آ يدفان العشيره
محنتك محنه چببره
يلي دافن والدك
عمه  الله ايساعدك
ـــــــــــــــــــــــــــــــ
يلي دافن كل هلك.. فد سؤال ارد اسألك
ليش راجع وحّدك من الدفــــن
وين اخوتك والاهل.. محد اعليه سأل
وين وادمنه شعجب محد يحن

شفنه الي يرد من دفنت احبابه 
تفزعله العرب بدموع سچـــابه
تنشف دمعته وتهوّن مصابــه
اشـو مــحد تلگاك وفتح بابــــه

وسفه اهلنه والگرايب
نايمه حــــدر الترايــب
دافن اهلك وحدك
عمه الله ايساعدك
ـــــــــــــــــــــــــــــــ
ذكرتني بالغريب.. من رجع شابع نحيب
من رجع محني على افراگ الگمر
اليوم تشبه مشيته.. وذكرتني امصيبته
من رجع للخيمه مكسور الظهر

ويصبرني ويدري مختنگ صــدري
ودعالي الله يطول عالمحن صبري
اسمعه يگول الآن انكسر ظــــهري
عگب  عبــاس ماريدن بعد عمـري

ابهل مصيبه ذكرتني
وانهدل ياعمه متني
الوكت عالهم واعدك
عمه الله ايـــساعدك
ـــــــــــــــــــــــــــــــ
ابثوبك تراب الگبر.. خل اشمه بي عطر
الريحة حسين شكثر مشتاگه
ماخذتني ياعلي.. عمه ياباقي هلي
الوالي تدري مگدر اعله افراگه

يالدفـــان انشدك بالله يالدفـــــان
سگيت حسين گلي لو بقه عطشان
هلبت ماي رشيتــه على التـــربان
هالميــــت ذبيح وماله كل خوان

عالترب ظل ما تــچفن
هدومه بالدم عمه ضلن
بالدفن من ساندك
علي الله ايساعدك
ـــــــــــــــــــــــــــــــ
لاگرايب لاعرف.. ولابقه واحد كلف
تذرف ادموعك اجيت ومنكسر
منهظم حگك اجيت. يالدمع والدم بچيت
هواي باچي وصايره عيونك حمر

ياعمه على مصابه عمت عيــني 
ولا مليت ساعه وبطل ونيـــــني
يريت اوياه دافن ياعلي سنيني
يانــــار الأخـو ليــليــــه تچويني

والدمع سولف مصابي
وعالوكت دايم عتابـي
اشماله دهرك زاهدك
عمه الله ايساعدك
ـــــــــــــــــــــــــــــــ
مصيبتك تحني الظهر.. ظهرك وظهري انكسر
حسين محد شيعه من العرب
جنازه ما الها اهل.. الساده ما واحد وصل
للغريب التالي هندامه انسلب

ولاحرمه اعتنت ليه وتواسيني
لمُيت الضعن بالنوح لحـــسيني
لاصوت البقه يساعدني بونيني
ودمع العين لمصابـــه يــچّويني

وزينب آنه الهاشميه
امشي تـاليها سبــيه
وحالي ادري ماردك
عمه الله ايـــساعدك
ـــــــــــــــــــــــــــــــ
حيدر بشار الدراجي

اجيت ابدمعتي يحسين
عن....جسمك ادور وين

شفت المنگطع نحره
خيل اداست ابصدره
*******
گلي بيش اضمدك وحسب اجروحك
ما خله الحجر من صابك ابروحك
يمه شلون اعرفك والدمه اسفوحك
مچفي اعله الوجه ما ينسمع نوحك

حيره اشلون أعرفنك
يوليدي اردا اشمنك

بنحرك لو ارش گطره
خيل اداست ابصدره
*******
يمك لو طحت من ظلعي محنيه
يذبحني الحزن من دهري يوميه
يمه اشصاير ابحالك يبو ارقيه
من جرح الجرح ما تشرب اميه

ليش امكسره اسنونك
چم طعنه يطعنونك

خياله ابحقد عشره
خيل اداست ابصدره
*******
اجيتك والگلب يبني اشكثر حسره
ادور عالاصابع تسعه مو عشره
شفت حتى السهم يوصل حدر ظهره
اگعد يمه اجيتك فاطمه الزهره

يمه اشلون اشبگنك
ما سالم كتر منك

بروحي ظلت الجمره
خيل اداست ابصدره
*******
يا حيره من المك والجسد اثار
يمه انه وعلي بگليبي شبت نار
جابولك حصيره وظل علي محتار
اشلون ابلايه راسك نزل الحفار

يايمه الدفن حيره
ضاعت كل تعابيره

يمه يا علي اتحضره
خيل اداست ابصدره
*******
گعدت انه عله گبرك والعطش بلوه
جبتله اميه بلكي اوليدي يتروه
من حر الرمل كل ونه يتچوه
ياويلي الحجر من جبهته اشسوه

احني ابظلعي المكسور
ذبحوني ابظهر عاشور

غيمه بلا مطر صحره
خيل اداست ابصدره
*******
حسراتي من اسولف تجرح الاحساس
تاليهه......... الوكت نزلتك بلا راس
يمه وي علي السجاد احشم الناس
جيت وياك انوح وانظر العباس

بالحسره اسمع اونينه
موعد منطي لسكينه

طايح جربته ابكتره
خيل اداست ابصدره
*******
تمت بعون الله تعالى
الشاعر____يوسف الفتلاوياجيت ابدمعتي يحسين
عن....جسمك ادور وين

شفت المنگطع نحره
خيل اداست ابصدره
*******
گلي بيش اضمدك وحسب اجروحك
ما خله الحجر من صابك ابروحك
يمه شلون اعرفك والدمه اسفوحك
مچفي اعله الوجه ما ينسمع نوحك

حيره اشلون أعرفنك
يوليدي اردا اشمنك

بنحرك لو ارش گطره
خيل اداست ابصدره
*******
يمك لو طحت من ظلعي محنيه
يذبحني الحزن من دهري يوميه
يمه اشصاير ابحالك يبو ارقيه
من جرح الجرح ما تشرب اميه

ليش امكسره اسنونك
چم طعنه يطعنونك

خياله ابحقد عشره
خيل اداست ابصدره
*******
اجيتك والگلب يبني اشكثر حسره
ادور عالاصابع تسعه مو عشره
شفت حتى السهم يوصل حدر ظهره
اگعد يمه اجيتك فاطمه الزهره

يمه اشلون اشبگنك
ما سالم كتر منك

بروحي ظلت الجمره
خيل اداست ابصدره
*******
يا حيره من المك والجسد اثار
يمه انه وعلي بگليبي شبت نار
جابولك حصيره وظل علي محتار
اشلون ابلايه راسك نزل الحفار

يايمه الدفن حيره
ضاعت كل تعابيره

يمه يا علي اتحضره
خيل اداست ابصدره
*******
گعدت انه عله گبرك والعطش بلوه
جبتله اميه بلكي اوليدي يتروه
من حر الرمل كل ونه يتچوه
ياويلي الحجر من جبهته اشسوه

احني ابظلعي المكسور
ذبحوني ابظهر عاشور

غيمه بلا مطر صحره
خيل اداست ابصدره
*******
حسراتي من اسولف تجرح الاحساس
تاليهه......... الوكت نزلتك بلا راس
يمه وي علي السجاد احشم الناس
جيت وياك انوح وانظر العباس

بالحسره اسمع اونينه
موعد منطي لسكينه

طايح جربته ابكتره
خيل اداست ابصدره
*******
تمت بعون الله تعالى
الشاعر____يوسف الفتلاوي

.
منذ سنين طويله.. ولاول مره.. صحن العقيله خالي من مجالس شهر محرم.
وكاني انظر اليها وحيده.. تنادي.........
.
.
.
.
ها يخدام... وحدي بالشام
من البواچي ونواعي صحني خالي
والله مشـتاگه تــرد ذيچ الليالي
.يخدام..
.
. ـــــــــــــــــ ❁ ❁ ❁ ـــــــــــــــــ
.
آنه اخت الـ بلحوافر صدره مسحوگ
ثوبه محروگ.. والبواتر وصلته
.
آنه اخت الضامي الاصبح چبده تنور
گلبه مفطور... يصد طرف العيلته
.
شفت بعـيوني الشمر نحره يگطعه
وابن ربعـي بالرمــــح راسـه يرفعه
حرمله بنبـلاته كل ســــاعه يبضعه
وبجدل يجر خاتمه ويگطع بصبعه
.
گلبي محتام .. وحدي بالشام
فكري مهموم والف حسبه بخيالي
والله مشتاگه ترد ذيج الليالي
يخدام.
.
. ـــــــــــــــــ ❁ ❁ ❁ ـــــــــــــــــ
.
هل محرم وآنه وحدي بين الارجاس
وتنشد الناس... وين صارت شيعتچ
.
هايزينب والمواكب كلها راحت
بليله طاحت .. ويه طيحة رايتچ
.
الرايه طاحـت وانذبــح يالحره صوتج
والحچـي بــس النه واعلنه سكــــوتج
بعد محد يجــري دمعــاته اعله اخوتچ
الف موته بحسره هم زيدي اعله موتج
.
عيني متنام.. وحدي بالشام
كلشي ضاع وفارگت عزي ودلالي
والله مشتاگه ترد ذيچ الليالي
. يخدام...
.
. ـــــــــــــــــ ❁ ❁ ❁ ـــــــــــــــــ
.
راح اوصف حالي الكم يالتنشدون
يلي تبچون.. ابليالي مصيبتي
.
آنه چان البابي تكصد كل العيون
اويشبعون.. بفضل كسرت خبزتي
.
حالي اصبح هالمسه غربه اعله غربه
مايي عطـشان ويــريد احد يشربه
اليقبل العـــتبه يسـمع كلمه صـعبه
واليصلي بصحني مايلگاله تـــربه
.
كلها ظلام.. وحدي بالشام
ياهظيمه وما يمر يم بابي غالي
والله مشتاگه ترد ذيچ الليالي
يخدام...
.
.ـــــــــــــــــ ❁ ❁ ❁ ـــــــــــــــــ
.
الي چان بحضرتي يبلع لسانه
حد سنانه... ورجع يجمع زمرته
.
كل مسيه يگصد الخوله ورقيه
بسم اميه.. يظل يرد بخطبته
.
يارقيه صـدگي عـــودچ مو مسافر
احنه دسنه صدره بالطف بالحوافر
ها يخــــوله وقصــتج مـو بالدفاتر
ومايـذكـرونچ ابــــد اهـــل المنـابر
.
برشگ الاسهام... وحدي بالشام
واليصـوب نبلته يگصد قتالي
والله مشتاگه ترد ذيچ الليالي
يخدام....
.
. ـــــــــــــــــ ❁ ❁ ❁ ـــــــــــــــــ
.
آنه بت حيدر علي كبش الكتيبه
امي الحبيبه.. دربتني اعله المحن
.
اجمع بأيتامي واسحگ جمرة النار
هايالبرار... وللعدو مارف جفن
.
آنه عايشت وشفت هاي المصايب
وشفت أكثر هم بعد هظم ونوايب
چنت عـباس وعلي يــوم الحرايب
والنظـــرني مايظن حسيني غايب
.
رافعه الهام.. وحدي بالشام
صلبه من هاي الشراذم ما ابالي
والله مشتاگه ترد ذيچ الليالي
.
. ـــــــــــــــــ ❁ ❁ ❁ ـــــــــــــــــ
.
آنه مشتاگه وناديكم يلاحرار
گلبي بي نار... تشب من ذاك الجرح
.
جرح اخوي الطاحت ايمينه ويساره
وبنتظاره .... الرضيع المنذبح
.
الدنيا غربة وهذا بعض من ابتلائي
يهل محـرم وآنه مايبـــــدي عزائي
ابقى وحدي ومايمر ناعي الدمائي
ومايطــبر بالصـــــحن يمي فدائي
.
جرحي يلتام... وحدي بالشام
من تسلمون بـ هلا ابنت الغوالي
والله مشتاگه ترد ذيچ الليالي
.يخدام..
.
حسن الموالي الفاطمي
.
.
لابأس بذكر المقدمة لبيان فكرة القصيدة للجمهور
.

ياخيل بسجن منه
ويالكاع ساويتنه
شكد صحت عوفنه
هذا خوي هذا خوي
؟................
تعنيت اله والخدر جان يحاذر
وجسمه التطشر مدري وبياحافر
اتوجه عالجرحي والعيون تكابر
المثلي حاله والله يكسر خاطر

كل ضني الحك وشم عطر انفاسه
لن عالرمح لاكوني وسفه براسه

وبدم اشوفه محنه
ياخيل بسجن منه
..................
موبس جرح خاطر بعد يتشافه
ريت نعمه وكون النظر لاشافه
براس الرمح والهوه يفطر شفافه
شكد غيريتن الحنين اوصافه

خوي الجمال يغارمنه جبريل
جاشنهي ذنبه عليه تسحكن ياخيل
وكبالي طحنيتنه
ياخيل بسجن منه
؟..........

بياجريمه وشنهي سوه وياجن
ابيوم الوصلنه الكربله رواجن
جاهجي رد الفظل ومجازاجن
يل عارجن طول الدهر غطاجن

شسويتن بصدر الحنين الغالي
هاي انه خيته عاد رحمن حالي

دوسني وخلنه
ياخيل بسجن منه
..........
مابيه عضم صاحي بعد خليتن
النياط كلبي من الحشه شلعيتن
احن الصخر وعليه ماحنيتن
لبن الزجيه عليش ما رحميتن

شفتني وكمتن تدبجن فوكه
عطر النبي وكلتن اله نضوكه
ونطش عطرهه الجنه
ياخيل بسجن منه
.........
يل ماتركتن عضم صاحي بجسمه
طشار صار وبعد ياهو يلمه
حد ما تغير كلشي لونه ورسمه
هذا لوطن مشتاكه اسولف يمه

ياطلعتي من الخيم ثجيله
بكربله ماكو بعد عقيله
من شالت المحنه
ياخيل بسجن منه
...........
هوه الصبر ينفعني حته اتصبر
اسمي والوني من الطفوف تغير
كلشي يبس من الرزايه وصوفر
باجر يباجر جنه يوم المحشر

لو خلص الليل ويطر ابلونه
عن كربله عدوانه يمشونه
والروس تبره انه
ياخيل بسجن منه
............
خادم اهل البيت ع
فلاح طالب الماجدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

بدفنه شــلون زينب تنشد الناس
وبس جثه اخوها مــسلب الراس

ثلث تيام ضل حســــين مطروح
مطبر بلــــــــــحوافر مات مذبوح
تكله شلون بعدك تشفه الجروح

ويمك طاح صاحــت خويه عباس

شلون اباريه وماصــح جفن دوم
وظل حــسين بلبر مامش هدوم
مسلب خنــصره وفايض بلدموم

وهل ظلت بناته ادك عله الراس

بدفنه شلــــــون كالت من دفنتو
حــــــــسين موذر شلون وعرفتو
هم صــــــــح ماي لو ماكو تركتو

وكبره جم شــــــبر كلولي ينقاس

بدفنه بعيد وانشــــد عن عضيده
ورديتو اله ياخنــــــــــــــــصر ايده
وعبدالله ســــــــــــوه وياه يريده

حسافه شلون حدر الخيل ينداس

جسمه من الشمس متغير الرسوم
وانه هنا خلافه محــمــــله هموم
من يوم الجــــــفاني مفاركه النوم

راح الجان للــــــــــعدوان  خلاس

ابو سلام الجابري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

رايه تلحگ رايه
مسيرة المشاية.....للحسين....للحسين

ولو زحف نتعنه
لكربلاء الجنه.....للحسين....للحسين
ــــــ
شيب وشباب وشايب
طلعت اتعزي الغايب
والبيده شايل رايه
يال ثاراتك كاتب
واللهم عجل
ربي الفرج للصاحب

مشايه الك مشايه
يحسين ربعك جايه.... للحسين....للحسين

من كل صوب وديره
گصدت لراعي الغيره...للحسين...للحسين
ــــــ
تحسب احساب العالم
خادم يفزع خادم
من تطلع المشايه
العاشگ يجيلك هايم
لخدمتك يبن الزهرة
مسويه سباق الوادم

للفگد چفه وعينه
ولكربلا اتعنينه....للحسين....للحسين

اي وحق ضلعه ونحره
جينه نواسي الزهره...للحسين....للحسين
ــــــــ
كل سنه انزود ازياده
وزاد العدد تعداده
ملاين تمشيلك
بسمك العالم ناده
اه يحسين ومصابه
واه يحسين واولاده

تبچي وتون لمصابه
ومتعنيه هاي احبابه...للحسين..للحسين

رادود ابكل موكب
شاعر تلگا يكتب...للحسين....للحسين
ــــــــــ
لو گطعو رجلينه
مشايه الك تلگينه
ازحوف نتعنالك
والله ياابو اسكينه
مو عالجدم نمشيلك
نزحفلك اعلى ادينه

اعلى ادينه نتعناله
نوصل ازحوف لبابه...للحسين...للحسين

عنه فلا نتخله
گبره زحف نوصله...للحسين...للحسين
ــــــ
كلشي الك يرخص كلشي
لو موت دربك نمشي
لو متت اتعنالك
وعليك اطوف بنعشي
ميت وراح ابچيلك
ودموعي تترس رمشي


ميت وادري ابچيلك
يحسين اني ادخيلك..للحسين للحسين

لو متت كل امالي...للحسين....للحسين
اخذوني يم الغالي...للحسين...للحسين
ــــ

ياسين ناظم الشباني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

سم...
.لاح العليل وچبدته
سم ..
گطع دليله ومهجته
سم..
____
مو همي تبچي وتنفجع رايد اوصل صوتي
السجاد ياهو السممه وشنهو السبب يا خوتي
التقيه ما تنفع بعد يا روحي عاالحگ موتي
وياروحي اذا جاسچ ضما عالماي رأسآ فوتي

اي والعليل وعمتة
سم
..لاح العليل وچبدته
____
الما عنده غيره ولا رحم من عنده كلشي اصور
رسالة مكتوبه بجرح ما جاي الف وافتر
لا تامن ابن آدم ابد كلسا يجيك ابمظهر
من السممو أبن السبط هچي ابن ادم اخطر

وحگ علي ومصيبتة
سم.
.. لاح العليل وچبدته
____
والمنشلع گلبه وعلي وتعبان الله يعينه
ومن الوجع وسط الگلب تنغز يحس سچينه
بضلوعه تحفر يا بشر بس ماكو المصدگينه
والسممو ابنك علي يحسين نفس الطينه

رجعت على ابنك سمته
سم
...لاح العليل وچبدته
____
الله يعين ال النبي يصبحون يمسون بجرح
الما مات بالسم وعدل بالسيف لازم ينذبح
حزن والم اه ودمع من الليل ال حد الصبح
والعادو ال المصطفى ما غزر وياهم ملح

سمو وذبحو عترته
سم.
..لاح العليل وچبدته
_
من فاجعه ال فاجعه ما فارگو يوم الحزن
الفاكد عزيز بكل وكت تلگا اعلى احبابه يون
المذبوح ابو والعنده اخو مسموم يرتاح اشتضن
من الشجره اذا تگطع جذر يبس ويطيح الغصن

لو موت مر بشجرته
سم
...لاح العليل وچبدته
__
ياسين ناظم الشباني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

ما ضل شي بالطف وگبالي اجساد وروس اخوتي
انتهى كلشي بيوم العاشر والضل بس دمعتي

ما ضل واحد
الله شاهد

انتهى كلشي بيوم العاشر والضل بس دمعتي
___
من كل صوب النار اشتعلت خيمه تلوذ بخيمه
والايتام التركض طلعت حافي بهاي الهيمه
يوم العاشر بي ما صحت حتى خيال لغيمه
والمن حيره يسولف واحد عن الصار وضيمه

المن يشكي الفاگد والد والفاگد چم اخو
يم يا واحد يگعد يبچي ويشكي جروحه لمنو

حيرة العاشر
واصعب باچر

انتهى كلشي بيوم العاشر والضل بس دمعتي
___
علينه الوادم تركض فزعت والنار البيديها
گامت تشمرها اعلى اخيامي وبتراب انطفيها
واجساد اخواني المذبوحه بالطف مسلبيها
واضلوع حسين ال بالحافر طشار مطشريها

كلشي الحافر بي ما خله ومرضوضات ضلوعه
فوگ الرمح وراسه يديره عليه اتهل ادموعه

وراسه اگبالي
حسين الغالي

انتهى كلشي بيوم العاشر والضل بس دمعتي
__
وادم غربه وصحره اگصصهم ناشف ماي الغيره
حيره الطف وباچر اصعب حيره اصعب من حيره
باچر بحبال يچتفونه وكل ساعه انطب ديره
عگب اخواني الرحو مني الدنيا بعيني زغيره

ما ضل واهس عندي وضيگه هاي الدنيا بعيني
لو ميته ولا شفت العاشر ولگبري مشيعيني

اهون عندي
اتوسد لحدي

انتهى كلشي بيوم العاشر والضل بس دمعتي
____
يحسين بدونك ما تسوا الدنيا الما بيها انته
والما يحچي لواحد ضيمه تشلع گلبه السكته
والصار وياكم بالعاشر بس وياكم شفته
يااول مذبوح وضامي ومسبيه اتروح اخته

كونك سالم كلشي ايهون وفدوا لراسك راسي
يالعايش انته بنص روحي واشهگك انفاسي

يا مي عيني
وكل اسنيني

انتهى كلشي بيوم العاشر والضل بس دمعتي
__
الله وياك واخر مره اتشوفك هاي عيوني
لو ميته وانتم بالعاشر يا خويه اتشيعوني
ولا بحبال اچتف وامشي مسبيه وبضعوني
للشام وراسك يبرالي ومن عندك حرموني

يا بعد اختك كون الصاير هذا البيكم بيه
والطاح عليكم لو طايح بالطف كله عليه

وبجسمي ارضه
الخيل اترضه

انتهى كلشي بيوم العاشر والضل بس دمعتي
___

ياسين ناظم الشباني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

اربعه بالطف ولد ضحيتلك
فدوا الك بس كون سالم ريتك

يا حسين. يا حسين
_
الك كلشي يهون بس كونك ترد
بالسلامه فدوا الك كلها الولد
كون ترجع والله افرشلك ورد
دربك اه يحسين بس لا تبتعد

كون سالم ترجع وما منذبح
ولا اشوف بجسمك صواب وجرح

يا حسين. يا حسين
___
فدوا الك عباس كله واخوته
وفدوا الك ايديه اليسرى ويمنته
الشالت الماي وابد ما شربته
ورفع راسي اعله الشريعه بطيحته

ليش ضل أعله النهر راعي العلم
ما رضه بلا ماي يرجع للخيم

يا حسين. يا حسين
__
ويلي زينب بقت بعدك حايره
وشكو خيل عليك تركض غايره
البيك صارت والله ابد ما صايره
خيل وجيوش اعله جسمك دايرة

يهل يثرب لمن صاحي الناعي
حسين مات لعمري ما ضل داعي

يا حسين. يا حسين
___
عمر دونك والله ابد ما يسوا
والحياة بدونك او لا حلوه
الدهر عگبك بيه شوف اشسوا
اطلع ابلوه واطب ابلوه

هچي خلصت العمر من دونك
كلشي ما يحلالي عگب عيونك

يا حسين. يا حسين
__
فدوا كل ولدي الك يا غالي
وابد لحظه ما رحت من بالي
منين ما اباوع تصير گبالي
راسك اعله ارماح يتراولي

امك اني ام البنين احچيلك
راح اخلص عمري دم ابچيلك

يا حسين. يا حسين
_
ياسين ناظم الشباني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

فاطمه اني وعليله وياكم اخذوني
وين تردون وحيده لا تخلوني

سفرتكم طويله
ابنيتكم عليله

وياكم اخذوني. وياكم اخذوني
____
دنيا ليل وشو ضعنكم حمل الليله
بوية الافراگ دخيلك ما الي حيله
حملي لو مال عگبكم منهو اليشيله
وعن الهموم بعدكم ياهو الاشكيله

يا بويه دخيلك
من فدوا اغديلك

وياكم اخذوني. وياكم اخذوني
__
صح عليله بس وحيده لا تخلوني
حتى لو ما بيه حيل وياكم اخذوني
من البواچي خلصتهن نشفت عيوني
عن هواكم بويه فدوا لا تحرموني

مشتاگه وعليله
ولا بيديه حيله

وياكم اخذوني. وياكم اخذوني
_
لكربلا وياكم امشي وانسبي وياكم
ولا اضلن بالمدينه وحدي ارجاكم
وحدي اتعوفني بويه شنهو خلاكم
لا تخلوني وحيده واني بحماكم

بعدكم منهو اليه
يگومني من اديه

وياكم اخذوني. وياكم اخذوني
__
علتي المنعتني منكم يااعز ناسي
انتو ما گلتولي وادري هذا بحساسي
كون مو راسك يبويه المنگطع راسي
وكون ميته عالشريعه وباقي عباسي

الكم فدوا روحي
يا بلسم جروحي

وياكم اخذوني. وياكم اخذوني
_
بويه من رحتو ولهسه وانتم ابالي
بروحي وبگلبي سكنتو غالي يم غالي
خلصت عمري انتظركم وانته تبرالي
بويه يحسين بسفركم تعبت أحوالي

لو هالمره اشوفك
والله ما اعوفك

وياكم اخذوني. وياكم اخذوني
___

ياسين ناظم الشباني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

بالطف ندبتك واعرفك ما تجافيني
غير اني عمتك واندبك يا كحل عيني

يمته ترف راياتك
واطالب بثاراتك

يمهدي. يمهدي
__
من الطف يعمه ولهسه تبرالك عيوني
يوميه اندبك يمهدي وما خابت ضنوني
ياالمهدي الك ثار ترده مالت امتوني
وتعيد الاطفوف يعمه وتحدي بضعوني

يوميه احشمك واگلك عجل بثارك
ياما انتظرتك واناطر اسمع اخبارك

يا عمه الك مشتاگه
وانا اعلى ظهر الناگه

يمهدي. يمهدي
___
يوم الضعن سار يمهدي زادت جروحي
مسبيه وادعي لظهورك يا بعد روحي
ساعة مشينه للسبي ما بطلت نوحي
وگبالي مرفوع يمهدي راس مذبوحي

مجتوفه ادية ورقيه تبچي وتنادي
ولراس ابوها خذوها ما يرحم الحادي

تظهر يمهدي ادعيلك
من فدوا عمه اغديلك

يمهدي. يمهدي
_
كل ليله جمعه اناطر يخلص غيابك
تظهر يمهدي واسمعك تاخذ بثارك
تردلي روحي لوني اسمع اخبارك
ساعة ظهورك يعمه يوم المبارك

تشفى جروحي يروحي من ترف رايه
الك يمهدي وظهورك طول هوايه

يمته الفرج يالغالي
ياالما رحت من بالي

يمهدي. يمهدي
_
دوم اعلى بالي يمهدي واگعد ادعيلك
وياك اسولف سوالف چني واشكيلك
مو يمي انته واگلك فدوا اغديلك
وكل ليلة جمعه رسايل مني اوديلك

اشكي مصابي وعذابي واني مسبية
من الطف لهسه گلتلك اشجره عليه

بس الك اشكي همومي
بصحوتي وبنومي

يمهدي. يمهدي
__
اخر كلامي سلامي الك ياالمهدي
ميته واتاني ظهورك غيرك شعندي
لو عدله اقبل لوني حتى لو جندي
وياك اصيرن يعمه ولا اضل وحدي

خلصت حياتي لمامتي بس سبي ولوعه
كل عمري خلص يعمه روحي مشلوعه

عليمن يعمه احچيلك
عن يا مصيبه اشكيلك

يمهدي. يمهدي
___

ياسين ناظم الشباني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

سبي وغربه وگبالي الروس مرفوعه
خلص عمري فواتح روحي مشلوعه

چادر فاتحه ما لحظه نزلته
وبيرغ للحزن من زغري رافعته

يعباس. يعباس
_
مكتوبه عليه اگضي العمر حسرات
كل ساعه خبر اسمع بواحد مات
لو مسموم لو مذبوح بس شوغات
خلص عمري ابچي وما اذل هيهات

الرادوني اذلن بالطف يحلمون
راسي راح ارفعه وهما اليدنگون

اخت عباس اني وكفو من اخته
گلادة ذله بالطف شمر لبسته

يعباس. يعباس
__
الحسباله يطيح حسين واتوسل
متوهم واخوتي وين المعدل
زينب اني والما يدري خل يسأل
وكت خله الشمر جدامي يتمرجل

الشمر حسباله اطخن راس لمثاله
يحلم خل يشيل الفكره من باله

الشمر من حجه وياي النوم طيرته
من راسه وسوالف زلم سمعته

يعباس. يعباس
__
كل ساعه التمرني وروس خواني
گبالي على ارماح وتلچم احزاني
كبرت هواي بالطف واني مواني
هدتني المصايب گلبت الواني

مر بيه يخوتي اخلافكم كل شي
مسبيه وضعنكم لليسر يمشي

بعدكم والله طعم النوم ما ضگته
يا نوم اليجي وحسين فاگدته

يعباس. يعباس
___
مواقف بيه مرت ما جت ابالي
اتيسر وروس معلگه اگبالي
فوگ ارماح وين الغالي والغالي
و بدرب السبي شمات تبرالي

بطرف عيني دمعتي و ماابديها
حسافه گبال شامت دمعتي ابچيها

الصار وياي گوه عليه ما ردته
يا درب اليسر بالگوه ساحكته

يعباس. يعباس
___
اخ الشام بيه يخوتي اشخلت
من لوعه وبعد ما اگلكم اشسوت
وادم ما تحبنه وبينه من مرت
كل حچايه زينه علينه ما ذبت

بويه الشام ما تنسي عملتها
ومفروضه عليه الشام طبتها

يا بويه الحچي البسبي ما شفته
بالشام الحچي الما ينحچي ضگته

يعباس. يعباس
__

ياسين ناظم الشباني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

حدي

الرمح شاله وحطه اعلى راسه
شابگ ولينه ومن نحره باسه

حتى الرمح محتام
باسه بوسة ايتام

اتمنيت العلى ارماح مو راسك چفوفك
__
فوگ ارماح راسك واني احس ارماحهم بيه
راسي كون مو راسك صعبه امشي مسبيه
احس بعيونك شيحچن كل ساعه وتصد ليه
نقص بعيالك وتدري بيهن ناقصه بنيه

گلي يزينب ما مش رقية
بضعن السبايه نقص علويه

واهتز رمح الامام
باسه بوسة ايتام
اتمنيت العلى ارماح مو راسك چفوفك
____
چنت تسأل عليه وين زينب ليش ما هيه
لحظه چنت ما تغفه الا وتلزم ايديه
انته الچنت تبرالي وخدري انته حاميه
وسفه عالرمح راسك واني وياك مسبية

ما چنت احسب راسك على ارماح
وامشي سبية ومكسورة جناح

وراسك عالرمح نام
باسه بوسة ايتام
اتمنيت العلى ارماح مو راسك چفوفك
___
ردينه وتركنه حسين جثه مرمي مسلوبه
ويلي ما سلم منهم حتى سلبو ثوبه
بحجة دوسو صدر حسين حتى تغفر ذنوبه
وادم لا شرف لا دين عدها الغيره مشطوبه

كل صبري خلص وهذا حدي
لو يرضى الحسين اصرخ يمهدي

بالذر شد الاحزام
باسة بوسة ايتام
اتمنيت العلى ارماح مو راسك چفوفك
_
راح اصبر واتاني المهدي ياخذ باچر بثاري
يدري بالجرى عليه عمته ويدري بسراري
ينعى بجده ابو الاكبر دمعه اعلى الوجن جاري
باچر يظهر وتطلع كلها الشيعه انصاري

ويالثارات ثارات الحسين
وياخذ الثار الواحد اثنين

برمحه يسقط ارقام
باسة بوسة ايتام
اتمنيت العلى ارماح مو راسك چفوفك
__

الشاعر ياسين ناظم الشباني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

ابن الحسين العود____لكربلا رد اردود
من نادت الاجساد ___حي على السجاد
لكربلا رد اردود
***
سجاد. بالحومه نادى حسين
سجاد. لجيتك متانين
سجاد. عالغبره ضل الدين

سمع ندائه وعاد. من نادت الاجساد
___
او راح. يحفر لأهله گبور
او راح. او خاطره مكسور
او راح. طمهم بلايهأنحور

او لعن ابن زياد. من نادت الاجساد
___
او صاح. بحزن ينعى ابيه
او صاح. كسر ضهره اخيه
او صاح. عبدالله هاي اميه

يشربه اميه راد. من نادت الاجساد
__
عباس. عمي وينه چفك
عباس. عمي بگلبي ادفنك
عباس. اسلم عليك اختك

ما كلت بعدك زاد. من نادت الاجساد
_
يا ناس. هل من معين احد
يا ناس. هذا الحسين امدد
يا ناس. فزعو بني اسد

دفنو ابو السجاد. من نادت الاجساد
___
انصار. مسلم حبيب وجون
انصار. وهب زهير وعون
انصار. موته وعليه يبچون

حيله عليهم باد. من نادت الاجساد
___

الشاعر ياسين ناظم الشباني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

بالصور نشتم عطرهم__للحسين اطو عمرهم
شيب شبان وشباب__انكسر گلب اشچم رباب
ودعتهم ودعتهم
__
مشو عنه ابلا وداع أعزاز او چنهم نسونه
مثل ضعن حسين طلعو وبنصر مثله اجونه
عالگمر صديت اباوع والگمر مختلف لونه
والگمر حزنان چنه واضلم اعلى الفارگونه

وجها نصه الگمر ضلمه__يغيب كل ما طاح زلمه
يخجل يباوع جثثهم__بالصور نشتم عطرهم
ودعتهم ودعتهم
___
بكلشي ضحو حتى يبقى شامخ ورايه الحسين
چم حبيب ابن مضاهر عالسواتر واگفين
مثل عابس عدنه جنو مثله جنو عن يقين
ما نعوف الوطن وحده من مشو حلفو يمين

عالوطن طالع يزيد__يريد ذبحه من الوريد
ضحو لنحره بنحرهم__بالصور نشتم عطرهم
ودعتهم ودعتهم
___
عالبساتين الفراش يطير مو فوگ السواتر
بالحديقه الورده تزرع بس وردنه بالمقابر
ليش يا ورده الازرعها وانتظر اشتمها باچر
انتظر واحلم اشمها تالي تگطعها الخناجر

اشكثر ضحينه بولد__ابعلي چنهم ورد
ما شبعنه شوف منهم__بالصور نشتم عطرهم
ودعتهم ودعتهم
___
زفة القاسم علينه بكل وكت صارت تمر
والصواني شموع حنه بيها رمله شگد تفر
صار يا بيت النطبله نلگه عاشور وصفر
اتمالح ويانه حزنه عشرته عشرة عمر

الموت ما هدانا لحظه__عطوه گلناله ورفضها
مشو والموت بأثرهم__بالصور نشتم عطرهم
ودعتهم ودعتهم
____
بمدرسة حسين درسو حققو بيها النجاح
درسو اعلى ايد ابو فاضل كل مهمات السلاح
رعب زرعو بالدواعش بالحرب صار الصياح
انهزمو ولد حسين اجوكم ركبو اجناح الرياح

اجو بقوه وعزيمه__والحرب صارت وليمه
الله نصروه ونصرهم__بالصور نشتم عطرهم
ودعتهم ودعتهم
__
عشگ عشگوها السواتر اتلاگو الحضن بحضن
والله تتمنى البنادق لو بصابعهم رمن
زلم فزعت للمنيه لمن حشمها الوطن
ابد ما ننسى فضلهم اشما يمر بينه الزمن

ابد ما ننسى فضلكم ___ ما نوافي شما نگلكم
الامن صار بفضلهم__ بالصور نشتم عطرهم
ودعتهم ودعتهم
__
الشاعر ياسين ناظم الشباني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

آه يـازيـنـب     **       آه يـازيـنـب
*----------------*-------------*


بـيـن الـزلـم والخيل صعبه وتـركضين
وتصيّح الـشمـات هـاي أخـت الحسين
زحمـه وچـبيـره أعـليـچ يالحـره هـايـه
تـالـي الـعـمـر والـنـار طــرف الـعـبـايـه

*---------------*-------------*
ذيـچ الـعـقـيـلـه الـيـوم مـاچـنـچ أنتي
بـچـيـتـي حـتى اعـداچ لـمن ركضتي
بـخـدرچ ايعـرفـون مضـرب مثل چان
اخت الـگمـر وأم عون هسه ام الاحزان

*----------------*-------------*
چنتي بـوكـت عـبـاس الضلچ احجاب
وسـفـه الـدهر خـلاچ مـابين الاجـناب
عـمـرچ عبـر خمسين حـرمـه وچبيره
المايجـري دمعـه أعليـچ مـيت ضميره

*----------------*-------------*
عـگـب الاهـل تمشين فـوگ الـهـزيله
وعمـداً تـصيـح النـاس هـاي العـقيله
طبيتي سـوگ الشـام كـلهـم يشتموت
أشگد حملتي اجروح مولاتي يم عون

*-----------------*-------------*
أشـخلـه بيـچ الـشام هضمه ومـصابه
جـرحـت دليلـچ حـيـل ذيـچ الخـرابه
مــرت عـلـيـچ أهـنـاك اشــكـم رزيـه
گــدامـچ اعـلـه الـراس مـاتت رقـيـه

*-----------------*-------------*
يـازيـنـب الله ايـعـيـن كـلـبـچ يـحـره
ضـل خـاطـرچ مـكسور محـد يجبـره
بـصعـب كـسـر خـلـوچ مثـل الـوديعه
لـمـن كـفـيلـچ طـاح يـم الـشــريـعـه

*--------------------*---------------*
✍خادم السيده زينب (ع)
الشاعـر رعـد الـجـريخي

ابوذيات
السيدة زينب تخاطب  الامام الحسين ع


اشــكــم طــفــلــه وطفل اختك.. شَكلهه
و دخـــــان الــخـــيــــم غــيّــر .. شِكلهه
اذا تـسـأل عــلــى امـــتـــونـــي.. شَكلهه

بـكـثـر طـعـنــاتـك اســيـــاط الـعـلــيـــه
                                    *---------------*---------------*

ألـلـيــل لـحـالـــــة الــنـــســــوان.. يربيك
ونــظـرهـن بـــعــده لـلـمـــيـــدان.. يربيك
طـحـت والشمـر شــوف الــعــيـن.. يربيك

شـگلـهـن وأقـنـع اســـكــيـــنـــه ورقـيــــه

                                    *---------------*---------------*

✍خادم الحسين ع
الشاعر رعد الجريخي

دفنت أحبابي بـيـدي وسلمت أمري
او كبلهم ريـت خلوني ابلحد گبري


*

دور الـكـون من الـــذر وســــأل بـالـبـحـر والبر
تلكاني أعـيـش الـطـف كـبـل مــا أنـخـلـق بالذر
أشوف الماتشوفه الناس أنا مـصـدر لكل مصدر
بقلم دمعي كتبت الطف جرح مايشفي للمحشر

موش نحورهـم ريـته إنگطع نحري 
او كبلهم ريـت خلوني ابلحد گبري


*

أنـا المـدفـون والـدفــان والـفـاگــد أعــز ناسه
وأنا المحروك والدخان يـركـض لسه بأنفاسه
أنا ابن الظهره صـار اهـلال لمـن طاح عباسه
أنا ابن الصدره من سحگو كَبر عالرمح راسه

وسفه الـحـافـر اعلى اصـدورهـم يجري
او كبلهم ريت خلوني ابلحد گبري


*

الطف شفته صوره وصوت تـدگ بعظامي آلامه
شفت وين الـعـزيـز اِيطيح دون حســين وخيامه
وشفت العم بــلا ذرعــان مـتـشـابـگ مـع إسهامه
وشفت إشلون ابوي حسين رض الحافر اِعظامه

من استشهدوا إتبده كل صبري 
او كبلهم ريت خلوني ابلحد گبري


*

أنـا الـسـجـاد بـعـيـونـي مـسـافـة غـيـم هماله
وگلبي امن القهر والضيم صار النوح يحلاله
دفنت الـچان عـالـخِـدر يـفـيّ بـگـوسـر اِخياله
ودفنت الـظـل ثـلـث تـيـام مـحــد غسله اوشاله

دفنت بلحد الحسـين إخوتي وعمري
او كبلهم ريـت خـلـوني ابلحد گبري


*

أبد مالي شـبهه سلطان وبنفس الـوكـت مسبي
حيل السوط مايتعب يطگني اِشما نبض گلبي
دولـه امـن الـحـزن بـيـه ودمـــوع الـخـدم شعبي
عشت فـلاح عـنـد حسـين مـجـالـس أزرع بدربي

بمجالسكم على احسيني أشــد گسري
او كبلهم ريــت خلوني ابـلـحـد گبري

*

سليم الغزالي

والله مو گاعي الشام .. عودوني اعله اخيام
اخواني بالطف ياناس .. انذبحو احزام احزام
اليحن اعله حالي .. خذنه الليالي
————————
غريبة ووحيدة واسيرة .. انذبح يمي راس العشيرة
أنه الموتتني الحصيرة .. من لمت حسين

خذوني امن الاخيام للقصور .. أنه الصارن افيايي النحور
عتب من عباتي اعله عاشور .. موتني مرتين

زينب آنه وعباس .. من الناس .. ضماني
وهسه حيطان الشام .. كلها عيون .. واتاني

كلها صاحتلي الناس .. هاي شارب عباس
لو سمع بسمي انگال .. يحترگ رمح الراس
اليميني وشمالي .. خذنة الليالي
————————
تره الطايح ابگاع غريبة .. مصيبة تجره لمصيبة
وبعد ينسة جية حبيبة … لا يلزم الباب

اليطب شام يدفنونة بالشام.. اليجي اويه اخوته ترجعه الايتام
بعيدة الخرابة امن الاخيام .. والحادي سلاب

الناس مو ناسي شلون .. وآنه ام عون .. محشومة
حسين اخوي المسلوب .. يتهادون .. بهدومة

گلبي محروگ اهواي .. دم اخوتي بكل ماي
واليموتونة بشام .. ما يزورة المشاي
توذر دلالي … خذنة الليالي
——————
هلي الينچتف بالمحنة … الحبل هذا شيخلي منة
الحگوا اعله بتكم يهلنة… يالسادة الاحنان

السبي مخلي زينب تعالج .. وترس بال اختكم هوادج
يعباس يباب الحوائج .. محتاجة دفان

الما تدفنه الخوان .. يظل ينزار .. بالگوة
بتراب گبرة يحس خيل .. تسحگ حيل .. عالخوة

آنه كتالي اثنين .. القصر وعيون احسين
عليه باب الساعات .. الشام سواه شامين
تگطع شتالي .. خذنة الليالي
———————-
طحت ويه وادم تذّبح .. بشماتة تمسي وتصبح
شبعد يهلي اكثر اوضح .. دفنوني يمهم

اكتبو فوگ مقامي چلمتين.. يزينب لخوتچ تشيلين
تره الدنيا مالت يعدلين .. ردوا زلمهم

كتبو بگبري بساع .. هاي الگاع .. مو گاعچ
شيلي زينب مناه .. خل نرتاح .. وبساعچ

صحني ما بي زوار .. خيمة وبنص النار
والشمر رد للشام .. زغير ما لاگي اكبار
اليرجع حلالي .. خذنة الليالي
———————-
دلحگو اعله زينب ولوها .. الشريعة عَلَيْ رجعوها
هلي الراية هم طيحوها .. وچف گبتي مگطوع

قصرهم تزورة المسلمين .. وگبر زينب تراب يالحسين
الوجع چنة نبلة بوسط عين .. وخيل اعله الضلوع

الضحك يم گبري اهواي .. ماكو دموع ..زواري
والصحن صحراء وصار .. بس الريح .. خطاري

ماكو موكب يا حيف .. ومن يجي يطردونة الضيف
گبري راس وذبحوه .. الغربة ذبحة بلا سيف
العلم فوگي عالي .. خذنة الليالي
————————
علي هادي الخزعلي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

دفن الأجساد مولاتي زينب(صلوات الله عليها)


رايدتلي وحيد يدليني بيك
وين اخوي؟ وين اخوي؟
گلبي خويه مفرفح يدور عليك
وين اخوي؟ وين اخوي؟
كون طيب أنطي روحي وشتريك
وين اخوي؟ وين اخوي

رجعنه عليك ياشيخ العشيره
ومو تابوت جبنالك حصيره
ياجثه أنته منهن والله حيره

وين طايح .. وين طايح
خايفه من انگل جدم لادوس فوگك
وين طايح .. وين طايح
گمت ماميزك بعد انته من اخوتك

@@@@@@@@@@@@@@@@@@

رحت للتل وگلت وينك يخوي
وين أخوي؟ وين اخوي؟
ومن كثر ذاك التعب حشمت أبوي
وين أخوي؟ وين اخوي؟
ولن عليلك عمه صيح هذا أبوي

نسيت التعب گله وعتنيك
والتهضم وصلتك ضيعيتك
أوصال أوصال مطشر لگيتك

وعلي حيره .. وعلي حيره
ماعقلهه هيچ صاير يادليلي
وعلي حيره .. وعلي حيره
للشكاوي لو ألم أفرش شليلي

@@@@@@@@@@@@@@@@@@

يامره التگدر تضل عدله علهاي
وين أخوي؟ وين اخوي؟
حيل متحير گلبهه يريد راي
وين أخوي؟ وين اخوي؟
موذر أبن امهه وتريد تشربه ماي

فدوه يروحلك يحسين بزري
وفدوه يروح عمرين علعمري
ماعيشن خلافن ونته تتدري

راح اموتن .. راح اموتن
عدله أضل وحسين تارسهه الصحاري؟
راح اموتن .. راح اموتن
ياعزيزي العفته فوگ الغبره عاري

@@@@@@@@@@@@@@@@@@

گلت لا مو هذا انته حسين وينك؟
وين أخوي؟ وين اخوي؟
عمت عيني هواي ليش متعبينك
وين أخوي؟ وين اخوي؟
وين وطويب تصح والزهره أعينك

حفرو لحدك وگلولي ردي
الك گالو گلت لا هذا لحدي
أخيته ومارضه يخليني وحدي

يدري بيه .. يدري بيه
مايمر يوم علعيني وماأشوفه
يدري بيه .. يدري بيه
من الزغر متعوده يمه شلون أعوفه

رسول رياض
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي