Telegram Web Link
هالليله وياي حسين
لمة أهل ملتمين
خيمتنه گاعد بيهه عباس
بليلة العاشر اصعب احساس
هالليله هالليله

***

وياي ابوي الغالي وياي
انسى العطش ما فكر بماي
اغفه اعله حظنه ويحچي بهداي
قرءان يقرا وبيده يمناي


هليله كلهم بالخيم اهلي وعمامي
هليله عباس الگمر للعيله حامي
خطارنا من اهل السمى
طه وعلي وي فاطمه
زارونه كل اهل السمه بكل الاسامي

تسبيح صوت الخيمات
ما خافن العلويات
غير الهواشم همه حراس
بليلة العاشر اصعب احساس
هالليله هالليله


*


ه
ليله ما يلفينه كل خوف
يمنه الحسين الكله معروف
هليله بعد اعيونه تشوف
بس خاف باچر طيحت چفوف


خايف دليلي من الصبح لو يلفي لينه
وادم غريبه وكربله دارت علينه
شو خلصت كل الحچي
ما يسكت بعيني البچي
من هسه اصيحن كافلج يم عون وينه

گمت اصفن بوجه حسين
يمي وگلت رايح وين ؟

شماله الهوى ميعين الانفاس
بليلة العاشر اصعب احساس
هالليله هالليله

***


عباس ضاوي الخيمه منريد
تلفي الشمس من عدنه شتريد
صلى وضواه بكربله ايزيد
يا گلبي بسك هونك وهيد


عباس يا شمة هوى يا عازة الماي
بعيوني احچي ودمعتي لا تبعد هواي
وياي ظل وما أهم
يلتسوى ديره من الزلم
لا دنيا تسوى ولا عمر بس أبقى وياي


عباس يمحلي الگاع
ما أحمل وياك وداع

يا خوف گلبي ايشيب الراس
بليلة العاشر اصعب احساس
هالليله هالليله


***


عبد الله غافي الليله مرتاح
يا نور وجهه اتگول مصباح
مدري شحلم فز وگبل ناح
بس لا حلم باسهام ورماح


اسم اعله اسمك يلولد سالم يمدلول
ماظن عليل اليذبحك لا ساكن الچول
لوليتلك يم المهد
شتريد من اختك بعد
غمض اعيونك بالدمع صعبه الدللول


عبد الله ساعات وياك
نتوادع هنانه ؟ هناك ؟

ينذبح باچر كلشي ينداس
بليلة العاشر اصعب احساس
هالليله هالليله


**


ليله وتروح وتلفي الاحزان
مصباح عاشر فرگة أخوان
طيحت عزيز وگلب تعبان
كلشي بخيمنه ايموت ذبلان

من هسه حد وكت الظهر بالعاشر اوجاع
لون السمى بلون الدمى وتتغير الگاع
يا روح اي بعدچ روح
ها يلحسين المذبوح
باچر اريد وياه اظل ما ريد الوداع

عاشور ابد ما ينحمل
باچر سبي وضيم وچتل

شيبة حسين شلون تنجاس
بليلة العاشر اصعب احساس
هالليله هالليله


كلمات الخادم / رعد الفريجي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
2
رد عليه .. ياهو اليه ..
حسين بس طرت الفجر واختك سبيه

.................................................

يمي اخوتي وما يمر خوف اعلى بالي
منين اخاف وكافلي مرافك خيـــــــالي
حسين يمي الليله علعاشر حجالـــــــــي
من تروح اخواني وابقى بلا دلالـــــــــي

ليلة وداع وبجي ..... وخلص بعيني الحجي .....انا الغريبه

والخيم ما تنوصف.. كلشي احسن مختلف .. هاي المصيبه

هالمسيه .. ياهو اليه .. حسين بس
طرت الفجر واختك سبيه

**

حسين معقوله نتفارك وابقى وحــــدي
وتنزل دموعي وتدوس بكاع خـــــدي
لا تكلي برمح راسك راح يحـــــــــدي
خويه فدوه ولا تكلي بدونــــــــي ردي

ريت لا طر الفجر .....ولا شفت سيف الشمر ....يذبح وريدك

ولا تظل ارض وسما ..... ويغرك العالم دما ..... وادفنه بيدك

مو سويه ... ياهو اليه .. حسين بس طرت الفجر واختك سبيه

****


يعني باجر ماكو كافل بيده رايـــــــــــه
ذاكه جف اللزم جفي من البدايــــــــــه
حسين يعني العيله مجتوفه وسبايـــــه
ونار تكتب عالخيم هايه النهايــــــــــه

نارهم تاكل عبي ..... ويحترك كلب النبي .... لو شاف حالي

تحضر الها ورادتك .... خويه زينب حاجتك .... ما عدها والي

لوعه بيه .. ياهو اليه .. حسين بس طرت الفجر واختك سبيه

*


خلي اشم نحرك يخويــــه واذكر امي
صعبه لو باجر تكلي يسيـــــــــل دمـي
يعني بالعاشر اشوفه يــــــموت حلمي
همي بيك حسين راح يزيد همــــــــــي

اختك انا مدلله ...... عذبتني كربله ..... وكل ضيمي بيهه

كاع تاخذ كافلي .....كون تخجل من علي .. شدعي عليهه

غاضريه ... ياهو اليه .. حسين بس طرت الفجر واختك سبيه


**

مالي حيل وداع وادريهه الاخيـــــــــــره
حيرتني الليله تدري شلون حيــــــــــره
بلا اهل باجر اظل ولا عشيــــــــــــــــره
حسيـــــــــن باجر نفترگ كلمن مصيـــره


تبقى نايم علترب ... وانا امشي ويا الغرب ... ودموعي تجري

وانته راسك علرمح..... كون لا طر الصبح... .. ويموت عمري

مو بديه .... ياهو اليه .. حسين بس طرت الفجر واختك سبيه



لخادم الحسيــــــــن
رعـــد الفريــــــــجي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
الامام الحسين في لحظاته الاخيره قبل الاستشهاد وهو ينظر للخيام


****

ما همني سهم البلگلب
لا ظلتي مفرد بالحـرب
بس لا يشوفون الغرب زيــــنب
أقصدوني بنحري واتركو زينب


**

و
كت الذبح وانه النحر
وسهامهم مثل المطر
عطشان وبعيد الگمر
يم النهر مـــات النهر ضااااامي

بضلـــوعي مدري شكسرو فوگ الرمل دامي
طعنوني برماح وردت بس اوصل اخيــــامي
اذوني من ضرب الحجر وانطحنت اعضامي
صاعد على صدري الشمر بس عيني لايتامي

درت الوجه صوب الاخت
بآخر نفس بس سلـــمت
يحسين تانيني اسمعت زينب
أقصدوني بنحري واتركو زينب

***



سهم المثلث والعطــش
والدم على رمال انفرش
والسيف طبراته اثنـعش
يا زيــــنب سهام النعش حيـــره

ما بيه حيل اعله الرمل والنفس ما شهگه
يا شدة ايتــــــــــام وحرم ودموع مختنگه
علتله شو صاعد جبل وخيــــــامنه مدنگه
زينب يخويه اتشاهدي قد حـــــانت الفرگه

لحظة وداعي وناطري
سيف الشمر يم منحري
الله اكبر كبري زينب
أقصدوني بنحري واتركو زينب


*

كل
تلهم يهون الذبــــــــح
والراس لو شاله الرمح
خلوني دامي ومنطرح
بس همي اذا لاح الجرح أختــي

ما اريد خنصر لا ضلع للموت هالحاضر
فوضت أمري لخالقي من صبــح العاشر
يا زينب مصابچ أشد من سحگة الحافر
لو راسي يبقه اعله الرمح ولحالچ يناظر

هاي العمامه ودرگتي
والسيف هذا بيمنتي
اخذوهن وبس هيبتي زينب
أقصدوني بنحري واتركو زينب

****



لحد يــروح اعله الخـــيم
انه انذبح تركو الـــــحرم
طعن الرمح ضرب السهم
أهون علي من تنشتــــــــم حرمه

توجعني زينب حالتچ بين الغرب وســـفه
طايــــــــح كفيلچ عل النهر ياهوه النكلفه
وانه ادري ما عدهم رحم وسياطهم صلفه
المتعوده تدفه بشبگتي هسه بجمر تـدفه
سكنه ورقيه بلا دفو
مذبوح ميرد الاخو
گليلهم مات الابو زينب
أقصدوني بنحري واتركو زينب

**

فوگ الرمح يــــا حيرتي
مذبـــوح حرگو رايـــــتي
محد عدل من اخــوتــــي
والناس گصـــدو خيــــمتي وآني

لا صوت يوصل للحرم گمت احچي بعيوني
زينب تره حسين انذبح علغبرى خلــــوني
وصلولكم نار و سبي من جثه عافـــــوني
ركضن يخويه بلا ولي زينب تسمــــعوني ؟

يلمـــــــــا بقه بدارچ حمى
موت وسبـــــي وآه وضمه
زينب ضلع من فاطمه زينب
أقصدوني بنحري واتركو زينب


رعد الفريــجي
محرم الحرام
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
2
ما ظل عندك حيل ويمك ناس وخيل
صاحو راح ايموت حسين وباجر زينب وجهج وين
*
هاي الوادم مدري شبيها عليك التمت يوم العاشر
كلهم ضدك وانت الوحدك وعله الشاطي ادير الناظر
نظرت الماعنده اخو ياجرح ذيج النظره
وبالغربه المضيع اخو يحسين يلزم ظهره
عباس مايرجع بعد انطاك عالشط عمره
بيه استجاريت وصحت محتاجك اول مره

وحدي ابين اعداي ردتك خويه وياي
عفتك ماعندك جفين وباجر زينب وجهج وين
****
لازم صدرك وضامي تگلهم وجروحك محد غطاهن
اهواي اسهامك شيطلعهن يطلع گلبك خويه وياهن
سهم المثلث بالجبد من خرز ظهرك طالع
منه انحنيت عله المهر وعله الخيام اتباوع
من طحت راحولك ركض من الگوم صحت شضايع
بسيوف ورماح وحجر تولوك وانت تنازع

خويه شصاير بيك اهواي معذبيك
بجسمك لا جرح وجرحين وباجر زينب وجهج وين
****
خويه الوادم شمسوي الهم يحسين وهيج ايگطعونك
اهواي اجروحك ونظر ليهم شما تنهض خويه ايطعنونك
الف وتسعمية جرح شلون اختك اداويهن
جروحك شفت بيهن رمل وظليت امسح بيهن
بعضاي عوفي كل جرح تگلي اذا شفتيهن
عينج عله جرح الگلب وكلهن بعد عوفيهن

خويه اشگد مجروح وبعدك وين انروح
من بعدك طحت بنارين وباجر زينب وجهج وين
*
كلهم يمك وضامي تگلهم ومحد جاب الماي ايشربك
صار امدافع الها الوادم تركض كلها اتريد اتسلبك
هذا اليطعنك بالرمح وذاك اليسب اتسمعه
وهذا قميصك سلبه وبيديه هذاك ايرفعه
من ايدك الماخذ محبسك اصبعك ليش ايگطعه
وما شفته يمك رجعه يحسين ليش ايضيعه

ماعافه الگطعاه صبعك وين الگاه
انظر ليك وتجري العين وباجر زينب وجهج وين
***
الشمر انظرله من رك صدرك ذبحاك وخضب شيباتك
نحرك دامي ورمحك عالي وراسك جاباه لبنياتك
يحسين صدرك ياوكت للخيل ملعب صاير
بعشره اعوجيه تنسحگ وشگد ثگيل الحافر
انطحنن اضلوعك طحن ابظهر يوم العاشر
ولاوين تنطين الوجه گلولي زينب باجر

بلا اهل اتظلين ومسبيه اتروحين
محد يفزعلج تدرين وباجر زينب وجهج وين
***
تمت
ميثم العمري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
1
عمه    الخيل   داست  صدره   لحگيله

*
***

زينب    هالوصل       ذباحه  يا عمه
ظل   يطبر     بنحره   وعلرمل  دمه
لو     ذبحو    ابونه     منين  نشتمه
عطشان انذبح   يا  مصعب   الچلمه

ماي    منين    اجيب    شلون    اوديله
عمه    الخيل   داست  صدره   لحگيله

**
*

عمه   اثنعش  طبره  وعلگفه  مخليه
ما    عنده  رحم يا عمه   يذبح   بيه
بويه    الله   واكبر  شنهي   المسويه
هذا     الحجر   ليش الفوگه  ومأذيه

اريد   امسح   أدمومه   بطارف      الشيله
عمه    الخيل      داست    صدره   لحگيله

**



شالو    راس   ابونه    وچثته    مدميه
عمه    جروح    جسمه    الف وتسعميه
راسه اعله     الرمح  بس  باوع   اعليه
ها   بويه   صرت   يحسين     مسبيه  ؟

خل   نمشي   لابونه   هناك     نحچيله
عمه    الخيل   داست  صدره   لحگيله

**


سحگو    بالحوافر     جثة      الهيبه
دم    فوگ     التراب  وتارس  الشيبه
خنصر   منگطع      ياهوه     اليجيبه
برماح    وسيوف    الوادم      اتصيبه

ها     يم عون   عمه    فياي     سويله
عمه    الخيل   داست  صدره   لحگيله

**


عشر خيول سحگت  صدره وعظامه
هاي  اعله الارض   مدميه    العمامه
خلينه     انتگابل       لطم     علهامه
على    المحد    فزعله  وصار  گدامه


توزع   عل   ترب   يا    چف    اليشيله
عمه    الخيل   داست  صدره   لحگيله

*
***

يا   حافر   الخيل   اسحگني    يلحافر
اترك     صدر  ابوي   أچم ضلع   كاسر
أموت    وياه    خلني    بشدة   العاشر
خايب هذا    ابوي     شبيك      يلكافر

تدري       بفاطمه   هل  يمه     تبچيله
عمه    الخيل   داست  صدره   لحگيله


✍️✍️   رعد الفريجي
        محرم الحرام
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
2
عزيزات ،، بناتي وانتي اعز منهن عزيزات
غريبات ،، يزينب راحن يصيرن
غريبات
بناتي ،، بناتي

--------------------------------------------

بقيت الوحدي وبس انتن وياي
مشى العباس اخوي الچان حماي
راح الماي زينب ذبحو الماي
العطش والموت واصل للخيم جاي

بناتي الدللتهن راح اخليهن
يمچ خويه زينب لا تعوفيهن
اذا صار الركض واحترگن الخيمات
دليهن عليه النحري وديهن

وحيدات ،، ابوهن ما يظل يمهن وحيدات
غريبات ،، يزينب راحن يصيرن غريبات
بناتي ،، بناتي


-------------------------------------------


اخر لحظه زينب تنتهي بساع
خلص كل الكلام بدمع الاوداع
وجع تارس خيامي وخانگ الگاع
الگلب من الوجع يرفس بالاضلاع

ودعيني يزينب بعد ما نلتم
الارض ما ترضى تروى بغير هذا الدم
رقيه بحظني واحس بيهه تموت
واحس صوت الانفاس يصيح ما نسلم

حنينات ،،البنات هواي يا زينب حنينات
غريبات ،، يزينب راحن يصيرن غريبات
بناتي ،، بناتي

------------------------------------

اروح ويبقى يصرخ صوت الخيام
البواچي بظهر مبعد مثل الاسهام
اعرف(صوت سكنه)(واعرف الشام)
وادري بهالحرب تطحن بالاعظام

لذلك راح اگلكم الله وياكم
ألم كل العطش خاف يتعناكم
مثل ما چنت الم الشوك ليل الفات
واباوع علخيم واتفگد اغطاكم


قريبات ،، سياط متونچن خويه قريبات
غريبات ،، يزينب راحن يصيرن غريبات
بناتي ،، بناتي

------------------------------------

وحده بأيد وحده وركضن بعيد
يزينب خويه شگف السوط بل أيد
اركضن للشريعه وندهن الحيد
ترى الميت وليهه عيونهه اتبيد


لا توگع رقيه وهالرمل جمره
ترفه ولا تلوح خدودهه السطره
زغيره وچانت تذكرني بأمي هواي
الظلم بالطف لحگهه التشبه الزهره


معانات ،، بعد محد يظل الهن معانات
غريبات ،، يزينب راحن يصيرن غريبات
بناتي ،، بناتي

-----------------------------------------

اذا صاحو يزينب وين الاخوان
آشري اعله الرمح والراس عنوان
خليت الجسد متروس تربان
واروح وياچ حامي لوين ما چان

عالي وما ادنگ حتى لو مذبوح
اوزع ڤي عليچن والجسد مطروح
تعبتن من كثر ما بالسبي لوعات
اصبرن قربه للبيده العمر والروح


نهايات ،، انتن راح تنتصرن نهايات
غريبات ،، يزينب راحن يصيرن غريبات
بناتي ،، بناتي


رعد الفريجي _ محرم 1447
ثوابها الى روح والدتي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
2
ع التله وصحت يحسين •• وانـــت ابآ خر انفاسك
شفت ابعيني حافر خيل •• حيل عله الصدر داسك


•••••••••••••••••••••

من الخيمه واجيت اركض •• متعنيه ابكسر خاطر
متغير لِگيتك حيل •• خويه ابحالك اشصاير
وي ما ليه شلت ايدك •• داسك ع الصدر حافر


عليه دارت اعيونك
شفت بحجار يرمونك
السحگه وصلت امتونك

اسمع صوت كسر اضلوع •• الله يساعد احساسك

••••••••••••••••

گصدت من الخيم للتل •• شفتك من طحت مرتين
شفت اجيوش حاطنك •• وملتمه الخلگ صوبين
هِـم روحك اجتك خيل •• عنهن گوم خويه حسين

صحتلك گوم لوتگدر
تنهض شفتك وتعثر
قميصك منصبغ احمر

شكثرها اجروحك التنزف •اشجم حافر فرس جاسك


•••••••••••••

شفتك من طحت مرتين •• وعينك صدت اعليه
بعيونك حچيت وياي •• وگلت اخر نفس بيـه
رقيه هِمست اشفافك •• ويمكن گتلي مسبيه

ردت اركض اشوفنك
بعباتي جيت اضمنك
عن الخيل اوخرنك

انه زينب يروح الروح •• سبيه تصير اعز ناسك

•••••••••••••••••

زلم تسبگ زلم يناس •• بحجر كامو يشمرونه
شفتهم من عليَ دارو •• گبالي اشگد يضربونه
شفت منظر اخذ روحي •• يضحكون ويسلبونه

يشيل ابگوه اجدامه
ابصدره كثرن اسهامه
خذو من راسه العمامه

يبو السجاد صايحته •• عنك وين عباسك

گعد فوگ الصدر ذباح • وانت ايفيض منك دم
برجله داســـك اگبالي • حيل عله الذبح مهتم
وكطع اصبع واخذ محبس••ويصدلي خويه واتبسم


شفته من رفس صدرك
و غرز رمحه ابـضهرك
بيساره ضل يحز نحرك


اشوفن واحد لواحد •• يشمر يـ الولي ابراسك

•••••••••••••••••
خالد عبد الساده البديري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
4
موقف وبعيوني شفتــه
تالـــي ماتــالي ذكــرتــه
ابني چان اگبالي واگع
بس ولا چــــني وعبرتــه

امشي واوكع ..الـ هايمه اسمع..مابيه ارجع .. والعباس
ماحجيته… ولا دنيته .. ولا شمــــــــيتــه .. والعباس
تالـــي ماتــالي ذكــرتــه ..

*

الذكريات .. بهالحياة .. و الجروح الي عشت وياها
شلون اعيش ..شرد اعيش .. لحظه وحده الطف فلا انساها

عمري بالخمســـين والشفته عذاب
لحظه انهض لحظه اوگع ع التراب
انه زينـــب والحــزن بيــه يعــيش
فوگ شيب الراس اهيس گلبي شاب

•••••••••••

بزود اخــوتي جنــت اميره
بلحظه وحده صرت اسيره
حيـلي راح ابدخلت الشام
و ‏ع اليسر كلــــش جبيــره

راح احجيهن.. بدمعي ارويهن.. ادموعي ابجيهن .. والعبس
امشي واوكع ..الـ هايمه اسمع..مابيه ارجع .. والعباس


**
استراح .. شأستراح .. بتالي شيب وانه اركض حافيه
حيلي راح .. حسين طاح .. وخيم محترگه عليه وطافيه

حافيه امـــشي واحس ضايعلي نفس
وچـــنه صوت ابنـي الچبير الي همس
بعيني شفتـه ورحت ادور عـن اخوي
فوگ صدر حسين اضن سحگت فرس

*

شفــت حـافر لونه احمر
صحت خويه و ( الله يستر )
حسين طاح واضن چانت
عشر خيل بصــدره تعثر

يسحگن ولدي .. يمردن چبدي .. اهون عندي .. والعباس
امشي واوكع ..الـ ها يمه اسمع..مابيه ارجع .. والعباس


****

ماكو صوت .. كلشي موت .. خـيم محترگه وصعد دخانها
ابحسره جيت .. ودوريت .. هــي روحي تريد اعز خوانها


من عله التله وصحت واشگد بجيت
بخطوت الفاگد وطن يحسين اجـيت
ناسـيه اُوُلادي وتــعب ذيج السنـــين
حســـين شــاغل بالي لمــــن دوريت


ابـين جـــثه وجـــثه ادوره
ارد اشوف ابعيـــــني نحره
بلكي الحـــگ وابعد الخيل
ولا فرس تسحگله صـــدرة

اركض واعثر .. واوگف واعثر .. گلبي اتفطر.. والعباس
امشي واوكع ..الـ هايمه اسمع..مابيه ارجع .. والعباس



*



من بعيد .. انرفعت ايد .. بيها موگطوع اصبع وتوميلي
اتحيرت.. وممشه اجيت .. مره اطيح ومره اگوم ابحيلي

يمه اجيــــــت ابـ آه و ابلـوعة ودمع
الزمت چفــة واعرفت ناقـص صِــبع
اجروح واتراب ودمه حسين اليسيل
ومن دِبيچ الخيل مـــا ســــالم ضلع


يااااا جرح مــحتاره اشِـده
ويا كسر بالـــــنوح اضـمده
طبر سيف وضربت احجار
وبگبلبه المـــثلث تِــــــعده


اكبر هضمه .. مفرهد هدمه .. هاي اللچمه… والعباس
امشي واوكع ..الـ ها يمه اسمع..مابيه ارجع .. والعباس



***


من مشيت .. اتحسريت .. الاجت مهيوبه ترد مجتوفـه ؟؟
ما حجيت.. بس بجيت .. ادري راح اطلع سبي عله الكوفه


بكــسرة الخاطـر عفت روحي وگمت
مجــــتفه وع النـــــاگه للكـوفه رحت
‏الموت شفته ابدربي اول ما مشـيت
((وصوت ابني الي ندهـــلي اتذكرت ))


باوعت هذا ابني شفته
الصاح يمه وما سمعته
ودعــيته ابدمـع عينـي
عليه عينه من تركته


هنانه اذكرته.. ابني وصحته .. مهيوب انته .. والعباس
امشي واوكع ..الـ ها يمه اسمع..مابيه ارجع .. والعباس


خالد عبد السادة البديري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
2
سامعه الصوت
صوت كسر اعظام هذا وكَلبي حاير
سامعه الصوت
بس كَبل بسمار جان وهسه حــافر

نشلع كَلبي مَرِتين**ويالزجيه اوي حسين
سامعه الصوت
¯¯¯¯¯ ¯¯¯¯¯ ¯¯¯¯¯ ¯¯¯¯¯ ¯¯¯¯¯

بهيده ابجي.. المن احجي .. صوت اخذ روحي وعلي لمن سمعته .
كَبل عصرات… هسه سحكات… صوت جن ضلع انكسر هذا عرفته .

اخ من هاي الحوافر شيبتني
شما تدوس ابهيده اصيحن دولبتني
بصوت اه من امي طالع ذكرتني
داست بصدر الحسين ودوهنتني


بهيده ياخيل

هذا اخوي شبيجن بهيده على صدره
بهيده ياخيل
شو حوافرجن غـــدة من دمه حمره
شبجين تطلبني دين
نشلع كَلبي مَرتين
سامعه الصوت
***
شفت الحسين… طاح مرتين… اني ع التل وندهلي خلص الحــيل
بحسره اناديه ..حسين احاجيه… خويه هم روحك تره وصلنك الخيل


سحكن بصدر الحسين وكلها تشهد
واني انادي خيولكم سحكت محمد .
ردت واحد بي رحم بس مامش احد
جن اسمعه احســــين يازينب تنهد


والله حيره

بصدر اخوي احسين جم حافر لكيته

والله حيره

لو ابو فــــاضل عدل يفـــزع نخيته

وين ادير الوجه وين
نشلع كَلبي مَرتين

**

شفت واحد… فوكه كاعد… برجله داس حسين وكَبالي يرفسه
بعيني شفته… حز ركبته… واني انادي هذا اخونه لا تلمسه

يحز ركبته وتارسـه وجهه ابتسامه
دنت نفسه وباك من راسه العمامه
وهوه يذبح بيــه شافــنه اليتــامه
وجنه راس حسين ينــده بالسلامه


جيت اركض

بس احس بالراس جان يكلي ارجعي

جيت اركض

السبكَني بطيحته من اعيوني دمعي

انده بصوتي الحزين
نشلع كَلبي مَرتين
سامعه الصوت
**

واني ع التل ..كَلبي يسأل… اشلون اخلص حسين ورجع يم خيامه
المن امشي… رعب كلشي… شفت باكو محبسه وسلبو عمـــامه

للخيول احــسين صدره صار ملعب
واني ما اكدر ليمه شــلون اكرب
الموتتني بعيني شفته من تسـلب
شارب حسين وعلي بالدم تخضب

العذبتني
واحـــد لواحد شــمر ياناس راســـه
العذبتني
دم اكو بموضع كَبل بي جدي باســــه

بس انادي بالونين
نشلع كَلبي مَرتين
سامعه الصوت
**

هواي الجروح… التاخذ الروح ...وانتظر ليلي يحل خاطر اروحن
اجمع اضلوع… واحجي بدموع… غادي الم اوصاله ويم صدره انوحن

روحي اخلصها ردت دمعه على دمعه
اثر حافر هذا باقي فوك ظلعه
هذا جف احسين بس مكطوع اصبعه
وفوك صدره لجم رجل متروكه طبعه

يا زمن لا

هذا اخوي شلون الم جسمه باديــه

يا زمن لا

واني راح اطلع تره باجر سبيـــه

هاي قصتي ويالسنين
نشلع كَلبي مَرتين
سامعه الصوت
*

خالد عبد الساده البديري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
4
شفته بمنامي ويگلي ضامي
توني فارگتك ياضوه عيوني
وزينب اتگلي خويه ذبحوني
**
با
لطيف اجاني وايده عله صدره
شلونج سألني وبگلبه حسره
انته شلونك يحسين ياخويه اضلوعك وين
بصدرك هالحفره منين اشوف
تحجي وصوتك مخنوك جا خويه شگد مسحوك
بظهرك صدرك مطبوك اشوف

تنزف جروحك وخلصانه روحك
والشمس گتلي غيرت لوني
وزينب اتگلي خويه ذبحوني
**
يح
سين اشوفن اجروح بوريدك
وياخويه انشدك وين اصبع ايدك
بنحرك شفتك مطبور خويه وصدرك محفور
واصبع ايدك مبتور حسين
بالعاشر شفت الويل وشمسويه بيك الخيل
داساك الحافر حيل حسين

اشلونه ضلعك خليني اسمعك
هدمت حيلي وخابت اضنوني
وزينب اتگلي خويه ذبحوني
**
اش
لوني يختي گطعولي نحري
وبعده يزينب يوجعني صدري
سحگتني الخيل اهواي عشره الصعدن فوگاي
والحافر رايح جاي جريح
من عنده اشگد مجروح يسحگني وروحي اتروح
المن ظلتها الروح جريح

عطشان اگلهم وسبوني كلهم
كسرو ظهري وخويه سحگوني
وزينب اتگلي خويه ذبحوني
**
اه
نا يزينب خلوني وحدي
بسهم المنيه گطعو جبدي
الخيل التمت والناس وآنه بآخر انفاس
انده وينك عباس تعال
گامو بيه ايطعنون وحيل بصدري ايسحگون
وظلو بيه ايسلبون تعال

عباس اريده يحضر عضيده
عازته عازه من يطعنوني
وزينب اتگلي خويه ذبحوني
**
هذ
ا يزينب برمحه طعني
وذاكه اجاني بصدري رفسني
بالطف شفت الما صار ناس بخيل وبحجار
وناس اتسب حامي الجار عجيب
يومي ما مثله يوم شمسوي الهاي الگوم
ماخلت عندي اهدوم عجيب

طعنه عله طعنه وما بيه ونه
تنزف اجروحي وخويه لجموني
وزينب اتگلي خويه ذبحوني
**
ال
شمر اعتناني وجاثي عله صدري
لازم لحيتي ويگطع بنحري
بنحري ظل يطبر حيل وبعيوني صارت ليل
بكل طبره شفت الويل عذاب
عانيت من الطبرات واكثر خويه الطعنات
شگد اتحمل شوغات عذاب

راسي يگطعه برمحه يرفعه
عالترب زينب مرمي خلوني
وزينب اتگلي خويه ذبحوني
**
تم
ت
ميثم العمري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
2
رقيه تحاجي عبدالله ع
٠٠٠٠٠٠٠٠٠٠٠٠٠٠٠
الف هنيالك غفيت بحضن ابوك
مثل حالي ماركظت وسلبوك
ماشفت حرگ الخيم ...
ولا شفت صدر انهشم
...............................
مناغاك راح وضحكتك
الحلگ السهم مسروره
اول شهيد بهل عمر
روحه تروح نذوره
عبد الله خويه اتصورك
وتلچم بروحي الصوره
فوگ الصدر دمك نزف
وچمل ابوي حروره

دمك السال عله صدره اشگد چواه
من خذاك ارواح تتصارخ وراه

وانته زيدت الالم...
ما شفت حرگ الخيم
٠٠٠٠ ٠٠ ٠٠٠٠
ترويت مو من العذب
بالسهم ليش ترويت
عبدالله يل بعدك طفل
وعله الحرب ماشبيت
ميت ولاچن بالمهد
اشگد سهرت وهزيت
بگليبي تاركلك جرح
چا بالرباب اشسويت

كل عمرهه شما تمر بيهه السنه
غالي دوم اتصيح ياناس الضنه
والحياه تصبح عدم...
ماشفت حرگ الخيم
.....................
حسين ابوك اتصوره
مابيه حيل يشيلك
بذرعانه لمن فرفحت
تشكيله لويشكيلك
بگماطك امچفن رحت
فيض الدمه تغسيلك
بنحرك سهم والوالده
تناغيك وتلوليلك

منين اجتني تصيح هاي كربله
گطعت انفاسي ينبلة حرمله

زغير نحره عله السهم...
ماشفت حرگ الخيم
......................
مامر يخويه عله البشر
هالضيم المر بينه
ماظل غريب بكربله
ماشبح عينه علينه
نركض ودموع الحزن
تعثرنه لو ركضينه
حته الخيم وي العده
صارت جمر يچوينه

اگلوبنه من القهر تسعر جمر
الخيمه والهيمه صفت بيد الشمر
شلون طلعتهه الحرم ...
ماشفت حرگ الخيم
٠٠٠٠ ٠٠ ٠٠٠٠
علينه بچه حته الحجر
من حرّگوهه خيمنه
لاوين مادرنه النظر
موقف هضم يلچمنه
كلهه زلمنه تذبحت
ولا عين والي تلمنه
نسبي الخوارج واشكثر
وادم حچي اتسمعنه

ناس ما ترحم خدر ظل بالفله
بكربله ماكو ابنيه مدلله

كلشي بالطف انعدم ..
. ماشفت حرگ الخيم
.....................................................................
ياعين والي اتخيلك
كل يوم اشوفك تحله
لجروحي چانت شوفتك
بالسم تطيب العله
يل فرگتك كسرت ظهر
وعله الأهل موسهله
شمسوي يل بعدك ترف
بنحرك تنام النبله

صار طولك بالسبي من طول ابوك
عله الر مح اشلون خويه ركبوك

الراس بالرمح انجسم
ماشفت حرگ الخيم

خادم اهل البيت ع
فلاح طالب الماجدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
3🔥1
مو نومتك هاي      
               يالرايد الماي

        عبدالله نومك لچم دلالي
          لوليتلك هايبني يالغالي
    عبدالله يبني        عبدالله يبني
........................

يبني ليليه             تزهي بيديه
ازغير لاجن يمه يا محله السوالف

هلة الهله.     يمه عبدالله
والله من هالنومه گلبي اعليك خايف

هايبعد امك.     ورده واشتمك
وانه ادري الغير حضني ماتوالف

روحي ملچومه  امطول النومه
والعطش ذبلهه حلوات الشفايف

ياحبيبي وجنت احسبنك ذخر
اتشيل حمل امك ردت تالي العمر

يالمالي دنياي   مو نومتك هاي

فرة الطير اعليك واشحالي
عبدالله نومك لچم دلالي
عبدالله يبني.      عبدالله يبني
................
جانت العاده اجفوفي الاوساده
ليش نايم وحدك هاي المصيبه

عينك ابعيني.    يبني حاجيني
بلكي كلبك بالدمع يبرد لهيبه

هذا مو طبعك  سكته ماسمعك
غيرك اليجبر مصابي منين اجيبه

غايره اعيونك.    هذا مو لونك
والعطش يا حل اله وضايع طبيبه

العطش غير ارسومك والوجه
فزلي يا عبدالله اريدك تنتبه   

وتسمعلي مبجاي مو نومتك هاي

   ردتك ذخر يوليدي للتالي
    عبدالله يومك لجم دلالي
عبدالله يبني       عبدالله يبني
..............
اشبر ابمهدك.      زغير موگدك
وبشرت زينب يمه طولك زاد شفته

وحدك عندي.      يا بعد جبدي
احساب هاي النومه ابدن ماحسبته

ذني عماتك.     هاي اخياتك
نشدن وگاللي شو عبدالله سكته

حرك اجفوفك  ردنه بس شوفك
تدري ابهل سكته كلب امك مردته

فزلي وينك ها يالمغمض الجفن
اعيونك الحلوات اشوفن غمضن

وسولفلي بهداي  يالرايد الماي
ما حاسبه الهذا الجفه ابالي

  عبدالله يومك لجم دلالي
عبدالله يبني      عبدالله يبني
.....................
ياسهم ضالم       بيك ماراحم
شنهي سويته ويفطموك ابحقدهم

امسبله اجفوفك  وذابله احروفك
رايح اعله الماي مارايح تضدهم

سهم وبحقدك    صبت الابكدك
ليش ياراعي الذنب طاوعت امرهم

صلي عالمنحر        منه واتعذر
واجبر ابهذا الفعل اهله وكسرهم

عمره مال امناغه ياظالم ذبحته
ليش وكحه اعيونك وتكطع ركبته

وتتسمه وفاي.  يالرايد الماي
وترحم وليدي وترحم ابحالي
عبدالله نومك لجم دلالي

خادم اهل البيت
علي الزرگاني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
4
عمر اخيامي گصير ** وباجر كلشي يصير
بيچن هيه تحير ** عمتچن باچر
/////////////////////////////////

بيچن  افكر كل وكت مامهتم الچماتي
كلشي تره اهون علي من ركضت ابنياتي
الحافراحمله لوسحگ ولاتحترگ خيماتي
وكلمة البابه بالگلب اتعيش اخر حچاياتي

الشامت مايرتاح.   اله يشيل ارماح
زينب كلهه جراح    عمتچن باچر
////////////////

اصفن عله اخيامي بدمع ويكبر جرحهن بيه
مااهتم الكل الحچي بس كلمت المسبيه
والاصعب اعيون الگمر  بنصهن سهم معميه
وبلجربه امال الحرم فوگ الترب مچفيه

كلشي احس مذبوح.    صاير كلي جروح
سياط متون اتلوح.    عمتچن باچر
///////////////

خلوني اودعكم بعد العاشر يتعب يومه
مو بيدي بس شاء القدر والفرگه مامعلومه
ادري الوداع اشگد صعب بگلوبنه الملچومه
ايد اعله گلبي من الجرح ويد اعله چف مهضومه

هاي اليله ادموع.     ضلمه ابلايه اشموع
بيهه گلب مشلوع.  . عمتچن باچر
///////////////////

والدللتهن كل وكت عل جمر نار ويمشن
وي ناس غربه ابلا رحم يحشمن زلم مايلگن
ونار وحرگ من كل كتر بدخان طفهن يعمن
يشوفن الروس معلگه وجوه الرمح بس يبچن

يبچن جوه الراس.    ويصيحن عباس
راسه يديره احساس.   عمتچن باچر
//////////////////////////

باچر شمس فيچن رمح بي راس التحبونه
بهل ساعه اوصيچن صبر لوعنچن يفرونه
هل ناس ماعدهم رحم الطايح تره يلچمونه
متانين راسي اعله الرمح  انذبح ويشيلونه

انجمعت فوگي الناس.    وانه اخر انفاس
لوحاضر عباس.    عمتچن باچر
//////////////////////////
سلام البهادلي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
1
شبعن بچي بنياته // إمچلبات برداناته

اشلون اوداع اليوم// ياگلبي الملچوم

بنياته من رايح گال - كل ساعه وحده تلحگه
بچفوف اديه ملزمات - لزمن سره اعله الشبكه
يايمه الوداع يريد - حيل ودمع للفرگه
وادري الحوافر لو طاح - تركض عليه تسحگه

والله هضيمه اوداعه.// لچمتني هاي الساعه
منعدهن محروم. //  ياگلبي الملچوم
//////////////////////

لحظات ويعدي العمر- وحسين رايح وسفه
وداع التحبه من صدك- بگلب التحبهم كلفه
مومال ساعه وتنتهي- ماينشبع من چفه
هظمتني الزغيره الغفت- ونامت بچي عله چتفه

ساعت اوداعك موتي- من البچي رايح صوتي
ودعني ومهظوم -  ياگلبي الملچوم
//////////////////

الگظت عمرهه بكل صبح- چف الحسين اتشمه
وتشوفه متگطع وصل - تحتار بيش اتلمه
وجهه الحلو فوگ الرمح- مغيره الحوافر رسمه
وشيال رمحه ابلاگلب- يشتمنه بس انكلمه

يحسين صعبه اعلينه// بين الغرب ظلينه
ياحيلي  المهدوم.   ياگلبي الملچوم
/////////////////

العاشر وظهره اشگد صعب- ماتنحمل ساعاته
طاح الحسين اعله الترب- ويركظن ابنياته
وصدره الحوافر داسته - ويباوع الخيماته
صاح الخيم اه الخيم- حاچاهن ابدمعاته

من شفته راحت روحي// بكبرالخيام اجروحي
مطشر ماملموم.     ياگلبي الملچوم
////////////////////

من التله للخيمه جرح- مخليها عينه بعيني
عطشان وبگلبك  احس- من كل عطش ترويني
افتح اعيونك من صحت- گبالك جرح تلگيني
نظراتي ماي ادري الك- فوگ العطش بديني

عطشان اشوفك خويه//. ورقيه صاحت بويه
حزني الظل مرسوم.    ياگلبي الملچوم
///////////////////////////
سلام البهادلي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
2
فزاعيات ليلة العاشر

چبير الساده طايح حيل شدوهه
ولطمتكم تطيب اجروحه خلوهه
لخو زينب الگاع اليوم هزوهه
يستاهل حسين اشما نسويله
يستاهل احسين اشما نسويله

اليوم احسين رايح ينطحن بالخيل
ومن العطش طايح وسفه مابي حيل
وچم حافر يسحگه من الضهر لليل
مذبوح الحسين وعل رمح راسه
مذبوح الحسين وعل رمح راسه

يازينب اتلگي الزهره اجت لحسين
يلچمها ضلعها وتلطم اعله العين
ييمه هل مصايب هاي اجتنه امنين
بس تسعه الاصابع خنصره مسلب
بس تسعه الصابع خنصره مسلب


كلهه اتصيح وين ام عون طلعوها
وكلما تحچي كلمه حيل اشتموها
وبحبال السبي الخشنات گيدوها
وخلو الصوط يترك چم اثربيها
وخلو الصوط يترك چم اثربيهه

مشت زينب ادور عالجثث بليل
مهضومه وچبيره وراح منهه الحيل
سمعوهه حچي من عنده ضاگت ويل
و ياوسفه الشمر بالصوط يسبيها
ويا وسفه الشمر بالصوط يسبيها

الصار ابزينب ابدن ماجره ولاصار
مناكه حرگ منانه سحگ ازغار
اول مره زينب ياخلگ تحتار
تره الشمات ضحكو زينب اوحيده
تره الشمات ضحكو زينب اوحيده

سلام البهادلي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
2
عنوان القصيده مولاتي رقيه تخاطب مولاتي زينب ع
تگلها انه اديه هم يشدونهن بالحبل


چفّيني مـــــــو مالت حبل ترفات ياعمّه
امشينه صوب المشرعه للكافل نحشمه
معقوله عمّي اينام ... من نمشي لأرض الشام
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هالليل ياعمه ستر وبين الجثث نمشيلـــه
باچر وداع من الصبح ماعدنه بس هالليله
لو شافچ اقسملچ قسم يگعـــــد يرد بحيـلــه
راويه عبايه محرّگه ويم راسه عگدي الشيله

حلفيه يعمّه بالخدر بلكت يرد عزمه
التارس الدنيه وفه اعتابچ يلچمه
طعنات بيه وسهام ٠٠٠
من نمشي لأرض الشام
٠٠٠٠٠٠٠٠٠٠٠٠٠٠٠٠٠٠٠٠٠٠٠
المثلي بنيه امدلّلـه چاوينهـــه اوّين الطف
بهاي الارض ياعمّتي يتشگگ اشچم مصحف
گلبي الشوفت كافلــــچ مــــدري شكثر يتّلهف
العمره مثل عمر الورد يمـوت مــــن يتجتّف

چفّي مثل ورگه بغصن تلچمهه كل نسمه
من زغري والدنيه بحزن عليّه متحزمه

ليله بعد ما انام ٠٠٠
من نمشي لأرض الشام
ـــــــــــــــــــــــــــــــــــــــــــــــــــــــــــــــــــــــــــــ

بصدري اضمنّــه الحچــــي محتاره اسولف المن
چفوفـــــي مثل عود الخضر يا عمّتــــــي شيحملن
ياريت بالخيمه احترگ ومن خيمتــي مــــا طلعن
وما اشوفن اربات الخدر وحده عله وحده انشدن

دارن نظرهن عالرمح المحنّه من دمّه
وبالحوافر طشرو عله الأرض جسمه

ومن بعده صرنه ايتام ٠٠
من نمشي لأرض الشام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

ــــــــــــــــــــــــــــــــــــــــــــــــــــــــــــــــ
طفله بعدنـــي بلا عمر يل كبّرتني احزانــي
ما بين لسعات الجمر اذكــــر ذبح خوّانــــي
هنياله عبدالله صحت يا ناس مـــــن سبگاني
لو ميته الف موته ولا اشوف الشمر سلباني

زغيره وچوه چفوفي الجمر مابيه كل همّه
اركض واشوفن هل بشر ما تعرف الرحمه

شنجرع هضم وآلام ٠٠
من نمشي لأرض الشام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ــــــــــــــــــــــــــــــــــــــــــــــــــــــــــــــــــــــــــــــ
يا روحي ظل عندچ صبر عن حال ابوي احچيلي
عـــن خنصره وعـــــن منحره وذاك السهم گلّيلي
مــــا بين كل حافــــر فرس راح وتطشر حيلـــي
شمّـــــــات وعيون اشكثر مـــن كل كتر تربيلي

علينه ملتمّه الخلگ ياهضمت الهضمه
والتوگف ابّين الزلم جدهه النبي زحمه

يا لوعت الأيام ٠٠٠
من نمشي لأرض الشام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم اهل البيت ع
فلاح طالب الماجدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
2
احذرك يل تكود النوك
بالك لاتمرنه بسوك

تره العباس مايرضه
اسامينه عله كل حلوك

٠٠٠٠ ٠٠ ٠٠٠٠

لاتجرح كلــب عباس
هنا يل تحدي بضعـــوني

بالك لاتمــــرنه بناس
ماريدن يشـــــــوفــونـي

يزينب وينه خدرج ذاك
شجاوب من يسالونــــي

اذا جيبن صـــبر للروح
كلي شيلزم عيــــــــونـي

شالن صورت الطف ذيج
وبيهن يادمع مخنـــــــــوك
٠٠٠٠ ٠٠ ٠٠٠٠


اسولف يل تكود النوك
وحجيلك حجي تفصيــــل

من جان الحرس عباس
يفكس حته عيــن الليـــــل

خيالي وطولي ماينشاف
الناكه تخـاف بيه تميــــــل

هسه متوني بيهه السوط
طابع والدمــــــوع تسيــــل

وحدي وما الي حماي
وعيون الشمـــاته تبــــوك
٠٠٠٠ ٠٠ ٠٠٠٠

ماقصر كفيلي وياي
وحجايت بخت تـنكـال

ماعاف الضعن هيهات
اجه وراسه برمح ينشال

شمس الله جنت بحماه
منمشي مايضلي خيـــــال

خدري يااسف وينه
صار بولية الجــتــــــــال

كعدتي وكومتي بكيفه
وعليه النياحه تلـــــــوك
٠٠٠٠ ٠٠ ٠٠٠٠


كليــــوم اليمـــر بيه
بخناجر تطعن الشمات

ياهي تحملت مثلـي
وشافت هل كثــر اهات

مشينه والطريج بعيد
سبايه وحنه علــــــــويات

ولاواحد رحم بينــــه
يطلبونه الجــو ثارات

وعاتب روس خواني
ودليلي من القهر محروك
٠٠٠٠ ٠٠ ٠٠٠٠



علاقتنه انه وعباس
علاقة حيــــدر وربه

فركًنه يحادي لبين
وهل حاله شكثر صعبه

اميره والحرس خوان
اسيره وهسه عدغـــربه

المصابي لو نبي ايوب
جا هم ما حمل كًلـــــبه

ابد مادنكًت راســــــي
حرمانه وخذيت حكًوكً
٠٠٠٠ ٠٠ ٠٠٠٠
خادم الحسين
فلاح الماجدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
7
باجرعالخيم تتراكض الخيل
لايبقالي والي ولا يضل حيل
باجر ماتضل ادموع بالعين
باجرينذبح جدامي الحسن
==========================
باچر اخيول ال اميه تسحگ بصدر الحنين
وتنطحن كل ذكريات ايامي واحلام السنين
باچر الگه اخواني كلهم عالتراب امطرحين
باچر أولاذكره تبقى بذكريات ام البنين

شگل لم البنين من ارد للدار. لو سألتني عنهم
اگلها اولادچ الشجعان عالگاع ولا واحد دفنهم

.باچر تنذبح كل ضحكه حلوه
باجر ماتضل بالضعن سلوه
باچر يهجم اعله اخيامنه البين
باچر ينذبح جدامي الحسين
___________________________________
باچر يگطعون راس حسين اخوي وابقى اصيح
حسين ياربي ذبيحك مو اسماعيل الذبيح
وانه اطلع ركضه للتل مره اگوم ومره اطيح
وهوه صوته يكلي رجعي خلي اموت واستريح

عگب عين اخوتي وعيون الانصار ماريدن حياتي
واصيح ابصوت ربي استر يستار ارحم ذكرياتي

اشوف ابرمح راسه يضوي بالليل
اشوف فوك صدره تسحگ الخيل
اشوف الحجر فاضخ جبهته وبين
باچر ينذبح جدامي الحسين
______________________________________

باچر الگه اعله الشريعه اجفوف اخوي امطشرات
باچر الگه الگمر طايح شابگ امتون الفرات
اسأل الجربه وتگلي الكافلچ جدامي مات
طاح بس بأذني سمعته يصيح عطشانه البنات

غفه بعينه السهم بس ماحچه وگال الحگي للعطاشه
وانه مايي تبده ومابقه وياي گدر جنح الفراشه

گضه يلهج بسم سكنه ورقيه
اعله هذا الحال اجت ليه المنيه
سهم بالجربه صار وسهم بالعين
باچر ينذبح جدامي الحسين
______________________________________
باچر اهل الغدر باچر تهجم الحرگ الخيام
وبالخيم اطفال ضلت بالخيم عندي امام
وانه من ضيم البگلبي اتوجه الوادي السلام
ياعلي الحگ بناتك عندي هذا اخر كلام

باچر تحترگ فوگانه الخيام وانه ابلايه والي
باچر من كثر ما شاهد امصاب بس دمعي يلالي

باچر نار. تشبه. نار نمرود
تصيح الوادم اعله خيامي فرهود
باچر وين ادير الوجه لاوين
باچر ينذبح جدامي الحسين
______________________________________
باچر الطف بيه مصيبه ونار وخيول وعذاب
باچر الگه اجساد اهلنه امطرحات اعله التراب
باچر العريس ميت ينذبح حلم الشباب
حنته من دم وريده وانه احير ابهل المصاب

باچرللرضيع احلام ترفات ويه اكماطه تمشي
باچر من كثر ما اون عالاحباب يشيب حته رمشي

باچر دم الاكبر يترس الگاع
باچر ويه اهلنه اخر وداع
باچر راح اضل ابين نارين
باچر ينذبح جدامي الحسين
______________________________________
عبدالاميرالسعيدي
2
ميمر فزاعي.
ــــــــــــــــــــ


زينب حجـابـات السمه بعفتهــه.
والشرف كله بطرف من شيلتهه.
بالارض، جن كلمة نبي احجايتهه.

تربايت حيدر والزهره.
..............................

ايــــة حـزن طف كربله رتلهه.
بين الگمر والمنذبح نزلهـه.
عهد الكفاله والسبي حاصلهه.

عثرت بالحومه شكم عثره.
....................................

بين المخيم والمصارع والتــل.
عن المسافه لون سائل يسأل.
ليش العقيله انحت مثل المنجل.

يـــــامصرع شيبهه الحره.
................................

صارت سفيرت نوح. اخت الكافل.
لاكنها صارت ثوره ضـد الباطل.
وتعاهدت درب الذبيح تواصل.

كل غايتهه الدين اتنصره.
...............................

زينب مره وقلعت صبر من طه.
ربك العـــــالم كربله سواهه..
مثــل الجبال الراسيه نلگاهه.

مفجوعه وتكتم بالعبره.
ـــــــــــــــــــــــــــــــــــــــــــ

زينب تفاخر والشرف عنــوانه.
شامخه وما ذلت لبن مرجانه.
نزلت تاجــــه بت علي بديوانه.

خطبتهه المشهوده بقصره

ـــــــــــــــــــــــــــــــــــــــــــــــ،
✍️ ابو منتظر الحجامي 2025
2🔥1🙏1
2025/07/13 04:58:38
Back to Top
HTML Embed Code: