نزلـــــة للعبــاس ع
عباس ابو الغيرة   يارفعـة الراس 
حي الله عباس   يحي الله عباس
،،،،،،،،،،،،،،،،،،،،،،،،،،،  ،،،،،،،،،،،،،،،،،،،،،،،
حط الدرع بمتونه وشد اعله وجهه الثام
وسيفه برگ بيمينه وتحزملها احزام
لمن حمل حملاته چنه علي الكرار
الما وگع هنياله واللي وگع ماگام

گالوا علي  جاها وختلفت الناس
عباس ابو الغيرة  يارفعةالراس   ،،   حي الله عباس
،،،،،،،،،،،،،،،،،،،،،،،،،،،،،،،،،  ،،،،،،،،،،،،،،،،،،،،،،،،،،،،،،،،،،،
صوب النهر متعني ماهمته الالاف
وشاف العده ملاگينه وهز ايده لمن شاف
شويه وهوه اهوايه ماگدرو يمنعوه
وحتى الفرات ومايه من عنده يرجف خاف

وتعنه للشاطي شترده حراس
عباس ابو الغيرة   يارفعة الراس   ،،  حي الله عباس
،،،،،،،،،،،،،،،،،،،،،،،،،،،،،،،،،،،،  ،،،،،،،،،،،،،،،،،،،،،،،،،،،،،،،،،
الميمنة صفاها وعالميسرة من راح
خله الزلم صح تمشي لچن بلايه ارواح
والحومه لمن طبها من شافه عزرائيل
گال الكمر خلصها اليوم انه خل ارتاح

سكته الحرب بيها ماتلفظ انفاس
عباس ابو الغيرة يارفعة الراس   ،،  حي الله عباس
،،،،،،،،،،،،،،،،،،،،،،،،،،،،،،،،،،،  ،،،،،،،،،،،،،،،،،،،،،،،،،،،،،،،،،
حي الله عم السادة ياحي گمر عدنان
لمن يطگ بالحومه يتخير الفرسان
عباس انه من ناده حامل لواء حسين
عاين عليها ولنه بس هو بالميدان

ومن سمعواصوته ماظلت ارجاس
عباس ابو الغيرة يارفعة الراس   ،،  حي الله عباس
،،،،،،،،،،،،،،،،،،،،،،،،،،،،،،،،  ،،،،،،،،،،،،،،،،،،،،،،،،،،،،،،،،،،
جاب النهر بيمينه لعياله جاب الماي
ما دنگ اعله الشاطي بس گله گوم وياي
ساقي العطاشه الكافل لسكينه منطي وعود
مو هسه باول عمره يتلقب السگاي

عباس ابو النخوة يالكلك احساس
عباس ابو الغيرة يارفعة الراس   ،،  حي الله عباس
،،،،،،،،،،،،،،،،،،،،،،،،،،،،،،،،،،،،،،،،  ،،،،،،،،،،،،،،،،،،،،،،،،،،،،،،،،،

حسين كاظم الطائي

نزلـــة للقاســـم ع
شبل بالحومه برز     بيا علي من ارتجز
يا حيدر       ياحيدر
،،،،،،،،،،،،،،،،،،،،،،،،،،،،،،،،،،،،  ،،،،،،،،،،،،،،،،،،،،،،،،،،،
شبل من ال محمد وصلتنه اخباره 
جيوشهم خلص عددها وغاره تلحك غاره
نار صار الطف عليهم يلهب من اكتاره
نزل شبل الحسن بيها يهوس ابتاره

وصلتنه الاخبار    ،،  نار صار الطف نار  ،،  ياحيدر 
،،،،،،،،،،،،،،،،،،،،،،،،،،،،،،،،  ،،،،،،،،،،،،،،،،،،،،،،،،،،،،،،
من برز ان تنكروني فأنا نجل الحسن
فرت السبعين منه الجيش بيه حاير صفن
الكتايب من تجيله ابلا زلم من ارجعن
چان سيف الحگ ضربته تگطع بحبل الفتن

يصول بيهم ويجول   ،،   ويه كل ضربة يگول  ،،  ياحيدر
،،،،،،،،،،،،،،،،،،،،،،،،،،،،،،،،  ،،،،،،،،،،،،،،،،،،،،،،،،،،،،،،،
رملة من ابعيد تنظر للولد مسروره
هله بلي سنين عمره للسبط منذوره 
هله بالواعد او وفه وعده بكمل صوره
هله بالخله جثثهم بالفله منحوره

هلا بعگال الراس   ،،   الحار مثل العباس  ،،  ياحيدر
،،،،،،،،،،،،،،،،،،،،،،،،،،،،،،،،،،،،،  ،،،،،،،،،،،،،،،،،،،،،،،،،،،،،،،،،،،
الحرب دارت رحاها وكلشي اصبح وارد
ترادموا بالخوف منه الشارد ويه الشارد
فرقه بفرقه اعتنتله وهوه ثابت صامد
چنه جيش بساحة الطف ابد ماچن واحد

واحد وسوه فنون  ،،  حگهم من ايشردون  ،،  ياحيدر
،،،،،،،،،،،،،،،،،،،،،،،،،،،،،،،،،،  ،،،،،،،،،،،،،،،،،،،،،،،،،،،،،،،،،
رمله من صدت لبنها اعرفت واصل يومه
ولذلك للحرايب گصرتله اهدومه
وعرفت زفة ابنها تصير وسط الحومه
وعرفت من ايتحنه حنته من دمومه

ببني وعد وفيت  ،،  مضحي لأهل البيت  ،،  يا حيدر
،،،،،،،،،،،،،،،،،،،،،،،،،،،،،،،،،  ،،،،،،،،،،،،،،،،،،،،،،،،،،،،،،

حسين كاظم الطائي

توأم الفداء :

ضيـــاء ونـــور ولــدانــه
الطفـل والاكبــر احزانــه
باقــي حسيــن يتحســر
انكسر من شجرته اغصانه



برائة وشنـهو مايـدري الـذي لصابة
يريد الماي يسأل وانطة الة اجوابة
و دمعـه ودمــع ابـوه عليــه سجابة
بلحيت الوالد يشوف الدمة خضابة

السهم من صابله وريدة
وردة وذبلــت بأيــدة
رافـــع للسمــاء دمــه
رسـم للكــون الوانــه

شنو ذنبي وسكونـي بنبلة مسمومة
وهاي امي الرباب بذبحي مهضومة
فـداء انـي لبـوي احسيـن ورسومـة
انا اسماعيـل افـدي المـوت مالومـة

يبوية اطلب طلب منـك
اريد امكان الي بحضنك
ضايــع باقـــي البــلا اب
الطفل حضن الاب اوطانه

يبويـة آنــي الاكبــر اول الفرســـان
اصيرلك درع يشكــف عـن العــدون
ماي الطف اصير واروي كل عطشان
فداء احسين اول هاشمـي قـد حـان

لبّني هاشم فداء اني
رايـــح بويــة لتّانـــي
على فراك ابنه ادريبه
الوالــي بگلبـه نيرانـه

اليشوفك بوية جن شايف وجه جده
نصلـي علـى النبـي ونذكـرة ونمجـده
و احط خدي على خدك اوصل لخدة
مــن تــروح مـا افكـــد علــي وحــده

يـذكـرة خيّــرة البــاري
اريــدك انـت بجــواري
العفا مـن بعـدك الدنيـا
الولد مو هينة خسرانه

العمر ما يفرق انضحـي حناجرنا
الصوت الينكطع يسري بمشاعرنا
مـو دم هذا مـن ذبحـوا مناحـرنا
هاي اجيـال تنبـع بوية مـن عدنا

الغصن من ينكسر يبدي
يربّــي اجيـال ويسَــدّي
هذا الجيـل مـا يخضـع
رفـــض الذلــة عنــوانه

حيدر الحجامي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

يا خـويـة مـن امشيـت .... متعنـي للمــاي
شفت الحزن ياخوي ....صوب الخيم جاي

صبري هدني يا خوية فدوة لعينك متوني
____

يا خويـة عـوف المـاي .... بس ارجعلنـا
هاي الاطفـال تعيـش .... تشـرب دمعنـا
ترضى الشمر يا خـوي .... ينـده سمعنـا
اليـوم الضـعـن للشـام .... يـتبــع ضعنّـا

صبري هدني يا خوية فدوة لعينك متوني
____

ياخوية شوف حسين .... ضهرة نحنة عليك
راح الجفـن والعـيـن .... لمـن وصـل ليـك
لمـن وصـل ياخـوي .... كـل ضنة يرويـك
حتى الدمع ماموش .... من عندة ينطيك

صبري هدني يا خوية فدوة لعينك متوني
____

رد للخيــم ياخـوي .... حتى انطي جفين
اجفـوفـي انـي ويـاك .... نـهديهـا للديـــن
مو عين الك ياخـوي .... راح انطي عينين
مـن ينطبــر هـل هـام.... وبنبـلة العيــن

صبري هدني يا خوية فدوة لعينك متوني
____

يا خـوية كلي شلـون .... وبيـش اوافيـك
ما اكدر على السيف .... واوصل واداويك
اتـبـاري لهلـك دوم .... هسـة انة اباريـــك
وبذبح اخوك حسين .... ياخوية اواسيك

صبري هدني يا خوية فدوة لعينك متوني
____

ياخويـة نار الشـوك .... حركــت دليلــي
لا نـامــن بـفركــاك .... لا يــهــدة ليلـــي
بنار الشمس يا خـوي .... ضـلك يجيلـي
وضلك يجي بلا ادين .... دمرلي حيلـي

صبري هدني يا خوية فدوة لعينك متوني
____

ياخوية سكنة تصيح.... عمي ارد اشوفة
دلوني عمـي وييـن .... طاحـت  جـفوفة
جـرف النهر عطشـان.... شنطـي ويـعوفة
جفـت عليه عيـون .... وشربـت جـروفة

صبري هدني يا خوية فدوة لعينك متوني
___

يا كافـل اختك كـوم .... كلبي نملة رمـاد
مـن الخيـم، هلجيـش .... حركوهـا بعنـاد
فـوك الهـزل ياخـوي .... ومـحملة اصفـاد
ويلجمني جرح السوط .... من دون الضماد

صبري هدني يا خوية فدوة لعينك ممتوني
____

ياخوية هذا لــواك .... اليوم اصبح الـواي
مـن كربلاء للشــام .... راح اخـــذه ويــاي
وهاي الريـش ع الهـام .... تكتبلـي الجـاي
ونكمــل الاســـلام .... ونوصــل الغــاي

صبري هدني يا خوية فدوة لعينك متوني

_حيدر الحجامي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

عاشور وين الغالي:

عاشـور ويـن الغالـي.. والله و دمرتـه لحالـي
مـن تمـر تاخذ روحي.. ويكثر ونيني ونوحي
والله ودمرتـه لحالـي

عاشور كـل ايامـك بيهـا الحـزن يتربـــع
وتزيــد بيـه جروحـه
من تجبل باحزانك   كلب المحب يتصدع
والعين تبجي بنوحـه
يا شهر هم ترضاها  عليـه العــدة تتجمــع
وحسين باقي بروحه

باقــي وحيــد الغالـي.. ويلجمنـي بي دلالـي
اجروحه من اجروحي.. ويكثر ونيني ونوحي
والله ودمرتـه لحالـي


عاشـور كلـي عليهــن   هاي العبـي المسبية
للشــام شيــوديهــن
تراب وشمس يلفيهن   صـعبة الاض حربية
درب الجدم ينهيهـن
وعلى الرمـح باريهـن   وعـيونهــن دمـعيـة 
هـل فاجعـة تاذيهــن

وبهذكـرة كلبــي تكطــع .... ومن الالــم يتفلــع
والكة الحزن بي يوحي.... ويكثر ونيني ونوحي
والله ودمرتـه لحالـي


زينب تصيح اخوانـي    فوك الأرض مرمية
والليــل رايــح بـــدرة
بصدر الاخو جم حافر   مو واحــد ولا مية
جن كون طاح بصدرة
مو هينة تكطع نحـرة    وتنهي نفس هلرية
هذا الغصن من سدرة

يالتنشد على احواله...ضلمة امست على عياله
ماصبحت بصبوحي.. ويكثــر ونينــي ونوحــي
والله ودمرتـه لحالـي

شاء القدر يالتسأل  بهذا الشهر يسبوني
وتزيـد بيـه الحســرة
عن الاهل ينفونـي  ومن كربلاء يبعدوني
فراك الاخو جن جمرة
هدت ايامه امتوني  ماضل دمع بعيوني
وابن امي فوك الغبرة 

آلـت الـي بلا وآلــي ....من هــو البعــد يبرالـي
يرجعلي هذا طموحي.... ويكثر ونيني ونوحي
والله ودمرتـه لحالـي

_حيدر الحجامي

عاشور وين الغالي:

عاشـور ويـن الغالـي.. والله و دمرتـه لحالـي
مـن تمـر تاخذ روحي.. ويكثر ونيني ونوحي
والله ودمرتـه لحالـي

عاشور كـل ايامـك بيهـا الحـزن يتربـــع
وتزيــد بيـه جروحـه
من تجبل باحزانك   كلب المحب يتصدع
والعين تبجي بنوحـه
يا شهر هم ترضاها  عليـه العــدة تتجمــع
وحسين باقي بروحه

باقــي وحيــد الغالـي.. ويلجمنـي بي دلالـي
اجروحه من اجروحي.. ويكثر ونيني ونوحي
والله ودمرتـه لحالـي


عاشـور كلـي عليهــن   هاي العبـي المسبية
للشــام شيــوديهــن
تراب وشمس يلفيهن   صـعبة الاض حربية
درب الجدم ينهيهـن
وعلى الرمـح باريهـن   وعـيونهــن دمـعيـة 
هـل فاجعـة تاذيهــن

وبهذكـرة كلبــي تكطــع .... ومن الالــم يتفلــع
والكة الحزن بي يوحي.... ويكثر ونيني ونوحي
والله ودمرتـه لحالـي


زينب تصيح اخوانـي    فوك الأرض مرمية
والليــل رايــح بـــدرة
بصدر الاخو جم حافر   مو واحــد ولا مية
جن كون طاح بصدرة
مو هينة تكطع نحـرة    وتنهي نفس هلرية
هذا الغصن من سدرة

يالتنشد على احواله...ضلمة امست على عياله
ماصبحت بصبوحي.. ويكثــر ونينــي ونوحــي
والله ودمرتـه لحالـي

شاء القدر يالتسأل  بهذا الشهر يسبوني
وتزيـد بيـه الحســرة
عن الاهل ينفونـي  ومن كربلاء يبعدوني
فراك الاخو جن جمرة
هدت ايامه امتوني  ماضل دمع بعيوني
وابن امي فوك الغبرة 

آلـت الـي بلا وآلــي ....من هــو البعــد يبرالـي
يرجعلي هذا طموحي.... ويكثر ونيني ونوحي
والله ودمرتـه لحالـي

_حيدر الحجامي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

قصيدة بحق الامام الحسين عليه السلام وهو يتمنى حضور اخوه الحسن عليه السلام حين بقى وحيدا بين الاعداء جديد محرم ١٤٤٦ هـ


ريتك تشوف عضاك يا حيد
وحدة وية ناس الموش اجاويد
خوية الحسن عدواني اجت غيم
دارت علية وترست البيد
====================
يتنخة بحزام الضـــهر كلمن يطيح بشــدة
وجيوشهم نور الشمس من العجاج تسدة
انصاري وي اهلي اسف فوكَ الرمل ممتدة
ها يالحسن كون اتحظر محتار اخوك لوحدة
تچوة الاخو ولضهرك حزام
وعينك يصير بسود الايام
سيف بيمينك يصبح عضاك
من العدة لو جاك تهديد
====================
من ينولي بنادم يضل عينة تصد لحبابة
انده بصوتي يـــخوتي محد يرد جوابة
ضليت صامد وحدي ونار الگلب لهابة
يا خوية اريدك تعتني عوف الگبر وترابة
سيفك تسلة وافزع وياي
انة وحيد ودارت عداي
خوفي اختنا اتروح للشام
لو طحت وتهد الهواديد
===================
يا عازت اخواني صدكَ وكت الشدايد عازة
واليبقى وحدة ابلا سند توگف يريد اعزازة
ما يضل جسمة ابلا غسل فوكَ التراب جنازة
يا خـــوية وبهذا الوكت طول الاخو تعتازة
صوبك ادير العين وانخاك
ايدي اعله ظهري وعيني ترجاك
من ينولي الما عندة خوان
يصفج يضل الايد بالايد
====================
لو تحضر ونوگف سوة ضهرك تحطة بضهري
سبعين الفهم تنكــــسر والموت بيهم يسري
تمنيت هذا وما حصل حدر الترب يا ضخري
وهاية علـينة مـــسجلة يبتعد عنــــك گبري
عني بعيد وليكَ اشتاكَ
يبن امي ما اگدر للفراكَ
كون بگبر واحد تمنيت
مو واحد اعله الثاني بعيد
=================
روحك احس بيها حضرت و وياي ما عافتني
تمسح جروحي من طحت وبحرگة من حضنتني
يا خوية اسمعك صيحت يالطـــيحتك كسرتني
روحك حنيــــنة اتمددت عالترب من شافتني
خوية العذر يالغالي اتگول
ما عندي الك يامهجتي حلول
عني تركت القاسم وياك
وصيتة كون ايامي اتعيد
==================
اسالكم الدعاء رائد الاسدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

قصيدة نزله للعليلة (ملمع)
من سارَ ضعنُ اهلها...ها نحنُ خدامًُ لها
  عليلة الحُسين......عليلة الحُسين
=======================
فاطمه بنت الحسين ابروحنه
صح عليله بس تداوي اجروحنه
انواسي جينه بالدموع اونوحنه
بلكي هالليله رضاها ايلوحنه
بالركبِ سارَ حِلمُها....ها نحنُ خدامًُ لها
    عليلة الحُسين.......عليلة الحُسين
=====================
اوحيده ضلت واتركتهه العيله
الليله مخصوصه الهه هاي الليله
منهه نطلب جينه جفنه انشيله
لكل عليل وبالشفه ندعيله
بنتُ الحُسين انها...  .هانحن خدامًُ لها
عليلة الحُسين.....عليلة الحُسين
===================
النصرة الدين الله اهلهه اختارهم
والمشو عنهه تدور اخبارهم
حيل مابيهه اوتتبع اثارهم
شمعهه هيه تضوي وسط اديارهم
باتت تُحاكي ضِلها....ها نحن خدامًُ لها
عليلة الحُسين.......عليلة الحُسين
===================
اي وحگ لوعتهه وي الامهه
بالعهد نوفي اونضل خدامهه
مانسينه فاطمه او أيامهه
ودعت ويه الأهل احلامهه
دمعًُ يواسي دمعُها.....ها نحنُ خدامًُ لها
    عليلة الحُسين.....عليلة الحُسين
======================
خدمة بيهه كل شخص يتباها
للعليلة والحسين وياها
نحضر المجلس نريد ارضاها
هالعليله وما أبد ننساها
لاننقطع عن وَصلُها... ها نحنُ خدامًُ لها
  عليلة الحُسين .....عليلة الحُسين
===================
الليلة هاي الزهره تحضر بيهه
فاطمه اعله فاطمه انواسيهه
انگصر احنه لو عُمر ننطيهه
اوهيه ماتنسانه ابد ندريهه
هالجمعُ جاءَ لجلُها..هانحنُ خُدامًُ لها
  عليلة الحُسين ...عليلة الحُسين

لخادم العليلة
   الشاعر
ابو عبدالله الشمري

نعي الى الامام العباس عليه السلام
*
مكسور ضهرك خويه حسين شو مكسور ضهرك
تتلوه انضرك. لازم شيبك وتتلوه انضرك

عباس وينه. راجع وحدك عباس وينه
يمته يجينه وبيده الماي جا يمته يجينه

راح عباس. كال الها يزينب راح عباس
ومشيب الراس قلت حيلتي ومشيب الراس

وبلايه جفين. عفته اعله النهر وبلايه جفين
والسهم بالعين. صابو هامته والسهم بالعين

وطيحه بيده راح الخيمته وطيحه بيده
وبلا عضيده الاخو ينكسر ضهره بلا عضيده

عطشانه الزغار ضلت بالمخيم عطشانه الزغار
كلبي يشب نار عكب عباس ضل كلبي يشب نار

صاحت انه زينب يا جفيلي
ليش بفركتك هديت حيلي
انوح اعليك والحسره بدليلي
عكبك خويه انام اشلون ليلي

كلهم يحركون كامو بالخيم كلهم يحركون
وشوف المتون صحت اكعد يخويه وشوف المتون


كوم ردني غير انته الجبتني كوم ردني
نگع ردني من كثر البواجي نگع ردني

واشلون نومه نايم عالشريعه اشلون نومه
لحد يلومه الضيعله اخو لحد يلومه
****
الشاعر
تحسين الخفاجي

(العليله)

ابـدمـع الهجر ودعناه
ضعن النبي الله اوياه
ــــــــــــــــــــــــــــــــــــــ
مـودعيـن اوداعة الله وبـالسلامه
يـالكسرتـونـي كسر جنح الحمامه
يـهلي تـــدرون الگلب بيكم هيامه
من بعدكم قامت ابروحي القيامه
واستاحشت من فرگاه
ضعن النبي الله اويـاه
ــــــــــــــــــــــــــــــــــــــ
ليش ماخـذتـوني ويـاكـم يـساده
من هجركم ماتت ابگلبي السعاده
ودعتـكم والگلب بـالحــسره ناده
من عگبكم هالوكت جـار وتـمـاده
وحيدر علي صرت انخاه
ضعن النبي الله اويـــــاه
ــــــــــــــــــــــــــــــــــــــ
يـهلي لاتـبـطـون تـدرونـي عـليلـه
ليلي ونـهاري عليكم دمعي اسيلـه
صعبة فرگة والدي وعمتي العقيله
امصيبتي تحني الظهر والله ثگيله
حـيلي انهدم واويلاه
ضعن النبي الله اوياه
ــــــــــــــــــــــــــــــــــــــ
من تحط ارچابكم يهلي الغوالي
طمّنوني ابفد رساله ارحمو حالي
يالهجرتوني وبقيت ابــلايا والي
غيـر آهـات ومـواجـع مابـقـالــي
اغفه ابدمع واصحه ابآه
ضعن النبي الله اويــــاه
ــــــــــــــــــــــــــــــــــــــ
اخلافكم يهل المحنه الدار وحشه
الـيـل مانـامه لحد طلعت الـغبشـه
ابـعتـبة الدار الدمع ليليه افــــرشه
مااظن احـسين مارف ليـه رمـشـه
واصبح حلم ياملگاه
ضعن النبي الله اوياه
ــــــــــــــــــــــــــــــــــــــ
تخشع اجبال الرواسي النـايـباتـي
راحو ابفد روحه خُوَّاني وخواتي
تـكسر الخـاطر يـوادم ذكريـاتـــي
راح اضل انـعـاهم الساعة مماتـي

ويوم السفر ماانساه
ضعن النبي الله اوياه
ــــــــــــــــــــــــــــــــــــــ
حيدر بشار الدراجي

يا هدهد سليمان اريد اخبار
احچيلي بهلي الصار والما صار
وصل سلامي الهم   وعن حالتي گلهم
گلهم عليله الكم بقت بالدار
::::
وصل مرسالي   لحسين الغالي
خل يقرأه حسين
طير بمكتوبي   وصله لمحبوبي
مشتاگتله العين
لا ترتاح يا هـــــدهد ثوانــــي
وانـــــه الرجعتك كلش أتاني
اريدنه الجواب اجيبه وياك
ولا طب خيمتي منتظره اني
طير انت عين الباري هم ترعاك
بس خبر من حسين جيب وياك
جيب الخبر منهم    وعن حالتي گلهم
گلهم عليله الكم بقت بالدار
::::
راح يعرفونك  من يشوفونك
شايلك مرسال
طير ولا تتعب   مو اني اتعذب
جيتك راحة بال
اريدن كون جنحك يسبگ الريــــح
لا تـــــرتاح مـــــــا ریدنك اطيــــح
ابــــــاوع للسمه بلكـــــــت الاگیك
اريدنك تجيب من اهلي توضيح
استعجل ولا تستراح هواي
احسبها جيتك جيه مثل الماي
من توصل اسألهم    وعن حالتي گلهم
گلهم عليله الكم بقت بالدار
::::
هاك اخذ الحاني   خاطر يقراني
كون تحط يمه
لا ترجع خالي   جيب من الغالي
لو اسمع كلمه
اذا گلك توكل واخــــــذ الجواب
اريدك كون مـــــــن الباب للباب
ولو ما داخله انه البيت هيهات
متانيتك تجي من يم الاحباب
خليني اشمك بيك ريح اعزاز
هو انه ميته ومـــــاكو الجناز
كون انت توصلهم    وعن حالتي گلهم
گلهم عليله الكم بقت بالدار
::::
يا بويه شلونك   ميته انه بدونك
رد بجنح الطير
اشرحلي شحالك   وشلون عيالك
كون انتم بالخير
اجاك الطير رد بجنحه مكتوب
من محبوب هذا لغله محبوب
طمني بجـــوابك حتى ارتاح
تره حال العليله هواي متعوب
رد بجنـــــــاح الطيـــــر مــــرسالك
اشرحلي عن حال اختي عن حالك
احچيله عن بتهم    وعن حالتي گلهم
گلهم عليله الكم بقت بالدار
::::
يا هدهد انه   گلهم تعبانه
طير انت توكل
حط يم ارقيه   سولف عالبيه
لا ما اتحمل
حط يم العقيله ويــــــم الحسين
ما ادري انه بيهم وين مــــــا وين
هنيالك تشـــــوف اعيونك اعزاز
تمنيت انه مثلك عندي جنحين
يا هدهد وسلم على العباس
گله العلیله تلطم اعله الراس
مشتاگه اسمعهم    وعن حالتي گلهم
گلهم عليله الكم بقت بالدار
::::
علي جبار الكعبي
الفاتحه لوالدي

لسان حال مولاتي العليله ع
&&&
شخباركـــــم يهل الخـــــواچي
عفتونــــــي للهم للبــــــواچي
باچــر رقیه بــــــلا تـــــراچي
حمل العليله اليوم راچـــــي
&&&
شخباركم يهـــــــــل المضايف
مـــــن هالسفر گلبي انه خايف
مــــــــو للقصر ردنه الصرايف
يدري الحسين شخلفه عایف
&&&
مـــــــو بالخيم بيه الحريجه
ونـــــــــة بنیتکــــــم غميجه
منكــــم ولا ظلـــــت رفيجه
بس الدمع هـــــاي النتيجه
&&&
لحسين ذبـــــــــــوها الشطافي
طين اعله راسك وامشي حافي
وياك راح الحچـــــــــي الدافي
ما لحظه جفني عيوني غافي
&&&&


وينه الي يوصل اهلي الاعزاز
ميته العليله تـــــــــريد جناز
مـــا جاز گلبي ينوح ما جاز
محتاز گلبي لهلــــي محتاز
&&&
مــــــــن الونين الگلب یفحط
دمـــــــع العيون وچمل الشط
عبدالله اظن من العطش نط
مـــــو الاولي وضعي تخربط
&&&&
علي جبار الكعبي
الفاتحه لوالدي

.من اجل احياء التراث الحسيني
. طور(سور البنيته.. طايح لگيته) ملا باسم الكربلائي

.
.
ماكو مثيله.....جرح العليله
.
.
هذا الجرح اول جرح
                   ماشفنه منه ادموم
جرح اليتيمه الظلت
                اباب   المنيه اتحوم
ثالث محرم  هالمسيه 
                  نحيي ذكره اليوم
عن العليله  الونت  الها
                  دمعة.  المعصوم
.
گطع دليله.....جرح العليله
.
.
.
يالماشي  گالت  للمنيه 
                   عندي  كلمه  وياك
خليني  اغفه  بحجرك
                واشبع بچي بحماك
باچر يسيل اعله الترب
                 يابويه نزف ادماك
خليني  اشم نحرك واريد
                   ابابي اون ونعاك
.
من هم مسيله...جرح العليله
.
.
.
جاوبها لكن بس  حچه
                  سال  الدمع مدرار
يابويه  بعيونچ  اشوفن
                     دمعه  تلهب  نار
گالتله حيل اعله  الصدر
                    ظمني يبو الابرار
خلي على ضلعي اثر 
                 ضلعك يظل تذكار
.
شنهي بديله...جرح العليله
.
.
.
شهگت نفس من منحره
                  چواها بالإحساس
چنك يا بويه  ما  ترد
              لا اخوتي.    وعباس
يخبرني ضلعك بالحوافر 
                   عالترب  تنداس
لا خوله ترجع لا رقيه
             وعمتي بيد ارجاس
.
دمع العقيله....جرح العليله
.
.
.
شرد انعى ونعى بغيبتك 
                    يابويه يالمحبوب
من يا جرح  ابدي يمن
                بيك الخيال ايذوب
من منحرك لو خنصرك 
                لو چبدك المصيوب
من  خاتمك  لو مأزرك
               لو خدرك   المنهوب
.
ونته طويله....جرح العليله
.
.
.
مر اعله خددها بچفه
                يمسح منها دمع العين
ودعها گلها بويه  احملي
                     بعدي  جمر  البين
عنچ  تره بهذا  الفجر 
                يالطاهره.     ماشين
ناداني دين الله ابوجل
                 ادركني ها يحسين
.
يلچم خليله...جرح العليله
.

.
.
لاتنسوني ووالدي من فضل دعائكم المبارك
.
حسن الموالي الفاطمي
.

تبقين انتي وما ترحين
سفره بعيده ومتگدرين
أحنه سفرتنه طويله
وانتي يا بويه عليله


__

صار الصبح واتحضرو
للسفره ابو اليمه وهله
وتجمعت نوگ الضعن
صعدت عليها العايله
لحضة وداع ومؤلمه
من المدينه الكربله
بس طفله ضلت حايره
ما صعدت ويه القافله

طلعتله بنته ورجعاهه
رادت تروح وما خذاهه
تبچي وكسر گلبه بچاهه
شالاهه بيده وسكتاهه

يسكت بيها وهيه تنوح
يگلها بنيتي وبعد الروح
فرگتچ صعبه وثكيله
وانتي يا بويه عليله

____

شابگته وتشم رگبته
وتگله بويه مروتك
ما احمل افراگك انه
تصعب عليه غيبتك
خليني وياكم اروح
افرشلك امصلايتك
بلكن اطيب امن المرض
وبيدي ارتب خيمتك

گلتله اخذني بويه يحسين
الخاطر رقيه يا ضوه العين
ليش آنه أضلن وانتو ماشين
گلها عليله وما تگدرين

شيقنعها الطفله شلون
لو شافتهم الكل يرحون
والضعن قرر رحيله
وانتي يا بويه عليله

_

جاوبها ودموعه تصب
يالفرگتج شلعة گلب
مو بيدي يا بويه الأمر
بأمر الله نمشي هالدرب
يا أغله من روحي علي
هالموقف اعليه صعب
مجبور اعوفنچ انه
خايف عليچ من الحرب

عالمشرعه عمچ إذا طاح
يم النهر وتگطعه الارماح
عمتچ تنادي كافلي راح
يعله الونين وذاك الاصياح

لا آنه ابقه ولا عباس
موقف منه يشيب الراس
هالوضع ماكو مثيله
وانتي يا بويه عليله
___

بعدچ زغيره اعله التعب
يا وردتي يا فاطمه
يالما تحملين العطش
يابويه وينچ والضمه
بالطف علينه تنجمع
زمره لعينه ومجرمه
حته اخوچ البالمهد
يذبحونه ويفيض الدمه


تلتم علينه اسيوف وسهام
الأكبر يروح وبعده جسام
وبطيحتي يحرگون الاخيام
يصيرن خواتچ كلهن أيتام

لو ذبحوني ودمي يسيل
خايف بعدي تدوسچ خيل
الشمر راسي يشيله
وانتي يا بويه عليله

__

يذبحونه راسي من الگفه
بالطف إذا صار الظهر
لو حرگو الخيمه العده
خايف يچويج الجمر
شتردين اسولفلچ بعد
عن السبي وضيم اليسر
وضرب السياط اعله المتن
وكسر الذي ما ينجبر

ضرب السياط ايجرح الاخدود
وانتي يبويه بعمر الاورود
لا آنه لا عباس موجود
بس رحمة الله وكل شي مسدود


بين اليسوه والما يسوه
ناس بلا ذمه ومروه
تنسبين ويه العقيله
وانتي يا بويه عليله

_

سامي الدراجي

وصل مكتوبها وحاير شگلها تنشدني العليله عن اهلها
ودتلي كلمتين شلونك بويه يحسين
****
اليه ويالحزن عشره واليه بكل جرح ذكره تهد حيلي
اليه بنيه عايفها عليله وتبجي شايفها بجرح ليلي
ركضت ورانه وصاحت اخذوني
كل حيل بيه وطِبت شوفوني
بالدار وحدي لا تخلوني
يابويه منكم لا تحرموني

عفتها ورجعت ودمعتها بالعين الله وياك صاحت بويه يحسين
اجتني كربله منين شلونك بويه يحسين
****
وصل مكتوب من عدها شرح كل دمعه البخدها وبچي الحرگه
بگلب مجروح كاتبته بغيابي الويل شايفته وألم فرگه
كتبت عتبها بألم غربتها
ومشتاگه الك مجروحه كتبتها
بنيتك عليله وصعبه حالتها
ماحن دليلك تجي الشوفتها

مارد طارش وطولتو الغياب ويوميه انتظركم بويه بالباب
الاكبر والگمر وين شلونك بويه يحسين
***
تسأل عن علي الاكبر ارجع گال وتأخر علي شلونه
ماتدري انگطع نحره ألمه والعده اتطشره ويضيعونه
مگطعينه ونظرله وصل صاير
واشلون اجمعه من الترب حاير
وبصدره اثر رمح واثر حافر
ابني علي ضيعته بالعاشر

لميته بحصيره من تطشر وعلى الدنيه العفه بعدك يالاكبر
شداوي جرح جرحين شلونك بويه يحسين
****
بعد ما سولفت همها بدت تسألني عن عمها وشگللها
تحب عباس ويحبها ومثل ابنيته يحسبها ويحن الها
ماتدري بيه مگطوعه جفينه
وماتدري صابو بالسهم عينه
اهواي اخوي العده مگطعينه
وعباس طوله الحلو مگصرينه

راسه بالعمد مهشوم شفته وتبده الماي من صابو جربته
گضه ماعنده جفين شلونك بويه يحسين
****
تگلي شلونه عبدالله حرت وتوجهت ل الله وجرت عيني
ماتدري انذبح ضامي ورجعت ومنحره الدامي يناغيني
صابه السهم وتگطع اوريده
ومن شدت اصوابه فتح ايده
هد حيلي عبدالله بچه بهيده
شحال البحضنه ايفرفح اوليده

تسأل عن رقيه بگلب حاير ما تدري بخرابه تموت باجر
بعد متشوفها العين شلونك بويه يحسين
***
بدت تسألني عالقاسم شگلها وذبحته الوادم وگضه عرسه
بشابه ماتهنه وراح ولا جفه تحنه وطاح اختفت شمسه
شلونك تگلي وبيه ماتدري
ما باقي ساعه وينگطع نحري
ومن الحوافر ينخسف صدري
وعالرمح راسي والنحر يجري

تروح الخيل مني الحرگ الخيام وزينب عالهزل يسبوها للشام
سكنه والنساوين شلونك بويه يحسين
***
تمت
ميثم العمري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

محرم نزال

صرخه من الخيمه للكفيل
نوح وعويل  .... دمعت جمر
يابوفاضل ياضوه الخيام
رد ابسلام   ... صوب الخدر
ارجع النه واترك الفرات
حزن البنات  .... ماينگدر
ياعذب عوف العذب بعيد
يمنه نريد  ....  تبقه العمر

والله العطش ارحم تره
ولا تطلع الهاشم مره
نحمل ضمه وحر الشمس
وينك يسبع الگنطره

عباس خويه  خويه   عباس
،،،،،،،،،،،،،،،،،،،،،،،،،،،،،،،،،،،،
صرخه صارت للحزن نشيد
وبيها نعيد   ....  طول الدهر
من رقيه العمها بالدموع
تبجي وتلوع  .... شبعت قهر
من صفيه وعاتكه ابأنين
حزن السنين .... كسرة ضهر
من سُكينه وخوله والجروح
ماخله روح  .... فگد الگمر

صرخت يتامه من الضمه
بجت ملائكت السمه
من زينب العاشت قهر
بلا حامي بت حامي الحمه

عباس خويه  خويه   عباس
،،،،،،،،،،،،،،،،،،،،،،،،،،،،،،،،،،
يابوفاضل مو وكت تطيح
زينب تصيح ....  ارجع الي
ياحلم خيمتنه يالحنين
زاد الونين  .... طاحت هلي
وين اروح ومابقالي حيل
والدنيه ليل  .... ماضل ولي
يابوفاضل ينسبي الدلال
هزله وحبال .... واندب علي

من زغري عاشرت الوجع
يابوالفضل ضهري انگطع
من البواجي البالخيم
موشيله لا گلبي النگع

عباس خويه  خويه   عباس
،،،،،،،،،،،،،،،،،،،،،،،،،،،،،،،،،،،،
ياگلب يتحمل العناء
في كربلاء .... ضيم وحزن
غربه وعيون الحرم تخاف
ضعن العفاف .... فاگد وطن
بت علي محتاره بالبنات
والأمنيات  ....  فوگ الضعن
كلها غربه وياجرح يطيب
يسبي الغريب  .... اخت الحسن

باجر سبي وضيم الدرب
صوط الشمر رايد گلب
يابالفضل تكلف تره
بنت النبي ابين الغرب

عباس خويه  خويه   عباس
العبد ابوفايز الرافضي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي