يحسين اه يحسين اه يا خويه

جيتك يبعد الما مغمضات
فوگ الرمل چن رايد تبات
أگعد يخويه العندي صعبات
كلفات كلهن والله كلفات

يحسين اه يحسين اه يا خويه

منين ابدي لمن طحت علگاع
بلخيمه واسمع كسر الاضلاع
لمن تصيح وماكو فزاع
تفرهدت مني حسين شبساع

يحسين اه يحسين اه يا خويه

راس برمح يا خويه شفناك
واطفال تصرخ ها رجع ذاك
مذبوح يحسين وندبناك
بحماك كلهه تصيح بحماك

يحسين اه يحسين اه يا خويه

صارت بواچي وخنگت انفاس
واطفال تبچي اتصيح عباس
نار بخيمنه وهجمت الناس
الما ينضرب بالخيل ينداس

يحسين اه يحسين اه يا خويه

ياخذنه ضرب السوط للماي
ها هذا چف الراح ما جاي
ما باقي من الكافل شواي
ويه الركض گمت الطم اچلاي

يحسين اه يحسين اه يا خويه

ياهو اليرد الحافر الهاد
صار السحگ بالطايح عناد
حشمنه بيكم ها يلولاد
ردو الخيمكم صارن رماد

يحسين اه يحسين اه يا خويه

ثاري الطفوف اتخلص الاعيون
تاخذ الحيل اتهد المتون
جابو حبلهم وين يردون ؟؟
وبچفوفنه گامو يشدون

يحسين اه يحسين اه يا خويه



كلمات الخادم/ رعد الفريجي
ثوابها الى روح والدتي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

((الموكب مهد))

انته اسمك صوغه لعيون الجروح
انته اول خادم الموكب مهد

عمرك بطول السهم چنك مضيف
تربعّ بنحرك سهم شيخ وگعدّ

گتله الله يساعدك عطشان اكيد
وچان حار ومن وصل یمك بردّ

گلك اعذرني ترى الغلطان ابوي
گتله طاحت واحنه منرجع احد

ّ المهم نحرك ماكفاني وگال ارید
گتله هذا نحر حسين اذا رايد بعد

هذا نحر الخيمه اذبحه من الوريد
احــــــنه واعدنا وفلا نخلف وعد

الله شـــــــاء نصير قربان السماء
وكـــل نحر من الدمع بالحب شهد

الحب اذا مو بالسهم ماصخ يصير
وهـــــــذا ابوي من الكرم قدم ولد

عبد زينب
محمد الابراهیمي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

القصيدة من وزن الفائزي
ملمع...
.
عظّـم اللهُ لكـم.  الأجـر بالحُسين
.
مات الهوه ومات الضوه
وكل نسمه بالروح
گمـت انظـر الطـف نيـنوى
بدمـوع الجروح
بيها الحُسـين اعله الترب
ظل دمه مسفوح
بـسـيف الـشـمر بالنـايبـه
ظل نحره مذبوح
.
ثابتاً يوم الوغى.  
بالعـزمٍ لا يلين
عظّـم اللهُ لكـم.  الأجـر بالحُسين
.
.
.
ياشيـعه تـربة كـربله
مـزروعه بســهام
شفت الشمر متباهي گاطع
نحر اليّمام
مخنـوگه نسـمات الهوه
بدخان الخيام
نار وجمـر من كل كتر
ومـراكض ايتام
.
قد أتى صوت الردى
بالحزنِ والأنين
عظّـم اللهُ لكـم.  الأجـر بالحُسين
.
.
.
ارض النوايب هالمسه 
مفــروشــه بالــروس
بيها الحُـسـيـن بصدره انظـر
حــافر ايدوس
سيف ورمح نبل وحجر
كل جسمه متروس
زينب شفــتـها بالبـواچي
بمنـحره اتبـــوس
.
قَدمت قُربانَها.
للحقِ واليقين
عظّـم اللهُ لكـم.  الأجـر بالحُسين
.
.
.
تعـفر ابـو الـيمه بدمـائه
مخـضب اخضاب
فتـحـو قمـيـصه وبتـدى
تسـليـب الثياب
ياويلي گلبه مـن النـوايـب
والهــظم ذاب
سيفه انسلب وي خاتمه
ولخنــصر انعاب
.
فكتوى بِجُرمِهم  
في قلبهِ الحزين
عظّـم اللهُ لكـم.   الأجـر بالحُسين
.
.
.
محتار اترجم كربله
بـيا صوره منها
وياحره بـيها الابتـدي
واذكر حـزنها
شفـت الربـاب امگـيده
بگماط ابنها
رمله بحزن جاسـمها
تنعاه الحسنها
.
فخرها إذ شِبلُها 
شهيدُ الصادقين
عظـم اللهُ لكـم.  الأجـر بالحُسين
.
.
.
انـظـر رقـيـه والـشـمر
يـنشـد عليـها
گالـوله ذيچ أويـه اليتـامه
امـسلبيها
گلهـم اريـدن بالحبـل
اچتــف اديـها
اسطرها وهظم زينب
واسمع بچيها
.
دمعُها إنْ ينّسجل
ذا كنزُنا الثمين
عظّـم اللهُ لكـم.   الأجـر بالحُسين
.
.
.
مـا تنـحـني  لبـوة علـي
أشــما ولــوها
ما تنـهـظـم  كـلمـا  ســبيه
  وصــفّـوها
مأتــزره لجــل النــايبــه
هــيــبة ابوها
بت فاطمه ويكفي الفخر
عباس اخوها
.
تَرجلت لِسبيها  
بصبرٍ الناطقين
عظّـم اللهُ لكـم.  الأجـر بالحُسين
.
.
حسن الموالي الفاطمي
.

#قصائد_زينب_ع

اشلونج ام عون يزينب
اشلونج ام عون يزينب
ـــــــــــ
يا غـريبه وغربتـــج ما تنـــحمل
انتي زينـــب وينـج ووين الهزل
اخوتج بالطـــف گضو كلهم كتل
صعبه زينب والحـمل زاد الحمل
اشلونج ام عون يزينب
اشلونج ام عون يزينب
ــــــــــــــــــــــــــــ
يا وحيده ورايحه صوب الغرب
درب عثرات اشعظم هذا الدرب
صعبه درب الشام يازينب صعب
دمعج تصبين بـس سكته يصب
اشلونج ام عون يزينب
اشلونج ام عون يزينب
ـــــــــــــــــــــ
والله دنيا زينـــــب بأيدج حــبل
رحتي للغربه بعد عيـــــن الكـفل
بعد اخوتج مـات يم عون الامل
بيمن اتحيرين يا طــــفله وطفل
اشلونج ام عون يزينب
اشلونج ام عون يزينب
ـــــــــــــــــــ
والله دنيا وحده حـداي الضعـن
زينب الله يساعدج كثره المحن
رايحه لديرة غرب عفتي الوطن
وادري سوط العدو ماخــله متن
اشلونج ام عون يزينب
اشلونج ام عون يزينب
ـــــــــــــــــــ
رايحه لديرة غرب ماكــو عــرف
وادري يازينب جرح گلبج كــلف
علي وينه يفزع من ارض النجف
دمع عينج يصـــب لسه ما نشف
اشلونج ام عون يزينب
اشلونج ام عون يزينب
ـــــــــــــــــــــ
ادري درب الشام تــكلف مشيته
يعين گلبج زينــــــب ويا محنته
قصـــــة الشام اشيوصف قصته
حامي خدرج مات طاحت رايته
اشلونج ام عون يزينب
اشلونج ام عون يزينب
ــــــــــــــــــــ
الخادم المقصر ناجي ابو كيان الصالحي
ونسألكم الدعاء لي ولوالدي 2025

#قصائد_الامام_الحسين_ع


يالخنصرك مكطوع. سوده عليه
يالخنصرك مكطوع. بالغاضـريه
ذبلت يالغالي اشفاك. بالونه يمه انعاك
بالغاضـريه
…………
اجيت ابلــيل ادور تــــــعثر اجدامي
اويلي اعليك يبــني يالمتت ضامــي
اجيت م‌ـــِْن المــدينه لزهرة ايامــي
ادور وين اصبــعك منكطع دامــــــي
م‌ـــِْن المدينه اليوم. جيت بحسرتي
م‌ـــِْن.المدينه اليوم. سالت دمــعتي
كل لحظه انه وياك. بالونه يمه انــــعاك
بالغاضــــريه
…………..
اشو ماكو جــــمالك يــمه متــــــغير
فلا صــدكت انــته وعقــلي متــحير
لكيتك يبني طايــح دامــي المنــحر
علـّۓ هاي المــواقف يــمه ما اكــــدر
ما صدكت مذبوح. فوك الوطــــــيه
ما صدكت مذبوح. يبن الزجـــــــيه
حر الشــمس اذاك. بالونه يمه انعاك
بالغاضـريه
………….
عزيز الروح انــــته يمه حاجينــــــي
سكوتك ه‌‌َـَْـُذآ يبني حيــــل ياذيــني
اليٱلمــــك يا جــرح يا يمه دليــــــني
اخذ من عِنـ.‌‌‌‌‌ـديّ كلشي يمه يحسيني
حار الترب يا حيف. ويجوي خدك
حار الترب يا حيف. ياهو اليضمدك
حاجيني يبني ارجاك. بالونه يمه انعاك
بالغاضـريه
…………
اجيت بضــــــلعي يمه وتــــستعر ناري
اجيت الطــــــم وانوح لجسمك العاري
انه كل ليله يــمك مدمــــــعي جــٍّــاري
عمت عيني اعله صدرك يا رضه الباري
ون كلبي يمه اعليك. كل لحظه تدري
ون كلبي يمه اعليك. ما يطفه جمري
اشلون الترب غطاك. بالونه يمه انعاك
بالغاضـريه
…………
اشم ريحة انفاسك يبني بنفــاسي
انه م‌ـــِْن المدينه وهايج احساسي
الكطع نحرك ييمه جن كطع راسي
يبو الاكبر اويلي هل زمن قاســــي
اسمع ونين ونوح. وانحب يويلي
اسمع ونين ونوح. يلجم دليــــلي
كــــلبي بٱلم ناداك. بالونه يمه انعاك
بالغاضـريه
…………
سمعــــتك من كلت اه العطـــش يكتل
شفت نــــــحرك ييمه ايه م‌ـــــــِْن رتل
وشفت زينب اخيتك صعدت اعله التل
بمســــيرتها تــــون وتنــــوح عالــــهزل
شفت الشمر بالصوط. طك زينب اختك
شفت الشمر بالصوط. تحــــضرها رتك
راوتها الم دنــــــياك. بالونه  يمه انعاك بالغاضـريه
…………
الخادم المقصر ناجي ابو كيان الصالحي ونسألكم الدعاء لي ولوالدي

#قصائد_زينب_والسبي

ضيم درب الشام والسبي ما بيه حـــيله
ضيم درب الشام ياهو يخواني اشتكيله
ـــــــــــــــــ
من حده حادي الضعن
روحي يخـــواني تحن
ما ترك روحي الــحزن
ما مصيبه احجيها
عله الناكه شكد صعب
اشطوله يا هذا الدرب
امشي واعيوني تصب
دمع ماضــــل بيها
حدي ضعني ابلا أهل
زحمه اصــعد عالهزل
والاهـل خلـصو چتل
ضيم روحي البيها
حدي حادي الـنوگ سفرتـــي كلش طويله
حدي حادي النوگ ياهو يخواني اشتكيله
ــــــــــــــــــــــــ
حيرتـــي ما تنـوصــف
حيرة الجرحــــه كلــف
علٕـــــــــي بويه للنجف
ياهــــــو اليوديني
بويــه عدواني اشـكثر
بالضعن حــادي الشـمر
وأنه وبــــــــهذا الـعمر
شد حبل جفيني
لا خــــــــــيام ولا زلم
طــــــــاح شيال العلم
بــــــويه دخان الخيم
علي تارس عيني
مره وبالخمسين ركضتي بالطــف ثگيله
مره وبالخمسين ياهو يخواني اشتكيله
ــــــــــــــــــ
حيره المــن يا طـفل
وأنه مجـتوفه بحبل
يا دمـــــع يهلي أهل
من بـــعد عيناكم
نضرت الشامت سهم
ريت مـــو واقع حلم
بس حرگ يهلي أشم
عذباني اجــفاكم
يهل زيــــنب باليسر
مره كل ساعه انهطر
سوطهم خــــــله اثر
وين يا ملــــگاكم
وين اروحن ويــــن روحي يخواني عليله
وين اروحن ويـــن ياهو يخواني اشتكيله
ـــــــــــــــــــــ
هلي يا عز وفــــــخر
بقت زينـــــــب للقهر
تعرض بعيـــني صور
خــــيـل والخياله
راح صـــيواني هلي
حرمه انه وياهو الي
بويه اصيحن ياعلي
حالتــــــي ياحاله
ايتام عنــدي بكربله
حـيرتي بهل معضله
شمر حــادي القافله
دمعي ضل اوشاله
عطش نار وخيل يا دمــــــع الكم اسيله
عطش نار وخيل ياهو يخواني اشتكيله
ــــــــــــــــــــــــــــ
الصعبه حداي اجنبـي
والتراب اعــله العبـي
من التعب نحبي حبي
حشــــمت ولياني
زينـــب ابوليــة عــدو
ما بقــــه الهـا اخـــــو
ياهو يحضرها ومــنو
باليتامـــه اتعاني
ياهو يســمع شكـوتي
حيــــل تكلف محنتي
من بــعد فيي اخوتي
امشي وي عدواني
صعبه أطـــــــر السوگ ناگتي كلــش هزيله
صعبه أطــر السوگ ياهو يخواني اشتكيله
ــــــــــــــــ
الخادم المقصر ناجي ابو كيان الصالحي
ونسألكم الدعاء لي ولوالدي 2025

#قصائدالرضيع

عبد الله نام يمه الولد يمه
عبد الله نام يمه الولد يمه
ـــــــــــــــ
نام يزغيـــــرون بشفاك الضمه
يمــــه للباري امـــــــرنه نسلمه
گلبــــي احسـنه يعبدالله نرمه
يمـــه والدنيا احسـها مـــظلمه
ضامي يصغيروني
يا هـــــواي ولوني
يا ضوه لعـــــيوني
يمه عبد الله
ــــــــــــــــــ
ياهواي المنكطع من مهجتي
غربتي هـــجرك ييمه غربتي
حلم ميت بالسهم ياحسرتي
نار شبت بالخيــــم ياخيمتي
ما تعيش احلامك
عطــــشوها ايامك
يمــه احس بالامك
يمه عبد الله
ـــــــــــــــــــ
ياربيع المنذبح مـن العــطش
منفرش عالگاع گلبي منفرش
فردهــوك ونهشو بگلبي نهش
روحي شالوها يعبدالله بنعش
كون يمـي اشتمـك
يا افيـــــاي الامـك
مات يـــبني حلمك
يمه عبد الله
ـــــــــــــــــــــ
فرهداك العطش يصغير العمر
ما وصـلت العام بعدك بالصغر
راسمه ابالي يعـــبد الله صور
تالي مني رحــــت يبني للگبر
غالي يبني وغالي
يا نجـــــم ويلالي
طاح سوري العالي
يمه عبد الله
ــــــــــــــــــــــ
ياورد بستاني يمه ومن ذبل
ماتت احلام العمر مات الامل
فكدك بحالي يعبدالله شعمل
يا فــــجيعه بعد يا يمه تحل
بيا دموع احچيلك
عمر يمـــه ابچيلك
اگعـــــد واشكيلك
يمه عبد الله
ــــــــــــــــــ
يازغيرون وصدك حار السهم
نحــــرك ايصيبوه وبكلبي الم
يمه گلبي محترك مثل الخيم
يــــمه وافراكك يخلف يا الم
يا عــمــد بالخيـــمه
شوف گلبي وضيمه
روحي صارت هيمه
يمه عبد الله
ـــــــــــــــــ
الخادم المقصر ناجي ابو كيان الصالحي ونسألكم الدعاء لي ولوالدي 2025

#قصائد_الامام_الحسين_ع


يا مـــهيوب يمبجي الزلـم كـلها
هاي الگوم تلها من الـــعرج تلها
ـــــــــــ

شد اعله الزلم والخيل والعـسكر
عيد امجاد ابوك المرتضى حيدر
ياهو الگابلك يحــــسين ما يكدر
ممنوع العبـــور اشحـــده اليـعبر
يا مهيوب يمبجي الزلـم كــــلها
هاي الگوم تلها من الـــعرج تلها
ــــــــــــــــــــ

هلا يابعد اخيتك اسرج الشگـره
دوس اعله الزلم يا ريحة الزهره
هذا الجيش اريدن تقلعه بخزره
اعرفنك سبع واعمامتك خضـره
يا مهيوب يمبجي الزلـم كــــلها
هاي الگوم تلها من الـــعرج تلها

ــــــــــــــــــــ

يبن امـــي التماده اگطع الـسانه
ادبهــــــم ابســــــيفك يا بعد انه
ما يرجــف گلب ما دامك اويانه
هلا بريـــحة ابوي البچه عدوانه
يا مهيوب يمبجي الزلـم كــــلها
هاي الگوم تلها من الـــعرج تلها
ـــــــــــــــــــــ

يلا انزل عليهـــم واذبح بكيفـك
سيفك جن علي ماينكسر سيفك
من هاي العساكر اخذ كل حيفك
من المرتضى يبـــن امي تكليفك
يا مهيوب يمبجي الزلـم كــــلها
هاي الگوم تلها من الـــعرج تلها
ــــــــــــــــــــــــ

حگها العدها مثلـك يخي تتشيم
من طرف الخيام ودرعك اتبـسم
زودك من علـــــي والاگتك تنـدم
لزمهم ســــــره عالسيف واتـقدم
يا مهيوب يمبجي الزلـم كــــلها
هاي الگوم تلها من الـــعرج تلها
ـــــــــــــــــــــ

تختـــار الچبير وتقتني الصـيده
مثل المرتضـى والمـشهد اتعيده
يبن امـــــي اريد العسكر اتبيده
انته البلحرب مــيثني طگ أيده
يا مهيوب يمبجي الزلـم كــــلها
هاي الگوم تلها من الـــعرج تلها


الخادم المقصر ناجي ابو كيان الصالحي ونسألكم الدعاء لي ولوالدي 2025

#قصائد_لسان_حال_ايتام_الحسين_عليه_السلام
#طور_يخيمات
،،،،،،،،،،،،،،،،،،،،،،/////////،،،،،،،،،،،،،،،،،،،،

معانات. بعدك يالابو عشنه معانات
نمشي عالجمر نكطــــع مســــافات
وحده اتـــٌلوذ بالوحـــــده اليتيمات

———————————///////////—————-

بين الصحاري. ابلا حمه. نمشي ودمع سبايه
وسفه. بنات. ال النــبي. يمــــشن بلا حمايه
فوك الجمر. داس الجدم. لا كافـــــــُـل ولرايه
ضلينه بس حيره. وعتـــب. ومشمسه العبايه
عالاتراب. عفنه الاهل يا ويلّي. عالاتراب
احنـــــه ازغــــــار يســـــبونه بلا أسباب
بس رغـٰـــــــــم الجره ما طاح الاحجاب

———————————////////////—————-

بين الدمع. بين الالم نشـــكي قصص المنه
نكتم بجينه. من العدو. لمن سمـــع شتمنه
منهم ولا. واحد حضر. كلهم مشــــٰــو زلمنه
والغالي نايم. عالترب. من شـوفته انحرمنه
الحسين. نام وعاف ايتامه الحسين
ضلت بالدمـــــع تتســـٰــله هالعين
راحـٰـٰـــٰـٰــــو بالغدر كـــــل الميامين

————————————///////////————-

جرح الليالي. والحــــٰــزن. ما فارك العقيله
عمتنه زينب. ياوضــــُٰـع. بس الدمع تسيله
ضلت وحيده. ابكربله. هيه البـــقت كفيله
عمنه الكمر. يم النــــهر. واكـــع منو يشيله
الاجفوف. طاحن عالنهر منه الاجفوف
ياهو اليحــــــضره ولحـــــــاله ايشوف
ويلّــــــــــــــي ما بقه واحد بالاطفوف

————————————////////////————-

وحشه الدرب. ما ينحمل. واحنه نون يتامه
بينه الزمن. قاسي اشكثر. خله الدمع علامه
يعثر جدمنه. من التعب. ماكو بعد سلامه
اهل الحميه. سافرو. ماضلو..... النشامه
يعودون. ماضنهم بعد لينه يعودون
ضلو عالترب غموضها .....العيون
اشكد نادينه بس ماضن يسمعون

————————————/////////////————

ضلينه بس. طرك الدمع. واحنه حرم بقينه
ويه الغرب. نمشي صعب. ومجتفين ادينه
تضربنه ناس. ابلا رحم. .تنشدنه عن ولينه
من نامو. اهل المرحمه. ضَل العدو يحدينه
من الاخيام. ماضل اي اثر باقي من الاخيام
راحـــــــــــــت كل زلمــــــٰــنه ذيج الاعلام
واحــــــــــــنه بالســـــــــبي ولديرة الشام
————————————/////////////————-

الخادم المقصر ناجي ابو كيان الصالحي
ونسألكم الدعاء لي ولوالدي

موش تــــــــــــنساني اذا ينسوني
بالكبر يحــــــــــــــسين لو نزلوني
""""""""
جنت احضر مجلــســك يبن الطهر
جنت اللطم ســــيدي فــوك الصدر
من اللطم يا سيــــدي صــدري حمر
بهل جنون اشكد بشر لامــــــــــوني
""""""""""
تدمع عيوني جنــــت لومر ضعــــن
اذكر ايتامك وانوحن عالمشــــــــن
جنت بالموكب ادك اعله المــــــــتن
اثر زنجيلك يــضل بمــــــــــــــتوني

""""""""
الگبر وحشه سيدي وماكو ضــوه
وانته يحسيــن الهوه يابوه الهوه
ارد احلفك بالگمر راعـــــــي اللوه
تحــــــــــــــضر بلحدي اذا خلوني

""""""""""""""
حسين ماعندي ابد غيــــــــرك امل
يا انيس الروح لْـۆ جــــــاني الاجل
لٱ تهدني بيوم ينســــــــوني الاهل
نضــــــــــرتك يحسين لْـۆ غســلوني
""""""""""""""
اهنـــًـــاك ضـــــلمه بالگبر گالو الي
تمشي عني اصحابي واخواني وهلي
بس فزعتك باجر بحيـــــــدر علي
زاد اريدك لو فـــــــــــــرق ماعوني
"""""""""

الوحشه باجر سيدي تـحيط الكبر
وأنه مستيقن تجي يـــمي اتحضر
حسين يا بعـــــد الهوه وبعد العمر
ادري تفزع ما تخيـــــــب اضنوني

"""""""""""
اقسم اعليك بعلي وخدر المشــــت
حسين تحضرني اذا باجــــــر متت
جنت اقرالك نعي وياما صــــــحت
ما اعوفك والله لْـۆ كطــــــــٽٽــعوني
"""""""""""
يمن فضــــلك سابق اعليه نعــــــم
سيدي احسبني خدم عنــــد الخدم
ما اضن خايب ارد يابو الشــــــــيم
وادري ما تنسه الدمع بعيــــــــــوني
"""""""""""
كلشي ما رايد قسم بس نضــــرتك
احسبني لو ذرة رمل يم خيــــمتك
ريت يسحكني جدم م‌ـــِْن عيــــلتك
حتى افخر عيلــتك سحــــــــــــكوني
"""""""""""
بعد يمك ضــــلت وانــــــته الوفي
اتريد تقبلني فضل يبن النبــــــــي
خيط كون اتــريد بطــــراف العبي
بعد يمك وانته ترس اضــــــــــــنوني
"""""""""""
بقلم الملا ناجي ابو كيان الصالحي ✏✏✏
ونسالكم الدعاء
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

#قصائد_الطفل_الرضيع_يوم ١٠

ويلاه ويلاه عبد الله يذبحونه
ويلاه ويلاه عبد الله يذبوحنه
_
عبد الله ازغير طفو شمعــــة عمره
ما واصل عام ضامي بحسرة گطره
ميت عطشان غمض ابني اعـــيونه
ويـلاه ويلاه عـــــــبد الله يذبحونه
__
مومال أسهام نحري اوليدي بسكم
اسگوه عطـــــشان مالــحگ يتبسم
ورده إبلا ماي ذبلن شفـت اجفونه
ويلاه ويلاه عبــــــد الله يذبحونه
____
بس ستــــة اشهور ماكملها اسنينه
طٕـــير وعالماي دار اوليدي عيــــنه
شمسوي وهيج عطشان اتنحرونه
ويلاه ويلاه عبــــــد الله يذبحونه
_
ابني اعله الكاع طشو كل أحلامه
ليش إبلا مًــاي مات ولوعـه ايامه
ليـــــًـل العدوان بايگ صـوته لونه
ويلاه ويلاه عبــــــد الله يذبحونه
_
ماريد المـــاي بـــــس سالم اتــمنه
لحضن ام ايعود وبـشوگ اشتـمنه
شمعة دنياي ماعيشين مـــن دونه
ويلاه ويلاه عبــــــد الله يذبحونه
____
انه ام اوليد ذبحو كـــل فـــرحتهه
بالطف لجمات عاشت كـل قصتهه
من رد حسين محنــــــيات امتونه
ويلاه ويلاه عبــــــد الله يذبحونه
____

الخادم المقصر ناجي ابو كيان الصالحي ونسالكم الدعاء لي ولوالدي وللمؤمنين والمؤمنات
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

#قصائد_يوم_العاشر_مولاتي_زينب ع

يا جروح الزمن عيشتني بمحـــن
غريبه راح اروحن
غريبه ليش اضلن
يا غربتي يا غربتي
___
يذبح الطف وعذابه اخذ مني اعزاز گلبي
وين جانت هاي اليه ثگل حملي وزاد تعبي
اخذ مني شكو غالي عمه عيوني وتاه دربي
رحت للشام وعفتهم كل اخوتي وعيني تربي
عيني صوب الأهل گضو كلهم جتل
اسيره وهاي صعبه
سيره وناس غــربه
يا غربتي يا غربتي
____
ليل وحشه ابلايه اخوتي والغرب تحدي ضعنهم
عشت بالطف لوعه لوعه وبالغصب رحت وعفتهم
الجانو افياي اعله زينب حرگو الخيمه اعله اختهم
حگي من يشيب راسي احنان كلهم فاگدتهم
فگد اخوتي صعب وامشي ويه الغرب
عفتهم عالترايب
عفتهم گلبي ذايب
يا غربتي يا غربتي
___
قهر ليلي راح يخلص حده الحادي وسار ضعني
امشي بدروب المنيه موش زينب صرت جني
انه بت حامي الحميه وكتي اخذهم ليش مني
نامو وخلوني وحــــــدي مادرو بالصار عني
والحده بالضعن كلبه لا ما يحن
ضعنهم. راح وسفه
ضعنهم هـــاي كلفه
يا غربتي يا غربتي
____
بعد خدري وكل دلالي لن اسيره وشمر حادي
ويني ووين الهزيله وصـعبه اطــلع بالبوادي
نضرت الشمات تكــتل والمشي ويه الاعادي
بهذا حالي وصحت يمه وينج ابحسره انادي
صحت يمه ونحت زينــب اتغربت
وحيده يمه زينب
وحيده بقت تنحب
يا غربتي يا غربتي
_
الحادي لمن سار بينه كتله مرني وما خذاني
كتله اريدن يم اخوتي ارد احـاجيهم ثواني
ارد ابدي ادموعي يمهم بلكي يگعدهم حناني
هاي طلبه وردت منه بـــس لجنه ما رعاني
كلبه مثل الصخر ما يحن جن حجر
عالنوگ ودعتكم
عالنوگ هاي اختكم
يا غربتي يا غربتي
____
الخادم المقصر ناجي ابو كيان الصالحي ونسالكم الدعاء لي ولوالدي وللمؤمنين والمؤمنات
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

ليلة الوداع


شفتها بليلة العاشر
حزينه وتكسر الخاطر. اويلاه
تودع اخوتها مهضومه
تصيح وتبچي مالومه. اويلاه
٠٠٠٠٠٠٠٠٠٠٠٠٠٠٠٠٠٠٠٠٠
رجع بية الزمن للطف. حلم بس شفته بالعين
وداع ام الخدر زينب. شفتها تودع حسين
حزينه امگبّعه بهمها. تون من لوعة البين
طبت خيمة ابن امها. تودعه وبيها نارين
نار اوداعه وغيابه
ونار جروحه ومصابه اذا راح
اخوها وكعدت تنشده
غريبه وتنسبي بعده. اذا راح متنساه اويلاه
٠٠٠٠٠٠٠٠٠٠٠٠٠٠٠٠٠٠٠٠٠
سمعتها تگلّه يبن امي اريدن منك جواب
صدك باجر يذبحونك. صدك يسلبني سلّاب
اشوف بسهم المثلّث يخويه گبالي تنصاب
بحوافر خيلهم خويه يطشرونك بلتراب
عسن لا طر صبح باجر
ولاشوفن اثر حافر. بلظلوع
مثل ما كسروا الزهره
اشوف بعيني چم كسره. بلظلوع اثر آه اويلاه
٠٠٠٠٠٠٠٠٠٠٠٠٠٠٠٠٠٠٠٠٠٠
صدك ياخويه اسمعها. فقط هالليله ويّاك
صعب يحسين توديعك. صعب يالغالي فرگاك
توصيني وتودّعني. أنه وكل اهلي بحماك
بعد وضحت غداً زينب. سبية بولية اعداك
أنه الماشافوا خيالي
سبية عله الهزل تالي. الى الشام
وحگك يا ضوه عيوني
اموت ولا يودّوني. الى الشام. بلاياه. اويلاه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اخوها حسين جاوبها. اسمعه ودمعي سچاب
يگلها يختي يازينب. اقاتل دون الاحجاب
اذا ما ينسفك دمي. وذا ما راسي ينصاب
يرد دين الشرك والذل يموت الحق ولكتاب
ابد ما بايع الظالم
ابد للذلّه ما ساوم. أنه حسين
عزيز لآخر انفاسي
اخوج ومااطخ راسي. أنه حسين سمعناه. اويلاه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
گبل فجر الحزن طلعت. شفتها تريد عباس
تلگّاها بهلا يختي. هلا يارفعة الراس
عظيمه وكعدت كباله. بأبوها الوالي تنقاس
صدك رايد تودّعني. وظل بلايه حـرّاس
جبتني امن الوطن آيه
كفيلي وبيدك الرايه. يعباس
اذكرك بالعهد جيتك
يمن صيت الوصي صيتك. يعباس نخيناه. اويلاه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اسمعه يگلها يازينب. بچيتي وآنه موجود
قسم باجر اراويهم. سقر وعيونج شهود
امية وكل عساكرها. وعددها شما بقى يزود
اگص رگابها بسيفي و رد اسحگهم اردود
يويله اليوصل خيامج.
اذبحه بسيفي كدامج. تأمرين
يزينب آنه كفّالچ
احامي خيامي وطفالچ تأمرين. بعد لا اويلاه

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

نزلة/ ليلة الوداع

اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠
كل جرح لابد اله فتره ويطيب
إلا جرح الرايد يودع حبيب
واني هاي الليله بجروحي اشيب
راح اودع حسين بدموع ونجيب

يهضم وكلش صعب. جرح الوداع
اعظم جروح الگلب. جرح الوداع

٠٠٠٠٠٠٠٠٠٠٠٠٠٠٠٠٠٠٠٠٠٠
شلون اودع حسين يا عالم شگول
ودري باجر تسحك بصدره الخيول
ريت ليل العاشر اعلينه يطول
ولا يروح حسين والهيبه تزول

اول جروح الحرب. جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
شلون اودع الكافل وحامي الظعن
چفوفه يم شاطي النهر يتكطعن
كبل ابوالغيره يذبحوني عسن
ولا اشوف چفوفه دم يتسايلن

خَلّه دمعي دم يصب. جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
ليلة اوداع اخوتي ليلة جرح
راح أظل سهرانه وبچي للصبح
باجر ابن امي وحبيبي ينذبح
وراس اخويه حسين ينشال برمح

بسمه بعيون الغرب جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
آنه مو أي مره زينب بت علي
من يعوفوني خوتي منهو الألي
جابني العباس گلّي ادلّلي
لا تعوفيني غريبه يا هلي

يعصر دموعي غصب. جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
هذه آخر ليله ملتم الشمل
كلها باجر تنذبح حتى الطفل
والمصيبه الكبره والماتنعقل
انسلب ياوسفه ونجر بحبل

علّتي بطول الدرب. جرح الوداع
اعظم جروح الگلب. جرح الوداع

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

هاي الليله هاي الليله
احسين انودعك هاي الليله
ــــــــــــــــــــــــــــــــــــــ
الله الحافض الله الساتر
كون ايطول ليل العاشر
نركض نعثر نتعب باجر
والسوط ايطكنه بكل حيله
ــــــــــــــــــــــــــــــــــــــ
هالليله اكبالك كعدتنه
باجر من بعدك ضيعتنه
بالهيمه اتطول ركضتنه
وسجادك منهو ايتجيله
ــــــــــــــــــــــــــــــــــــــ
باجر ذباحك يتدنه
وبالسيف يكص راس الجنه
وشيبك من دمك يتحنه
نسوان احنه وشنسويله
ــــــــــــــــــــــــــــــــــــــ
باجر من اتطيح اخيمنه
وايهوسون براسك يمنه
قصده ايحاول يحرك دمنه
وتوكع زينب يمه ادخيله
ــــــــــــــــــــــــــــــــــــــ
ارقيه ابجالك تلعب هسه
خليهه ابحظنك متونسه
نحرك خل بجفهه اتلمسه
باجر خاف السفره اطويله
ــــــــــــــــــــــــــــــــــــــ
وعبدالله المانامت عينه
ضامي وماكطره امشربينه
حطه بحجرك  ياوالينه
بلكت يغفه أمن اتلوليله
ــــــــــــــــــــــــــــــــــــــ
الله يحرسك يامولانه
ياخيمتنه وكل دنيانه
باجر راسك يمشي ويانه
وزينب عالناكه وتشكيله

محمد الجماسي

#اللهم_عجل_لوليك_الفرج
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

ليلة العاشر

اخر ليلة هاية
يم جود السقاية
موت وفگد روّاي .. باچر
واخذ جبيلي الماي .. باچر
============
الليلة تيبس مستحة اعيون النده
الليلة يتحزم طفلنة اعله الفده
عبد هاي الليلة ايدة مسدده
امن العطش گطّع اگماطه بساعده
للذبح باچر زلمنه امواعده
ارواح باچر عالنحور امركده

كلشي البيها متعوب
ليلة گطع الگلوب
ايصير العطش شراي .. باچر
واخذ جبيلي الماي .. باچر
================
ظلمة واگعدنة حدر في الشمل
ولخواتي سولفت كل اليحل
باچر المغرب تره انضيعْ الشكل
باچر ايطشرنه ويلمنه الحبل
زلمة اخيمنه وره ما ينكتل
إلدلال اتّعبه عثرات الهزل

يوم اتخنگة شوغة
يفرهد اغله صوغة
يعكس عكس وياي… باچر
واخذ جبيلي الماي .. باچر
===============
الليلة يخفگ بالبچي اقماش الخيم
الليلة باهت واهسه ومچفي العلم
جاي باچرنه وگلب گلبي علم
باچر اليعطش تره يشرب سهم
ذبح هاي الروس من هسه انرسم
موت هاي الزلم همين انحسم


باچر موت شامل
ودم صاعد ونازل
واحمل ثگل دنياي .. باچر
واخد جبيلي الماي .. باچر
=================
روحي من هسه بتعبها امدوهنه
باچر ايخضر تعب مالت سنه
باچر اتظلّم اوجوه السلطنه
ويبقى يلصف بس اصلنه ومعدنه
اسيوف متحظرة وعلينه امراهنه
اسهام محدودة ورماح امسننه

بصدور الاكابر
مطر ركض الحوافر
كتلت وعد سقّاي .. باچر
واخذ جبيلي الماي .. باچر
==============
امناحر الدنيا اويه گلبي امن الصبه
من زِمان، اليوم يومي امدولبه
باچر امحظر اوكاته المرعبه
باچر الكفّال تنسب زينبه
وشكو علويه تصير امسلبه
امن الادوارة الطف ركضنة ايتعبّه

لخواتي والسباية
اخيّم بالعباية
اسگف عباتي افياي .. باچر
واخذ جبيلي الماي .. باچر
================
باچر ايضيعنه وايلمنة النهار
وانه ادية اثنين واهواي الزغار
اتخوزر اعله الخيمگة اعيون الشرار
باچر الدخان يخنگ بالخضار
وعالرمح لون الضوة ايجيسه السمار
وين ما نلتفت باچر نلگة نار

باچر خيمة مامش
نعمة اليبقى عايش
والمو عرف حدّاي .. باچر
واخذ جبيلي الماي .. باچر
==============
علي هادي الخزعلي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

خدرك يبو فاظل   مسبي وبلا كافل
جبريل من سابع سمه حجبهن ابجنحه
🔴🔴🔴🔴
امن السمه صادر بيان امن الجليل
انگطـعن اچفـوف الگمـر يجبرئيل
زينــب المهيـوبة تنــــمس مستحيل
للخـدر روح واخــــذ دور الڪـفيل
هاكم خبر عاجل    من السمه نازل
جبريل من سابع سمه حجبهن ابجنحه
🔴🔴🔴🔴
كربله اتعطرت من مسك النحور
ولأن بالخيـــمات سڪنتها البدور
لمن احترگت نشم ريحــــت بخور
اليوم يم زينب خـــــدر هاشم يدور
مثل الورد ذابل    ضعن النبي جافل
جبريل من سابع سمه حجبهن ابجنحه
🔴🔴🔴🔴
اليوم تنزل ڪل ملائكة السماء
اوياهـــم ينزلون ڪــل الانبياء
ڪلهم ايحــرسون سيدت النساء
هاذي زينب بت امير الاوصياء
وابحكمة العادل   رب السمه گايل
جبريل من سابع سمه حجبهن ابجنحه
🔴🔴🔴🔴
من بعد ماحـــرگوا اعليها الخيام
ابلا ڪفيل الـيوم تمشي ولا امام
حافية فوگ الرمل وابنص ظـلام
بالخـــــرايب بت علي الليـلة تنام
يمشي الخدر راجل    حزن ودمع شايل
جبريل من سابع سمه حجبهن ابجنحه
🔴🔴🔴🔴
مستحيل الصــــوط يوصل للمتون
وڪــــون تعمة لو تصدلها العيون
هاذي موش اخدور كائن من يكون
هذا خدر الله والــــــــه الله اليصون
لجله الدمع هامل     ويسمعني كل سائل
جبريل من سابع سمه حجبهن ابجنحه
🔴🔴🔴🔴
الله ناده المـــلك نزلــــوا عالصــــعيد
حرسوا زينب هذي اخت اعظم شهيد
وچــان اخـــوها الگمر بالطف العميد
من يمــــــرها الهــــوه يســـتأذن اريد
ميمسها اي عايل     غصباً على العاذل
جبريل من سابع سمه حجبهن ابجنحه
🔴🔴🔴🔴🔴🔴🔴🔴🔴🔴🔴🔴🔴🔴
وليد المندلاوي
 

#قصائد_الوداع_ليلة_العاشر_الامام_الحسين_وزينب_ع
#ليلة_العاشر


خويه الله يعينچ حان الوداع
خويه الله يعينچ حان الوداع
_

خويه يا زينــــب بـــعد ساعه نودعج
ادري يكلف يا بعــــد عيـناي وضــعج
باجر اصيحين لاجن مـــــن يسمــعج
محد يسمعج يزينب من تصـــــيحين
____

محد يسمعج يزينب يختفي الصوت
يم جثثنه الحادي عمدن باجر يفوت
تنتهـي ايــــــــام الدلال وعزچ يموت
صوت من اخوانج ابدا مـــا تسمعين
____

صوت من اخـوانج اتضيعه الحوافر
خويه يا زينب غدا كســــر الخواطر
المن زينب اديرين زينــب يا نواضر
يحترگ صيوانج والـــــــمن تفزعين
_

يحــترگ صـــــــيوانج واهلج نيامه
وباجر الدمعـه على اخدودج علامه
خويه ما نسلم ولا تبقـــــــى سلامه
باجر لديرة غرب خـــــويه تروحين
___

باجر لديرة غرب يحـــــــدون بيكم
تمشي الضعون ولا واحــــد يجيكم
خويه يا زينب عمت عــيني عليكم
من تحشمين وولا واحـــد تشوفين
_

فوضي امـــــرج إلى الــباري تعالى
وينكم گلبج يضــل هــــــذا سؤاله
ادري زينب حالتج يا خــويه حاله
يعينج الله باجر وبس هوه المعين
____

وأنه اعرفج خويه زينب انتِ لبوه
يبقى راسـج عــــالي يابعد الاخوه
باجر تكملين زينــــــب بعدي ثوره
يااحزام المرتضى ياشارب حسين
_

الخادم المقصر ناجي ابو كيان الصالحي ونسالكم الدعاء لي ولوالدي

#شور_قصائد_الامام_المهدي_عج
#تقره_في_اي_ليله



يا حــيرتي كلــــــي ذنـــب
ومضـــــيع اهواي الـــدرب
واذنوبي شيــبت راســــي
اشگـــها بيــــــــن انفاسـي
يا مولاي
محتار اناديك العـجل
يا مولاي
انه الحقير الما خجـل
يا مولاي
اعوج ولا امشي عدل
سامحني
سامحني
_

كل لحضه اجرحك مو وفي
يا ريـــــــت لو هــــم اكتفي
مذنب واحـــــــس تقصيري
مـــــــولاي مــــــــنك خيري
يا مولاي
ما اخجل وذنبي كـــبر
يا مولاي
سامحني ها يالمنتـظر
يا مولاي
ضيعته بالخالي العمر
سامحني
سامحني
____

اذيتــــــــك بذنــبي صــــدگ
يومُــــــيه جرحـــــك ينفـتگ
مادري شنــــــــهو الجــــــاره
واكليبـــــــي تلهـــــــــب ناره
يا مولاي
محتٕــار واذنوبي اكثرن
يا مولاي
يا ريت واعيوني أنعمن
يا مولاي
وأهاتك المنــــــــي بدن
سامحني
سامحني
____

يوميـه اجرحــنك جــــــــرح
وانثر عـلـــــه اجروحك ملح
يالتگضـــــــــي ليــــلك لوعه
خدك تجرحه ادمـــــــــــوعه
يا مولاي
اذيتــك وأنه اعتــــرف
يا مولاي
وادريه ما طاب النـزف
يا مولاي
ما اخجل وكلش صلف
سامحني
سامحني
__

سامحني وانطــــُـيني عذر
من عندي كلبك منكــــــسر
وأنه لجـــــــنــــابك ساعـي
جيت ونسيـــــــت امتاعي
يا مولاي
جويني كون من الخـــيم
يا مولاي
واحسبني خـــادم للخدم
يا مولاي
انته الجبتني مــن العدم
سامحني
سامحني
___
يا حيرتي جي قـــًــــــصرت
لا عندي حظ ولا بـــــــخـت
كل ساعه أزيد اجـــــروحك
يالما تبــــــــــــطل نــــوحك
يا مولاي
بس انته تعرف حـالتي
يا مولاي
نادم واجيت بعــــبرتي
يا مولاي
سامحني يمـك طلبتي
سامحني
سامحني
__
الخادم المقصر ناجي ابو كيان الصالحي ونسالكم الدعاء لي ولوالدي

#قصائد_رقيه_ع
#الليله_العاشره

من الله لا ينطي العطش
شمسوي بشفافك هــــاي
عريان ضال اعلــه الرمل
ما لايـًــــح اشفافك ماي
بويه حبيبي
بويه حبيبي
___
ساگيني بفراگ قـــــهر يالماشـًـــربت اميه
شمسوي بشفاك العطش يا بعد روح ارقيه
ذبلان اليـسولف درر والبيــــه كـــــل حنيه
وارسومك الما تنعرف متغيره لا مـــو هيه
شمسويه يحسين الشمس
متغيره كــــــًـــل ارسومك
وافياي ماكو ابـــــــــكربله
ومــــــــــــسلبين اهدومك
بويه حبيبي
بويه حبيبي
__
يالنايم ابحر الشمس مايــك تبـــده حسيني
يا بويه واشمال العطش فردها بقايه اسنيني
اغفه اعله ايدك من جنت بحضانك اتخليني
يابو الحجايه المن صدگ بس شوفك ايرويني
عطشانه حيـــل الجيتك
وابروحي اقنـــع ترجــع
شبسرعه ذبلان التـــرف
ولصوتي جـــن ما تسمع
بويه حبيبي
بويه حبيبي
___
حاجيني مو گلبي وكف والفرگه موش اولامي
حاجيني حتى انسه العتــب يا بعد كل ايامي
انه رقيه يالجنت شمــعه وتـــــضوي أحلامي
ضامي دليلي لشوفـتــك مو ماي بويه ضامي
يحسين يا ريحة هلــي
يا اغلي مــــني وكلشي
يحسين مو مالت هـجر
والشيب مـــاكل رمشي
بويه حبيبي
بويه حبيبي
__
ذبلان لونك يا عذب حر الشمس مــــا يرحم
حر الصـــــحاري يلجمك وبحالك الله اليعلم
ورده وگصه اوياك العطش جاك الرمح متحزم
تدري يبويه ابفركتك ساعه افــز ساعه احلم
كل ساعه افز من نومتي
واتخيـــــــــــــلك گدامي
مشتاگه اشمك وانتحـب
يا ضامي يشُـبگ ضامي
بويه حبيبي
بويه حبيبي
___
عطشانه واسكيني عذب رويني شوف اعيونك
يحسين يا شم الهوه ليــــش اختلــف كل لونك
مو مالت اتـــــنام ابــترب يجوي يبويه امتونك
مطشر وما تنجـــــــــمع ياهو اليـٕــٕـرد بضعونك
ذبحو ربيعك من وكت
والدنيا بعـــــــدك غابه
مشتاگه يحسين اشكثر
اسمع تعــــــــــالي بابه
بويه حبيبي
بويه حبيبي
__
الخادم المقصر ناجي ابو كيان الصالحي ونسالكم الدعاء لي ولوالدي