يدوس حسين حافر. ...

       آ يمسلم. ...آ يمسلم .....
//////////

انت والعباس لو صرتوا سوه. .....

لا خيم محروكه لاكلبي انجوه. ....

ينسعد دلالي لو شفت اللوه. ...

وداعتك ميمسني ابد حته الهوه. ...

     منهو يحركها الخيمنه. ...

    وانت والعباس يمنه. ...

ما يشب وكَلبي شاجر. ....

ما يدوس حسين حافر. ..

       آ يمسلم....آ يمسلم ....
///////////

اعليك من نشدت حميده  يالشهم. .....

وين ابوي اتكلي والحسره تظم..

حيلي يامسلم عكبكم ينهدم

صرت عكب اهلي يكبعني الهظم

     اسكت وكبعني همي. ....

ولا اهل ياخويه يمي. ...

منهو اليجبر  الخواطر. ...

ما يدوس حسين حافر. .....

    آ يمسلم. .....آ يمسلم....

////////////

من طحت جوه الضلع يسعر جمر. ...


وبعد عينك حافيه وبالهيمه افر

الخيمه محتركه وعلينه ماتمر. ....

وذني من دفعوك من فوك القصر. ...

  تلجم جروحي حميده. ...

والدي اتكلي أريده. ...

عمه خل تعمه النواظر. ....

ما يدوس حسين حافر. ......

  آ يمسلم. ..آ يمسلم

////////////////

انت بالكوفه صرت تشبه علي.....

هلهلت طوعه وتصيحك يالولي..

تنزل وجنك تكلها ادللي..

جنها صاحت من ترد سالم الي..

عمري اطشه جوه جدمك ...

     مسلم شكد عذب اسمك ....

مسلم  ايرد  المخاطر. ...

ما يدوس حسين حافر. .....
آ يمسلم. .......آ يمسلم. ....
///////////////

عله حسيني سلمت كبل الجتل. .....

من جسد دامي مجرور بحبل. ....

تدري راح امشي يسيره اعله الهزل. ....

وتدري بالطف منذبح حته الطفل

    
ادري عل عيله تون
   
وصار اسمي ام الحزن. .....

ابلا ولي وماعدنه ناصر..

مايدوس حسين حافر. .
...
    آ يمسلم. ......آ يمسلم. ....
///////////////
       نسألكم الدعاء
    احمد الطيب الحلي

الناشر مصطفى المياحي
      
        لو محرم هل علينه


رضعتني       من الطفوله حب امامي…

اتهل دمعتي.     من تكلي وكع ضامي… .

امي امي اشكد حزينه..
.
     لو محرم هل علينه…

امي……… .امي
////////

غذتني اعله حبه من ثدي ارضاعي…

وتتمنه وتكلي اتصير اله الداعي..

حظنها مجلسه والمنبر وناعي…

باول جلمه بذني وهزت اسماعي…

سمعتني.        اه يحسين ومصابه….

وحلفتني… ..بعرس جاسم وبشبابه…

      ابد مايبطل بجينه..

      لو محرم هل علينه…

امي… ،..امي
//////////

ارضعت انه محبته من ثدي طاهر
..
وصوت امي ودمعها عل وجن حاظر…

ضلع حسين يبني رضرضه الحافر…

وغريب ابكربله وماعنده كل ناصر…

بعينه دمعه        تشبح الزينب سبوها…

ينسه ضلعه.      لان اخته روعوها….

     وصوت ينده ياولينه

   لو محرم هل علينه…

امي…… ..امي
////////

ربيت اعله المصيبه ابليلي ونهاري…

وعندي والدي من يسمع الطاري..

يكول افدي الحسين ابكل اهل داري… .

مو دمعه التصب من عينه دم جاري…

ابكلبه لوعه.      ولابس اهمومه اعله ثوبه…

اتهل دموعه… ..ويدري تطفي كل ذنوبه…

      والدمع تارسله عينه ..

       لو محرم هل علينه…

امي…… امي
////////

تلوليلي وتون وتنادي عبد الله…

وحس يبجي الكَلب والمدمع اتهله…

عطشان الرضيع وذبحته النبله…

يربيلي امن اذكره بالكلب عله…

من اذكره       ويلي يبني المهد خالي… ..

بصدري عبره.       وحشه من دونه الليالي….

      والكلب فايض  حنينه….

      لو محرم هل علينه…

امي…… ..امي
/////////

ومن تصبح شباب وتعرفه الجاسم…

الدهر صار اعله عمه ابكربله ظالم…
.
ترك زفته وعروسه وعل حرب حازم…

ولجف المنايه جاسم ايسالم…

حاجه عمه.        عمي الك منذور عمري…

ينطي دمه       وكَله روحي افديك تدري…..

   صعبه اليوادع بنينه…

    لو محرم هل علينه…

امي… .امي
///////

وهل بيت النبوه يبني تتوذر…
.
يوليدي الحُسين ابطيحت الأكبر…

بجه حته الحجر من حبه بالمنحر…

وصف امن الضلوع ابكربله اتكسر…

يبني يبني.    ماحجه وحاجاه
ونينه…

يبقه حزني.  ..سولفتله ادموع عينه ..

 يل شلت صورة نبينه…

لو محرم هل علينه….

امي… ..امي
///////////
ومن تذكر ضعنها ومن مشه مسلب….

تحاجيني وتكلي والكَلب يلهب…

يريت اتسلبت يوليدي وي زينب…

ومن شافت اخوها اعله الثره مخضب….

  وكل هضمها.     كون اشيله بهاي روحي…

 ومن المها.      ابقه الوع وعالي نوحي…

  يضل حزنها يعيش بينه…

  لو محرم هل علينه…..
 امي… ..امي

///////////////
نسئلكم الدعاء
خادم الحسين
   احمد الطيب الحلي