((ليلة الوداع))

ليش زينب بالوجــــوه اعيونها
وما اظن طبگن الليله اجفونها
ــــــــ
ليش ماطبگن اجفون ام الخدر
اتحسب الباچر اذا طــــر الفجر
مثل ظهـر احسين ويلي تنكسر
والزمان بغــدره وسفه ايخونها
ـــــ
اتودع الســــاده ودمعها ينهمل
تدري باچر مايظل واحـد عدل
بالرمـــــاح وبالسيوف وبالنبل
تشوف كل اعزازهه ايچتلونها
ــــــ
اتودع الشـــبان والحيل انهدم 
حَنّه صارت بالبچي بين الخيم
والعلي الاكبر دمعها ايسيل دم
تدري جثته باچـــــر ايوذرونها
ــــــ
مو بديها والدموع اتســــابگن 
باچر اولا  واحد ايخلي الزمن
جاسم ايذكرها بعيون الحسن
چفوف جاسم بالدمه ايحنّونها
___
تنظـــر العباس واتطيل النظر
باچـــــر ايگطعون چفه عالنهر
وابو اليمه ينكســر منه الظهر
ومن یروح اهل الرجس يسبونها
ــــــــ
راحت العبد الله زينب شبگته
طفل وانباگت وسافه ضحكته
امن العطش زرگه تناظر شفّته
ورگبته الحلـــــــــوه تغير لونها
ـــــــ
تنظر اعلى حسين وتهل الدمع
باچر ايگطعـون راسه وتنفجع
وتدري بالخياله تسحگ عالضلع
وسرجه ملوي من يجي ميمونها
ـــــــ
باچر اتنادي عڰب موت الأبـــي
آه وايلاه ياجـــــــــــدي النـــبي
ٱنه عکب حسين اروحن للسبي
وروحي بشچم نايبه ايفجعونها
ـــــــ
حيدر بشار الدراجي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

البكَه براسك .. انحمل راسه
انسلب ثوبه .. المهر داسه

يااااا مهدي
**

طاح الحسين عله الرمل .. ومن السحك جسمه نفرش
طحن الرحه حسين انطحن .. و ماجمع أعضائه النعش
مشلوع كَلبه من الذبح .. طبرات البنحره اثنعش
وميت قبل موته شكثر .. مااات الحسين من العطش

تره لسانه .. خشب صاير
‏على صدره .. اثر حافر
يااا مهدي

**

ومن الخيم زينب اجت .. وتعنته تركض ركض
تركض اجت زينب اله .. و هاي الطلابه الما تفض
وشبيها يا حيل اليضل .. تتوجه زينب ع الارض
جدامه الخيل من اجن .. بيه اركضن طول وعرض


زحف يزحف .. اجه عليها
متت زينب .. يحاجيها

*

يا مهدي حارت عمتك .. شتتحمل الحره بعد
من صاحته حسين وسمع .. لم روحه ولزينب كعد
بس بالرجل داسه الشمر .. من هالوجع جا شنهي أشد
جدك على وجهه انكَلب .. فوك الضهر شمر الصعد

على وجهه .. يكلبونه
من المكَفه .. يذبحونه

يامهدي

****

من هدئت اطبول الحرب .. التمن ابهيده واجن
وحده بضهر وحده الزمت .. بين الجثث كلهن مشن
مطموم جسمه من الحجر .. يوخرن بالاحجار اكعدن
ولزمن يمينه والاشد .. اصبع نقص بيده لكَن


نقص بيده .. صبع طايح
ويدورنه .. الصبع رايح

يامهدي

***
ومن الصبح صار السبي .. والمسبي تكتل حالته
فوك الرمح صار النحر .. مشيول زينب شافته
جا بن اله ماي واجن .. انزلي زينب صاحته
ابنياته كلهن حاولن ماوحده منهن لاحته

ركض ركضن .. يحاجنه
الرمح عالي .. شيلوحنه
خالد عبد الساده البديري

عصبوها خيول عشره وداست بصدري الضهر
والحوافر طشرتهه ضلوعي من كتر الكتر
الخيل تاخذني وتردني وكل ضلع ماينكسر؟
ترجع الخيل الثچيله الصدري ودوس شكثر

ويارايحه .. ويارارده الخيل علصدري
وعمامتي .. داسوهه وشمروها حدري

كل مايعبرني أنتفض وتردهن الخياله

@@@@@@@@@@@@@@@@@@

زينب بخيمتهه تسمع مافزع چا وين أخوه
خل يگوم يشوف أخيه شلون بالطف طشروه
طلعت ام عون الحنينه تلطم وصاحت يبوه
ليش هيج الله ولحد چي وحيد أستوحدوه

محتاره .. ومهضومه سمعت ونيني
حاطوني .. وهضموهه وردات تجيتي

سمعت ونيني وحشمت عباس راعي الغيره

@@@@@@@@@@@@@@@@@@

گوه ألم حيلي وگومن وحدي والكل هاده
كلشي ماخلت عليه الناس مدري شرايده؟
عود ماهطويب أنه غير زلمه يسانده
موش خيل أدوس بيه يارايحه وياراده

ذبحوني .. وشتموني وفرن خواتي
الياذييني .. وبچاني طگو بناتي

ياكون تخلص بالذبح وأم الخدر مامونه

@@@@@@@@@@@@@@@@@@

زينب تحشمني أگوم تصيح ياشمامي
محد يزاودني بيك حسين يابو خيامي
هيه مو فرهود خويه؟أتفرهدت جدامي
ليش ذبحوك علريجك ليش ميت ضامي

وهدومك .. مسلوبه وبهيمه عاري
مچوينك .. ياخويه بحر الصحاري

والحيل منك ياعلي ذبحو أخير أخواني

رسول رياض

"" فزاعيه"" مولاي سيد الشهداء عليه السلام يوم #العاشر

((حيرةّ العقيله))


خويه حسين محتاره
عليك وتــمرگّ الغاره .. خويه حسين خويه

""""""""""""""""""""""""""""""""""""""""""""""""'''""""

مابيــــــــاش اصد الخيل من بعيد اتنوع
الحافر من يدوس عليك هيچ بصدرك ويطبع
وانته ضلوعك الترفات خويه اتكسرن واسمع
بلوه الخيل خويه شلون جسمك صاير مگطع

جسمك داسو أكتاره
عليك وتمـرگ الغاره .. خويه حسين خويه

""""""""""""""""""""""""""""""""""""""""""""""""'''""""

من خلصت دوس الخيل جاك الشمر متعني
وآنه أدنه شـــافاني نهرني وهم بعد سبني
بس كتله ارد أودعنه وبجعب الرمح طگني
ظل ايرفسك وگلــبي يلچلمني يخـال ابني

عبرتي بـــنار عـباره
عليك وتمرگ الغاره .. خويه حسين خويه

""""""""""""""""""""""""""""""""""""""""""""""""'''""""

هاي النار فوگ النار ياخيماتي حرگوهن
اركض واسمع يصيحون حيل وبعد سلبوهن
ارد عليك اسمع صوت حتى أجدامه اگطعوهن
احتاريت بكبر فرگاك ويصيحون طلعوهن

المخيم ضاعت اخباره
عليك وتـــمرگ الغـاره .. خويه حسين خويه

""""""""""""""""""""""""""""""""""""""""""""""""'''""""

اركض والمخيم نـــار ياروحي بـقهر موتي
اصرخ والعيال هواي شو مافرزنو صـــوتي
تردم بينه خيل الگوم والــــدخان تــــابوتي
ذيچه عاتكه بنص نار ماتسمع صحت فوتي

الخيمه أصبحت گباره
عليك وتمرگ الغــــاره .. خويه حسين خويه

""""""""""""""""""""""""""""""""""""""""""""""""'''""""

گوه معارك ويه النار ضعني بهيمه ضعيته
بس صديت مدري شلون راسك عالرمح شفته
اكولن ذاك اخوي حسين انته حسين مو انته
صفنت وفززاني السوط گوه السوط جارعته

وآنه دموعي تتجاره
علـيك وتمرگ الغاره .. خويه حسين خويه

عبد زينب
محمد الابراهيمي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

لحن(حيرة العقيله)
بصوت
ملا حسن الربيعي
كوت

مقدمه

للطفل الرضيع


من ضك العطش بينه
عبدالله عله اونينيه
ومه اتگلي يحسينه
هاك اخذ الولد
-------------------------
بنص گلبي خليته الولد متعني ذيج الحومه
اترجه شِربه للطفل ذبل الماي ارسومه
يرفرف بديه امن العطش وزاد اعله همي اهمومه
جبته اوريي جبدته مو يرتوي امن ادمومه


جبته يرتوي ويشرب
مامتوقع الاصعب
نحره بسهم يتصوب
عطشان اولد
-------------------------------------------
شلته بديه وخاطبت ياناس اطلب شِربه
ان جان ذنبي قاتلت هذه الطفل ماذنبه
اخذو انتو للعذب وخل يرتوي من عذبه
يناس سمعو لوعته العطش حارگ گلبه

ردولي جواب اغرب
سهم امثلث امشعب
صوب نحره وتخضب
من دمه الولد
---------------------------------------
سهم المثلث بي شِعب ونَحر الطفل جان ازغر
من لاحه ماسوه جرح گص رگبته امن المنحر
من هيس ارطوبة دمه فز من اديه اودور
حسباله ماي ويرتوي گلبي عليهه اتوذر

زغير بعده عبد الله
سهمه بالنحر صله
بذنه اهمس اسم الله
مبذبوح الولد
-------------------------------------------------
صابو ابنبله امثلثه وسكن حنينه اوونه
كدرت طوله ويلسهم السهم اكبر منه
توه عدل ليش انذبح خلوني اعيش بحزنه
شحچي وشگولن للخيم لو ناشدوني عنه


وشلون ارجع الامه
ابني سابح ابدمه
بووجهي فاضت الهضمه
من راح الولد
---------------------------------------------
علي سليم الحسناوي

( ليل العاشر الامام السجاد ع)



         باچر سفر ،، باچر قهر
       والحادي مو عمي الگمر
                 
                       ================    
         يـزينب لـمّـن الـعيلـه
         وداع أوياچـن الليـله
         علينه البين شدحيله
          مصيبه ،، مصيبه
تعـالن يالفــواطــم نـگـعد ابـخيمه
كـل واحـد يسولف  باچر أبضيمه
علينه الخـيل تغبش تشبه الـغـيمه
يشـح المـاي وتصير الجرب هيـمه
       يبدي الألم
               تبچي الحرم
                        بين الخيم
          والدموعهن يجرن مطر
               :::::::::::::::::::::::::::::::::::::::::
           بـس الليله ويـانـه
          عمي الگمر وخوانه
           باچـر تفـزع أعـدانه
            مصيبه ،،، مصيبه
  نرئ ابمصباح عاشـر كـل درب ينسد
  تجينه اخيولهم وتخيم اعـلـه الحـد
  معلوم الـعـطش وكـت الضهـر يشتد
يضـل جـمر الطفـوف أسنين مـاتبـرد
         نار وتشب
                   بين الغرب
                          وسط الگـلب
              ياوسفه حيرنه الدهر
                :::::::::::::::::::::::::::::::::::
         من صوب الفرات اسمع
          خـيـل أوزلـم تـتـجـمـع
          تـتـقــدم ولاتــرجــــــع
            مصيبه ،،، مصيبه
أذن مصباح باچـر  تنتهي احـلامي
أشوفن كل هـلي أيطيحون جدامي
والاكبر ينذبح مـن الـعـطش ضامي
والعباس عـمي  اعلـه النـهـر دامـي
    شنهو  السده
              بين الـعـده
                         ضل وَحده
     وعيونه جف منهه النظر
                 :::::::::::::::::::::::::::::::::::::::
          مذبوح ألچن إيرده
          دم النـحر يتـبـده
          مثل الجزر والمده
          مصيبه ،، مصيبه
يضل بس الطفل وقت الضهر قبله
بـدال الـمـاي عـدهـم بالنحر نبـلـه
يـرجـع للخـيام وصـوتچن يـعـلـه
مصيبة يوم عاشر صعبه موسهله
    يمشي ابألم
               بين الخييم
                          گلبه انلچم
          كل ساعه عنده اتمر شهر
                     :::::::::::::::::::::::::::::::
           تبقئ الحرم بالهميه
          بالطف ماتضل خيمه
           كلمن يبتلي ابضيمه
             مصيبه ،، مصيبه
هلي يحچون بالطف وانه چنت ازغير
اعـلـم يـوم عاشر كـلشي راح إيـصير
ابوي ايطيح باچـر والجيوش اتغير
گـالـو تـضـل وحـدك واليتامه اتحير
  بيدك حبل
               فوگ الهزل
                           دمعك يهل
       وحسين مگطوع النحر
                      :::::::::::::::::::::::::::::::::::::
       ✍️  فاخر علي الشبيبي

خويه جابوهه النوكَ من يعدل ناكَتي
حرمه بين الشمات صعبه تنزل دمعتي
.................................................................
خويه من شفت النوكَ صوبن دلالي
امشي بيدي الحبـــــال هاي موش بالي
جانت الكَاع تمــــوت خجل من خيالي
هسه بين الاجنـــاب بعد عين الوالي
ومن اجر نفسي باه خاف تطلع حسرتي
.........................................................
هذا يضربنه يــــريد ذاك يشتــــم بينه
تلوذ من كثر الخوف وبعباتي سكيـــنه
والخدر يخت حسين كلهه صاحت وينه
ماكو بالطف رجال
ماخزرنه بعينه

والحزن من هاليوم رافكاني برحلتي
....................................................
خويه مشوهه النوكَ والشمر حاديـــهه
كَال زينب يـــــرجال لازم انبجيــــه
دمعتي شلون تطيـــح وشامت يصد اليهه
ياهي مثلي ويجور هالزمان عليــــــهه
ومن اصدن للروس ريت راسي ويخوتي
...............................................................
ماتكفو بالصار عالنهر مروني
فوك جرح اليتام بهل خبر فجعوني
ذني صاحو جفين وبالكَلب صابونـــي
ذاكه خوج بلا راس كلهم ينادوني
حرمه مابين اشرار خويه تصعب حالتي
............................................................
كربله خلت اه ونار شيطفيـــــهه
روحي جمر الخيام كل مسه يجويـــهــــه
من شفت بت حسين زجر يضرب بيـــهه
صعبه زينب عبــاس شامت يماشيــــــهه
وياجرح برظ الشام اليه ضمت دنيتي
...................................................................
شكَد صعب درب الشام وانه ماماشيته
كَلبي من كام ينوح بالصبر وصيته
ضيم اليهد اجبال ياشهم حمليتـــه
ياعمر بالجمات من الزغر كَضيته
من حرك باب الدار رافكتني مصيبتي
خادم اهل البيت
فلاح طالب الماجدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

مشه الحادي بضعنه .. ولا واحد تبعنه
غريبات .. غريبات
.....................
شجاوب وانه التل شيباني
خضر بالدمع كد ما سكيته
من اذكر دلالي وهودجي ذاك
وخدري البالطوايف شاع صيته
تاليهه عله هزله وجفي مشدود
هذا احساب ابد ما حسبيته
امشي ويل غرب واكسر گلب نوك
شيبت الدرب كد مامشيته

كل جدم المشيته يخضر اجروح
اصد الروس اخوتي وتطلع الروح
شابن حتى العيون .. ناس علينه يحجون
غريبات .. غريبات
...............................
يا مثلي اميره فراشهه الكاع
وعمرهه اتعده عالخمسين واكثر
الاحبال ابديه وخشنه الاحبال
وكل يوم انضرب يا ناس وانجر
من كثر المصايب بايد الحيل
هم شفتو بشر بخياله يعثر
مجلبات ويروحي جروح الطفوف
وكلشي البيه من الضيم صوفر

اموتن بالدرب يوميه موته
يا مثلي انسبه وي روس اخوته
وادم كالو امنين .. جلمه ودمعت العين
غريبات .. غريبات
٠٠٠٠ ٠٠ ٠٠٠٠
علاوي مخدرات ربات جبريل
باب الخيمه النه وماسمع صوت
اهل البيت احنه والنبي كال
بصحاري نبات ما لفتنه البيوت
تتفرج علينه انجمعت الناس
ويوميه بشكل نتضوك الموت
وصل ظعن السبايه وادم تكول
زينب كون اول هيه التفوت

عليه الشام صبت كل غضبهه .. اخت عباس خل نحرك كلبهه
شكثر وادم يكرهون .. علينه من يصيحون
غريبات .. غريبات
...................
كبل جانت زينب ذيجه ام عون
مسبيه وغريبه اليوم جنهه
محنيت ظهر وفاكده الحيل
وصار الحزن يتوضه بحزنهه
المكيوده عله هزله ومالهه اخوان
ما تكدر تشاكف عن متنهه
واسمع ناس غاد عليه يحجون
ذاك عله الرمح يمكن ابنهه

احير بجرح اخوتي والولد فدوه .. اشد حبل الصبر وكلبي يتجوه
وصاحو ذني امنين .. شوكلهن نساوين
غريبات .. غريبات
..................
بنات المرتضى وربات الحجاب
هضيمه محركه من الطف عبينه
يذبحنه الفشل مزاحم عيون
وحده تحاجي وحده الكفل وينه
جان اخيالنه ايضمه عباس
من كثر النظر هسه نخزينه
طبتنه المجالس جانت شلون
ناس تبيع بينه وتشترينه

جاوين الخدر والهيبه راحت
خوارج كلهه بالديوان صاحت
وانه مهبطه الراس .. علينه شكالت الناس
غريبات .. غريبات
...................

خادم اهل البيت ع
فلاح طالب الماجدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

خويه ولشامت كال
اله شدج بحبال
وينه عباس يزينب
وينه عباس
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

وينه عباس يزينــــب
جلبت بالسانه
وشكد يضحكون خويه
لو جمر جوانه
دنيه ماتنحسب دنيــه
ونته ماهو ويانه
نهظمنه يبو الغيــــره
وجم نذل سبانه

والدمع عالخد سال
خويه والشامت كال
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

واحد يحشـــــم ابواحد
بت علي طلعوهه
وبضعنه عالشـــــريعه
مجتفـــــه مروهه
ولو وصلتو البو الغيره
عالمتن ضربوهه
وبالكفاله وبخــــــدره
لو نست ذكروهه

حرمه مابين ارجال
خويه والشامت كال
......................................................
وينه عباس يزينـب
ضل يردد بيهــــــــه
ظالم وكصده يخويه
زينب يبجيهـــــــــه
من جنت حارس خدرها
ياهو اليمر بيهــــــه
الكاع يتقدس ثراهه
اجدامي تمشي عليهه

وختك بهاذه الحال
خويه والشامت كال
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ذكرياتي البالمــــدينـه
بالدرب دفنـــــاهن
مارحم كبري وعظمتـي
جفوفي من شــداهن
شحال نسوان وثكالـه
وروس تمشي وياهن
الحادي ماكو بكلبه
رحمه بكل بلـد مراهــــن

اه يظيم الجمال
خويه والشامت كال
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

من وصلنه الشام خويـه
عيدت شو ناســهه
وجن احس ابروحي
تصعد ماترد انفاسهـه
بيازمن زينب يدنــك
يابو فاظل راسهه
هاي حالته العقيــــــــله
من رحل عباسهـــه

مصابهه يهد اجبال
خويه والشامت كًال
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خادم اهل البيت
فلاح طالب الماجدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

( هالله هالله حسين وينه بالسيوف امگطعينه )

طلعت امن الخيمه زينب ويلي عالحره السبيه

هذا اخوي حسين مرمي يا خلگ فوگ الوطيه

صعدت الخيل اعله صدره لحگي يالزهره الزچيه

منهشم ضلعه ييمه والقميص امسلبينه

( هالله هالله حسين وينه بالسيوف امگطعينه )

ضامي يُمه حسين لاچن بعد يا ماي اليفيده

فوگ صدره الشمر گاعد يگطع ابخنجر وريده

ابو فاضل مين اجيبه المشرعه يُمه بعيده

بلا چفوف اعله الشريعه وانطفت بالسهم عينه

( هالله هالله حسين وينه بالسيوف امگطعينه )

اوليدچ الغالي يزهره فايض اعله الغبره دمه

من كثر سحگ الحوافر صار من كل صوب جسمه

جيته محترگه العبايه بيش حاچيني المّه

حضّرو نوگ السبايه ابسرعه يُمه انلم ولينه

( هالله هالله حسين وينه بالسيوف امگطعينه )

اگبال عيني الشمر يُمه راسه فوگ الرمح شاله

ابراس اخوي حسين احيرن لو اروح احمي ابعياله

سوطه ملفوف اعله متني والشتم هسه حلاله

فرت النسوان ويلي وما رحم حتى بچينه

( هالله هالله حسين وينه بالسيوف امگطعينه )

****

الشاعر اياد الديراوي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

زينب يا حامي الجار حيرها وكتها
ما تدري بيها شصار حرگت خيمتها النار
***
محنتها زينب بدت صبح العاشر
من صاح ابو الاكبر ألا من ناصر
بين الخيام الوحده واگف حاير
وعالنهر كل ساعه يدير الناظر

عليه التمت الگوم وعينه عله المخيم
بحالة زينب احتار حرگت خيمتها النار
****
صابو جبينه بحجر وشتد جرحه
حسينك صباح الله وتخضب صبحه
هذا يطعنه بسيف ذاك برمحه
ساعه ويجي راح الشمر ويذبحه

بصدره غيمة اسهام وهد حيله المثلث
خيل وغربه واخطار وحرگت خيمتها النار
***
نايم حسين عله التراب اتنظره
ويمه الشمر گاعد يحز بنحره
بسيفه اثنعش طبره تشوفه ايطبره
من ايگوم عنه الشمر يرفس صدره

يرفع راس الحسين يمها برمح عالي
تنظر كل الازغار حرگت خيمتها النار
**
عالجسد كلها التمت اتسلب بيه
وسلبو اهدومه وماكو وصله تغطيه
هذا البصدره ايرفسه ذاك برجليه
وصاحت اشگد ياخيل كافي تسحگيه

المحبس منه سلبوه واصبع ايد ضايع
شتنفع گلي الاعذار حرگت خيمتها النار
**
تدري بناتك ياعلي شافن ويل
سوط وحبل تله ورمح ناس وخيل
عله امتونهن بالسوط ضربوهن حيل
وماعدها خيمه زينب وصار الليل

الليله بزينب شلون وين تنام حيره
بيها تحيط الاشرار حرگت خيمتها النار
**
بالطف بناتك ياعلي ياهو الهن
جابو احبال وجتفوهن كلهن
يسبوهن الما لمح واحد ظلهن
وعالهزل زينب صعدوها اولهن

زينب راحت للشام ياحيدر سبيه
وتولوها بحجار حرگت خيمتها النار
**
تمت
ميثم العمري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

زينب يا حامي الجار حيرها وكتها
ما تدري بيها شصار حرگت خيمتها النار
***
محنتها زينب بدت صبح العاشر
من صاح ابو الاكبر ألا من ناصر
بين الخيام الوحده واگف حاير
وعالنهر كل ساعه يدير الناظر

عليه التمت الگوم وعينه عله المخيم
بحالة زينب احتار حرگت خيمتها النار
****
صابو جبينه بحجر وشتد جرحه
حسينك صباح الله وتخضب صبحه
هذا يطعنه بسيف ذاك برمحه
ساعه ويجي راح الشمر ويذبحه

بصدره غيمة اسهام وهد حيله المثلث
خيل وغربه واخطار وحرگت خيمتها النار
***
نايم حسين عله التراب اتنظره
ويمه الشمر گاعد يحز بنحره
بسيفه اثنعش طبره تشوفه ايطبره
من ايگوم عنه الشمر يرفس صدره

يرفع راس الحسين يمها برمح عالي
تنظر كل الازغار حرگت خيمتها النار
**
عالجسد كلها التمت اتسلب بيه
وسلبو اهدومه وماكو وصله تغطيه
هذا البصدره ايرفسه ذاك برجليه
وصاحت اشگد ياخيل كافي تسحگيه

المحبس منه سلبوه واصبع ايد ضايع
شتنفع گلي الاعذار حرگت خيمتها النار
**
تدري بناتك ياعلي شافن ويل
سوط وحبل تله ورمح ناس وخيل
عله امتونهن بالسوط ضربوهن حيل
وماعدها خيمه زينب وصار الليل

الليله بزينب شلون وين تنام حيره
بيها تحيط الاشرار حرگت خيمتها النار
**
بالطف بناتك ياعلي ياهو الهن
جابو احبال وجتفوهن كلهن
يسبوهن الما لمح واحد ظلهن
وعالهزل زينب صعدوها اولهن

زينب راحت للشام ياحيدر سبيه
وتولوها بحجار حرگت خيمتها النار
**
تمت
ميثم العمري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

القصيدة من وزن الفائزي
ملمع...
.
عظّـم اللهُ لكـم. الأجـر بالحُسين
.
مات الهوه ومات الضوه
وكل نسمه بالروح
گمـت انظـر الطـف نيـنوى
بدمـوع الجروح
بيها الحُسـين اعله الترب
ظل دمه مسفوح
بـسـيف الـشـمر بالنـايبـه
ظل نحره مذبوح
.
ثابتاً يوم الوغى.
بالعـزمٍ لا يلين
عظّـم اللهُ لكـم. الأجـر بالحُسين
.
.
.
ياشيـعه تـربة كـربله
مـزروعه بســهام
شفت الشمر متباهي گاطع
نحر اليّمام
مخنـوگه نسـمات الهوه
بدخان الخيام
نار وجمـر من كل كتر
ومـراكض ايتام
.
قد أتى صوت الردى
بالحزنِ والأنين
عظّـم اللهُ لكـم. الأجـر بالحُسين
.
.
.
ارض النوايب هالمسه
مفــروشــه بالــروس
بيها الحُـسـيـن بصدره انظـر
حــافر ايدوس
سيف ورمح نبل وحجر
كل جسمه متروس
زينب شفــتـها بالبـواچي
بمنـحره اتبـــوس
.
قَدمت قُربانَها.
للحقِ واليقين
عظّـم اللهُ لكـم. الأجـر بالحُسين
.
.
.
تعـفر ابـو الـيمه بدمـائه
مخـضب اخضاب
فتـحـو قمـيـصه وبتـدى
تسـليـب الثياب
ياويلي گلبه مـن النـوايـب
والهــظم ذاب
سيفه انسلب وي خاتمه
ولخنــصر انعاب
.
فكتوى بِجُرمِهم
في قلبهِ الحزين
عظّـم اللهُ لكـم. الأجـر بالحُسين
.
.
.
محتار اترجم كربله
بـيا صوره منها
وياحره بـيها الابتـدي
واذكر حـزنها
شفـت الربـاب امگـيده
بگماط ابنها
رمله بحزن جاسـمها
تنعاه الحسنها
.
فخرها إذ شِبلُها
شهيدُ الصادقين
عظـم اللهُ لكـم. الأجـر بالحُسين
.
.
.
انـظـر رقـيـه والـشـمر
يـنشـد عليـها
گالـوله ذيچ أويـه اليتـامه
امـسلبيها
گلهـم اريـدن بالحبـل
اچتــف اديـها
اسطرها وهظم زينب
واسمع بچيها
.
دمعُها إنْ ينّسجل
ذا كنزُنا الثمين
عظّـم اللهُ لكـم. الأجـر بالحُسين
.
.
.
مـا تنـحـني لبـوة علـي
أشــما ولــوها
ما تنـهـظـم كـلمـا ســبيه
وصــفّـوها
مأتــزره لجــل النــايبــه
هــيــبة ابوها
بت فاطمه ويكفي الفخر
عباس اخوها
.
تَرجلت لِسبيها
بصبرٍ الناطقين
عظّـم اللهُ لكـم. الأجـر بالحُسين
.
.

حسن الموالي الفاطمي

.

عطر الانفاس..

............................
خايف عالنفس ينكطع خوف افراك.
موخايف اموت .وتخلص. ايامي.

خايف من عزائك انحرم يحسين
وتعذب وأضيع.. بصفنت.. اوهامي..

ادور عالهوى موحتى عمري يطول.
حتى اشتم عبير المنذبح. ضامي.

الّهي بجاه كسرت ظهره عالعباس
لاتكَطع .هواي.وتكَطع..احلامي..

حط بيه نفس بس ياحسين يكول.
حتى بكل حرف...الكاه.. كدامي..

اريد اشتم هوى بي حرگ نار اخيام
بي زينب تصيح احترگت اخيامي.

بي تركض رقيه بنص عجاج الخيل.
بي حسرت أبو ..يحظن طفل دامي.

اريد اشتم هوى بي ريحت الزهراء
من داخل ضريحه .وتشفه اللامي.
..............................

دعيت الله الكلب لحظه ميلهه.

وتظل روحي لبو الاكبر ميلهه.

بخيالي اطفاله من تطلب ميلهه.

ساعت رجعته من اوداع اخيه.
...................................

✍️ ابو منتظر الحجامي

يا مايله الدنيا وي زينب
******
ابجروح گلبي اتعذبت وبروحي حيره
والعايشه  اسهام الغرب  اختك اسيره
ردت   فزعت   كافلي   شيخ العشيره
تريد زينب  يخوتي    كل عنده غيره

يا مايله الدنيا وي زينب
*******
محنيه وآهات الهضم تشرحهه الأحزان
رجعت  يخوتي  كربله من  دون  خوان
يسبوني يردون الغرب والحسره عنوان
مهضومه  زينب  حشمت ياگمر  عدنان

يا مايله الدنيا وي زينب
*******
مهدوم حيلي بالهجر  والحسره  بيه
واهموم   گلبي اتزاحمت يوم المنيه
لسه  وبعدني بحيرتي  زينب  سبيه
والشام ماخذ  نحلتي تبچي الزچيه

يا مايله الدنيا وي زينب
*******
مرمرتني الدنيا خويه وشوف حالي
حال  الغريبه الحايره من دون والي
راحو احباب اشكثر من عندي غالي
احسين يجرحني الدمع طول الليالي

يا مايله الدنيا وي زينب
*******
ذبحتي  بالطف  عشتهه طول السنين
والمصيبه الحنت ظهري عمري خميس
زينب     انه    ويني   وين   الدواوين
ردت يم  حجر المنيه  يحضر احسين

یا مايله الدنيا وي زينب
*******
تمت بعون الله تعالى الشاعر_يوسف_الفتلاوي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

واحسينا واحسين
،،،،،،،
حسين ياروح الزچيــــــه
ياذبيح الغاضريــــــــــــــه
وداعت ابنيتك رقيـــــــــه
العطّشك ما عنده ديـــــــن
،،،،،،،،
ويلي يامهچت الزهـــــــره
الداست الخيل اعله صـدره
گبال اخيته انذبح نحـــــره
ذابحك شمرُ العيــــــــــــــن
،،،،،،،،
فوگ صدره الخيل جـــالت
وكربله من الحزن مالـــــــت
وبت علي دمعته سالــــــــت
تصيح چا عباس ويـــــــــــن
،،،،،،،،
خل يجي العباس وينــــــــه
الجابني من ارض المدينــــــه
حسين اخونه مگطعينـــــــــه
ونتخت بسم الحنيــــــــــــــن
،،،،،،،،،
هوسوا بالراس يمهـــــــــــــــــا
واكبر من الكون همهـــــــــــــــا
يغلي ضل ام عون دمــهـــــــــا
بت امير المؤمنيــــــــــــــــــــن
،،،،،،،
حرگوا الخيمه عليهــــــــــــــــــا
وشبگت ارقيه بديهــــــــــــــــــا
لا ابو فاضل لاوليهــــــــــــــــــــا
خوانها متذبحيــــــــــــــــــــــــن
،،،،،،،،،
تلگت الگوم الاجوهــــــــــــــــــا
بحزن أمها وصبر ابوهــــــــــــــا
مات اخوها وچنها اخوهــــــــــا
هوه عين وهيه عيــــــــــــــــــن
،،،،،،،،،
خذت دور الكمر نفســــــــــــــه
الخايف اتأمنه وتحرســــــــــــه
هل صبر واجب ندرســـــــــــــه
منه نتعلم يقيـــــــــــــــــــــــــن
،،،،،،،،
هاي بت حامي الدخيــــــــــــــل
صاحت بصف القتيــــــــــــــــــل
ما رئتُ الّا جميــــــــــــــــــــــــل
يا اله العالميــــــــــــــــــــــــــــن
،،،،،،،،،،
لخادم الحسين ع
محمد الفهداوي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

تدرون لو ما تدرون
ام عون وادور عون
يخوانها .. يخوانها
................................
فوك الهزل بت حيدره وابلا محامل
مسبيه تمشي وي الغرب بعد ابو فاضل
ام الدلال ام الخدر وما عدها كافل

عالنوك زينب عالنوك
وللسوك طبت للسوك
يخوانها
والغرب بيها يحدون
ام عون وادور عون
يخوانها
...................................
تمشي وي جتال الاخو هاي المصيبه
والكفل ضل عالمشرعه بله شيجيبه
من ديره ولديره الضعن صارت غريبه

كفال ما كو كفال
والبال مشدوه البال
يخوانها
وبالسوط زركه المتون
ام عون وادور عون
يخوانها
..................................
عباس من حر الشمس كلبت عباتي
وبالسوط جايبنه الشمر انه وخواتي
ياريت يمك عالنهر خلصت حياتي

الموت اهون الموت
ولا بين شماته تفوت
يخوانها
نبجي وعلينه يضحكون
ام عون وادور عون
يخوانها
.....................................
محتاجه فزعتكم الي يا اهل الحميه
عباس باجر للقصر ادخل سبيه
وبين الزلم لمن اطر بحبال اديه

يا حيل يبقه يا حيل
وبزينب الناس اتعيل
يخوانها
جا وين حامي الضعون
ام عون وادور عون
يخوانها
...................................
ابو حسن الجعاري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي