أتمنه اشيل الرايه
          من تطلع المشايه
       كل عام ازورك يحسين
         أنته الأمل والغايه
             ==============
     يـوم أربعينك مـا أنـامن ليلي
   اسمع حزن عن اليسر يحچيلي
    قصت رقيه اتگوم تهدم حيلي
        أختك اجت يامظلوم
          صـوب الـگبر عنـايه
       كل عام ازورك يحسين
           أنته الامـل والـغايه
              =============
     أتمنه تـطبع رايتك بمـتوني
ودموعي ترسم صورتك بعيوني
حتئ امن اموتن خادم يسموني
        ماعندي مثلك مولاي
        صاحب اوبيه اكفايه
      كل عام ازورك يحسين
          انته الامل والغايه
            ================
هذا انته غالي اوماكو مثلك غالي
كلمن يخدمك راسه يصبح عالي
يحسين الك موكب وسط دلالي
      تبقئ انته عايش وياي
       وبروحي عندك ثايه
    كل عام ازورك يحسين
       انته الامل والغايه
                ==============
من تطلع المشايه تاخذ روحي
يحسين تستاهل نحيبي اونوحي
رايتك بلسم بيهه تشفه اجروحي
     اسمك يداوي المجروح
       عالجت ناس اهوايه
    كل عام ازورك يحسين
       انته الأمل والغايه
                 ===============
يانظر عيني وبيك اشوف ادروبي
اشتاق الك كـل يوم يامحبوبي
ياسيدي اترجاك تمحي اذنوبي
      لجلك يبن حامي الجار
         أحضر أبكل قرايه
     كل عام ازورك يحسين
        انته الامل والغايه
                ==============
      الشاعر فاخر الشبيبي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

وبذاك السوگ يحسين اشصار
وازغــار اكــبار ترمينــه احجار
شحچيلك يحسين
بس تهمل هالعين
يحسين اشصار
________
دخلنه السوگ والوادم تسب بينه
ماندري الذنب شنهو المسوينه
اسهام اعيونهم لمن تصد لينه
وماكو احد فزع يمنه ويحامينه

خويه اتمنيت كونك وياي
بنياتك هاي رادت حمـاي
خويه نروح لوين
بس تهمل هالعين
يحسين اشصار
______
اغمض اعيوني واتخيل تحوطوني
اتصور خيلكم تفتر على اضعوني
وافز من هالخيال وافتح اعيوني
والواقع يگول اخواني عافوني

مـن ارفع عين توگع عالراس
مره اعله حسين مره لعباس
شسوه وياي البين
بس تهمل هالعين
يحسين اشصار
______
تدگ اطبولهم والناس فرحانه
لهاي الناس فرجه ايزيد سوانه
الضعن يمشي وتروش الناس ويانه
اشما نندار بــحجــار اتلگانــه

مــره يضربون مــره يشتمون
لحگ يحسين شتصير ام عون
والــــناس امتانين
بس تهمل هالعين
يحسين اشصار
______
هم بهم علي السجاد خطواته
وي نگل الجدم تذبحني حسراته
مريض امگيد وعينه اعله عماته
تــــدگ بگلوبنه يحسين اهــاته

حـــــال السجاد اذانه هــواي
يحسين ايموت لوشاف الماي
يتذكـــركـــم زين
بس تهمل هالعين
يحسين اشصار
_______
مشينه اجساد والارواح عفناها
خويه ارواحنه يمكم نسيناها
العشره اوياكم ابصفكم دفناها
والراحت بعد چا وين نلگاها

خويه اتمنيت تطلع احلام
وانضل وياك لاكوفه وشام
يـــاروحي اتضلين
بس تهمل هالعين
يحسين اشصار
________
جديد
✍️احمد علي البغدادي
محرم 1447 هـ

((كل المشاهد مرعبه))
غيرن شكلي ولوني
((شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°°°°°°
گالو التعبان يتوچه اعله إخوته
اعليمن اتوچه واخوتي كلها موته
التنذبح يمه هله ينذبح صوته

"صعدت الناگه لاچن چفي محروك"
"بس چف اعله چف بحبال مشبوك"
" ادهورنه يخوتي بطبت السوگ"

((لهاي المصايب ياهلي))
شيكفي دمع اعيوني
((شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°
الهوه يضيگ ابصدر اليسلبونها
موذهبها الماخذينه اعيونها
إذن مشلوعه وتغير لونها

"شلعو من إذن بنتك رقيه"
"ترچيه ونزل دمها اعله اديه"
"بهذا الحال گلي شضال بيه "

((سيف الهجر بعد اخوتي))
بالطف ذبح ذبحوني
((شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°°°°°
اشلون اگعدكم تشوفون المصيبه
أنه ام الخدر زينب موغريبه
منين أنه هسه ابوفاضل اجيبه

"خذيتو الحيل مني  من مشيتو"
"واحد گابل الثاني صفيتو"
"الكلام الي حچيته هم سمعتو"

((مخنوگه من جرة النفس))
من اسمع يشتموني
((شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°°°
والجسد ضلن حوافر دايساته
لوا وخر احجاره لواحير بناته
هوه الي يشوف الرمح شله بحياته

يچوينه الضهر  وبحرةالشموس"
" أنه أول مرة إخوتها  بلاروس"
" الماطلعت بيوم بشوچهه ادوس"

((المثلي چبيره مدلله ))
ليش بحبل چتفوني
((شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°°°°°°
منين حيله التنذبح كل العشيره
الچنتو الي اسموني زينب يااميره
عمري خلص ذني ساعاتي الاخيره

"ليش الطف خذه من عندي الإخوان"
"چنت اخت الگمر هسه ام الحزان"
"وكت خلاني اطبن هيج ديوان"

(( الماشافو خيالي بحلم ))
كلهم تره شافوني
(( شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°°°
سيد محمد الهاشمي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

شور كعده

حسيين........... انته رايات العشك
حسسيين ....انته بس انته صدك

****
اامنيتي يحسيني نهر
ومسحهن جروحك
ويصيرن اضلوعي خيم
حتى اكعد و لوحك
بفياي احط روحي حرص
وانته بهيمه روحك

وحدك ..ماكو عندك وادم اتكله تعال
وحدك ..ولا  لاگيت الي يمرك  اعله بال
وحدك ..كون يمك جان  اباري بالعيال

حسين ...كلبي لجلك محترك
حسين انته بس انته صدك

**
امنيتي لضعونك درب
أقبل حتى اعيشن
خليها تسحكني الهزل
رايد منها اصيحن
يلتارس اعيوني عشك
  غيرك  ما  اريدن

حسيني.. حجت عيني رادت ابدربك تصير
حسيني.. فرض بيها اعيوني شافنك امير
حسيني..العمر يزغر وانته عالعالم جبير

حسين ...بس الك كلبي يدك
حسين ..انته بس انته صدك
*
امنيتي بالمجلس بجي
وألطم عالحياره
وبخنگتي اتعنى مشي
بحزني للزياره
ونخط عله الرايه اسم
بأجمل كل عباره

حزنك.. منين يخلص وانته شيبك بي خضاب
حزنك..خدم تركض سمعته انقام االمصاب
حزنك ..وجه رايد  تاكله  اشموس  وتراب

حسين.. لمجلسك بينه خلك
حسين ..انت بس انته صدك

**
امنيتي بالحضره وجه
ذابل من اشوفك
ومايبقه بعيوني دمع
حيلي بس اطوفك
يم منحرك طايح ألم
فدوه مد جفوفك

دمعي..بحر لجلك يسمع المذبح يطيح
دمعي.. يجري سكته وكلبي مكسور من صيح
دمعي.. نزل لجلك انته يا اول ذبيح

حسين...ليش اذكرك اختنك
حسين ...انت بس انته صدك
****
امنيتي بس انته تظل
عندي بكل ظروفي
ومن تخلص الوادم هلا
خايف من جفوفي
مو خايف يكضني الذنب
منه يبدي خوفي

يَمّك.. شفت روحي انته تسترها الذنوب
يمك.. يابو جروحي علمتني اشلون اتوب
يمك..اشتعل شمعه اعله مودك حتى اذوب

حسين...شمسك اتحلي العثك
حسين...انته بس انته صدك


ليث كريم جحالي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

أهوازيه ((#محمد_لم_يعرف_زينب))
…………………………………………………………

محمد ينشد السجاد . ياهي الواجفه ابصفك
ياعم سمعتك و تريد . هي بروحك اتعرفك

……………………………………………………………


هاي امصيبه يمحمد . الواحد ما يعرف اخته
أبگد ما غيّراني الضيم . اخوي اليوم عاذرته
يمحمد واخوك الناس . من مگفاه ناحرته
الخيل ومثل رحّه ادور . صدر حسين طاحنته

احديد الحافر وينزل
چم وذرة لحم يحمل
ابهاي الشوفه كون اوياي . خويه امن الدِمه اتنشفك

……………………………………………………………


ما اصبر بلا عباس . يمحمد و تدريني
ازعل لوَن ساعه ايغيب . ويركض ليّه يرضيني
ماهم بالسهم وجفوف . همه شلون يروني
قبل الذبح صاح بصوت . بت الزهره اعذريني

رغم العمد هد راسه
بيّه يسولف احساسه
راسه ايفور وأحچي وياه . بطّل عالرمح نزفك

……………………………………………………………


هم تعقلها يمحمد . اختك تركض و ثعثر
حافي و الرمل جمرات . ابرجل اختك بگت تسعر
مگدر استراح اوگف . و لا كمّل ركض اگدر
هسه امحنبه تعرف ليش . اوياي السوط ما قصّر

اخيام الساده يمحمد
اتوج ولحد ما تخمد
واصيحن ياعلي السجاد . روح بروح ما عوفك

……………………………………………………………


ليل اهدعش يمحمد . لا خيمه البقت عندي
هيمه والحرم واطفال . خوف ولايذه ابسدي
ومع ذلك دعيت ايطول . ليل ولا صبح يبدي
اعلينه اتغبش الهزلات . و ينلف الحبل بيدي

طلعت وياثگل جدمي
يمحمد نشف دمي
گلت صعديت يا عباس . بسوط الشمر مو چفك

……………………………………………………………


حگك ما عرفت اختك . كل ارسومي متغيره
مشت بيه النياگ ادروب . ديره الديره مفتره
سموم الهوه اينشف الريج . ومن فوگي الشمس جمره
العباه كل ساعه أكلبها . الوجهين اصبحت حمره

عالشجره يبو جاسم
صلبوا راس ابن فاطم
ياجلاد وخر السوط . عن نحر الولي انحلفك

……………………………………………………………



يمحمد الشام الشام . عذاب الوان راواني
الماگاطف عليه احجار . بمي الزهره شتماني
بت الساده و الحادي . وسط السوگ فرّاني
من الخجل ما تلگاش . گطره دمه ابشرياني

خرابه وصرت بيها أگعد
ترابه ولا سگف لا سد
لو شايفني ذاك اليوم . حتما توصل الحتفك

……………………………………………………………


يزيد وراد يضربني . وابنه گال خليها
شفت الراس يهتز گام . وعينه اندارت اعليها
بقيت اتحاچه وي الروح . زينب وين اهاليها
يزيد اتشمت وفرحان . بت الساده  سابيها

لعركة بدر اشعاره
من حسين اخذ ثاره
خذوا ثاراتهم اضعاف . يحسين ابحرب طفك

……………………………………………………………
✍️ ( سيد خضر الزاملي )
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

((كل المشاهد مرعبه))
غيرن شكلي ولوني
((شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°°°°°°
گالو التعبان يتوچه اعله إخوته
اعليمن اتوچه واخوتي كلها موته
التنذبح يمه هله ينذبح صوته

"صعدت الناگه لاچن چفي محروك"
"بس چف اعله چف بحبال مشبوك"
" ادهورنه يخوتي بطبت السوگ"

((لهاي المصايب ياهلي))
شيكفي دمع اعيوني
((شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°
الهوه يضيگ ابصدر اليسلبونها
موذهبها الماخذينه اعيونها
إذن مشلوعه وتغير لونها

"شلعو من إذن بنتك رقيه"
"ترچيه ونزل دمها اعله اديه"
"بهذا الحال گلي شضال بيه "

((سيف الهجر بعد اخوتي))
بالطف ذبح ذبحوني
((شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°°°°°
اشلون اگعدكم تشوفون المصيبه
أنه ام الخدر زينب موغريبه
منين أنه هسه ابوفاضل اجيبه

"خذيتو الحيل مني  من مشيتو"
"واحد گابل الثاني صفيتو"
"الكلام الي حچيته هم سمعتو"

((مخنوگه من جرة النفس))
من اسمع يشتموني
((شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°°°
والجسد ضلن حوافر دايساته
لوا وخر احجاره لواحير بناته
هوه الي يشوف الرمح شله بحياته

يچوينه الضهر  وبحرةالشموس"
" أنه أول مرة إخوتها  بلاروس"
" الماطلعت بيوم بشوچهه ادوس"

((المثلي چبيره مدلله ))
ليش بحبل چتفوني
((شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°°°°°°
منين حيله التنذبح كل العشيره
الچنتو الي اسموني زينب يااميره
عمري خلص ذني ساعاتي الاخيره

"ليش الطف خذه من عندي الإخوان"
"چنت اخت الگمر هسه ام الحزان"
"وكت خلاني اطبن هيج ديوان"

(( الماشافو خيالي بحلم ))
كلهم تره شافوني
(( شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°°°
سيد محمد الهاشمي

بالقصر زينب بالقصر زينب
ذلت القاتل اوگسرت كلمته
براية العباس زينب سطرته

*

صح على الديوان زينب هي دخلت والحرم
بس علي السجاد چان اعليهن بهيئة خيم
ماسة الله اوذهب عرشه مايذلهم الفحم
الحقيقه اظل حقيقه والوهم يبقه وهم

زينب الزهره زينب الزهره
مجلس الشام بصبرها ذلته
براية العباس زينب سطرته

*

انذار سوت بت علينه او رجفت حته القصر
من بلاغتها او محمد شافوا انجوم الظهر
سكته صارت كلها صاحت إنشهر سيف الخدر
مـا أبـالـغ لـو كلتلك الشمر عاف الشمر

شوف قائدهم شوف قائدهم
مدري من ياباب صارت شردته
براية العباس زينب سطرته

**

الحـره حـره مـن تأشر يرتبك حته الهوه
الگلبه بارد من سمعها بجمر كلمتها انچوه
صح اسيره وبقصرهم بس اخذ هالمحتوى
امن الشريعه الباب تومه يرفرف بچفها اللوه

راية الكافل راية الكافل
بچت الشام اويزيد اوزمرته
براية العباس زينب سطرته

**

ملحة الطف ام اخوها چنها باء البسمله
عدها غايه راية الله بچفها تبقه امدلله
من مشت لشام غيمة زعل تمطر مرجله
جندي شاور جندي اظنها اعلينه ردت كربله

مرجله اوغيره مرجله اوغيره
شافو الكرار بيها او غيرته
براية العباس زينب سطرته

*

خطبة الحـره زلازل نزلت اومن يعترض
إگلوبهم ترستها خوف اوسكتت حته النبض
واحد ايبلغ بالآخر خل نشيل امن الارض
هاي اخت المن يخزره ينشطر طول اوعرض

بخزرة الحره بخزرة الحره
ينشطر نصين كلمن خزرته 
براية العباس زينب سطرته

*

سليم الغزالي

غيب الطف
🍂🍂🍂🍂
قَدْ خُلّقنَا يومُ عاشر
من دِمَا تلكَ المَنَاحِر

حَمَلنَا الطَفَّ قُرأناً ودَينَا
فَقُرْ عَينَاً وعينَا يا حُسينا
———————
يصيح الماي ويعالي
ولا واحد سگاه كطره
وحيد وخده عالتربان
الحاكم عالم باسره
ألا من ناصرٍ (ن) يدعي
وحوافر خيل فزعله
مو خيل الاصل شيطان
حيل يرضن بصدره

نَحنُ غَيبُ الطَفِّ آياتُ الغَريب
نَحنُ دمعٌ سالَ للشيبِ الخَضيب
نحنُ طينٌ لامَسَ الخدَ التريب
نحنُ وعدُ الله لجسمِ السليب

نحنُ باطن نحنُ ظاهِر
نحنُ أربابُ الشعائر

فَإِنَّا الحقُ والوعدُ اليقينا
فَقُرْ عَينَاً وعينا يا حُسينا
———————
هم عمرك سمعت بيوم
واحد يحجي وي موته
يفرسان الوغى ينادي
وكسرته امبينه بصوته
هاي عيالي هل نحلت
لوحدي ومنكشف ظهري
واحِس الدنيا جن صارت
وحشة جن بطن حوته

حِينَ ناديتَ عَليهُم في نَحِيب
يا زُهيرٌ يا بُرَيرٌ يا حَبِيب
نَحنُ من ناداكَ في صوتٍ رهيب
صِحْنَا لبيكَ حُسيناً من قريب

جَمْعُنَا نَادى عليكَ
كُلّنَا طوعُ يَديكَ

فَنَحْنُ الوعدُ والفَتحُ المُبِينَا
فَقُرْ عَينَاً وعَينَا يا حُسينا
———————
وحگ الطاح بين الخيل
وحگ الصاحت اعله حسين
وحگ الراية والعباس
وحگ الچربة والجفين
نشيلك تاج فوك الراس
وملك تبقى على الوادم
وابد والله يا زهراء
صرختنه للگيام الدين

نَحْنُ عابس نَحْنُ نافع نَحْنُ جون
نَحْنُ وعيّ مازجَ فِيّكَ الجِنُون
أنتَ لولا أنتَ نحنُ مَنْ نَكُون
كلُّ غالٍ لأجلِ عَينَيكَ يَهُون

في ذُرَى المَجْدِ احْتَِسابَا
كُلّنَا شَقَّ الثِيَابا

وعَبّاسٌ أتَانَا عن يَمِينا
فقُرْ عَينَاً وعَينَا يا حُسينا
———————
لو موتن الف موته
وجسمي بخيل يطشر
مسلمك الامر مولاي
ولو رايد اخذ لكثر
ماهمني الجره والصار
مسلم سيدي وراضي
بس يوجع سبي زينب
صبر كلبي خل اكدر

أُنظِّر الفردَ الذي مات وحيد
امةٌ ها هو تُبعثْ من جديد
يُفنَى جِيلٌ يأتِي جِيلٌ للشهيد
عِشْتَ فِينَا بينَما ماتَ يزيد

هكذا اللهُ يُرِيدُ (و)
رِقْعَةُ الطَفِّ تزِيدُ (و)

مَلَئْنا الطَفَُ نوحاً وأنِينَا
فقُرْ عَينَاً وعَينَا يا حُسينا
———————
راس حسين عالغبرة
وذيج الخيل تلعب بيه
وينك يا كمر هاشم
من الموت تنهض ليّه
وزينب ونت اعله التل
ونين يفزز الميتين
عهد مو ماي دمع و دم
گاع الطف ارويها

ليتنا في الطفِ قد كُنَا هُنَاك
ونسيلَ العمرَ كي تروي ظَمَاك
نحنُ والمالُ وآهلونا فداك
جنةُ الخُلدِ نراها في ثَرَاك

قد أعَرْنَا اللهَ دما
نفسَنا أباً وأُما

فَدَيناكَ بأهلٍ وبَنِينا
فقُرْ عَينَاً وعَينَا يا حُسينا

عبدكم
عبد الحسن القريشي

ياسبي اجروحي
قصتي ونوحي
امشي مابين الأجانب
كربله ابروحي
*****************************
خويه طرينه الزلم والحيره بيه
اسمع يگولون هاي الهاشميه
خويه آنه اول مره امشي سبيه
انه شفت النار من چوت رقيه

خيمه  محروگه
المهجه مخنوگه
آه يافگد الاحبايب
كربله  ابروحي
*******************************
حسين ياخويه بناتك تدري بيها
اطشرن كل وحده آنه اسمع بچيها
صعبه يا ناس التجي وتفگد وليها
حيرتي ألمن اروح وياهي اجيها

حسرة اضعوني
دمعة   اعيوني
تذبح آهاتي النوايب
كربله  ابروحي
*****************************
هاي ما چانت ابد حسبه عله بالي
راح من عندي العزيز ابلايه والي
انه اصد للراس فوك الرمح عالي
صدك معقوله الدهر يذبحني تالي

عشرة  ادموعي
احني ابظلوعي
آنه شاهدت المصايب
كربله  ابروحي
*******************************
چنهه روحي ابكربله صارت عليله
والحمل لو طاح چا منهو اليشيله
آنه يهضمني السبي ودمعي اسيله
وين ذاك العمر والعشره الطويله

اخيامي مهجوره
امشي   مجبوره
انه بطفوفي العجايب
كربله ابروحي
*******************************
صار اسمي ياخو زينب بس مدامع
اگبالي راسك بالضعن خله المواجع
والدهر بعد  الاحبهم  امسى  ضايع
عفت ولياني اشكثر فوك المصارع

ماتت  اسنيني
دمعتي ابعيني
بالسبي دلالي ذايب
كربله  ابروحي
*******************************
هاك شوف الكوفه لوتسمع حچيها
عدها عيد الناس من مرينه بيها
الناس تضحك خويه لو نجبل عليها
خويه گالو چن خوارج من نجيها

محنتي  محنه
ياعلي  صحنه
بويه ياراعي الكتايب
كربله  ابروحي
*******************************
تمت بعون الله تعالى
الشاعر__يوسف_الفتلاوي

شالو عالرمح راسه
والدم كاطع انفاسه
مسلوب الجسد عاري
وحافرهم غدر داسه
....1...
عمت عيني هواي تعبان ... مو مثل شكله الصبح
وين جان وصار الحسين ... غير ارسومه الذبح
من بعد ما سحكته الخيل ... راسه شالو عالرمح
وفوك كل طعنات السيوف ... الحافر ابصدره يلح

بيهه اشعملت الوادم
ما خلت ظلع سالم
بالخيل اسحكت صدرة
وهوه اعله الترب نايم

....2....
شرد اسولف عن الحسين ... كل الاسوالف قهر
من بعيد واسمع الصوت ... جم عظم منه انكسر
اخ يايمه يزهراء .... لو تشوفين الظهر
عالصدر عاينته مطبوك ... والنحر دامي النحر

مطبور ١٢ طبره
والسيف اثلم بنحره
هذا الشفته بعيوني
وردتج يمي يا زهره

....3...
على التل وكفتني الارياح ... حيل مابية بعد
الشمر يذبح بالحسين ... عاينته من بُعد
شال راسه وشال وياه ... كلبي البذبحه انمرد
كلشي بيه يم الحسين ... راح يم راسه كعد

عطشان انذبح يُمه
والماي العذب يِمه
يبست شفته محبوبي
وروه العلكمي بدمه

...4....
يمه ظل حسين مطروح .... عالترب محد اله
صرت اعد لليل ساعات ... حتى اروح المقتله
اطلعتله ابآخر الليل .... وشفت دمه امغسله
امطشر اعله الكاع مذبوح ... لحمه تارس كربله

منظر مو سهل وصفه
رجله مكطعه وجفه
والحافر وسط صدره
نابت والرمح صفه

....5....
الحجيته كله الج هاذ . .. يمه مو كل الحجي
خاف اكلج جابو النوك ... واكثر يصير البجي
هزله وبلاية محاميل .... حيره او ردت انتجي
بالحــبال أمكـــيديـنه .. وجيّت اخواني ارتجي

يا يمه السبي هدني
بسياطه يطك متني
وذباح اخوتي اكبالي
هايه الهيه هضمتني
......
كلمات
موسى الخادم

مايله الدنيه اويه زينب مايله

...1...

طلعوهه
بالحبل مجتوفه ما بين الاجانب
طلعوهه
وحاطت اعليهه الشماته امن الجوانب

الجان ما ينشاف ظلهه ولا اثر ممشاهه
هسه ويه اجناب طلعت موش اهلهه اوياهه
وين جانتلج يزينب وين جانت هايه
امدللت حيدر هضيمه الزمن ما راعاهه

مايله الناكه الهزيله مايله



...2...

كلهه ضدهه
ماكو واحد شالته الغيره اعله زينب
كلهه ضدهه
والكفلهه اجفوفه متكطعه وتسلب

عاشر محرم سباهه وبجه كل ايتيمه
كلشي ما خله عليهه لا اهل لا خيمه
ياهو التفزعه ويجيهه بعد عين الكافل
عثرت اجم مره زينب من ركاض الهيمه

عايله ابركَبتهه زينب عايله




...3...

عالترايب
عافت اخوتهه غصب موش ابرضاهه
عالترايب
ودعتهم زينب ابدمعت بجاهه

مشت من يمهم يويلي غاركه بدمعاتهه
كوه مشاهه جدمهه اتريدهم خطواتهه
حيل متعوده عليهم موش مال اتعوفهم
تلتفت كالساعه الهم  هيه وابنياتهه

شايله صورة ذبحهم شايله




...4...

يا هضيمه
تمشي زينب ويه ناس الموش اهلهه
يا هضيمه
وعالرمح راس الحسين ايعاينلهه

ايوكف الرمح اعله طوله ساعت ايضربونهه
وهيه من كد ما تحبه تخفي دم امتونهه
طول درب الشام زينب مستحاهه ايكودهه
زينب اويه حسين قصه قله اليفهمونهه

سايله بيهه المدامع سايله




...5...

حره زينب
كلشي صاح بحركه  برض الغاضرية
حره زينب
ما تلوك اعليهه تتسمه السبية

هاي زينب ستر الله البيهه كلشي مفاخر
جبل شامخ رغم كل الصار يوم العاشر
الكال مسبية عليهه عقله ما متكامل
زينب الحوراء حيدر  هيه تسبي الكافر


زايله اجيوش ال اميه زايله
......
تمت

كلمات
موسى الخادم

شفت رؤيه  الخيل من تسحك عليك
رايحه وجايه اعله  صدرك واعله  اديك
وزينب على  التل من شفتها
واكفه ابلا طول ما تكدر تجيك

.....1....
وكأني بعالم الطف ... واكف اكبالك بلا جف
وانت طايح عالوطية ... للخيم ما بيك تزحف

جاري دمك من جبينك ... كوه تفتح لية عينك
والرمح جاثي اعله صدرك .. والسهم كاطع ونينك

وحدك ابلا ناصر  ابين الالوف
جسمك مكطع بالرماح وسيوف
جروحك صعب واحد يعدها
اجروحك اكثر من الف تحجي الطفوف



......2.....
كلشي برسومك تغيّر ... ذابل امن اضماك والحر
مو نفس صوره الي عندي.. وجهك اهنا صاير اصفر
صافن وشمر اعتنالك ... وانت فكرك يم عيالك
على نحرك سيفه شفته ...مارحم يالغالي حالك

من كَفه حز منحرك  يابو الرضيع
وشال راسك وانت عالغبره صريع
عطشان اخر ما كلتها
منظرك بجه الصخر منظر فضيع
...3...
حاوطوك ابكل حقدهم ... جن فريسه انت عدهم
هذا راسه ايكول الية ...  وذاكه ما بطل نشدهم
وين سيف حسين اريده ... ارد اكطع بي وريده
محبس الخنصر اليه ...  اخته مو يمه بعيده

اكبالي من كلشي اعله جسمك سلبوه
حتى ذاك الخاتم البيدك خذوه
يل ما كَفاهم حز ركَبتك
ردو اردود اعله طولك كطعوه
.....4......
ساعه والخيل اعتننك ... من هدومك جردنك
من كثر ما بيك رفسن ... بعيد عن زينب خذنك
اقترب ليك وتردني ... خيل اميه دوهنتني
بحلمي ما املك جفوفي ... هي هاي الالمتني

جفوف ماعندي الاهد بيها حُسين
بالحلم جني بلا يسره ويمين
ابجي الك بس خلصتها
روحي وي روحك خذتها يالحنين
....5....
روحي راحت للمخيم ... شافت الدخان ملتم
شافت النيران وصلت ... خيمه السجاد تلهم
وزينب ابحاله رهيبه .... محيّره العظم المصيبه
مدري تطفي النار بيهه ... مدري برقيه الحبيبه

النار مشتغله بعبايتهه و تصيح
خايفه الخيمه اعله ابو الباقر تطيح
لو تحترك ما همهه هيه
همهه جانت عيلت حسين الذبيح
....6....

هذا كله بلحضه شفته ... مقتلك هسه عرفته
السولفت بي زينب اختك ... صورة صوت انه حفظته
فرهدوك أبلايه رحمه ... ماكو مثلك جاري دمه
عالرمح راسك يغالي .. وجسمك امطشرين لحمه

اموزع اعله الكاع من كل الجهات
كلشي ما ظل بيك سالم عالفرات
يل لحيتك بالدم خضيبه
هيجي شفتك يا شهيد التضحيات


....

تمت

كلمات
موسى الخادم

كبل ساعات ما ينسمع صوتك
جنت محتار بينك بين موتك
هسه اتفرعنت والسان الك صار
راح الجان المعيشك بلوتك

....1....

وكت خلاك تحجي وصوت الك صار
وانت الجنت خاتل خلف الاستار
لو عباس ما مكطوع الاجفوف
تضن توكف اكبالي بهذا الاصرار

راح اليخرس الموت
وصرت اسمع الك صوت
شفت بدنيتي اشكال
واسمي ابفخر ينكال
انه زينب

.....2.....

يمن صايرلي قائد هسه عالكوم
ما واحد سمع بسمك كبل يوم
من جان الكمر عايش جنت وين
اكيد امن الرعب كاضيهه بالنوم

ابعينك باين الخوف
حتى بكطع الاجفوف
ما حسبك على الارجال
واسمي بفخر ينكال
تبقى حره زينب





...3...

زينب بت علي اَنه الاحاجيك
اذلك ما تذلني بصبري ابجيك
اخت عباس انه واخت الحسين
بالك ترفع ايدك اكسر ايديك

كافل خدري عباس
طرف لو مني ينجاس
يرد عايش الكفال
واسمي بفخر ينكال
انه زينب





....3....

شوف الجيش هذا بعيني انضره
اصبع من أصابع علي العشره
متخوفني لا انت ولجيشك
انه اخت الهواشم واسمي اقره

كفيلة هاي الضعون
اراويكم تشوفون
عزمي ايهد الاجبال
واسمي بفخر ينكال
انه زينب





....4....

جبل شامخ أنه الحره العقيله
متحركني الارياح الثجيله
المثلك يصعب اعليه سبي المثلي
انه بنت القلع خيبر بحيله

أعلية السبي ميلوك
ولا صعدت هزل نوك
ما تسبيني الاحبال
و اسمي بفخر ينكال
انه زينب





....5....

باجر اكلب الشام ابخطبتي
وما واحد يرد بيكم كلمتي
يزيدك وانت والمتشارك اوياك
اذلكم واطلع الرايه بصحبتي

اسمع يا شمر زين
منصورة اخت الحسين ....
تتناقلهه الاجيال
واسمي بفخر ينكال
انه زينب
........

تمت

كلمات
موسى الخادم

مشت للشام مو برضاها كَوه
وعلى التربان عافتهه الاخوه
الله اشمصيبه
زينب يا غريبه

....1....
مشوهه بحبل مجتوفه زينب
وتتراكض وراهه ايتام تنحب
احتارت حيره ما منهه والأصعب
حيرت زينب بشوفت رقية
...2...
وحيده ابلا أهل وبلا كَرابه
مشت واخوتهه ظلت عالترابه
مكسوره اطلعت بنت النجابه
تصد العين للبيهم حمية

...3...
الهضيمه عالهزل زينب خذوهه
بعد ما ماكطَّعو جفين اخوهه
كلام اليجرح اشكد سمعوهه
غير الخارجية والسبية
...4...
الجانت عد  علي مثل الاميره
اليوم ابشام امية امست أسيره
اباب الساعه وكفوهه الجبيره
على العباس واعله حسين اخيه
...5...
طول الدرب زينب تجري دمعه
عل بالخيل طحنو طحن ظلعه
ثلث تيام ظل جسمه اعله وضعه
ابحر ذيج الشمس بالغاضرية


.....6....
لعند ايزيد دخلوهه الملاعين
وجابو راس كافلهه والحسين
زينب وينهه اوين الدواوين
صاح العرش بوجوه ال امية
.....

تمت

كلمات
موسى الخادم