السيده زينب تخاطب امير المؤمنين ع

الأرض لـمــن ركـضـنــه.. مايت انه
عشيره ومــوش واحـد.. مايت انه
يحـيـدر ويــن بـالـطـف.. مايت انه 

خـبـر عـنـدك تـرسـنـه الـغـاضـريــه

                                        *---------------*---------------*

✍خادم زينب (ع)
الشاعر رعد الجريخي

إذا شافتني زينب ررراجع اتعثر
شكَلها راح الغله من علي الاكبر

عباس .. عباس.. عباس

=================

يا كسرة كَلبي الما تجبر.. كونك تكَدر .. حاجيني شلون
من ارجع محنيه اضلوعي. وتشوف ادموعي..شحجي ويم عون

راجع لخيامك ومبين محني ومتعوب
والرجعه ابدونك لخيامك كسران كَلوب


هاي اول مره
كَلبي انت تكسره
عليك امي الزهره


حاجيني



إذا رديت لختك والوجه اصفر
شكَلها راح الغله من علي الاكبر

عباس .. عباس.. عباس

=========================

هاي اول مره اني اركض ..طلابه وشتفض .. شافتني الناس
كَلبي وسيفي وايدي يرجفن.. لمن سمعن .. طاح العباس


محتاجك هسه وانت ادره بكَلبي الخلصان
محتاجك هسه والهضمه شيخك تعبان



مخليك ابحضني
يا خيي وابني
ليش اتعبني

تِسمعني

اول مره احس بروحي ما اكَدر
شكَلها راح الغله من علي الاكبر

عباس .. عباس.. عباس

=========================


حيرة روحي من اتحاجيني.. ياهوه انت .. تسولف وياي
كلت حسينك كتلي حسيني؟خويه اشبكَني..وحضن بهداي


عباس ارجعلي وارحم كَلبي المحتام
عباس ارجعلي الوادم وصلت لخيام

ارحم شيباتي
وصلو خيماتي
شحال ابنياتي

من بعدك

ضعن نسوان هاشم للسبي اتحضر
شكَلها راح الغله من علي الاكبر

عباس .. عباس.. عباس

=========================

اخر كلمة طلعت مني .. عباس ابني .. بيدي مربيك
عايفني لوادم تسحكني .. ياخوي ويبني.. كَلبك ينطيك


طگ كلبي ادخيلك من اسمع للجيش صياح
و صدري يسحكَونه ونحري يكَعد برمااااح


محني يشوفوني
حجار يشمروني
راح يسحكوني

يا خويه

بعد جم ساعه نحري ع الرمح يفتر
شكَلها راح الغله من علي الاكبر

عباس .. عباس.. عباس

=========================

فاركت أنفاسك بحضاني .. وابقى اني .. اجرع همي
يم امي الزهره من توصل .. بدمعت عينك.. سلم اعلمي


من توصل امي حاجيها ابكَلبي التعبان
سلملي عله امي وكلها حسينج عطشان

حاجيها اعليه
وكلهه العلويه
تطلع مسبيه

جم ديره


كلها حسين صدره انسحك واتطشر
شكَلها راح الغله من علي الاكبر

عباس .. عباس.. عباس

=========================

الحمد لله



======================
خالد عبد الساده البديري

ها يرايه
ابو فاضــل شنهي رايه
تدرين بيه اشكد احبه
تعالي وياي خل نكعد نندبه
ها يرايه

**
1
اخوي وابـــني واحزامي وصفنتي
بعد عبـــاس وتعرفيـــــــنه انتي
امان اخيام اهلنه وشربت الماي
حبيبي وصاحبي اليسوه ركضتي


ها يرايه
المخيم واني نتنوع لگلبه
ها يرايه
تعالي وياي خل نكعد نندبه

**

2
وبس اليــــوم يمـنه وباجر يروح
على العباس دمعي منين ما نوح
ضعني وخـيمتي وبنياتي والبيت
شي مسبيه باجر واني مذبـــوح


ها يرايه
بعد عباس كل الدنيا غربه

تعالي وياي خل نكعد نندبه
ها يرايه

**
3
الـ تحبينه انتي و اغلى من ولدي
وبعد عـباس انه شأملك شعندي
باجر اني وانتـــي نرف اذا راح
باجر اني وانتي نجـيب ونودي

ها يرايه

سهل الموت بس الفرگه صعبه

تعالي وياي خل نكعد نندبه
ها يرايه

**
وجهي اوجه زينب باجر ايدورن
خيامي من الامان بلا كمر يخلن
اصيح ابأسمه بس مايرجع الصوت
بالمدمع يرايه ادموعنه انترسن

ها يرايه

الزلمه العاف اخو ينشلع گلبه

تعالي وياي خل نكعد نندبه
ها يرايه
خالد عبد الساده البديري

#قصائد_زينب_ع
#قصائد_الامام_العباس_ع


يا كافل اختك كوم. نومك بعد وكته
مو سهله يا عباس. مثلك يعوف اخته
……………
يا خويه م‌ـــِْن اجفيت. حال الهظم حالي
فوك الهــــزل يا حــال. عافاني كفــــــالي
اشكف بديه الــصوط. وانضر عله عــيالي
ماعندي غير النوح. كل غـِْاليّے فاركتــــــه
………… .
حادي الضعن ياخوي. مشاني بالــــــــكوه
يــضربني يا وفــــاي. ما عنــــده امــــروه
صحت وكلت جاوين. عباس ابو النــــخوه
يفزع اليه الــــــــيوم. يلحكني انه ردتــــه
………… ..
ما بيه يا عبــــــاس. امشي بــــــسفر تدري
انته الكلت بحــماي. وانته اكفــــلت خدري
افزع يبدر الشــــان. خويه نفذ صــــــــبري
ماكو شهم ياخوي. منهم ترى شــــــــــفته
……………
يابو الوفــــــه ابلاياك. يحدي الشــــمر بينه
موقف صعب شــفــته. م‌ـــِْن ضربو اسكينه
خويه الشمر كل ساع. ناده الكــــــ.مر وينه
ليل اهدعش ياريت. اتمنى ما عــــــــــشته
……………
فوك الجــــمر حفاي. نسحــــــك يبو الغيره
زينب بعد عيــــــناك. م‌ـــــِْن ديره الديــــره
محتاره عدها اطفال. والمحنه اجبــــــــيره
ريت العــــمر لاطال. والــــغالي ودعتــــــه
………………
ما ردنه خويه الماي. بس كــــــونك اتعاود
انته الكمر بســــماي. ولحســــــــينك القائد
حتئ الخيم ياحــيد. حركاهــــــن الحاقــد
شي ضلي بعد الصار. وحسابي حاسبتــــه
…………
الخادم المقصر ناجي ابو كيان الصالحي ونسألكم الدعاء لي ولوالدي

#قصائد_الامام_العباس_ع

حي الله عـباس رفت رايته
من باب الخيام زينب حيته
ــــــــــــــــــــــــــــ
حـــي الله المبچي الزلم سبع الميادين
لو صال بالحــومه الكمر يگلبها صوبين
عباس هيبة حـــيدره ومرجــــف الگوم
خل العساكر ترتعش عباس اخو حسين
سيف الغضب بيده يوم الوغه عيــده
راعـي اللوه الهيبه جيش العده ايبيده
تتراجف الگوم تكتل خزرته
من باب الخيام زينب حيته
ــــــــــــــــــــــــــــــــــ
عباس سبع الگنطره ومايعرف الخوف
مارجف گلبه ومارجع طشرها الصفوف
يم عـــــون يختي ادللي وانتي تأمرين
افديلــج اعيوني وبعد افديلچ اجفوف
افني الــعده بأيدي انه الحـرب عـيدي
استنـــــگي بالقاده واتونس ابــصيدي
عـٕـباس عباس هيبه طـلعته
من باب الخيام زينب حيته
ـــــــــــــــــــــــــــــــــــ
عبــاس خـــيال الشگر ومـركض الـخيل
سواه الجثث بالمشرعه وامطرها سجيل
من حيدره وراث عزم حــي الله عـباس
دگ ثايه يم الگــــنطره فنه العدو ايعيل
بوق الحــرب ناده حي الله اخو الساده
عبــاس ابو الشاره ياويلـــــــــه التماده
صگــر الميادين تكتل شارته
من باب الخيام زينب حيته
ـــــــــــــــــــــــــــــــ
يتونس ابحــز الرگب بالحـــومه صنـديد
امــه ابدويه ونــــــــعم نــــسل الاجاويد
عباس جيــش لوحـده ومبچي الجـيوش
تحله القياده بـــس اله ويستنگي بالصيد
نازل غضــــب بيهم وبـــــسيفه يفنيهم
لوطب على الحومه بيميـــــنه يطويهم
نازل على الگوم بيده جـربته
من باب الخيام زينب حيــته
ـــــــــــــــــــــــــــــ
يضوي الهنادس لو نــزل وبوصفه نحتار
عباس جن حـيدر علــــــــي وبچفه بتـار
عباس مــــن شد صــــارمه خلاها طشار
من يزعل يدخن غضـــب ما يعرف إكبار
صگر وگنص صيــده ذل النـــــهر بيده
عم سكنه مـا يتگابل نار وغـضب بيده
ما يعرف الخوف محله هيبته
من باب الخيام زينــــب حيته
ـــــــــــــــــــــــــــ
الخادم المقصر ناجي ابو كيان الصالحي
ونسألكم الدعاء لي ولوالدي 2025

#قصائد_الامام_العباس_ع
#الليله_السابعه



هلا ابرفة شاربه
_

شال الغيض الدنيا كلها الموت حدر ايمينه
نزل يتبخــــــتر عليهم هـلا ابروح حسينه
هلا بالفارس الضيٕـــغم نزل عــــم اسكينه
ياهو يم حــــده يتدنه غضب تجدح عينه
لو صال تكتل خزرته
عدوان كلها هابته
عباس محلى طلعته
عباس ابو الشاره
هلا برفة شاربه
___

ال اميه انذار طبـــو نزل شيـــــخ الساده
بس ابو فاضل القائد بعد مُــــــامش قاده
عاد خبير مثل حيدر ابو فاضُــــــل عاده
هلا بغيرة گمر هاشم ورث طبــع أجداده
كرار جنها لو نزل
نيران يثقب لو زعل
بالسيف كرهم يا فحل
عباس ابو الشاره
هلا برفة شاربه
____

هلا بغيرة بني هاشم هلا ابراعــي الشاره
قبل ما ينزل الحومه وصلـت النه أخباره
هلا بالتچــوي خزرته دوم تلهـــــــب ناره
هلا بالشتــــت شملها والزلم محُـــــــتاره
مهيوب عباس وطلع
يا روس بالحومه گطع
بالسيف يرهب والدرع
عباس ابو الشاره
هلا برفة شاربه
___

هلا بعلــــوم الرجـال الكشــخ بيهم سيفه
هلا بسيد الــماي كله الذبــــح صار ابكيفه
هلا بكشخة ابو الأكبر اخذ مـــــنهم حيفه
هلا بالطيـــــح عگـلهه وبــــــرز اول طيفه
يمــناه متثني ابد
عباس بالطگ ما لبد
حياه ابو الغيره مدد
عباس ابو الشاره
هلا برفة شاربه
____

هلا بالـــفارس الانزع هلا بصــگر الحومه
هلا باليعـــشگ الموت وســـابگات اعلومه
هلا يا معنـى الرجـوله فــخـر زوده ويومه
هلا بالخزرتـــــه تكتل جـن علي وبرسومه
عباس راعي المرجله
تاريخ وحده بكربله
قران بالطف رتله
عباس ابو الشاره
هلا برفة شاربه
____

هلا بلـيث الما تضعضع هـلا ابراعي الغيره
هلا بســـتاذ البطـــــوله هلا ابفُــخر الديره
هلا بالسيف المـجرب كل خصومه ابحـيره
هلا بالــــــتاريخ كلـــه هــلا براعي السيره
مهيوب ومخوف إلزلم
عباس منك والنعم
يا ليث يا راعي العلم
عباس ابو الشاره
هلا برفة شاربه
__

الخادم المقصر ناجي ابو كيان الصالحــــــي ونسالكم الدعاء لي ولوالدي

#قصائد_الامام_العباس_ع
#محرم



نزل عباس البطل زعل يحلاله الزعل
نزل بعيونه غضب بعيونه
_*


قائد العسكر توجه دكت اطبول الحرب
خل نسوي الخطه هسه كبل لا لينه يطب
كال ابو فاضل نزلها الحومه راحت تنكلب
زلمه اليحصله شرده ضيع اعليها الدرب
نزل والعسكر شرد برز والكون ارتعد
نزل بعيونه غضب بعيونه
____*


دكت اطبول المنيه و الشمر لم الربع
كال اليلاكي ابوفاضل زلمه احسبنه وسبع
واحد يكل للبصفه انزل وهاك الدرع
طيح الجيش بخزرته وسيفه بالحومه لمع
سبع ومخوف الزلم يطش وبكيفه يلم
نزل بعيونه غضب بعيونه
_*


كربله زلزل ارضهه والهوه بصفه اختنك
موش واحد لا جماعه كام يطبكهم طبك
يعشك الحومه ابوفاضل بينهم قصة عشك
بالمراجل والبطوله اول وما ينسبك
علي وجن ردت بدر نزل خيال الشكر
نزل بعيونه غضب بعيونه
___*


زعل خيال الاكحيله ورفض كل هدنه بعد
رجف الحومه ابو فاضل والهوه يمه لبد
ما يهمه الموت نازل ما يهم كثره وعدد
ياهو يم سيفه التدنه يحصد بكيفه حصد
كمر وبهيبة علي هلا بعباس الولي
نزل بعيونه غضب بعيونه
____*


ضاكت الانفاس بيهم واختلف لون السمه
فارس ومن ظهر فارس نزل راعي الموزمه
ياهلا بشيخ العشيره هذا ابن حامي الحمه
سيف ذو الفقار بيده سوه بيهم مضلمه
كفو ومن عندك نعم بطل وافعالك قيم
نزل بعيونه غضب بعيونه
__
تمت بحمد الله واهل البيت ع
الخادم:ناجي ابو كيان الصالحي ونسالكم الدعاء

#قصائد_ام_البنين_ع_والامام_العباس_عليهما_السلام




يبني الگمر لا تـــعتذر لو حشــمت ام الـخدر

**

امك واعرفك ماحاجه احشمك للنخوه تفزع غيره رضعتك
بس يمه اذكرك بالعقيله الحره
راسي اريد اترفــعه يم الزهره
لو حشمت اركب ييمه الشگره
للحره يبني خل ترف الخـضره
ابني الشهم عنــدي علم لو حشــمت ام الـخدر

__***

زينـب امــانه ها يارجـــانه يا يمـــه باچر بيــــدك لـــوانه
يمــه العــقيله بالنفـس حاميهه
انته الـّـــكافله يالـــگمر راعيهه
لوعطشت بماي النضر تسگـيهه
زينب امانه يبنــــــي واتباريهه
باچـــر اذا صـار القــضا لو حشـــمت ام الـخدر

__***

زينب امَـيره لتمرها حـيره كافل خــدرها شيــخ العشـيره
بالنخوه اعرفَـك يالولد متقصر
گد الكفاله انته گــــدها وتگدر
ربيتك وكل يوم اشوفك تـكبر
حامي العقيله بالنفس ياقسور
من الصـــغر وانه انتـــظر لو حشمت ام الـخدر

___***

اسمع كلامـي انته المحَامي حــارس خيمها لو حتـــى دامي
شد رايتك والحّــره لا تنساهه
يبن الصميده غّـيرتك محلاهه
من الزغـر ناذرتك انـته اوياهه
لليسره اريدك يبنـــي ويمناهه
اذبح صبـّـح لا تنجـــرح لو حشمت ام الـخدر

___***

يبني يغـــالي سهـر الليـالي هاي الامـــانه ريحــــــلي بالي
لو قصــرت يوليدي لامـاعذرك
ضوي المخيم يالگمر من بدرك
من الزغر يوليدي وانه انتظرك
لا تعتذر يالغالي ارخص عمرك
اعرف كـــفو نعـــم الاخو لو حشمت ام الـخدر

___***


تمت بحمد الله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_السيده_زينب_والامام_العباس_ع

يا حـادي بالعبـــــاس مر بيه اودعـنه
خافنه يزعــــــل كون امشي واعوفنه
_
للمشرعه اوصـيك يالحــادي مر بـــيه
ودينـي يم عباس للمشـــــرعه النـــيه
مشتاگه اشـكي الحــال للكـله حنيُـــه
اشتم جفوفه وكون صــوته اسمُــعنه
____
يالحادي يم الحيُـد وديني هل مـُـــره
ارد اشتم الچفين من عينه بس نضره
عن الخيم والماي اشكي واذب حسره
يالحادي بالحسرات اشتم عـــطر منه
_
راعي الوفه المهيوب يالحادي لا يزعل
امـــشي بلايه اوداع عباســـي ما يقبل
يم النـــــهر عــباس عن زينبـــــه يسأل
عن حالي ورجواي يالحـُــــادي اخبرنه
____
يلي تسوگ النوگ وبضــعني يالتحــدي
تأخذني يم عباس بس هل طلب عندي
ارد اگعد اگبـــاله وابدمعـــــي ارد ابدي
يحله العــتب وياه خيـــــــــي واشـمنه
____
يالتحدي هـــــاي النوگ يا سايج النـاگه
ودينـــي للوفـــــاي لچفـــــوفه مشتاگه
يكتل كتــــــل فرگاه مو هــــــين افراگه
بس اشتم الچفـــــــين وابعيني انضٕرنه
____

الخادم المقصر ناجي ابو كيان الصالحــــــي ونسالكم الدعاء لي ولوالدي

#طور ( تسبيح الامل) لسان حال مولاتي زينب الحوراء ع تخاطب اخيها الامام العبــــاس ع

_______
يا جرح الاشد بغيابك واعد واجروحي تحجيلك
مجتوفه بحبل اركب عالهزل وعيــــوني تربيلك
اكعد عاين امتــــوني
انته الكافل اضعوني
_______
لمن غمضــت يبن امي اجت كلها اعليه ضلام
تعبني الضرب خــويه والاشد حركو كل الاخيام
نبرات الالــــم تحجي قصتي فرت مــني الايتام
شفت الماجره وانه ابلا ولي رحت لديرة الشام
ما تكــــعد الي يا ريحة علي يالــــــكلك امروه
وحدي امحيره ياهو الاخبره يا صاحب النخوه
خويه احتارت اضنوني
انته الكافل اضــــعوني
_______
شحجي ياكمر وامتــوني زرك خويه وكلهه شمات
اجري بالدمــع كل ساعه وكلت يمكن خيي مامات
يم المشــرعه روحي جن مشت وانكل خويه خطوات
لٱ طال العــمر امشي ويه الغرب بعدك يا وسافات
كافل محــملي بعــدك انولي والحادي ما يرحم
هم عندك خبر يا بعد النضر لو بيــه ما تعلــــم
تقبل خويه شتموني
انته الكافل اضعوني
_______
حادينه شــــمر ما يرحم ابد حيره ونــنتجه وين
لٱ جفك شــفت لٱ واحد فزع لٱ مــــر بينه الحسين
خويه بكل كتر ازلام وغرب ياهو ليمــنه ويعين
يا ليل الالــــم ما عدنه خيم والشمات صــــوبين
اطــفالك تون دوهنه الزمن مــحتاره بمصابي
وينك يا شهم لفلفنه بعــلم يا ريــحة احبابي
ضيم الشافته اعيوني
انته الكافل اضــعوني
_______
ترفات ومشــن حرمات النبي خويه وسحكن النار
سمعن يا شتم وبديرة غــرب فرت خويه الازغار
طك سكنه الرجس حيره ابلا حمه تشبح وين الانظار
مو قصدي عتــب اعـرف عالــترب نامو كل الاطهار
كلكم عالترب والموقف صعب يا ريحــة الزهره
منكم والنعم بس خويه انشتم صعبه يبو العتره
حرمه وصعبه عفتوني
وانته الكافل اضعوني
_______
ابيض حاجبي من ضيم الشفت شلت حالي الاطفوف
انه وعيلــتي نكعــــد عالترب خويه ابين الاصفوف
وبذاك المســه ضنيتك تجــي خويه وواضعي اشوف
وادريبك نمت راسك منجسم واعرف فاكد اجفوف
من ضيم الكلب يبن امي العتب واعتابي مو يمك
عتبــي عالزمن وعيوني بجن وبشــيلتي اشتمك
اختك هيبه عرفــــوني
وانته الكافل اضعوني
_______
ناجي ابو كيان الصالحي.
#ونسالكم الدعاء لي ولوالدي

#قصائد زينب والأطفال ع
"""""""""""""""""""""""""""""""""""""""""""""""""""

يعبُــاس يـنـومًاس كْوم واسگي اعيالك
الآمٍــَـال والأطفال كلهه هاي بـُِٰــــجالك
—————————————————————//
عبــــاس الكمُــــر كوم(اَي انهض)
هاجت عالخــــيم گوم
والحـــره بوحـَـدهه!!!

كوم الُـــحره تُــــنخاك
عطُِـِـــــشانه يـــتُاماك
ضامي ياچّـــــبدهه!!!

عطشت كل يتــــاماك
گـــــوم ورفُــرف الواك
والهجمٌـــــت تردهه!!!

اختـّـــــــك مايك اتْريد
وسفٌه وانته صٍُنـــــديد
والدمعه اعله خدهه!!!

الاخُــــيام والايَُتـــام كلهه صاحُـــــت وينك؟
عْطش نار يمـــّقوار يا عزيز احسيـــٰـُـــــنك
—————————————————————//
زينب من الاخٰــــــيام
صاحْــٰــــٰـت يابدر تام
گوم الــــحك علينه!!!

تدري بالعطِْش مـوت
زينّب نادت بصُـــوت
يا حامـُـــي انولينه!!!

مايك وينه والجٌِــُــود
وصلو خـٍويه الحُدود
يشٰـُــــراع السفينه!!!

نايم نـبُـع الإحسُـاس
خــويه بولُــية الناس
يبن أمي بقــُــــينه!!!

نناديِّـــــك نحاجـِْــــيك بس تــُـــــــــــرد للعيله
العٌدو جار والازغـُـــــار بس دمُــــــــعهه اسيله
—————————————————————//
شبــُـِـــــت بالخيم نار
فرت منــُــٰـــي الازغار
والخيــمه احركوهه!!!

انطي وجٌِـــــهي لاوين
ها يحًِــــــزام الحسُين
بنت امــــك ولوهه!!!

خويه مـُِــطرر اچـْـلاي
يبن أمـِْــــــي يعيناي
ضنُــوتكم ســبوهه!!!

ضلْن بس نسُـــــاوين
ياهو لبـّــُـعدك يعين؟
واطفـــٍالك خذوهه!!!

يمهّـــــٰيوب بًــــالادروب راح اروح ابـُـــــــحيره
بعٍُـــد وين؟ يالأحنـُــــين شوفتـــــــــك يالغيره؟
—————————————————————//
دمعـٍُي اعيوني سْچاب
رمشٌي من الحُزن شاب
يبن أمـُــــــي ولوني!!!

حْـيره بهاي الاعُـــــيال
وسْـفه ابأيدي الاحَّبال
بًــــــعدك ما رعوني!!!

خُويه اتماده هالجٍيش
عني غربْــُـــــت ليش؟
مجٍُــــــتوفه خذوني!!!

نايم خْويه يا حِْــــًــيف
امشي بالسْـــبي كيف؟
حره ويعٌـــــــــرفوني!!!

إجْـــه اللـُـيل دمع سيَْـــــل ما تــنام اعيـِٰــــــــــوني
الهُــوه المار احس صـُـِـار هْم يخيب اضنٍُـــــــوني
—————————————————————//
رحــْت لديرة الشَُــــــام
نامٍـُـــــــت ذيج الأعّلام
والسفٍـُـــــــره طويله!!!

راحَـو كل الاخِـُـــــــوان
حلّــُــت بينه الاحّـِــزان
والونه ثگــُـْـِٰـــــــــيله!!!

بين الحُِـــــــْـسره والآه
ياهو اليمًـُــــي وانخاه
ياهو الاشتُِـــــــــكيله!!!

صعبه اليفٍَــــــكد اعزاز
ياهو ابُِــــــٰــموته جناز؟
لو سافر خلـُِـــــٰــــيله!!!

السفْر حّان يالأخــِـــُوان بعْــٰٰــــــد ما نِّـــــــُــتلاگه
بٍُـــُالاوداع إحس ضُاع گلبُـــــــــــي بٌين اشُواگه
—————————————————————//
الخادم المقصر #ناجي ابوكيان الصالحي
ونسالكم الدعاء
غيري مبري الذمه الي يحذف اسم الش
#ويبقئ الحسين ع

#قصائد_السيده_زينب_والامام_العباس_ع




وداعا يا بوفاضل
وداعا يا بوفاضل
_

عباس راح امشي بسفر ارحل ولامن رجعه
ما قصرت يعصابتي اعرف كفو بالفزعه
امشي بسفر عنك غصب حرموني حتى الدمعه
صوتي بعد لحضه فلا عباس خويه اتسمعه
ضيم الهجر هذا السفر حسباته حسبه
شاب العمر شام القهر ياذيني دربه
وداعا يا بوفاضل
وداعا يا بوفاضل
__

يبن امي لو عنك رحت ياهو اليضمد اجروحك
مو بيدي امشي يالكمر تعرف عزيزة روحك
بطل ونينك لا تون ياذيني خويه نوحك
عباس يخنكني الهوه وانته السهام اتلوحك
نار وخيم لحضة الم امشي سبيه
راعي العلم راعي الشيم عينه عليه
وداعا يا بوفاضل
وداعا يا بوفاضل
____

يالعودتني من الصغر وامشي يخويه ابختك
اجناب تحدي بالضعن يابو الضعن حشمتك
آخر وداع وهل سفر مجبوره بيه فاركتك
يالنايم بصف النهر عالناكه من ودعتك
يم النهر ها يالكمر عنك اروحن
تترك اثر شمس الظهر بعدك انوحن
وداعا يا بوفاضل
وداعا يا بوفاضل
_

يا خويه اركب عالهزل والتحدي بيه الحسره
يا جمرة الفركه صدك يبن امي تجوي الجمره
وين العلم يابو العلم والرايه ذيج الخضره
مو بيدي يا ماي النضر خويه غصب هل سفره
عنك رحت يابو البخت لا مو بديه
هذا الوكت ماحسبت يخطف رقيه
وداعا يا بوفاضل
وداعا يا بوفاضل
_

عباس يعصابة هلي حان السفر يا غالي
عنك اروح اميسره مو بيدي يا دلالي
للشام خويه سفرتي راح ابقه خويه ابحالي
يا وسفه اي والله وكت صار الشمر يبرالي
والله زمن شفت المحن بعدك كفيلي
وحدي امتحن ضاع الوطن هونك يليلي
وداعا يا بوفاضل
وداعا يا بوفاضل
_
تمت بحمد الله واهل البيت ع
الخادم:ناجي ابو كيان الصالحي ونسالكم الدعاء

#محرم_١٤٤٢
#لسان_حال_مولاتي_سكينه_مع_عمها_ابا_الفضل_ ع
#إصدار_امنياتي
—————————

يم النـــــــهر ودوني يالتسـٰـــبوني
عمي الكفـــيل اهناك نور اعيوني
—————

ارد اگصد العمي واضمد اجروحه
راح واضــــن هل روحه اخر روحه
خاف الشمس يا ناس هسه اتلوحه
عمـــي عزيز إسهام وسفه اتلوحه
يمه اون لحضـــــــات بس خلوني

——————

دگ صدره اليه وگال سكنه ابعيني
زامٰــطلي اجـٰــــيب الماي ويرويني
خلي يگــعد الغالي بعذب يسگيني
يدريني اموت ابـــــــفرگته يدريني
بعد الحنين اتموت كل اضنوني

———————

عمي حنـين وأدري غيره احساسه
ودوني اخلـي انفاسي يم انــفاسه
كالو عمـــــود اهنـــاك طابر راسه
ينگط مــــــحنه وياعـمود الجاسه
ارد اشبگه بدمــعه وألم عوفوني

————————

جرح الشماته جــرح يكلـــف أمره
يرضاهه أكله اجدامي داست جمره
ودوني يمـه ابلهفه اشـــــمن نحره
كسري صعب بس عمي هوه يجبره
احجيله عن حزني وزراگ امتوني

————————

ادري العزيز اهــــواي حيل يحبني
ما يرضه واحٰـــد عالامتون يطگني
عمي اگله إعــــداك گــوم اتسبني
دهري يفلش عمـــــي وانه الابني
باگو ضحكتي وحتئ باگو لوني

————————

ودونـي اخٰـــر كلـــــــمه وي الغالي
عمٰـــي اكله حــــــــالي ودع حالي
حادي الضعيــنه الشمر بعدك تالي
وجه الســمه يا عمـي بعدك خالي
انه العـٌـزيزه درو بس ضربوني

————————
تمت بحمد الله وتوفيقه
الخادم المقصر: ناجي ابو كيان الصالحي
ونسألكم الدعاء

#قصائد_الامام_الحسين_والامام_العباس_ع_نعي

الامام الحسين ع بعد مصرع اخيه ابا الفضل عليهما السلام جلس بجانبه واحتضنه وهوه يقول.....

عباس ها چــنك نمت*
چا هجي هيه العشره*

تعرف بخيـك لورحت*
يعني انذبح كل عمره*

يحزام اخيـك يالگـمر*
گوم العده متــحضره*

يفياي واحـزام الظـهر*
نارك يخــــي متوجره*

وحسين لو عـنه غبت*
گول انكسر كل ظـهره*

خن گوم خويه للخيم*
زينب بقــــت منتظره*

عباس احچي امروتك*
عباس ارجــــــع وياي*

سكنه تريدك بس تجي*
وتگول منــــريد الماي*

يفياي للخوه وصّـّـدگ*
وين الگه مـثلك وفاي*

هالنومه خويه مو الك*
عباس يا مــــي عيناي*


تمت بحمد الله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_السيده_زينب_والامام_العباس_ع_نعي

خويه عــوف النهر مو مالت تروح
ادخيلك امـــــــــروتك ترد لًــلعايله

انتـــه خيــــمه للحـــسين وللعيال
خويه يـّـــــا عباس صعـبه المـسأله

ردلي يــفياي الحـرم يبن امي وين
وجهك يصـــًـــحلي بـعّـد وابيا فله

ما نريد الـــماي بس شـوفــك نـريد
ها يمعصب زينب الفـــــرگه عـذاب

خويه ارجـــع خل اشـّــــمنك يـماي
بعدك احلامي صـــّـفن كلهــن تراب

حسين اخيك ظهره مكسور وينوح
الدنيا بخلافك مثل طيف الســراب

تمت بحمد الله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_الامام_الحسين_والامام_العباس_عليهما_السلام



يم الشــــــريعه هيبتي ونوماسي
من حگي انوحن لو يشيب راسي
_*
صوب المخيم رجع محـني ظـهـره
ايده اعله خاصرته ويجر بالحسـره
نضرت وداع ابعينه بس يا نــضـره
فاگد اخيه الحــيد راعـي العـَــشره
بدموعه يشرح فگد اخيه القاسـي
_*
بدموعــه رد وصـــاح يا عشـــرتنـه
يحزامي خـــــويه هــم ترد خوتــنه
ظهري انــكسر عـــــباس يا رايــتنه
لمتنــه راحــت مــــا تـــرد لمــــتنه
ضاگت يخويه وگوه اجــر انفاسي
_*
ضاگت يخـويه الهجر ماخـذ حيلي
رحت وبعــــد ياهـو الذي يتچـيلي
يالتضوي ليلي اشلـون بعدك لـيلي
خويه الشـــماته التــمت وتوميلـي
حيلي رگد هسه وتضعـضع ساسي
____*
رد ابيض امشيـــب يـعالم راســــه
حگه انذبح عــــباس بدر احسـاسه
يم العقيله گـــــوه جــــــــر انفاسه
يم الشريــــــــعه هيبــته ونوماسه
گلها يزينـــــب عالنــــــــهر عباسي
___*
گلتله احس ابمشيــــــتك ما يرجع
يسمع كفيلي مـــــن اصـيح يسمع؟
عباس اعرفه من احشــــــــم يفزع
گللها زينب عالشــــــريعه امـــگطع
راح الگــــمر يا زينب وكـــل ناسي
___*
راح الگمـر والفتشه مـــال اعيوني
لونـي يتغـــير حگــــه زينـب لوني
گبله بســــهم زينب انـه صـــابوني
گطعو چفوفه وانه هــــم گطعوني
راح اليصبـــــحني گبـــل ويماسي
___*


تمت بحمدالله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_الامام_العباس_عليه_السلام_نزال



نزل عـــباس هلا بعلــومه علي الكرار نزل بالحومه

_***
تچف لو صال دخيل اچفوفه
خزرت الــعين تـحد اسيوفه
نزل وتگول شمس مكسـوفه
زود عبـاس وصــــل للكـوفه
هاشم احيــــود بعد معروفه
يابو فاضل يابو فاضل
_***

عمر محـتار؟ يگـــــلهم جاكم
شــرده لاويــن بعـد مــنواكم
بعده مـا صــال غدد خــلاكم
نزل عــباس فريضـه وحــاكم
صدگ تحچـون شنو ونتوالم
يابو فاضل يابو فاضل
_***

زاح الجيوش سطرهم سـيفه
ســـيد المـاي يجــيبه ابكيفه
من ابو اتــراب علــي تكلـيفه
ترجف اعداه عـمر بيه خـيفه
امعزب ارگاب لـــون اتضيـفه
يابو فاضل يابو فاضل
__***

علي لو صــال تحـــس بفعاله
گمر مهـــيوب بُـعد عــن خاله
طيـــح اعــگول عــدم خياله
رجف الماي يشــل احََـــــواله
فگره ليــــــروح يحَــطه اباله
يابو فاضل يابو فاضل
___***

ادخيل لو صال دخيل اعيونه
عــــــلي الكــــّرار بدو يقرونه
قائد الجيـــــش تغـــًـــير لونه
گلهم اشلـّــــون اذه اتلاگونه؟
علي وصفـــين اجتنه افنونه
يابو فاضل يابو فاضل
___***


تمت بحمد الله وتوفيقه:الخادم المقصر ناجي ابو كيان الصالحي ونسألكم الدعاء لي ولوالدي

قصائد_الامام_الحسين_والامام_العباس_عليهما_السلام



يم النــهر طــــاح راح الگـــــمر راح مو وكته ويـــنام رد كاض الاصفاح

___***

رد للخيم وحـــسين رايح حيله
راح اليـــعـــينه قبـــل ويتچيله
يـــم الشــريعه مــــات اليفييله
عباس مات وصار مــــضلم ليله
رد ظهره مـكسور وبصفـنته ايدور
يتعّـــــثر حســين مو حگــه معذور

___***

لازم اصفاحه وصَـَــل يم الخيمه
ودع حياته ورجع محني الشيمه
فاگد اخييه وياهو يفًــهم ضيمه
وحده يون ضل الًـحسين بهيمه
مجروح وأنـصاب ويطـــًــــشره الهاب
مگطوعلـه احزام مو حــــگه لو شاب

___***

طيح عمود الخيمه من طب ليها
ويگل لخيته الخوه شــح راعيها
زيدي البواچـــي زينب يحاچيها
لم الفواطـــــــم بالخــــيم واليها
ويصيح عـــــباس يا بــعـد الانفاس
وين الگه ياخــوي للخــــوه مقياس

__***

معـــذور حـــــگه لو تغـــــير لونه
عباس شوفه وعمه شوف اعيونه
ما چـنه ذاك حسيــن التــــعرفونه
رجع والكافــــل حــــــناله امتونه
ويلاه يمـــظــلوم ما يگــــــدر يگوم
يالنايم اشـــلًًــون لو هـــجمت الگوم

_***

معذور حگه انذبح بدر احساسه
ودع اخيه وصـــــار ابيض راسه
متعيني بالگـــــوه يــــجر انفاسه
ميت عضيـــــده هـيبته ونوماسه
ذاك القبــل جــان للخــّـــوه عـنوان
يا عازة حســــين للمـــالــه ذرعــان

__***

تمت بحمد الله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_الامام_العباس_ع


شد الگــمر بالحـــــومه زلزال ياهو اليچهبه الفحل لوصال
__**

من حيدر الكرار جايب تكليف سل سيفه سوه الگوم تصنيف
لا هوه سيـف وچفه لا ســيف فـــغــــار بيده ايطيح الاجبال

__**

حيدر علـي بالـــحومه موجود هـــذا النزلهه وطــيح احيود
عباس زلـــمه وحــــيل صايود زلــــمه ويحول فوگ الارجال

___**

نازل ابكيفــه وگاصـــد الــماي انه الكــــفيل وهـــــذا يوماي
ياهو اليجيني ويلـــوي يمنـاي عباس صــــوته يشتت احوال

___**

اعــصار هـد وصـــّار طــــشار متــشوف بـس اتراب واغبار
دگّــــت اطبـــول الكفر وانذار خــيال اجاكـــم ياهـــو خيال

___**

عباس هـذا وظــهره الحسين ياهو اليچهبه ونــّــاره بالعـين
بيـده اليلزمــه ايصـير نصين عباس شـيــخ وهيبه واعـگال

___**

متروس غيره وينگط احساس عـباس هذا ادخـــــيله عباس
وفاي طــبعه وتعـــــرف الناس هاي الزلــــم وافعـــالها افعال

___**

تمت بحمد الله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي