لسان حال السيدة زينب عليها السلام في فراق امها فاطمه الزهراء عليها السلام

ياموت اخذني اوياها ما احتمل فرگاها
امي شكثر ظلموها. كسر الضلع اذاها
......................

اصعب جروح التلچمك جرح فگد الوالده
الفاگد امه جروحه كلفه هذا الله يساعده
جروحه ما تهجع تلچمه شما يردها تعانده
ليله ما يگدر ينامه يشكي جرحه الضاهده

واني الشفت بعيوني جرح امي غيّر لوني
بالباب من عصروها كسر الضلع اذاها
.................

العايشه وياه امه رحمه واجب يداريها
يشكر الله بكل صباحه من يسلم عليها
خل يباريها ويبرّها ويحذر يجافيها
واليـزعّـل امّه ينـدم يخسـر بتاليها

بالك تـزعّـل امّك. حوبتها تكسر عظمك
بس امي مارحموها. كسر الضلع اذاها
...................

شحال الاليشوف امه توگع تنظرب گدامه
تبقه هاي الصوره تجرح عينه طول ايامه
طاحت امي ودمها يجري بالكسر وآلامه
بعيني شفته اللي عصرها اليدّعي باسلامه

شفته بحقد يعصرها. مكسوره ما يعذرها
وعله الوجه سطروها. كسر الضلع اذاها
.................

آنه زينب هذا حالي ودمعتي السچّابه
امي راحت من اديه للگبر وترابه
عذبوها هوايه امي بالضلع وصوابه
بضعة الهادي مُحمَّد ما بقت بغيابه

واليدّعون اصحابه. كسرو ضلعها ابّابه
تبچي وتون خلّوها. كسر الضلع اذلها
.................

ودّعتني وماتت امي فاطمه المظلومه
حتى من ماتت شفتها بالنعش مهضومه
علي شيّعها عله متنه وبالضلع ملچومه
محني ظهره وگوّه يمشي بزهرته المحرومه

يدفنها رايح بيده آه ومتت ترديده
من والدي حرموها. كسر الضلع اذاها
.................

طفله عافتني الحبيبه اني زينب اني
فاطمه الكسرو ظلعها فراگها اذاني
من بعدها الدار ظلمه وبابها البچّاني
ما شبعت اوداع منها فاطمه الترعاني

عافتني بين جروحي مابين دمعي ونوحي
بالمگبره دفنوها. كسر الضلع اذاها

#سيد_زيد_الفحام
_______________________________

عافتني اومشت بالدنيه وحدي
هوانه ابحياتي شنهي عندي
ترد امي تمنيت// وحشه خلافه البيت
_________________

هم ترد امي الحنينه ادعي ا لله العوده
الدنيا من عافتني امي ابوجهي احس مسدوده
يمه راح امشي وراج ايامي هل معدوده
جابعد شله ابحياته الامه ماموجوده
امي اشكد احبه اوألله يدري
انكسر ظهري عليه اودمعي يجري
الج يايمه حنيت //وحشه خلافه البيت

___________________

هوه المفاركته امه شلون يخلص ليله
شمايغمظ عينه يذكر امه وانهد حيله
اولو مشه مكسور ظهره الوادم اتجيله
يعيش موجوع ابحياته الامه ماتدعيله
ليلي اشطوله صار ابلايه امي
بعد المن اروحن واشكي همي
الكبرج يمه هل جيت // ظلمه خلافه البيت
___________________

يمه شي عوظ مكانج ظل مكانج خالي
عازتج محد يسده اشلون اصبر حالي
كون ميت انه يمه وياج هم اشوالي
من اطب للبيت امي دوم تتراوالي
سكنت بالنجف امنه الحنينه
جاياهو بعد عينه علينه
بيتي المكبره ريت// وحشه خلافه البيت
______________

يساعد الله الفاكد امه جرحه مثل اجروحي
امي لمن فاركته راح كل اطموحي
امي لو موجوده هسه الا اظمه ابروحي
ارد اوصيك ابوصيه يلي تسمع نوحي
قبل جفه كل صبح اومسيه
لاتجرحه احلفك بالزجيه
حجابج يمه شميت // وحشه خلافه البيت

__________________

الصديق الفاكد امه با لله كله اشلونه
الحزن مرسوم اعلى وجه مبين امن اجفونه
ولي ماموجوده امه ميت ايسمونه
لو تظيع اخباره عنكم بالنجف تلكونه
من يحجي تحس ابكلبه حسره
يخلص الليل ونه وياها عبره
الغرفتج يمه طبيت // وحشه خلافه البيت

______________________
اشالتك تسعه ابطنه خله بين اعيونك
لاتزعله ابكلامك لجل اليماشونك
لومتت محد يذكر ك ربعك ايودعونك
تبقه بس امك وخوتك ابد ماينسونك
فرصه اوداعتك عينك عليه
هيه الشالتك دوم على اديه
نصيحه الكم ترى حجيت // وحشه خلافه البيت

____________________

يا الله تمت ان شاء الله
حسين الزيدي

شيرجع الأحباب
من جوه التراب
أيّس يگلبي لا تتاني دگة الباب

الليله مو ليله اعله زينب
مرّت بثگل الدهر
الليله يتمشى كسرهه
من گلبهه للظهر
عله فراش امهه نظرهه
يبچي بدموع السهر
من الظهر لليل كبرت
مدري جم عام وشهر

عمر المعاناة
أيامه صفنات
يله استعدي ياليتيمه السفره دمعات

.........

من تودع غالي تنظر
كلشي يوگف بالزمن
تشعر انت تعيش ميت
والعله متونك چفن
أنه الطفله الماتت امهه
وگلبي بالفرگه نطعن
عيوني اذا ما شافت امي
ريت هسه ينعمن

شيخلص الليل
وگلبي ابلا حيل
گبل السبي آنه السبوني ويلي يا ويل

..........

أمي مو مالت مگابر
وامي مو مالت نعش
الـ عمر صح بيد الله
بس عمرهه اثمنطعش
هاي ليله وذيج ليله
باجر بليل هدعش
ضلع امي وضلع اخويه
جرح بسمار وعطش

ومن جمرة الدار
للخيمه والنار
قصة رمح صوب ضلع من جان بسمار

.........

اصفك اليمنه اعله يسره
واجي للباب وارد
لا تتاني أيس يگلبي
ما يعود الباللحد
الجرح مثل الفطر يمشي
بعد شيفيد امن اشد
الدفو مات بحضن امي
والعمر موسم برد

عود الفرح مات
ما يحيه هيهات
درب السنين لكربله دمعات صفنات

...........

العنده مثل امي وفگدهه
يموت اذا شم الهوه
جانت الضحكه اعله خدهه
لبيتنه مثل الدوه
الگمر يخجل من وجهه
علمته اعله الضوه
حتى ابويه اشعر اتيتم
بأول الفرگه انطوه

هاي أم الاحساس
التمشي وي الانفاس
ماكو مثلهه اشما تدور الحور والناس

............

احمد هادي الشمري

ييمه ولا عشت كون
يريت گليبي مدفون
بعد متفيد العيون شسوي بدنيتي

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

يبعد الراح والجاي
شسولف والحچي هواي
ردت تبقين وياي
واعيش بشوفتچ

ييمه يموت الحسين
اذا من عنده ترحين
احلفچ بس تظلين ؟
تراني بعازتچ

يتيم وعيني التصير
تداين ماي للبير
بلايا جناح بس طير شسوي بدنيتي

،،،،،،،،،،،،،،،،،،،،،،،،،،،،،،،،،،،،

اموت الليلة وياچ
اذا ما يمي الگاچ
اظل مطلوب لرباچ
ذبلتي من السهر

تعبتي ايام وشهور
بشر بس انتي ناعور
عليچ انحوم واندور
يديره بلا مطر

يشدة فگدچ ارماح
وراچ انكض الصفاح
يموتت گاع فلاح شسوي بدنيتي
،،،،،،،،،،،،،،،،،،،،،،،،،،،،،،،،،،،،

الحظن للملگه مشتاگ
المحنه اليوم تنباگ
ييمه وضيم الفراگ
يدار بلا ضوى

خذيتي وياچ الافراح
الگلب گبل الدمع طاح
بعد ما لحظه ارتاح
مريض بلا دوى

أشمن عطر الثياب
أخذ عافيتي التراب
المگابر مالت عتاب شسوي بدنيتي

،،،،،،،،،،،،،،،،،،،،،،،،،،،،،،،،،،،،،،،،،،،،،


أصيرن سالفة ناس
زغير وشيب الراس
هذاك الخنگته انفاس
وكسر گلبه الترب

يبين بيه فرگاچ
اذا جابولي طرواچ
ولو ما لحظة انساچ
يلفراگچ صعب

اخلي الاه عل الاه
يحظن أمنا الخسرناه
ييمه اعليچ ويلاه شسوي بدنيتي

،،،،،،،،،،،،،،،،،،،،،،،،،،،،،،،،،،،،،،،،،،،،،

اخلص عمري متعوب
وسواد مفصل الثوب
اليتيم ايموته الغروب
ويحن والله لهله

يطب الدار ويموت
الثنية بعينه تابوت
البواچي اتصير بسكوت
الفرح لا مو أله


مشيتي وعفتي بس ليل
وبشر ما يذكر الحيل
ييمه أحتاجچ أدخيل شسوي بدنيتي

كلمات خادم الحسين
#رعد الفريجي
14 /2021/1 /الخميس/

عظم الله اجورنا وأجوركم
بأستشهاد سيدتنا ومولاتنا
فاطمة الزهراء عليها السلام

شيرجع الأحباب
من جوه التراب
أيّس يگلبي لا تتاني دگة الباب

الليله مو ليله اعله زينب
مرّت بثگل الدهر
الليله يتمشى كسرهه
من گلبهه للظهر
عله فراش امهه نظرهه
يبچي بدموع السهر
من الظهر لليل كبرت
مدري جم عام وشهر

عمر المعاناة
أيامه صفنات
يله استعدي ياليتيمه السفره دمعات

.........

من تودع غالي تنظر
كلشي يوگف بالزمن
تشعر انت تعيش ميت
والعله متونك چفن
أنه الطفله الماتت امهه
وگلبي بالفرگه نطعن
عيوني اذا ما شافت امي
ريت هسه ينعمن

شيخلص الليل
وگلبي ابلا حيل
گبل السبي آنه السبوني ويلي يا ويل

..........

أمي مو مالت مگابر
وامي مو مالت نعش
الـ عمر صح بيد الله
بس عمرهه اثمنطعش
هاي ليله وذيج ليله
باجر بليل هدعش
ضلع امي وضلع اخويه
جرح بسمار وعطش

ومن جمرة الدار
للخيمه والنار
قصة رمح صوب ضلع من جان بسمار

.........

اصفك اليمنه اعله يسره
واجي للباب وارد
لا تتاني أيس يگلبي
ما يعود الباللحد
الجرح مثل الفطر يمشي
بعد شيفيد امن اشد
الدفو مات بحضن امي
والعمر موسم برد

عود الفرح مات
ما يحيه هيهات
درب السنين لكربله دمعات صفنات

...........

العنده مثل امي وفگدهه
يموت اذا شم الهوه
جانت الضحكه اعله خدهه
لبيتنه مثل الدوه
الگمر يخجل من وجهه
علمته اعله الضوه
حتى ابويه اشعر اتيتم
بأول الفرگه انطوه

هاي أم الاحساس
التمشي وي الانفاس
ماكو مثلهه اشما تدور الحور والناس

............

احمد هادي الشمري

مـــــــاتت امي فاطمة.....بويه علي بويه
وحشة داري ومضلمة.....بويه علي بويه
احضر احضر ياعلي
........................................
بويه وينك يا علي يا حاضر الشــده
فاطمة امي انولت والمحسن الوحده
اهل السقيفه اتجرؤا ماهابوا الورده
بويه هم شايف طفل دم وجمر مهده
ريت بعيوني العمه...بويه علي بويه
ماتت امي فاطمة...بويه علي بويـــه
احضر احضر يا علي
.................................................
بويه من هجموا علينه وامي وحدًهــــا
صاحت الفضه تجي وعالباب تسندهـــا
انعصرت وطاحت ثكيله الباب شيسدها
بعيني شفته اللي رفسها والسطر خدها
ضجت أملاك السمه....بويه علي بويه
ماتت امــــي فاطمة....بويه علي بويه
احضر احضر يا علي
..................................................
دخلوا الدارك يبويه وانته ما بيــــها
وسبوا امي وشتًموها وداروا اعليها
هذا يدفعا وهذاكه بسوطه واليـــــها
وهذا يرفسها وبديها النار يطفيهــــا
سبحت بفيض الدمه....بويه علي بويه
ماتت امي فاطمـــة....بويه علي بويه
احضر احضر يا علي
................................................
ثمنطعش عمر امي بويه وانطفى نوره
ماتت وضل دمها يابـــس ينتضر دوره
الكسر ضهري تكلــــي وهيه مكسوره
يمه زينب غطي خدي عيني مسطوره
المحسن الله يرحًمه....بويه علي بويه
ماتت امي فاطمــة....بويه علي بويه
احضر احضر يا علي
......................................................
طحت بويه بطيحت امي وانهدم حيــــــــلي
اشلون اغمض اعيوني واغفى لو يجن ليلي
امي ما تدعي النفسها والــــــــــــي تدعيلي
جنت مــــــــــن ابجي تجي تبجي وتلوليلي
هذا جرح الخاتمه....بويه علي بويه
ماتت امي فاطمة....بويه علي بويه
احضر احضر يا علي
...............................................
خادم خدمة الحسين
الشاعر
محمد الموالي

حاجيتج ومالج صوت عكبج تمنيت الموت
يمه زهراء
===========================
شعجب يايمه اصرخ ما تسمعيني
هذا انه العزيز احسين حاجيني
معقولة البُعد خلاج تنسيني
و تباعد موتتج مابينج وبيني

ناديتج بدمع العين ردي علي انه احسين
==========================
ملفوفه بچفن جدامي يا لزهره
تحضنيني بحنانج روحي منتظره
بلكت ينفتح هذا الجفن مرة
ومن خدي يمينج تمسح العبره

فلي الجفن لولحضات من خدي مسحي الدمعات
===========================
كبرج لو يحفره حيدر ابدمعه
اكله بويه كبر الطاهره وسعه
اريد اعله الوديعه اكعد وانعه
والمفارك يحب النايحه طبعه

ابكبر امي يامحله النوح كلبي وكلبها مجروح
==============================
من كلتي كرب موتي وبده هجرج
صحت يمه من عمري على عمرج
سمعت صوتج تلوجين بألم كسرج
حنه ضهري الصواب ولاحنه ضهرج

ريت الالم بيه جان ولا جفنج يظل سهران
=============================
شعجب ما ينكسر كلبج على حالي
و لا همج ونيني و دمعي الهالي
تره افراكج ابد ما مر على بالي
وعكب ذاك الحنان النوح جتالي

من زغري وفراكج نار بغيرج تره وحشه الدار
=============================
دمع زينب كسر كلبي وشعل همي
تناشد خويه هم ترجع بعد امي
شافت من ضلوعج بس ضلع مدمي
ويوم الطف بلا راس وتون يمي

راسي برمح كله دموم كل صدري بالطف مهشوم
===============================
خادم أهل البيت (عليهم السلام)
حسن بشير السوداني

عظم الله اجورنا وأجوركم
بوفاة سيدتنا ومولاتنا
أم البنين ع

بعيد الدرب دمعي يصب ضل عالفاركوني
وكت العصر ادعي اشكثر وين الله ويجوني
وياك اربعتهم للطف ودعتهم
****************
نزلة الدمعه وطفت الشمعه وين الاكيهم كمت اتانيهم بعتبة الباب
سافرو ولدي وصبحت وحدي ولجمت اجروحي ضلت بروحي عكب الاحباب

امس عيني ترف وستعوذيت الله
ومن هذا السفر كلش خفت والله
خلو يمي بس اكماط عبد الله
ولا اندل دربهم خاطر اوصله

احبابي امن امس حته الشمس وياهم خذوها
كلبي انكسر ومن القهر روحي عذبوها
البل غيره ارضعتهم للطف ودعتهم
**************









حسين محبوبي وشمعة دروبي ومن يفاركني دموعي تحركني اشلون اعوفه
يسري ويدمي ونسه كل همي من يحاجيني وينضر بعيني وانه اشوفه

انه ادري النشامه الكربله ماشين
صح اعزاز بس موش بمعزت حسين
اشما كلها دمعتي كافي لا تبجين
تعرض صوره العطشان وسط العين

كمت وطحت واشكد خفت من هاي العلايم
فدوه الولد خل لا ترد بس كون ابني سالم
بسمك شجعتهم وللطف ودعتهم
**********************
راح ابو الغيره وحيرتي حيره هذا ابو الرايه اعهوده وفايه اشكد احبه
راح للخوه راعي المروه ايكطع اجفوفه ويكتب احروفه من اندبه

دللول الولد ما لولي مثل الناس
دللول العلم لوليت للعباس
راسي اشلون ادنكه وابني شال الراس
راسه ينكطع والخيمه ما تنجاس

لمن دنه ويمي اعتنه كتله بذمتك الماي
وبكربله للعايله يبني اتحول افياي
خطوات اتبعتهم وللطف ودعتهم
***************

ادري يوفوني وما يخيبوني حته نسمتهم بلهفه شمتهم الاربع اقمار
بزينب اوصيهم ودوم احاجيهم بزود احرسوها ولا تخلوها اهناكه تحتار

زينب يابو فاضل كود ناكتها
وماريد العقيله اطيح دمعتها
اريدك دوم يبني اكبال خيمتها
عزيزه اختك تره وماكو بمعزتها

والربتك والشالتك عندك يبني امانه
شيل العلم واحمي الخيم وانته بضهرك انه
اخوانك جمعتهم وللطف ودعتهم
**************
ناري بيه اتشب من يجي المغرب مكدر انساهم طال فركاهم سافرو وين
ضاع كل تعبي وجا وكف كلبي راحت العشره وبقت بس ذكره امن البعيدين

انه ام البنين وجرحي ماذيني
راحت روحي مني بروحت ابنيني
وره حسين الحنين اشكد بجت عيني
جان حسين روحي وشمعة اسنيني
راح الضوه ومات الهوه بريتي من جفاني
احلامي انتهت عيني بجت لمن فاركاني
ابنيني الضيعتهم للطف ودعتهم
****************
تمت
تحسين الخفاجي

كلبي المجروح يايمه
الفركاك اينوح يايمه
بيه اشسوه فركاك وديت اربعه وياك
***************
ودعتك ونار الحزن تجويني
ومن فركتك ما كمت اشوف بعيني
ينطيك كلبك تمشي وتخليني
يحسين لجلك كبريت ابنيني

وادري ايوفون يايمه
وراح ايضحون يايمه
كل الولد تفداك وديت اربعه وياك
****************
يحسين اسمك يسري ويه الانفاس
جنت امن اشوفك انسه وجه العباس
عطر الحبايب احله من عطر الياس
تدري بغيابك يبني شيبت الراس

يمته الغياب يايمه
ايدكون الباب يايمه
ضل ابالي ذكراك وديت اربعه وياك
********************





ارجع ييمه وشوف عكبك حالي
لمن عفتني ضل مكانك خالي
ام البنين وحسرتي بدلالي
اشلون اصبر وعن عيني راح الغالي

بهجرك يحسين يايمه
بجيت العين يايمه
ضلت روحي ترجاك وديت اربعه وياك
**************
يا دنيتي وروحي وحياتي وعمري
وانته الهوه يحسين عندي اليسري
حدب ييمه امن المصايب ضهري
كل يوم اذكرك والمدامع تجري

بصدري الالام يايمه
وظلمه الايام يايمه
لا تنسه وانساك وديت اربعه وياك
********************









عفتوني وحدي وبيه تغلي النيران
والبيت بيكم كل وكت يزهر جان
كمت انتظر طارش يدك البيبان
ما ينحمل ياروحي فكد الوليان

كل لحضه اشتاك يايمه
ما بيه افراك يايمه
تدري بكلبي يهواك وديت اربعه وياك
*****************
يحسين عكبك كلي شيخلصه الليل
وانه ادري باجر صدرك اترضه الخيل
طيحت اخوك بكربله اتهد الحيل
ودم نحرك اشكد عالترب راح ايسيل

ايدوسون اعليك يايمه
وتنهض ما بيك يايمه
وتطحن جسمك اعداك وديت اربعه وياك
*****************
تمت
تحسين الخفاجي

ودعوني الاحبهم ودعوني
عذبوني بهجرهم عذبوني
شو خذو كلبي ومشو ليش هيج اتأخرو
****************
اكعد وبالباب اون راح اموت امن الحزن غير كون انسه يكلبي خاطر ارتاح
ظلمه صارت دنيتي امن اجيبن راحتي فاركوني والدمع مثل المطر طاح
تعب عيوني السهر ليش فركنه الدهر اعليه احس فجر الحزن من سافرو لاح
امن الحبايب ايست وللعذاب اتحزمت هسه ياروحي اعرفت ما يرجع الراح

فاركوني الاودهم فاركوني
ما يجوني اعرفتهم ما يجوني
خاف يا كلبي نسو ليش هيج اتأخرو
******************
خلصت عمري بجي بعد شيفيد الحجي والجفوني ليش بجروحي يعيلون
اهواي يا روحي اتعبت امن المصايب شيبت راحو وضلت صورهم بين العيون
عندي ما ضل كل امل فاركت كل الاهل اتردلي عافيتي بنيني لو يرجعون
تربي عيني اعله الدرب والهجر كلش صعب ابد ما جان اعله بالي عني يمشون

حيروني الحبايب حيروني
اتعذروني يكلبي اتعذروني
كلمه وحده ما حجو ليش هيج اتأخرو
********************





انه ربيت الولد وللطفوف احسب وعد انه ادري الاربعه يوفوني بالدين
بولدي ما مهتمه ابد وكلبي عنهم ما نشد انه شاغل بالي ضل اوليدي الحسين
هوه روحي وسلوتي وهوه مالك دنيتي وهوه اعز امن النفس محبوبي والعين
ضلت دموعي تهل بعد شيلم الشمل اجفوفي تعبت من كثر دك الحياطين

شيبوني بجفاهم شيبوني
شو نسوني اظنهم شو نسوني
للمنيه اتحزمو ليش هيج اتأخرو
******************
كمت اشم كوه الهوه كلبي جم مره انجوه صحت بسك يازمن حن اعله حالي
شكتب الهم حايره والرسايل تنقره الغالي حته لو مشه ايضل دومه غالي
يمته نتلاكه بعد خاف ملكاكم برد الفركه طالت وانه بس احسب ليالي
حسين بوداعه متت والمجانه باوعت اتخيليت ايكلي يايمه تعالي

عاكَبوني بمشيهم عاكَبوني
وتعبوني بهجرهم تعبوني
وبعذابي ما درو ليش هيج اتأخرو
******************









بزينب اوصيكم صحت وما تخيبوني اعرفت هاي كلش غاليه وغالي خدرها
كوم يا راعي العلم واحلف بذيج الخيم ما تفارك زينب وتكسر ضهرها
ثني رجلك يالولي وخلها تصعد بت علي كَود ناكة زينب وامسح اثرها
تدري بيها امدلله يا جفيل العايله صير شمعة ليلها وعزها وذخرها

طمنوني اعله زينب طمنوني
وفرحوني بختكم فرحوني
الكربله ولدي اعتنو ليش هيج اتأخرو
***************
عرضت اكبالي الصور وخطفت اشباح القدر كلها باجر تسبح بدم المنيه
تنذبح راح الولد وليه ابن حذلم يرد ايكلي ويلادج كضو بالغاضريه
ايطيح من جتفي الفضل وتبكه دمعاتي تهل اشلون بيها ام البنين بهل الرزيه
بولدي لتسولف صحت تدري بيه اتكطعت يا بشر سولفلي عن ابن الزجيه
صوبوني بمصابه صوبوني
لوعوني بغيابه لوعوني
وصله من جبدي اشلعو ليش هيج اتأخرو
****************
تمت
تحسين الخفاجي

كل مغرب احن واشتاك الك وتنطر اخبارك
لمن سافرت يا سلوتي موحش صبح دارك
انه ام البنين رايح عني وين
***********
كل يوم اكعد اعله الباب وتنطر خبر منك
تعبني السهر يحسين يمته اترد وشوفنك

تعال خل نتباصر يبني ونكعد سوه
تعال محتاجتلك تدري بكد الهوه
تعال طفيت ايامي وصرت بلا ضوه

جريت النفس كوه واجت ويه النفس روحي
ما استاهل اتعذب وضل بهمي وجروحي
موتني الحنين رايح عني وين
****************
اكتبلك رسايل شوك والدمعات تقراها
روحي العودتها اعليك يم الخيمه تلكاها

وراك سبحت عمري انكطعت وطشرت
وراك تعبت عيني ومن افراكك عمت
وراك امك كبرت واهواي اتغيرت

غايب واشعر امجانك يباوعلي ويحاجيني
انته بعيني وصورك ابد ما فاركت عيني
اصرخ يا حسين رايح عني وين
******************

فزيت بتوالي الليل وصدري خنكته العبره
فاركتك يروح الروح وبعد ما ترجع العشره

حرام ينهد حيلي ويلجم جرحي البرد
حرام يبس غصني ويذبل ذاك الورد
حرام انته اتروح ومني اتروح الولد

وينك يالرحت والشوفتك عايفني عطشانه
البيت الينهجر ما ينسكن وتمله حيطانه
يا تعب السنين رايح عني وين
***************
طول الليل اون اعليك يالتستاهل الونه
اشلون اتروح وانه وياك روحين بجسد جنه

اصيح وينك والحيطان اتردلي الصده
اصيح ودمعة عيني طاحت مثل النده
اصيح توه حسين اكبالي وهسه اشبده

غالي وينعصر كلبي صحت لو سافر الغالي
تكتل فركتك يالصورتك ما فاركت بالي
عذبني الونين رايح عني وين
*******************





لا تمشي وتفاركني تعال افراك ما بيه
يبو الحنيه من اتروح اظل ابلايه حنيه

انوح وخضر جرحك من دمعاتي التصب
انوح وبالباب اكعد وعيوني اعله الدرب
انوح شيردهم يا روحي اعزاز الكلب

ليش السافرو ما عودو ودياري عافوها
وحدي والكبر هدني وحرام المثلي ينسوها
الغالي ابجيله عين رايح عني وين
*******************
يالمتعني درب الموت كل ولدي الك فدوه
عكبك يا حلم دنياي هاي الدنيه ما تسوه

شريد غيرك ياالمنطيتك يمه اربعه
شريد غير ارباي اويمك ما ضيعه
شريد والعباس اجفوفه اعله المشرعه

نورس دنيتي وكل اخوته ايضحون الك لازم
يحسين الولد فدوه صحت كونك ترد سالم
يالتطلبني دين رايح عني وين
**************
تمت
تحسين الخفاجي

ام البنين عليها السلام

حدّبت بمصابكم شيّبت بغيابكم
يا بنيني. يا بنيني
................

يالمشيتو وباقي بعيوني اثركم
ماكو رجعه گلبي ايّس من سفركم
رحتو عني وظلّت ابّالي صوركم
راسي شيّب من رجع ليّة خبركم

دم بچيت ابّابكم شيّبت بغيابكم
يا بنيني. يا بنيني
................

الوالده حگها عله ابنها تبچي وتنوح
يكتل فراگ البنين ويجرح الروح
شلون لو عالغبره سمعت عنه مذبوح
تبچي دم بمصيبته وتتنفّس جروح

سلني عطر ثيابكم. شيّبت بغيابكم
يا بنيني. يا بنيني
................

يا بنيني الاربعه الكم سلامي
عفيه ماقصّرتو وي تاجي وامامي
ارفعتو راسي فدوه نفّذتو كلامي
عليكم ابچي واكثر عله الطاح ضامي

اسوّه بيه صوابكم. شيّبت بغيابكم
يا بنيني. يا بنيني
................

من مصاب حسين يبقه مصابكم دون
صح جرحكم يچوي گلبي لكن يهون
حسين اعظم منكم ومن عندي تدرون
مصابه هد حيلي وفجعني وغيّر اللون

صاب گلبي الصابكم شيّبت بغيابكم
يا بنيني. يا بنيني
................

بمكم المفجوعه ماظل قوه لا حيل
اكثر عله حسين حگهه دمعتي تسيل
منهو منكم يابنيني داسته الخيل
وذر من جمسه الحوافر گامت تشيل

گاعده بعتابكم شيّبت بغيابكم
يا بنيني. يا بنيني
................

ثنعش طبره ابنحر ابوالسجاد طبروه
ويلي ريحانة مُحَمَّد ضامي ذبحوه
بالخيول الاعوجيّه شلون داسوه
برمح عالي گبال زينب راسه شالوه

تيتّمت احبابكم شيّبت بغيابكم
يا بنيني. يا بنيني
................

آنه امكم فاطمه المجروح گلبي
عگب ابواليمه اموت دعيت ربي
چني اسمع صوت يم عباس طلبي
صحت ريت حسين هذا اليوم قُربي

عارفه باسبابكم شيّبت بغيابكم
يا بنيني. يا بنيني
................

گبل لا تغمض عيوني لنّه يمي
حسين ابوالسجاد شفته وزال همي
گتله ياموت اخذ روحي صار حلمي
روح ابوالسجاد هاي تصيح بسمي

اندفن بترابكم شيّبت بغيابكم
يا بنيني. يا بنيني

#سيد_زيد_الفحام
_____________________________________

عظم الله اجورنا وأجوركم
بأسشهاد سيدنا ومولانا أمير المؤمنين علي عليه السلام

الوداع الوداع ياعلي ياعلي
*
ودعتك الله ياعلي هذا اخر اوداع
معقوله هليله السمه ندفنهه باالگاع
شفت اليشيعونك مشو ياحيدر بساع
مثل السفينه انه صرت مكسورة اشراع
الوداع الوداع ياعلي ياعلي
*
يوميه غالي اتودعه عيني من الاحباب
ويوميه گلبي يندفن ويضمه التراب
الله ياهذا المسه وياعظم المصاب
لمن اشوفن والدي وذاك العطر غاب
الوداع الوداع ياعلي ياعلي
*
اول مسيه ياعلي ماهو انته باالدار
ها الفارشه مصلايتك وانحب يكرار
تسبيحي صارت دمعتي ياحامي الجار
اصوابك يظل ياباالحسن طول الوكت حار
الوداع الوداع ياعلي ياعلي
*
البيت اذا راح الابو يتنفس اهات
وعيوني اذا ماشافته تگضيها دمعات
هليله يابويه صدگ حدر الثرى اتبات!!
هاي المسيه الجيتك خيعون الاموات
الوداع الوداع ياعلي ياعلي
*
ساعة وداعك عاالگلب بيه زيد الهم
وشكثر حزني الفرگتك بس الله يعلم
عاشور ياحيدر علي من هسه خيم
واليوم صارت دنيتي عاشر محرم
الوادع الوداع ياعلي ياعلي

*
#سعد العبودي

( ايتام تصيح )


ايــتـام تـصـيح ... عـلـي
معقوله اتـطيح ... عـلـي

يم بابك الفقـره بهظم مـجـتـمـعـه
منتظره من بـيتك يـحـيدر فـزعـه
يدعون يـارب شـافي النـه الـغالـي
الرد الـشمس ياربنـا كـون ترجـعـه

ايــتـام تـصـيح ... عـلـي
معقوله اتـطيح ... عـلـي
__1__________________

حيدر يدير عيـونه صـوب الفـقـره
والـفـقـره كـل عـيـونهـم عـالـطـبره
شافو نزيـف الـراس يمـشي بهيـده
وصاحـو دخيل الله ودخيل الزهره

ايــتـام تـصـيح ... عـلـي
معقوله اتـطيح ... عـلـي
__2__________________

الـحـاضـر قبـل كـل آدم وكـل حـوّه
مـتـغــيـر هــوايـه عـلـي ومـو هـوّه
الچان شحـلاته احـله مـن الـنـسـمه
مـعــقـولـه يـتـنــفـس هـوه بالـگـوّه

ايــتـام تـصـيح ... عـلـي
معقوله اتـطيح ... عـلـي
__3__________________

اليفـگد عـزيـزه يـا هـو الـيـتـچـيلـه
لـيـل ودمـع نـاتــج الـفـاگــد حـيـلـه
اليفگـد عـلي كـل مـغـربـيه تشـوفـه
مكسـور خاطـر "يـاعـلـي" بترتـيـلـه

ايــتـام تـصـيح ... عـلـي
معقوله اتـطيح ... عـلـي
__4__________________

هـسـّا ذبـل عـود الـيـتـامـه بـفـگـده
يـبقـى اليـتيم ابـلا عـلي وشـعـنـده
نــار الـدمـع يـتـحـول بـنـص عـيـنه
حرگ الخـيم دمـعاتـه تـحرگ خـده

ايــتـام تـصـيح ... عـلـي
معقوله اتـطيح ... عـلـي
__5__________________

معقوله طـاح الـطـاح بـاب بـچـفـه
وحيله أيتهاوه بريح مثل الـسعـفه
بـفـراشـه نـايـم والنـزيـف بـطـولـه
ومـايـقـبـل يـبـطـل ثــوانـي نـزفـه

ايــتـام تـصـيح ... عـلـي
معقوله اتـطيح ... عـلـي
__6__________________


#رزقهم_سلام_الله_عليهم
#احمد_رزاق_الاعرجي

تچوله الحسن وحسين حماي الحمه الليله

طاح الكون والدم ماخـــــذ اصوابه
عرش الله انفجع ويواسي محـرابه
لون الشيب گالـــــب احمر اخضابه

من الطبره حيدر راح كـــــــل حيله
تچوله الحسن وحسين حماي الحمه الليله


ياليل المصيبه الـــــــــدوهن ايتامه
طبرو چـــــــم فقير ابطبرت الهامه
من بيت الرساله طــــاحت اعمامه

ومال الچان مايعرف شنــي الميله
تچوله الحسن وحسين حماي الحمه الليله


جابو حيدر بيا حــــــــــاله ومصوب
تعثر بالعـــــــــــــــــبايه اتلگته زينب
ينزف مـــن جبينه وشدته ابمعصب

واتگله اعله هــــــونك يامن اتشيله
تچوله الحسن وحسين حماي الحمه الليله


گضينه الليل ندعـي سالم اتكومه
ياربي اليتامه امچلــــــبه بهدومه
ماضم الطبيب وگال حــــل يومه

سبلهه الچفــــــوف وقلت الحيله
تچوله الحسن وحسين حماي الحمه الليله


يم راسه الزلـــــــــم لماها ويگلهه
گلهم هــاي اختكم شيلو محملهه
كض ايد ابو فاضل گـــال تكفلهه

گله ابعيني زينب هــــيه والعيله
تچوله الحسن وحسين حماي الحمه الليله


وين الچان محــــــــد يلوي ذرعانه
متبدي اعله طوله وروحه خلصانه
دفان الزلم وايــــــــــــــــريد دفانه

واحتار الحسن مـــــن راد تغسيله
تچوله الحسن وحسين حماي الحمه الليله

خادم مولاه
شاكر الصيمري