حسين وحزنه نيشانه " الشهاده من الله عنوانه
حسينا وا حسينا
ـــــــــــــــــــــــــــــــــــــــــــ

اتنخه بنمير العين "" الدمع مرهم لجرح حسين
الطم والشفاه ونين "" الطم والدمع نهرين
لا تذبل لحد البين "" النسه جرحه بقه بلادين
اله كل روح قربانه
حسين وحزنه نيشانه
ـــــــــــــــــــــــــــــــــــــــــــ

جم صوت النعه بأيقاع "" جم طفله سهمه وداع والشيب البقه اعله الكاع "" متحني بدمه المصراع
والبيرغ غنيمه وضاع "" والشاطي جروحه وساع
دمه اهله أعله ذعانه
حسين وحزنه نيشانه
ـــــــــــــــــــــــــــــــــــــــــــ

وتلكه الحزن لهفان "" شد جرحك عله البيبان
اجهر بالعشك اذان "" ضل عاشك لعشكه وصان
من تحزن تضل عنوان "" من تعشك تصير انسان
الحبيبي نفسي زغرانه
حسين وحزنه نيشانه
ـــــــــــــــــــــــــــــــــــــــــــ

اتخطر ركض بالبر "" ثكاله وما بعد تكدر
خدود الشمس تتعفر "" جفوف الماي تتبتر
شباب وريحها العنبر "" تضل بلادفن بالحر
نويت اتبوس بيبانه
حسين وحزنه نيشانه
ـــــــــــــــــــــــــــــــــــــــــــ

يالليل النوايه ادروب "" يالليل البجي مرغوب
إحزن والصباح يذوب "" والحنه دمع ع الثوب
ألونه لحن منهوب "" وجفوفك جنح مصيوب
اليواسي ادموعه برهانه
حسين وحزنه نيشانه
ـــــــــــــــــــــــــــــــــــــــــــ

يعقوب صادق المكوطر

2025/6/30

انذبح طفله اعله جيده "" حسين المفارك عضيده
يبني بالجنه إلقاء. "" يلا ودع كربلاء
يبني يبني "" يبني يبني

روح وتبده نهر "" وفيض يم طول الكمر
لحن الموت بنشيده "" وشوف دمعات الحجر
احجي ويا الريح يبني "" وغسل الوان الدهر
فايض الدم من وريده "" حسين المفارك عضيده
وذبح الضلمه بضياء "" يبني تكبر بالسماء
يبني يبني "" يبني يبني

جسد الوكتك صور "" وحجي بلسان العبر
اشلون تتلكه الخطر "" وبس اصبعين النحر
ضكت موت بالاقدر "" من الزغر ناوي السفر
بكل حزن ودع فقيده "" حسين المفارك عضيده
يبني يا اكبر عزاء "" غسلك فيض الدماء
يبني يبني "" يبني يبني

يبني من نحرك مطر "" طاحت اوراق الشجر
انثر الرغبه بحر "" بگل گلب اترك اثر
موقفك جرحي الجبير "" الفاضح اطماع البشر
خوف كلبي ما يفيده "" حسين المفارك عضيده
ابني صاح بكل ولاء "" بويا للدنيا سناء
يبني يبني "" يبني يبني

اطفح بروحي ثمر "" يبني والغيبه قهر
طير من جفي حمامه "" تفارك دروب النظر بصفكت الجنحان هاجر "" خلص حلمك ماكبر
عشگه للباري نشيده "" حسين المفارك عضيده
صاغ من دمه البهاء "" وثبت عزه بكل وفاء
يبني يبني "" يبني يبني

طير بجفوفك ورفرف "" وصل اعنان السمه
ونزل بجفها حزين "" راوي من فيض الدمه
وشكي حيل هناك حزنك "" ما تقصر فاطمه
يشب ثايه اعله صميده ""حسين المفارك عضيده
الهج ابأسمك دعاء "" يبني يبن الأتقياء
يبني يبني "" يبني يبني


يعقوب صادق آل مگوطر
2023/8/7

نعي مفجع
السيده زينب ع اتخاطب الامام الحسين ع


هـذا الـيـريـد الـمُـلـك والـرَي

وذاك الاجـاك بحـقـد وبـغَـي

وانـتـه وحيـد بغـربتـك خَـي

مـحـد عليك ايـكـاسـر الـفَـي

ومـن الخيول بـعيـنـك الـعَـي

الخيمتي شـفـت الـشـمــر وَي

                  *-------------------*----------------*
✍خادم الحسين ع
الشاعر رعد الجريخي

نبي عيوني رحل لو رحل ضيّ روحي
مـلـح حـزنـك شبكته يبني بجروحي
مثلك وين ألگاه
وجهك يا محلاه
طايح ليش يوليدي
نـايـم عالتربـان
عطشان وذبلان
روح أنطيك لو بيدي

*


هذا انـت الأكبر لـو غـيـرك حاچيني
ويما طحت الدنيه طاحت من عيني
چـنـت انـت البيها يوليدي إمسليني 
اعلى الدنيه العفى يـا ملحة اسنيني

شنهي الـدنـيـا إبـلا ملكاك
يالكلشي بـروحـك طيب
حگي امن ألزم ظهري عليك
وإحساسي وراسي إيشيب 

منو يعوض مـكـانـك يا أعـز ولدي
وحگ عيونك مصابـك مرد چبدي
عـلـي الأكـبـر يچـنـك مـاي متبدي
ألمك بيش وچفوفي عـطـش تدي

عطشانه إجروحك
وتــجــود إبـروحك
ويـلـي اعـلـيـك يـالأكبر
مطعون بظهرك
وسهام بصدرك
وشفت جـروح بالمنحر 

*


يا أتـرف و أجـمـل حـلـم بـيـن عيوني
مـن شفـتك مطعون إتمنيت طعنوني
انـت أبـنـي وعـلـيـك حـگ يتغير لوني
صرت إعليك إشلوني ماأدري إشلوني

هو الـشـاف ابنه إبـلا روح
يا لون إيـظـل بـيّ يـاحيل
حيله يموت وروحه تروح
ويتمنه ادوس اعليه خيل

بحوافرها يـريـت الـخـيـل ترفسني
وترد الخيل يبني بصدري تسحگني
وتـرد اردود حـوافــرهـا ترضرضني
اولا اشـوفـن خـضـابـك ياعلي يبني

مصابك شيحمله
يـولـيـدي اشثكله
مصابك ذابـح عمري
جسمك كلّه إسهام 
وبـعـيـده الـخـيـام
بويه إنـگـسـر ظهري

*


أبني ومـا أرتـاح چنت إلا اعلى صدرك
و مـا ينشبع منه إشـمـا نـسـم عطرك
شابـع مــوت الكيتك ومخضب نحرك
ومن كثر الطبرات صاير يبني إشزغرك

چنت بطولك أفرح حيل
من توكف يبني بصفي
هسه مگطع فوك الكاع
وبطـولـك يجمع چفي

چـم سـيـف انصبغ يوليدي من دمك
وچم رمح الـلـگـيـتـه نـابـت بجسمك
رمل الطف جمر وأنت الهوى يلچمك
امـن أرد للخيمه يبني شنهو أگلّ لمك

چم آخ اوچم آه
من فگدك ويلاه
مابيه أحچي أرد أبچي
ألمثلك من يروح
اوياه تروح الروح
لأمك يبني اشأحچي

*


ياضيّ روحي إعليك شـيـبـرد غليلي
و بيا حـيـل أحملك يالخـذت حيلي
مـن ضحكت الشامـت يالأكبر ويلي
چنها حـافـــر خـيـل مردتلي دليلي

شامت كال الشامت شوف
إحـســـين إتــمــدد يــمــه
مـره إيـشـمـه ومـره يـقـبـله
وخـضـب شـيـبـاتـه بـدمـه

تمددت اوي طـولـك والدمع يجري
وتطشر عالتراب امـن الحزن صبري
قليله ابچي عليك شباقي مـن عمري
تـسـتـاهـل أكـلـك يـــا بـعـد نـحـري

امنحسب طعناتك
إيـنـزلـن دمـعـاتك
تـبـچـي اعليه عيونك
يــا أغلى أولادي
حزنك مو عادي
غـيـر لـونـي اولـونـك

*


لـخـيـامـك رديــت وشـرديـت يالاكبر
مـحـتـار بـيـا حـال أتـلاگه اوي الخدر
مابين خطوه وخطوه بخطواتي اتعثر
إبـلا مـاكـلـهـن يـدرن بيك انت إموذر

گلب امـك يـعـلـم بـالـصـار
مـن طــبــروك أول طـبـره
وأم عون امن الحرگه اعليك
نـزلت دمـعـتـهـا الـحـمـره

جـبـتـك لـلـخـيـم بس ريـت مـارديت
ردتـك تگعد إلهن بـس شگعدك ميت
مـا بـيـن إمـهـاتـك يــا عـلـي احتاريت
ومـثـل ونـهـن يـبـويـه بخيمتك ونيت

ويـلاه مـن الموت
ياخذ حته الصوت
صوتـك مـات يالغالي
يـا وجــه المختار
بعدك گلبي احتار
 يـا عـيـش اليهنالي 

*


الـتـمـن بـس شـلـون مـن التمن اعليك
وحدتهن بـويـه مـن نـحـرك إتشم بيك
وامـك مـن الصدمه بدمعتها تحاچيك
وسكنه بطرف الخيمه من خاطر تبچيك

وأم كلثوم او ام جـسـام
صارن ينعن يم راسك
ولا تسألني اعلى العباس
كـام يـدخـن عـبـاسك

تــوأم روحـك احـزام الـظـهـر عباس
حزنه اعليك مامر ياعلي اعلى الناس
مـو دمعات يبچي بمقتلك إحساس
وبـصـدره يـبـويـه إختنگت الأنفاس

مجروح إحساسه
مخنوگه أنـفـاسه
عـمـك يـبـچـي بلهفه
ظل بالخيمه يدور
وغيرة روحه اتفور 
يـصـفـك ظـل بچفه

*
سليم الغزالي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

#محرم_١٤٤٧_هــ

شجاعة مولاي علي الاكبر ع


وگف فوگ أضهورهم ضيغم علي
وگالهم هاي الحرب بس العلي
اليوم ماتسلم زلم ونه أبن أبوي
من الصدور الوين ماتوصل ألي

علي علي :: ضيغم هلي وراعي الشگر
علي علي :: هاشم هل أچفافي الخضر
علي علي :: طب بالشوارب ضل يجر

هلا ببن الساده :: هلا بشيخ القاده
كربله ومابيهه :: تخاف من أعناده
@@@@@@@@@@@@@@@@@

هلا بنسناس الثگال المايكر
هلا بالكاسر ضهر أبشط مهر
علي الأكبر ونعم يازود أبوك
حسين گله وصار بالحومه يطر

علي علي :: تحت أمره يندار الهوه
علي علي :: حمزه وعلي فزعو سوه
علي علي :: عم وبن أخو بنص نينوه

ماتفض أطلابه :: راد حگه وجابه
وصاحو ينجينه :: بس علي ومحرابه
@@@@@@@@@@@@@@@@@

لامته تچوي الشمس گد العزم
وبرچاب المهره ضل يردم ردم
مايعف لايكتفي ولا سيفه نام
وماتهمه شما كثر جمع الزلم

علي علي :: يرعد مثل جده الفحل
علي علي :: مطرت رگب جاسه الزعل
علي علي :: سيفه مثل يوم الأجل

ماگرب لخياله :: الزامطو بفعاله
بس حچاله حچايه :: وضاعت الخياله
@@@@@@@@@@@@@@@@@

ضاع راي العكسر ونصه نثلم
هذا ياعباس هد من الخيم
علي الأكبر لو أبو فاضل نزل
منين مانندار اله يرفرف علم

علي علي :: ماينحد بحد لو غضب
علي علي :: جاب الثگيله من الرگب
علي علي :: واگف چبل والكل گصب

هاشم علزماطه :: هوس برباطه
صگر فوگ العالي :: ثابت بمحطاطه

رسول رياض

"نزال"

#محرم_١٤٤٧_هــ

شجاعة مولاي علي الاكبر ع

اليوم هاشم تفتخر بعلومها
هلا براعي الموزمه وجيدومها

غار من اخيامه خيال الشگر
هلا ببني حسين صاح ومفتخر
هلا بحصن أخيامنه الماينعبر

شرگت أكبار الوغه بدمومها
@@@@@@@@@@@@@@@@@

كور بديوانهم بيرق هله
اليوم حالف مايضل من كربله
أبن حيدر والخفيفه مو أله

يدور أثگال العرب ويحومها
@@@@@@@@@@@@@@@@@

بالعساكر شاع مابين الزلم
خبر عاجل هذا واقع لو حلم ؟
كلهه تبچي وهوه واگف مبتسم

وگام صمصامه برخيص يسومها
@@@@@@@@@@@@@@@@@

أكبار من الخوف لبسهم عبي
أتخوصر ومتبسم وگلهم علي
مايمرون بمره هاشم هلي

بس زلم تذبح الساده بيومها
@@@@@@@@@@@@@@@@@

رفرفت خاچيته والروس أنحنت
وزلم هاشم عاينتله وهوست
گص شواربهه الثكال الزامطت

اليوم هاشم ينگضي ملزومها

رسول رياض

" نزال "

#محرم_١٤٤٧_هــ

مولاي سيد الشهداء لمولاي علي الاكبر (عليهم السلام)

بكثر ما كلبي لاچمني من السيوف
طلعت علبني ادور حيل ملهوف
يندهني .. ويدلني
اليدلني خواته وكلشي ماشوف

صاحن وراي الياكتر رايح
احسين رد منا علي طايح
رديت مكسور اسحل بروحي
زلمه شكبرني ومايكف نوحي

ابني واخو صايحله
من المهر طايحله .. بويه علي

مغيرين رسمه وطوله
شفته وصحت معقوله .. بويه علي

علي يبني .. علي يبني
------ __

اجيتك موش الأول ياعلي حسين
أجيت وسابگتني دمعت العين
يبن روحي .. ويمذبوحي
يبويه جيت أخبرك حالي مو زين

ردتك تگوم وياي للخيمه
ماراهمه تضل يبني بالهيمه
رايدله زلمه يردني لخيامي
وزحمه أنخه غربه وبني جدامي

وي الخيل اجيت مدافع
كالولي بزرك ضايع .. بويه علي

يبني أمك أمتانيتك
بلب العمر شاريتك .. بويه علي

علي يبني .. علي يبني
------ __
حسبتك تردلي وتنه ضليت
ومن أخيامي گوه يبني الك جيت
علي يبني .. أنكسر غصني
يراعي البيت گوم وياي للبيت

حفنه العمر وأيامه معدوده
والمثلي دمعه يفطر خدوده
يافي كبرتي وعازت سنيني
ياعلي بويه گوم باريني

ردتك تجي أتجيلي
يوليدي خلص حيلي .. بويه علي

صار الضهر بعيوني
ليل وتغير لوني .. بويه علي

علي يبني .. علي يبني
------ __
عمتك والعلاوي يريدن أتگوم
يلكبر گوم يبني مو وكت نوم
طلعت أعثر .. دليلي انطر
أخبرك بويه بيه تشمتت گوم


شديته ضهري بيا علي وجيتك
وسيوفهم لن گبلي شاريتك
سبگني الك سيف وعطش كافر
بس شفتك وصرت أكسر الخاطر

حر العطش بشفافك
ومسبلات أچتافك .. بويه علي

ماوجديتك يبني
فراگك علي تعبني .. بويه علي

علي يبني .. علي يبني

رسول رياض

يبني شمسويه الحوافر يبني بيك
وحــدك أنته وگـلـهــــم ألتمو عليك
ونه ضهري أنكسر يبني شلون أجيك
أنته طايح ونه طايح ونتخيك

تهون لو مذبوح ألگاك
موذرينك::مطشرينك::ونه حاير
من أگرب خاف ألجمك
حيرتني::تعبتني::شلون صاير
وين ضهرك وين صدرك
ياحلالي::أنته مالي::مو الحافر
أسمي من شفتك نسيته
والله حيره::والچبيره::وحدي أناضر
000000000000000000
اگبالي أشوفنهم يبويه من خذوك
والهضيمه التاذي شلعت گلب أبوك
علل السيوف أگبالي شفتك وزعوك
خل يشوفه حسين صاحو وذروك

خل يشوف وليده الحسين
كسرو ضهره::وگطعو نحره::وسيلو دمه
طيحو أبوه بشغله وحده
حيل تعبوه::گباله شمروه::وصيحو لمه
ياهي المضيعه أبنهه
خل تمره::تشوف نحره::تشوف رسمه
وين أبوه صاحو عليه
كلهه شامت::ونه ساكت::بيه لچمه
000000000000000000

والمصيبه مــن گلتلي بويه أفزع
من الذبح عطشان گلبي راح يطلع
العطش بلساني صاير جمره تلسع
أرويني بويه من العطش گلبك تگطع

من سمعتك گتلي عطشان
ضاع دربي::وفطر گلبي::الفطر گلبك
الشمس هم تنحسب سيف
بالضهاري::هالصحاري::موش حلك
لو ردت أبنيلك أفياي
اله أگومن::بس أموتن::شرد إگلك
حيلي مو مال أبقه واگف
حيلي مني::راح يبني::كله لجلك
000000000000000000
تيهت دربي الگطعته گوم ردني
بيش أوجد ونته عيني اودعتني
شمعتي باگو ضواهه من عفتني
لاتردنــــي للـشماتـه التعبتني

گالو الماتنحمل دوم
وسمعوني::عثروني::بچلمه وحده
خلصو أزلام العشيره
بالحوافر::وضال حاير::ياهو عنده
فرصه ضل أبوحده ياناس
ماله والي::ضهره خالي::خل نهده
أستهضمت من هدو الخيل
وحشمتكم::ماشفتكم::والله شده
000000000000000000
گــوم الك يردن خــواتك ياخدرهن
خاف أرد يبني وينشدن شرد أگلهن
مـادرن ضــهـري كســـرته الدللتهن
ومادرن حـيـرنـي لـمـك يالعفتهن

صدفه لن ترگض چبيره
ضيعتهه::من شفتهه::بشوف شابح
ترگض وتنده ييمه
علي يبني::كبرتني::هالنوايح
فدوه دليني بمچانك
يالتنيته::ودلليته::وعني رايح
الهضمه من گالتلي چلمه
ياهو أنته::؟أبني شفته::وين طايح
000000000000000000
رسول رياض

يا هلي هالليله زينب يمكم مدللـه
يا هلي باچر غريبه لوحدي بكربله
يا هلي باچر خدرنه بغربه محد إله
…
الليل لمن يمشي ساعه من العمر ياخذ سنه
گبل ما تمشون عني يهلي احس ظهري انحنه
باچر تخلوني وحدي بالعيال مدوهنه
الموت خل ياخذني يمكم موش اخيتكم انه

وحدي باچر اظل بلا اهل بالغرب
وحدي المن تحشم دمعتي من تصب
وحدي والموت اله رحمه اليفارگ هله
…
باچر تموتون كلهم يا بعد كل العمر
حسين يبقه لوحده وانه بيدي اقدمله المهر
ينذبح جدام عيني يوم عاشور الظهر
ريحة امي اضلوع صدره بالحوافر تنكسر

ينذبح باچر عزيز ام الحسن ينذبح
ينذبح مو راسه گلبي الينرفع عالرمح
ينذبح محد يچفنه ومحد يغسله
…
تحترگ باچر خيمنه وراح اظل بلا خيم
صوتي بي دخان واصرخ وين شيّال العلم
من النهر اسمع جوابه بعيني مكسور السهم
گطعو جفوفي يخيتي وبالعمد راسي انهشم

كافلي باچر يطيح اعله النهر كافلي
كافلي عدوانه تحرگ خيمتي ومحملي
كافلي من بعده يحدي بالضعن حرمله
…
مثل هذا الوكت باچر والله غربه غربتي
لا خيم لا اهل عندي وعالترابه گعدتي
لو صحت حيكم يخوتي ما يفزعون اخوتي
مذبحين وعاذرتهم وارخصلهم دمعتي

بحيرتي يا ليلة الوحشه شكثر مرعبه
بحيرتي وانه غريبه واخوتي مسلبه
بحيرتي يبقالي همي ودمعتي الهامله
…
يوم عاشر صعب عندي واهدعش اكثر صعب
اخت ابو فاضل وتالي تشوفني عيون الغرب
تنچتف بالحبل زينب وبمتنها تنضرب
بناكه ما فوگها هودج للسبي تكطع درب

انسبي انه اخت ابو فاضل صعب انسبي
انسبي واليحدي نوگ اهل الشرف اجنبي
انسبي وانظر عليل برگبته السلسله
…
خادم الحسين ( عليه السلام)
كرار حسين الكربلائي
( ابو كميل )
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

اليوم الاكبر يم خدر
عالذبــــــــــح وازاها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يالتنشديني شكـــــو وشنهـــل صياح
وشهني هاي الروس يمي العـل رماح
راح الاكبـــــــر جابهن يم عـــون راح
ذني غير البالدرب مـــــــن عده طاح
ابن اخـــــــوچ ليله
للحرب شــــد حيله
يختي كل هل وادم
ماضـــــــــن تكفيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شوفي الاكبــر يم خــدر حافها حوف
گام يطبگها الألـــــوف اعله الألـــــوف
ريت حيــدر حاضـــر وحمزه ويشوف
شلون طــر ارماحها وطــــــر السيوف
گام شيــــــل يشيلها
الزلم هيـــــه وخيلها
يختي شوفي وليدي
شلون بريــــد حيلها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
طاف الاكبـــر عالزلم طوف الحجيج
وگام يتبره الصديج مــــــن الصديج
اليوم لـط اعله الزلــــــم بحر الغميج
اليوم فنــه البالحرب يبلعله ريــــــج
الحرب طـب خيالها
الزلم شــــل احوالها
كلها عنــــــه تكترت
الزامطـــــت بفعالها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
طــب المبچي الزلـــــــــم والمايهاب
خلــــه سيفـــه بروسها يــوزع ثواب
عركه والبالعركه حــــــــلال الصعاب
ماتخلص يمكن اليـــــــــوم الحساب
ابـن الحسيــن الچبير
ســوه بيها المايصيــر
گومي يختي وشوفي
حيره خلاها تحيــــر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،، نزال شجاعة الاكبر،،،
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

حياهم حياهم صاحت لساده ام عون
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليوم الساده مخيمين
بالطف والشيخ حسين
الوادم ماخذها الخوف
وربــع حسين معيدين
الرايه العــــــد العباس
هدت حيـــل الصوبين
ياخذ روحه اليطلع حسه العباس
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
طلابه وعد اهل البيت
وكلها تصيــــح ياريت
للطف ماجينـــه اليوم
دخيلك بينـه شخليت
ارجع ياشيــــخ الگوم
طــــر بالعسكر سويت
يابو سكينه الوادم كاتلها الخوف
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الأكبــــــــر شدلها حزام
وطبو هــــــــوه وجسام
مزواد صار اعله الروس
للطگ جاســـــم محتام
من گـــــد ما دم بلسف
تگــــول ملبسينه الثام
ولــد الساده طلعو مدري الفقار
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
غارو واللــــــــه الستار
العسكر منهــــم محتار
غارو والـــــــــدم يفور
وســـــــــو بيها الماصر
كلمن سيفـــــــه بيمناه
حسين وشيـخ الانصار
لا يتوازه المايگـدر لهل البيـــت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،،، نزال،،،،،
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

يبني يالاكبر يبني
،،،،،،،،،،،،،،،،،،،،،،،،،،،،،،،،،،،،
ارحم المكسور گلبــه ياعلي وگـــــــوم اعله حيلك
خـــــل اشيلن روحي اول ياعلي ونـــــوب اشيلك
خاف عبالك بعــــــدني بذاك حيلي وعزمــــي ذاك
تغيرت يوليدي حيــــــل وجاي هسه انه اشتكيلك
بويه،،
اگعد لبــوك وشوف ضيمه
حدب گفاي تگــــول خيمه
محد يساعدني اعله حزني
هيمه تذب بيــه اعله هيمه
،،،،،،،،،،،،،،،،،،،،،،،،،،،،،،،،،،،،،،،،
يالمخلي حسين حاير وحــــــــــده وايده اعله خده
هـــــــم ترد بيـــــك اليالي لو بعـــــــــــد مابيك رده
شصار يالاكبـــــــــــر بحالي شصار لو تـــــدري وراك
امشي خطوه وخطوه يبني من التعب اگضيها گعده
بويه،،
اليوم الحنين اليــوم حاير
هاكبره مــــن فرگاك صاير
خليت ابـــوك الضيم حاله
بين الزلـــم مكسور خاطر
،،،،،،،،،،،،،،،،،،،،،،،،،،،،،،،،،،،،،،،،
من العطش ممرود چبــــــدي والخيــــم مابيها ماي
وانه مــــــن يوميـــــــن ضامي ياعلي شرايـك بهاي
الساني مثـــــــل الخشبـــه صايــر والشفاه مفطرات
حرب والسبعيـــــن زلمــــــه ماتـــــــو وماضلي راي
بويه،،
ويــن اليصــل لهلي ويگلهم
بلكت يلحگــون اعله ابنهـم
بالهيمه حاير ضــل الحسين
خلهم يجــــون بساع خلهم
،،،،،،،،،،،،،،،،،،،،،،،،،،،،،،،،،،،،،،،،،،،
ارد اسولفلك يالاكبـــــــــر لچـــن شتفيــد السوالف
الجيش يبني اليـــوم ملتم كله يــــــم الخيم واگف
وانــــه لاصحبان عــــدي ولا اهـــل يحمون ضهري
واحــــــد يشاور بواحــــد خايبيـــن حسين خايف
بويه،،
دارو عليه الخيـــل والناس
اگعد يالاكبر صيـــح عباس
وحده الحنين وحيل مابي
لحگو الخيمكم راح تنداس
،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

يعباس جيب الماي لسكينه
يبو فاضل دخـــــــــــــــيلك
،،،،،
يعباس انه اختك المحشومه
يعباس اعثر گمت بالحــومه
يعباس كل الطرق ملزومــــه
يبو فاضل دخـــــــــــــــــيلك
،،،،،،
يعباس اختك عفتها بحيــــره
يعباس بالگوم مامش غيــــره
يعباس تدري برقيه زغيــــــره
يبو فاضل دخـــــــــــــــــــيلك
،،،،،،
يعباس فدوه رحت لنفاســــك
يعباس مصيوب خويه براسك
يعباس حاچيني لو بحساســك
يبو فاضل دخــــــــــــــــــــيلك
،،،،،،
يعباس تنشد عليك سكيـــــــــــنه
يعباس وتگلي اخيچ وينــــــــــه
يعباس يابو المحنه الزيـــــــــــنه
يبو فاضل دخــــــــــــــــــــــيلك
،،،،،،
يعباس شيبت ماتدرينـــــــــــــــي
يعباس ماتت وياك سنينـــــــــــي
يعباس يامن عمتلك عينـــــــــــي
يبو فاضل دخـــــــــــــــــــــــيلك
،،،،،،
يعباس ياهدمي ياعصابتــــــــــي
يعباس تبچّيك كلش حالتـــــــــي
يعباس يابيرغي وياشارتـــــــــــي
يبو فاضل دخـــــــــــــــــــــــيلك
،،،،،
يعباس خويه الهزل جابـــــــــوها
يعباس اختك ام عون اذوهــــــــا
يعباس لمن طحت شتمـــــــــــوها
يبو فاضل دخــــــــــــــــــــــــيلك
،،،،،
لخادم الحسين ع
محمد الفهداوي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

شعِندَه اِلشِمِر وَیّٰاك بِالمَذبَح يحوم
شِمسَويَه بيك الخِيل ماتِگدَر تگوم

جابَوْ اِلچَفِّي حَبِل _ گِلِّي مَيِّت لو عَدِل
*خويه*
___
بَشِّرني يَحسِين شخَبَر سالِم بَعَد هاي او هاي
وينَك يَبَعد اِلمٰا غُفَن مَذبوح لو تِشرَب ماي
وَحدَك و لا زَتَّك اُخو وُلمَعرَكَه سيوف اهواي
مگطَوع صوتَك عالخِيَم بَس الشِمِر رايِح جاي

مِشتاگَه یا ماي الوَجِه بَس گِلِّي وين عيونَك
ضَيَّعتَك بِّين الغُرُب يا روحي گِلِّي شلونَك

گِلِّي وين _ دِنيَه ما تِرحَم بَعَد
گِلِّي وين _ يِحتِرِگ خاف المَهَد

طارِش اِجاني برَأي ماأدري منِين
ماعِندِچ اَحَّد ضال یِفزَع لِلِحسِین

جاني وُلمَدمَع يِهِل _ گِلِّي مَيِّت لو عَدِل
*خويه*
___
ما اَدري وِين اَنطي اِلوَجِه وُلكافِل عله الشَط نام
چا لیش لو بَعدَك عَدِل وُصلَت عباي اِلِسهام
و عيونَك اِلكِلهِن عَطَش ذِبلَت وَراكِ اِلِخيام
مَعقولَه مَجفِي عله الوَجِه و ترِك عليك اِلِجدام

گالولي طايِح عالتُرُب عريان نام بحُفرَه
ما صَدَّگتهُم بَس گِلِت چا وین حُظن الزَهرَه

لا تطيح _ وين اَروحَن لو طِحِت
لا تطيح _ آنه أموتَن لو مِتِت

لا عِندي ماي اَرويك لا عِندي اِفياي
بطِرگ اِلعبایَه شلون طَرت اِلزِلِم هاي

الحومَه بَس روس او نَبِل _ گِلِّي مَيِّت لو عَدِل
*خويه*
___
اِنتِرسَت نَعاوي كَربَلَه و خيَمنَه شاطَت دَخّٰان
وُ لنار ما تِرحَم عِبي چا وین تِمشي اِلنِسوان
يَحسِين چا مالَك خَبَر تِنسِبي اِلما عِدهَه اِخوان
اِلحَگلي مُو مالَت رَكُض اِلحَگلي حَتلو عَريان

اِفزَع لي شو صارَت صِدِگ هَدَّوْ عَلَه اِلعِلویَّه
ما بِيَّه اَركُض عالجَمُر بِين اِلزِلِم ما بِيَّه

مَيتَه كون _ او لا أشوفَن هالعَصُر
مَيتَه كون _ او لا رِكاض عله الجَمُر

شِيلِم لِي هَالنِسوان هَالچَل اِلِغروب
و اِنتَ علَه وَجهَك غاد بِالحومَه مَگلوب

هسَّه شیعَدلَه اِلْحِمِل _ گِلِّي مَيِّت لو عَدِل
*خويه*
__
رُكضَت حَوافِر عَالصَدُر هذا اِنتَ لو مو اِنتَه
هَذا اِنتَ يَحسِين اِلحِلو يِنذِبِح جِدّام اِختَه
جابَوْ قَميصَك لِلخِيَم خِيل او زِلِم ساحِگتَه
تِتعارَك اِعلِيه اِلخَلَگ جِدّام عِین اِبنَیتَه

يا ضامي و اِلسانَك خَشَب مِنِّ اِلغَفا يذِبحونَك
مو كافي يا خاتَم نَبي مْنِ اِلخُنصُر يبوگونَك

صَعبَه هاي _ تِنذِبِح بِيد اِلرِخيص
صَعبَه هاي _ تِرجَع اِلإختَك قَميص

ما اَدري اَطَفِّي اِلنار ما أدري أنعِيك
و اِنتَ أثنَعَش ذَبّاح گِعدَوْ حَوالِیك

وَضعي بَعدَك مُو سَهِل _ گِلِّي مَيِّت لو عَدِل
*خويه*
__
جابولي راسَك عَالرُمُح مِيَّة هَلَه بهَالْجَيَّه
او وُگفَنْ بَناتَك لِلحَبِل عِلوِيَّه يَمْ عِلوِيَّه
رُكضَت رُقَيَّه او شافِتَك شُمرَت لَك اِلتَرچِیَّه
صاحَت وَداعأ يا أبي اِبنَيتَك مِشَت مَسبِيَّه

يا خويَه عِشرَتنَه اِنتَهَت وُ نطَشَّت اِلْحٍنِيَّه
مَستَحيَه جابولي حَبِل وُ تباوُع اِنتَ اِعلَيَّه

راح أروح _ مِنْ رُخُصتَك لِلغُرُب
راح أروح _ خاف أموتَن بِالدَرُب

تِعذُرني مُو بِالكِيف ذَاك اِلوَكِت راح
مَجبوره أعوفَك كون و مشي اويَه ذَبَّاح

شبيدي لازِم نِنعِزِل _ گِلِّي مَيِّت لو عَدِل
*خويه*
___
✍️ نسيم الناصري _ الأهواز
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

شكراً إلاهي بِسم اَبو اليمه
                              وِبمنحره ودمَّه

كلما يرد عاشور أرد وابچي اعله الِحسين

=======================

ما أريـد أتفـاخـر بلـبـس الحـرير

ولا أدوِّر شُـهره حتى اَصبَح أمــير

خلني وي حسين عايش عالحصير

حتى اَخدمه بعمري لليــوم الأخير


جبريل چان أوَّل ملَك خادِم 
                            يتباها عالـوادِم
      
وهذا الشرف دايم يظل مو يوم يومين
كلما يرد عاشور أرد وابچي اعله الِحسين

========================

خادم إحسبني إلاهي اويه الخَدَم

ومن جراحات الحسين آخذ سهم

بگلبي خلّي اتطيح جمره امن الخيم

أرد اعيش الدنيا كلها بهالألم


خليني اعيش الدنيا بجروحه
                           وابچي لألم روحه


عالنهـــر طايحـلـه علَـم وبصفّه چفّين
كلما يرد عاشور أرد وابچي اعله الِحسين
=========================

ربي لاتحــرمني من حَـر جمــرته

خلني هــايم بالجَـزَع لمصــيبته

بلكي أخفَّف من جروحه ومحنته

ومارِدت بس القبــــول بخدمته


يستاهل حسين الحزن كـلَّه
                            والمدمع انهـلَّه

بالدمعه لجل امصيبته ماعندي وجهين
كلما يرد عاشور أرد وابچي اعله الِحسين

========================

شكـراً، اِبگد رحمِتَك ربّ السماء

طوَّلِت عمري او صحت يـاكربلاء

وابتـديت اِبخــدمـتي بلا كـبـرياء

وشاركِت بالخدمه أصحاب العزاء


اشگد حلوه لمّن تخدم احسينك
                              وادموعك بعينك

وتِـندفع بالمحشر نقِد وتحصّل الدَين
كلما يرد عاشور أرد وابچي اعله الِحسين

=======================

يم حجِم تضحيته ما إلنه إسم

إحـنـه ذرّه بـلا وزن وبـلا حجِم

واليريد بروحــه يكــبر (يلتـزِم)

يخدم حسين بعمَـل مابي إثـِم


وحسين رايد كلمن ايخدمه
                          يمشي بأثر جدمه

ولّي انحرف عن منهجه خل ينتبه وين
كلما يرد عاشور أرد وابچي اعله الِحسين

========================

ياحزن يوفـيلــه يادگّـت صدر

ويادمع يكفي لمحــرَّم ياكسر

بينه كسره اعليه أبـد ماتنجبر

ومو خساره ايروح لحسين العمر


مو ندمه لمّن تخلص اَيامي
                       أبچي على الظامي

بس ندمه لمّن ألتهي وماحاسب اثنين
كلما يرد عاشور أرد وابچي اعله الِحسين

========================

آنه لحسين أنتمي وعن معرفه

أحزَن لحزنه واعيشن موقفه

اليفرح بموته ويسولف عالوفه

تره ابوجه اسود يلاگي المصطفى


حسين اِنطه أعز مايملِك لدِينه
                          وضم أُمّـته بعينه


حسين اِبحياته وبمماته ايكحّل العين
كلما يرد عاشور أرد وابچي اعله الِحسين

=======================


خادم الحسين "ع
مرتجى الحسَّاني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

راح وليدي الكله احساس ..چن رايح مني العباس
اصعب واحد من ودعني_ هيچ انه الاكبر كاسرني
      /////////////////////////////////////////
اليوم كسران الظهر حسيته بيه
من شلت كل المعزه انه اعله اديه
وجبتك اباب الخيم طحنه سويه
راح الحيل كله اباب الخيام
يليله وعل تراب وليدچ ينام
بعد هاذ المصاب الطف الي اشظام

نوحن يمه وبلكي يگوم  شيخلصه ابلاعلي اليوم
شلته اعله متوني وشابگني
هيچ انه الاكبر كاسرني
////////////////////////////////

شيبت خطوه اعله  خطوه وگلبي خلصان
محني امشي وكلشي بيه اليوم حزنان
كل وجهه بخيامي اشوفه بعطش ذبلان
ظاع الماي بلطف والعطش صار
ويوم العاشر ينشف الچبد حار
ودور الماي بلكي الهاي الزغار

ايموتون اگبال العين.  وصيحون الحگ يحسين
وحيد وماواحد ناصرني
هيچ انه الاكبر كاسرني
//////////////////////////////////

فرحت العدوان والتمت علينه
ابطيحت الاكبر تمايلنه وهوينه
والعده حرگت خيمنه وماطغينه

اودعكم يبويه اوداع البعيد
العده محظره خيول وتسحك تريد
ناس ابلارحم كل زمرت ايزيد

يازينب الله اليحميچ. لو رفعو راسي يدليچ
انه ادي ابگلبك عاذرني
هيچ انه الاكبر كاسرني
/////////////////////////////

خويه اركظي من الخيم للتله بهداي
حيل اخاف عليچ من الحافر الجاي
ادري روحچ يلحنينه راحت وياي
عينچ علطفال وظل بناتي
مايهمه الطف اذا تخلص حياتي
وعل الرماح المغرب اتوقع صلاتي

كاسرني اوداعچ يم عون. وي شامت راح اتظلون
شعدهه العدوان اتحاربني
هيچ انه الاكبر كاسرني
////////////////////////////////////
خنگه صار الطف بعد عين اليموتون
الازمين الرايه ماظني يروحون
هاي ساعه العده بيهه اشگد يفرحون
اغير كلشي بس عندي رساله
اذا عباس احشمه يلم وصاله
والعدوان ترجف من خياله

بخيامي ادري تشب النار  وكل وحده البيچن تحتار
العبره اعله اوداعچ تعصرني
هيچ انه الاكبر كاسرني
///////////////////////////////
سلام البهادلي

نزال لمولاي علي الاكبر ع

حي الله الأكبر سيد الغيره 
حي الله الأكبر سيد الغيره

يلتسولف علشهامه
شاهد وميزكلامه
راس ابن غانم علامه
شاله بيده
يرهب الجيش بيعيونه
وجيش اميه يجن جنونه
كشخ بيرغ  عله  امتونه
بكل عقيده

حيرة اعدائه كلش اچبيره
حي  الله الاكبرسيد الغيره
/////////////////////////
يطوي ارض الله بثواني
صاح انه سيد زماني
جدي حيدر علماني
من اذلهم

مااهم الكل عددهم
كمت اطشرهم ولمهم
ساحگ ابجدمي علمهم
علمتهم
وبسيف هاشم طاحوبحيره
حي الله الكبر سيد الغيره
////////////////////////////
ظهر الحسين انه اسمي
ابو فاظل هوه عمي
الحومه چانت هيه حلمي
انه الكبر

ياشمس نوري خيامي
وصلي الزينب سلامي
بلعطش طول كلامي
گلبي ينطر
والدنيه احسهه كلش زغيره
حي الله الكبر سيد الغيره
////////////////////////
موبشر كل ال اميه
زمره ماعدهم حميه
الغدر عدهم هويه
بلايه رحمه

مايلاگون الهواشم
الغظب بنواعه قادم
بسيفي دمهم لوحه راسم
يحله رسمه
بسيفه دهرنه صاحو ادهيره
حي الله الكبرسيد الغيره
///////////////////////////////

منهو ابونه ومنهو جدنه
شحده يدنه اعله حدنه
شمانعد مايگضي عدنه
احنه هيبه
جدي قتال النواصب
وانه قتال الكتايب
شافو ابسيفي العجايب
والمصيبه
والشمر حاير وجهه ميديره
حي الله الكبر سيد الغيره
/////////////////////////////
سلام البهادلي

من طب علي الاكبر    خله الزلم تعثر
حي الله هاشم.    حي الله هاشم

شالاهه رايته.   وفاهه احچايته
والحومه بصايته.   رد
رافع راسه

طشرهم عل ارض.    فحطهم بالركض
سيفه يفرض فرض رد
رافع راسه

ردللخيم مثل الصبح من يذبح الظلمه
خله العده تشبع قهر عيشهم الهظمه
هذا علي الاكبر علي مايهتم الخصمه

وجوه العده تصفر.    خله الزلم تعثر
حي الله هاشم     حي الله هاشم
///////////////////////////////////
يمطر دم لوغظب.    سيفه يگص بل رگب
جيش ابكبره انرعب.  رد. رافع راسه
مايهتم للعدد.     طب راعيهه الشدد
لخيامه اكبرسند. رد رافع راسه

انطاهم ادورس الحرب والعده ذلاهه
خله العده تركظ ركض ابلا راحه خلاهه
اطيح الزلم فوگ الزلم والحومه بچاهه

اليتعده من يگدر  خله الزلم تعثر
حي الله هاشم.    حي الله هاشم
/////////////////////////////

يامحله اعمامته.    تتباهه سادته
من زينب رادته. رد.   رافع راسه

طوله ضل عل خيم.   وگف ضل كل علم
لوحة قائد رسم. رد. رافع راسه

بلعده يخسفهه الارض لونخن عماته
كربله تشهد لوگلت بعلوم وگفاته
كل الكتبته  بلوصف ماوصل صولاته

بسمه الكسر يجبر.    خله الزلم تعثر
حي الله هاشم حي الله هاشم
///////////////////////////

يل نوره ماله حد.   لليهوه انته سند
من گلبي اخذ الوعد.  رد رافع راسه

خليني ابخدمتك.   ومسحني ابرايتك
يل عازه عازتك.  رد رافع راسه

وفقني اخدم حضرتك وبچي عله اخيامك
ماريدن ايامي التجي من دون ايامك
مجروح الك كل الدهر تجرحني  اسهامك

اجفون الخيم تسهر.    خله الزلم تعثر
حي الله هاشم.  حي الله هاشم
////////////////////////

عطشان ومن طحت.     ياعمه من صحت
عله ارقيه اتعلمت.  رد رافعه راسه

وحسينك منكسر.    عطشان وبل ظهر
كسره ماينجبر.   رد رافع راسه

رد الحسين ابلا علي مكسور للخيمه
صارت العيشه ابلا طعم چن ضايع ابهيمه
طاح وگف رغم التعب بالعاشر  وظيمه

وبجرحه يتحير.     خله الزلم تعثر
حي الله. هاشم حي الله هاشم
//////////////////////////
سلام البهادلي