استشهاد مولاتنا الزهراء (عليها السلام)

شلون ليله... كل سوالفها دمع
شلون ليله... وجارح الريِّه الضلع
گاعدين وننظر أمنه شكبر همها
نريد نحضنها ونخاف يزود ألمها
شلون ليله

الشمس تنحب لمن غربت... واجه المغرب ينحب اكثر
والظلام اليخفي كلشي... الليله جاي ودمعه أحمر
والنجوم الحلوه صارت... بالسمه مفجوعه تفتر
كلشي ما ظل بمكانه... وكلشي صوت الله اكبر
الزهره تتنفس تحاول... من الكسر ما چنها تگدر
وتخنتگ وتضم ألمها... حتى لا يتأذه حيدر

عنه تخفي...بچفها خدها المنسطر
عنه تخفي...وچفها أزرگ يِنِظّر
كل نفس تشهگ لأن تشعر لچمها
نريد نحضنها ونخاف يزود ألمها
شلون ليله
ـــــــــــــــــــــــــ١ــــــــــــــــــــــــ

من النهار المر علينه... بينه لوعه وبينه لچمه
أمنه چا يضربها قنفذ... ياهو يحمل هيچي صدمه
قنفذ الأهل المدينه... كلها تستزغر تكلمه
ايلَوّع أمنه بسوطه ننظر... وحتى محد گله زحمه
وخالد وحطاب وأول...اوين واحد ماله حشمه
بيهم تلثميه هجمو...وضربو أمنه والله هضمه

أمنه تنحب... ويضحك الجاوب وإن
أمنه تنحب... ويضرب اكثر من تون
اركضنه ليها وتشعر الاكثر هضمها
نريد نحضنها ونخاف يزود ألمها
شلون ليله
ـــــــــــــــــــــــــ٢ــــــــــــــــــــــــ

ننظر لحيدر أبونه... عينه مَتفارگ جفنها
وهذه أول مره أمنه... ما تسولفله بحزنها
وينهض ويگعد نشوفه... ويطلع نباوعله عنها
ومن وراه نطلع نشاهد... تهضم الونَّه اليونها
وتمشي محنيه وتگله... عيوني تحتاج لوطنها
من تفارگني يحيدر... روحي تطلع مني چنها

ابلا وجودك ... ما يظل يمي هوه
ابلا وجودك... تعطش عيوني ضوه
بهالحچي الدافي السمه تنادي بأسمها
نريد نحضنها ونخاف يزود ألمها
شلون ليله
ـــــــــــــــــــــــــ٣ــــــــــــــــــــــــ

سكته كلشي وبس دمعنه...يگدر يسولف ألمنه
نباوع لإيديها زرگه...ونختنگ من گد هضمنه
وننظر لنظرتها نعرف... ايديها تتمنى تلمنه
بس ضلعها مهشمينه... بيا حضن تگدر تضمنه
واحنه ننظر ليها صارت...تنلچم كلما تشمنه
ما نوِّن نكتم نحاول...وگوه تطلع لو كتمنه

الينظر أمه...گبال عينه وتنضرب
الينظر أمه... ينشلع منه الگلب
وصرخه تبدي الونَّه ما ينفع كتمها
نريد نحضنها ونخاف يزود ألمها
شلون ليله
ـــــــــــــــــــــــــ٤ــــــــــــــــــــــــ

شمثگل ايام التجينه...وأمنه وي كل لحظه تذبل
ونسمع الباب اعله محسن... من عذابه يقره مقتل
من خشب بس عنده غِيره... احسن من الويه الأول
دفعو وقاوم ولكن...بالحرگ مجبور وانحل
وهذا حال امنه بظلمهم... بكل نفس نشعرها تنحل
يغضب الباري ورسوله...ال بالجره اعله الزهره يقبل

دينه زائف...بهالظلم كلمن رضه
دينه زائف... الما يحب المرتضى
خصمه جدنه المن فدك كلمن حرمها
نريد نحضنها ونخاف يزود ألمها
شلون ليله
ـــــــــــــــــــــــــ٥ــــــــــــــــــــــــ

أحمد البصراوي العبادي

اخر ليله ... كعدو سوه يم امهم
اخر ليله ... ايكلموهه وتكلمهم
بجه حسين ونظرهه
وعلي ايعاين كسرهه
اخر ليله ... اخر ليله
......
منظر ياخذ روح الشافه . مو بس زينب
حسين مكدر كاعد يبجي . وحيدر ينحب

شابح لونه ... هدله امتونه ... الله بعونه
حيل امعذب

ماجن حيدر هذا الواكف . باقي اخياله
مره ايكوم ويوكع مره . اكبال اعياله

شهكة ريته ... وكل عافيته ... اتفارك بيته ...شيضل حاله

باجر ماكو ... ابيته الزجية الزهره
باجر ماكو .... صاحبت اجمل عشره
يضموهة بكبرهه
وعلي ايعاين كسرهه .
......
متوسده اعله افراش العله . وتنظر ليهم
ماهمت بألام البيها . همّت بيهم

دكلهم يمه ... ما متألمه ... وهي ابظلمه
امن تحاجيهم

خافن تفجع كلب العيله . جرعت كل مر
وبسكته اتوصيه بحيدر . كالتله اصبر

حيدر يسمع ... منهه ويدمع ... كلبه اتكطع
لمن يحفر

يا عافيتي .... امسح دموع اعيونك
يا عافيتي .... من فدوه اروح اللونك
تواسيه ابعمرهه
وعلي ايعاين كسرهه
......
وحال الحسن يم جدم امه . ايبوس بيهه
ويكلهه الدار ابلا شوفج . ما طب ليهه

اوياج اخذيني ... لتعوفيني ... دمعت عيني
اعليج اجريهه

ماعندي افراح ابهل دنية . انتي افراحي
يايمه ابموتج تدريني . تزيد اجراحي

رحمي ابحالي ... يا اَمالي .... كعدي اكبالي
سمعي انياحي

يمه بدونج .... دارج تسكنه الدمعه
بمه بدونج .... اكضيهه ابجي وانعه
مصيبه يا كبرهه
وعلي ايعاين كسرهه

.......
اكثر صوره اتألم جانت . عل شافاهه
حسين امدد طول اويمه . وما عافاهه

يصرخ يمه... وهيه اتضمه .. بهيده اتكلمه
روحه انطاهه
من كثر امناشغته اعله امه . وكثر اوجاعه
خفت عليه لا تطلع روحه . بهاي الساعه

اسماء اني ... حسين اذاني ... زاد احزاني
عطشت كاعه

يشبك بيهه .... ويعاين اعله اعضيده
يشبك بيهه .... ويخلي اديها ابيده
وي شمشم ابعطرهه
وعلي ايعاين كسرهه
.......
كلهه بصوب وزينب جانت . هاي الليله
تجري ادموع الفركه وتشكي . الحامي ادخيله

ادكله امنه ... امن اتفاركنه .... يكثر همنه
ياهو يشيله

بوية ازغيره انه ومحتاجه . الحضن الزهره
مابية اتيتم من زغري . واجري العبره

من بعد امي ... يكثر همي ... ويصير اسمي
ايتيمه ابكسره

محتاجتهه ... كللهه لا تتركني
محتاجتهه ... اشمحلاهه من تحضني
تتخيل صورهه
وعلي ايعاين كسرهه
.......
كلمات
موسى الخادم

بين الحايط وبابه  ... امي الزهره عصرو
دمهه انتثر .. خدهه انسطر .. هذا الشفت
بعيوني
.......

انه الحسين اروي ما صار وجره
من هجوم الدار حد الكسر
امي جانت كاعده اويانه بهنه
لحضه والباب انطرق بالغدر
اعتنتله امي الحبيبه وهو صاح
دفعو باب الزهره ما ظل عذر
اتلكته ابكل حيلهه المابيه حيل
لحضه والبسمار ضك بالصدر

صار ابحيله يدفعه .. عالحايط انظره
كلشي عصر ... خدهه انسطر ... هذ الشفت
بعيوني
.....
ابعصرت امي عاينت محسن سقط
على العتبه ابلا ذنب دم جره  
صاحت امي فضه سنديني ابعجل
مني محسن طاح فوك الثره
الحيل ما بيهه على الكومه بعد
حكهه كل اظلوعهه أمكسره
اركضت ليهه بلايه راي ابلا فكر 
ومثلي الهه هم ركض حيدره

صاحت ياضوه اعيوني ... لا تبجي علية
زال الخطر ... خدهه انسطر ...
....
بعد حرك الدار كادو جف علي
وامي طلعت خلفه تجري الدمع
هو يمشي ويلتفت ليهه بحزن
بشريني شنو اخبار الضلع
خلو ابن عمي تصيح ولامجيب
حالهه بجه العرش  والشرع
صورة من اذكره ما تبقالي روح
وانهضم حيل ابذكرهه انفجع


تمشي اعله الجدم كوه ... امي شاهدتهه
تمشي اتعثر ... خدهه انسطر ... هذا الشفت بعيوني
......
امي من هالحادثه سلهه المرض
حسره صارت عدهه جرت النفس
ليلهه امساهره اتكضيه بالونين
والنهار اعليهه يخلص همس
كوه تركع كوه تسجد للصلاه
ما تبين الوجع خافن نحس
شابحه اللون امي غيرهه الكسر
وين هسه اواوين جانت امس

وردة امفتحه ابنصنه ... وسفه ذبلوهه
شبعت قهر ...خدهه انسطر ... هذا الشفت بعيوني
........
اخ ياليلة وداع امي الاحب
هاي اشد ليلهص علي بالزمن 
كلميني صحت الهه بعبرتي
وهي طلعت ايدهه من الجفن
نادت جبرائيل ياحامي الحمه
نحَّي ايتامك امن ام الحسن
بجت املاك السمه ايتامك علي
ساعد الله كلبك ابهل محن

ما انسه الجفن احمر ...ساعت ودعتهه
بالمختصر ... خدهه انسطر ... هذا الشافت اعيوني
........
كلمات
موسى الخادم

استشهاد مولاتنا الزهراء (عليها السلام)

جنيني گبالي دامي
وحبل چَتَف إمامي
منو لبنتك يحامي
يبو الزهراء..يبو الزهراء
وجواب لكل كلام..سياط من اللئام
يبو الزهراء..يبو الزهراء
ــــــــــــــــــــــــــــــــــــــــــــــ

ابيتي وچنت اتذكر... ذاك الحنان الأكبر
وإجت ضجه وصوايح..وبشر تهوى المذابح
بدت تتحضر
إوَدَعِت محسن إبني...ايموتونه أدري بحضني
وانه المشتاگه أشمه..أشم يا خوفي دمه
ويهضمي وحزني

اتمنيت أوِلدَه...وحيدر يشوفه ويگول
يا هلا بثالث...ولدي من عند البتول

وسگط بالضربه تالي
التِعَبت اعليه ليالي
الإبن يا بويه غالي
يبو الزهراء..يبو الزهراء
وتجي لأهل السلام..سياط من اللئام
يبو الزهراء..يبو الزهراء
ـــــــــــــــــــــــــ١ـــــــــــــــــــــــــ

يجمع حطب عالزهره...الما منطي خبزه لفقره
واجانه لسيفه شاهر..الولا جارحله كافر
بحرب كل عمره
گتله انه بنت الهادي...گال أمري إستبدادي
وعلي اتمنعه الوصيه...ومحمد ماله جيه
واجينه انعادي

ومن ربعه جايب...وين الامحزم عِداء
والسهله عنده...يكسر ضلوع النساء

جِمَع وين المعاند
وشعل نار ويهادد
وانه الما عندي والد
يبو الزهراء..يبو الزهراء
وبدت فزعة ظَلام...سياط من اللئام
يبو الزهراء..يبو الزهراء
ـــــــــــــــــــــــــ٢ـــــــــــــــــــــــــ

بالحقد حرگو بابي...وانه بجميع احجابي
الزمت بابي وأرده...وطعني بقوه غمده
وفرح لمصابي
يطعني وايحشمهم...ضِربوها حيل ايگلهم
واجتني سياطه قنفذ...واحسها لگلبي تِنفِذ
ولا مِن رَدهم

واعليه بابي...برِجله ويدفعه الحقود
ولوْ سِمع ونّه...مني بعد اكثر يزود

ونبت بسمار احسه
وگلت يتركني هسه
وصبح أكثر يرفسه
يبو الزهراء..يبو الزهراء
وصحت والله حرام..سياط من اللئام
يبو الزهراء..يبو الزهراء
ـــــــــــــــــــــــــ٣ـــــــــــــــــــــــــ

صحت اعله فضه اخذيني...مات ابني بس دركيني
اسندت روحي إعله حايط..واجاني بحقده شايط
وسطرني بعيني
وحيدر هِجَم عالهَاجم...وسواه درس للوادم
خذاه وبلحظه شفته...بغضب ساحگ رگبته
ونِحَب هالظالم

ورَدلي وعيونه...مو دمع تجري دِموم
ولِحيتَّه السوده...ابيضت بهذا الهجوم

وگعد يمي وگلتله
مَدامك يمي سهله
أضحي بكلشي لاجله
يبو الزهراء..يبو الزهراء
ولا يثني الوئام...سياط من اللئام
يبو الزهراء..يبو الزهراء
ـــــــــــــــــــــــــ٤ـــــــــــــــــــــــــ

اليذبح خَزر بعيونه...أنظرهم ايچتفونه
إمامي وروحي أشوفه...الحبل گيَد چفوفه
يحالي شلونه
انسيت ابني طايح يمي...لحيدر ركضت بدمي
ولا اشوف ابعِيوني...بسبب هُمَّه اسطروني
ويَمصعَب همي

وشمعة شبابي...بويه طفوها اعله باب
بهايه موتوني...وجيتك ابعز الشباب

گضيت ابهم حياتي
لحد ساعة مماتي
عليك أفضل صلاتي
يبو الزهراء..يبو الزهراء
واحس ويه السلام..سياط من اللئام
يبو الزهراء..يبو الزهراء
ـــــــــــــــــــــــــ٥ـــــــــــــــــــــــــ


أحمد البصراوي العبادي

بين خدمه ودمعه نبدي الحزن
بين خدمه ودمعه نبدي الحزن
🔥🔥🔥🔥🔥
بده شهر الدمع   وگلبنه ينشلع
على يوم الضلع    يعالم
مصـيبه مؤلمه   ليالي فاطمه
جرحـــنه تلچمه    يعالم
قبلة الله ابهل ليالي منها مخسوف الصدر
ام ابوها تمشي گـوه امأثر اعليها الڪسر
اتذوب مثل الشمعه واحنه نون
بين خــدمه ودمعه نبدي الحزن
🔥🔥🔥🔥🔥
خَدَمنهَ اتوكلت   مجالسنه بدت
مدامعـنه انزلت    يفاطم
والاسود انتشر   مثل مجره النهر
وسط هاي البشر   يفاطم
والله واحــدنه يزهره ابقصـــــتچ لمن سمع
شالته الغيره اعله اسمچ بيده زنجيله وطلع
وبالبچي يالبضعه انغرگ الجفن
بين خـــدمه ودمعه نبدي الحزن
🔥🔥🔥🔥🔥


ابألم يالطاهره   تذكرنه الجره
على اشرف مره    وسافه
نذل وگع صبي   شرف مايبقه بي
حرگ باب النبي    وسافه
والغضبها الله يغضب وصه بيچ المصطفى
ذبحوا ابضلعچ محمد والغـــدر عدهم صفه
ابكل صلافه المجرم يصرخ وأن
بين خـــدمه ودمعه نبدي الحزن
🔥🔥🔥🔥🔥

 
على امصابچ متت   اضل احسب شوكت
تجينه ابيا وكت    روايه
السنه چنها دهر   نموت من القهر
نريد ابكل شهر   روايه
اتلث روايات احنه عدنه والله متكفي ابد
من محــرم نلطم الذو الحجه وانَادي بعد
ابمجلسچ ڪل دمعه الها وزن
بين خدمه ودمعه نبدي الحزن
🔥🔥🔥🔥🔥 🔥🔥 🔥🔥🔥🔥🔥
وليد المندلاوي

[[شوط كربلائي ]]
>>>>>>>>>>>>>>>><<<<<<<<<<

ياصاحب الثار اشلون.....تنسه الظلع ومصابه
ماچانت ابد عالبال.....هجوم الطاغي وحسابه
*******
تدري ابهجمة الأصحاب.......يوم العصرو الزهره
ابگلبك چم جرح موجود....ولسه عايش الجمره
الله  يعينك  ابيا  حال......شفت ابعينك العصره

كلها   اتوافدت   للدار
صارت هجمة الأشرار
تدري  ابلوعة البسمار

بيدك تصلب  الجبتين.........وصل للدار  بطنابه
*******
هذوله زمرة الأشرار ....هجوم الدار  ما تنسه
معروف الدفعهه ايصير........جهنم قرر  ابنفسه
يم حيدر يضيع اشچان.....والله ماطلع حسه

معروف   الحقد   بيهم
اسود   كله     ماضيهم
بغض نعرف اساميهم

اثنين الهجموا اعله الدار.....استغلوا طه ابغيابه
********
جرحك  ما برد  لليوم.......آثار  السقيفه  اجروح
يالمهدي تعيش الآه.....بيك اشگد نعرف النوح
ياهي الأكثر  الچمات.......يومك ما نسه المذبوح

شفتهه الصوره مرسومه
ماتت    والله  مهضومه
تعيش   الونه   مظلومه

يمچيد  النوايب وين......تدري الظلع وصوابه
******
نهار المر  عليك  ادموع.....ليالي الحسره والوعه
شفتهه الدنيا ظلمه اتصير...بيها الزهره المفجوعه
وحيدر ما نساها  الباب.......يمهه صبن ادموعه

بنيت من الدمع احزان
صعوبه  فرگت  الخلان
مصيبه يشرح الوجدان

كل هذا اليصير انشوف....صارو صحبته اذيابه
*******
بعدهي الدمعه ابعيونك......تشرح قصة البسمار
عاده العرب بيها انشوف.حرمه وماتطب لدار
لازم من يجي استئذان..الله اوصى بيها اسرار

تعيش  ابنايبات  الهم
ظلع من عندك اتهشم
ونينك  ماخلص مأتم

عجل سيفك البتار.........يريد  الثار طلابه
*******
گلبك  يمتلي بجروح.....عايش لوعة  اونينك
لسه ابروحك الظلعين.....ظلت جمرة اسنينك
صارت كربله  الآهات....تبچي الغربة احسينك

يومك ما نسه المذبوح
وايامك تعيش اجروح
الآه اشگد ثگيل النوح

ابروحك عايش المذبوح....ويمه جملة اصحابه
*******
تمت بعون الله تعالى

الشاعر_يوسف_الفتلاوي

@HxzEU1
#قناه_نشر_القصائد_المنبريه
#الناشر_مصطفى_المياحي

حنت وآنت ثم نادتني
يحسين يمه أدنى شمتني
حدر الضلع ما ظن يدگ ماااااات
حاچيتچ حبيبه سلاماااااات يمه

*****

آنه الما شابع من امي آنه الحاظن عبايتهه
آنه المحروم من عدهه انتهت عشره ابدايتهه

تون وبعينهه اتلولي
حنينه تباوع الطولي
ييمه شيوجعچ گولي تون

ألم بضلوع والدتي
تصدلي وهم تصد لختي
شسولف كلهه سالفتي آلم

نضرة وداع بحسره مدفونه
يا شدة التحچيلك عيونه
يحنينه مو هاي البدايااااات
حاچيتچ حبيبه سلامااات يمه

-----------------------------------

حاچيني الگلب تعبان فتحي عيونچ شويه
وداعت ضلعچ المكسور لا حيل البعد بيه

اريد ال يمه گوليهه
آخر مره احس بيهه
يمه وشنهي تاليهه اظل ؟

ما متعود بدونچ
ردي الينشد شلونچ
وين الغاليه عيونچ طفن

حظنچ تركني وچفچ گبالي
هذا انه يمه حسينچ الغالي
صعبه العمر من يبدي لچمااات
حاچيتچ حبيبه سلامااات يمه

-----------------------------------------

ها يمه الضلع ما طاب يلما نايمه بليلچ
بشريني ودگومي وياي گعدي وراح اتچيلچ

شنهو الصار شو سكته
لا صوتچ ولا ونته
حتى النفس ما شفته خفت

هيچ امدده وآنه
احس بضلوعي بردانه
الگبر دليني بمچانه متت

ما ادري ياهو المات يمه آني
فدوه رحتلچ لزمي ذرعاني
ما اريد احس بيهه النهاياااات
حاچيتچ حبيبه سلامااات يمه

-----------------------------------------

ميته ومدت الذرعان رادت امي تشبگنه
ونت واليون جيريل الله ايعين والدنه

بعمر اثمنطعش ماتت
حانت يم حسن حانت
چني اسمعهه من صاحت علي

تبديت وصعب شلتم ؟
على عيوني انصب مآتم
ها يوليدهه اتحزم مشت


ياهو اليواسي الفاگد الليله
اليبچي اعله امي بگبره اتچيله
عينوني خلص عمري ونااات
حاچيتچ حبيبه سلامااات يمه


-------------------------------------------


ماتت وانتهينه بساع خربت چلمة اليمه
چا عدمن بعد نرتاح ياهو يشمنه ونشمه


غطاهه الترب وسفه
تالي تعوفني وتغفه
تحت الگاع ما تدفى صعب

خلصت للاسف قصتي
ودوني اعله والدتي
ما متعوده ما تبطي تجي


تسمع بابنهه الليل ما نامه
ميته وترد وتصير گدامه
وتگله يمه اليتم شوغات
حاچيتچ حبيبه سلامااات يمه

كلمات الخادم / رعد الفريجي
26 / ربيع الاخر / 1447
ثوابها لروح والدتي

@HxzEU1
#قناه_نشر_القصائد_المنبريه
#الناشر_مصطفى_المياحي

شور

يايمه تعالي
**
كل ساع اختنگ وشتاگ. وكوه الليل اخلصنه
عيوني ما يجيها النوم. امنين النوم اجيبنه
اشمالك يا كلب شتريد. مره امرورة الفرگه
ادور بالجفن ضليت. غير الدمعه ما تلگه

يايمه. تعالي
**
ما ترجع ليالينه وهذيج ايامنه الحلوه
الكعده الما تلم احباب. هاي الكعده ما تسوه
اشعندك يا دهر وياي. كافي تهيج جروحي
من اشتم هواهم ليش. اشتاگ وتحن روحي

يايمه تعالي
*
عايش عالكضت واشلون. والدمعه بطرف عيني
انه الما كسرني افراگ. بفراكج كسرتيني
ياريت الخلگ ينباع. حته اشري خلگ منه
من اسمع بسمكم ليش. كلبي بساع الزمنه

يايمه تعالي
***
عفتيني بوكت موخوش. وتكتل فرکتج يمه
حرت اشلون اطب للبيت. صارت حجرتج ظلمه
ما اكدر انوش الكاع. تعبان ونحل جسمي
نشدوني الخلگ شتريد. وانه اصرخ اريد امي

يايمه تعالي
*
صوب ضلعج البسمار حيل ونزل دموعج
من عدها وكرهت الباب. ليش امكسر ضلوعج
هذا انه الحنين حسين. بالكوات اكض ضهري
انتي الطحتي يم الباب. لو انه الطحت مدري

يايمه تعالي
****

تمت
تحسين الخفاجي

@HxzEU1
#قناه_نشر_القصائد_المنبريه
#الناشر_مصطفى_المياحي

‏
‏ياعلي المرتضى اعان الله قلبك
‏
‏
‏مَالِي أُكَتِّمُ دَمْعَتِي بِفِرَاقِكِ
‏أَوَخَشْيَةً حَتَّى الْأُنَاسِ يَرَوْنِي
‏أَيُلَامُ عَنْ دَمْعَةْ عُيُونِهِ فَاقِداً
‏حَتَّى تَلُومُ النَّاسُ دَمْعَ عُيُونِي
‏مُهَرَّاقٌ لَا يَدْنُو إِلَى مَا دُونَهُ
‏كَادَتْ تُشَقُّ لِجُرْييِ دَمْعِي جُفُونِي
‏خَدًّا لَطَمْتُهُ حُرْقَةً لِفِرَاقِكِ
‏يَا وَالِدِيَ لِلتِّينِ وَالزَّيْتُونِ
‏حَسُنٌ وَأُخْتُهُ وَ أَخُوهُ وَفِضَّةٌ
‏قَدْ حَاوَلُوا لَكِنْ لَا يُنْسُونِي
‏مَالِي وَقَفْتُ عَلَى الْقُبُورِ مُسَلِّمًا
‏عَطْشَاً لِرُؤْيَتِهِمْ فَلَا يُسْقُونِي
‏كَفْكَفْتُ دَمْعِي فِي رِدَائِي حَسْرَةً
‏أَنْعَى الْقُبُورُ وَأَهْلُهَا يُنْعُونِي
‏وَرَجَعتُ مَكْسُورًا بِخَيْبَةِ خَاسِرٍ
‏وغَفَوْتُ مَهْمُومًا كَما الْمَدْيُونِ
‏نَادَيْتُ زَهْرَاءَ وَلَا مَنْ صِيَحَتاً
‏يَا ضَيْعَتِي مَنْ ذَا الَّذِي يَلَقُّونِي
‏وَشَكَوْتُ مَشْيِيَ إِلَى السَّمَاءِ مُسَلِّمًا
‏أَمْرِي إِلَى مَنْ فِي السَّمَا مَكْنُونِ
‏وَرَجَعْتُ دَارِيَ وَالْمَهْمُومُ بِجُبَّتي
‏أَشْكُو لَهُمْ فَقْدِي وَهُمْ يَشْكُونِي
‏
‏

علي ميران

@HxzEU1
#قناه_نشر_القصائد_المنبريه
#الناشر_مصطفى_المياحي

گوم الهه ياطلاب الحگوگ
يبن الحسن سكتهه الحلوگ
چف أمك من الباب محروگ
گوم افزعلهه گبل الشروگ

أتنخت ببنهه ونته أبنهه
يالمهدي عجل هدي ونهه
العجل// العجل//العجل

@@@@@@@@@@@@@@@

خلي الثنايه بدمهم تسيل
ولو عسعس عللعاديه الليل
بطگ الخواصر جفل سهيل
بزينب بعد ماواحد يعيل

الشام الگصه بحال العقيله
خل يعتلي صياحه وعويله
العجل// العجل//العجل

@@@@@@@@@@@@@@@

لرض البقيع أرخِ الهه العنان
والبيده طرهه وهز الأكوان
هاشم يساده وزلم عدنان
يصيح اليبشر ثاركم حان

يهل البخت وهل العمايم
بچه الزلم فذكم يهاشم
العجل// العجل//العجل

@@@@@@@@@@@@@@@

عمتك تموت وشامهم عيد
الشام التسكنه موش أجاويد
حرمه وغريبه وماتت بعيد
يشيع نعشهه واحد تريد

يالمهدي مامش يمهه عوان
يشيع نعشهه الماله خوان
العجل// العجل//العجل

رسول رياض

@HxzEU1
#قناه_نشر_القصائد_المنبريه
#الناشر_مصطفى_المياحي

حضره الج تنبي ... وسط الصحن يم علي
متنورة بالذهب ... لاخر سمه تعتلي
يم البخت والفخر
هاي امنيات البشر
......
كبه ومناير من ذهب مبنيه الج وسط الصحن
منا ضريح المرتضى منا ضريحج يم الحسن
واجمل عباره تنكتب بسمج على مر الزمن
ياخادم الزهره ابتشر رجعت الزهره للوطن

كبر ام حسن يم علي ... من المدينه انتقل
الباري انطه الامر ... وجبريله جابه بعجل
عاجل يرد هالخبر
هاي امنيات البشر
.....
ماكو كبر مخفي بعد كبرج يصير البلنجف
تتنعنه زوارج الج مثل اربعين البسمه طف
درب المواكب ينملي زوار الج كلهم شرف
واعداد زوار التجي مليون صف يماشي صف

زوار الج تعتني ... من كل بقاع الارض
ليل ونهار وصبح .... ما واحد اليعترض
هنياله كلمن حضر
هاي امنيات البشر
......
كل زاير ايزورج يجي بيمينه شايل رايته
يم بابج ايدنك خجل والسمه تلقط صورته
لهفته الشباجج اشد من لهفته الشوف اخوته
بعيونه ما ننظر دمع ننظر فرح بزيارته

خلص حياته بجي ... واليوم اجاه الفرح
بزيارتج يم حسن ... صدرة ودليله انشرح
طوك الهموم انكسر
هاي امنيات البشر
.....
اويه المهدي ينقام العزه بسمج يمكسورة ظلع
يرتقي المنبر بالدمع والنور من خده يشع
والبث مباشر ينقل ويشوفه كل هذا الجمع
اليوم يوم ام الحسن نستقبله بحركه ودمع

اعظم عزاء ينعقد ... بسمج يبنت النبي
والمستهل ينكتب ... لعنه اعله كل ناصبي
والقارئ المنتظر
هاي امنيات البشر
......

كلمات
موسى الخادم

@HxzEU1
#قناه_نشر_القصائد_المنبريه
#الناشر_مصطفى_المياحي

يالماخذه الزهره الزجية حيلك
ليليله تعجيل الفرج ندعيلك
يا املنه الغالي .. يابو صالح
.....
يغايب نرتجيك
دعاء الندبه نقرالك بالدموع
اوكل جمعه عليك
نسولف ما نسولف غير موضوع
نحس ابكلشي بيك
نعلم حالتك عالزهره مفجوع
اخذنه ابين اديك
فداك انحرونه وافداك الاظلوع

وين انت ساكن سيدي نجيلك
ليلية تعجيل الفرج ندعيلك
يا املنه الغالي
.....
يبو صالح تعال
عليك ابكل دمع من عينه يسيل
عليك البل حبال
كيدوهه ومشت وي رمح الطويل
اشتاكينه الوصال
واحدنه اعله جيتك ساهر الليل
نسال هالسؤال
يايوم اللقاء يحصل مشه الحيل

يالمهدي ملينه البعد نشكيلك
ليليله تعجيل الفرج ندعيلك

........
الك ثار اليصيح
يا يوم الفرج يا صاحب الثار
تتوجه وتطيح
من تذكر الزهره وحركت الدار
نظر عينك جريح
على الظلع الكسير الصابه بسمار
سعفه تهزهه ريح
حالك هيجي صاير تحجي الاقدار

اظلم نهارك مثل ظلمت ليلك
ليليله تعجيل الفرج ندعيلك
.......
يسيد الاتقياء
امك فاطمه محمّرة العين
لحد هسه البكاء
ابيت احزانهه مسموع للحين
تصيح ارض وسماء
يا محي الشريعه ومحي هالدين
تناشد كربلاء
عن ثار الزجية وثار الحسين

يالتبجي جدك من دمه نبجيلك
ليليه تعجيل الفرج ندعيلك
.........
يمذبوح الونين
منك نعتذر حتمن لجمناك
الك الله المُعين
ابكسر ظلع الزجية ما جبرناك
على مر السنين
تنوح الوحدك مولانه عفناك
تنادي ياحسين
وابداخلك غصه الفاطمه اهناك

تعتني روحك للبقيع اتشيلك
يليله تعجيل الفرج ندعيلك
......

كلمات
موسى الخادم

@HxzEU1
#قناه_نشر_القصائد_المنبريه
#الناشر_مصطفى_المياحي

((يالرضا حُبك))


شما يهزني الشوگ احسْ گلبي بسعاده
يــــلي شــوفةْ گبـــتك اجــــــمل عباده
يـــــــاشريچ عيـــــــوني بحـــلام الزياره
يـــــــالرضا حُــــــبك جماله من الولاده

يــــاباب الله الكل مسئله
وكل ناصي اليوصلك عله
بتـــرحالي جـايب غايـتك
جـايـبلـك تــربةْ كـــربــله

جايب عطر خوه
وحچــايه ومـروه
من عمك الكافل
جايبلك النـخــوه

ياسلطان مولايه ...
"""""""""""""""""""""""""""""""""""''''''''''

يـــــــــا دلال الزاير يخــبل دلاله
يالضمنتْ الدنيا مو بس الغـزاله
انته گايدني ازورك تدري احبك
وشيظم دلالي تدري بكل مقـاله

يـالعمرك مضمونه الائلم
ناديـــني يا اصـــل الشيم
شبـــاچك بي سحر المنى
وانطيني من حزن الخـيم

انطيني من حزنك
وعيـــوني يــريدنك
وكل هـمي دموعي
تسمــــعني اعرفنك

ياسلطان مولايه ...
"""""""""""""""""""""""""""""""""""''''''''''

يـــــالـتبث بيه الحزن بث البواچي
يـــــامتون اتشــرفت بيها الخواچي
حتى أصيرن بـالعشگ دمعـه جريه
كون أهيمن لو يمر طاري التراچي

وأخلقلي بكل صفنه عطش
وطـشرني وي ليل اهدعش
مـــــايسوه بــلا دمعـه العمر
ودمـــوعــي وحتــى بالنعش

ماريــدن عيوني
ألــــمهم بجنوني
وألـــــطم بتعزيه
وخلهم يلومــوني

ياسلطان مولايه ...
"""""""""""""""""""""""""""""""""""''''''''''

يـالسمعت شما گلت رغم المسافه
صح بعيده دروبك وبس مو كلافه
ارزقني مـشــايه اجـيك بهذا حالي
يا دخيل (الله) الحــــنانه والعفافه

من حـزنك قرح بدمعتك
وتلچمك تركـــض عمتك
وتْخمد خـــيمه بـضامرك
تتــصــور نــار وحــرگتك

يــــــاناحر الهـيمه
وطّــــفي يا خيمه
يـــا گلبك وجرحه
وحسينك وضيمه

ياسلطان مولايه ...
"""""""""""""""""""""""""""""""""""''''''''''

تــركض بيا صحره تصرخ سلبوهن
على النوگ الهزله ليش وصعدوهن
يـــــاحنانك عـــالزغيره تريد ابــوها
ويالطحت چــم مره لمن طيحوهن

چم مره اعله عيونك طحت
چم موته اعله الشاطي متت
چم سوط اعله متونك مضى
بــس انتـه سـاكــت مــا گلت

بخاطر عشت منحر
بــس دمعـــتك اكبر
كــــــل منضر ايهزك
الكــل شمعه تتحسر

ياسلطان مولايه ...
"""""""""""""""""""""""""""""""""""''''''''''

واليلومك دمعتـك تنزل قضيه
عَمتي مو عمتك الراحت سبيه
لا غلط يبن شبيب اتگلي كافي
الچبير اليحمل الطـگ مو رقيه

شتتـحمل هزله وياسبي
بــديـــوان ومـابيهم أبي
شماته وغــربه حــــاقده
يكرهونه چه جدنه النبي

الاصعب وصعبه
آل النـــبي بغربه
لا والي لا حــامي
ولا من اهل گربه

ياسلطان مولايه ...

عبد زينب

محمدْ الابراهيمي

@HxzEU1
#قناه_نشر_القصائد_المنبريه
#الناشر_مصطفى_المياحي

لحن
(يالرضا حبك)
بصوت
خادم الامام الحسين
ملا مصطفى عمار
كربلاء _ حي العامل

مولاتي فاطمة الزهراء(ص) قبل الرحيل تحضن وليدها الحسين(ص) وتشمة بصدرة وتقبلة بنحرة وتبچي تدري بالراح يصير…


شَمته بصدره
وقبلت نحره…تدري موتة ينذبح

تبچي وتضمة
تگلة يا يُمه…بكربله حضني يشح

يُمه يوليدي
ابقة بين ايدي…ياخذك مني الرمح


اشرب ييُمه الماي اگبالي
باچر يشح الماي__
وبحضني يبني طولّ منامك
باللطف ولاكو فياي__


شلون يبني شلون_ماكو فياي بوسط الهيمة
تحير حيل تحير_تشوف بعينك حرگ الخيمة
يموت كلشي يموت_محد مثلة لعاشر ضيمة


اه…ااايحسين يايُمه…

__________________________________

تقبِله بچفه
تمسحة بلهفه…تدري بالخنصر يروح

كلشي تحسبلة
لكربلة تعدلة…كلشي بالعاشر جروح

تمسح اعيونة
تعاين بلونه…تذبل الوانة وتروح


يذبل جمالة ويرحل كلشي
ظامي تعرفة يموت__
وبصدره تشتم تدري بمصيره
ياويلي خيل تفوت__


تگول اه تگول…خَد وليدي ينام بصحره
فياي ماكو فياي…وكلها تعرفك ابن الزهره
تنام من تنام….يُمه الخيل تهدلك عشره


اه…ااايحسين يايُمه…

___________________________

والجروح تزيد
تبقة انتة وحيد…تلتفت محد الك

والخيول تغير
وحدك وتحير…تنذبح كلها هلك

والمصيبه الماي
يذبحك بهداي…گطره لا ما توصلك


تلتم عليك خيول وعساكر
ماتبقة الك خوان__
بعينك تعاين نار الخيمه
اهنانة تضل حيران__


يضيع كلشي يضيع…لمن عينك تنضر زينب
تروح وين تروح…تصير الخيمة جمره وتلهب
ضيم تحمل ضيم…من فراگك زينب تتعب


اه…ااايحسين يايُمه…

_________________________

تنذبح ظامي
وترحل احلامي…تنتهي وكت الضهر

كربلة غربه
وشكثر صعبه…زينب تحير العصر

ينتهي كلشي
وبلدرب تمشي…وينكسر گلب الخدر


لمن تودعك تصبح غريبة
هواي العقيلة تحير__
متعودة يمك تگضي عمرها
تالي وحيدة تصير__


تصير حيف تصير…من عيونك تالي بهزلة
جروح كلة جروح…درب الغربة يهضم كلة
شام اه الشام…ماضن زينب تصبر عدلة


اه…ااايحسين يايُمه…

___________________________

محسن الباوي

اللهم عجل لوليك الفرج
___________________________
https://www.tg-me.com/hxzeu1

لحن القصيدة 👇

عليچ  بداعت  اليمه
وعيني القربت تعمى
تعالي ،، تعالي ،، ييمه ،، ييمه

------------------------------------------

عليچ الليل   ذاك     الما      غفيتيه
وتعب ذاك الربى امحدبه و حملتيه
ترى گلبي   اليريدج      وين  أوديه
أبن  عندچ   يتيم   شلون     عفتيه

يا حيلي  الخلص  من غمضت عينچ
انتي گبالي  ميته  وصيحت  وينچ ؟
وين الحظن  يمه    شبيهه  چفينچ  ؟
ما شبگني  ليش  ضلوعي  ناخينچ

اول  تالي   يا جنه
جفنچ انه اغمضنه !! ؟
تعالي  ،،  تعالي  ،،  ييمه  ،،  ييمه

--------------------------------------

اشم  بچفوف  اديچ  التعبت  اهواي
اموتن  والله  اموت   بروحتچ  هاي 
المن    عايفتني     شباقي     وياي ؟
خبر  موتچ  يشل   انفاسي    بهداي

ثگل    حتى   الكلام    أگبال    تابوتچ
اريد   الموت   ياخذني   ويرد  صوتچ
الصدمه  شوكت تخلص وافتهم موتچ
صعب يلچنتي  كلشي البيه    ميفوتچ  


اذا  حزنان   تبچيلي
بعد  ياهو  اليتچيلي
تعالي  ،، تعالي  ،، ييمه  ،، ييمه

---------------------------------------

صدگ  صارت ييمه  وعينچ   تنام
چنت  آنه    الانوح  لحال   الايتام
صرت  منهم  بعد والحظن  ما دام
يمن شيبتي راسي وحتى الاعظام

يمن  چنتيلي  ام   وچنتي  صاحبتي
احاچيمن     بعد  يا    ملح   سالفتي
آخ    تراب   غطى   عيون     والدتي
عمت  عيني عدل  وانتي بلحد  انتي

سوده بوجهي مدفونه
دشوفي وليدچ شلونه
تعالي ،، تعالي  ،، ييمه  ،، ييمه

-----------------------------------------

تعالي وشوفي حالي وعوفي التراب
بعدني إزغير    ويني اوين   الانگاب
اليباوع   بيه  يلگى  ارسوم   شياب
خرب واهس گبل  وملاگى الاحباب

ادورچ   وين  وانتي   هناك   مدفونه
شنو   نفع  البشر   لو   راحن   عيونه
تره  الما  عنده  أم  واضح    يعرفونه
يگوم   بيا   علي   الوادم      يعينونه


ناحل جسمه وي روحه
حتي انفاسه   مذبوحه
تعالي ،، تعالي،، ييمه ،، ييمه

--------------------------------------

هاي الدنيا    تگضي  شلون  ما چان
اذا  من  عدنه  تمشي الناس الاحنان
اليحب  من  دون غايه يطمه   تربان
الصدگ  بس گلب أمي المات  تعبان

مشيتي  وبيت اهلنه  الظال  مذبوح
خلص  كل   الكلام    الچان   مملوح
ييمه   الروح انتي   وراحت   الروح
العليل  بدون چفچ  يبقى    مطروح


يشفى بدعوه من عندچ
يا  يمه      على   بختچ 
تعالي  ،، تعالي،، ييمه ،، ييمه

كلمات الخادم /  رعد الفريجي
25  / ربيع الاخر / 1447
ثوابها لروح والدتي

@HxzEU1
#قناه_نشر_القصائد_المنبريه
#الناشر_مصطفى_المياحي

يالزهره امشي اعليج ابو اليمه
رزقيني ساعة بمجلسج خدمه
يافاطمه ... يافاطمه
......

يافاطمه مجلس لطم رزقيني
ميت تراني وخدمتج تحييني
بابج طرقته وادري مترديني
خليني وين اخدم الج ترديني

لو اكنس .. لو الطم ... لو اقره ... بخدمتج
تحت امرج ...مولاتي ... بس اشري ... بخدمتج
رهن الاشاره منتظر كلمه

.....
وفقيني اخدمج حد اخير ايامي
عليج اقسم بنحر الحسين الدامي
احلامي كلها ابماتمج احلامي
ضامي تراني ابلا عزائج ضامي

كل ساعه ... محسوبه ... من عمري ... فاطمه
خليني ... بمصابج ... دمعي يصب ... فاطمه
تبجي المصابج روحي متعلمه
......

يم الحسن كل اني ملكج اني
خادم زغير ومنبرج رباني
يالبيح اشوفن مكتمل ايماني
وخيمه عزائج عندي بيتي الثاني

كل ليله ... اتمر بيه ... تليكيني ... بالعزه
ما عايف ... ايامج ... يالنورج ... بالعزه
فطمتني امي الدمعه واللطمه

......
هنياله كلمن خادمج سويتي
وجهه ابيض اكبال الخلق خليتي
الامه دعتله ابمجلسج ربيتي
وصيته اعله كل ناسه وهله عليتي

يانعمه .. الكل نعمه .... منا منهه ... تنوجد
كل سائل ... يم بابج ... طلباته .... تنوجد

يا رحمة الله الواهبه النعمه
...
يالعالمج يختلف ان كل عالم
بي مرتبط كلشي انخلق كبل ادم
لو ما وجودج بالارض جا ماتم
فرض الصلاه والصوم والله اعلم

يا اعظم ... يا اقدس... شي طاهر ... منخلق
لو منتي ... لا طه ... لا حيدر ... منخلق
هاي الحقيقه تنحجي ذمه

........
يافاطمه يا اغله من كل غالي
ليج ارفعت جفي وطلبت امالي
تنظرين حال الناس هاي وحالي
وتدعين تعجيل الفرج للوالي

عند الله ... كلشي انتي ... واقربله ... من العرش
دعواتج ... مقبوله ... يا زهره .... من العرش
سر الله انتي المحد يفهمه

.........

كلمات
موسى الخادم

@HxzEU1
#قناه_نشر_القصائد_المنبريه
#الناشر_مصطفى_المياحي

شور

يا زهرة حياتي
.......
تعاي ... عوفي الكبر عوفي الكبر
تعاي ... موحش بلياج العمر
تعاي ... ليلية جيتج انتظر

يافاطمه  كلبي انمرد
ماظل صبر  بيه بعد
رجعي الي عون وسند

رجعيلي .. ياضحكتي
رجعيلي ... يرويحتي ... فداج .. فداج 

ايامي ... وحتى النفس
ايامي ... صارت همس ... وراج .. وراج

نوح .. بعدج حياتي
نوح .. يا ذكرياتي
نوح ... ساعاتي بعدج ... لو بيدي اردج
يم الحسن وحسين
راح ... حيلي ابغيابج
راح ... ابجي المصابج
راح ... كلشي امندية ...  اه يالزجية
يم الحسن وحسين


يا كل امنياتي
.......
اصيح ... يم الحسن يم الحسن
اصيح ... من بعدج اعيوني انعمن
ااصيح ... عايش غريب ابلا وطن

مشتاق الج يافاطمه
روحي عليج امعلمه
تشهد علي ارض وسمه

من دونج ... كلشي عدم
من دونج ... عايش وهم ... كلام ... كلام

ياروحي ... بالمختصر
ياروحي ... عمري كبر  .... حرام ... حرام

شيب ... تارس لحيتي
شيب ... من عفتي بيتي
شيب ... يا اغله ناسي ... صار اعله راسي
بعدج ينور العين
حيل ... اذاني فكدج ....
حيل ... سهرني بعدج
حيل ... ماظل يزهره   ... بظلوعي كسره
بعدج ينو العين

تشهد نايباتي 
.....
عليج   ... يافرحتي يافرحتي 
عليج  ... اتغيرت رسومي وحالتي
عليج .... عيني انعمت من دمعتي

موتج اخذ كلشي احب
امشي بلا شوف الدرب
ينبض حزن صار الكلب

مو حيدر ... جني صرت
مو حيدر ... اتغيرت ... عليج ... عليج

وي موتج  ... حلمي انذبح
وي موتج  ... موتي صبح ... بديج ... بديج

وين ... تاليهه كولي
وين ... محني اعله طولي
وين ... ياديرة اشوفج ... مابية اعوفج
اشتاق الج كل حين

ريت ... قبلج عساني ...
ريت ... موت الخذاني
ريت ... دفنوني قبلج ... يالحيل احبج
اشتاق الج كل حين
يا كل ذكرياتي
......
اموت  ..  احسن الي  احسن الي
اموت ... يحجيهه من كَلبه علي
اموت ..  يازهرة سنيني وهلي

شلي بعد بيه العمر
وياج اعيشن بالكبر
حلوه السوالف تنذكر

يازهره ... صبري خلص
يازهره ... العمره نقص .... وحيد ... وحيد

اخذيني ... ليج انه احن
اخذيني ... اوياج اندفن ... اريد ... اريد ...

نار .... ما تطفه بيه
نار .... صبح ومسيه
نار  ... حركت دليلي ... بعدج يويلي
وين انطي وجهي الوين

مال ... حملي برحيلج ...
مال ... خليني  اجيلج
مال ... كلشي اعله كلشي ... شمتناي نعشي
وين انطي وجهي الوين
ياصومي وصلاتي 
.......
وراج ... ظهري انحنه ظهري انحنه
وراج ... كل يوم اليمرني بسنه
وراج ... متهني بحزاني انه

ياعشره تشبه عشرتج
روحي ادفنت وي دفنتج
كلشي انتهى وي موتتج

ذابحني ... انتي بكبر
ذابحي ... طاري الهجر ... اصيح ... اصيح

مابية ... اصبر بعد
مابيه ... جبدي انمرد ... ذبيح ... ذبيح

مات ... حلمي البنيته
مات ... كلشي هويته
مات ... بعدج دلالي ... شحجي اعله حالي
اتمنيتج اتشوفين 

صار ... اظلم نهاري
صار ... يبجيلي داري
صار .... حزني اعله كدي .... دمعي اعله خدي
اتمنيتج اتشوفين

اشباقيلي الوفاتي
......

كلمات
موسى الخادم

@HxzEU1
#قناه_نشر_القصائد_المنبريه
#الناشر_مصطفى_المياحي

اليالي الفاطميه

يازهرت حياتي اشبيج
تنلجمين اذى حاجيج . حيدر انه ياروحي
حلوه عشرت العشاگ
مايرهم عليها افراگ . شيطيبهن جروحي

يالخليتي حيدر يالطم الهامه
ضلت ماتعينه الوگفته جدامه
نضراتج تسولف يابعد طولي
فراگج بالله ياهو اليحمل سهامه
يا فاطمه يا فاطمه
،،،،،،،،،،،،،،،،،،،،،،،،،،،،،،،،،،،،،،،،،
صح احنه بعمرنه كبار
بس والله بعشگنه زغار . لا تمليني لا املج
هاذ انه اليحب طاريج
وغار من السواك اعليج . ازعل لو وصل ثغرج

شلون الباب يوصل ضلعج خلافي
اجيتج گوه اركض والجدم حافي
تبديتي اعله اديه وغمضت عينج
برد حضن الدلال البالعشگ دافي
يا فاطمه يا فاطمه
،،،،،،،،،،،،،،،،،،،،،،،،،،،،،،،،،،،،،،،،،
فراگج خله بي نيشان
واسند روحي عالحيطان . خلص بالدمع حيلي
عني خافن اتسئلين
من هسه علي مو زين . اسهر مانمت ليلي

وداعت عشرتج خلص دمع عيني
انعميت وتيهت دربي اشيدليني
انه الشايل الباب ابثگل حيلي
بجت عيني تره بگد ماتحبيني
يا فاطمه يا فاطمه
،،،،،،،،،،،،،،،،،،،،،،،،،،،،،،،،،،،،،،،،،
من يوم الضلع ذبلان
واكره عتبت البيبان . مايحمل بعد گلبي
مالايگ عليج الموت
ورده وتنحط بتابوت . بعدج ضيعت دربي

وين انطي الوجه يالخذتي عافيتي
بعد مالي گلب يالزهره اطب بيتي
ماترهم بعد دنيه وبلا روحج
خذيتي عيوني وبس حزني خليتي
يا فاطمه يا فاطمه
،،،،،،،،،،،،،،،،،،،،،،،،،،،،،،،،،،،،،
شيخلص بواجي العين
شيبتيني يام حسين . حالي يكسر الخاطر
خليني اموت اوياج
ما اگدر بعد انساج . شوفي بحيدر شصاير

مكسور الضهر والفرگه تجويني
ضايع كل حلم مابينج وبيني
ريت الموت اجاني وخلصت ايامي
جا ياهو البعد وجهج يسليني
يا فاطمه يا فاطمه

العبد ابوفايز الرافضي
الفاتحه على روح والدي

@HxzEU1
#قناه_نشر_القصائد_المنبريه
#الناشر_مصطفى_المياحي