(( #سؤال )) ..
عندما اراد بني اسد حمل الحسين ع .
قال لهم الامام السجاد ع ( ان معي من يعينني ) ؟؟
…………………………………………………………
حيره وتساؤل عدنه
يبن النـبي جـاوبنه
ياهو الاجاك وعاناك • من شلت ابوك ادفنه
…………………………………………………………
يا اهل رأفه و مرحمه • علينا وتخافون الخطر
نص المآسي ابكربله • ضميتو عنه اشجم خبر
تدرونه نفگد عگل • لو بالبچي نعمي النظر
جاوبنه يا سيد البچي • يل فايض ابعينك نهر
گلت لبني سـد كـافي
اوياي اليعين اجتافي
هـو مره لو رجال • مـن الارض لـو جنه
…………………………………………………………
انا الامام المنسبي • انا اللي عل هزّل سره
رغم الاذيه ابهالامر • بس راح اگول اللي جره
حاير ولن عيني ابصرت • بثلاثه وياهم مره
امتعبهم اهواي الدمع • حفّاي اجوها المگبره
لبسو سواد اعليهم
والحزن خيّم بيهم
عدهم ثكيله الانفاس •• والشهكه تتبع ونّه
…………………………………………………………
اولهم و چان النبي • مكسور و يخط ابجدم
يعشگ مچان ابمنحره • واعليه گُبل دنگ يشم
ويگله جا وين الوجه • من چنت احاچيه يبتسم
جبت الكساء امن العرش•بي نجمع اوصال الجسم
حيدر كعد يم صدره
يندل مچان الكـسره
بس شاف بضلوعه اهواي • بالخيل صاير طحنه
……………………………………………………………
و مفرع و لازم ظهر • هذا الاجه عمي الحسن
بهداي ويگود ابمره • رجليها كل خطوه اعثرن
شيله وعبايه امتربه • حسبالي من اللي انسبن
ثاريها فاطم جدتي •و بعيونها ادموم و جَرن
موتني ابني و ضيمه
اثلاثه الليالي ابهيمه
والشمس ادهه من الخيل • و ماكو اليضلل عنه
……………………………………………………………
كـل واحد ايشيل ابكتر • خلينه ابوي ابحفرته
و الزهره طبت للگبر • طول ويطوله وشبگته
مدري لچم منها الضلع • لو صدره يمكن لچتمه
رشت عيون اعل الگبر • تراب و گلبها الهالته
كتـبت هنـا آلامـي
گبر الذبيح الضامي
وكل اليزوره التلگاه • و اگضيله مية محنه
……………………………………………………………
دفنوه و صعدوا للسمه • وانا اختنگت ابعبرتي
يهلي وتركتوني ابغرب • ما صعبت الكم حالتي
سوط و مرض والجامعه • شط وتحفره ابرگبتي
عدكم بنات اميسره • شيّب دمعهن عمتي
ياجده شوفي ارقيه
تبچي الجرح ترجيه
ياجده واحبال الگوم • خشنه وتعوّر سكنه
……………………………………………………………
✍️ ( سيد خضر الزاملي )
عندما اراد بني اسد حمل الحسين ع .
قال لهم الامام السجاد ع ( ان معي من يعينني ) ؟؟
…………………………………………………………
حيره وتساؤل عدنه
يبن النـبي جـاوبنه
ياهو الاجاك وعاناك • من شلت ابوك ادفنه
…………………………………………………………
يا اهل رأفه و مرحمه • علينا وتخافون الخطر
نص المآسي ابكربله • ضميتو عنه اشجم خبر
تدرونه نفگد عگل • لو بالبچي نعمي النظر
جاوبنه يا سيد البچي • يل فايض ابعينك نهر
گلت لبني سـد كـافي
اوياي اليعين اجتافي
هـو مره لو رجال • مـن الارض لـو جنه
…………………………………………………………
انا الامام المنسبي • انا اللي عل هزّل سره
رغم الاذيه ابهالامر • بس راح اگول اللي جره
حاير ولن عيني ابصرت • بثلاثه وياهم مره
امتعبهم اهواي الدمع • حفّاي اجوها المگبره
لبسو سواد اعليهم
والحزن خيّم بيهم
عدهم ثكيله الانفاس •• والشهكه تتبع ونّه
…………………………………………………………
اولهم و چان النبي • مكسور و يخط ابجدم
يعشگ مچان ابمنحره • واعليه گُبل دنگ يشم
ويگله جا وين الوجه • من چنت احاچيه يبتسم
جبت الكساء امن العرش•بي نجمع اوصال الجسم
حيدر كعد يم صدره
يندل مچان الكـسره
بس شاف بضلوعه اهواي • بالخيل صاير طحنه
……………………………………………………………
و مفرع و لازم ظهر • هذا الاجه عمي الحسن
بهداي ويگود ابمره • رجليها كل خطوه اعثرن
شيله وعبايه امتربه • حسبالي من اللي انسبن
ثاريها فاطم جدتي •و بعيونها ادموم و جَرن
موتني ابني و ضيمه
اثلاثه الليالي ابهيمه
والشمس ادهه من الخيل • و ماكو اليضلل عنه
……………………………………………………………
كـل واحد ايشيل ابكتر • خلينه ابوي ابحفرته
و الزهره طبت للگبر • طول ويطوله وشبگته
مدري لچم منها الضلع • لو صدره يمكن لچتمه
رشت عيون اعل الگبر • تراب و گلبها الهالته
كتـبت هنـا آلامـي
گبر الذبيح الضامي
وكل اليزوره التلگاه • و اگضيله مية محنه
……………………………………………………………
دفنوه و صعدوا للسمه • وانا اختنگت ابعبرتي
يهلي وتركتوني ابغرب • ما صعبت الكم حالتي
سوط و مرض والجامعه • شط وتحفره ابرگبتي
عدكم بنات اميسره • شيّب دمعهن عمتي
ياجده شوفي ارقيه
تبچي الجرح ترجيه
ياجده واحبال الگوم • خشنه وتعوّر سكنه
……………………………………………………………
✍️ ( سيد خضر الزاملي )
❤2
لدفن الأجساد الطاهره
حيرني أبوي وحيره بالروح
من مكفاه يويلي إلكيته مذبوح
المصيبه خنصره ماهو بالايد
مذبوح واحسه لزينب يريد
==========
من أرض الغري متعني بهوم لرض الغاضريه
جيت وگلبي نار وحيل ملجوم من عظم الرزيه
وصلت الطف لكيت حسين ياحيف عاري اعل الوطيه
مذبوح وسليب وضامي ياناس خليته اعل اديه
خليته بديه ودمعي بالعين
حاجيني كلتله بويه يحسين
نار البل گلب يابويه مَتهيد
مذبوح واحسه لزينب يريد
==========
شكثر بيه السيوف الظاله هواي آثار البواتر
ولكيت بصدره حفره والله ياناس من سحك الحوافر
الحوافر كَسَرّنها اظلوع الحسين ظل يكسر الخاطر
ألمنه وذر متوذر شلون نار وگلبي فاير
متوذر والمه حاير بهاي
لواشرب ابوي الماشرب ماي
الذباحه الضمه ياماي اله يفيد
مذبوح واحسه لزينب يريد
==========
بكفاه جني طلت نظرات العيون واني بگلبي حسره
الشمر جني اشوفه طابر حسين يويلي اثنعش طبره
كاعد عالصدر والشيب مخضوب لحيته كلها حمره
من دمه يخضب شيبه الحسين گلبي شنهو صبره
والدم بلحيته شيبه مخضوب
مذبوح اعل وجه لكيته مگلوب
من انذبح عمي عنه ابعيد
مذبوح واحسه لزينب يريد
==========
خنصر والدي مگطوع ظليت ادور خنصر ايده
عليل ومن يساعد حالي ياناس والخنصر يعيده
جَمَّعته وذر بالكوه خليت جسمه وي وريده
بيدي رجعتها اظلوع الحسين وحق امه الشهيده
ياماي التبده لمته شلون
شجاوب من ارد لعمتي ام عون
اخوج بكربله مگطوع الاوريد
مذبوح واحسه لزينب يريد
==========
اعل صدري وسد ابني گلي ياناس من إحفرت گبره
بلحد واحد دفنته والدي وصار عبدالله اعل صدره
اوسده شلون ابويه وهو مذبوح شخلي جوه نحره
هالمنظر جرحني وزاد الاونين خنكت صدري عبره
رديت وهضمني دفنه ياناس
مثل مارد ابوي بفگد عباس
الحك ياعلي لإبنك أيا حيد
مذبوح واحسه لزينب يريد
==========
الشاعر علي النائلي
حيرني أبوي وحيره بالروح
من مكفاه يويلي إلكيته مذبوح
المصيبه خنصره ماهو بالايد
مذبوح واحسه لزينب يريد
==========
من أرض الغري متعني بهوم لرض الغاضريه
جيت وگلبي نار وحيل ملجوم من عظم الرزيه
وصلت الطف لكيت حسين ياحيف عاري اعل الوطيه
مذبوح وسليب وضامي ياناس خليته اعل اديه
خليته بديه ودمعي بالعين
حاجيني كلتله بويه يحسين
نار البل گلب يابويه مَتهيد
مذبوح واحسه لزينب يريد
==========
شكثر بيه السيوف الظاله هواي آثار البواتر
ولكيت بصدره حفره والله ياناس من سحك الحوافر
الحوافر كَسَرّنها اظلوع الحسين ظل يكسر الخاطر
ألمنه وذر متوذر شلون نار وگلبي فاير
متوذر والمه حاير بهاي
لواشرب ابوي الماشرب ماي
الذباحه الضمه ياماي اله يفيد
مذبوح واحسه لزينب يريد
==========
بكفاه جني طلت نظرات العيون واني بگلبي حسره
الشمر جني اشوفه طابر حسين يويلي اثنعش طبره
كاعد عالصدر والشيب مخضوب لحيته كلها حمره
من دمه يخضب شيبه الحسين گلبي شنهو صبره
والدم بلحيته شيبه مخضوب
مذبوح اعل وجه لكيته مگلوب
من انذبح عمي عنه ابعيد
مذبوح واحسه لزينب يريد
==========
خنصر والدي مگطوع ظليت ادور خنصر ايده
عليل ومن يساعد حالي ياناس والخنصر يعيده
جَمَّعته وذر بالكوه خليت جسمه وي وريده
بيدي رجعتها اظلوع الحسين وحق امه الشهيده
ياماي التبده لمته شلون
شجاوب من ارد لعمتي ام عون
اخوج بكربله مگطوع الاوريد
مذبوح واحسه لزينب يريد
==========
اعل صدري وسد ابني گلي ياناس من إحفرت گبره
بلحد واحد دفنته والدي وصار عبدالله اعل صدره
اوسده شلون ابويه وهو مذبوح شخلي جوه نحره
هالمنظر جرحني وزاد الاونين خنكت صدري عبره
رديت وهضمني دفنه ياناس
مثل مارد ابوي بفگد عباس
الحك ياعلي لإبنك أيا حيد
مذبوح واحسه لزينب يريد
==========
الشاعر علي النائلي
❤2💔2
((#رجعوه_الماي ))
لسان حال الاطفال عندما احضر الجيش لهم الماء بعد انتهاء المعركه
……………………………………………………………
ما نفرح بيه جرحانه اهواي
نشرب هيهات رجعوه الماي
ضامي ايظل الاحساس . خلافك عمنه العباس
رجعوه الماي
……………………………………………………………
من لسعات ضرب السوط . شوفة مايكم اصعب
ابونه حسين من ذبحوه . نحره امن العطش يلهب
نريد انواسي ابونه ابهاي . عطاشه انظل و لا نشرب
الماي ابلا طعم لا لون معروفه
واحنه احمر دماء احسينه انشوفه
وحنظل طعه عگب الگمر و چفوفه
لو مالح حيل من الدمعات
عالظل عطشان ولحد ما مات
اتفرهد بهدومه الناس . خلافك عمنه العباس
رجعوه الماي
…………………………………………………………….
تشربونه و قبل ساعه . حسين الكم رفع ايده
موش الروحه راد الماي . راد ايشرّب اوليده
سگيتوه نبله مال كبار . نبتت گطعت اوريده
اباب الخيمه يرجع ننتظر كلنه
شارب ماي ضاوي و يبتسم النه
اجتنه الرگبه تتلولح و فجعتنه
تباً للماي الـ ما روّاه
اوياكم منعيش ذبحونه اوياه
توكف ريت الانفاس . اخلافك عمنه العباس
رجعوه الماي
……………………………………………………………
نغص بالماي اذا نشرب . بينه ايعيش اشد منظر
لبونه حسين اجه و طلباه . يشرب رايد الاكبر
حيرة تايه ابنص ليل . شيسوي احسينه أتحيّر
نشرب حاشه و لله وفشله من أمه
ليله الشافته امگطع وصل جسمه
لحد هسه تنوح وتلهج ابأسمه
عدنه اوي الماي هاگد لچمات
من نسمع بيه نجذب حسرات
انوح ونلطم عالراس . اخلافك عمنه العباس
رجعوه الماي
……………………………………………………………
لو شربينه منكم ماي . ينزل نار بمعانه
ابونه اعل الارض مطروح . ماي ايردد السانه
من كثر العطش يا ناس . حتى عيونه ذبلانه
انذبح واتچوّه سيف الشمر من نحره
لان من العطش صار الدمه جمره
الحافر ينلسع من اعتله صدره
هاون عُربان الحافر طحناه
مثل المرواح بالطف ذرّاه
بخيول اثجيله انداس . خلافك عمنه العباس
رجعوه الماي
……………………………………………………………
هاي الجيه مال الماي . نطرناها بدمع نازل
لچن مو چف عدو چتال . من چف عمنه ابو فاضل
يجينه و جربته ابيمناه . وبيساره العلم شايل
حالة عمنه ابد ما تنوصف صعبه
منظر ذبح آماله و كسر گلبه
من سالت و خلّص مايها الجربه
ضربتنه اسياط عمنه ابلياك
طاحت خيمات من طالح الواك
هيمه ومامش حراس . خلافك عمنه العباس
رجعوه الماي
……………………………………………………………
عطشانين جوعانين . بس امصيبه شِغلتنه
من السوط يمها نلوذ . ويصير ابمتن عمتنه
ركضت حافيه واطيح . ابطلاع الروح لمتنه
اشكثر بيها ألم لكن فلا تحچي
تدير الوجه وحدها و تظل تبچي
تجيس المتن و لعمنه الگمر تشچي
منريد الماي انريد الخيمات
عمتنه اشلون بالهيمه اتبات
ويشتموها الارجاس . خلافك عمنه العباس
رجعوه الماي
……………………………………………………………
✍️ ( سيد خضر الزاملي )
لسان حال الاطفال عندما احضر الجيش لهم الماء بعد انتهاء المعركه
……………………………………………………………
ما نفرح بيه جرحانه اهواي
نشرب هيهات رجعوه الماي
ضامي ايظل الاحساس . خلافك عمنه العباس
رجعوه الماي
……………………………………………………………
من لسعات ضرب السوط . شوفة مايكم اصعب
ابونه حسين من ذبحوه . نحره امن العطش يلهب
نريد انواسي ابونه ابهاي . عطاشه انظل و لا نشرب
الماي ابلا طعم لا لون معروفه
واحنه احمر دماء احسينه انشوفه
وحنظل طعه عگب الگمر و چفوفه
لو مالح حيل من الدمعات
عالظل عطشان ولحد ما مات
اتفرهد بهدومه الناس . خلافك عمنه العباس
رجعوه الماي
…………………………………………………………….
تشربونه و قبل ساعه . حسين الكم رفع ايده
موش الروحه راد الماي . راد ايشرّب اوليده
سگيتوه نبله مال كبار . نبتت گطعت اوريده
اباب الخيمه يرجع ننتظر كلنه
شارب ماي ضاوي و يبتسم النه
اجتنه الرگبه تتلولح و فجعتنه
تباً للماي الـ ما روّاه
اوياكم منعيش ذبحونه اوياه
توكف ريت الانفاس . اخلافك عمنه العباس
رجعوه الماي
……………………………………………………………
نغص بالماي اذا نشرب . بينه ايعيش اشد منظر
لبونه حسين اجه و طلباه . يشرب رايد الاكبر
حيرة تايه ابنص ليل . شيسوي احسينه أتحيّر
نشرب حاشه و لله وفشله من أمه
ليله الشافته امگطع وصل جسمه
لحد هسه تنوح وتلهج ابأسمه
عدنه اوي الماي هاگد لچمات
من نسمع بيه نجذب حسرات
انوح ونلطم عالراس . اخلافك عمنه العباس
رجعوه الماي
……………………………………………………………
لو شربينه منكم ماي . ينزل نار بمعانه
ابونه اعل الارض مطروح . ماي ايردد السانه
من كثر العطش يا ناس . حتى عيونه ذبلانه
انذبح واتچوّه سيف الشمر من نحره
لان من العطش صار الدمه جمره
الحافر ينلسع من اعتله صدره
هاون عُربان الحافر طحناه
مثل المرواح بالطف ذرّاه
بخيول اثجيله انداس . خلافك عمنه العباس
رجعوه الماي
……………………………………………………………
هاي الجيه مال الماي . نطرناها بدمع نازل
لچن مو چف عدو چتال . من چف عمنه ابو فاضل
يجينه و جربته ابيمناه . وبيساره العلم شايل
حالة عمنه ابد ما تنوصف صعبه
منظر ذبح آماله و كسر گلبه
من سالت و خلّص مايها الجربه
ضربتنه اسياط عمنه ابلياك
طاحت خيمات من طالح الواك
هيمه ومامش حراس . خلافك عمنه العباس
رجعوه الماي
……………………………………………………………
عطشانين جوعانين . بس امصيبه شِغلتنه
من السوط يمها نلوذ . ويصير ابمتن عمتنه
ركضت حافيه واطيح . ابطلاع الروح لمتنه
اشكثر بيها ألم لكن فلا تحچي
تدير الوجه وحدها و تظل تبچي
تجيس المتن و لعمنه الگمر تشچي
منريد الماي انريد الخيمات
عمتنه اشلون بالهيمه اتبات
ويشتموها الارجاس . خلافك عمنه العباس
رجعوه الماي
……………………………………………………………
✍️ ( سيد خضر الزاملي )
💔3❤1
نعي
لسان حال السيده زينب عليها السلام
بعد مقتل الحسين عليه السلام
والخيل اجتنه انته طحت والخيل اجتنه
من فرهدتنه ريتك عدل من فرهدتنه
نركض طلعنه ليك المفر نركض طلعنه
حرگو خيمنه بس ماطحت حرگو خيمنه
........................
وصلو ثنيتك لحگ تره وصلو ثنيتك
ما حشميتك لوما هضم ما حشميتك
عنوه اعتنيتك اركض ركض عنوه اعتنيتك
تقبل حميتك بالطف نظل تقبل حميتك
.....................................
عازة الخوان تحني الظهر عازة ضالخوان
للحمل عوان چف الاخو للحمل عوان
بالخيم نسوان رحتو وبگت بالخيم نسوان
وسفه الدهر خان يابو الشيم وسفه الدهر خان
..........................
عازه اشكبرهه ياعازتك عازه اشكبرهه
شايل ذخرهه زينب بجت شايل ذخرهه
حارت بمرهه اختك تره حارت بمرهه
اشينفع صبرهه للفاگده اشينفع صبرهه
........................
رد خالي لينه المهر من رد خالي لينه
صحنه وبجينه وين الولي صحنه وبجينه
ماصح بدينه ردنه ترد ماصح بدينه
وليه انولينه امن اهل الرده وليه انولينه
........................
ماظل بعد حيل جيتك ركض ماظل بعد حيل
وامراكض الخيل ابين الزلم وامراكض الخيل
كون الاخو ايشيل اشحال الاخت كون الاخو ايشيل
نحتار بليل ابلايا ولي ونحتار بليل
..........................
گوم ارجع اوياي يحسينه گوم ارجع اوياي
ظلت يتاماي بالبر تره ضلت يتاماي
واگبالنه الماي كلنه عطش واگبالنه الماي
اگعد يوفاي شتمو علي اگعد يوفاي
............................
يحسين صاير ابلون الرمل يحسين صاير
وطبع الحوافر فوگ الصدر طبع الحوافر
دلالي حاير اضلن لو ارد دلالي حاير
الما عدهه ناصر اشحال المره الماعدهه ناصر
..........................
انته المن علي عزمك ونختاك
زينب حشمت بسمك ونختاك
يخوي الكافل اضعوني وانه اختاك
عفتني ابحيره ياراعي الحميه
آنه الخوه اوفيهه واكفي
بطلي العتب يا زينب وكفي
اعذريني انطفت عيني وكفي
انگطع فوگ النهر بالغاضريه
خادم اهل البيت علي الزرگاني
لسان حال السيده زينب عليها السلام
بعد مقتل الحسين عليه السلام
والخيل اجتنه انته طحت والخيل اجتنه
من فرهدتنه ريتك عدل من فرهدتنه
نركض طلعنه ليك المفر نركض طلعنه
حرگو خيمنه بس ماطحت حرگو خيمنه
........................
وصلو ثنيتك لحگ تره وصلو ثنيتك
ما حشميتك لوما هضم ما حشميتك
عنوه اعتنيتك اركض ركض عنوه اعتنيتك
تقبل حميتك بالطف نظل تقبل حميتك
.....................................
عازة الخوان تحني الظهر عازة ضالخوان
للحمل عوان چف الاخو للحمل عوان
بالخيم نسوان رحتو وبگت بالخيم نسوان
وسفه الدهر خان يابو الشيم وسفه الدهر خان
..........................
عازه اشكبرهه ياعازتك عازه اشكبرهه
شايل ذخرهه زينب بجت شايل ذخرهه
حارت بمرهه اختك تره حارت بمرهه
اشينفع صبرهه للفاگده اشينفع صبرهه
........................
رد خالي لينه المهر من رد خالي لينه
صحنه وبجينه وين الولي صحنه وبجينه
ماصح بدينه ردنه ترد ماصح بدينه
وليه انولينه امن اهل الرده وليه انولينه
........................
ماظل بعد حيل جيتك ركض ماظل بعد حيل
وامراكض الخيل ابين الزلم وامراكض الخيل
كون الاخو ايشيل اشحال الاخت كون الاخو ايشيل
نحتار بليل ابلايا ولي ونحتار بليل
..........................
گوم ارجع اوياي يحسينه گوم ارجع اوياي
ظلت يتاماي بالبر تره ضلت يتاماي
واگبالنه الماي كلنه عطش واگبالنه الماي
اگعد يوفاي شتمو علي اگعد يوفاي
............................
يحسين صاير ابلون الرمل يحسين صاير
وطبع الحوافر فوگ الصدر طبع الحوافر
دلالي حاير اضلن لو ارد دلالي حاير
الما عدهه ناصر اشحال المره الماعدهه ناصر
..........................
انته المن علي عزمك ونختاك
زينب حشمت بسمك ونختاك
يخوي الكافل اضعوني وانه اختاك
عفتني ابحيره ياراعي الحميه
آنه الخوه اوفيهه واكفي
بطلي العتب يا زينب وكفي
اعذريني انطفت عيني وكفي
انگطع فوگ النهر بالغاضريه
خادم اهل البيت علي الزرگاني
لسان حال الامام السجاد ..يروي جروح السبي.
...................................
حيره والله حيره ... زينب الاميره.
صعبه يا الهي.. . عّالهزل اسيره.
.............................................
يازمن ماتنحمل .... قصة اجفوف وحبل.
وناكَه هّزله عليها .معالم فاطمه.
عمتّي احجاب الشرف ... بيها وحي الله هتف ..
تبقى للعفه عفه وحجابات السمه .
ريت ميت قبل ماشوف العقيله .
مجتفه وتنسبي عالناكَه الهزيله.
والله بعيوني الدمع ماجف مسيله.
وهيه كالحمامه.. تفكد اليتامه.
صعبه يالهي . عالهزل اسيره.
..............................................
صبري ياعالم نفذ .... مني حيل الطف اخذ
فاضت اهموم على اهموم يوادي كربله .
عاينت راس برمح .. تنزل ادموعه بجرح.
يبجي لو شاف على الكَاع تطيح امدلله.
كَلبي تطلع ونته قبل المدامع.
وانه اشوف بعمتي هاكَد مواجع.
تلتفت عالروس سكته بس تتطالع.
والشمر اسمعه . . يكَلها ماكو رجعه.
صعبه يا الهي . عمّتي أسيره .
...............................................
اسمع اشباه الزلم .... نازله بعمتي شتم.
وانه بجفوفي .اغلال حديد وجامعه .
الراس هز رمحه وعثر . . وبالارض سواله أثر.
من الاوداج على الكَاع .دماء امجمّعه .
سال دم الراس .بس لا مو عجيبه.
يواسي زينب راد عن هاي المصيبه.
لاذت بسد الرمح عمتي الغريبه .
بالحجر ولونه . . والله عذبونه .
صعبه يا الهي . . عالهزل اسيره .
..............................................
فوك ضربات الحجر ... عمده مشونه بحفر.
بين شمات والانظار اشد من الذبح
الديره مابيها عرف .. بالخوارج ننوصف.
رحمه مابيهم انذال.ولا واحد سمح.
عذبوا عمتي وخواتي .ازلام اميه.
بشر عميه اكَلوب مابيهم حميه .
اهناك ياعالم تمنيت المنيه.
لا اشوفن اختي . . تنظر الدمعتي
صعبه يا الهي ... عالهزل أسيره .
...............................................
آه يادرب السبي ... اتراب مصبوغه العبي .
والعطش نار والاسياط على متون الحرم.
لهجت الحادي زجر.. . زادنه بس الصبر .
من ضربهم . شتمهم . ولا سالم سلم .
قصه بيها احبال وجفوف ويتامه .
بيها للشر والظلم غايه وعلامه .
هذا كل الشافته اعيال الامامه .
زينب الحبيبه . . اصبحت غريبه .
صعبه يا الهي . . عّالهزل اسيره .
.........................................
✍ ابو منتظر الحجامي
...................................
حيره والله حيره ... زينب الاميره.
صعبه يا الهي.. . عّالهزل اسيره.
.............................................
يازمن ماتنحمل .... قصة اجفوف وحبل.
وناكَه هّزله عليها .معالم فاطمه.
عمتّي احجاب الشرف ... بيها وحي الله هتف ..
تبقى للعفه عفه وحجابات السمه .
ريت ميت قبل ماشوف العقيله .
مجتفه وتنسبي عالناكَه الهزيله.
والله بعيوني الدمع ماجف مسيله.
وهيه كالحمامه.. تفكد اليتامه.
صعبه يالهي . عالهزل اسيره.
..............................................
صبري ياعالم نفذ .... مني حيل الطف اخذ
فاضت اهموم على اهموم يوادي كربله .
عاينت راس برمح .. تنزل ادموعه بجرح.
يبجي لو شاف على الكَاع تطيح امدلله.
كَلبي تطلع ونته قبل المدامع.
وانه اشوف بعمتي هاكَد مواجع.
تلتفت عالروس سكته بس تتطالع.
والشمر اسمعه . . يكَلها ماكو رجعه.
صعبه يا الهي . عمّتي أسيره .
...............................................
اسمع اشباه الزلم .... نازله بعمتي شتم.
وانه بجفوفي .اغلال حديد وجامعه .
الراس هز رمحه وعثر . . وبالارض سواله أثر.
من الاوداج على الكَاع .دماء امجمّعه .
سال دم الراس .بس لا مو عجيبه.
يواسي زينب راد عن هاي المصيبه.
لاذت بسد الرمح عمتي الغريبه .
بالحجر ولونه . . والله عذبونه .
صعبه يا الهي . . عالهزل اسيره .
..............................................
فوك ضربات الحجر ... عمده مشونه بحفر.
بين شمات والانظار اشد من الذبح
الديره مابيها عرف .. بالخوارج ننوصف.
رحمه مابيهم انذال.ولا واحد سمح.
عذبوا عمتي وخواتي .ازلام اميه.
بشر عميه اكَلوب مابيهم حميه .
اهناك ياعالم تمنيت المنيه.
لا اشوفن اختي . . تنظر الدمعتي
صعبه يا الهي ... عالهزل أسيره .
...............................................
آه يادرب السبي ... اتراب مصبوغه العبي .
والعطش نار والاسياط على متون الحرم.
لهجت الحادي زجر.. . زادنه بس الصبر .
من ضربهم . شتمهم . ولا سالم سلم .
قصه بيها احبال وجفوف ويتامه .
بيها للشر والظلم غايه وعلامه .
هذا كل الشافته اعيال الامامه .
زينب الحبيبه . . اصبحت غريبه .
صعبه يا الهي . . عّالهزل اسيره .
.........................................
✍ ابو منتظر الحجامي
❤7🙏1💔1
السيده رقيه ع
يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
يمشي ويايه / ما يرضه نفترگ
عينه مفتوحه / يرفضها تنطبگ
ازغيره بالناگه / كل خوفه انسحگ
اشما عثر جدمي / يتفايض الدمع
ينحني رمحه / والشهگه تنسمع
مرت اعليه / من انكسر ضلع
حاولت كل شوك اسحگه ما اطيحن
الآه اضمها بصدري وآلامي يصيحن
التقي وي طشته واشكيله قريباً
يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
دم تصب إذني / واخفيها حاولت
امگيّده واركض / يم عمّتي البدت
لاچن عيونه / لجروحي تلتفت
ما يتيهني/ امراقبني بالسبي
عطري يشتمه / ما عنه يختبي
ارماد المخيم / لساته بالعبي
امتربات وهاي الاحبال ابادينه
حتى لو عن ناظره كلنه اختفينه
يشتم العطاب والدنه ابعبينه
يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
اسمي بالسانه/ يتلفظه ابجرح
اشما اصد راسه / يتحرك الرمح
وينجرح اكثر / نحره اللي منذبح
ابطفه يم جسمه / ياريت انه متت
بسهم المثلث / امنيّتي انصبت
چا متت مره / ولا هيچ اتعذبت
حروفي چنها مكسره كل ما لفظهن
الحافر اعظام الوجه يمكن كسرهن
ابخده آثار السحگ وانه احسبتهن
يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
مسرع الحادي / وتگرب الاجل
الشام اجيناها / وتشتت الامل
ادخلنه للخربه / واتناثر الزعل
روس اهالينه / دخلوها للقصر
واحنه ظلينه / ما نمتلك ستر
سگف ما عدنه / وشمس الله تستعر
حط يزيد اعلينه حراسه وعبيده
وين ابويه صحت انه يا ناس اريده
ارد اصبن آخر ادموعي ابوريده
يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
هاجت اجروحي / ادركني يا علي
من كثر نوحي / جابو طشت الي
اختم اسنيني / عالمنحر الجلي
ابلايه محبوبي / اشيسوالي هالدهر
صح أنه طفله / بس اكره القهر
خاطري وگلبي / بالمذبح انكسر
شاهدت ذبح العمام وذبح اخوتي
فوگ راس الوالد اشمحلاته موتي
يا حسين اصرخ اريد ويخفه صوتي
يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
الشاعر اياد الديراوي
يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
يمشي ويايه / ما يرضه نفترگ
عينه مفتوحه / يرفضها تنطبگ
ازغيره بالناگه / كل خوفه انسحگ
اشما عثر جدمي / يتفايض الدمع
ينحني رمحه / والشهگه تنسمع
مرت اعليه / من انكسر ضلع
حاولت كل شوك اسحگه ما اطيحن
الآه اضمها بصدري وآلامي يصيحن
التقي وي طشته واشكيله قريباً
يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
دم تصب إذني / واخفيها حاولت
امگيّده واركض / يم عمّتي البدت
لاچن عيونه / لجروحي تلتفت
ما يتيهني/ امراقبني بالسبي
عطري يشتمه / ما عنه يختبي
ارماد المخيم / لساته بالعبي
امتربات وهاي الاحبال ابادينه
حتى لو عن ناظره كلنه اختفينه
يشتم العطاب والدنه ابعبينه
يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
اسمي بالسانه/ يتلفظه ابجرح
اشما اصد راسه / يتحرك الرمح
وينجرح اكثر / نحره اللي منذبح
ابطفه يم جسمه / ياريت انه متت
بسهم المثلث / امنيّتي انصبت
چا متت مره / ولا هيچ اتعذبت
حروفي چنها مكسره كل ما لفظهن
الحافر اعظام الوجه يمكن كسرهن
ابخده آثار السحگ وانه احسبتهن
يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
مسرع الحادي / وتگرب الاجل
الشام اجيناها / وتشتت الامل
ادخلنه للخربه / واتناثر الزعل
روس اهالينه / دخلوها للقصر
واحنه ظلينه / ما نمتلك ستر
سگف ما عدنه / وشمس الله تستعر
حط يزيد اعلينه حراسه وعبيده
وين ابويه صحت انه يا ناس اريده
ارد اصبن آخر ادموعي ابوريده
يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
هاجت اجروحي / ادركني يا علي
من كثر نوحي / جابو طشت الي
اختم اسنيني / عالمنحر الجلي
ابلايه محبوبي / اشيسوالي هالدهر
صح أنه طفله / بس اكره القهر
خاطري وگلبي / بالمذبح انكسر
شاهدت ذبح العمام وذبح اخوتي
فوگ راس الوالد اشمحلاته موتي
يا حسين اصرخ اريد ويخفه صوتي
يُبكيني نَحرُ أبي والرُّوحُ هائِمه
رأسُ الحُسينِ للسَّبي ِ أتى
****
الشاعر اياد الديراوي
❤1💔1
عنوان القصيده الرحيل
شور
زينب غريبه
زينب غريبه
٠٠٠٠ ٠٠ ٠٠٠٠
رايحه وأشلون حالي
عايفه وياكم دلالي
الدرب شيخلصه ليه
غالي وعيونه عله غالي
ليل ونهار مگابلتني
روسكم هل شيبتني
ريت بالطف كون ميته
ولا لذبحتكم سبتني
مشيت اشلون خويه بين شمات
عله الناگه يصيحون الگمر مات
بحبال الصبر شديت العيون
ورد ابچي اذا صاحو غريبات
٠٠٠٠ ٠٠ ٠٠٠٠
رايحه لياضيم اختكم
الهزل مافززتكم
عله حالي ثغيب تنعه
الحادي من مراني يمكم
النوگ وتصيح الحگو
خذو زينب يالله گعدو
مدللات حيدر سبوهه
يالله يهل الغيره فزعو
شمادار الرمح عين اختك ادير
خذوني والغرب صارو نواطير
يسمعوني حچي يذبح يعباس
ويگص گلبي مثل گص المناشير
٠٠٠٠ ٠٠ ٠٠٠٠
الدرب ليه شيحمله
كون الليله نگول سهله
عيوني مشبوحه عله راسك
الحبل من چفي حلّه
يا ليالي هموم زيدي
ريت سيف يحز وريدي
من بعد چف الكفاله
الحبل ظل لازم إيدي
ياعباس ياخويه على بختك
هنه هواي المتعبات اخيتك
طلعت روحي من ودعت الخيام
ومتت لمن بلاچفين شفتك
٠٠٠٠ ٠٠ ٠٠٠٠
خويه من يمك خذوني
بلايه هودج طلعوني
ريت ميته ولا اجانب
عله الناگه الصعدوني
كل الصبح شفت المنيه
عيونكم تشبح عليه
چنهن يگولون اصبري
زين روح وهسه بيه
الصبر منين اجيبه وروس برماح
خذوني مگيده واليحدي ذباح
مايرتاح له يسب الحسين
چا گلبي يخوتي أشلون يرتاح
٠٠٠٠ ٠٠ ٠٠٠٠
احتضر كل مغربيه
من ينادوني السبيه
ريت كون عيوني عميه
ولا شفت دمعت رقيه
من وصلناهه الخرابه
اه ياضيم الخرابه
رقيه تبچي تصيح عمه
ارد اشوفه وينه بابه
يا شوغه ومصاب الينتظرها
الله يعينهه شيحمل صبرها
جابوه بالطشت وتحاجت وياه
ويم راس الابو خلص عمرها
٠٠ ٠٠ ٠٠٠٠
خادم اهل البيت ع
فلاح طالب الماجدي
شور
زينب غريبه
زينب غريبه
٠٠٠٠ ٠٠ ٠٠٠٠
رايحه وأشلون حالي
عايفه وياكم دلالي
الدرب شيخلصه ليه
غالي وعيونه عله غالي
ليل ونهار مگابلتني
روسكم هل شيبتني
ريت بالطف كون ميته
ولا لذبحتكم سبتني
مشيت اشلون خويه بين شمات
عله الناگه يصيحون الگمر مات
بحبال الصبر شديت العيون
ورد ابچي اذا صاحو غريبات
٠٠٠٠ ٠٠ ٠٠٠٠
رايحه لياضيم اختكم
الهزل مافززتكم
عله حالي ثغيب تنعه
الحادي من مراني يمكم
النوگ وتصيح الحگو
خذو زينب يالله گعدو
مدللات حيدر سبوهه
يالله يهل الغيره فزعو
شمادار الرمح عين اختك ادير
خذوني والغرب صارو نواطير
يسمعوني حچي يذبح يعباس
ويگص گلبي مثل گص المناشير
٠٠٠٠ ٠٠ ٠٠٠٠
الدرب ليه شيحمله
كون الليله نگول سهله
عيوني مشبوحه عله راسك
الحبل من چفي حلّه
يا ليالي هموم زيدي
ريت سيف يحز وريدي
من بعد چف الكفاله
الحبل ظل لازم إيدي
ياعباس ياخويه على بختك
هنه هواي المتعبات اخيتك
طلعت روحي من ودعت الخيام
ومتت لمن بلاچفين شفتك
٠٠٠٠ ٠٠ ٠٠٠٠
خويه من يمك خذوني
بلايه هودج طلعوني
ريت ميته ولا اجانب
عله الناگه الصعدوني
كل الصبح شفت المنيه
عيونكم تشبح عليه
چنهن يگولون اصبري
زين روح وهسه بيه
الصبر منين اجيبه وروس برماح
خذوني مگيده واليحدي ذباح
مايرتاح له يسب الحسين
چا گلبي يخوتي أشلون يرتاح
٠٠٠٠ ٠٠ ٠٠٠٠
احتضر كل مغربيه
من ينادوني السبيه
ريت كون عيوني عميه
ولا شفت دمعت رقيه
من وصلناهه الخرابه
اه ياضيم الخرابه
رقيه تبچي تصيح عمه
ارد اشوفه وينه بابه
يا شوغه ومصاب الينتظرها
الله يعينهه شيحمل صبرها
جابوه بالطشت وتحاجت وياه
ويم راس الابو خلص عمرها
٠٠ ٠٠ ٠٠٠٠
خادم اهل البيت ع
فلاح طالب الماجدي
فضل الخدمه الحسينيه
.................................................
يل تخدم ابو السجاد صفي النيه ماتخسر.
لوذ بخيمة الخدمه ومن بعض البشر احذر
...........................................
يل تمشي بطريق حسين بالك لا يزل جدمك.
بالك تختلف نيتك لا شيطانك ايوهمك.
عيش وموت لجله وشوف حدر اعبايته يضمك.
خـل يصبح غذاء الروح.
عيش بدنيتك مجروح.
صب دمعك على المذبوح.
والله اليرضه عنه حسين ثق بين البشر يكبر.
..............................................
يل رايد وقــــــار ونور نعمه وخير هـالنعمه.
لاتترك خدمتك هاي هيه الباب للرحمه.
لوما تخدم المذبوح من يستاهل اتخدمه.
أترك مسلّك الشيطان
وتجاوز كلام افلان.
تلبس من ذهب تيجان
تصبح عالبشر سلطان من تخدم ابو الاكبر..
......................................
ادعي الباري ليليه زيد امحبته بگــلبي..
ودرب الخدمه والخدام بس هو اليضل دربي..
انه بحب طريق حسين طفل من زغره متربي.
ربتني المجالس هاي.
صافي وعل نهج ممشاي.
من زغري الخدامه اوياي.
روحي وذاتي واحساسي .وحياتي بخدمة المنبر
...............................................
والله الدنيه حلوه تصير من أتهذب احساسك.
وتبقى من الصبح لليل بس حسين بنفاسك.
امضي بعالم الخدمه تشوف الناس حراسك..
على العالم يميزونك.
يجلوك.. ويوقرونك
لان خادم يحبونك
يحبوك اعله حب حسين حب طاهر ميتغير.
...............................................
هنياله اليحسبه حسين من ربعه شكبر حظه.
وخاسر اخره ودنيه ال عنه حسين مايرضه.
تعويض الخدامه اهنــــاك. الله بجنته يعوضه.
يوكف بالشــدد وياك.
ثــــق بالكَبر يتلاگاك.
يوم الحسره ماينساك
خيعونه اليسجله حسين خادم ساعة المحشر..
........................................
✍ ابو منتظر الحجامي.. 2025
.................................................
يل تخدم ابو السجاد صفي النيه ماتخسر.
لوذ بخيمة الخدمه ومن بعض البشر احذر
...........................................
يل تمشي بطريق حسين بالك لا يزل جدمك.
بالك تختلف نيتك لا شيطانك ايوهمك.
عيش وموت لجله وشوف حدر اعبايته يضمك.
خـل يصبح غذاء الروح.
عيش بدنيتك مجروح.
صب دمعك على المذبوح.
والله اليرضه عنه حسين ثق بين البشر يكبر.
..............................................
يل رايد وقــــــار ونور نعمه وخير هـالنعمه.
لاتترك خدمتك هاي هيه الباب للرحمه.
لوما تخدم المذبوح من يستاهل اتخدمه.
أترك مسلّك الشيطان
وتجاوز كلام افلان.
تلبس من ذهب تيجان
تصبح عالبشر سلطان من تخدم ابو الاكبر..
......................................
ادعي الباري ليليه زيد امحبته بگــلبي..
ودرب الخدمه والخدام بس هو اليضل دربي..
انه بحب طريق حسين طفل من زغره متربي.
ربتني المجالس هاي.
صافي وعل نهج ممشاي.
من زغري الخدامه اوياي.
روحي وذاتي واحساسي .وحياتي بخدمة المنبر
...............................................
والله الدنيه حلوه تصير من أتهذب احساسك.
وتبقى من الصبح لليل بس حسين بنفاسك.
امضي بعالم الخدمه تشوف الناس حراسك..
على العالم يميزونك.
يجلوك.. ويوقرونك
لان خادم يحبونك
يحبوك اعله حب حسين حب طاهر ميتغير.
...............................................
هنياله اليحسبه حسين من ربعه شكبر حظه.
وخاسر اخره ودنيه ال عنه حسين مايرضه.
تعويض الخدامه اهنــــاك. الله بجنته يعوضه.
يوكف بالشــدد وياك.
ثــــق بالكَبر يتلاگاك.
يوم الحسره ماينساك
خيعونه اليسجله حسين خادم ساعة المحشر..
........................................
✍ ابو منتظر الحجامي.. 2025
❤1🔥1🙏1
ماراحت أسيره .. بت حيدر أميره
بالعفه وبالحجاب . للزهره وزيره
////////////
هاي بت خير النساء
محجبه ابنور السماء -- فاطميه
عـزه وخلاق اوفاء
منزله وهيبه وأباء -- هاشميه
تأثـــرت بيهه النفـوس
سطرت بالطف دروس -- زينبيـه
طفها وطف حسين ــ هيه اتكمل الثنين
بعد الزهره هيهات ... نلگه ألهه نضيره
/////////////
يشع من هودجهه نور
بت علي واخت البدور - شگد عجيبه
بيهه غيره امن الكفيل
وزود من حامي الدخيل - كلهه هيبه
لويجوز ألهه القتال
زينب اتذل الرجال - مو غريبه
اترد حملات ابوهه .. ابوجه الگابلوهه
واليدناهه جاباه .. يم زينب مصيره
///////////
ثورة حســين الغيور
والله بالگلب الصبور - كملتـــها
شاهــدت بعـد الدلال
امصــايب اتهز الجبال - تحملتـها
للضعن صارت دليل
كملت دور الكفـــيل - بمقـدرتها
تحـرس باليتـامه .. مــن بعد النشامه
شالت راية حسين .. وتقـود المسيره
///////////
امخدرة آل الرسول
اتربت ابضـل البتول - يعرفـــوها
تمتلك اطهر صفــــات
اتظل مثل للمؤمنـات - بنت ابوها
اشلون شمس الله تروح
للســـــــبي اتــون وتنـوح - ماسبوها
محــد يدنه ليها .. هيبة امهه بيها
ذلت كل الاشرار .. والبايع ضميره
/////////////
زينب آيه امــــــن الكتاب
امن المهد لبست حجاب - من زغرها
انولدت الطف كربلاء
اتعلــــم الناس الوفاء - كل عمرها
صـــابره ابين الحتوف
والجره ابيوم الطفوف ـ ما كسرها
وگفت جنها عباس .. هزت عرش الارجاس
من خطبت بقه ايزيد .. ساكت كله حيره
///////////
الخادم
كامل السعيدي
بالعفه وبالحجاب . للزهره وزيره
////////////
هاي بت خير النساء
محجبه ابنور السماء -- فاطميه
عـزه وخلاق اوفاء
منزله وهيبه وأباء -- هاشميه
تأثـــرت بيهه النفـوس
سطرت بالطف دروس -- زينبيـه
طفها وطف حسين ــ هيه اتكمل الثنين
بعد الزهره هيهات ... نلگه ألهه نضيره
/////////////
يشع من هودجهه نور
بت علي واخت البدور - شگد عجيبه
بيهه غيره امن الكفيل
وزود من حامي الدخيل - كلهه هيبه
لويجوز ألهه القتال
زينب اتذل الرجال - مو غريبه
اترد حملات ابوهه .. ابوجه الگابلوهه
واليدناهه جاباه .. يم زينب مصيره
///////////
ثورة حســين الغيور
والله بالگلب الصبور - كملتـــها
شاهــدت بعـد الدلال
امصــايب اتهز الجبال - تحملتـها
للضعن صارت دليل
كملت دور الكفـــيل - بمقـدرتها
تحـرس باليتـامه .. مــن بعد النشامه
شالت راية حسين .. وتقـود المسيره
///////////
امخدرة آل الرسول
اتربت ابضـل البتول - يعرفـــوها
تمتلك اطهر صفــــات
اتظل مثل للمؤمنـات - بنت ابوها
اشلون شمس الله تروح
للســـــــبي اتــون وتنـوح - ماسبوها
محــد يدنه ليها .. هيبة امهه بيها
ذلت كل الاشرار .. والبايع ضميره
/////////////
زينب آيه امــــــن الكتاب
امن المهد لبست حجاب - من زغرها
انولدت الطف كربلاء
اتعلــــم الناس الوفاء - كل عمرها
صـــابره ابين الحتوف
والجره ابيوم الطفوف ـ ما كسرها
وگفت جنها عباس .. هزت عرش الارجاس
من خطبت بقه ايزيد .. ساكت كله حيره
///////////
الخادم
كامل السعيدي
❤2
محـــتاره زينب ياعلي الليله
ماعدها والي اليحرس العيله
ــ⊱☆☆❀☆☆⊰ــ
محتاره ضلت عگب واليهه
بيمن تلوذ وياهـو يحمــيهه
جمر المخيم چاوي رجليهه
وغير المـدامع مابقت حيله
ــ⊱☆☆❀☆☆⊰ــ
دمعتها تشرح عظم بلواها
سوط المتن يوجع واذاها
راح الكفيل البــيده جابها
ماضل اخو امن الضيم تشكيله
ــ⊱☆☆❀☆☆⊰ــ
اطفال عدها ونســـــوه مرعوبه
بطرگ العبي من كلشي مسلوبه
يا علـي بنـــتك حيل متــــعوبه
اگبال الشــــماته المدمع اتسيله
ــ⊱☆☆❀☆☆⊰ــ
عگـب الدلال وذيــچه عزتهه
كتال اخوها اليحــدي ناگتهه
ياعلي اتهز اجــبال حسـرتهه
وحسين من دم غدت تبچيله
ــ⊱☆☆❀☆☆⊰ــ
ياوســـفه اديها ابحبل مچتوفه
وعالرمح راس احسينهه تشوفه
طبت سبــــــــيه البلدت الكوفه
وي العليل المنـــــــــــهدم حيله
ــ⊱☆☆❀☆☆⊰ــ
✍الخادم
كامل السعيدي
ماعدها والي اليحرس العيله
ــ⊱☆☆❀☆☆⊰ــ
محتاره ضلت عگب واليهه
بيمن تلوذ وياهـو يحمــيهه
جمر المخيم چاوي رجليهه
وغير المـدامع مابقت حيله
ــ⊱☆☆❀☆☆⊰ــ
دمعتها تشرح عظم بلواها
سوط المتن يوجع واذاها
راح الكفيل البــيده جابها
ماضل اخو امن الضيم تشكيله
ــ⊱☆☆❀☆☆⊰ــ
اطفال عدها ونســـــوه مرعوبه
بطرگ العبي من كلشي مسلوبه
يا علـي بنـــتك حيل متــــعوبه
اگبال الشــــماته المدمع اتسيله
ــ⊱☆☆❀☆☆⊰ــ
عگـب الدلال وذيــچه عزتهه
كتال اخوها اليحــدي ناگتهه
ياعلي اتهز اجــبال حسـرتهه
وحسين من دم غدت تبچيله
ــ⊱☆☆❀☆☆⊰ــ
ياوســـفه اديها ابحبل مچتوفه
وعالرمح راس احسينهه تشوفه
طبت سبــــــــيه البلدت الكوفه
وي العليل المنـــــــــــهدم حيله
ــ⊱☆☆❀☆☆⊰ــ
✍الخادم
كامل السعيدي
انه الغريبه
انه الغريبه
٠٠٠٠ ٠٠ ٠٠٠٠
كلشي الليله انگضه باجر وداع الخيم
صارالحجي للرمح روس ومناحر رِسَم
بطرت الفجر ينتهي ذاك الخدر والعلم
وين اروحن والله حيره
اليله من عمري الاخيره
عاين اخواني واتاني
باجر اتلمهم حصيره
ديره غربه بس شماته تصير باجر
بالرمح ماينجبر كسر الخواطر
والله خويه حسين
شيبتوها اختكم
ادور عليكم صرت بين الحوافر
٠٠٠٠ ٠٠ ٠٠٠٠
بعيوني شفت الرسم يكطع نياط الگلب
شفت الخيم تحترك وترجيه عند الغرب
بالهيمه اركض صرت والطلعة گوه وغصب
ليش هيجي بتالي عمري
اطلع وينشاف خدري
راية العباس طاحت
وعالهضم ياروحي صبري
بعد ايسي مايرد ذاكَ دلالج
ماكو خوّان التغطيلج خيالج
اه ياكلمت غريبه وياج عاشت
هاي جلمه وماتمر حته عله بالج
٠٠٠٠ ٠٠ ٠٠٠٠
نهبو خيم هيبتي وگلبي بحسرته أحترك
وتوجهت للسبط الگيت صدره أنسحك
ناس وحوافر ركظ كلها تدور علگ
وانه من التل أشاهد
فرس نازل فرس صاعد
والنحر صار الغنيمه
واحد يسلمه عله واحد
اخوي ظامي يالتذبحه ماي شربه
ريته گلبي ويالحوافر موش گلبه
هذا اخوي الاعز من روحي عليه
اشوفه نايم عالترابه والله صعبه
٠٠٠٠ ٠٠ ٠٠٠٠
جابولي راسه برمح ويم الحرم هوسو
خل نفجع ام الخدر ضحكو شماته وحجو
صرتي غريبة وطن اهل الحميه مشو
شلون اصعدها الهزيله
وسفرة أحبالي طويله
بالضعن يحدي خوله
ياهضيمه عله العقيله
الشام مايرهم اليه صعبه امشي
ناس إذا شافت سبيه تحجي كلشي
ذوله اخوتي الدللوني گبال عيني
عالرماح وهاي حيره المن اشكي
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
انه الغريبه
٠٠٠٠ ٠٠ ٠٠٠٠
كلشي الليله انگضه باجر وداع الخيم
صارالحجي للرمح روس ومناحر رِسَم
بطرت الفجر ينتهي ذاك الخدر والعلم
وين اروحن والله حيره
اليله من عمري الاخيره
عاين اخواني واتاني
باجر اتلمهم حصيره
ديره غربه بس شماته تصير باجر
بالرمح ماينجبر كسر الخواطر
والله خويه حسين
شيبتوها اختكم
ادور عليكم صرت بين الحوافر
٠٠٠٠ ٠٠ ٠٠٠٠
بعيوني شفت الرسم يكطع نياط الگلب
شفت الخيم تحترك وترجيه عند الغرب
بالهيمه اركض صرت والطلعة گوه وغصب
ليش هيجي بتالي عمري
اطلع وينشاف خدري
راية العباس طاحت
وعالهضم ياروحي صبري
بعد ايسي مايرد ذاكَ دلالج
ماكو خوّان التغطيلج خيالج
اه ياكلمت غريبه وياج عاشت
هاي جلمه وماتمر حته عله بالج
٠٠٠٠ ٠٠ ٠٠٠٠
نهبو خيم هيبتي وگلبي بحسرته أحترك
وتوجهت للسبط الگيت صدره أنسحك
ناس وحوافر ركظ كلها تدور علگ
وانه من التل أشاهد
فرس نازل فرس صاعد
والنحر صار الغنيمه
واحد يسلمه عله واحد
اخوي ظامي يالتذبحه ماي شربه
ريته گلبي ويالحوافر موش گلبه
هذا اخوي الاعز من روحي عليه
اشوفه نايم عالترابه والله صعبه
٠٠٠٠ ٠٠ ٠٠٠٠
جابولي راسه برمح ويم الحرم هوسو
خل نفجع ام الخدر ضحكو شماته وحجو
صرتي غريبة وطن اهل الحميه مشو
شلون اصعدها الهزيله
وسفرة أحبالي طويله
بالضعن يحدي خوله
ياهضيمه عله العقيله
الشام مايرهم اليه صعبه امشي
ناس إذا شافت سبيه تحجي كلشي
ذوله اخوتي الدللوني گبال عيني
عالرماح وهاي حيره المن اشكي
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
#زين_العابدين_ع
يالنـايم ابحــــر الشمس .. يابويه راسك ويــنه
وحتى الوگع عالمشرعه .. هم ما شــفت چفينه
شادهني موقف منحرك
ضليـــت ادور خنصــرك
@@
يا بويه بيــك اتحــيرت .. اشـــــــلون الــم اشــلائك
كل مااشيـــــلك سيـدي .. يوگع عضو مـن اعضـائك
وحتى الظلوع مكســره .. ما ارحمــــــــوك اعــدائك
لاچن على اسيوف الظلم .. انتصـرت يبويه ادمائك
جسمك طريح ابكربله .. محــد فزعله ايشـيله
يابويه وبدمـع الحـزن .. جسمك صبح تغسيله
چاوين حيدر يحضرك
ضليت ادور خنصـــرك
ـــــــــــــــــ ❁ ❁ ❁ ــــــــــــــــــ
الف وتســع مية جـرح .. بيــك وحـرت بجـروحك
وگبـال زينـب عمـــتي .. يا بويه طلعت روحـــــك
من طاح اخيك عالنهر .. انهدمت جميع اصـروحك
وبأذني لجل الفــارگك .. ليهــسه عايش نوحــــــك
مكسور ظهرك لاحظت ـ لمـن رجــــعت اوحيدك
ومن سئلتك ام الخـدر ـ نحت وصفگت بأيـــدك
يهز الظـماير منضرك
ضليت ادور خنصرك
ـــــــــــــــــ ❁ ❁ ❁ ــــــــــــــــــ
ضل مرمي جسمك عالثره .. وشمس الظهر حـــراگه
وخـــــذونه عنــك لليـــسر .. ماچـنت اضـن نتــلاگه
تدري المحــب مــن يبتـعد .. يحـــني الظلوع افراگه
ولشــــوفت اعيـــونك ترى .. عيوني اشكثر مشتاگه
جيت آنه اقـبل شفتك ــ وبلايه راس الگيتك
ابنحرك يبويه المنگطع ــ قبلتك اوشميـــــتك
اشلون تترك منبــرك
ضليت ادور خنصرك
ـــــــــــــــــ ❁ ❁ ❁ ــــــــــــــــــ
يا بويه منـك مستــحي .. چا ما متـت بين ايدك
ليش ابنصــرتك مانعت .. چـا آنـه هـــم اوليــدك
هنيـال عبـــدالله وعلي .. وهنياله بيك اعضـيدك
المفروض اقدم منحري .. يا بويه دون اوريـــدك
وهـم ابقه نايم عالترب .. والرمح شايل راسي
وبسهام صدري ينظرب .. وهم تنگطع انفاسي
بالروح يابويه انصرك
ضليت ادور خنصـرك
ـــــــــــــــــ ❁ ❁ ❁ ــــــــــــــــــ
يابويه شنهو الصـــبرك .. مـن ضــربو ابنياتك
معقوله يمك مـن لفـن .. ما فجـرن دمعــاتك
انه ادري بسياط المتن .. اكبر وشـد لوعــاتك
وترجيته ارقيه اشكثر .. زادت لهب جمـراتك
من صعدونه اعله الهزل .. ماتعرف اشحل بينه
من بعد ســبع الگنطــره .. صـار الشـمر حادينه
اسولفنه كلها اتمرمرك
ضليت ادور خنصــرك
ـــــــــــــــــ ❁ ❁ ❁ ــــــــــــــــــ
الخادم
كامل السعيدي
يالنـايم ابحــــر الشمس .. يابويه راسك ويــنه
وحتى الوگع عالمشرعه .. هم ما شــفت چفينه
شادهني موقف منحرك
ضليـــت ادور خنصــرك
@@
يا بويه بيــك اتحــيرت .. اشـــــــلون الــم اشــلائك
كل مااشيـــــلك سيـدي .. يوگع عضو مـن اعضـائك
وحتى الظلوع مكســره .. ما ارحمــــــــوك اعــدائك
لاچن على اسيوف الظلم .. انتصـرت يبويه ادمائك
جسمك طريح ابكربله .. محــد فزعله ايشـيله
يابويه وبدمـع الحـزن .. جسمك صبح تغسيله
چاوين حيدر يحضرك
ضليت ادور خنصـــرك
ـــــــــــــــــ ❁ ❁ ❁ ــــــــــــــــــ
الف وتســع مية جـرح .. بيــك وحـرت بجـروحك
وگبـال زينـب عمـــتي .. يا بويه طلعت روحـــــك
من طاح اخيك عالنهر .. انهدمت جميع اصـروحك
وبأذني لجل الفــارگك .. ليهــسه عايش نوحــــــك
مكسور ظهرك لاحظت ـ لمـن رجــــعت اوحيدك
ومن سئلتك ام الخـدر ـ نحت وصفگت بأيـــدك
يهز الظـماير منضرك
ضليت ادور خنصرك
ـــــــــــــــــ ❁ ❁ ❁ ــــــــــــــــــ
ضل مرمي جسمك عالثره .. وشمس الظهر حـــراگه
وخـــــذونه عنــك لليـــسر .. ماچـنت اضـن نتــلاگه
تدري المحــب مــن يبتـعد .. يحـــني الظلوع افراگه
ولشــــوفت اعيـــونك ترى .. عيوني اشكثر مشتاگه
جيت آنه اقـبل شفتك ــ وبلايه راس الگيتك
ابنحرك يبويه المنگطع ــ قبلتك اوشميـــــتك
اشلون تترك منبــرك
ضليت ادور خنصرك
ـــــــــــــــــ ❁ ❁ ❁ ــــــــــــــــــ
يا بويه منـك مستــحي .. چا ما متـت بين ايدك
ليش ابنصــرتك مانعت .. چـا آنـه هـــم اوليــدك
هنيـال عبـــدالله وعلي .. وهنياله بيك اعضـيدك
المفروض اقدم منحري .. يا بويه دون اوريـــدك
وهـم ابقه نايم عالترب .. والرمح شايل راسي
وبسهام صدري ينظرب .. وهم تنگطع انفاسي
بالروح يابويه انصرك
ضليت ادور خنصـرك
ـــــــــــــــــ ❁ ❁ ❁ ــــــــــــــــــ
يابويه شنهو الصـــبرك .. مـن ضــربو ابنياتك
معقوله يمك مـن لفـن .. ما فجـرن دمعــاتك
انه ادري بسياط المتن .. اكبر وشـد لوعــاتك
وترجيته ارقيه اشكثر .. زادت لهب جمـراتك
من صعدونه اعله الهزل .. ماتعرف اشحل بينه
من بعد ســبع الگنطــره .. صـار الشـمر حادينه
اسولفنه كلها اتمرمرك
ضليت ادور خنصــرك
ـــــــــــــــــ ❁ ❁ ❁ ــــــــــــــــــ
الخادم
كامل السعيدي
❤5
يابالفضل صـوت الفواطـــم ناداك
زينب بقت وحــدهه وتريد احماك
*
صوت المسبيات اينادي .. انهض يا راعي النوماس
اعداكم سلبونه وضربونه .. وصحنه ادخيلك ياعباس
ابلا والي اخلافك ضلينه .. وأذتنه اسياط الارجاس
مهيوبات ابضلك عشنه .. ابعزه ومرفوعات الراس
رحنه غصب عنك وبالطف عفناك
يابالفضل صــوت الفواطـم ناداك
*
تقبل بت حيدر مچتوفه .. بحبال ومسبيه اتروح
ياكافلهه انضر حالتهه .. مكسورة خاطر وتنوح
شدت ونهه ايعثر الناگه .. ونت ونات المجروح
راحت وي چتال اخوتهه .. وعافتك بالطف مذبوح
لمن طحت هضمونه ياخويه اعداك
يابالفضل صــــوت الفواطـــم ناداك
***
سكنه اتحشمك يابوالغيره .. وتشكيلك مــن الچمات
ترضاهه اخلافك نتلوع .. عالذله وعالهضمه انبات
شوف السوط اسوه ابمتني .. وسلبو مني الترجيات
عمي انهض مو وكت النومه .. ما هزنك هل چلمات
لو يحصلنه ابكربله انموت اوياك
يابالفضل صــوت الفواطم ناداك
***
كم ثكله وكم طفله التصرخ .. من ظلم العسكر والجور
ليل الطف اظلم ويخوف .. ماعدهن غيرك ناطور
وزينب محتاره ابشدتها .. وخاطرهه اعليكم مكسور
گوم وادرك ضعن الخدر .. يامن چنت الضعنك سور
يابو الشيم زينب غريبه وتنخاك
يابالفضل صــوت الفواطم ناداك
*
اطفالك كلهه امتانيتك .. وين اوعودك يالوفاي
عطشانين ونطرو جودك .. يمته اترويهم بالماي
ضنو ترجع وتفرحهم .. ويسئلون اعليك اهواي
لاتتركهم يا كافلهم .. ماعدهم بالطف افياي
حسره وألم يابو المراجل فرگاك
يابالفضل صــوت الفواطم ناداك
**
الخادم
كامل السعيدي
زينب بقت وحــدهه وتريد احماك
*
صوت المسبيات اينادي .. انهض يا راعي النوماس
اعداكم سلبونه وضربونه .. وصحنه ادخيلك ياعباس
ابلا والي اخلافك ضلينه .. وأذتنه اسياط الارجاس
مهيوبات ابضلك عشنه .. ابعزه ومرفوعات الراس
رحنه غصب عنك وبالطف عفناك
يابالفضل صــوت الفواطـم ناداك
*
تقبل بت حيدر مچتوفه .. بحبال ومسبيه اتروح
ياكافلهه انضر حالتهه .. مكسورة خاطر وتنوح
شدت ونهه ايعثر الناگه .. ونت ونات المجروح
راحت وي چتال اخوتهه .. وعافتك بالطف مذبوح
لمن طحت هضمونه ياخويه اعداك
يابالفضل صــــوت الفواطـــم ناداك
***
سكنه اتحشمك يابوالغيره .. وتشكيلك مــن الچمات
ترضاهه اخلافك نتلوع .. عالذله وعالهضمه انبات
شوف السوط اسوه ابمتني .. وسلبو مني الترجيات
عمي انهض مو وكت النومه .. ما هزنك هل چلمات
لو يحصلنه ابكربله انموت اوياك
يابالفضل صــوت الفواطم ناداك
***
كم ثكله وكم طفله التصرخ .. من ظلم العسكر والجور
ليل الطف اظلم ويخوف .. ماعدهن غيرك ناطور
وزينب محتاره ابشدتها .. وخاطرهه اعليكم مكسور
گوم وادرك ضعن الخدر .. يامن چنت الضعنك سور
يابو الشيم زينب غريبه وتنخاك
يابالفضل صــوت الفواطم ناداك
*
اطفالك كلهه امتانيتك .. وين اوعودك يالوفاي
عطشانين ونطرو جودك .. يمته اترويهم بالماي
ضنو ترجع وتفرحهم .. ويسئلون اعليك اهواي
لاتتركهم يا كافلهم .. ماعدهم بالطف افياي
حسره وألم يابو المراجل فرگاك
يابالفضل صــوت الفواطم ناداك
**
الخادم
كامل السعيدي
❤1
عنوان القصيده
سوالف مولاتي زينب ع
تعبانه زينب والله تعبانه
بهيده يحادي النوك ويانه
٠٠٠٠ ٠٠ ٠٠٠٠
التطب ديوان ميته بمستحاها
اختكم شامت يهلهل وراها
واحد گال هاي الجاريه منين
بجيت وصحت انه دخيل الحسين
جلمه وماخشع لمن حجاها
انه الخذوني للسبي بنوحي
بكثر الصحاري طشت اجروحي
هوه الصبر يخواني وجندوب
هاي الرماح الطلعت روحي
من العطش والرمل ذبلانه
تعبانه ختكم والله تعبانه
٠٠٠٠ ٠٠ ٠٠٠٠
شوغات الدرب ليه شيخلصه
طريج الشام خله بروحي غصه
يراويني التعب والضيم اشكال
گلبي ايميل وي الراس لو مال
ياسوك الطبه خذله حصه
ميته انه من الشام يوميه
ياهو اليجيني صاح مسبيه
جنت الأميره والحرس عباس
هسه الغريبه صاحو عليه
ام الخدر ياناس هاي انه
تعبانه زينب والله تعبانه
٠٠٠٠ ٠٠ ٠٠٠٠
عله عيوني صفت تغفه البواجي
الرماح اتشيل ابروس الزواجي
ألف موته متت بطبت السوك
تناوبنه النعاوي انه والنوك
شفت محبس عرف انه وتراجي
شفت الهضم ماشافته الوادم
يأمر عليه بالسبي الخادم
عباس گعد يابعد عيني
شلون اخويه علرمح نايم
وسياطهم المتون عطشانه
تعبانه زينب والله تعبانه
٠٠٠٠ ٠٠ ٠٠٠٠
باجر الهلج كالو اتردين
ارد اشلون ماهي بنت الحسين
هذا الليل يگضي شلون ياناس
اخلصنه بجي ويعيون عباس
مهضومه اجيت من الدواوين
المثلي تدور بالمشي العونه
جابونه بهضم وشلون ردونه
وصلنه كربله من السبي بياحال
وي روس اهلنه ريت ذبحونه
حيلي رگد رايدله عوانه
تعبان زينب والله تعبانه
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
سوالف مولاتي زينب ع
تعبانه زينب والله تعبانه
بهيده يحادي النوك ويانه
٠٠٠٠ ٠٠ ٠٠٠٠
التطب ديوان ميته بمستحاها
اختكم شامت يهلهل وراها
واحد گال هاي الجاريه منين
بجيت وصحت انه دخيل الحسين
جلمه وماخشع لمن حجاها
انه الخذوني للسبي بنوحي
بكثر الصحاري طشت اجروحي
هوه الصبر يخواني وجندوب
هاي الرماح الطلعت روحي
من العطش والرمل ذبلانه
تعبانه ختكم والله تعبانه
٠٠٠٠ ٠٠ ٠٠٠٠
شوغات الدرب ليه شيخلصه
طريج الشام خله بروحي غصه
يراويني التعب والضيم اشكال
گلبي ايميل وي الراس لو مال
ياسوك الطبه خذله حصه
ميته انه من الشام يوميه
ياهو اليجيني صاح مسبيه
جنت الأميره والحرس عباس
هسه الغريبه صاحو عليه
ام الخدر ياناس هاي انه
تعبانه زينب والله تعبانه
٠٠٠٠ ٠٠ ٠٠٠٠
عله عيوني صفت تغفه البواجي
الرماح اتشيل ابروس الزواجي
ألف موته متت بطبت السوك
تناوبنه النعاوي انه والنوك
شفت محبس عرف انه وتراجي
شفت الهضم ماشافته الوادم
يأمر عليه بالسبي الخادم
عباس گعد يابعد عيني
شلون اخويه علرمح نايم
وسياطهم المتون عطشانه
تعبانه زينب والله تعبانه
٠٠٠٠ ٠٠ ٠٠٠٠
باجر الهلج كالو اتردين
ارد اشلون ماهي بنت الحسين
هذا الليل يگضي شلون ياناس
اخلصنه بجي ويعيون عباس
مهضومه اجيت من الدواوين
المثلي تدور بالمشي العونه
جابونه بهضم وشلون ردونه
وصلنه كربله من السبي بياحال
وي روس اهلنه ريت ذبحونه
حيلي رگد رايدله عوانه
تعبان زينب والله تعبانه
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
❤2
وداع ومستحه ودموع تنشاف
وكلمن بــعد يختار اليريده
آخر شي بعد ويموت الحسين
وتشيل الروس الارماح الجديده
آخر جمله طلعت من الخيام
حسين يكول زينب ياوحيده
آخر ليل هذا ويطلع الشام
وباچر نارهم تچوي الحديده
باجر كلها تركض توجع الخيل
وعلي السجاد مايكدر شبيده
باجر طفله طفله تلوحها النار
ومسلم مايجي البنته حميده
باچر يختنگ حته هوه هناك
وزينب عن ابو فاضل بعيده
ماتكدر تروح تصيح عباس
وتشوف السيوف تكطع ايده
مابيها بعد عثرات وسياط
زينب جسدت معنى العقيده
سيف العتابي
وكلمن بــعد يختار اليريده
آخر شي بعد ويموت الحسين
وتشيل الروس الارماح الجديده
آخر جمله طلعت من الخيام
حسين يكول زينب ياوحيده
آخر ليل هذا ويطلع الشام
وباچر نارهم تچوي الحديده
باجر كلها تركض توجع الخيل
وعلي السجاد مايكدر شبيده
باجر طفله طفله تلوحها النار
ومسلم مايجي البنته حميده
باچر يختنگ حته هوه هناك
وزينب عن ابو فاضل بعيده
ماتكدر تروح تصيح عباس
وتشوف السيوف تكطع ايده
مابيها بعد عثرات وسياط
زينب جسدت معنى العقيده
سيف العتابي
.
منذ سنين طويله.. ولاول مره.. صحن العقيله خالي من مجالس شهر محرم.
وكاني انظر اليها وحيده.. تنادي.........
.
.
.
.
ها يخدام... وحدي بالشام
من البواچي ونواعي صحني خالي
والله مشـتاگه تــرد ذيچ الليالي
.يخدام..
.
. ـــــــــــــــــ ❁ ❁ ❁ ـــــــــــــــــ
.
آنه اخت الـ بلحوافر صدره مسحوگ
ثوبه محروگ.. والبواتر وصلته
.
آنه اخت الضامي الاصبح چبده تنور
گلبه مفطور... يصد طرف العيلته
.
شفت بعـيوني الشمر نحره يگطعه
وابن ربعـي بالرمــــح راسـه يرفعه
حرمله بنبـلاته كل ســــاعه يبضعه
وبجدل يجر خاتمه ويگطع بصبعه
.
گلبي محتام .. وحدي بالشام
فكري مهموم والف حسبه بخيالي
والله مشتاگه ترد ذيج الليالي
يخدام.
.
. ـــــــــــــــــ ❁ ❁ ❁ ـــــــــــــــــ
.
هل محرم وآنه وحدي بين الارجاس
وتنشد الناس... وين صارت شيعتچ
.
هايزينب والمواكب كلها راحت
بليله طاحت .. ويه طيحة رايتچ
.
الرايه طاحـت وانذبــح يالحره صوتج
والحچـي بــس النه واعلنه سكــــوتج
بعد محد يجــري دمعــاته اعله اخوتچ
الف موته بحسره هم زيدي اعله موتج
.
عيني متنام.. وحدي بالشام
كلشي ضاع وفارگت عزي ودلالي
والله مشتاگه ترد ذيچ الليالي
. يخدام...
.
. ـــــــــــــــــ ❁ ❁ ❁ ـــــــــــــــــ
.
راح اوصف حالي الكم يالتنشدون
يلي تبچون.. ابليالي مصيبتي
.
آنه چان البابي تكصد كل العيون
اويشبعون.. بفضل كسرت خبزتي
.
حالي اصبح هالمسه غربه اعله غربه
مايي عطـشان ويــريد احد يشربه
اليقبل العـــتبه يسـمع كلمه صـعبه
واليصلي بصحني مايلگاله تـــربه
.
كلها ظلام.. وحدي بالشام
ياهظيمه وما يمر يم بابي غالي
والله مشتاگه ترد ذيچ الليالي
يخدام...
.
.ـــــــــــــــــ ❁ ❁ ❁ ـــــــــــــــــ
.
الي چان بحضرتي يبلع لسانه
حد سنانه... ورجع يجمع زمرته
.
كل مسيه يگصد الخوله ورقيه
بسم اميه.. يظل يرد بخطبته
.
يارقيه صـدگي عـــودچ مو مسافر
احنه دسنه صدره بالطف بالحوافر
ها يخــــوله وقصــتج مـو بالدفاتر
ومايـذكـرونچ ابــــد اهـــل المنـابر
.
برشگ الاسهام... وحدي بالشام
واليصـوب نبلته يگصد قتالي
والله مشتاگه ترد ذيچ الليالي
يخدام....
.
. ـــــــــــــــــ ❁ ❁ ❁ ـــــــــــــــــ
.
آنه بت حيدر علي كبش الكتيبه
امي الحبيبه.. دربتني اعله المحن
.
اجمع بأيتامي واسحگ جمرة النار
هايلاحرار... وللعدو مارف جفن
.
آنه عايشت وشفت هاي المصايب
وشفت أكثر هم بعد هظم ونوايب
چنت عـباس وعلي يــوم الحرايب
والنظـــرني مايظن حسيني غايب
.
رافعه الهام.. وحدي بالشام
صلبه من هاي الشراذم ما ابالي
والله مشتاگه ترد ذيچ الليالي
.
. ـــــــــــــــــ ❁ ❁ ❁ ـــــــــــــــــ
.
آنه مشتاگه وناديكم يلاحرار
گلبي بي نار... تشب من ذاك الجرح
.
جرح اخوي الطاحت ايمينه ويساره
وبنتظاره .... الرضيع المنذبح
.
الدنيا غربة وهذا بعض من ابتلائي
يهل محـرم وآنه مايبـــــدي عزائي
ابقى وحدي ومايمر ناعي الدمائي
ومايطــبر بالصـــــحن يمي فدائي
.
جرحي يلتام... وحدي بالشام
من تسلمون بـ هلا ابنت الغوالي
والله مشتاگه ترد ذيچ الليالي
.يخدام..
.
حسن الموالي الفاطمي
.
.
لابأس بذكر المقدمة لبيان فكرة القصيدة للجمهور
.
منذ سنين طويله.. ولاول مره.. صحن العقيله خالي من مجالس شهر محرم.
وكاني انظر اليها وحيده.. تنادي.........
.
.
.
.
ها يخدام... وحدي بالشام
من البواچي ونواعي صحني خالي
والله مشـتاگه تــرد ذيچ الليالي
.يخدام..
.
. ـــــــــــــــــ ❁ ❁ ❁ ـــــــــــــــــ
.
آنه اخت الـ بلحوافر صدره مسحوگ
ثوبه محروگ.. والبواتر وصلته
.
آنه اخت الضامي الاصبح چبده تنور
گلبه مفطور... يصد طرف العيلته
.
شفت بعـيوني الشمر نحره يگطعه
وابن ربعـي بالرمــــح راسـه يرفعه
حرمله بنبـلاته كل ســــاعه يبضعه
وبجدل يجر خاتمه ويگطع بصبعه
.
گلبي محتام .. وحدي بالشام
فكري مهموم والف حسبه بخيالي
والله مشتاگه ترد ذيج الليالي
يخدام.
.
. ـــــــــــــــــ ❁ ❁ ❁ ـــــــــــــــــ
.
هل محرم وآنه وحدي بين الارجاس
وتنشد الناس... وين صارت شيعتچ
.
هايزينب والمواكب كلها راحت
بليله طاحت .. ويه طيحة رايتچ
.
الرايه طاحـت وانذبــح يالحره صوتج
والحچـي بــس النه واعلنه سكــــوتج
بعد محد يجــري دمعــاته اعله اخوتچ
الف موته بحسره هم زيدي اعله موتج
.
عيني متنام.. وحدي بالشام
كلشي ضاع وفارگت عزي ودلالي
والله مشتاگه ترد ذيچ الليالي
. يخدام...
.
. ـــــــــــــــــ ❁ ❁ ❁ ـــــــــــــــــ
.
راح اوصف حالي الكم يالتنشدون
يلي تبچون.. ابليالي مصيبتي
.
آنه چان البابي تكصد كل العيون
اويشبعون.. بفضل كسرت خبزتي
.
حالي اصبح هالمسه غربه اعله غربه
مايي عطـشان ويــريد احد يشربه
اليقبل العـــتبه يسـمع كلمه صـعبه
واليصلي بصحني مايلگاله تـــربه
.
كلها ظلام.. وحدي بالشام
ياهظيمه وما يمر يم بابي غالي
والله مشتاگه ترد ذيچ الليالي
يخدام...
.
.ـــــــــــــــــ ❁ ❁ ❁ ـــــــــــــــــ
.
الي چان بحضرتي يبلع لسانه
حد سنانه... ورجع يجمع زمرته
.
كل مسيه يگصد الخوله ورقيه
بسم اميه.. يظل يرد بخطبته
.
يارقيه صـدگي عـــودچ مو مسافر
احنه دسنه صدره بالطف بالحوافر
ها يخــــوله وقصــتج مـو بالدفاتر
ومايـذكـرونچ ابــــد اهـــل المنـابر
.
برشگ الاسهام... وحدي بالشام
واليصـوب نبلته يگصد قتالي
والله مشتاگه ترد ذيچ الليالي
يخدام....
.
. ـــــــــــــــــ ❁ ❁ ❁ ـــــــــــــــــ
.
آنه بت حيدر علي كبش الكتيبه
امي الحبيبه.. دربتني اعله المحن
.
اجمع بأيتامي واسحگ جمرة النار
هايلاحرار... وللعدو مارف جفن
.
آنه عايشت وشفت هاي المصايب
وشفت أكثر هم بعد هظم ونوايب
چنت عـباس وعلي يــوم الحرايب
والنظـــرني مايظن حسيني غايب
.
رافعه الهام.. وحدي بالشام
صلبه من هاي الشراذم ما ابالي
والله مشتاگه ترد ذيچ الليالي
.
. ـــــــــــــــــ ❁ ❁ ❁ ـــــــــــــــــ
.
آنه مشتاگه وناديكم يلاحرار
گلبي بي نار... تشب من ذاك الجرح
.
جرح اخوي الطاحت ايمينه ويساره
وبنتظاره .... الرضيع المنذبح
.
الدنيا غربة وهذا بعض من ابتلائي
يهل محـرم وآنه مايبـــــدي عزائي
ابقى وحدي ومايمر ناعي الدمائي
ومايطــبر بالصـــــحن يمي فدائي
.
جرحي يلتام... وحدي بالشام
من تسلمون بـ هلا ابنت الغوالي
والله مشتاگه ترد ذيچ الليالي
.يخدام..
.
حسن الموالي الفاطمي
.
.
لابأس بذكر المقدمة لبيان فكرة القصيدة للجمهور
.
❤3