قصيدة بحق السيدة رقية عليها السلام عندما خرجت في ليلة ١١ محرم لكي تسقي اباها الماء جديد


هذا الماي جبتة وياي يا بوية
بوية حسين طايح وين يا بوية
يا بوية يا بوية يا بوية
==================
يتعثر اجيت هواي جدمي
ادور بالجثث يا صوب مرمي
رقية بنيتك وجيت انشد عليك
جسمك عالتراب الحار مدمي

ناديتك رقية
يا راعي الحمية
دماك التارسة الگاع
من نحرك جرية
دربي بعــيد اشــر بـــيد يا بوية
جيش وليل شفت الويل يا بوية
يا بوية يا بوية يا بوية
==================
احط اعله النحر ماي واشربك
هلبت يــرتوي من الماي گلبك
اشكيلك اجيت اگعد يعطشان
گوم وياي ايتامك تطلبك

فرت بالبراري
وبحر الظهاري
وينك يالولي تصيح
يالما عنا داري

بگلبي النار بيك اشصار يا بوية
وين انروح يالمـــذبوح يا بوية
يا بوية يا بوية يا بوية
=================
من نحرك اريدن حيل اشمك
يا بوية واخافن لا الچمك
ماظل بي مچان اشتمة وارتاح
مطبر بالسيوف هواي جسمك

مرضرض بالحوافر
ظل دلالي حاير
يمك اگعد شلون
وذرة و وذرة صاير

عيني تشوف طبر سيوف يا بوية
جروح الآف ما تنــــراف يا بوية
يا بوية يا بوية يا بوية
=================
اخذني وياك يالرحت من ادية
اليتيم شلون حالة ابلا تچية
التموت احبابة چا المن بعد ضال
يموت وياه كون المات ابية

ما ضلي محامي
من راحوا عمامي
يا بوية الله وياك
هذا اخر كلامي

بية شلون ما تدرون يا بوية
ميتة وياك لا فرگاك يا بوية
يا بوية يا بوية يا بوية
==================
الله وياك بوية انريد نرحل
شفت حبال جابوا نوكَ هزل
لا تبطي علية ومرني بالطيف
من غيرك اعيش شلون تقبل

احبال بادينة
ماينفع بچينة
باچر للسبي انروح
عنكم يا ولينة

دمعي ايسيل انحب حيل يا بوية
ليلي مخيف مرني بطيف يا بوية
يا بوية يا بوية يا بوية
==================
اسالكم الدعاء رائد الاسدي

.
#وجه #الشمس
.
.
وجه الشمس مابي ضوه
اظلم   . نهاري . بنينوى
عطاب اشمن بالهوه..........
حبيبي ياحسين
.
.
آنه زينب وانت روحي وكل حياتي
انته بلسم  جرحي خويه .  بنايباتي
چنت اظن عاشر محرم بي وفاتي
لکن بحبل السبي صارت نجاتي
.
عطر امي فاح ابکل کتر
يعني الدمه منك يدر
طايح يخويه شنتظر........
حبيبي ياحسين
.
.
.
شلون اشوفك والمعاره كلها ظّلام
والدرب يشهگ هوه دخان الخيام
خويه دلاني اعله جسمك كسر العظام
گلي  سحگو  بالحوافر صدر اليّمام
.
مذبوحه انظر  دمعتك
فوگ الترب وي رگبتك
امي الزچيه  حضرتك...
.حبيبي ياحسين
.
.
.
خويه من عاشر محرم حل ظلامه
شدو   ابحبل ا لخيم  كل  اليتامه
خوله تندب وي حميده هالظُلامه
سكنه شدوا چف  اديها  بالعمامه
.
رکبت  رقيه اعله  الهزل
مچتوفه  بگماط  الطفل
مدمعها  من دم ظل يهل
.حبيبي ياحسين
.
.
.
كلها صاحت العقيله سَلبوها
يمها سبو فاطمه وسِبو ابوها
عالهزل هاي المسيه رَكبوها
شما تنادي مايجي عباس أخوها
.
ضربوني خويه وما صحت
ضلعي انحنى بس ماطحت
مجبوره عنك من رحت.....
حبيبي ياحسين.
.
.
.
رغم حزني ودمعي والگيد بأديه
اصبر وأكسر خشم جيش آل اميه
آنه بنت المرتضى حامي الحميه
أمي ربتني اعله هظم الغاضريه
.
بمنطق ابي باب العلم
من احچي تسکت الزلم
يعني فكرهم ينعدم...
.حبيبي ياحسين.
.
.
.
ماتهزني خويه صدمات المنايه
الشمر راواني راسك عنده غايه
يگصد اتشاهد رقيه هالنهايه
وانه اضم وجه اليتيمه بالعبايه
.
منك ولا شافت جرح
لاطبره لاطعنت رمح
عذر السفر ماينشرح.....
حبيبي ياحسين.
.
تمت ولله الحمد
لاتنسوني ووالدي من فضل دعائكم المبارك

.
حسن الموالي الفاطمي
.

.

محد فزع زينب الــج ... ليش
فرهد زمانج كل هلج ... ليش
ليلة الحادي مساهره ...
يازينب المظلومه
....1....
يا ذنب بله الجنيتي .... بالحبال اتكيديتي
واخوتج مو يم خيامج
لحضه الي اتيسريتي

ياكبر صبرج يزينب ... شفتي ابو اليمه تسلب
وللخيول الاعوجية .... صار اخيج جسمه ملعب

يمه وصلتي ابيا تعب ... ليل
عالكاع طحتي مو عجب ... ليل
كل هذا شفتي وصابره ...

.....2.....
حرمه بين ازلام كثره ... شابجه العشره اعله عشره
عجب ايدج ما رفعتي ... يالدعائج الله يقره

ركضتج موسهله صعبه ... عثرتج معناهه ضربه
انتي ستر الله يزينب ... وسفه صرتي ابين غربه

ما لايك اعليج الحبل ... دوم
لا لايكه اعليج الهزل .... دوم
خدر الله انتي الطاهره
....3....
يل عليج الخيمه حركو ... ومتنج ابلا رحمه طكو
هذا كله اتحمليتي... الصعبه جانت صدره سحكو

غالي جان اهوايه عندج... ابن امج خال ولدج
حسين ابو سكينه ورقية .... ابطيحته خلاج وحدج

يا حيرتج بعد الذبح ... موت
ما ردتي يطلعلج صبح ... موت
يفجع دليلج منظره
....4....
صعدت التل ماهي هينه .. بس سمعتي حسين ونه
كلشي مامر اعله بالج .. غير كلمة يا اهلنه

من شمر كرب ينحره ... صحت حضريلي يزهره
حسين راح ايروح مني... الشمر جاثي اعله صدره

عالتل وكفتج تنحسب ... عام
كل لحضه بيهه تنكتب ... عام
شيبج كطعت منحره
...5...
من خلص عاشر محرم ... البيه كل امصاب ملتم
المصرعه ابيا حاله رحتي .. شفتي طوله السابح ابدم

رمح البكلبه سحبتي .... يالعقيله لو تركتي
وسهم المثلث يزينب ... جبده طشر ما عرفتي

لملمتي جبده والظلع ... اه
رويتي شفته بالدمع .... اه
ايعينج الباري عالجره

...6...
لوعت الحادي اشكبرهه .. مو سهل يصعب امرهه
جم مصيبه وكسره شفتي.. بيها ما يصعب جبرهه

حالج الله ايعينه حالج ... امجمعه اكبالج اعيالج
وكلهه صوت اتنادي عمه ... انريد ابونه ما اجالج

جان الجواب بصفنتج ... نار
تشبه الحركت خيمتج ... نار
وسط العيون مجمره

.......

تمت

كلمات
موسى الخادم

حـــل ظلام العـــاشر وكلبي نعه
ريت حاضر يا علي ابهل فاجعه

....1....
وين ما ديــر النظر بخيامي نار
وخيل تتراكض ومرعوبه الزغار
وابو فاضل لا يمــين ولا يــسار
أمـدد ابلا شوف فوك المشرعه
...2....
عيونهم وكحه العدة علينه تحوم
لا اهـــل ظلولي لا ظلولي كـــوم
والشماتة هواي من اعثر واكوم
تضحك اعليه وضحكهم اسمعه
....3....
اشــد مــوقــف عذابني بالــطفوف
اكبال عيني حسين ذبحو بالسيوف
ريت حاضر يا علي بعينك تشوف
كلشي ما ظل منه سالم ارفعه
....4....
صورت العاشر يبويه ما تروح
باقية بروحي مثل نزف الجروح
شفت اخوي حسين ليتامه ينوح
كبل ما نحره شمرهم يكطعه
....5....
شرد اسولفلك يحيدر ما وفيت
المر علينه ابد ما مر اعله بيت
روس اخوتي امطشره كبالي لكيت
مو جهه وحده جهات الاربعه
....6....
حل ظلام العاشر وما مش خيام
والايتام امن التعب رادت تنام
ياهو احشم ولد ماكو ولا عمام
والاخوان اعله الشريعه اموزعه

....7....
ناشديتك يا علي حامي الــــدخيل
لية تحضر حملي غيرك من يشيل
عندي ماظل فكر لا ظل عندي حيل
لحك اعلي شوف عيني رجعه

.....
تمت
......
موسى الخادم

يا ليلة الحادي عشر .... ظلمه سماج ابلا كمر
مذبوح يم جرف النهر ... ما دوريتي

....1....

ظلامج ما حصل مثله ظلام
كئيبه وموحشه أبعين اليتام
خليّة امن الاهل وامن العمام
سكوت ابلايه ملكه ابلا كلام

بالعيون .... بالعيون ... بواجي ابلاية دمعه
على الراح ... على الراح ... اكظي اسنيني انعه

ليلت امسج جانت احن ... ما بيها طعنات ومحن
ما بيها مكطوع النحر ... خافن نسيتي

....2....

اشم حرك الخيم انه بهـــواج
وسبي اعيالي بعد ليله وراج
تــمنيت المـــنية ولا لـــــقاج
ولا اشوف الكمر خالي بسماج

تمنيت ... تمنيت ... كبل يومج وفاتي
على الكاع ... على الكاع ... تركت انه امنياتي

عكب اخوتي عمري دمع... ذايب مثل عود الشمع
شلي بعمر يخلص قهر .... لو ناشديتي





.....3.....

تمنيته علي يسمع نـــداي
يجي ايشاهد منو اليحرسني جاي
عكب عباس ابو الغيره وحماي
حارس خيمتي اجنود العـــــداي

ابا الغوث ... ابا الغوث .... صحت ادركني حيدر
وحشتي ..وحشتي .... غيرك منهو يحضر

باكت دلالي كربله .... واخواني راعين الهله
ما رحم دلالي الدهر .... هدم بنيتي




.....4.....

باجر بالحبل مجتوفه اشــــوف
وعلى طول الطريق انظر سيوف
اخوتي اعله الترب مذبوحه اعوف
هذا اول حـــلم ذابحني خــــوف

على النوك .... على النوك ... حده الحداي بية
بالاحبال ... بالاحبال .... مجتوفات ادية

هذا الحلم باجر يصح...وي طلعت اخيوط الصبح
اشبع سياط اعله الظهر .... لو صبحيتي

تمت
.......
الحمدالله رب العالمين
اللهم صل على محمد وال محمد
موسى الخادم

(( وينك يحيدر يا علي ... محتاجتك تحضر الي ))
بالطف اخوتي امذبحه
ما ظلي كافل لا ولي
****************
وينك يحّلال الشــدد… تحضر تحل شداتي
وحدي صفيت ابكربلة… بس انه وأبنياتي
كـــل الاخوان اذبحّت… واتحّركت خيماتي
وين انطي يابوية الوجه .. من يستمع صيحاتي

محد بقالي ابكربله ... كل الغوالي امجتله
بامر اليتامة اتحيرت
وشمر اللعين وحرمله
… .
احضر يحيدر ياعلي… احضر وشاهد حالي
كرب علي ليل اهدعش .. واسياطهم تبرالي
يابوية كل خطوه اصبحت ..اعثر أبجثت غالي
والزيّد اعليه القهر…ضحكات شمر ابالي


يابوية ضحكات الشمر ... خلتني للموت انتظر
صبري نفذ ياحيدرة ... وينك علي جارت كفر
… ..
فوك الترايب يا علي… عاين جثث خواني
بيهم الكوم اشمثلت…يعجز أيوصف اللساني
بالخيل سحكوهم سحك…دمهم وصل صيواني
ياحيدره واچم نذل… ميت فرح ﻻحزاني

حزني كثر كلبي انجرح ... وحسيني عالغبرة انذبح
أ يا مصابي ولوعتي
من كربلة وذاك الصبح
… ..
جم حافر الخيل العدة…نابت ابصدر حسينك
من غير رمح البلكب… ياحيدر الله يعينك
الف وتسعمية جرح…بحسين بيني وبينك
اتمنيت تحضر يا علي… واتشوف حاله بعينك

اظلوعة بسحكهم هشمو ... ولحمه ابرفسهم طشرو
ما ينعرف ابنك علي
بي كوم امية اشمثلو
…


ياحيدرة وعل المشرعة… عــباسك امكطعينه
ما ينعرف من الطعن… بســيوفهم والـــيــنه
لا يسرة لا يمنه البقت… عندة حبيب اسكينه
والعمد صابه ابجبهته… والسهم صابه ابعينه

عالشاطي سابح بالدمة ... خليته راعي الموزمة
بالراية غطيته وصحت
وينك يحامي الحمة
...
ابهوسات جابو يا علي… روس اخوتي كدامي
عباس وحسين النفل … مذبوح بالطف دامــي
شحجي وشسولفلك بعد…عل زاد بـــيه الامــي
شامت علي يضحك شفت… من شافني ابلا حامي

شفت الي ما شافت مرة ... بين الاعادي أميّسرة
ابكثر الشامته امحوطة
وابن امي نازف منحرة
… ..


جابــوهن احبال اليسر… صاحو يزينب وينج
باجر نجتفج بالحبل… وخنشوف ياهو ايعينج
عباسج اعله المشرعه… طايح وشافت عينج
وهذا العله الرمح ارتفع… مو هو نفسه احسينج

صاح الشمر يابت علي ... باجر اكودج للسبي
يا حيدر اليحضر الج
هم شفتي ميت يحتيي
… ..



الحمدالله رب العالمين
اللهم صل على محمد وال محمد
موسى الخادم…

(( يزينب خوية عينيني على الكومة... بعد لحظات راح أطول النومة ))
عليه اهدومي راح ايشككوهه
بحوافر خليهم من يسحكوهه
يزينب. يزينب
…
بعد ساعة زمن يا زينب أنتظري
تشوفين الشمر يصعد على صدري
يحط سيفه بركبتي ويرفس ابظهري
12 طبره يطبّرني كبل نحري

يفصلي الجسد ياخوية عن راسي... ما تبقالي روح ابكطعت انفاسي
وجثتي عالوطية يتركوهه
بحوافر خيلهم من يسحكوهه
… .
وحك جدي اصيحأ ظامي ارحموني
يحرموني اشرب الماي ويذبحوني
تسمعيهم يزينب من يشتموني
وتغصين ابعبرتج يا ضوه أعيوني

ما اشرب لذيذ الماي يالحره .. اروحأ بالعطش يم فاطمة الزهرة
جبدتي اكبال عينج يفركوهة
بحوافر خيلهم من يسحكوهة
……… .
يزينب مــن على التلة تشوفيني
سهام ابكـثرة يرمـــوني وتغطيني
يضربوني بحجر بالهامة وأجبيني
ويسيل الدم على اعيوني ويأذيني

يطعنوني ابرمح وسط الكلب خوية ... واسمعج من تنادين بحزن بوية
عيني اكبال عينج يصفكوهة
بحوافر خيلهم من يسحكوهة
……
يجردوني يزينب حــتى مــن لبسي
بساعت ما امـوت وينكطع نفــسي
هل المنظر تشوفة أعيالي أحترسي
احــس بيهم يــزينب مثل متحسي

اظلن بالشمس عاري بظهر عاشر...اعظامي امكسرات اكسرلج الخاطر
اوصالي الكطيعة أيعلكوهة
بحوافر خيلهم من يسحكوهة
…… .

راح اتشاهــدين الخـــيل تسحكني
وجم حافر فرس ياخوية يخنكني
بالج لا رقـــية أتجــيني تشــبكني
اخاف اعليهه من الصدمة تلحكني

يزينب خوية بالج تنظر الحالي .. صعب كلش صعب من توكف أكبالي
خوفي من بجيها اتفاركوهة
بحوافر خيلهم من يسحكوهة
…… .
ما يبــقالي يا زيــنب ظــلع ســـالم
صدري وظهري يتساوه وحك فاطم
وعليج انتي المخــيم يحــترك لازم
وعلى احــوالج تــظل تتفرج الـوادم

تفرين وعليج أعباية محتركة ... تنوحين اعلى حالي وحالج بحركة
اعظام أضلوع صدري ايطبكوهة
بحوافر خيلهم من يسحكوهة
… ..



يمرونج عـــلي يا خــيتي محـــنية
وانه بجسمي جروح الف وتسعمية
وغلاتج لو يظل بس النفس بية
فلا واحـــد يكودج خـــوية مســبية

اعذريني يزينب خوية من هسه... بعد ساعة اموت وعل صدر رفسه
وادينج بالحبال ايشبكوهة
بحوافر خيلهم من يسحكوهة
… ..… ..


الحمدالله رب العالمين
اللهم صل على محمد وال محمد
موسى الخادم….

(( صباح العافية يا والدي المذبوح ))
عليك الليل كظيته بواجي ونوح
لا تسالني اشلوني
عليك ابيضت اعيوني
ياوالدي المذبوح
**************
من اعتنيت… المصرعك ... ذيج المسية وشفتك امدمة
مابطلت … عيني البجي … اعليك ابسوادة ليلة الظلمة
بعيوني الك… ظلت صور … تكسر الخاطر بيها جم لجمة
نزف النحر… كسر الظهر… وجروحك الفوكاك ملتمة…

غير الف وتسعميت اجروج البيك
شافت عيني واحجار الذي مغطيك
الصاير بيك شوفوني
عليك ابضيت اعيوني
…… .

ليلة امس… ماتنوصف… امن اصعب الليالي المرت اعلية
ما غمضت ... عيني الجفن ... من البجي ما ظل نفس بية
اتخيلك… كل ساعة انه… من جنت تاخذ بيدك أيدية
واعله الصدر… لمن جنت… اتنومني يابويهه ابحنية

عليك اهواي حسدوني ابزمان الفات
هسة ادموعي تجري وتضحك الشمات
شكلك حيل هضموني
عليك ابيضت اعيوني

…… .
طر الفجر… وانا انتظر… جيتك يروحي واغلة من روحي
كل ساعه اكول…انه بحلم…ما مات ابوي الماتت اجروحي
ما حسبّت… تبعد علي… وتتركني وي احزاني اونوحي
اه اشعمل… بية الزمن… مني خذاك وهدم اصروحي

ريت اوياك اخذني والدي ياريت
شلّي ابعمري بعدك يا ملاك البيت
ريت اوياك ذبحوني
عليك ابيضت اعيوني

……
يا والدي … فوك الترب … وسفة تنام وتنسبي اعيالك
انت اصفة من…ماي العذب… ياترف حيل اشكطع اوصالك
ما رحمو… ابحالك عجب … لا واحد المنهم بجة الحالك
يا اشبه… ابطاها النبي ... ليش الملك جبريل ماشالك

المثلك عل الارض ما يبقى ساعة ويوم
تشيلة املاك ربنه للسماء معلوم
هيجي احبابي فهموني
عليك ابيضت اعيوني
…… .
متغيرة… ارسومك علي… ماجنك انت والدي الغالي
جم حافر… الخيل العدة… فوك سحك يا صاحب امالي
ثغرك يصب… ليش الدمة… جاوبني بوية وارحم بحالي
بية بعد… ماظل صبر ... متوجر ابنيران دلالي

ليش الخيل هيجي امغيّرة ارسومك
ومن كثر الرفس متشككة اهدومك
عليك اهواي بجوني
… ..
من الخيم… جيتك ركض… مشتاكة حيل الشوفت اعيونك
متعودة شوفك ...كل وكت... اشلونج تكلي واسأل اشلونك
عطشان اعرفك… من امس … مالاح ثغرك ماي واسنونك
جيت وجبت … ماي العذب… اكعد اتّروه يالذبل لونك

اجيت وجبته الك ماي العذب يحسين
اكعد روي جبدك وافتح العينين
اكعد خابت اضنوني
عليك ابيضت اعيوني
……
الحمدالله رب العالمين
اللهم صل على محمد وال محمد
موسى الخادم…

بظلام الليل اجيتك… ادور ما لكيتك ... يباب الله نخيتك
... دليني ابمجانك ..
تهت بالغاضرية… اصيحك رد عليه… انه ابنيتك رقية
… دليني ابمجانك ..
… ..
تايهة بالغـاضرية بوية دلـيني عليك
جلجل اعلية الظلام اشلون اوصل كلي ليك
امغيرين ارسوم وجهك ما اعرفك من اجيك
ان جان تسمع صوتي فدوة الكاع تضربهة اباديك

خلال الصوت اجيلك… بديناتي اشيلك ... يا ثار الله دخيلك
... تاخذني الجنانك ...
…… .
بوية من خوفي اعتنيتك نوب اكوم ونوب اطيح.
حيل ماظل بية بعدك مثل سعفة ايهزهه ريح
فـــدوة دليــــني ابمجانك وين نايـــــم يا ذبيح
الشمر لوعني سوطة وصوت ماظل بية اصيح

وحك شيبت مصابك… جرح كلبي غيابك ... اريد اسمع جوابك
… يالخانك زمانك...
……… .
اخ جم اخ انه صحت ابحركتي ابين الخيام
نار شبت وسط ثوبي وصرت افرفح كالحمام
بوية امشّيّ اعليك امك لا تخلينة يتام
عودتني اوياك انامن عالترب مو طبعي انام

جنت اغفة اعلى دينك…رمش عيني اعلى عينك .. تلوليلي ابحنينك …
متنعمة أبحنانك .
… ..
طحت بيد ارجاس بوية المالهم رحمـه وأمان
سلبو مني التراجي والدمة غطة الاذان
صرت اتلفت يمين ايسار ما الكة حنان
لنت لا عباس يـمي وين اروح اليا مكان

لذت بين المناحر … واشاهدهة العساجر... يضربون الحراير
… واجيت اطلب امانك ...
… ..
بوية بحبال الرزية كيدو جفيني هـي
ومن يجروني اشاهد زينبك تركض وراي
اكبال عيني الماي جاري وما رضو يسكوني ماي
شتموني اشكد يبوية ما اسولفلك اهواي

على العين اسطروني… يبوية وشتموني ... اخلافك ما رعوني
… يالاسمي بلسانك ...
… ..
يالمغركني ابـدلالك سلبو مني الـدلال
ابدال الاسوارات بيدي بوية شدوهة الحبال
منك ايحرموني ليش أشختلف عن الجهال
ابدمعت اعيوني ندبتك يا ضوه اعيوني تعال

صحت بسمك يغالي … تعال انظر لحالي ... اسلبو مني دلالي
… يعالي بقدره شانك ...
…… .

الحمد الله رب العالمين
اللهم صل على محمد وال محمد
موسى الخادم

أويلاه يفاطمه… اويلاه يفاطمه ... اويلاه يفاطمه
اويلاه يفاطمه
……
زينب وحيدة بكربـلة.. اويلاه يفاطمه
دمعتهة عالخد سايلة.. اويلاه يفاطمه
حيرهة جـمع العايلة.. اويلاه يفاطمه
اعليهة الهموم امكللة.. اويلاه يفاطمه

ماظل كفيل اتحشمه… اويلاه يفاطمه
… ..
طاح الكفيل اعلى النهر .. اويلاه يفاطمه
مدمي الصدر مدمي النحر .. اويلاه يفاطمه
لخـــيامة مشبوح النظر .. اويلاه يفاطمه
بدمـــوعة لسكينة اعتذر .. اويلاه يفاطمه

وسهم البعينة ألمة… اويلاه يفاطمه
… ..


خيل العدة حسين اسحكت .. اويلاه يفاطمه
بحافرهه جـــلدة علكت .. اويلاه يفاطمه
بالرفس جبـدة شككت .. اويلاه يفاطمه
ابكل حقد جرحة غمكت .. اويلاه يفاطمه

رمح البكلبة لا جمه ... اويلاه يفاطمه
… .
عبدالله مذبوح الالـــم .. اويلاه يفاطمه
من غدر امية ما سلم .. اويلاه يفاطمه
روه جــبده بالسـهم .. اويلاه يفاطمه
بجروحة الحسين اللجم .. اويلاه يفاطمه

مات ويصارع للضمه .. اويلاه يفاطمه
… ..
القاسم انعجنت حنته .. اويلاه يفاطمه
بدم هامته ودم ركبته .. اويلاه يفاطمه
بالحومة صارت زفتة .. اويلاه يفاطمه
صينتة دمعت عمتة .. اويلاه يفاطمه

ناح الحسين القاسمه ... اويلاه يفاطمه
… ..
الاكبر علي بكاع الحرب ... اويلاه يفاطمه
اتولوه بسيوف الغـرب .. اويلاه يفاطمه
من كل كتر دمة يصب .. اويلاه يفاطمه
وجسمة تطشر عل الترب .. اويلاه يفاطمه

منظر بجتلة ارض وسمه ... اويلاه يفاطمه
… ..
خيمـت السجاد احركـو .. اويلاه يفاطمه
سكـنة ورقـيـة سـلبـو .. اويلاه يفاطمه
زينب بالاسياط اضربو .. اويلاه يفاطمه
بحبال الايتـام اسحبـو.. اويلاه يفاطمه

تتجارة اياديهم دمه .. اويلاه يفاطمه
… .
نادينة يا زهـرة بحـرج .. اويلاه يفاطمه
يا ساعة يا يوم الفـرج .. اويلاه يفاطمه
للمهدي مشتاكة المهج .. اويلاه يفاطمه
كثـر الـدمـع لله عـرج .. اويلاه يفاطمه

بالحال انتي عالمه .... اويلاه يفاطمه
…… .

الحمدالله رب العالمين
اللهم صل على محمد وال محمد
موسى الخادم

نزلت أملاك السمة تنصب عــــزية
عل شهـــيد الدمـــة حنة الغاضرية
............................................
نزلت بموكب حزن ... والدمع غطى الجفن
إوياهم الزهرة أحضرت أم المصيبة
ادكربو من مصرعة ... والسهام أمـــوزعة
عاينو لحسين والجثتة السليبة
يبني صاحت فاطمة ... منك امسح يا دمة
دمة المنحر لو دمة الشيب الخضيبة

حيرة حارت بالدمة الغطى الوطية
.................................
كل ملائكة العلى ... نزلت أبطف كربلة
بموكب أسمة أحزان فاطم بت محمد
هيئو مجلس بجي ... واللطم مابي ماحجي
بس نجيب المعتلي والباري يشهد
والدموع اتناثرت ... عرش ربنة زلزلت
غالي عند الله الحسين اللوح ردد

أعلن الباري الحداد ابهل مسية
…… ..
منظر آيفت الصخر ... فاطمة يم النحر
كعدة أتعد جم جرح جم طبرة شايل
فوك أبو أليمة انحت ... والبواجي اتحزمت
اه يا يمة اصرخت صرخت ثواكل
شمتة بحركة واللم. ... خضبت جبهتهة دم
من دمة أوصالة العلة التربان نازل

عدهة ما ظل كل دمع عظمة الرزية
.........................................
قصة الخنصر جرح ... فاطمة الزهرة وذبح
يا كبر لوعتهة بحساب الأصابع
بالجفوف اتحيرت ... عـــشر أصابع مــالكت
تسعة والعاشر صبح بس دمة نابع
دورت كل الأرض ... بطولهة وحتى العرض
ما لكت خنصر يمين حسين ضايع

ما بقى عدهة فكر حكهة الزجية

......

وأشد موقف ينذكر ... للبتول ابهل ظهر
حين شافت صدر ابنهة امرضرضينة
شبكت العشرة ونعت ... والملائك كبرت
على أحسين البلسيوف امكطعينة
صلت أملاك السمة ... والزجية فاطـمة
صلت أعلية كل صلاة اشتهت عينة

كبّرت حسرة وقــــرت ايـــة منية
..................................

الحمدلله رب العالمين
اللهم صل على محمد وال محمد
موسى الخادم

ما يحمل شخص عادي ... وحشت ليلة الحادي
لا خـــوّان بيــهة ولا خــيم ظـلت
زينب بالصحاري المظلمة كعدت
… ..
ليــلة الحادي …محتاجة صبر ايــــوب
بيهة ابو اليمة …عاري الجسد مسلوب
زينب وحــيدة … متحّـــيرة واتـلـــــوب
ودمع اليتامة… واصل ال طـرف الثوب

ما ينحمل طاريهة ,,, كل مشهد رعب بيهة
واخيول الاعادي اجم طفل سحكت
… ..
ليــلة الحادي … يحملهة بس معصوم
نـــار وسبايا … بيهة ونحــــر مدموم
وأعيون حلوة …اعليه الحزن مرسوم
وشماتة كثـــرة .. فـــوك العقيلة اتحوم

ما ظل عدهة كل حامي… بعد المنذبح ظامي
بدموع الهضيمة زينب اتوضت
.........
ليلة الحادي ... معناهة ظـل احســين
فوك الوطية ... لاغـــسل لا تجفــين
معناهة زينب ... فكـــدت اخوان اثنين
عباس اخوهة… واحسين حامي الدين

جم ذبحت اخو شافت ... جم جف عالنهر عافت
كل لوعة ومصيبة زينب اتكفلت

… .
ليلة الحادي … ليلة حـزن مشروع
ليلة مصيبة … ما تنــتهي بدمــوع
والعيلة تصرخ … من الجروح اتلوع
حالت رقــية … تشرح اهم موضوع

بظلمة ليلت الوحشة ... كصدت للابو ابدهشة
فرشت يمة دمعة ونامت وحنت
… .
ليلة الحـادي … ليلة مصيبة ونوح
ظلمتهة تخنك … نسمة هواهة اجروح
جم طفـلة بيهة… شافــــت ابو مذبوح
جم مرة بيهة … زيـنب الفكدت روح

يا مصعبهة من ليلة .., بيهه انسبت هالعيلة
زينب من جلوس النافلة صلت

……… .
لحمد لله رب العالمين
اللهم صل على محمد وال محمد
موسى الخادم

عتاب للخيل الاعوجيه.
.................................

طايح عالتراب حسين والينــه.
هــــا ياخيل بالج لا تسحكَينه.
..........................................

ها. ياخيل هونج عالولي ياخيل
مطبور اثنعش طبره التهد الحيل.
رمل الحومه .حار. ودمه حار يسيل.

شمخلي العطش بيه وتدوسينه.
..............................................

لوعندج كَلب جا ماسحكتي اعليه.
جا مو دامي صدره .بحافر تكسـريه
توه الشمر حز نحره الذبـح ماذيه

هذا حسين جنُّج مـــــا تعرفينه.

...............................................

لو منج. فلا امشي اعله وجه الكَاع.
ما. .أطب أرض بيها للحسين اتبـاع
انتي بسحك صدره والله صيتج ضاع

صرتي اويـالشمر. لــوعتي ابو سكينه.
............................................

ما..تدرين ياخيل العده اشناوين.
اجيتي ابكل شراسه ودستي صدر الدين.
لسّه ..بحافرج دم. وضلع .للحسين.

هــــــا ياخيل بسُّج ما...ترحمينه..

.....................................

غيـر انتي التجاسرتي اعله كل الكون.
ليش حسين .صدره من السحك مطحون.
يل ما. بيج .غيـــره وفزعـــه . للميمون.

من . دم .صاحبه .أمخضب تشوفينه.
......................................

حضريلج عذر باجـــر.يخيل .اويــاج
منهو .اللبسج حذوه .منو . الجاباج.
منهو .اعله الجسد يالقاسيه . دلاج.

ماظل بي عظم صاحي وتكسرينه.
......................................

✍ ابو منتظر الحجامي.2025

                ((لليلة الوحشه))

غربت شمس الرزيه.  وخيم اليل بضلامه.
ليلة الوحشه مصيبه.  زينب بطرگ اليتامه.
      أه يزينب.                أه يزينب
   ========================    الليلة عمتكم يسادة اوحيدة ما الهه حمه.
ضلت الناطور هيه بليلة وحشه ومضلمه.
لاگمر عالگاع عدهه اولاگمر عدهه بسمه.
بين نار خيام وجت بين نار من الضمه.
        فگدة اخوتهه اورگد كل حيلهه.
         گامت اتصلي جلوس بليلهه.
لاجرح بيهم تداوي. حته يلفون بسلامه.
  ليلة الوحشه مصيبه. زينب بطرگ اليتامه.
             أه يزينب.       أه يزينب
=========================
زينب الليلة تنادي وينكم يهل الحمية.
هاي اميرتكم وحيدة منهو يحميلي الثنيه.
سمعت بصوت العقيله اوصب دمعهه الغاظرية.
الليلة لاعباس يمهه ولا عزيز امه الزجية.
         اوحيدة زينبكم عفا اتخلونهه.
         شلون ترضون العدة ايحرسونهه.
  أيسي يازينب يگلهه.  والشمر يجرح كلامة.
  ليلة الوحشه مصيبه. زينب بطرگ اليتامه.
              أه يزينب.     أه يزينب
==========================
تلاثه وثمانين تكفل بين طفله وطفل عدهه.
والنسه يم العقيله وبس عليل الضل سندهه.
للنجف صدت وجهه اوگامت اتناجي ابأسدهه.
حاضر الشداة لوح صاحب الفزعة گصدهه.
          مو سوادة گلهه حيدر جايكم.
        زينب احرسكم واشوف احوالكم.
حيدر اليعرف حقدهم.. واثر للطبرة اعله هامه.
ليلة الوحشه مصيبه.. زينب بطرگ اليتامه.
               أه يزينب.    أه يزينب
  ==========================
تگله يابويه دخيلك ليل وحشه اوگلبي ذايب. 
بلاحمه يلي احضرتني اوصرعه اخوتي اعله الترايب.
نار الخيام بشليلي اوضلمة الدنيه مخالب.
أنه مو أسمي الأميرة أسمي صار ام المصائب.
         مدللة هاشم وحيدة الليلة.
          مو دمع دم العيون اتسيلة.
لهسة بذني صوت حافر. من كسر ضلع الإمامه.
ليلة الوحشه مصيبه... زينب بطرگ اليتامه.
         أه يزينب.             أه يزينب
===========================
سيدي يالمهدي عذرآ الحرة باجر احجي عنهه.
احجي عالحبل الجتفهه لو اخبرك عن متنهه.
لو أسولف عن رقيه اليگطر الدم من اذنهه.
والرباب اتهز مهدهه والمهد خالي من ابنهه.
          يالمهدي عذرآ وادري ماترضاها.
           لمتون عمتك سوطهم يدناها.
هاذة يوم العشره باقي..اوخالد ليوم القيامة.
ليلة الوحشه مصيبه..... زينب بطرگ اليتامه.
            أه يزينب.           أه يزينب.

   لخادم أهل البيت
ابو عبدالله الشمري
    من تاج الدين
   ومن الله التوفيق
           ✍️

يا ليل اهدعش ياليل ،، يلماخذ هلي كلهم
لو تاخذني وي المات ،، لو للخيمه ألي تردهم

----------------------------------------

خلصت البواچي بليل ،، وعيوني انطفت وانعى
صارت كربله تابوت ،، ياهو المنهم انشيعه
لا عباس عنده چفوف ،، وحسين انسحگ ضلعه

جوه الحافر اتطشر
ردنه نلمه ما نگدر
تكلف حالة الخدر

وين اهل الحميه اليوم ؟ ،، ما واحد گعد منهم ؟
لو تاخذني وي المات ،، لو للخيمه ألي تردهم

-----------------------------

هونك يا ظلام وياي ،، يلماخذ گمر ليلي
وين إمدد العباس ،، چا وين المشى بحيلي
يا ليل المصايب آخ ،، وين الراحو احچيلي

وين حسين بالحومه ؟
مسلب ضلعه وهدومه
من يومي گبل يومه

چا وين الهواشم گول ،، رايه ومشرعه عدهم
لو تاخذني وي المات ،، لو للخيمه ألي تردهم

---------------------------------------

متعنيه وأريد حسين ،، ما عافاني بالشده
وين الچان اليه فياي ،، وأضوى من الشمس خده
وين الما تعذر يوم ،، ميت لو عدل بعده

وينك خويه يبن أمي
وينك نشفت دمي
ما شيلن بعد جدمي

ميته من اهد ما سمعيت ،، طبت وادم الحدهم
لو تاخذني وي المات ،، لو للخيمه ألي تردهم

-----------------------------------------

ظلن بس حرم وايتام ،، مامش خيمه تحمينه
السوالف يم رقيه تموت ،، شده بدمعة سكينه
كلمن يبچي للعباس ،، كلمن يبچي لحسينه

مأتم ليلة الوحشه
الرمل بدموعنه انفرشه
النحر چا وين ونرشه

بماي وعلچفوف الماي ،، نغسل دم البخدهم
لو تاخذني وي المات ،، لو للخيمه ألي تردهم

--------------------------------------

مجلس يم ابونه حسين ،، وحشه أومظلمه الليله
تحضر فاطمه الزهراء ،، يم ضلوعه تبچيله
يم نحر الذبيح اليوم ،، لحد يبخل بحيله

خلو ضلوع تتكسر
آه يحسين يالمنحر
يل مذبوح يموذر

آه يحسين يلعباس ،، يا جمره بگلب أمهم
لو تاخذني وي المات ،، لو للخيمه ألي تردهم

كلمات الخادم / رعد الفريجي
ثوابها الى روح والدتي

ها خويه ليش حسين  متحاچيني
ليل اهدعش حتى الهوى يبچيني
ليش ،، شتموني
ليش ،،  عفتوني
ليش ،،  حاچوني

،،،،،،،،،،،،،،،

يحسين گوم لاختك اواسيهه
عوف التراب وعالكفل  دليهه
تاليهه  يحسين انشتم  تاليهه
چا گلتو زينب ياهو  اليحاميه
موت ،،  خواني
موت ،،  بچاني
موت ،،  اذاني

چا  خويه  وين  الكافل  يباريني
ليل اهدعش حتى الهوى يبچيني

،،،،،،،،

بين الجثث امشي  واريد  الگاكم
يحسين   غثني   الشامت  بلياكم
هالليله   وين انه   وأمس   وياكم
صعبه الخدر بالحومه بين اعداكم

آه ،،  حسبالي
آه  ،،   يلوالي
آه ،،،   تبرالي

يا خويه  محد   بيكم      يدليني
ليل اهدعش حتى الهوى يبچيني


،،،،،،،،،،،،،،،،،

گلوله    اجتك    للحرب     گلوله
متغيره عن زينب گبل    وصفوله
وين الحسين الغالي فدوه الطوله
هو  انته  هذا  حسين  ما معقوله

وين ،، جثمانك
وين ،، خوانك
وين ،، شبانك

چنك  تصيح    تگطعت     لميني
ليل اهدعش حتى الهوى يبچيني

،،،،،،،،،،،،

هذا انته خويه حسين  الله  ايعينك
فوگ   الرمال    بكربله    مطشرينك 
وسفه  يبن   حيدر علي    موذرينك
وينك تعال ارجعلي   أصرخ   وينك

ليل ،، مآساتي
ليل ،، دمعاتي
ليل ،، لچماتي


يحسين جيب چفوفك وحاميني
ليل اهدعش حتى الهوى يبچيني


،،،،،،،،،،،،،،،،،،،،،

جيت   ورقيه   وياي    نعثر  جينه
مثل الضيوف احسبنه وانهض  لينه
زحمه   اعله اباب  المنحر   اتخلينه
دخلنه    لضلوعك    تره      تعبينه

نار ،،   بخيامي
نار ،،    گدامي
نار ،،    يلضامي

بهالحاله عميه وما تشوفك عيني
ليل اهدعش حتى الهوى يبچيني

،،،،،،،،،،،،،،،،،،


يحسين هم شفت الگمر  وچفوفه
شايف  نهر تارك عطش   بجروفه
گله العقيله   تريد   بس   اتشوفه
باچر سبي بأمر الشمر      وتعوفه

راح ،،   يسبوهه
راح ،،  يا خوهه
راح ،،  حاموهه

من   كربله لشام    الدمع  وديني
ليل اهدعش حتى الهوى يبچيني


كلمات خادم الحسين
رعد الفريجي

همّ إبهَمّ ،، رمال ودم
ظلام وخوف ،، بلا امخيم

-------------------------------------------

ضياع بليله وحشه
ظلام وماكو غبشه
انذبح عبد الله ضامي
المهد المن نفرشه ؟

نريد حسين ،، يجينه بساع
نريد اخوان ،، غريبه الگاع

نريد الرايه يا عباس رد النه
نريد نشوفكم تربات والدنه
انولينه الله اكبر وانسطر خدنه
الشامت يضحك وعلماي ينشدنه

يتامى وبر ،، الحقيقه اكبر
الكلام هناك ،، دمى المنحر

-----------------------------------------

المصيبه بلا اهلنه
على الرمله گعدنه
الشتم اذانه خويه
وعلى الغبره زلمنه

نصيح بصوت ،، كفيل نريد
ترى العباس ،، چفوفه بعيد

اذونه الشماته وردنه نمشيله
على الصار بخيمهم كون نحچيله
يا ليلة الوحشه العذبت ليلى
الباگت من حظنهه اليعدل الميله

تهل مدمع ،، على المصرع
ابنهه المات ،، ولا يرجع

---------------------------------------

سكوت وطف مصيبه
الحبيب بلا حبيبه
الوداع الليله رايد
يسير عل الغريبه

بقى الدخان ،، وبقايا خيام
نحر مذبوح ،، وتراب عظام


اريد اوصل لاخوي بليلة الشده
اريد احظن الباقي وظال من عنده
اريد امشيله هسه واگعد بسده
سوالف عندي ويه الذبّحو ولده

سوالف حگ ،، خجل تعرگ
لدمى الاطهار ،، ارض تغرگ

-----------------------------------------


بقينه ابلايه والي
الدمع يشبگ خيالي
اليتم واضح علينه
السحگ طشر دلالي

يبو الكلفات ،، اجانه الليل
غريبه الناس ،، تراب الحيل

سكت كلشي واحس بانفاسي شابگتك
اجيتك يا بعد كل سوط لاح اختك
هذا انته الگبل چم ساعه ودعتك ؟
شفتك بس عميت عيوني من شفتك

الحبيب انرض ،، صعب ينهض
يريت الشوف ،، يموت افرض

-------------------------------------


بچينه وكلهه نومه
بگلب كثرت همومه
الضعن من يمشي بينه
السبي اعلن قدومه


يخويه الشام ،، چتف وحبال
منايا هناك ،، بلا يه رجال

يموتني الكلام اليحچي عل خوه
واضم دمعاتي خويه حسين بلگوه
يلتسوى مشينه الناس ما تسوى
زينب وانسبت واتخيل البلوى

عجيبه انسب ،، هزيله اركب
شتم وحجار ،، مرار اشرب


رعد الفريجي - محرم 1447
ثوابها لروح والدتي

ليالي الغريبه

يمه زينب *ضمي دمعه وضمي حيل وضمي لونح
يمه يزينب* باچر انتي بنص شماته ايطلعونچ

باجر انتي ابلا كفيل
وسبي دربه طويل
يمه زينب
******
اول وصيه* ضمي حيلج يالعزيزه للمصايب
ودمعات العيون *لا تهليهه عليه اهناكه واجب

ضمي حيلج يمه وستمعي اليه
هاذي چلماتي حرز للغاضريه
دمعتچ عالتل تهل يالهاشميه
اوكون حيلج يصمد اگبال اعوجيه

يمه انتي*بنص جثث مذعوره وبنص المناحر
يمه انتي *كون يبقى صبرج الدوس الحوافر

ولخلگ بيكم تعيل
ولسبي دربه طويل
يمه زينب
********
اگدر اگلچ*كل مصيبه اتهون يم امصاب گلبج
گدامچ اشلون*ينذبح شيخ الهواشم يمه يمچ

انتي يازينب تشوفينه ابغربته
ابعينچ اتنضرينه من صارت وگعته
ولشمر من اعتله ويگص رگبته
اخر انضاره الج ايودع اخته

يالعزيزه*كون گلبج يحتمل ذيج الرزيه
يالعزيزه*اترافجينه اعله الرمح ونتي سبيه

امصابچ الماله مثيل
ولسبي دربه طويل
يمه زينب
*****
وهاي المحطه*وجعت گلبي عليج وبيه ناري
ابعني اشوفج*من اميره هاجه ابذيج الصحاري

زينب اتركضين لاچن ركضت الخوف
ونار من خيمه لخيمه صارت اتطوف
ابلا محامي وعالشريعه الرايه وچفوف
وسهم صوب عين جانت مصدر الشوف

انتي كعبه *لاچن الله قدر احزانچ تطوفج
انتي كعبه*وخدرج المضموم ضل يشرح ضروفج

العاشر اعليكم اثگيل
ولسبي دربه طويل
يمه زينب
*********
يمه المصيبه*امذبحه اخوانج يحضرولج هزيله
وخدرج اشوفه*عالهزل وي روس اخوتج يالعقيله

امكدره ومچتوفه في درب المصايب
اولو ندهتي اعله اخووتچ منهو الجاوب
ومن بعد ضل الشيم ذيچ الخرايب
وفرجه للعذال هاي اصل النوايب

ولتجرحچ*ابأذنچ اتسمعين هاي انتي الاميره
ولتجرحچ*ها يمضمومة علي صرتي اسيره

وهالحچي يدمي الدليل
ولسبي دربه طويل
يمه زينب
********
زينب اشوفج*واگفه بديوان ولدمعه جريه
وراس ابني لحسين*ينضرب باخيزرانه يالسبيه

هنانه كل صبرج تلمينه اعله جرحچ
ودري ياعباس ينبض صار گلبچ
ودري اضلم يغدي يمه اعليج صبحچ
وانه ادري للشماته اشيحچي دمعچ

دمعه تجري *بحضرت الشمات انه ادريهه صعبه
دمعه تجري* لا محامي عنچ ومتروسه غربه

ولي سولفته قليل
ولسبي دربه طويل
يمه زينب
********
علي سليم الحسناوي

موشح

هاي زينب يالتريد اخبارهه
عالمهازل طالعه امن اخدارهه
---------------------
الف ياحيف اووسافه اعله الخدر
من بعد عباس رافجهه الشمر
هاي جانت لو هوه منهه يمر

رخصه. ياخذ من گمر اسرارهه
-----------------------
امخدره ومتحاوطه بذيج الشيم
وبو فاضل يمسح اثار الجدم
اشلون زنيب باقيه ابلايه خيم

بليل وحشه وميته كل اقمارهه
----------------------
اشلون طلعت لليسر ومكدره
هاي اخت عباس سبع الگنطره
هاي زينب ياخلك مو اي مره

هاي دنيا اتعجبت بستارهه
---------------------
اشلون بت حيدر تتطر ذاك الدرب
امچتفه وصوبين تنضرهه الغرب
المالمحهه انسان تالي تنضرب

هاي ماچانت تجي ابأفكارهه
----------------------
عاشت ابضل الكفاله امدلله
تطب زينب سوگ هاي المشكله
اشلون تنطي انسان موضع مو اله

ناس ماعرفت شنو مقدارهه
----------------------
من كهف خوانهه دخلت قصر
وياحسافه طبت ابمجلس كفر
بين وادم كل نواياهه الغدر

امگبعه ابهمهه وغرب بكتارهه
-----------------------
علي سليم الحسناوي

جروح السبي

#قصيدة_للسيده_زينب

جروح السبي

راحت ايام العز وكلشي البيه
من زينب اخت الكافل للمسبيه
وانه البس چلمت حره اتلوگ اعليه
--------------------------------
راحت هيبتي*
وي موت اخووتي*
اه ياحسرتي *من حره السبي
الموتتني قهر*
چنه وي گمر*
شو دار الدهر*ويحديني اجنبي

من حره جنت هسه صرت انه سبيه
كايدني الگمر هسه الحبل گايدهه اديه
انه امخدره وثوب السبي ميصح اليه
مااعرف شنو معنى الهضم مامر عليه


مااعرف درب الغربه اولا اندله
من عگب الهيبه وخدري اركب هزله
مكفوله وتالي بهيمه ابهمي امحمله
-------------------------
حملت الالم *
من طاح العلم*
من حرگ الخيم*من كلشي الجره
من ذبح النحر*
من جرح النهر*
من وكتي الغدر*امشي اميسره


كلهن بيه ذني وصعدت ناگه هزيله
ايلاوحني الحده بصوطه عليٌ هاي الثگيله
لاخوه البقت ولمن بعد همي اشتكيله
اولو مال الضعن يعني طحت راح اليشيله


انه المضمومه وخدري يصعب نضره
المابين لون اخيالي وسمي الحره
مچتوفه وگيد بچفي ونزف عبره
-------------------------
امشيت ابدرب*
بس اسمه صعب*
طريت الغرب * انه وعفتي
جرحي مو وطن*
ولانوگ المشن*
اليحدي بالضعن* ذباح اخووتي


الذابح اخووتي يحدي الضعن هاي الجبيره
وانه اصل الشرف فوگ الهزل اطلع اسيره
لو مرني الهضم بيش انتخي يا امري حيره
جدامي مشن فوك الرمح روس العشيره

البيهم ملزومه اعلومي صارو جرحي
كون اويه انحور اخواني صاير ذبحي
وياضلمه الهبت بينه وخفت صبحي
--------------------------------
التكتل كتل*
مو گيد وحبل*
لمن انسأل*وين اهلج صفوو
عيني اعله الرمح*
سولف ياجرح*
بجوابي انذبح*عالغبره گضوو

اكبر من سبينه اصبح عليٌ حچيي الشماته
لمن انسأل وينه اليدافع عن خواته
مافارگني ابد وياي اجه حتى ابمماته
رافگني برمح خاطر يضل يحرس بناته


اكبر من جرح الغربه من نشدوني
وين اهلج زينب راحو اشگد ذبحوني
زغرت كل هاي الدنيا بين اعيوني
------------------------------------
اشخلت كربله*
بهاي العايله*
الدنيا مايله*ويانه غدت
زلم اتچتلت*
بحومه اطشرت*
ونسوان انسبت*وضلام الحدت

ماانصف ابد هذه الزمن وليه ولانه
بين المنچتل ولمنسبي هذه جزانه
زلم النايبه متذبحه وحنه خذانه
بدروب السبي لهل الكفر بيده هدانه


ماانصف دهري ويانه وعشنه الصعبه
مذبوحه زلم الكلفه وحنه ابغربه
ولرافج نوح بدربه يصعب دربه
-------------------------------
علي سليم الحسناوي