يامهر شنهي الحصل گول
بس لاتگلي حسين مكتول
بشوفتك گلبي نعصر
جايني وعندك خبر
....................................................
خالي راجع ليش والمدمع يسيل
فطرت گلبي يخايب بالصهيل
لاتگلي راح مو راح الكفيــــــــل
وين اروح بهل يتامه والعليل

والله دلالي نهضم
اعداي ماعدهم رحم
ياريت كون الكون مشلول
...................................................
يامهر هل صوت ارجاك منعه
خاف رقيه صهيلك تسمعـــــه
هيه طفله وهاي صعبه الفاجعه
هذا ابو الاحرار طيب مرضعه

شلون عفته الوحده
يامهر بين العده
عتاب عندي وياك ويطول
...................................................
عليك امي فاطمه وذاك المصاب
من اسئلك ليش ماعدك جواب
اشوف بعيونك حجي وشكد عتاب
هذاحنه بكصتك هالو خضاب

جنه دم هذا من خوي
خبر مايوصل الابوي
يلحگ العصمه البين الخيول
.................................................
ناده زينب راد يبيـــن لوفاء
كلهه كومي وكام يسحب بالعباء
خل نطلع السهم يلله من كَفاء
حسين راد الماي يلمحد ســـكَاء

عفت عينه الخيمتج
حسين ينطر جيتج
مذهول عگله عليچ مذهول
.......................................
يامهر شيفيد للمثلي الصبر
تگلي نمشي خاف مايرضه الخدر
لونشد عباس گلي شعتذر
اتمنه كل نكلت جد اليه كَبــــــر

جدامي تسحك عالجمر
العمر ماريده العمر
الموت كون رويحتي ينول
...................................................
وياك امشي وياك وسحگ عالجراح
ومن كفيلي يامهر خذ السمــــــــــاح
الموت وينه يادهر خل استــــــراح
هذا اخوي حسين لو كومت رماح

ريته عيوني نعمت
ولاشفت عين الشمت
تسبينه جنهه تريد محصول
...........................................
خادم اهل البيت ع
فلاح طالب الماجدي

مدلي زندك ارد انام ...
بويه حركوهه الخيام
جيتك اركض حافيه ...
لحظه ابد ما غافيه
ــــــــــــــــــــــــــــــــــــــــــــــــــــــــــــــــــــــــــــ
بويه حركوهن خيمنه
البيهن يلوذ الستر
تراكضن امدللاتك
ولنه يتبعهن شمر
كربله عنه غريبه
وبيهه مانندل شبر
كاع وعره وشوك بيه
انكوم كمنه وننهطر

صحنه يا وادم حرام ...
احنه ايتام الامام
وسلبونه العافيه ...
لحظه ابد ما غافيه
ـــــــــــــــــــــــــــــــــــــــــــــــــــــــــــــــــــــــــــ
بويه حضنك موش الاول
جن احس بيه مختلف
راس ماكو وصدر ماكو
من الحوافر منخسف
حيره ياجرح الاضمــــده
بكل كتر طعنه ونزف
ما متت والله عجيبه
وشكثر كلبي صلـــف

شفت مهشومه العظام ...
وانته قران السلام
الجلمه منك دافيه ..
. لحظه ابد ما غافيه
ـــــــــــــــــــــــــــــــــــــــــــــــــــــــــــــــــــ

خايفه انه عتنيـــــتك
شفت جسمك ومنت
من صحتلك سلبوني
شلون بويه تحملت
جيت ملهوفه اشوفك
ونته مثلـــــي تسلبت
بكربله ظاعن خواتك
وانه وياهــــن ظعت

تشوفنه بهذا الظلام ...
جنه سرب من الحمام
وناسهم متعافيه ...
لحظه ابد ما غافيه
٠٠٠٠ ٠٠ ٠٠٠٠
جيت اشكيلك جروحي
الگيتك محمل جروح
بويه هاي رقيه يمك
شبعته الدنيه نوح
للسبي هاي الهضيمه
شلون عوفنك وروح
خنصرك بويه التسلب
خله جسمي بلايه روح

من فعل ذوله أللئام ...
كلبي ياهم بويه ضام
وانه يمك لافيه ...
لحظه ابد ما غافيه
٠٠٠٠ ٠٠ ٠٠٠٠
الليل صح مظلم علينه
لاجن يهون الامر
مدري شمحضر دهرنه
علينه لو طر الفجر
ننكشف وأنصير فرجه
وراح ننصاب بذعر
عمتي هاي الاميره
وينها وين اليسر

هيه بت ذاك الهمام ...
تشرفت بأعظم مقام
وهل مصايب كافيه ...
لحظه ابد ما غافيه
٠٠٠٠ ٠٠ ٠٠٠٠
خادم أهل البيت ع
فلاح طالب الماجدي

الاكبر يانضر عيناي
يسعر جبدك عله الماي
٠٠٠٠ ٠٠ ٠٠٠٠
يوليدي العطش جتال
خايف ياخذك مني
يل جنك غصن ريحان
فراكك يبني دوهني
اذا عني غبت لحضات
عيوني عليك تسألني

يل وجهك يزيح الداي
يسعر جبدك عله الماي
٠٠٠٠ ٠٠ ٠٠٠٠
هذا اخر وداع وياك
ومدري شلون اودعنك
عزيز عله الگلب يبني
يل ماينشبع منك
اگبالي والسيوف اشلون
اصبر من يگطعنك

مشدوه الفكر والراي
يسعر جبدك عله الماي
٠٠٠٠ ٠٠ ٠٠٠٠
ودعني علي ومن راح
وياه جن اخذ روحي
خلاني ومشه للموت
وعليه تنزف اجروحي
صحت ياليله ابنج راح
َنوحي عله الولد نوحي

ندعي الباري كومي وياي
يسعر جبدك عله الماي
٠٠٠٠ ٠٠ ٠٠٠٠
دعينه وستجاب الله
ورد الاكبر بحيله
گلبي عليه ظل يرجف
جاشنهي گلب ليله
انه وياهه من شفناه
گمنه ابنوح نشكيله

ويگطع وداعه جلاي
يسعر جبدك عله الماي
٠٠٠٠ ٠٠ ٠٠٠٠
راح والني اسمع صوت
يابويه الحك عليه
من الگاع اشبعت اعثرات
ماشالني رجلئيه
وصلته ومن الگيته اشلون
كل رسومه ماهيه

متغير يناس هواي
يسعر جبدك عله الماي
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي

رثاء #علي_الأكبر


كان الله في عونك .. حبيبك علي راح
المصاحب عيونك .. حبيبك علي راح
آه واحسيناه .. آه وا علياه
•••=•••=•••=•••=•••=•••=•••
يابحر ضيم وكَمَد ،، ها ياصبر ماله حد ،، بس الهجر أذاك
الفجر ذاك انطفه ،، وجرحه بدليلك غفه ،، راح وتون خلاك
ضميت دمعك عسن ،، ميشوفه الاكبر لَچن ،، اتفجر حزن عيناك
من شفته صاير وذر ،، ماي العيون انهمر ،، ومددت طوله اوياك

وونيت يم طوله .. وعِله الون والنياح
چن نوح مثكوله .. حبيبك علي راح
آه واحسيناه .. آه وا علياه
•••=•••=•••=•••=•••=•••=•••
صدره سهام انمله ،، وضميته واتقبّله ،، چنّك ردِت تحميه
وحطّيت خد اعله خد ،، واصرخت آه يالولد ،، وچم آه صحت اعليه
عالدنيا صحت العفه ،، يالتشبه المصطفه ،، كون الله لا ينطيه
الگطع رحمي وگطع ،، عمري وسلوتي وفجع ،، زهرة محمد بيه

واتصوب الهادي .. على اللي يشبهه ناح
يواسيني وينادي .. حبيبك علي راح
آه واحسيناه .. آه وا علياه
•••=•••=•••=•••=•••=•••=•••
عن وجهه تمسح دمه ،، وايد ارفعت للسمه ،، وتحچي اويه ربك صار
گتله بوتر گلبي حز ،، اشهد يرب قد برز ،، شبه النبي المختار
جده النبي ورحمته ،، لا ما رعو حرمته ،، العسكر على ابني دار
بسيف ونبل وبرمح ،، ينبت جرح في جرح ،، بكل جسمه اشوف آثار

اي عظم الله اجرك .. كثر ما بي جراح
وزاد الله في صبرك .. حبيبك علي راح
آه واحسيناه .. آه وا علياه
•••=•••=•••=•••=•••=•••=•••
يَمّه حِنيت الظهر ،، وبحسره درت النظر ،، لفتية بني هاشم
عينوني ها ياهلي ،، خـ نشيل جثة علي ،، ودمعك جمر ساجم
وگدام جثته سِرت ،، بدخلة خيمكم حِرت ،، ما رد علي سالم
ولن زينب اتلگتك ،، وليلى بنحب شبگتك ،، وضجت حرم فاطم

چن صيحة اقيامه .. المخيم ويلي صاح
وشيجبر آلامه .. حبيبك علي راح
آه واحسيناه .. آه وا علياه
•••=•••=•••=•••=•••=•••=•••
بعين الله گلت الحصل ،، يهون العلينه نزل ،، يا ليلى يا زينب
يا سكنه يا فاطمه ،، مو هذا آخر دمه ،، هذا اول مخضب
ساعه واظل وحّدي ،، بذبحي الشمر يبتدي ،، والعيله تتسلب
جمعي النسه يالإخت ،، اي هسه من كل وكت ،، صار السبي اقرب

ودعته ودموعك .. بعد ما تستراح
يا لچمة ضلوعك .. حبيبك علي راح
آه واحسيناه .. آه وا علياه
•••=•••=•••=•••=•••=•••=•••


ياسر حسن
محرم الحرام ¹⁴⁴⁷
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

#ليلة_العاشر💔

مولاتي زينب (عليها السلام) بعد مصرع سيد الشهداء (عليه السلام)

يلتمن بناتي بنشقه لحذاي ـ خويه
چوانه الجمر ممشانه حفاي ـ خويه
شيطفي الخيم ومگطع الماي ـ خويه

رحت لحسين أشوفه وحيل محتاره
أگله أشكيلي بلكه الگه الجرح جاره
يگـلي أجروحي كلهه أتهون يم عون
بس المثلچ يضل ماله كل چاره

أنه أخته وعرف أشبيه وعرف الحيل ياذنه
يــــأشـرلي عللبنيات بويه الحگ يندهنه
ودمعته بعينه دم أطيح من گامن يحشمنه

00000000000000000000

هوه شضال منه وخاطر نعيش ـ خويه
محترگه الخيم چاا نلبد أبيش ـ خويه
مـــــو چنه سويه ننفرد ليش ـ خويه

گلبي من المصيبه والله يوجعني
وطگ اسياطهم يبن أمي تعبني
أضيع بالبنات ودنيه صارت ليل
وتيه بالزغار أنته أبنه لو أبني

مايسكت صهيل الخيل والأطفال مذعوره
وعمتهم نحيله أشلون تمشي بحيره مكسوره
الماعرفت أسمهه الناس تتطلع هسه مجبوره

00000000000000000000

أضل الوحدي والوادم شلون ـ خويه
حيل هواي زحمه ترگض أم عون ـ خويه
الهضمه أگبالي من فوگك يسحگون ـ خويه

حگي أتراگض وي الخيل وتعثر
أثاغب حگي ونته أگبالي تطشر
شتسوي بقميصك خيلهم يحسين؟
بحوافرهم خذنه أتقاسمنه أبر


تهد الأعوجيه عليك أه يا كسرت العاشر
أميضعتك ودور عليك گلي بيا كتر صاير
الخير أدريه تلمه الناس مو يطشر بحافر

00000000000000000000

بين المستحه والخوف رديت_خويه
گعدت أگبالهن وبحرگه ونيت_خويه
زلمچن ذبحوهه ماكو أهل بيت_خويه

ماوصيچن عليچن گضه الحيل
مابياش أدور جايچن ليل
تعالن لاطلعن تمشن بعيد
لبوچن رحت أشوفه وهدو الخيل

عمت عيني شكثر تعبان شفته وصاير بحيره
أخــر گعده هاي وياك گتله ورايحه الديره
ديره الماكو في عباس بيهه ولايصح غيره

رسول رياض

(حوار ليلئ والاكبر)


خايفه يحسدونك ،،، ياجمال أعيونك
               فنهـم ايلاگـونك

      علي الاكبر ،،،، علي الأكبر
       :::::::::::::::::::::::::::::::::::::
      انتَ آيه امن الجمال أونازله
     ربي حسنك مثل يوسف عازله
     حچيك ابريسم وبيدك غـازله

     يا شايـل اخلاق اوعزم
     بالشده سيفك يبتسم
    من زغرك أمبچي الزلم
   
        تـشـبه المخـتـار جـدك ياعـلي
       لو يمر جيش اعلئ حدك يبتلي

         علي الاكبر ،،،، علي الأكبر
        ::::::::::::::::::::::::::::::::::::: 
       نور وجهك يـمـه ربك صانـعه
       بين كل الناس نجمه وطالـعه
       اسمك اددلال عودك طـابـعـه

         يوليدي يا ريع الچبد
       من عطرك يغـار الـورد
      والارض ترجف من تهد

مثل سيفك سيف عدهم مايصح
نور وجهك احلئ من وجه الصبح

     علي الاكبر  ،،،، علي الأكبر
    :::::::::::::::::::::::::::::::::::::::
مثل عين الشمس عينك دايره
رَدت أخـيول الآجـتك غـايـره
كربلاء كلـهـه ابجـمـالك حايره

مصباح وجهك بالضعن
يلـعـاندت بيـك الـزمن
يالتشبه اطباع الحسن

دوم ازامط بيك يبني امن المهد
يشبع الجــوعـان چـفـك يالـولـد

    علي الاكبر ،،،، علي الأكبر
      :::::::::::::::::::::::::::::::::::
شفت أبوك اشكثر ربك رازقه
يشبه المختار شكلك خالـقـه
حيرتني أوصافـك المتطابقه

نورك ابد ما ينحجب
يلطبعك احله أمن العذب
مو آخر اول تنكتب

يلجمالك بالبشر ما ينوصف
بالمراجل مثل أبوفاضل كلف

علي الاكبر ،،،، علي الأكبر
  :::::::::::::::::::::::::::::::::::::
من گمر عدنان صيتك قاسمه
واضح الموت اعله سيفك راسمه
والـمـراجل كـلـهـه يمـك والـمـه

كلشي صعب عندك سهل
من زغرك اتشيل الحمل
وكـت الشدايد مـاتـمل

كتبـك التاريخ بحـروف الـذهـب
تدرس الاجيال من عندك آدب

     علي الاكبر ،،،، علي الأكبر
    :::::::::::::::::::::::::::::::::::::
      ✍️فاخر علي الشبيبي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

#قصائد_علي_الاكبر_ع (ميمر)
#الليله_التاسعه

يشبه الجده المختـــــار نازل علــيها ابزوده

__

ادخيله لو جــرد عليهم ســــــيفه
صار الذبح والعفو صار ابكـــيــفه
حيي الله الأكبر والرجال ابخيـفه
من عمـــــه ماخذ هل أمر تـكليفه
من عمه عباس الحيد هل ضربه من ازنوده
____

ادخيله من ينـــــزل سبع يتـــفنن
ضرباته سيف مجرب وما يخطن
خله الزلــم مـــــحتاره تشرد المن
حيدر علي اليــــقراه وبيه يتمعن
حيدر علي وبصفين كل صوله اله مشهوده
_

يا للشــــجاعه الشالها بـــــــعيونه
چنه محمد بالحـــــــــرب وافنونه
حتى مهرته بــــــــخزرته مجنونه
خيال ابن حيد وعــــــلي يهابونه
خله العساكر طشار لا قــــــاده لاكو احيوده
____

حيدر علي وللـــحرب راجع ثاني
خله العـــــساكر حـــايره واتعاني
انه علي وجــــــــدي علي الرباني
عمي ابو فاضل غيرته ابوجداني
هاشم وما بينه الخاف زلم الوغـــه معهوده
____

راكب مــهرته وارعـــــب الخياله
ما جابته امه الاجه وصار اگباله
طر العساكر علـــي وشل احواله
يزعل علي وحيل الزعل يحلاله
صال وزعل بالميدان ياهو ليـــصل لحدوده
____

نوره يشع يـشبه رسول الرحمه
ومن الخيم لوطلع تدعـــي امه
حي الله الأكبر ياحلاته ورسمه
زلمه علي والغيره تنبـض بسمه
بالمعركه بچه اجيوش صارت عليـهم سوده
___

الخادم المقصر ناجي ابو كيان الصالحــــي ونسالكم الدعاء لي ولوالدي

#قصائد_علي_الاكبر_ع
#الليله_التاسعه


هذا الاكبر طــب
حي وحي الحب
ياهـــــو اليلاگيه
زلزله لـــــــو هب
_

طب عليـها والكتايب كلها ولـــت بالزحـف
نينوى ضاكـت عليهم شردو لگـاع النجــف
انه الأكبر هـذا زودي بالملاحـم من هتــف
يشبه المختـار جده مايوصـــفه اي وصف
هزبر ومـــن هــد
يرهـــب ويرعــد
ياهـــــو اليلاگـيه
زلزله لـــــــو هب
_

ماجت الطف بأهلها وانكلب لــــون السمه
نشفت ارياج العساكر يبست وطگا الضمه
تاهت وضايع دربها مــــــدري صابها العمه
حـــــــي الأكبر يا حلاته سوه بيهم ملحمه
حــمره صـارت دم
من علــــــي اتقدم
ياهــــــــو اليلاگيه
زلزله لـــــو هــــب
_

عمه عباس وتخيل ياهــــــو يمه يگـترب
حيدره جنه نزلها حـــــي سركال الحــرب
ضربته ميثني بيها ضيـــــع اعليها الـدرب
سيفه يشطر برگاب وعنده مايرجف كلب
سيفه لمــــــن سـل
ماكو عطوه وحــل
ياهـــــــو اليلاگيـه
زلزله لـــــو هـــــب
____

يا جماله يا صـفاتــــه يا شبيه المـصـطفه
وجهه نور ومن نزلهم يا معانــي توصفهه
فارس وترهب خزرته جـــــنه عمه بالوفه
هذا الاكبر هذا زوده هب عـــليهم عاصفه
ويلي طـــــرهم طر
وابـــــــــرگبهم كــر
ياهـــــــــو اليلاگيه
زلزله لـــــو هـــــب
__

شد عليهم وبيمينه عـــــزب ابكيفه ذبـــح
طر الجيوش وتقدم هل اجـه وكت الفتح
عطوه ماكو وي الأكبر ماكو راحه ولاصلح
داخت الحومه ابجماله ياهلا بضي لصبح
نوره لــــمن شــــع
طاهر المنــــــــــبع
ياهــــــــو اليلاگيه
زلزله لـــــو هـــــب
__
الخادم المقصر ناجي ابو كيان الصالحي ونسالكم الدعاء لي ولوالدي

حدد موقفك واقره الحجي زين
لو ويه الشـــــمر لو ويه الحسين

اخدم للحــــسين ابنيه وإخلاص
شوفك بالبصـــيره موش بالعين

لو مطرب وهــــاي تشيب الرأس
لو خادم تـــــــصير اويه المعزين

بس ربع الحـــسين الضـلو احـرار
والعافو حســـين شكـد مساكيـن

الخدمه اتشور وتحــــتاج توفيق
بس الخُلــــــص البالخدمه باقين


حدد موقفك "_'

#اللهم_عجل_لوليك_الفرج
#ل_ناجي_ابو_كيان_الصالحي

#قصائد_يوم_العاشر_مولاتي_زينب ع

يا جروح الزمن عيشتني بمحـــن
غريبه راح اروحن
غريبه ليش اضلن
يا غربتي يا غربتي
___
يذبح الطف وعذابه اخذ مني اعزاز گلبي
وين جانت هاي اليه ثگل حملي وزاد تعبي
اخذ مني شكو غالي عمه عيوني وتاه دربي
رحت للشام وعفتهم كل اخوتي وعيني تربي
عيني صوب الأهل گضو كلهم جتل
اسيره وهاي صعبه
سيره وناس غــربه
يا غربتي يا غربتي
____
ليل وحشه ابلايه اخوتي والغرب تحدي ضعنهم
عشت بالطف لوعه لوعه وبالغصب رحت وعفتهم
الجانو افياي اعله زينب حرگو الخيمه اعله اختهم
حگي من يشيب راسي احنان كلهم فاگدتهم
فگد اخوتي صعب وامشي ويه الغرب
عفتهم عالترايب
عفتهم گلبي ذايب
يا غربتي يا غربتي
___
قهر ليلي راح يخلص حده الحادي وسار ضعني
امشي بدروب المنيه موش زينب صرت جني
انه بت حامي الحميه وكتي اخذهم ليش مني
نامو وخلوني وحــــــدي مادرو بالصار عني
والحده بالضعن كلبه لا ما يحن
ضعنهم. راح وسفه
ضعنهم هـــاي كلفه
يا غربتي يا غربتي
____
بعد خدري وكل دلالي لن اسيره وشمر حادي
ويني ووين الهزيله وصـعبه اطــلع بالبوادي
نضرت الشمات تكــتل والمشي ويه الاعادي
بهذا حالي وصحت يمه وينج ابحسره انادي
صحت يمه ونحت زينــب اتغربت
وحيده يمه زينب
وحيده بقت تنحب
يا غربتي يا غربتي
_
الحادي لمن سار بينه كتله مرني وما خذاني
كتله اريدن يم اخوتي ارد احـاجيهم ثواني
ارد ابدي ادموعي يمهم بلكي يگعدهم حناني
هاي طلبه وردت منه بـــس لجنه ما رعاني
كلبه مثل الصخر ما يحن جن حجر
عالنوگ ودعتكم
عالنوگ هاي اختكم
يا غربتي يا غربتي
____
الخادم المقصر ناجي ابو كيان الصالحي ونسالكم الدعاء لي ولوالدي وللمؤمنين والمؤمنات

#قصائد_علي_الاكبر_عليه_السلام الليله ٩

علي الاكبر علي علي الاكبر علي
___
عجب الناس من جماله وهيبته
عجب الناس مبدع ابكل صولته
وصلت لينه اعلومه
من طب وسط الحومه
يرهب يرعد يومه
حي الله الاكبر
يشبه جده الهيبه
گال الحك ايجيبه
هاشم زلم النيبه
حي الله الاكبر
علي الاكبر علي علي الاكبر علي
__
هيبة المختار سيفه بالحومه لمع
هيبة المختار جن محمد من طلع
رايه ابجفه الرايه
عالحد دگ الثانيه
سابي الگوم اسبايه
حي الله الاكبر
فارس وابن الفارس
بالطك دوم اينافس
يذبح بيها ابواهس
حي الله الاكبر
علي الاكبر علي علي الاكبر علي
__
عمه العباس شدو الظهر ابظهر
عمه العباس يسحگ ابرجله الكفر
هوه وعمه يقاتل
يسطر جفه العايل
هد ابظهره الكافل
حي الله الاكبر
هيبه ويسطر بيهم
ما گامت رجليهم
هد الحومه اعليهم
حي الله الاكبر
علي الاكبر علي علي الاكبر علي
____
شردت الگوم من نزلها ابن الولي
شردت الگوم كلها صاحت يا علي
دار الحومه بأيده
كيفه ايجيب الصيده
من حيدر تجنيده
حي الله الاكبر
ترهب نظرة عينه
تسطرهم چفينه
ياهو ايلاوي ايمينه
حي الله الاكبر
علي الاكبر علي علي الاكبر علي
____
ابن الحسين سوه بيهم ملحمه
ابن الحسين عمـه عالطگ علمه
بيده يهين القاده
حي الله ابن الساده
وارث طبع اجداده
حي الله الاكبر
امه ومن تدعيله
ما يسحكت عالعيله
خل اتهلهل ليلى
حي الله الاكبر
علي الاكبر علي علي الاكبر علي
___
الخادم المقصر ناجي ابو كيان الصالحي ونسالكم الدعاء لي ولوالدي

#قصائد_علي_عليه_السلام

علي الاكبر يمهيوب يا بعـــد كــل حياتي
من جنت يمه وياي يمه جـنـت اشحلاتي
ــــــــــــــــــــ
ليلى امك بعد شنـــــو يســـوه عمـــرهه
ذبلت جن غصن يا تعـــــــــبها وثـــمرهه
علي يمه صدگ رايح وما اشــــــــــوفك
يا بعد كل هلـــــــي انته لــــمك بــدرهه
جا بعد شلي بالشوف لو غبت عن عيوني
يمه يا ســـاكن الروح يا هـــواي وضنوني
ــــــــــــــــــ
وجهك ابكل صبح يمه اشوفه بصباحي
روحتك من وكـــت يبني زادت جراحي
انته نسمة هوى ولو رحــــت يمه تعرف
ليلي وحشه يــــضل يبني يثگل نياحي
يا ثمر گلبي والحيل حيلي يبنــي خذيته
يبني يالاكبر وراح حلمــــي يمه وطويته
ـــــــــــــــــــــــــ
انــــه ام وردت ابـــــني يكبـــر واشوفه
اكبري والنبــــــض وين اشــــُمن چفوفه
ورده يمي وكــــبر من روحـــــي سگيته
تالي راح الولد وبروحـــــي انه خــــوفه
يا نسمه لو عني اتروح ليلى شيفل حزنهه
يمه يالاكبر اتصــيح امـــــــك اسمع لونهه
ـــــــــــــــــــــــ
گلبــــــي يمه امتـــحن وافراگك لجمني
ليلي يخلص حزن يـمه صـــبري هجرني
امك إبلا وعـــــــي وانشد يــبني الأكبر
يا شبـــاب ورحــــــت واحلامي جزتني
ادري يمه الليل ايطــــــول والونه شديده
ارد اصيحن بالونات جيــــبو الأكبر أريده
ــــــــــــــــــ
يا كسرتي الصــــدگ يالماشي وعفتني
روحتك يا عـــــلي يـــــــًـــــمه كبرتني
يا عطـــًر بالخيم يا نفــــــس لمك انته
علي شحسب بــــعد والدنيا اهظمتني
تعبي نايم عــلـه الگاع والفرحه اذبحوهه
ياضوه يضوي دنياي روحي يمه الجموهه
ـــــــــــــــــ
الخادم المقصر ناجي ابو كيان الصالحي
ونسألكم الدعاء لي ولوالدي 2025

مات ابني ياناس .. وابيض صفه الراس
مو طايح علي .. طاحو كل هلي
مات ابني ياناس
—————
مات اعله چف ايدي الولد .. ايعت بالگلب من يشهگ
وثوبة شحلاتة من طلع .. هسه برماح مشگك
چي لَيَّن الدم جثته .. بچفوفي ظل يتطبگ
گد ما عتبت بكربلة .. وجه الرمل ظل يعرگ

شيلو ابني من رمل الفلة .. لا ادعي واحرگ كربلة
شُلّت يمينك حرملة

وجه ابني منفوس .. دم رمشة متروس
وحدي ومنولي .. طاحو كل هلي
مات ابني يا ناس
———————-
جورية اخيامي علي .. وشلعوها من اخيامي
كل مزهريتي اتطشرت .. من گلي كلش ضامي
اعله اركبي طحت وحودبت .. من ظهري طاح احزامي
ركضة بحلم اركض رحت .. اسحب بدية اجدامي

ذمة بركبتك يالرمح .. تطعن ولد چنة الصبح
ينشم علي مو للذبح

يالتگطع الراس .. هو ابني ينجاس
والد مبتلي .. طاحو كل هلي
مات ابني ياناس
———————
احنه اهل الگلوب التحن .. وصوت اليحن شيظمة
يابوية اصيحن مفترض .. بس صيّحت يا يمة
لو حطن بعيني الشمس .. هم تبقى عيني مظلمة
مات ابني لحّد يا علي .. سوتني عود الهظمة

احسب وذر تالي هلي .. هايه الي وهايه لعلي
يم جسمة اريدن مقتلي

تچاية البيت .. وياه تشظيت
ذبحو سنبلي .. طاحو كل هلي
مات ابني ياناس
———————
الماي ينلم بس علي .. لا ينلم ولا ينزر
من بين اصابيعي انچفة .. گد ما وليدي موذر
صاير تَرَب جامع علي .. بكل صفحة وذرة مطشر
ياليلى الاكبر مختلف .. سوو علينه الاصغر

اليشبه محمد والسمح .. متطبر وشابع ذبح .. شجرة وتطبرها الفلح

من الطعن حيل .. صار اگفه غربيل
ليلى اتحملي .. طاحو كل هلي
مات ابني يا ناس
——————
شوية اعله چف ايدي بقة .. والطاح منه اهواية
ابني صلاة موذرة .. ولميته بمصلاية
مامش چفن يجمع علي .. اضطريت اچفنه براية
متشضي لب گلبي برمل .. شيلمة كسر مراية

لا والله مو لمحة بصر .. راح الربة بلمحة نحر
اثاره اثار المطر

مثل المطر ضاع .. هم تارس الگاع
وليدي وكاهلي .. طاحو كل هلي
مات ابني يا ناس
——————-
فرغولي خيمة من الخيم .. ونخلي الاكبر بيها
والخيمة هاية تنبني ..مرقد اله نسويها
شلون اصلي اعله الولد .. وجثة علي امطشريها
لازم ألمنة قطع .. وكل وذرة اصلي اعليها

كل لحظة كون وثانية .. نزورة بزيارة الناحية
لميته لم بالبارية

متقسم اثنين .. ينهيبة حسين
لا والي وولي .. طاحو كل هلي
مات ابني ياناس
———————
علي هادي الخزعلي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

بُنَي عـــــلي

نوينا عله الرحيل وكربله الوجهه
و أكبر روحي اشوف المهره يسرجهه
قناديل الســــفر من نمشي مطفيات
إذا ردنه الضوه بس نصفـــن ابوجهه

بسفرة كَلبي المحزون
كل خطوة تصيح شلون
صارت كـــلمـــات عيون
نحيب
هجرة موت وحسرات
هجرة حركَ الخيمات
كلشي من الطف لجمات

يجيب


بُنَي عـــــلي

======================
مشت بينا الليالي وكربله حانت..
و اخر نظره اليه وي علي جانت
ابه كال وعرفته انه اشكثر عطشان
كسره بطولي احسها من مشه بانت

من عني الاكبر راح
حسيت بكَلبي صياح
طاحت روحي و من طاح

هويت

رايح راجع محتار
مشعوله بصدري النار
ناشف ريجي ومحتار

وبجيت

بُنَي عـــــلي
=================
شما اسمع صوت تكبيرت علي الأكبر
قلق كلش واخاف عله ابني من الشر
رِجعت لأمه اصيحن يم علي ادعيله
افرك بايدي باقــــي و لـ علــــي اتنطر

و فز كـلبي الاكبر جاي
يا بوويه يصيييح الماي
عطشان اوليدي هواي

شيصير

وملاكه المدمع صار
وحسيت بصدره النار
جن خشبه لسانه صار

شيصير
بُنَي عـــــلي

====================
وهاي الروحه اخيره ومنها ما يرجع
فجأه صوت ابه ادركني بذاني اسمع
ركضت من القلق والحيره البصدري
علي الأكبر لكــيته عله الثره موزع

شفت الاكبر مطروح
و حسيت بفقد الروح
عايف كَلبي المجروح
حزين
شلت ابني بحضني وجيت
بكسر الخاطر حسيت
وأشعر ميت رديت
حزين
بُنَي عـــــلي
الحمد لله
===================
خالد عبد الساده البديري

(واحسيناه)

حـكـمِ الـدهــر يـبـن امـي  .. سره اعليك
طحت والشمـر لـلـحـومـه  .. سرع ليك
الخيـل الـداسـتـك لـزمـت  ..  سره اعليك

وخـذت مـن كـل كـتـر مـنـك اشـويـه

                  *-------------------*----------------*

✍خادم الحسين ع
الشاعر رعد الجريخي

موتي الوداع الغالي ياروحي
راح اليريح بالي وجروحي

من يروح النظر ماتفيد الصور... ياروحي

_

شاب سنينه ليل يعينه نور جبينه احلى من الصبح
صوت فرحتي نار شمعتي هيل سمعتي ينحط ع الجرح

يبن روحي والنفس ولعيني الضوه
تدري عله فرگتك بس طولك دوه
ليش رايدني اختنك مو انته الهوه
عودي ذابل يانهر منك ما روه

ذبل دليلي اوداعه وعيوني
من هسه ام الغايب نادوني

گلبي يمه انفطر ما تفيد الصور.... ياروحي
_

گام عليه باس اديه هاي وصيه. من عودي الحسن.
هذا كلامه راد غلامه سيف امامه ساعات المحن

هذا مكتوب الحسن يايمه الي
وانه بيام المحن ماعوفن هلي
عيني ما تغفه ابهظم وحسين الولي
واحنه مابينه اليطخ كل خلفة علي

حانت ييمه الساعه أودعيني
وبموتي اكسر گلبچ عذريني

نوحي طول الدهر ماتفيد الصور... ياروحي
___

ذاب دليلي نار خليلي صوت عويلي لم اهل الخيم
راح دلالي شاب خيالي. ليش يغالي تتركنه حرم

يمه ردتك للكبر. لو ظهري انحنه
اشبر بطولك شبر يامعنى الهنه
يوم عرسك يالولد يايوم المنه
يمه تدري والمره هيبتها الضنه

طاحت يناس احلامي هالليله
بس كون يرجع سالم ادعيله

والمصيبه الامر ماتفيد الصور ياروحي

_

صاح اجاني صوت چواني هاج حناني والحيل انضهد حان مغيبچ حيل نعيبچ. مات حبيبچ موتي يم ولد

طاح گلبي من صحت يبعيد البله
ثوبك الينگط دمه الوجهك ما حله
يمه يمگطع وصل جسمك بالفله
ودي سيفك يمه الي موتي بكربله

موحنه جاسم دمك ترس ايدي
فك عينك وحاجيني يوليدي

راسي كون انطبر ماتفيد الصور ياروحي

___

هاي عشرتك ها اعله بختك ايد ذخرتك لايام اندفن
روح كتلها. موت اهلها. عود شتلها بديار الحزن

حضنته وگامت تون يمها امدده
يمه بيدك چنت اظن خدي اتوسده
تالي تبقى ابلا دفن ياروح النده
حزني من حلك يمر معناه ابتده

هذا الوداع الثاني مر بيه
ياجاسم امك راحت مسبيه

وي گلبهم حجر ماتفيد الصور.... ياروحي
___
فيصل المياحي

بالزعل نظراته احلى من طبراته ... حي الله الأكبر



علي الاكبر هوه ظله مصدر ضوه
الليل شامه ايصير يم اعيونه
گبل طرت الفجر. طوله لو هب عطر
الورد يتنفس حلاته ولونه

عله وجه الصبح خير خطواته رزق طير لو مر ابدرب
بعيونه الگلب ذاب ياشاب واله شاب. من شوگه الگلب

لو حجه كلماته. احلى من طبراته.... حي الله الاكبر
__

نزل شمرة علي. صاح بيها انجلي
ياغبارت حرب جاچ اعصاري
لمع سيف الشهم وطاح گلب الزلم
اليوم ما تطفه جنهم ناري

دم غيره النبض صار. وبعيونه الغضب نار بركان وزعل
عذبهم نبي السيف من يزعل يهب صيف ويموت الذبل

لو هجم صولاته. احلى من طبراته حي الله الاكبر

___--

صاح بيهم رعد. اسد خلف اسد
وعلي بتاريخ الحروب اطروحه
سيفه بچه الزلم وعلي ثاني شهم
واليذب ثوبه يخلص روحه

من حيدر علي الحيل. وطگاتي نجم ليل تطلع بالزلم
واگف والهوه ايميل. سيفي بجفي ابابيل. واصل للحلم

والرعب صيحاته. احلى من طبراته حي الله الأكبر
____

علي رد الشمس واني ارد الامس
وچفي يقلع روس خيبر بيها
اني الاكبر فخر. واني الاكثر طبر
ومثل طوي الصحف بيدي اطويها

حيدر قالع الباب واني اقلع ارگاب لو صاحو علي
طفح واني بهداي طولي للخيم ماي ومفرح هلي

عد هله خطواته. احلى من طبراته حي الله الأكبر

_
بيدي سيف الغضب. وهمه صارو حطب
وگنطره للنار صاير سيفي
والتفت عالاسد اتريد اذبح بعد
بكيفه امشي وما مشيت بكيفي

تمشي برايه السباع يم شمسه الگمر ضاع.
بس هو الضوه
غالي وبيده الأرواح وعله دربه الگلب طاح..
يشتم الهوه

واني من اياته احلى من طبرته حي الله الاكبر


فيصل المياحي