يكافل مره تنضرلي وصدلي
سهام وضرب رد بيدك وصدلي
ولو مره بحلم مرلي وصدلي
وشوف اشسوه دهري وعمل بيه

🍁ضرغام الجابري

الموال:
يابو فاضل الحك اختك ميته ضيم
لدنيه ضلمه ونته جنت اله الضوه
لشمر يضربهه وتلوذ عله الخيام
تشكف اسهام وتعاين عل لوه
بلكت ترد اله وجفوفك تلوح
يلي من تمرض تصير اله الدوه
جفك عله النهر طايح يل كفيل
وانه جفي بحركت الخيمه نجوه
والله من بعدك غريبه ومالي حيد
فكري صاير يابو فاضل مو سوه
نوح وطفال وسهر ليل وجروح
تدري بعدك كمت اغصن بلهوه
فدوه ارجع ليه مو كافي الفراك
كلبي من بعدك شفت كلشي حتوه
ما اريد الماي ارجع يبن ابوي
انه من كثر الدمع كلبي رتوه

🍁ضرغام الجابري

يل تنشد عله الوضع*راح احجي ونته استمع
صرت انه من الحزن*غيمه وتمطّر دمع
.. *************** شسولف يهل ناس ونه ام المصايب
بصغر سني وانه شفتهه العجايب
دفعو باب عله امي وانه الجنت أراقب
وكع حامي ليتام بعد شرد اعاتب
من بعده طاح الحسن*وبعيني ضاگ الزمن
ضليت الوعاا وون *غيمه وتمطّر دمع
********************
يل تنشد عله الوضع*راح احجي ونته استمع
صرت انه من الحزن*غيمه وتمطّر دمع
*******************
بعده كفيلي كفلني ومشينه
وكف كال انه الهه ونه احمي الضعينه
عطشنه وشبكنه بو فاضل روينه
يبو فاضل الحك تره اختك حزينه
للطف وصلنه وشفت*بعيوني نار وصحت
وجفوني صارن كأن *غيمه وتمطّر دمع
*******************
يل تنشد عله الوضع*راح احجي ونته استمع
صرت انه من الحزن*غيمه وتمطّر دمع
*******************
وحق قالع الباب وحق كل عمامي
بطف دليلي حترك وي غيامي
جفه انكطع كافلي وردلي ضامي
السجاد طلع عن خدرنه يحامي
كتله ارجع مروتك*وانه صرت فدوتك
بلخيمه عمه استجن *غيمه وتمطّر دمع
*******************
يل تنشد عله الوضع*راح احجي ونته استمع
صرت انه من الحزن*غيمه وتمطّر دمع
*******************
يلاهي بجاه الكتاب وحروفه
تردلي كفيلي وترجع جفوفه
اخوي واحبه احلفت ما اعوفه
بحلم لو يجيني ولو لحضه اشوفه
من طاح اخوي الكمر*حسيته كلبي نكسر
وصار الونين الحن*غيمه وتمطّر دمع
*******************
يل تنشد عله الوضع*راح احجي ونته استمع
صرت انه من الحزن*غيمه وتمطّر دمع
*******************
كونك غبت يا هلال وعفتنه
كبلت لاهله بيك لان طشرتنه
عجايب شفته يهل لوعتنه
بارض غربه وحشه بحقد ضيعتنه
يهلالي كونك غبت*وانه عسني متت
وتمنه كون اندفن*غيمه وتمطّر دمع
*******************
يل تنشد عله الوضع*راح احجي ونته استمع
صرت انه من الحزن*غيمه وتمطّر دمع

🍁ضرغام الجابري

بله شلي بهل عذاب .. ابني ينطم بالتراب
كمت انه توسّف عليه..صغير وهم بعده شاب
.......................
يبني يل قاسم تعال....خلي نكصد للبقيع
نوكف احنه يم ابوك....الحسن هوه الشفيع
ندعي والباري يجيب...ربنه بس هوه السميع
رافع السبع الشداد....حقنه عنده ما يضيع


ادعي يا رب السماء.... يلي رافع كل دعاء
بروحي بس ضيم وعناء....تدري مو سهل الغياب

بله شلي بهل عذاب.....ابني ينطم بالتراب
كمت انه توسّف عليه....صغير وهم بعده شاب


يبني من شفتك دنيت....يم ابن بنت الرسول
كتله رايح للقتال.......ها يعمي وش تكول
ونگلب عمك دموع....وظن گالتله البتول
گالت القاسم وحيد....يمه گله مو قبول


طلعت ورقه وكلام...كتله هاي من الامام
الحسن ودّه السلام...واني انتضر الجواب


بله شلي بهل عذاب ....ابني ينطم بالتراب
كمت انه توسّف عليه.....صغير وهم بعده شاب


يبني صحت ابعالي صوت...يمه ذكريني ومشيت
بروحي چلماتك تدور......يمه صدك ما نسيت
من شفت زفة شباب......انه يمه اذكريت
خلصت دمعي عليك.....بس اكولن ما بجيت

ال بيه صاير مو قليل...اي وحق رب العليل
دمعي ينزل سلسبيل... دمعي صاير چن ضباب

بله شلي بهل عذاب....ابني ينطم بالتراب
كمت انه توسّف عليه..صغير وهم بعده شاب


شعندي غيرك يل وحيد.....بعدك الدنيه ضلام
گليي بعدك وين اروح...حزني صخره وگلبي جام
ابالي لو اسمك يفوت.....احترك مثل الخيام
منهد ما رحت اني انوح ...فايض بگلبي الهيام



انت يا حزني الوحيد....جروحي كل لحضه تزيد
وانت يل تعرف شريد... شايله بكلبي العتاب


بله شلي بهل عذاب.....ابني ينطم بالتراب
كمت انه توسّف عليه....صغير وهم بعده شاب


🍁ضرغام الجابري

انه ابو صالح صحت يل ناصبيه
اليوم اعيداً بيكم اني الغاضريه
لبو الاحرار *اخذ الثار
الغاضريه....الغاضريه
...
انه بو صالح يهل تسمع كلامي
عن قريب اضهر الك وشهر حسامي
اكسر خشوم النواصب بنتقامي
واخذ بثار البقه عل غبره ضامي

اي وحگ طبرة علي وضلع الزچيه
راح اخلي يجيوشهم تشهد عليه
ومحي الاثار...واخذ الثار
الغاضريه ....الغاضريه


انه ابو صالح صحت يل ناصبيه
اليوم اعيداً بيكم اني الغاضريه
لبو الاحرار *اخذ الثار
الغاضريه....الغاضريه

يامه گلتو عني هذه المهدي بدعه
هل حجي منكم بعد ما راح اسمعه
لسان كل واحد شهد بالزور اگطعه
ومسح ادموع اليتامه دمعه دمعه


وحگ شيلة زينب ودمعة سبيها
هل ارض ما يبقه كل ضالم عليها
عندي اصرار *اخذ الثار
الغاضريه الغاضريه

انه ابو صالح صحت يل ناصبيه
اليوم اعيداً بيكم اني الغاضريه
لبو الاحرار *اخذ الثار
الغاضريه....الغاضريه


منهد يوم الطف ونه مشتعله ناري
ادعي يارب العرش عجّل بثاري
أبد ما أخلف وعد ثابت قراري
أبد ما سولف انه يسولف قفاري

جدكم ابن العاص وانه جدي حيدر
باجر اشردون كلكم ياهو يكدر
جدي كرار ....واخذ الثار
الغاضريه الغاضريه



انه ابو صالح صحت يل ناصبيه
اليوم اعيداً بيكم اني الغاضريه
لبو الاحرار *اخذ الثار
الغاضريه....الغاضريه


يا حسين الصرخة هاي بروحي تحدي
شيعتي تحشمني تلهج مهدي مهدي
لون لو يدرون بهموم الي عندي
حزن وجروح ودمع بعيوني يسدي


كل مسيّة ادعي يرب عجّل ضهوري
ربي انصر شيعتي وزيد سروري
شيعتي انصار ..واخذ الثار
الغاضريه الغاضريه




انه ابو صالح صحت يل ناصبيه
اليوم اعيداً بيكم اني الغاضريه
لبو الاحرار *اخذ الثار
الغاضريه....الغاضريه

🍁ضرغام الجابري

اللهم صل على محمد وآل محمد
اللهم صل على محمد وآل محمد
اللهم صل على محمد وآل محمد

وفاة ام البنين عليها السلام

...........

حيلي من ونّي نهدم
گلبي الف لچمه انلچم
انه ام شيّال العلم

يا حسين .. يا حسين

يلي ما تعرفني يل تنشد عليه
اني ام ذاك الگطع چفّه الرقيه
حيل بيّض وجهي اهوتربات اديه
يشبه بأوصافه حماي الحميه

اني ام الاربعه
ام چتيل المشرعه
كلبي من ولدي انحرم

يا حسين .... يا حسين

حيلي من ونّي نهدم
گلبي الف لچمه انلچم
انه ام شيّال العلم

يا حسين .. يا حسين


بعد يوم الطف بقيت الوحدي اعاني
عشت ويه احزاني دولبني زماني
صحت آ يا دهري سهمك صوباني
عكب اهل البيت لا واحد لفاني

اي وحگ كسر الضلع
غرگ جفوني الدمع
عايشه بحيره وألم
يا حسين يا حسين


حيلي من ونّي نهدم
گلبي الف لچمه انلچم
انه ام شيّال العلم

يا حسين .. يا حسين

نذرت عثمان ويجعفر ويه عباس
وبعد عبد الله الشهم والكله نوماس
عدهم الغيرة صدك متروسه احساس
اربع اقمار آنه بيهم ارفع الراس


صارو الزينب درع
عليها خافو تنفجع
روحهم كلها شيّم

يا حسين .. يا حسين


حيلي من ونّي نهدم
گلبي الف لچمه انلچم
انه ام شيّال العلم

يا حسين .. يا حسين

رغم كل هذه الحدث والصار بيه
صابره و بس للله ارفعها اديه
عندي اولاد اربعه بالغاضريه
انطيتهم قربان للزهره الزجيه


اي وحگ خدر العبي
فدوه راحو للنبي
ليلهم بيه دلهم
يا حسين يا حسين


حيلي من ونّي نهدم
گلبي الف لچمه انلچم
انه ام شيّال العلم

يا حسين .. يا حسين



ضرغام الجابري

اللهم صل على محمد وآل محمد
اللهم صل على محمد وآل محمد
اللهم صل على محمد وآل محمد
اللهم صل على محمد وآل محمد

كما ابدعتم في مناسبة استشهاد الزهراء ع
وزدتم ابداعٍ في مناسبة وفاة ام البنين ع
الان ننتظر ابداعكم من جديد في مولد سيدة نساء العالمين فاطمة الزهراء عليه السلام

الليله طه بتشر ..... ميلاد ام البشر
يا فاطمه يا فاطمه يا فاطمه


يا فرح لا تبتعد يا فرح مر بينه

الليله شمس الضحى شرفت هادينه

الليله نور العرش بان وزها علينه


اليوم كحل النضر...ميلاد ام البشر

يا فاطمه يا فاطمه يا فاطمه


الليله طه بتشر..... ميلاد ام البشر
يا فاطمه يا فاطمه يا فاطمه

بهل مسه شفت الكمر النجمه تحچيله

يا محب حيل بتسم وفرح بهل الليله

واحمل بديك الورد للمهدي اهديله

افرح ويه المنتظر..... ميلاد ام البشر
يا فاطمه يا فاطمه يا فاطمه

الليله طه بتشر ..... ميلاد ام البشر
يا فاطمه يا فاطمه يا فاطمه

ابشر بجنة عدن يل تفرح وياها
لو ضاگ بيك الوكت بشدة تلكاها
ام الحسن ما ترد كل شخص ينخاها


تنجيك من الخطر....ميلاد ام البشر
يا فاطمه يا فاطمه يا فاطمه

الليله طه بتشر ... ميلاد ام البشر
يا فاطمه يا فاطمه يا فاطمه


ضرغام الجابري

اللهم صل على محمد وال محمد

يا علي مدد

اللهم صل على محمد وال محمد

يموعود ننتظرك ترد الشمس
يموعود يا باجر وحلم الامس

نقسم عليك ونحلفك بالضلع
تفزع النه وبيدك تنشف الدمع
يمعووعود .....يموعوود

يا دليل التائهين يا ملاذ الخائفين يا أملنه
يا ذخر رب السماء يا وريث الانبياء كلنه صحنه
بصحن ندعي ونزور ربي عجل بظهور مو تعبنه
انت يا سر الحياة شعدنه غيرك امنيات ترجعلنه
ولو طيف بلكت نشوفك من تمر
ولو طيف مو كافي ملينه الصبر
العمر شمعه، الليل ما يرحم شمع
تفزع النه وبيدك تنشف الدمع
يمعوعود يمعوعود

يموعود ننتظرك ترد الشمس
يموعود يا باجر وحلم الامس

نقسم عليك ونحلفك بالضلع
تفزع النه وبيدك تنشف الدمع
يمعووعود .....يموعوود


يا بو صالح ندري بيك ما تقصر ننتخيك بينا هضمه
الحياة صارت طفوف گمره خانگها الخسوف كلها ضلمه
يونس احنه الدنيه حوت ببسط الاشيا نموت ماكو حرمه
احنه الك كلنه شتياق يا آمان اهل العراق اجلي همّه

والنفاس مشتاگله الك يبن الحسن
والنفاس خنگتها عبرات الزمن
سيدي بكل لحضه عگبك ننفجع
تفزع النه وبيدك تنشف الدمع

يموعود ننتظرك ترد الشمس
يموعود يا باجر وحلم الامس

نقسم عليك ونحلفك بالضلع
تفزع النه وبيدك تنشف الدمع
يمعووعود .....يموعوود

عشنه بعدك بالضياع ترست الدنيا الضباع كلها تسدي
شفنه انواع العذاب حرّفو نص الكتاب بالتحدي
ال ضلم فاق الحدود والحزن هم الوجود بينه يحدي
ندري من بعد الأمير انت ناصر للفقير آ يمهدي
عرفناك يل من بعد حماي الحمه
عرفناك تروي الگلب تروي الضمه
صرخت المضلوم يمك تنسمع
تفزع النه وبيدك تنشف الدمع
يمعوعود يمعوعود

يموعود ننتظرك ترد الشمس
يموعود يا باجر وحلم الامس

نقسم عليك ونحلفك بالضلع
تفزع النه وبيدك تنشف الدمع

يموعود يموعود

گاعد بغربه او وحيد كل سنه جروحك تزيد تنعه جدك
بليلة العاشر تنوح تنگلب دمعه وجروح تبجي وحدك
تطبر الراس وتصيح يا لثارات الذبيح يمته وعدك
تحيي باجر بينه ثار تقهر الضلمه بنهار من يردك

يصمصام باجر ترد ثار السبي
يصمصام باجر تلبّسهم عبي
باجر الضالم يخاف وينصرع
ترجع النه وبيدك تنشف الدمع

يموعود ننتظرك ترد الشمس
يموعود يا باجر وحلم الامس

نقسم عليك ونحلفك بالضلع
تفزع النه وبيدك تنشف الدمع
يمعووعود .....يموعوود





ضرغام الجابري

مرلي بطيف اشوفك..ارد احضن جفوفك
ياكعبه واطوفك. ....صدك ما اعوفك
كون وياك ...يمته الكاك ..ارد احضن جفوفك.

..................................................................
يازهره حياتي وشمعة البيت
انه بلياك طرك الحسره ضليت
لطيوفك بليلي بحسره ناديت
يلي واعدتني ليش ما جييت

منك ارجي نضره..يل عايفلي حسره
وليل الاسهره....يعادل الف صطره.
.وترجاك..يمته الكاك..ارد احضن جفوفك

...............................................
يل تارس حياتي بس محنه
يل ماكو مثيلك يا وطنهه
بديارك بقيت بطرك ونهه
جنت وياك طيره بوسط جنهه

من بعدك زماني....بالغربه رماني
ضليت بمجاني..عكبك حيل اعاني
.واني انخاك. .كون وياك.. ارد احضن جفوفك
.............................................................
البت بلا ابو ترافگهه دمعهه
توج وتنطفي چن خيط شمعهه.
ابن حذلم اجه ولن صوته اسمعه
يگلي راح ابوج وماله رجعهه

الطارش يا هضيمه..شوفني الجريمه
ويگلي حريمهه........ضليتي يتيمه
ونته هناك..كون وياك ارد احضن جفوفك.
...........................................................
ينشدهم منيه وشنهو امرهه.
انه البدمع خلص عمرههه
توجج بغيبتك روحي بجمرهه.
وطلع اثيابك واشتم عطرهه

يل عطرك يعافي..يل اسمك يشافي
صدك ما اوافي ..لو اشلع چتافي
وبجي احذاك...كون وياك .ارد احضن جفوفك.
...........................................................
كتبت اخر رساله ول امل ضاع
تهات ولسفينه فگدت شراع
من اذكرنك يبويه ازيد الوجاع
گالولي بدماك تحنت الگاع

ضليت اصفك الايد...گام المدمع يزيد
يل عايفني وبعيد..ما ضن حسرتي تهيد

ما انساك..كون وياك..ارد احضن جفوفك


ضرغام الجابري

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
https://www.tg-me.com/ahmed_alziwar1

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
https://www.tg-me.com/ahmed_alziwar1

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
https://www.tg-me.com/ahmed_alziwar1

الان فرصة لزيادة متابعين حساباتكم قبل اغلاق الموقع
يتوفر زيادة متابعين بيج الفيس بوك ومشاهدات ومشتركين يوتيوب وانستا للاستفسار @ahmed_alziwar0
07732320742

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
https://www.tg-me.com/ahmed_alziwar1