#قصائد_محرم_١٤٤٣

ــــــــــــــــــــــــــــــــــــــــــــــــــــــــ

أنصار أنصار نظل على العهد
*
هذا وعدنه يبو اليمه ألك
يا سيدي نموت اذا ما نوصلك
مذبوح عطشان محد غسلك
يحسين الله يلعن قاتلك
بدماك بدماك حميت المُعتقد
******
يا رحمة الله يضمك يا صحن
ماكو بغلاتك يبو اليمه وطن
يشهد يمظلوم على حبنه الزمن
مايوم عفناك وحكَ چبد الحسن
ثوار ثوار يظل هذا وعد
******
يوميه حَجاج يذَبح شيعتك
والسبب معروف لأن ما عافتك
معقولة يحسين نعوف زيارتك
وأهل السماوات تطوف بحضرتك
بحماك بحماك يظل هذا البلد
******
يوميه بيهم تشب نار الحقد
وجنودك حيود اذا داعش يرد
يوميه مولاي نسويلك حشد
فنهم يظلون اذا جيشك يهد
لليوم لليوم تفَكَهم ما برد
******
للعترة يحسين دمنه شكَد نزف
تشهد علينه ساحات الشرف
وكَبور الأبطال ملت وآدي النجف
لا عدنه غاية ولا عدنه هدف
والمات والمات يحس توه أنولد
******
چم عابس اليوم يضحي بركَبته
للمهدي يحسين أعلن نصرته
لو رايد أنصار تهب كل شيعتك
سمعاً وطاعة نكَل لحوزتك
والعار والعار على كلمن شرد
******
ما ننسه للموت مصايب كربله
للشام زينب ترافكَ حرمله
شلون اليتامه السبي تتحمله
من طاح عباس سبوهه العايله
عباس عباس هشم راسه العَمد
******
هذا عشكَنه رسالـــه للكفر
أحنه بعزانــه نحَذر كل شمر
منه يموتون لطمنه العاالصدر
نفديك بالروح يأغلى من العمر
خدام خدام اذا تطلب بعد
******
ما ننسه يومك يعايش بالكَلب
شايل غرامك هوى ريتي اليطب
يحرمنه الله اذا غيرك نحب
الموت على حبك يصير شكَد عذب
يحسين يحسين ألذ من الشهد
******
حيدر حسين الكَرعاوي


قناة. الحان ملا وسام الهلالي
قناة ملا وسام الهلالي

لنشر القصائد مع الحن لجميع المناسبات

نتمنا ان ننال رضا محمد والي محمد
https://www.tg-me.com/huthjttbvdfgghe

7⇢⇢❥🖤 🕊 🖤❥⇢⇢✮✮

آداء وألحان●○<<ملا وسام الهلالي

🖤🕊~`
┊⇣•.🖤🕊.•
•.🖤🕊.•

‏℘(✍)⇣ كلمات حيدر حسين الكرعاوي



🕊🎶🖤🎶🕊

🕊🎶🖤🎶🕊

هايزينب… احجيلي موضوع السبايا
هايزينب ...هواي متغيرة العبايا
فرق من رحتي ورجعتي بلا ولي
صدك هاي انتي يمحبوبة علي
سولفيلي. سوليفيلي

🔸🔸🔸🔸🔸🔸🔸🔸🔸

عاودت من اربعينية املها
والمنازل خالية وتبجي اعله اهلها
وصلت وعبدالله بدموعها سألها
عن الحسين الولي وعن الكفلها
يالحبيبة… ..شنهي شو مبحوح صوتج
يالحبيبة… ..شكثر صيحتي اعله اخوتج
خل اموت احجيلي بالله اتوكلي
صدك هاي انتي يمحبوبة علي
سولفيلي. سولفيلي

🔸🔸🔸🔸🔸🔸🔸🔸
شاب راسج ويلي ياعظم المصيبة
هذا كله شحال كلبج من نحيبه
جنتي عد حيدر وعد امج حبيبة
شلون لو شافوج مهظومة وغريبة
زركة المتون…… زينب اشلتي عليها
زركة المتون…… شو اثر للسوط بيها
ابداعتي من اسأل عليج اتحملي
صدك هاي انتي يمحبوبة علي
سولفيلي. سولفيلي

🔸🔸🔸🔸🔸🔸🔸🔸

ادري فوگ اجروحج انه اجروح ازيدج
اتحمليني يابعد روحي اريدج
جاوبيني السكته زينب ماتفيدج
شبيها يابت فاطمة شو زرگة ايدج
اشحال الحسين… ..من بجيتي اگبال عينه
اشحال الحسين… .من وگع حامي الضعينه
هم صرختي الحگ علي ياكافلي
صدگ هاي انتي يمحبوبة علي
سولفيلي. سولفيلي

🔸🔸🔸🔸🔸🔸🔸🔸

اختصرها الاسئلة وردي عليه
لان گلبج ادري مايحمل اذية
وين وياكم اشو ماكو رقية
ريت بأرض الطف توافيني المنية
ولا اشوفج… ..يكسر الخاطر ونينج
ولا اشوفج… .عالطفل بس تجري عينج
ريت ماسامع شتمكم عاذلي
صدگ هاي انتي يمحبوبة علي
سولفيلي. سولفيلي

🔸🔸🔸🔸🔸🔸🔸🔸

ماتهون وصعبة يازينب عليكم
بالسلاسل والحبل مجتوفة اديكم
الله يلعن من فرح بالشام بيكم
والشماتة اعيونهم مشبوحة ليكم
والله حيرة…… من سمعت الهاشمية
وزين العباد ابمحنته مبتلي
صدگ هاي انتي يمحبوبة علي
سولفيلي سولفيلي


🔸🔸🔸🔸🔸🔸🔸🔸

سيد علي الموسوي

7⇢⇢❥🖤 🕊 🖤❥⇢⇢✮✮

آداء وألحان●○<<ملا وسام الهلالي

🖤🕊~`
┊⇣•.🖤🕊.•
•.🖤🕊.•

‏℘(✍)⇣ كلمات سيد علي الموسوي



🕊🎶🖤🎶🕊

🕊🎶🖤🎶🕊

ابوذيه

السيده زينب ع تخاطب الامام الحسين ع

ادموعي الدهر يبن امي .. يـراهن
واخاف الشامت بعينـه .. يـراهن
تراچي ابنـيتك الحاقـد .. يـراهن

اشيصبـرنـي واشـوفـه ايجـر رقيـه